Тигераза® раствор 2.5 мг/2.5 мл

1 полимерлі (2,5 мл) ампуланың iшiнде белсенді зат - 2,5 мг дорназа альфа*, қосымша заттар: натрий хлориді, кальций хлориді дигидраты, инъекцияға арналған су. * - 1 мг дорназа альфа 1000 ӘБ сәйкес келеді. Сыртқы түрінің, иісінің, дәмінің сипаттамасы Мөлдір түссіз немесе сарғыш түсті ерітінді.

Өкпенің қарқынды тіршіліктік сыйымдылығының (ӨҚТС) қалыптан 40% кем емес көрсеткіші бар пациенттерде муковисцидозды стандартты еммен біріктірілімде симптоматикалық емдеу үшін.

ATХ коды R05CB13 Әсер ету механизмі Тигераза биологиялық ұқсас препарат болып табылады. Белсенді зат, дорназа альфа (ДНаза) рекомбинантты адамның дезоксирибонуклеазасы - жасушадан тыс ДНҚ ыдырататын адам ферменті болып табылады. Муковисцидозбен ауыратын науқастардың тыныс жолдарында тұтқыр іріңді секреттің жинақталуы сыртқы тыныс алу функциясын бұзады және инфекциялық үрдістің өршуіне ықпал етеді. Іріңді секретте жасушадан тыс ДНҚ — тұтқыр полианионның көп мөлшері бар, олар инфекцияға жауап ретінде жинақталатын бұзылатын лейкоциттерден босап шығады. Фармакодинамикалық әсерлері Қақырықтағы гликопротеиндердің көп мөлшері «шатасқан желі» талшықтарын түзумен агрегациялайды деген болжам бар. Зерттеулерге сәйкес, нейтрофилдер іріңді секретке бөлетін ДНҚ көп мөлшері секреттің тұтқырлығын елеулі арттырады, ДНҚ молекулалары осы «шатасқан желінің» түзілуіне ықпал етуі мүмкін. Жануарларға жүргізілген зерттеулер қақырықтың тұтқырлығының төмендеуі өкпедегі цилиарлы тасымалдаушының тиімділігіне ықпал ететінін көрсетті. In vitro зерттеу кезінде препараттың МВ ауыратындардан алынған қақырықтың тұтқыр-серпімді қасиеттеріне әсері бағаланды. Өлшеу сандық вискозиметрия арқылы жүргізілді. Қақырықтың тұтқыр-серпімді сипаттамаларының құлауы препараттың мл 1-ден 20 мкг-ге дейінгі ауқымда дозаға тәуелді сипатта болды, қақырықтың тұтқыр-серпімді сипаттамаларының 50% астам құлауы препараттың 2-4 мкг/мл концентрациясы кезінде байқалды. Препараттың ұқсас концентрациясы 2,5 мг препаратты енгізген кезде МВ бар пациенттерде қақырықта 15 минуттан кейін байқалды. Клиникалық тиімділігі және қауіпсіздігі МВ кезінде өкпенің зақымдануындағы ең елеулі мәселе өмірдің ерте сатысында басталатын тыныс алу жолындағы созылмалы қабыну және инфекциялық үрдіс болып табылады. РчДНаза ингаляциясы МВ кезінде қақырықтың тұтқырлығы мен беткейлі адгезивтілігінің төмендеуіне әкеледі. Тұтқырлығы аз қақырық өкпеден мукоцилиарлы клиренс және жөтел арқылы оңайырақ шығарылады. Көптеген клиникалық зерттеулер рчДНаза жеңіл немесе орташа ауырлықтағы өкпе зақымдануы бар МВ бар пациенттерді емдеудің тиімді дәрісі болып табылатынын көрсетті. Бұл өкпенің функциясын жақсартады және ересектер мен МВ зардап шегетін балаларда өршу жиілігін азайтады. РчДНазаны қолданумен байланысты жағымсыз реакциялар сирек кездеседі. Дорназа альфаның қауіпсіздігі 50 дені сау еріктілерде I фазаның бір орталықты ашық рандомизацияланған зерттеуінде дәлелденді. Зерттелетін Тигераза препараты және Пульмозим® салыстыру препараты зерттелетін қауіпсіздік параметрлері бойынша салыстырмалы болды. Зерттеуде тіркелген барлық ЖҚ: I топта (Пульмозим®) 1 (10,0%) және II топта (Тигераза) 9 (90,0%) жеңіл дәрежеде болды және қабылданатын