ТИМЕКСОН® раствор 20 мг/мл

Бір миллилитр препараттың құрамында белсенді зат - глатирамер ацетаты, 40 мг қосымша заттар – маннитол, 40 мг, 1 мл дейін инъекцияға арналған су Сыртқы түрінің, иісінің, дәмінің сипаттамасы Түссізден ашық сары түске дейінгі сәл бозаңданатын ерітінді

- ремиссиялы ағымды шашыраңқы склероз (өршу жиілігін азайту, мүгедектікке әкелетін асқынуларының дамуын бәсеңдету үшін). ТИМЕКСОН® препараты бастапқы немесе салдарлы үдемелі шашыраңқы склерозды емдеуге арналмаған.

ATХ коды: L03AX13 Глатирамер ацетатының ШС бар науқастарға енгізген кездегі әсер ету механизмі(дері) толық түсіндірілмеген. Алайда, ол иммундық процестерге модуляциялық әсер етеді деп болжауға болады. Жануарлар мен ШС бар пациенттерге жүргізілген зерттеулерде глатирамер ацетаты туа біткен иммундық жасушаларға, соның ішінде моноциттерге, дендритті жасушаларға және В-жасушаларға әсер етеді деп болжанды, бұл өз кезегінде цитокиндердің қабынуға қарсы және реттеуші секрециясын индукциялау арқылы В- және Т -жасушаларының бейімделу функцияларын модуляциялайды. ШС патофизиологиясы ішінара ғана түсінікті, сондықтан емдік әсердің жоғарыда сипатталған жасушалық әсерлермен байланысты ма, жоқ па, белгісіз. Клиникалық тиімділігі және қауіпсіздігі Қайталанбалы-ремиссиялы шашыраңқы склероз: Қайталану жиілігін төмендету үшін аптасына үш рет тері астына енгізілетін 40 мг / мл дозада глатирамер ацетаты инъекциясының тиімділігін растайтын дәлелдер бір 12 айлық плацебо бақыланатын сынақтан алынған. Негізгі клиникалық зерттеуде қайталанатын-ремиссиялы шашараңқы склероз соңғы 12 айда бір рет тіркелген қайталанумен, соңғы 24 айда екі рет тіркелген қайталанумен, соңғы 12 және 24 ай арасындағы бір расталған қайталанумен, соңғы 12 айда жүргізілген Т1-гадолиний магнит-резонанстық томографиямен расталған кем дегенде бір зақымданумен сипатталды. Бағалаудың бастапқы критерийі расталған қайтпаланулардың жалпы саны болды. МРТ қайталама нәтижелеріне 6 және 12 айдан кейін алынған T1-өлшенген кескіндердегі жаңа / ұлғайған T2 зақымдануларының жалпы саны және жоғары тығыздықты зақымданулардың жалпы саны кірді. Барлығы 1404 пациент 40 мг / мл (n = 943) дозада глатирамер ацетатын немесе плацебо (n = 461) алу үшін 2: 1 қатынасында рандомизацияланды. Емдеудің екі тобы да бастапқы демографиялық көрсеткіштер, ШС сипаттамалары және МРТ параметрлері бойынша салыстырмалы болды. Скринингке дейін 2 жыл бұрын пациенттерде орташа есеппен 2,0 қайталану тіркелді. Плацебомен салыстырғанда глатирамер ацетатын аптасына үш рет 40 мг / мл дозада қабылдаған пациенттерде бастапқы және қайталама нәтиже көрсеткіштерінің айтарлықтай және статистикалық маңызды төмендеуі байқалды, бұл глатирамер ацетатының күнделікті енгізілетін 20 мг / мл дозадағы емдік әсеріне сәйкес келеді. Төмендегі кестеде тағайындалған емге сәйкес барлық рандомизацияланған пациенттердің популяциясы үшін бастапқы және қайталама нәтиже көрсеткіштерінің мәндері берілген: Тиімділік критерийі — Түзетілген орташа шама — P-мәні Глатирамер ацетаты (40 мг / мл) (N=943) — плацебо (N=461) Жылдық