ТИММАЛ® капли 0,25%

1 мл ерітіндінің құрамында белсенді зат - 2.5 мг немесе 5.0 мг тимолол (3.4 мг немесе 6.8 мг тимолол малеаты түрінде), қосымша заттар: бензалконий хлориді 50 % ерітіндісі (100 % затқа шаққанда), натрий дигидрофосфаты дигидраты, динатрий фосфаты додекагидраты (ерітіндінің рН түзету үшін), инъекцияға арналған су. Сыртқы түрінің, иісінің, дәмінің сипаттамасы Түссіз немесе сәл сарғыш мөлдір сұйықтық. Ерітіндінің әлсіз бұлыңғырлануына жол беріледі.

- ашық бұрышты глаукомада - жоғары көзішілік қысымда - катарактаны алып тастау операциясынан кейінгі глаукомада - салдарлы глаукомада - туа біткен глаукомада (басқа емдік шаралардың тиімсіздігінде) Жабық бұрышты глаукомада тимолол біріктірілген ем құрамында (миотиктермен біріктіргенде) қолданылуы мүмкін. Тек дәрігердің тағайындауымен немесе офтальмолог бастамасымен әрі қарай емдеу үшін қолдану ұсынылады.

АТХ код S01ED01 Әсер ету механизмі Тимолол көзге тамызатын дәрісінің белсенді ингредиенті малеат тұзы түріндегі тимололдың l-изомері болып табылады. Тимолол малеаты бета-адренорецепторлардың селективті емес блокаторы болып табылады, және ол артериялық және көзішілік қысымды төмендету үшін, сондай-ақ стенокардияны емдеу үшін қолданылады. L-Тимолол бета-1 және бета-2 рецепторларына ұқсастығы жоғары. Тимолол көзге тамызатын дәрісін қолданудағы гипотензиялық әсері сулы ылғалдың түзілуін азайтуға негізделген. Препарат көзде жергілікті нысана тінге, атап айтқанда сулы ылғал түзілетін цилиарлы денеге түседі. Тимолол сулы ылғалдың ағуына айтарлықтай әсер етпейді. Көздің алдыңғы қан тамырларына потенциалды әсері түсініксіз, бірақ көзішілік қысым төмендеген кезде тор қабықтағы қан айналымы жақсарады деп сипатталған. Көптеген басқа бета-адреноблокаторлар сияқты, тимолол ұзақ пострецепторлық әсерге иеленген; адренергиялық рецептор тимололдың ыдырауына қарамастан агонистің әрекетіне түрткі бола алмайды. Тимолол малеаты ішкі симпатомиметикалық белсенділікке және жарғақшаны тұрақтандыратын елеулі белсенділікке ие емес. Тимолол қарашықтың көлеміне және аккомодацияға әсер етпейді. Тимолол ашық бұрышты глаукома мен көзішілік гипертензияны емдеуде өзінің тиімділігін дәлелдеді. Ол салдарлы глаукоманың көптеген түрлерінде сәтті қолданыла алады. Тимолол жақсы көтерімді. Дәріге тәуелділікті тудырмайды. Мүмкін, төмен дозаға байланысты, жүйелі бета-блокаторлармен емдеу кезінде байқалатын тоқтату синдромы тимололмен емдеу тоқтатылған кезде анықталмаған.

