Тиамин хлориді - Дарница (В1 Дәрумені - Дарница) раствор 5%

Бір мл ерітіндінің құрамында белсенді зат: тиамин гидрохлориді - 50 мг қосымша заттар: унитиол, инъекцияға арналған су Сыртқы түрінің, иісінің, дәмінің сипаттамасы Өзіне тән әлсіз иісі бар түссіз мөлдір немесе аздап сарғыштау сұйықтық

- B1 гиповитаминозы мен авитаминозында - невриттер мен полиневриттерде, радикулиттерде, невралгияларда, шеткері салдануларда, энцефалопатияда, неврастенияда - асқазан мен 12 елі ішектің ойық жаралы ауруында, ішек атониясында, бауырдың созылмалы зақымдануларында - миокард дистрофиясында, эндартериитте - шығу тегі нейрогенді дерматоздарда, пиодермияда, экземада, псориазда - Бери-бери, тұтынылатын тағамда B1 дәруменінің жетіспеушілігіне түрткі болатын және оның клиникалық белгілері көз симптомдарын, қозғалыс үйлесімділігінің бұзылуын (атаксия), ісінуді, жедел жүрек жеткіліксіздігін және шеткергі жүйке жүйесінің зақымдануын (шеткергі нейропатия) қамтиды. - Вернике-Корсаковтың энцефалопатиясы, бұл В1 дәрумені жетіспеушілігінің күрделі белгісі болып табылады. Бұл тамақпен бірге қанға енетін В1 дәруменінің өтуіне кедергі келтіретін бірнеше жағдайлардан туындауы мүмкін. Көбінесе бұл созылмалы алкоголизм кезінде пайда болады, бірақ сондай-ақ: - жүктілікке байланысты ұзақ құсу, - мальабсорбция синдромы, - В1 дәруменініқосусыз парентеральді тамақтану, - психикалық анорексия, - аш ішектің бір бөлігінің қабынуы (аймақтық энтерит), - диализ, - тиреотоксикоз, - нитроглицеринмен жоғары дозада венаішілік емдеу, - гастропластикадан туындауы мүмкін.

Әсер ету механизмі В1 дәрумені зат алмасуда және жүйкелік-рефлекторлы реттеуде маңызды рөл атқарады, синапстарда жүйке қозуының өтуіне ықпал етеді, ганглиобөгегіштік және кураре тәрізді әсері бар. Препарат деполяризациялаушы бұлшықет релаксанттарының кураре тәрізді әсерін әлсіретуі мүмкін. Фармакодинамикалық әсерлері Тиамин хлориді-Дарница – В1 дәруменінің синтетикалық препараты суда еритін дәрумендерге жатады. Адам организмінде фосфорлану үдерістерінің нәтижесінде көптеген ферменттік реакциялар коферменті болып табылатын кокарбоксилазаға айналады. Тиамин тармақталған аминқышқылдарының трансаминациясы нәтижесінде алынған пируваттың, альфа-кетоглутараттың және альфа-кето қышқылдарының тотығу декарбоксилденуінде тиаминпирофосфат түрінде коэнзим рөлін атқарады. Тиамин пирофосфаты сонымен қатар пентозофосфат циклінің негізгі ферменті болып табылатын транскетолаза коферменті болып табылады. Ақырында, тиамин пирофосфатта нейротрансмиттерлер функциясы бар деп саналады. Клиникалық тиімділік және қауіпсіздік Қолжетімді әдебиеттерде табылған жоқ. Балалар Қолжетімді әдебиеттерде табылған жоқ.