есептеудегі өршу жиілігі (ARR) — 0,331 — 0,505 — p<0,0001 Қауіптің абсолютті айырмашылығы* (95% сенімділік аралығы) — -0,174 [-0,2841 дейін -0,0639] 6 және 12 айдан кейін жаңа/ұлғайған T2 зақымдануларының жалпы саны — 3,650 — 5,592 — p<0,0001 Салыстырмалы қауіп* *(95% сенімділік аралығы) — 0,653 [0,546 дейін 0,780] 6 және 12 айдан кейін T1-өлшенген кескіндердегі жоғары тығыздықты зақымданулардың жалпы саны — 0,905 — 1,639 — p<0,0001 Салыстырмалы қауіп * *(95% сенімділік аралығы) — 0,552 [0,436 дейін 0,699] * Қауіптің абсолютті айырмашылығы аптасына үш рет енгізілетін түзетілген орташа ARR ГА 40 мг мен түзетілген орташа ARR плацебо арасындағы айырмашылық ретінде анықталады. ** Арақатынас коэффициенті аптасына үш рет енгізілетін 40 мг ГА мен плацебо арасындағы арақатынастың түзетілген орташа мәні ретінде анықталады. Бір зерттеуде 20 мг / мл (күнделікті енгізілетін) және 40 мг / мл (аптасына үш рет енгізілетін) дозадағы глатирамер ацетаты арасындағы тиімділік пен қауіпсіздікке тікелей салыстыру жүргізілмеген. Глатирамер ацетаты 40 мг / мл дозада: 3 айлық расталған мүгедектік прогрессі (CDP) бар пациенттердің үлесі 12 айлық плацебо бақыланатын зерттеудің (GALA) соңғы нүктесі болды. Үш айлық CDP плацебомен және глатирамер ацетатымен емделген пациенттердің 3% және 3,5% -ында байқалды (мүмкіндіктер қатынасы, OR [95% СА]: 1,182 [0,661, 2,117] (p = 0,5726)). 6 айлық CDP-ге дейінгі уақыт, ашық қосымша зерттеуді қоса (7 жылға дейін) зерттеудің соңғы нүктесі болды. Белгіленген емге сәйкес барлық рандомизацияланған пациенттер популяциясының қауіп қатынасы (ҚҚ) [95% СА] ерте басталған глатирамер ацетаты тобымен және емнің басталуы кешіктірілген топпен салыстырғанда 0,892 [0,688, 1,157] (p = 0,3898) болды. Қазіргі уақытта бастапқы немесе қайталама үдемелі ауруы бар пациенттерде глатирамер ацетатын қолданудың дәлелі жоқ.

Дозалау режимі Ұсынылатын доза - 40 мг глатимер ацетаты (алдын ала толтырылған 1 шприц), ол аптасына үш рет, кем дегенде 48 сағат аралықпен тері астына енгізіледі. Бүгінгі күні препаратты қолдану ұзақтығы туралы деректер жоқ. Енгізу әдісі мен жолы ТИМЕКСОН® препараты тек тері астына енгізіледі. Препараты бар әрбір шприц тек бір рет қолдануға арналған. Пациенттерге шприцтегі ТИМЕКСОН® препаратын қолдану бойынша ұсынымдар: • Препаратты енгізер алдында Сізде инъекцияға қажет нәрсенің барлығы бар екеніне көз жеткізіңіз: • препарат ерітіндісімен толтырылған шприц; • пайдаланылған шприцтер мен инелерге арналған утилизациялау контейнері; • спиртке малынған мақта тампоны. • Тоңазытқышта сақталуы керек жалпы қаптамадан толтырылған шприці бар бір пішінді ұяшықты қаптаманы алыңыз және оны бөлме температурасында кем дегенде 20 минут ұстаңыз. • Препаратты енгізер алдында қолыңызды сабынмен және сумен мұқият жуыңыз. • Қолданар алдында шприцтегі ерітіндіні тексеру керек. Ерітіндіде жүзінді бөлшектер болған кезде немесе түсі өзгерсе, оны қолдануға болмайды. • Инъекция үшін дене аймағын таңдаңыз. 1-суретті қараңыз (инъекция жасауға болатын сегіз нүктенің бірі: қол, жамбас, бөкселер, іш - асқазан аймағы және т.б.). Инъекция үшін ауырсыну нүктелерін, терінің түсі өзгерген, қызарған жерлерін немесе тығыздалған және түйіндер бар жерлерді қолдануға болмайды. Үнемі инъекцияға арналған жаңа орынды таңдаңыз, осылайша сіз инъекция орнындағы тері аймағындағы қолайсыз сезім мен ауырсынуды азайта аласыз. Әрбір инъекция аймағында дәрі егуге болатын көптеген нүктелер бар. Белгілі бір аймақтың ішіндегі инъекция нүктелерін үнемі өзгертіңіз. Инъекция орындарының сызбасын жасау және оны өзіңізбен бірге алып жүру ұсынылады. Денеде инъекцияны өз бетіңізше жасау қиын болатын бірқатар аймақтар бар (арқа, қол), бұл үшін сізге басқа адамның көмегі қажет болуы мүмкін. • Иықтан 1-15 см; • Шынтақтан 10-15 см; • Шаптан 10-15 см; • Тізеден 10-15 см. 1-сурет. Инъекция орындарының орналасу сызбасы • Қағаз таңбалауды (жолақты) алып тастап, шприцті жеке пішінді ұяшықты қаптамадан алыңыз. • Шприцті жазу жазатын қолыңызға алыңыз. Инеден қорғаныс қақпағын алыңыз. • Алдымен инъекция орнын спиртті ерітіндіге малынған мақта сүрткімен өңдегеннен кейін, теріні бас бармақпен және сұқ саусағыңызбен қысып ұстаңыз (2-сурет). • Шприцті инъекция орнына перпендикуляр етіп қойып, инені теріге 90º бұрышпен енгізіңіз (3-сурет); препаратты шприцтің поршенін соңына дейін біркелкі басу арқылы енгізіңіз (ол толығымен босағанша). • Шприцті инесімен бірге тігінен жоғары қарай қозғалтып, сол көлбеу бұрышты сақтай отырып суырып алыңыз. • Шприцті утилизациялау контейнеріне салыңыз. Дәрігермен кеңеспестен Тимексон препаратын қолдануды тоқтатпаңыз. 2-сурет 3-сурет Қабылдау уақыты көрсетілген қолдану жиілігі Препаратпен алдын ала толтырылған бір шприцтің ішіндегісі аптасына үш рет, кем дегенде 48 сағат аралықпен, дұрысы күннің бір уақытында тері астына инъекция түрінде енгізіледі. Емдеу ұзақтығы Емдеу ұзақтығы туралы шешімді дәрігер әр жағдай үшін жеке қабылдайды. Дәрігермен кеңеспестен ТИМЕКСОН® препаратын қолдануды тоқтатуға болмайды. Дәрілік препараттың бір немесе бірнеше дозасын өткізіп алған кезде қажетті шаралар Бір дозаны өткізіп алсаңыз, есіңізге түскен бойда бірден инъекция жасаңыз. Препараттың қос дозасын енгізуге жол берілмейді. Келесі дайын шприцті 48 сағаттан кейін ғана қолданыңыз. Тоқтату симптомдары қаупінің болуын көрсету Дәрілік препаратты қолданар алдында дәрігермен немесе фармацевтпен кеңесіңіз.

- глатирамер ацетатына немесе маннитолға жоғары сезімталдық - 18 жасқа дейінгі балалар

Өте жиі - тұмау, инфекциялық аурулар - мазасыздық, депрессия - бас ауыруы - қантамырларының кеңеюі - ентігу - жүрек айнуы - бөртпе - артралгия, арқаның ауыруы - астения, кеудедегі ауырсыну, енгізу орнындағы реакциялар, ауырсыну Жиі - бронхит, гастроэнтерит, қарапайым герпес, ортаңғы құлақтың отиті, ринит, тіс абсцесі, қынаптық кандидоз - терінің қатерсіз жаңа түзілімдері, басқа жаңа түзілімдер - лимфа түйіндерінің ұлғаюы - жоғары сезімталдық - анорексия, дене салмағының жоғарылауы - күйгелектік - дисгевзия, гипертония, бас сақинасы, сөйлеудің бұзылуы, талма, тремор - диплопия, көру қабілетінің бұзылуы - есту қабілетінің бұзылуы - жүректің жиі соғуы, тахикардия, - жөтел, маусымдық ринит - аноректальді аймақтың зақымдануы, іш қату, тіс жегісі, диспепсия, дисфагия, нәжіс тоқтамау, құсу - бауырдың функциональдық сынамасының қалыптан ауытқуы - экхимоз, гипергидроз, қышу, терінің қабынуы, есекжем - мойын аймағындағы ауырсыну - несеп тоқтамау, поллакиурия, несептің іркілуі - қалтырау, беттің ісінуі, инъекция аймағындағы сезімталдықтың жойылуы, жергілікті реакциялар, шеткері ісіну, ісіну, қызба Жиі емес - абсцесс, флегмона, фурункулез, герпес, пиелонефрит - тері обыры - лейкоцитоз, лейкопения, спленомегалия, тромбоцитопения, лимфоциттердің қалыптан тыс морфологиясы - зоб, гипертиреоз - алкоголь жақпаушылығы, подагра, гиперлипидемия, қандағы натрийдің жоғарылауы, сарысу ферритинінің төмендеуі - ерекше түс көру, сананың шатасуы, эйфория, елестеулер, жауығу, шатасу, тұлғалық бұзылыс, өзін-өзі өлтіру әрекеті - білезік өзегінің синдромы, когнитивті бұзылулар, конвульсиялар, дизгевзия, дислексия, дистония, қимыл- қозғалыс үйлесімінің бұзылуы, миоклонустық құрысулар, неврит, жүйке-бұлшықет бұзылулары, нистагм, салдану, перонеальді жүйке салдануы, мелшию, көру өрісінің жоғалуы - катаракта, көздің мөлдір қабығының зақымдануы, көздің құрғауы, көздің қанталауы, қабақтың птозы, мидриаз, көру жүйкесінің атрофиясы - экстрасистолия, синустық брадикардия, пароксизмалық тахикардия - веналар варикозы - апноэ, мұрыннан қан кету, гипервентиляция, дауыс саңылауының спазмы, өкпе жұмысының бұзылуы, тұншығу сезімі - колит, жуан ішек полипі, энтероколит, кекіру, өңештің ойықжарасы, периодонтит, тік ішектен қан кету, сілекей безінің ұлғаюы - холелитиаз, гепатомегалия - Квинке ісінуі, анафилаксиялық реакция, жанаспалы дерматиті, түйінделген эритема, түйінді эритема - артрит, бурсит, бүйірдегі ауырсыну, бұлшықет атрофиясы, остеоартрит - гематурия, нефролитиаз, несеп шығару жолдарының аурулары, несеп талдауы көрсеткіштерінің ауытқуы - сүт бездерінің ісінуі, эректильді дисфункция, жамбас ағзаларының төмен түсуі, приапизм, қуықасты безі функциясының бұзылуы, жатыр мойны жағындысының қалыптан тыс нәтижелері, аталық бездердің зақымдануы, қынаптан қан кету, вульвовагиналық бұзылулар - киста, гипотермия, инъекциядан кейінгі жедел реакция, қабыну, инъекция орнындағы некроз, шырышты қабықтың қабынуы - егуден кейінгі синдром Сирек - уытты гепатит, бауырдың зақымдануы Жиілігі белгісіз - бауыр проблемалары немесе бауыр функциясының жеткіліксіздігін қоса бауырдың жағдайының нашарлауы (бауыр трансплантациясының бірнеше жағдайлары туралы хабарланған). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК Мекенжайы: 010000, Астана қ., Байқоныр ауданы, А. Иманов көш., 13 Телефон: +7 (7172) 235 135 Электрондық пошта: pdlc@dari.kz Сайт: http://www.ndda.kz

ТИМЕКСОН® препаратымен (300 мг дейін глатирамер ацетаты) артық дозаланудың бірнеше жағдайлары туралы хабарламалар алынды. Бұл жағдайлар жанама әсерлердің күшеюіне әкелді. Артық дозаланған жағдайда пациент дәрігердің бақылауында болуы және тиісті симптоматикалық емдеуден өтуі керек.

- пациенттерге препаратты енгізу кезінде антисептикалық әдістерді қолдану бойынша нұсқау берілуі, инъекцияны өз бетінше жасау әдістемесіне оқытылуы және инелер мен шприцтерді қауіпсіз утилизациялау шарасына қатысты ақпарат берілуі керек. Алынған дағдыларды үнемі бақылап отыру керек. - бірінші инъекцияны білікті маманның бақылауымен жүргізу керек - ТИМЕКСОН® препаратын вена ішіне немесе бұлшықет ішіне енгізуге болмайды - препарат тек тері астына енгізіледі -шприцтегі ерітіндіні басқа препаратпен араластыруға немесе онымен қатар енгізуге болмайды - шприцте ерімеген бөлшектер болған кезде препараттың дайындалған ерітіндісін қолдануға болмайды - шприцтің ішіндегісін мұздатып қатырмаңыз - препараты бар әрбір шприц тек бір рет қолдануға арналған - қолданылған инелер мен шприцтерді алдын ала қатты қаптамаға салғаннан кейін ғана жоюға болады - дәрігермен кеңеспестен ТИМЕКСОН® препаратын қолдануды тоқтатпаңыз. Арнайы сақтандырулар ТИМЕКСОН® препаратымен емдеудің басында дәрігер-неврологтың немесе шашыраңқы склерозды емдеу тәжірибесі бар дәрігердің бақылауы қажет. Емдеуші дәрігер пациентке келесі симптомдардың кем дегенде біреуімен байланысты жағымсыз реакциялардың: ТИМЕКСОН® препаратын енгізгеннен кейін бірнеше минут ішінде вазодилатация (қан кернеу), гиперемия, кеудедегі ауырсыну, диспноэ (ентігу), тахикардия пайда болу мүмкіндігі туралы ескертуі керек Бұл симптомдардың көпшілігі ұзаққа созылмайды және асқынусыз өтеді. Препаратқа елеулі жағымсыз реакция пайда болған жағдайда препаратты қабылдауды дереу тоқтату және бұл туралы дәрігерге хабарлау немесе медициналық жедел жәрдем шақыру қажет. Қажет болған жағдайда симптоматикалық ем тағайындалуы мүмкін. Пациенттердің кез келген тобы үшін жағымсыз реакциялардың пайда болуының жоғары қаупі туралы ешқандай дәлел жоқ. Осыған қарамастан, жүрек тарапынан бұзылулары бар пациенттерге ТИМЕКСОН® препаратын сақтықпен қолдану қажет. Мұндай пациенттерді емдеу кезінде үнемі бақылау қажет. Ұстамалар және/немесе анафилактоидты немесе аллергиялық реакциялар сирек байқалды. Кейде аса жоғары сезімталдықтың ауыр реакциялары дамуы мүмкін (мысалы, бронх түйілуі, анафилаксия немесе есекжем). Егер бұл реакциялар ауыр болса, дереу тиісті емді бастау және препаратты қолдануды тоқтату керек. Бүйрек функциясы бұзылған науқастар зертханалық көрсеткіштерге үнемі бақылау жүргізуі керек. Пациенттерде иммундық кешендердің гломерулалық жинақталуына ешқандай дәлел болмаса да, мұндай мүмкіндікті жоққа шығаруға болмайды. ТИМЕКСОН® препаратымен ұзақ емделіп жатқан пациенттерде қан сарысуында глатирамер ацетатына антиденелер табылды. Ең жоғары деңгейлерге емдеудің орташа ұзақтығы 3-4 айдан кейін қол жеткізілді, содан кейін олар төмендеді және бастапқы деңгейден сәл жоғары тұрақты болды. Қалыптасқан антиденелердің препараттың клиникалық әсерін төмендететін бейтараптандыратын әсері бар екендігі туралы ешқандай дәлел жоқ. ТИМЕКСОН® препаратын қолданудың постмаркетингтік тәжірибесінде бауыр функциясының айқын бұзылуының сирек жағдайлары (бауыр функциясы жеткіліксіздігі, сарғаюмен гепатит көріністерін және бірлі-жарым жағдайларда бауыр трансплантациясын қоса) туралы хабарланды. Бауыр функциясының ауыр бұзылыстары көп жағдайда емдеу тоқтатылғаннан кейін басылды. Бауыр функциясы бұзылуының көріністері ТИМЕКСОН® препаратымен емдеудің алғашқы күндерінде де, бірнеше жылдан кейін де болды. Мұндай реакциялардың пайда болу себебі көбінесе: алкогольді шамадан тыс тұтыну, анамнезінде бауырдың зақымдануының болуы, басқа ықтимал гепатоуытты