препаратпен байланысы болмады. MedDRA терминологиясы бойынша II топта (Тигераза) белгіленген ЖҚ негізінен «Зертханалық және аспаптық деректер» айдарымен жіктелді. Топтар арасындағы салыстыру жағымсыз құбылыстардың даму жиілігі бойынша топтар арасында статистикалық елеулі айырмашылықтарды анықтаған жоқ. Препарат-оригинатордың клиникалық зерттеулерінің нәтижелері дорназа альфаны қолдану қауіпсіз екенін дәлелдейді. РчДНазаны 1 ай бойы қолдану МВ кезінде өкпе функциясының жақсаруымен қатар жүреді; 6 айға созылған зерттеулерден алынған нәтижелер ұқсас әсерді көрсетеді. Препаратпен емдеу 2 жыл бойы балаларда ОФВ1 айтарлықтай жақсаруына әкелді, сондай-ақ инфекциялық асқыну қаупінің елеусіз төмендеуі байқалды. Ашық проспективті көп орталықты рандомизацияланған салыстырмалы 24-апталық зерттеу барысында (100 пациент) алынған МВ бар пациенттердегі Тигеразаның тиімділігі туралы қолда бар деректердің негізінде препарат Пульмозим® препарат-оригинаторға ұқсас тиімділігі мынадай параметрлер бойынша: ОФВ1 және ӨҚӨС өзгеруі, созылмалы өкпе ауруының асқыну саны, созылмалы өкпе ауруының өршуіне дейінгі күндер саны, зерттелетін кезеңдегі дене салмағының өзгеруі, сондай-ақ «Симптомдар», «Белсенділік», «Әсер ету», сондай-ақ Әулие Георгий госпиталінің респираторлық аурулары бар науқастарға арналған сауалнаманың орташа жалпы баллы субшкалалары бойынша орташа балдың өзгеруі, 2.2 нұсқа. Емдеудің екі тобын салыстыру қауіпсіздік параметрлері бойынша топтар арасында айтарлықтай айырмашылықтарды анықтаған жоқ. Емдеудің екі тобындағы ЖР бар пациенттердің үлесі ұқсас болды және 6,0% құрады. Тіркелген ЖР ағзалар жүйесінің келесі кластарында байқалды: инфекциялық және паразиттік аурулар (1,0%), зертханалық және аспаптық деректер (1,0%), тыныс алу жүйесі тарапынан бұзылулар, кеуде қуысы және көкірекортасы ағзалары тарапынан бұзылулар (4,0%). 5.1.1. Балалар Патологиялық анатомия, таралу фармакокинетикасы және тиімділікті кейбір пилоттық зерттеулер деректерін қоса, барлық клиникалық көрсеткіштер рчДНазаны қолдану 5 жастан кіші МВ бар пациенттерге де пайда әкеледі деп болжауға мүмкіндік береді. 5 жасқа дейінгі МВ бар пациенттерде жеткілікті статистикалық қуатпен плацебо-бақыланатын зерттеулер жүргізу қиын. Дегенмен, препараттың қауіпсіздігі мен тиімділігін анықтау үшін, әсіресе нәрестелерде, осындай зерттеулер жүргізу қажет. Кіші жастағы МВ бар пациенттерде дорназа альфаны қолдану өкпенің функциясын оңтайлы деңгейде сақтау, жедел және созылмалы инфекцияның даму қаупін азайту, сондай-ақ өкпенің қайтымсыз зақымдануының дамуын бәсеңдету үшін барған сайын кеңейе түсуде. Препаратты қолданудың ерте басталуы кез келген дәрілік препараттың өкпенің қайтымсыз зақымдануына әсер ету ықтималдығының аз болуын ескере отырып, кем дегенде, препаратты неғұрлым кеш мерзімде қолдану сияқты тиімді өкпе функциясын сақтайды деп күтілуде. Сондықтан препаратты ұзақ уақыт қолданудың ең айқын әсері ең жас пациенттерде байқалады. Препаратты 5 жастан кіші пациенттерде қолдану, кем дегенде, егде жастағы пациенттердегідей қауіпсіз. Осылайша, 5 жастан кіші МВ бар пациенттерде дорназа альфаны қолдану қаупі мен пайдасының арақатынасы, кем дегенде, егде жастағы пациенттердегідей оң болады.

