Тизин спрей 0,1 %

1 мл құрамында белсенді зат – ксилометазолин гидрохлориді 0,50 мг (0,05%) немесе 1,00 мг (0,1%) қосымша заттар: бензалконий хлориді, сұйық сорбитол 70 %, натрий хлориді, натрий дигидрофосфат дигидраты, динатрий гидрофосфат дигидраты, динатрий эдетаты, тазартылған су. Сипаттамасы Иіссіз немесе жеңіл байқалатын өзіне тән иісі бар мөлдір түссіз ерітінді.

- этиологиясы әртүрлі тұмаурату - мұрынның қосалқы қойнауларының қабынуы (секреттің бөлініп шығуын жеңілдету үшін) - ортаңғы отит (мұрын-жұтқыншақ шырышының ісінуін азайту үшін) - науқасты мұрын жолдарындағы диагностикалық манипуляцияларға (риноскопия) дайындау.

Ксилометазолин (имидазол туындысы) – альфа-адренергиялық белсенділігі бар симпатомиметикалық препарат. Ол қантамырларын тарылтатын әсер береді және шырышты қабықтың ісінуін азайтады. Әсері әдетте 5-10 минут ішінде басталады. Препарат шырышты қабықтың ісінуін және гиперемиясын азайту есебінен мұрынмен тыныс алуды жеңілдетеді, сондай-ақ бөліністердің шығуын жақсартады.

Дозалау режимі Ересектер мен 12 жастан асқан балаларға арналған 0,1% спрей: Әр мұрын жолына 1 рет бүрку керек. Қажет болғанда емшара қайталанады, бірақ тәулігіне 3 реттен асырмайды. Соңғы рет қолданылуы дәл ұйықтар алдында жасалғаны дұрыс. Ересектер және 12 жастан асқан балаларға арналған 0,05% спрей: Әр мұрын жолына 2 рет бүрку керек. Қажет болғанда емшара қайталанады, бірақ тәулігіне 3 реттен асырмайды. Соңғы рет қолданылуы дәл ұйықтар алдында жасалғаны дұрыс. Доза пациенттің жеке сезімталдығына және клиникалық әсеріне байланысты. Препаратты қатарынан 7 күннен асырмай қолдану керек, өйткені ұзақ қолданудан дәрі-дәрмектік ринит пайда болуы мүмкін. Енгізу әдісі мен жолы Мұрын ішіне. • Енгізу бойынша жалпы ұсынымдар Қорғағыш қалпақшасын шешіп алу керек. Алғаш қолданар алдында біркелкі «буалдыр» бұлт сияқты көрініс пайда болғанға дейін бүріккіш қондырманы бірнеше рет басады (1 сурет). Құты әрі қарай пайдалануға дайын. Бір рет басып қолдану керек (2 сурет). Препаратты мұрын арқылы деммен тартады. Мүмкіндігінше бүріккіш-құтыны тік қалыпта ұстау керек. Көлденең немесе төмен қаратып бүркуге болмайды. Қолданудан кейін құтыны қалпақшамен жабу керек. Қабылдау уақыты көрсетілген қолдану жиілігі Әрбір мұрын жолына тәулігіне 2-3 рет қолданылады. Күніне 3 реттен артық қолданбаған жөн. Емдеу ұзақтығы Препаратты қатарынан 7 күннен асырып қолдануға болмайды. Емі аяқталғаннан кейін препаратты тек бірнеше күннен кейін ғана қайталап тағайындауға болады. Дәрілік препараттың бір немесе бірнеше дозасын өткізіп алу кезіндегі қажетті шаралар Талап етілмейді. Тоқтату симптомы қаупінің болуына көрсетілім Сипатталмаған. Препаратты қолданар алдында қосымша парақты мұқият оқып шығыңыз, онда сіз үшін маңызды мәліметтер бар. Егер сізде препаратты қолдану тәсілі жөнінде қосымша сұрақтар туындаса, медициналық қызметкерге хабарласыңыз.