Дозалану режимі Ересектерге 0,25 ерітіндіні 1 тамшыдан күніне 2 рет, тиімділігі жеткіліксіз болғанда - 0,5 ерітіндіні 1 тамшыдан күніне 2 рет тамызады. Көзішілік қысым қалпына келгеннен кейінгі демеуші доза - күніне 1 рет 0,25 ерітіндінің 1 тамшысы. Екі жергілікті бета-блокаторларды қолдануға болмайды! Жабық бұрышты глаукомада тек қана миотикалық дәрілермен бірге қолданылуы мүмкін. Басқа препараттарды тимолол қабылдағанға дейін кем дегенде 10 минут бұрын тамызу ұсынылады. Басқа препараттардан тимололға ауысу Басқа жергілікті бета-блокаторды пайдаланған кезде оны пайдалануды тоқтату қажет және емсіз толық күннен кейін емді ТИММАЛ® көзге тамызатын дәрісімен емдеуді әрбір зақымданған көзге күніне 2 рет 0,25 % ерітіндіден 1 тамшыдан, тиімділігі жеткіліксіз болған кезде - күніне 2 рет 0,5 % ерітіндіден 1 тамшыдан бастауға болады. Пациентті антиглаукомалық препараттан ауыстырған кезде (жергілікті қолдануға арналған бета-блокаторлардан басқа) препаратты қабылдауды жалғастыру және әрбір зақымданған көзге тәулігіне 2 рет 0,25 % тимололдың бір тамшысын қосу керек. . Келесі күні алдыңғы препаратты толығымен тоқтатып, тимололды қолдануды жалғастыру керек. Тиімділігі жеткіліксіз болған жағдайда дозаны өзгерту керек - күніне 2 рет 0,5 % ерітіндінің 1 тамшысынан. Пациенттердің ерекше топтары Балалар Препаратты 18 жасқа дейінгі балалар мен жасөспірімдерде қолдануға болмайды. Егде жастағы пациенттер Егде жастағы пациенттерде тимолол малеатын қолданудың үлкен тәжірибесі бар. Дозаны түзету қажет емес. Басқа пациенттер Препаратты өкпе эмфиземасы, жүректің ишемиялық ауруы, стенокардиясы, компенсация сатысындағы жүрек жеткіліксіздігі, артериялық гипотензия, аллергиялық емес созылмалы бронхит, бронх түйілуі, вазомоторлық ринит, Рейно ауруы, феохромоцитома, метаболиялық ацидоз, цереброваскулярлық ауыр жеткіліксіздігі, қант диабеті (әсіресе құбылмалы ағымдағы), гипогликемия, гипертиреоз, миастения, аракідік ақсаңдау және гемодиализ алып жүрген пациенттерге айрықша сақтықпен қолданады. Енгізу әдісі және жолы Жергілікті офтальмологиялық қолдану үшін. Зақымданған көзге тамызатын дәріні тамызу Болуы мүмкін жағымсыз әсерлердің пайда болу ықтималдығын азайту үшін бір ретте тек бір тамшы ғана тамызу керек. Жергілікті бета-адреноблокаторлардың жүйелі сіңірілуін мұрын-көз жасы өзегін басып-қысу және инстилляциядан кейін мүмкіндігінше ұзақ (шамамен 3-5 минут) көз жұмып отыру арқылы азайтуға болады. Пациенттер тамшылатқыш- құтының ұшын көзбен жанастырудан аулақ болу керектігі туралы үйретілуі тиіс. Сондай-ақ, пациенттерге көздің ерітінділері оларды дұрыс қолданбаған жағдайда көз инфекциясын тудыратын бактериялар жұқтыруы мүмкін екендігі туралы хабардар болуы тиіс. Ластанған ерітінділерді қолдану көздің қатты зақымдалуына және кейіннен көру қабілетінің жоғалуына әкелуі мүмкін. Емдеу ұзақтығы Емдеу, әдетте, ұзақ уақыт бойы жүргізілуі мүмкін. Көзішілік қысымды бағалау емдеу басталғаннан кейін 1 айдан соң жүргізілуі тиіс. Емдеу курсының ұзақтығы аурудың ағымына байланысты болады және дәрігер анықтайды. Препаратты қолдануда үзіліс жасау немесе дозаны өзгерту тек емдеуші дәрігердің ұйғарымы бойынша жүргізіледі. Дәрілік препараттың бір немесе бірнеше дозасын өткізіп алған кездегі қажетті шаралар Препаратты қолданудағы үзіліс немесе дозаны өзгерту емдеуші дәрігердің ұйғарымы бойынша ғана жүргізіледі.