Дозалау режимі 2,5 мг дорназа альфа (1 полимерлі ампуланың ішіндегі) тәулігіне 1 рет. Енгізу әдісі және жолы Ингаляциялық, сұйылтусыз, джет-небулайзер көмегімен. («Ингаляция ережелері» бөлімін қараңыз). Тигераза® небулайзер ыдысында сұйылтуға немесе басқа препараттармен немесе ерітінділермен араластыруға болмайды. Препаратты басқа дәрілік заттармен араластыру дорназа альфаның жағымсыз құрылымдық және/немесе функционалдық өзгеруіне әкелуі мүмкін. Ингаляция жүргізу ережелері Тигераза® препаратымен ингаляцияны компрессоры бар көп рет пайдаланылатын джет-небулайзердің көмегімен жүргізеді. Ультрадыбыстық небулайзерлер қолданылмайды, өйткені олар препараттың әсер етуші затының белсенділігін жоюы мүмкін немесе сұйықтықтың қажетті бүрку дәрежесін қамтамасыз ете алмауы мүмкін. 1. Төменде сипатталған емшараларды жүргізер алдында қолды мұқият жуады. 2. Өндіруші-фирманың нұсқаулықтарына сәйкес небулайзерды жинайды және мүштікті немесе респираторлық масканы қосады. 3. Полимерлі ампуланы, қайшымен жоғарғы бөлігін кесе отырып, ашады. Ішіндегісін небулайзердің арнайы ыдысына құяды. 4. Мүштікті ауызға салады, оны ерінді тығыз жаба отырып, тіспен қысады. Респираторлық масканы оны бетке тығыз баса отырып, киеді. Ингаляция кезінде аузымен тыныс алу қиын болған пациенттер тек респираторлық масканы пайдалана алады. 5. Компрессорды қосады. 6. Олар аузымен терең және біркелкі дем ала бастайды, демін екі секунд ұстап, мұрын арқылы дем шығарады. 7. Ингаляциялық емшараны бүкіл препаратты пайдаланғанға дейін (аэрозольді үзік-үзік берудің басталуы) жалғастырады. 8. Компрессорды өшіреді. 9. Ауызды қайнаған сумен шаяды. Респираторлық масканы пайдаланғанда көзді және бетті сумен жуады. 10. Небулайзерді бөлшектейді. 11. Өндіруші фирманың нұсқаулығына сәйкес жүйенің бөлшектерін жуады және кептіреді. 12. Пациенттер өндіруші-фирманың небулайзерді пайдалану және күту жөніндегі нұсқаулығының талаптарын сақтағаны жөн. Муковисцидоз диагнозы бар пациенттерге емдеудің оңтайлы нәтижесіне қол жеткізу үшін келесі қосымша сипаттамалары бар ингаляторларды пайдалану ұсынылады: ● ингаляциялық дәрілік заттардың жоғалуын азайтуға мүмкіндік беретін арнайы дем алу және дем шығару клапандарының болуы; ● ингаляция кезінде баяу және терең тыныс алуды қамтамасыз ету үшін тыныс алу қуатын бақылау жүйесінің болуы, бұл тыныс алу жолында дәрі-дәрмектік аэрозольдің жақсы тұнынуына және бірқалыпты таралуына ықпал етеді; ● бүріккіштің барлық құрамдас бөліктерін бірнеше рет термиялық дезинфекциялау мүмкіндігі. Препаратты орталық және ұсақ бронхтарға жеткізуді қамтамасыз ету үшін мөлшері 5 мкм кем аэрозоль бөлшектерінің үлесі кемінде 64%, аэрозольдің шығуы кемінде 500 мг/мин құрауы тиіс. Ескертулер: • Алғашқы пайдаланар алдында небулайзердің өндіруші-фирманың нұсқаулығына сәйкес дезинфекцияны және дұрыс жұмыс істеуін тексеруді жүргізеді. • Емшара алдында тыйым салынады: қақырықты түсіретін препараттарды қабылдау, ауызды антисептикалық ерітіндімен шаю (калий перманганаты, сутегі асқын тотығы, бор қышқылы). • Ингаляцияға дейін және одан кейін 1 сағат бойы темекі шегу ұсынылмайды. • Ингаляцияны отырып, арқаны түзу ұстап, тыныс алуды қиындатпайтын және кедергі келтірмейтін киімде жүргізеді. • Бас айналу пайда болған кезде ингаляциялық емшараны тоқтату керек. Қабылдау уақытын көрсетумен қолдану жиілігі Препаратты қолдану режимін емдеуші дәрігер анықтайды. Емдеу ұзақтығы Тұрақты күнделікті қолдану. Препараттың қолдану ұзақтығын емдеуші дәрігер анықтайды. Дәрілік препараттың бір немесе бірнеше дозасын жіберіп алғанда қажетті шаралар Препаратты дәрігер белгілеген режимге сәйкес қабылдауды жалғастыру керек. Тоқтату симптомдарының болу қаупіне нұсқау Препаратты тоқтату симптомдарының жағдайлары тіркелмеген. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Ингаляцияны жүргізу кезінде қиындықтар пайда болса, медицина қызметкерінің көмегіне жүгіну ұсынылады.