• ксилометазолинге немесе қосымша заттардың кез келгеніне жоғары сезімталдық • атрофиялық ринит • құрғақ ринит (rhinitis sicca) • жабықбұрышты глаукома • транссфеноидальді гипофизэктомиядан және ми қабығындағы басқа хирургиялық араласулардан кейінгі жай-күй (анамнезінде) • 12 жасқа дейінгі балалар

Жағымсыз реакциялардың жиілігі келесі жіктеулерге сәйкес келтірілген: өте жиі (≥ 1/10), жиі (≥ 1/100 және < 1/10), жиі емес (≥ 1/1000 және < 1/100), сирек (≥ 1/10000 және < 1/1000), өте сирек (< 1/10000, жеке хабарламаларды қоса) Иммундық жүйе тарапынан бұзылулар: Өте сирек - аса жоғары сезімталдық реакциясы (ангионевроздық ісіну, бөртпе, қышыну) - аллергиялық реакция Жүйке жүйесі тарапынан бұзылулар: • Өте сирек - бас айналуы, Тыныс алу жүйесі, кеуде қуысы және көкірек ортасы ағзалары тарапынан бұзылулар: Жиі - жиі немесе ұзақ қолданған кезде мұрын шырышты қабығының тітіркенуі немесе құрғауы, мұрын шырышты қабығының артрофиясы, ашытып-күйдіру, түшкіру, тәуелділік, гиперсекреция, созылмалы ринит болуы мүмкін Көру мүшесі тарапынан бұзылулар: • Өте сирек - көрудің өтпелі бұзылулары Жүрек тарапынан бұзылулар Жиі емес - жүректің қағуы, жүрек ырғағының бұзылуы, артериялық қысымның жоғарылауы Асқазан-ішек бұзылулары Жиі емес - жүрек айнуы, құсу

Симптомдары: артық дозалану немесе препаратты кездейсоқ ішке қабылдау мынадай симптомдарға әкелуі мүмкін: ОЖЖ бәсеңдеуі (ұйқышылдық, кома), артериялық гипер - немесе гипотензия, сондай-ақ тахикардия және брадикардия. Сонымен бірге жүрек айнуы және құсу сияқты асқазан-ішек жолдары тарапынан бұзылулар пайда болуы мүмкін. Басқа да симптомдарына тері жабынының бозаруы, қатты терлеу, қатты суықтап қалу, миоз, тыныс алу бәсеңдеуі, атаксия және мазасыздық жатады. Емі: симптоматикалық.

Келесі пациенттерге сақтықпен қолдану керек: артериялық қысымы жоғары болса - жүрек-қантамыр аурулары болса - гипертиреозы болса - қант диабеті болса - феохромоцитомасы болса - қуық асты безінің гипертрофиясы болса - МАО тежегіштерімен ем алып жүрсе (сондай-ақ ем аяқталған соң 14 күн ішінде) - симпатомиметикаға айқын реакциясы болса (ұйқысыздық, бас айналуы және т.б.).

ТИЗИН® қантамырларын тарылтатын әсерге ие болғандықтан, жүктілік кезінде қолдану ұсынылмайды. Препаратты бала емізу кезінде қолдануға болмайды, өйткені ксилометазолиннің емшек сүтіне өтетіні туралы нақты деректер жоқ. Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері ТИЗИН® препаратымен ұзақ емдегенде немесе анағұрлым жоғары дозаларда қолданғанда оның жүрек-қантамыр жүйесіне жүйелік әсер етуі мүмкіндігін жоққа шығаруға болмайды, бұл техниканы жүргізу мен қолдану қабілетін нашарлатуы мүмкін.

Транилципромин түріндегі МАО тежегіштерін немесе трициклді антидепрессанттарды бір мезгілде қолдану осы дәрілердің жүрек-қантамырлық әсері салдарынан артериялық қысымның жоғарылауына әкелуі мүмкін. Арнаулы ескертулер Ксилометазолин қабылдайтын QT аралығының ұзару синдромы бар пациенттер, күрделі қарыншалық аритмия дамуының жоғары қаупіне ұшырауы мүмкін. ТИЗИН® 0,05% және 0,1%, басқа да жергілікті қолдануға арналған деконгестанттар сияқты, қатарынан 7 күннен асырып қолданылмайды, өйткені бұл мұрын шырышының ісінуімен бірге жүретін дәрі-дәрмектік ринит пайда болуына әкелуі мүмкін. Препаратты, әсіресе балалар мен егде жастағы адамдарды емдеуде ұсынылған дозасынан асырмау керек. Егер симптомдардың айқындығы сақталса немесе ұлғайған болса, немесе жаңа симптомдар пайда болса, препарат қолданылуын тоқтату және дәрігермен кеңесу қажет. Педиатрияда қолданылуы 12 жасқа дейінгі балаларда қолданылмайды.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Контейнерді бірінші ашқаннан кейінгі қолдану кезеңі 12 ай. Балалардың қолы жетпейтін жерде сақтау керек!