- әсер етуші заттарға немесе қосымша заттардың кез келгеніне аса жоғары сезімталдық - бронх демікпесі, бронхтар асқын реактивтілігі, өкпенің созылмалы ауыр обструктивтік аурулары - синустық брадикардия (жүрек жиырылулары жиілігінің азаюы), синустық түйін әлсіздігі синдромы, синоаурикулярлық блокада - кардиостимулятормен бақыланбайтын II - III дәрежедегі атриовентрикулярлық блокада, - ІІ-ІІІ дәрежелі жүрек жеткіліксіздігі - кардиогендік шок - ауыр атрофиялық ринит - мөлдір қабық дистрофиясы - лактация кезеңі - 18 жасқа дейінгі балалар мен жасөспірімдер

Жергілікті қолданылатын басқа да офтальмологиялық препараттар сияқты тимолол жүйелі түрде сіңеді. Бұл жүйелік бета-адреноблокаторларды қолданғандағыдай жағымсыз реакцияларға әкелуі мүмкін. Жергілікті офтальмологиялық қолданғаннан кейін жүйелі жағымсыз реакциялардың туындау жиілігі жүйелі қолданғанға қарағанда анағұрлым төмен болып табылады. Төменде офтальмологиялық қолданылатын бета-адреноблокаторларды қолдану кезінде байқалатын жағымсыз реакциялар келтірілген. Жиі - бас ауыруы Жиі емес - депрессия - мөлдір қабықтың сезімталдығының төмендеуі, беткейлік нүктелі кератит - брадикардия - диспноэ - шаршау Сирек - үрей, қорқынышты түстер, сананың шатасуы - бас айналуы - құрғақ көз синдромы, блефароконъюнктивит, көрудің бұзылуы, диплопия, птоз - жүрек жеткіліксіздігі, аритмия - гипотензия, шеткері және ми қан айналымының бұзылуы - бронх түйілуі (негізінен анамнезінде бронх аурулары бар пациенттерде), мұрын бітелуі - аса жоғары сезімталдық реакциялары (бөртпе, есекжем, алопеция) - астения Өте сирек - мөлдір қабықтың елеулі зақымдануы бар кейбір пациенттерде құрамында фосфаты бар көзге тамызатын дәрісін қолданғанда мөлдір қабықтың кальцийлену жағдайлары туралы хабарланды ТИММАЛ® қолдану кезінде дамуы ықтимал, офтальмологиялық бета-блокаторларды қолдану кезінде байқалатын қосымша жағымсыз реакциялар. Иммундық жүйе тарапынан бұзылулар — Ангионевроздық ісінуді, қышынуды, анафилаксиялық реакцияларды қоса, жүйелі аллергиялық реакциялар Метаболизм және тамақтану бұзылуы — Гипогликемия Психикалық бұзылыстар — Ұйқысыздық, жадыны жоғалту, елестеулер Жүйке жүйесі тарапынан бұзылулар — Естен тану, ми қан айналымының жедел бұзылуы, ми ишемиясы, миастения грависі және парестезия симптомдарының ұлғаюы Көру мүшелері тарапынан бұзылулар — Көз тітіркену симптомдары (мысалы, шымылдату, шаншу, қышу, жас ағу, қызару), кератит, анық көрмеу, фистулизациялайтын операциядан кейінгі тамыр қабығының ажырауы, мөлдір қабықтың ойық жарасы Жүрек тарапынан бұзылулар — Кеуде аумағының ауыруы, жүрек соғуы жиілеуі, ісіну, іркілісті жүрек жеткіліксіздігі, атриовентрикулярлық блокада, жүрек тоқтауы Тамырлар тарапынан бұзылулар — Рейно феномені Тыныс алу жүйесі, көкірек қуысы және көкірек ортасы ағзалары тарапынан бұзылулар — Жөтел Асқазан-ішек жолы тарапынан бұзылулар — Дисгевзия, жүрек айнуы, диспепсия, диарея, ауыз құрғауы, іштің ауыруы, құсу Тері және тері асты тіндері тарапынан бұзылулар — Псориазға ұқсас бөртпе немесе псориаздың өршуі Қаңқа-бұлшықет жүйесі және дәнекер тіндер тарапынан бұзылулар — Миалгия Ұрпақ өрбіту жүйесі және сүт бездері тарапынан бұзылулар — Сексуалдық дисфункция, либидо төмендеуі Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: -адренрецепторлар блокаторларына тән жалпы резорбциялық әсерлердің - бас айналу, бас ауыру, ентігу, брадикардия, бронх түйілуі, жүрек тоқтауы, жедел жүрек-қантамыр жеткіліксіздігі, гипотония дамуы. Емі: көзді сумен немесе натрий хлоридінің изотониялық ерітіндісімен дереу шаю, қажет болғанда симптоматикалық ем: • Егер препарат ішу арқылы қабылданса, белсендірілген көмірді тағайындау. Зерттеулер тимолол малеатының гемодиализбен шығарылмайтынын көрсетті. • Симптоматикалық брадикардия: атропин сульфаты, вена ішіне 0,25-тен 2 мг дейін, вагустық блокада индукциясы үшін қолданылуы керек. Егер брадикардия сақталса, изопреналин гидрохлоридін вена ішіне абайлап енгізу керек. Рефрактерлік жағдайларда кардиостимуляторды қолдану қарастырылуы мүмкін. • Гипотония: дофамин, добутамин немесе норадреналин сияқты симпатомиметикалық вазопрессорды қолдану керек. Жақпаған жағдайда глюкагонды қолдану пайдалы болуы мүмкін деп тіркелген. • Бронх түйілуі: изопреналин гидрохлоридін қабылдау керек. Аминофиллинмен бірге емдеу қарастырылуы мүмкін. • Жедел жүрек жеткіліксіздігі: дигиталиспен, диуретиктермен және оттегімен дәстүрлі емді дереу бастау керек. Рефрактерлік жағдайларда аминофиллинді вена ішіне енгізу ұсынылады. Мұны глюкагонмен емдеу қажет болса бірге жүргізуге болады. • Жүрек блокадасы (екінші немесе үшінші дәрежелі): изопреналин гидрохлориді немесе кардиостимуляторды қолдану керек.

Емдеуді бастамас бұрын пациенттің денсаулық жағдайын бағалау керек. Бета-адреноблокаторларға реакция өзгеруі мүмкін болғандықтан, пациенттің көзішілік қысымын емдеу басталғаннан кейін 2-4 аптадан соң өлшеу ұсынылады. Осыдан кейін пациенттің көзінің жағдайын үнемі тексеріп отыру керек, өйткені кейбір жағдайларда ұзақ уақыт қолданғанда тимолол малеатына реакция өзгерді. Жергілікті қолдануға арналған басқа офтальмологиялық препараттар сияқты, тимолол жүйелі сіңеді. Тимолол бета-адреноблокатор болып табылатындықтан, оны офтальмологияда жергілікті қолданған кезде жүрек-қантамыр, тыныс алу жүйелері тарапынан жағымсыз құбылыстар, сондай-ақ жүйелі бета-адреноблокаторлар қолданған кезде бақыланатын басқа да бұзылулар дамуы мүмкін. Офтальмологияда қолданған кезде жүйелі жағымсыз құбылыстардың даму жиілігі жүйелі енгізгенге қарағанда төмен болып табылады. Жүйелі сіңуін төмендету үшін, «Дозалау режимі» бөлімін қараңыз. Басқа бета-адреноблокаторларды бір мезгілде қолдану Бета-адренорецепторлар блокадасының көзішілік қысымға әсері немесе белгілі көріністері бета-адреноблокаторлармен жүйелі емге қосымша тимолол алатын пациенттерде күшеюі мүмкін. Мұндай пациенттерде тимололмен гипотензиялық емге жауап мұқият бақылануы тиіс. Офтальмологияда жергілікті қолдану үшін екі бета-адреноблокаторды бірге тағайындау ұсынылмайды. Жүрек тарапынан бұзылулар Жүрек-қантамыр аурулары (мысалы, жүректің ишемиялық ауруы, Принцметал стенокардиясы, жүрек жеткіліксіздігі) және артериялық гипотензиясы бар пациенттерде бета-блокаторлармен емдеу қажеттілігін мұқият бағалау және басқа фармакологиялық топтардың препараттарын қолдану мүмкіндігін қарастыру қажет. Көрсетілген аурулар ағымының нашарлау симптомдарын және жағымсыз реакциялардың дамуын уақтылы анықтау үшін жүрек-қантамыр аурулары бар пациенттердің жай-күйіне мониторингті жүзеге асыру қажет. Жүргізу уақытына теріс әсер етуіне байланысты жүректің бірінші дәрежелі атриовентрикулярлық блокадасы бар пациенттерді емдеуде бета-адреноблокаторларды сақтықпен қолдану керек. Қантамырлар тарапынан бұзылулар Шеткері қанайналымның ауыр бұзылулары (Рейно ауруының немесе Рейно синдромының ауыр түрлері) бар пациенттерге бета-адреноблокаторларды қолданғанда сақ болу керек. Тыныс алу ағзалары тарапынан бұзылулар Офтальмологияда жергілікті қолдануға арналған кейбір бета-адреноблокаторларды қолдану кезінде бронх демікпесі бар пациенттерде бронх түйілуінен болатын өлімді қоса, тыныс алу ағзалары тарапынан бұзылулар туралы хабарламалар бар. Тимололды қолдану ауырлығы жеңіл және орташа дәрежедегі өкпенің созылмалы обструктивтік (ӨСОА) ауруы бар пациенттерде және болжамды пайдасы ықтимал