Препаратқа немесе оның компоненттеріне жоғары сезімталдық.

Дорназа альфамен емдеу кезінде жағымсыз реакциялар сирек (1000 адамға шаққанда 1 жағдайдан кем) пайда болады, көптеген жағдайда айқындылығы аз, өтпелі сипатта және дозаны түзетуді қажет етпейді. Тигераза® препараты үшін тіркелген жағымсыз реакциялардың тізбесі төменде ұсынылған. Көру мүшесі тарапынан: конъюнктивит. Тыныс алу жүйесі, кеуде қуысы және көкірекортасы ағзалары тарапынан: дауыстың өзгеруі, ентігу, фарингит, ларингит, ринит (барлығы инфекциялық емес), тыныс алу жолдарының инфекциялары, соның ішінде Pseudomonas туындатқан, бронх секретінің ұлғаюы. Асқазан-ішек бұзылыстары: диспепсия. Тері және тері асты шелі тарапынан: бөртпе, есекжем. Жалпы бұзылыстар және енгізу орнындағы бұзылыстар: кеуде қуысының ауыруы (плевралық/кардиогендік емес), пирексия, бас ауыруы. Зертханалық және аспаптық зерттеулердің нәтижелеріне әсері: тыныс алу функциясы көрсеткіштерінің төмендеуі. Муковисцидоз симптомдарымен сәйкес келетін жағымсыз құбылыстар пайда болатын пациенттер, әдетте, дорназа альфамен емдеуді жалғастыра алады. Әдеби деректерге сәйкес, дорназа альфамен емдеуді толығымен тоқтатуды туындатқан жағымсыз құбылыстар пациенттердің өте аз санында байқалды, ал емді тоқтату жиілігі плацебо (2%) және дорназа альфа (3%) тағайындаған кезде бірдей болды. Дорназа альфаға антиденелер пациенттердің 5% кемінде кездеседі, бірақ олардың ешқайсысында олар IgE класына жатпады. Дорназа альфаға антиденелер пайда болғаннан кейін де өкпе функциясы көрсеткіштерінің жақсаруы байқалды. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дорназа альфаның артық дозалану жағдайлары тіркелген жоқ.

Жүктілік кезінде, бала емізу кезеңінде сақтықпен қолдану керек. Арнайы ескертулер Педиатрияда қолдану Тигераза® препаратын 18 жасқа дейінгі балаларда қолдану тәжірибесі шектеулі. 18 жасқа толмаған муковисцидозы бар балада Тигераза® препаратын тек емдеуші дәрігердің тағайындауы бойынша, өкпе функциясын жақсарту немесе тыныс алу жолдарының инфекцияларының пайда болу қаупін азайту мақсатында қолдануға болады. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Дорназа альфаның пациенттің автомобильді басқару және механизмдермен жұмыс істеу қабілетіне әсері туралы деректер жоқ.

Тигераза® жүкті әйелдер үшін қауіпсіздігі анықталмаған. Дорназа альфаны жануарларға жүргізілген зерттеу тератогенділікті, фертильділіктің бұзылуын немесе ұрықтың дамуына әсерін көрсеткен жоқ. Тигераза® препаратын жүктілік кезінде сақтықпен және ана үшін пайда шарана үшін потенциалды қауіптен жоғары болған жағдайда ғана тағайындау керек. Дорназа альфа емшек сүтіне өтетін-өтпейтіні белгісіз. Бала емізетін аналарға сақтықпен тағайындау керек. Дорназа альфаның жоғары дозаларын вена ішіне қабылдаған емізетін Сynomolgus макакаларда ана сүтіндегі дорназа альфаның елеусіз мөлшері (сарысудағы мөлшері 0,1% кем) анықталды. Дорназа альфаның ең аз жүйелік сіңуін ескере отырып, әйелдерде емшек сүтіндегі дорназа альфаның өлшенетін концентрациясын күтпеген жөн.

Дорназа альфа муковисцидозды емдеуге арналған стандартты препараттармен үйлесімді: антибиотиктер, бронходилататорлар, ас қорыту ферменттері, дәрумендер, ингаляциялық және жүйелі глюкокортикостероидтар мен анальгетиктер.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары • Жарықтан қорғалған жерде, 2°С-ден 8°С-ге дейінгі температурада сақтау керек. Мұздатып қатыруға болмайды. • Балалардың қолы жетпейтін жерде сақтау керек.