Дозалау режимі Ересектерге В1 дәрумені 5-тен 100 мг-ге дейін күніне 3 рет бұлшықет ішіне немесе бірнеше күн бойы баяу вена ішіне енгізіледі. Содан кейін күніне 2,5-тен 5 мг-геа дейін B1 дәруменінің демеуші дозасы пероральді Вернике энцефалопатиясы жағдайында ұсынылатын бастапқы доза әдетте вена ішіне В1 дәруменінің 100 мг құрайды. Бұл дозадан кейін күніне 50-ден 100 мг-ге дейін венаішілік немесе бұлшықетішілік доза жүреді және пациент тұрақты және теңгерімді тамақтануды қалпына келтіргенге дейін болады. B1 дәруменінің күніне 100-ден 200 мг-ге дейінгі дозасы 3 күн бойы осы энцефалопатияны емдеу үшін ұсынылады. Кейбір жағдайларда алғашқы 12 сағат ішінде 1000 мг дейінгі дозалар қажет болды. 8 жастан асқан балаларға. Күніне 10-нан 25 мг-ге дейін В1 дәрумені бұлшықет ішіне немесе баяу вена ішіне. Енгізу әдісі және жолы Дәрілік затты қажет болған жағдайда вена ішіне (баяу) немесе бұлшықет ішіне (бұлшықетке терең) тағайындалады (әйтпесе мүмкіндігінше пероральді жолды таңдаған жөн). (Баяу) вена ішіне енгізу жағдайында препарат ерітіндісін алдымен 5% глюкоза немесе 0,9% натрий хлориді сияқты тиісті стерильді ерітіндіде сұйылту керек. Инъекцияны баяу, 10 минут бойы жасау керек. Бұлшықет ішіне енгізу үшін сұйылтылмаған препаратты қолдану керек. Тамырішілік инъекциялардан аулақ болыңыз. Бұлшықет ішіне терең енгізуді үлкен бұлшықет массасына (бөксенің жоғарғы, сыртқы квадранты немесе жамбастың бүйір бөлігінде) жасау керек. Дозаны енгізер алдында иненің қан тамырында жоқ екеніне көз жеткізу үшін аспирация жасау керек. Егер қан аспирацияланса, инені алып тастап, басқа жерге инъекция жасау керек. Қайталанған дозаларда ешқашан препаратты бір жерге енгізбеңіз. Дәрілік препараттың бір немесе бірнеше дозасын өткізіп алу кездегі қажетті шаралар Дәрілік зат емдеу мекемесі жағдайында қолдануға арналған. Өткізіп алған дәрілік заттың орнын толтыру үшін қосарлы дозаны қабылдамаңыз. Препаратты қолдану бойынша сұрақтар болған жағдайда емдеуші дәрігерге жүгініңіз. Тоқтату симптомдары қаупінің барын көрсету Аталған дәрілік затқа қатысты емес. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Әрқашан препаратты қосымша параққа немесе емдеуші дәрігердің ұсынымдарына сәйкес қабылдаңыз.

- әсер етуші затқа немесе қосымша заттардың кез келгеніне аса жоғары сезімталдық - аллергиялық аурулар - идиосинкразия - әйелдердегі климакс алдындағы және климактериялық кезең - 8 жасқа дейінгі балалар.

Барлық дәрілік препараттар тәрізді препарат жағымсыз реакцияларды тудыруы мүмкін, бірақ олар барлығында пайда болмайды. Жиі емес - қышыну Сирек - гиперемия, дерматит, бөртпе, есекжемді қоса аса жоғары сезімталдық реакциялары, Квинке ісінуі, құрысулары бар бронх демікпесінің ұстамалары, анафилаксиялық шок - жалпы бұзылулар: қатты терлеу, қалтырау, тремор, жалпы әлсіздік, ісінулер, қызба, инъекция орнындағы реакциялар: бөртулер, қышыну; - тыныс алудың бұзылуымен, қышынумен, шокпен және іштің ауырсынуымен ауыр анафилактоидты реакциялар препаратты енгізу жолына қарамастан, әдетте 25-тен 100 мг-ға дейінгі диапазонда, 7 күннен астам аралықпен жоғары дозаларды бірнеше рет қабылдағаннан кейін. Бұл реакцияларға дейін жиі түшкіру немесе өтпелі қышулар бұрын болған. Ауыр анафилактоидты реакциялардың осы қаупін ескере отырып, тиаминді парентеральді енгізуді өте маңызды жағдайларда ғана қолдану, және мұндай жағдайларда осы реакцияларды емдеу үшін қажетті барлық шұғыл медициналық көмек көрсету жабдығы болуы ұсынылады. Өте сирек - тахикардия, жүрек қағуын сезіну - коллапс - бас ауыру, бас айналу, мазасыздық, парастезиялар - көру жүйкесінің зақымдануы - тыныс алу қиындауы, ентігу - жұтудың қиындауы, жүрек айнуы, ішек геморрагиялары - бауыр ферменттері белсенділігінің бұзылуы - синаптоплегия құбылыстары – тиаминнің әр түрлі медиаторлармен кешендер түзу қабілеті артериялық қысымның төмендеуімен, жүрек аритмияларының пайда болуымен, қаңқа (соның ішінде, тыныс алу) бұлшық еттері жиырылуының бұзылуымен, орталық жүйке жүйесінің бәсеңдеуімен қатар жүруі мүмкін; тиамин хлориді стафилококктың антибиотиктерге төзімділігінің қалыптасуына ықпал етеді. Белгісіз (қолда бар деректер негізінде бағалау мүмкін емес) - жанаспалы дерматит Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз: Қазақстан Республикасы Денсаулық сақтау министрлігі медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: препараттың жағымсыз әсерлері симптомдарының күшеюі мүмкін. Гиперкоагуляция, пуриндік алмасудың бұзылуы жоққа шығарылмайды. Емі: препаратты тоқтату, симптоматикалық ем.