қауіптен жоғары болған жағдайда ғана сақтықпен жүзеге асырылуы тиіс Анафилаксиялық реакциялар Тимололды анамнезінде атопиясы немесе әртүрлі аллергендерге ауыр анафилаксиялық реакциясы бар пациенттердің қолдануы аллергендерді енгізуге жауап ретінде едәуір ауыр реакцияларға түрткі болуы мүмкін. Мұндай пациенттер анафилаксиялық реакцияларды басу үшін адреналиннің әдеттегі дозаларын енгізуге әлсіз реакция беруі мүмкін Жалпы анестезия Офтальмологияда жергілікті қолдануға арналған бета-адреноблокаторлар бета-адреномиметиктердің (мысалы, адреналин) әсерін бөгеуі мүмкін. Анестезиологқа пациенттің тимолол қолданатыны туралы хабарлау керек. Гипогликемия/қант диабеті Бета-адреноблокаторлардың жедел гипогликемия симптомдарын бүркемелеу қабілетіне байланысты өздігінен болатын гипогликемияға немесе қант диабетінің лабильді ағымына бейім пациенттерге бета-адреноблокаторларды сақтықпен тағайындау керек. Гипертиреоз Бета-адреноблокаторлар сондай-ақ гипертиреоз симптомдарын бүркемелей алады. Миастения грависі Миастения грависі бар пациенттерде тимолол көзге тамызатын дәрісін қолданғанда жалпы жағдайдың нашарлауы туралы хабарланған. Мөлдір қабықтың аурулары Офтальмологияда β-адреноблокаторлар көздің құрғауын туындатуы мүмкін. Мөлдір қабықтың аурулары бар пациенттерге осы топтағы препараттармен емді сақтықпен тағайындау керек. Көздің тамырлы қабығының ажырауы Фистулизациялайтын хирургиялық араласулардың операциядан кейінгі кезеңінде сулы ылғалды (тимолол, ацетазоламид) өндіруді төмендетуге бағытталған гипотензивті ем алатын пациенттерде тамырлы қабықтың ажырауының даму жағдайлары байқалды. Арнайы ескертулер Бензалконий хлориді Бензалконий хлориді көздің тітіркенуі мен құрғауын тудыруы мүмкін, сонымен қатар көз жасы үлбірі мен мөлдір қабықтың беткейіне әсер етуі мүмкін. Құрғақ көз синдромы бар пациенттерге және мөлдір қабығы зақымданған пациенттерге тимололмен емдеуді сақтықпен тағайындау керек. Ұзақ уақыт қолданған жағдайда пациенттер бақылауда болуы тиіс. Жанаспалы линзаларды қолдану Препарат құрамында 1 мл препаратқа 0,10 мг мөлшерінде консервант ретінде бензалконий хлориді бар, ол жұмсақ жанаспалы линзаларды түссіздендіре алады. Линзаларды препаратты тамызар алдында алып тастау керек және оларды кемінде 15 минуттан кейін кию керек. Педиатрияда қолданылуы Препаратты 18 жасқа дейінгі балалар мен жасөспірімдерде қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Тимолол бас айналу, көру қабілетінің бұзылуы, рефракция өзгерістері, диплопия, птоз, бұлыңғыр көру және шаршау сияқты жағымсыз әсерлерді тудыруы мүмкін, бұл көлік құралдарын және қауіптілігі зор механизмдерді басқару қабілетіне әсер етуі мүмкін.

Жүктілік Тимолол плацента арқылы өтеді. Жүкті әйелдердің тимололды қолдануы туралы тиісті деректер жоқ. ТИММАЛ® көзге тамызатын дәрісін аса қажет болған жағдайларды қоспағанда, жүктілік кезінде қолдануға болмайды. Жүйелік сіңіруді төмендету үшін «Дозалау режимі» бөлімін қараңыз. Эпидемиологиялық зерттеулер бета-блокаторлардың шарананың туа біткен ақауларының дамуына әсерін анықтаған жоқ, бірақ пероральді қолданған кезде жатырішілік бой өсуінің тежелуін көрсетті. Бета-блокаданың белгілері мен симптомдары (брадикардия, гипотензия, респираторлық дистресс-синдром, гипогликемия) жаңа туған нәрестелерде бета-блокаторларды босанғанға дейін қолданған жағдайда байқалды. Тимололды босанғанға дейін қолданған жағдайда жаңа туған нәресте өмірінің алғашқы күндері мұқият бақылауда болуы тиіс. Бала емізу Бета-блокаторлар емшек сүтімен шығарылады. Тимолол көзге тамызатын дәрісінің емдік дозаларын қолданған кезде емшек сүтіндегі концентрацияның жаңа туған нәрестеде бета-блокада симптомдарын тудыру үшін жеткілікті болуы екіталай. Тимололмен емдеуді тоқтату немесе емшек емізуді тоқтату туралы шешім препаратты ана үшін қолданудың маңыздылығына негізделуі тиіс. Жүйелік сіңіруді төмендету үшін «Дозалау режимі» бөлімін қараңыз.

Тимололдың басқа дәрілік препараттармен өзара әрекеттесуіне арнайы зерттеулер жүргізілген жоқ. Офтальмологиялық бета-адреноблокаторларды бір мезгілде кальций өзекшелері пероральді блокаторларымен, бета-адреноблокаторлармен, аритмияға қарсы дәрілермен (оның ішінде амиодарон), оймақгүл гликозидтерімен, раувольфий алкалоидтарымен, парасимпатомиметиктермен, гуанетидинмен бір мезгілде қолданғанда артериялық гипотензияға және/немесе айқын брадикардияға әкелетін аддитивті әсерлердің даму ықтималдығы бар. Тимололды CYP2D6 изоферментінің тежегіштерімен (хинидин, флуоксетин, пароксетин) біріктіріп қолданған кезде бета-адреноблокаторлардың жүйелік белсенділігінің артуы (мысалы, жүрек жиырылу жиілігінің төмендеуі, депрессия) туралы хабарланды. Орталық жүйке жүйесі тарапынан болатын жағымсыз әсерлері барбитураттармен, анальгетиктермен және қастауыш алкалоидтарымен қатарлас еммен күшейтілуі мүмкін. Тимололдың өзі іс жүзінде қарашық мөлшеріне әсер етпесе де, офтальмологиялық бета-адреноблокаторлар мен адреналинді бір уақытта қолдану нәтижесінде пайда болатын мидриаз туралы хабарланды. Пероральді бета-адреноблокаторлар клонидинді тоқтатқаннан кейін пайда болатын рикошеттік гипертензияны нашарлатуы мүмкін. Аддитивті әсерлердің даму және гипотонияның және/немесе бас айналуды, естен тануды немесе постуральді гипотензияны туындатуы мүмкін айқын брадикардияның даму мүмкіндігіне байланысты катехоламин-сарқатын препараттарды (резерпин сияқты) алатын пациенттерді мұқият бақылау ұсынылады. Жүрек функциясы бұзылған пациенттерде офтальмологиялық бета-адреноблокаторлармен біріктіріп кальций өзекшелерінің пероральді антагонистерін қолданудан аулақ болу керек, себебі гипотензияның дамуы, атриовентрикулярлық өткізгіштіктің бұзылуы және сол жақ қарыншаның жеткіліксіздігі дамуының ықтималдығы бар. Жүрек-тамыр жүйесі тарапынан болатын кез-келген жағымсыз әсерлерінің сипаты, әдетте, қолданылатын кальций өзекшелері блокаторларының түріне байланысты болады. Нифедипин сияқты дигидропиридин туындылары гипотензияға әкелуі мүмкін, ал верапамил немесе дилтиазем бета-адреноблокаторлармен біріктіріп қолданған кезде атриовентрикулярлық өткізгіштіктің бұзылуына немесе сол жақ қарыншалық жеткіліксіздікке әкелуге көбірек бейім. Кальций өзекшелерінің венаішілік блокаторларын бета-адреноблокаторлар алатын пациенттерде сақтықпен қолдану керек. Бета-адреноблокаторлар мен оймақгүл препараттарын дилтиаземмен немесе верапамилмен бір мезгілде қолдану атриовентрикулярлық өткізгіштік уақытын арттыру түрінде қосымша әсер етуі мүмкін.

Сақтау мерзімі 2.5 жыл Құтыны ашқаннан кейін препараттың сақтау мерзімі - 4 апта. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 15С-ден 25С-ге дейінгі температурада сақтау керек. Балалардың қолы жетпейтін жерде сақтау керек!