препараттарды қолдану болып табылады. Пациенттерді бауырдың зақымдану белгілеріне үнемі бақылап отыру және бауырдың зақымдану симптомдары пайда болған кезде жылдам медициналық көмекке жүгіну керектігі туралы нұсқау беру керек. Бауыр клиникалық маңызды зақымданған жағдайда ТИМЕКСОН® препаратын қабылдауды тоқтату мүмкіндігін қарастыру керек. Балалар мен 18 жасқа дейінгі жасөспірімдерде аптасына үш рет 40 мг/мл ТИМЕКСОН® препаратын қолдану бойынша ұсынымдар жоқ. Ақпараттың көлемі жеткіліксіз болуына байланысты ТИМЕКСОН® препаратын осы жас тобында қолдануға болмайды. Егде жастағы пациенттерге ТИМЕКСОН® препаратының әсері зерттелмеген. Бүйрек функциясының жеткіліксіздігі бар пациенттерге ТИМЕКСОН® препаратын қолдану арнайы зерттелмеген. Жүктілік Егер анасы үшін пайдасы шарана үшін қауіптен жоғары болмаса, жүктілік кезінде ТИМЕКСОН® препаратын қолданудан аулақ болған жөн. Жоспарланған жүктілікке дейін және жүктілік кезінде емдеуші дәрігермен кеңесу керек. Лактация кезеңі Физикалық-химиялық қасиеттері және пероральді қабылдағанда сіңуінің төмендігі адамның емшек сүті арқылы жаңа туған нәрестелерге/сәбилерге глатирамер ацетатының әсері шамалы екенін көрсетеді. Егеуқұйрықтарда жүктілік кезінде және лактация кезінде препараттың дозасын қабылдаған аналықтарының ұрпақтарында дене салмағының аздап төмендеуін қоспағанда, ұрпақтарына айтарлықтай әсер еткен жоқ (5.3-бөлімді қараңыз). Интервенциялық емес ретроспективті зерттеудің нәтижелері емізу кезінде глатирамер ацетатын қабылдаған аналардың жаңа туған нәрестелеріне/сәбилеріне глатирамер ацетатының қандай да бір ауруды-модификациялайтын ем қабылдамаған аналардың емізулі жаңа туған нәрестелері/сәбилерімен салыстырғанда теріс әсерін көрсетпеді. Бағаланған нәтижелерге өсу параметрлері, дамудың кідіруінің көріністелетін жиілігі, ауруханаға жатқызу жиілігі, сондай-ақ антибиотикпен терапия кірді. Тіркеуден кейінгі қолдану тәжірибесінде адамдарға препаратты қолдану туралы шектеулі деректер де глатирамер ацетатының емшек сүтімен қоректенетін жаңа туған нәрестелерге/сәбилерге теріс әсерін көрсетпеді. ТИМЕКСОН® препаратын бала емізу кезінде қолдануға болады. Лактация кезінде емдеуші дәрігермен кеңесу керек. Фертильность ТИМЕКСОН® препаратының репродуктивтік функцияға ықтимал әсері туралы клиникалық деректер жоқ. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері ТИМЕКСОН® препаратының көлік құралдарын және қауіптілігі зор механизмдерді басқару қабілетіне әсері бойынша зерттеулер жүргізілген жоқ.

Нұсқаулықта көрсетілмеген.

ТИМЕКСОН® препараты мен басқа дәрілік заттардың өзара әрекеттесуі жеткілікті зерттелмеген. Интерферон-бетамен өзара әрекеттесуі бойынша деректер жоқ. Қолданыстағы клиникалық зерттеулердің нәтижелері глатирамер ацетатының ШС бар пациенттерге әдетте қолданылатын терапиямен, соның ішінде кортикостероидтарды 28 күн бойы бір мезгілде қолданумен ешқандай маңызды өзара әрекеттесуін көрсетпейді. ТИМЕКСОН® препаратын кортикостероидтармен қатар қабылдаған пациенттерде инъекциядан кейін жергілікті реакциялардың деңгейі жоғары болды. Глатирамер ацетаты қан плазмасы ақуыздарымен байланысады, бірақ ол фенитоинді немесе карбамазепинді алмастырмайды және алмастырылмайды. Алайда, теориялық тұрғыдан препарат ақуызды- байланыстыратын субстанциялардың таралуына әсер етуі мүмкін болғандықтан, мұндай дәрілік препараттардың қатар қолданылуын мұқият бақылау қажет.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 2˚С-ден 8˚С-ге дейінгі температурада сақтау керек Балалардың қолы жетпейтін жерде сақтау керек!