Тиамин хлориді бір шприцте араластырмаған жөн: - бензилпенициллинмен немесе стрептомицинмен, себебі бұл антибиотиктерді ыдыратады; - никотин қышқылымен немесе құрамында сульфит бар ерітінділермен, өйткені бұл тиаминнің бұзылуына әкеледі; - карбонаттармен, цитраттармен, барбитураттармен, Cu2+ , йодидтермен, темір-аммоний цитратымен, танин қышқылымен, өйткені тиамин сілтілік және бейтарап ерітінділерде тұрақсыз. Арнайы ескертулер • Тиаминді парентеральді енгізгеннен кейін анафилаксиялық реакциялар, тіпті шок пайда болуы мүмкін. Бұл реакциялар сирек және күтілмейді. Алайда, қайта қолданған кезде олардың қаупі артады. Сондықтан енгізер алдында тиаминге аса жоғары сезімталдықты тексеру ұсынылады. Тиаминге аса жоғары сезімталдыққа күдік бар пациенттерге теріішілік тестілік доза. Анафилаксиялық реакцияларды жедел емдеуге арналған медициналық жабдықтар әрқашан қол жетімді болуы керек. Венаішілік инъекцияларды баяу енгізу керек (кем дегенде 10 минут). • 50 мг тиамин инъекциясынан кейін уытты реакциялар және 100 мг тиамин в/і енгізгеннен кейін кем дегенде 1 кенет өлім туралы хабарланды. • Тиамин жүйке-бұлшықет блокаторларының әсерін күшейтуі мүмкін. • Егер ерітінді мөлдір болмаса, пайдаланбаңыз. • Жылдам енгізген немесе инъекцияның мөлшері көп болса, әдетте, инъекция немесе тромбофлебит орнында тітіркену немесе некроз қаупі бар. Тромбофлебит қаупін азайту үшін әр 24 сағат сайын енгізу орнын өзгерту ұсынылады. • Бұл дәрілік ерітіндінің құрамында микробқа қарсы консерванттар жоқ, сондықтан ампуланы ашқаннан кейін микроорганизмдердің көбеюіне жол бермейді. • Бұл дәрілік ерітінді және құрамында осы дәрілік ерітінді бар кез келген шприц тек бір реттік және жеке пайдалануға арналған. Педиатрияда қолдану Балаларға әдетте тиамин хлоридінің 2,5 % ерітіндісін қолданады. 8 жастан асқан балаларға 5 % ерітіндіні енгізуге болады. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Емделу кезеңінде жүйке жүйесі тарапынан жағымсыз әсерлерінің даму мүмкіндігіне байланысты көлік құралдарын басқару немесе күрделі механизмдермен жұмыс істегенде сақ болған жөн.

Препараттың жүктілік немесе емшек емізу кезеңінде көрсетілімдер бойынша ұсынылатын дозаларда қолданылуы мүмкін.

Тиамин жүйке-бұлшықет блокаторларының әсерін күшейтуі мүмкін. Тиамин несеп қышқылын фосфовольфрам әдісімен анықтауда және уробилиногенге Эрлих реагентімен несептің тамшылату тестінде жалған оң нәтиже беруі мүмкін деп хабарланған. Тиаминнің жоғары деңгейі Schack & Waxler бойынша қан плазмасындағы теофиллинді спектрофотометриялық анықтауға кедергі келтіреді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!