Тиотриазолин таблетки 200 мг

Дәрілік заттың 1 таблеткасы құрамында: белсенді зат - 100 % затқа шаққанда тиазот қышқылының морфолин тұзы – 200 мг, ол 133 мг тиазот қышқылына баламалы. қосымша заттар: картоп крахмалы, повидон, қант-ұнтақ, микрокристалды целлюлоза, кальций стеараты. Сыртқы түрінің, иісінің, дәмінің сипаттамасы Тегіс беткейлі, ойығы мен сызығы бар дөңгелек пішінді, ақ немесе ақ дерлік түсті таблеткалар.

Кешенді ем құрамында: • жүректің ишемиялық ауруы (стенокардия, миокард инфарктісі, инфарктіден кейінгі кардиосклероз), жүрек аритмиясы; • этиологиясы алуан түрлі созылмалы гепатиттер (оның ішінде алкогольдік гепатит), бауыр циррозы. Қолдану басталғанға дейін қажетті мәліметтер тізбесі

Тиотриазолиннің фармакологиялық әсері ишемияға қарсы, жарғақшаны тұрақтандырғыш, антиоксидантты және иммуномодуляциялайтын әсер етумен жүзеге асады. Препараттың әсер етуі анаэробтық гликолиздің компенсаторлы белсенділенуінің және Кребс циклында, жасушаішілік АТФ қорының сақталып, тотығу үдерістерінің белсенділенуінің күшеюі есебінен жүзеге асады. Тиазот қышқылы молекуласының құрылымында тотығу-тотықсыздану қасиеттері тән тиол күкіртінің, және сутегі иондарының артығын байланыстыратын үштік азоттың болуы антиоксидантты жүйенің белсенділенуін жүзеге асырады. Тиол тобының күшті тотықсыздандырғыш қасиеттері оттегінің белсенді түрлерімен және липидтік радикалдармен реакциясын тудырады. Радикалға қарсы ферменттердің –супероксиддисмутазаның, каталазаның және глутатионпероксидазаның реактивациясы – оттегінің белсенді түрлерінің инициациясын болдырмайды. Тиазот қышқылының әсері миокардтың ишемияланған жерлерінде липидтердің тотығу үдерісін тежейді, миокардтың катехоламиндерге сезімталдығын азайтады, жүректің жиырылу қызметінің үдеп басылуына жол бермейді, миокардтың некроз аймағын және ишемиясын сәйкесінше азайтады және тұрақтандырады. Қанның реологиялық қасиеттерінің жақсаруы фибринолитикалық жүйенің белсенділенуі есебінен жүзеге асады. Миокард метаболизмі үдерісінің жақсаруы, оның жиырылғыштық қызметінің жоғарылауы жүрек ырғағының қалыпты болуына мүмкіндік береді, ол тиазот қышқылын жүректің ишемиялық ауруларының алуан түрлеріне шалдыққан науқастарды емдеу үшін ұсынуға мүмкіндік береді. Препаратты кардиологияда қатарластыра қолданумен бірге, тиазот қышқылын бауыр және басқа ішкі ағзалар ауруларын емдеген кезде, оның жоғары гепатопротекторлы қасиеттерін есепке ала отырып, қолданады. Препарат гепатоциттердің бұзылуына жол бермейді, май инфильтрациясының дәрежесін және бауырдың центролобулярлы некроздарының таралуын төмендетеді, гепатоциттердің репаративті регенерация үдерістеріне мүмкіндік береді, оларда ақуыздық, көмірсулық, липидтік және пигменттік алмасуды қалыпқа келтіреді. Өттің синтезі мен бөлініп шығу жылдамдығын арттырады, олардың химиялық құрамын қалыпты етеді.

Дозалау режимі Тұрақты жүктемелік стенокардия кезінде Тиотриазолин ішке 200 мг тәулігіне 3 рет тағайындалады. Емдеу курсы - 8 апта. Тыныштық күйдегі стенокардия, миокард инфарктісі, инфарктен кейінгі кардиосклероз кезінде Тиотриазолин ішке 200 мг тәулігіне 3 рет 20-30 күн бойы тағайындалады. Жүрек ырғағы бұзылған кезде Тиотриазолин ішке 200 мг немесе тіл астына тәулігіне 3 рет тағайындалады. Бауыр аурулары кезінде Тиотриазолин ішке 200 мг тәулігіне 3 рет 20-30 күн бойы тағайындалады. Емдеу курсының ұзақтығын ауырлығына және ауыру ағымына қарай дәрігер жекелей белгілейді. Енгізу әдісі мен жолы Ішке қабылдау үшін.

• Тиотриазолинге және препараттың басқа компоненттеріне жоғары сезімталдық; • бүйрек жеткіліксіздігі; • жүктілік және лактация кезеңі • 18 жасқа дейінгі балалар мен жасөспірімдер; • тұқым қуалайтын фруктоза жақпаушылығы немесе глюкоза-галактоза мальабсорбциясы.

Препарат, әдетте, жақсы көтерімді. Жеке сезімталдығы жоғары науқастарда туындауы мүмкін: тері және тері асты шелі тарапынан: қышыну, тері гиперемиясы, бөртпе, есекжем, ангионевроздық ісіну. Кешенді емде қабылдағанда, негізінен егде жастағы пациенттерде туындауы мүмкін: иммундық жүйе тарапынан: анафилаксиялық шок, аллергиялық реакциялар; орталық және шеткері жүйке жүйесі тарапынан: бас айналу, құлақтағы шуыл, жалпы әлсіздік, бас ауыруы; асқазан-ішек жолы тарапынан: диспепсиялық құбылыстардың көріністері, соның ішінде ауыздың құрғауы, жүрек айнуы, құсу; іштің кебуі; тыныс алу жүйесі, кеуде және көкірек ортасы ағзалары тарапынан: ентігу, тұншығу, бронх түйілуі; жалпы бұзылыстар: жалпы әлсіздік, қызба; Тіркеуден кейінгі бақылау кезеңінде Тиотриазолин препаратын қабылдаумен байланысты екендігін дәлелденбеген реакциялар да байқалды: жүрек-қантамыр жүйесі тарапынан: артериялық гипертензия, тахикардия, артериялық қысымның төмендеу жағдайлары, жүрек аумағындағы ауырсыну, аритмия. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: несепте натрий мен калий концентрациясының жоғарылауы. Емі: симптоматикалық ем, препаратты тоқтату. Егер сізде қосымша сұрақтар туындаса, дәрілік препаратты қолдану тәсілін түсіндіру үшін медициналық қызметкерден кеңес алыңыз.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Қазіргі кезде хабарлар жоқ, алайда бас айналуы мүмкін екендігін ескеру керек.

Жүктілік немесе лактация кезінде препаратты қолданудың тиімділігі мен қауіпсіздігі зерттелмеген. Балалар Препаратты балаларда қолдану тәжірибесі жеткіліксіз.

Тиотриазолинді кардиопротекторлы препарат ретінде жүректің ишемиялық ауруын емдейтін базистік дәрілермен біріктіріп қолдануға болады. Гепатопротекторлы дәрі ретінде этиологиясы сәйкес келетін гепатиттерді емдеудің дәстүрлі әдістерін тағайындаумен біріктірілуі мүмкін.

Сақтау мерзімі 2 жыл Қаптамада көрсетілген жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек!