Тоби Подхалер порошок 28 мг

Бір капсула құрамында белсенді зат - 28 мг тобрамицин (қабылданатын дозадағы 25,5 мг тобрамицинге сәйкес келеді), қосымша заттар: күкірт қышқылы, 1,2-дистеароил-сн-глицеро-3-фосфохолин (DSPC), кальций хлориді, капсула қабығының құрамы: гипромеллоза, тазартылған су, каррагинан (Е 407), калий хлориді, көк сия, карнауб балауызы. көк сия құрамы: этанолда шеллак жалтыры 45 % (20 % этерификация), FD&C көк #2/индигокармин алюминий лагы (E 132), Н-бутил спирті, титанның қостотығы (Е 171), пропиленгликоль (Е 1520), изопропил спирті. Сыртқы түрінің, иісінің, дәмінің сипаттамасы Капсула қақпақшасындағы радиус сызығында көк түсті «MYL TPH» таңбасымен және корпусындағы радиус сызығында көк түсті Майлан логотип таңбасымен немесе капсула корпусындағы радиус сызығында көк түсті «MYL TPH» таңбасымен және қақпақшасындағы радиус сызығында көк түсті Майлан логотип таңбасымен мөлдір түссіз корпусы мен қақпақшасы бар қатты капсулалар, өлшемі 2. Капсуланың ішінде - көрінетін механикалық қосылыстарсыз ақтан ақ дерлік түске дейінгі ұнтақ.

Тоби Подхалер препараты муковисцидоз бар ересектер мен 6 жастағы және одан үлкен балаларда Pseudomonas aeruginosa туғызған өкпенің созылмалы инфекциясына супрессиялық ем жүргізуге көрсетілген.

Әсер ету механизмі Тобрамицин – Streptomyces tenebrarius өндіретін амингликозидтері тобына жататын антибиотик. Тобрамицин ақуыз синтезін бәсеңдетеді, бұл жасушалық жарғақша өткізгіштігінің өзгеруіне, жасуша жақтауының ыдырауына және соңында бактериялық жасушаның қырылуына әкеледі. Ең төмен бәсеңдететін концентрацияларына тең немесе одан сәл асып кететін концентрацияларда бактерицидті әсерге ие болады. Шекті мәндер Тобрамициннің парентеральді түрлері үшін белгіленген сезімталдықтың шекті мәндері препаратты енгізудің ингаляциялық түріне тән осындай мәндерге сәйкес келмейді. Муковисцидоз кезіндегі қақырық ингаляцияланатын амингликозидтерінің жергілікті биологиялық белсенділігін тежеу әсерін көрсетеді. Бұл P. aeruginosa басуға арналған ингаляциядан кейін қақырықтағы тобрамицин концентрацияларының ең төмен бәсеңдету концентрацияларынан (ЕБК) шамамен он есе немесе жоғары болуы тиістігіне себеп болады. Белсенді бақыланатын зерттеуде пациенттердің, ең болмаса, 89 %-да емнің басталуына дейін де, емдеудің үшінші белсенді циклының соңында да қабылдаудан кейінгі қақырықта тобрамициннің орташа концентрациясынан, кем дегенде, 15 есе төмен ЕБК бар P. aeruginosa изоляттары болды. Сезімталдығы Ингаляциялық енгізу жолына арналған сезімталдықтың әдеттегі бақылау нүктелері болмағанда ішке тартатын тобрамицинге сезімтал да, сезімтал емес те микроорганизмдерді анықтауда сақтық шарасын қадағалау қажет. Муковисцидозбен науқастарды емдеу кезінде P. aeruginosa үшін ЕБК өзгерістерінің клиникалық мәнділігі нақты анықталмады. Ингаляцияға арналған тобрамицин ерітіндісінің (Тоби) клиникалық зерттеулерінде тест өткізілген P. аeruginosa изоляттарына тән тобрамицин, амикацин және гентамицин ЕБК аздап артуы көрсетілді. Ашық зерттеулерде емделудің әр қосымша 6 айы плацебо-бақыланатын зерттеулердің 6 айында байқалғандарына шамасы бойынша ұқсас қосымша жоғарылауларға алып келді. Тобрамицинге төзімділік әртүрлі механизмдермен қалыптасады. Төзімділіктің басты механизмдері – препарат эффлюксі және оның ферменттермен белсенділігінің жойылуы. Муковисцидоз бар пациенттерде P. aeruginosa инфекциясының анаэробтық жағдайлар және генетикалық мутациялардың жоғары жиілігі сияқты ерекше сипаттамалары муковисцидоз бар пациенттерде P. aeruginosa сезімталдығын төмендету үшін де маңызды факторлар болуы мүмкін. Іn vitro деректерінің және/немесе клиникалық зерттеулер тәжірибесінің негізінде муковисцидоз кезінде өкпе инфекцияларымен астасқан микроорганизмдер Тоби Подхалер препаратымен емге келесі үлгіде жауап береді деп жорамалдауға болады: Сезімтал — Pseudomonas aeruginosa Haemophilus influenzae Staphylococcus aureus Сезімтал емес — Burkholderia cepacia Stenotrophomonas maltophilia Alcaligenes xylosoxidans Клиникалық тиімділігі және қауіпсіздігі Тоби Подхалер препаратының III фазадағы клиникалық зерттеулер бағдарламасы хлоридтер санын анықтауға арналған терге жасалған тест: пилокарпинмен ионофорез немесе әр CFTR генінде жақсы сипатталған тиісті мутациялар көмегімен немесе муковисцидозға тән назальді трансэпителий қуатының аномальді әртүрлілігі негізінде расталған муковисцидоз клиникалық диагнозы бар 612 пациент қатысқан екі зерттеуден құралды. Плацебо-бақыланатын зерттеуде пациенттер 6-дан 22 дейінгі (қоса алғанда) жаста болып, олардың скрининг кезіндегі ҚДК1 мәні Кнудсон критерийлері негізінде жас, жыныс және бой үшін болжанатын қалыпты мәндердің 25-тен 84 % дейінін құрады. Белсенді бақыланатын зерттеулерде барлық пациенттер 6 жастан асқандар (6-дан 66 жасқа дейінгілер) болып, ҚДК1 мәні скринингте айқындалған 24-тен 76 % дейінгі шекте болды. Бұдан бөлек, барлық пациенттер P. aeruginosa инфекциясын жұқтырды, бұл скрининг басталуына дейінгі 6 ай ішіндегі қақырықтың немесе тамақтан алынған өсіріндінің (немесе бронхоальвеолярлы лаваж) оң талдауымен, сондай-ақ скрининг кезінде алынған қақырық талдауымен расталды. Рандомизацияланған, салыстырмалы жасырын, плацебо-бақыланатын, шағын орталықтық клиникалық зерттеуде Тоби Подхалер препараты 112 мг дозада (28 мг 4 капсула) тәулігіне екі рет, 28-күндік емделу кезеңінің үш циклымен және препарат пайдаланылмайтын 28-күндік кезеңмен тағайындалды (жалпы емдеу ұзақтығы 24 аптаға созылды). Плацебо тобында рандомизацияланған пациенттер емдеудің алғашқы циклы кезінде плацебо және соңғы екі циклда Тоби Подхалер препаратын қабылдады. Осы зерттеудің қатысушылары зерттеудің басталуына дейін 4 ай ішінде тобрамицинді ингаляциялық жолмен қабылдамады. Тоби Подхалер препараты, плацебомен салыстырғанда, өкпе функциясын едәуір жақсартты, бұл 28 күн емделуден соң болжанатын ҚДК1 шамамен 13 % салыстырмалы артуын көрсетті. Емдеудің алғашқы циклының ішінде қол жеткізілген өкпе функциясының жақсарулары Тоби Подхалер препаратымен емделудің келесі екі циклы бойына сақталды. Емдеудің екінші циклының басында плацебо тобының пациенттері Тоби Подхалер препаратымен емге ауыстырылғанда, оларда болжамалы ҚДК1 пайыздық мәніндегі бастапқы деңгеймен салыстырғанда, ұқсас сипаттағы жақсару байқалды. Тоби Подхалер препаратымен 28 күн бойы емделу қақырықтағы P. aeruginosa тығыздығының статистикалық мәнді азаюын көрсетті (плацебомен орташа айырмасы КТБ/колония түзетін бірліктерде - 2,70 log10 жуық). Екінші ашық шағын орталықтық зерттеуде пациенттер үш цикл бойы тәулігіне екі рет тағайындалған Тоби Подхалер препаратымен (112 мг) немесе небулайзерге (Тоби) арналған ерітінді түріндегі 300 мг/5 мл тобрамицинмен ем қабылдады. Пациенттердің көпшілігі бұрын тобрамицин қабылдаған және оларда P. aeruginosa туғызған өкпенің созылмалы инфекциясы болған. Тоби Подхалер препараттарымен және небулайзерге (Тоби) арналған тобрамициннің 300 мг/5 мл ерітіндісімен емделу, тиісінше, 5,8 және 4,7 % болып болжанатын ҚДК1 мәнімен салыстырылатын пайыздық қатынаста, үшінші емдеу циклының 28-ші күнінде, бастапқы деңгеймен салыстырғанда, мәндерінің салыстырмалы артуына алып келді. Пайыздық қатынаста болжанатын ҚДК1 мәнінің жақсаруы Тоби Подхалер препаратын қабылдаған пациенттер тобында саны жағынан көбірек болды және Тоби қабылдаған топтағы мәндерімен статистикалық тұрғыда ұқсас болды. Бұл зерттеуде өкпе функциясының аз білінетін жақсарулары осы қауымдағы пациенттердің ингаляцияланатын тобрамицин қолданылған емнен өткенімен түсіндіріледі. Тоби Подхалер препараты және Тоби небулайзеріне арналған ерітінді топтарында пациенттердің жартысынан көбі жаңа (қосымша) антипсевдомонадтық антибиотиктер қабылдады (тиісінше, 64,9 және 54,5 %, ең алдымен, айырмасы ципрофлоксацинді ішу арқылы қолдануда болды). Респираторлық аурулар себебінен ауруханаға жатқызу қажет болатын пациенттер үлесі Тоби Подхалер препаратының тобында 24,4 % және Тоби небулайзеріне арналған ерітінді тобында 22,0 % болды. Жас шамасына қарай ҚДК1 жауабының айырмасы білінді. 20 жасқа толмаған пациенттерде болжанатын ҚДК1 пайызының артуы көбірек: 3 цикл өткен соң Тоби Подхалер препаратын қабылдаған топ үшін 11,3 % және небулайзерге арналған ерітіндіні алған топ үшін 6,9 % болды. Саны жағынан аз жауап 20 жасқа толмаған және одан асқан пациенттерде байқалды: 20 жасқа толмаған және одан асқан пациенттерде бастапқы ҚДК1 өзгерістері азырақ болды (Тоби Подхалер препаратының тобында 0,3 % және Тоби небулайзеріне арналған ерітінді тобында 0,9 %). Бұдан басқа, болжанатын ҚДК1 6 % жақсаруы, тиісінше, Тоби Подхалер препаратын және Тоби қабылдаған топтағы ересек пациенттердің 36 %-мен салыстырғанда, 30 % шамасында алынды. Тоби Подхалер препаратымен 28 күн бойы емделу қақырықтағы P. аeruginosa тығыздығының (–1,61 log10 КТБ) статистикалық мәнді азаюын небулайзерге арналған ерітіндімен (–0,77 log10 КТБ) салыстырмалы көрсетті. Қақырықтағы P. aeruginosa тығыздығының азаюы екі емдеу тобындағы барлық қосалқы жас топтарында бірдей болды. Екі зерттеуде де емделусіз 28 күндік кезеңнен кейін P. aeruginosa тығыздығының қалыпқа келуі болып, ол емделудің келесі 28 күнінде кері дамуға ұшырады. Белсенді бақыланатын зерттеуде Тоби Подхалер препаратының дозасын енгізу шамамен 14 минут орташа айырмамен тезірек жүргізілді (небулайзерге арналған ерітінді үшін 20 минутқа қарсы 6 минут). Тоби Подхалер препараты тобының пациенттерінде емдеу қолайлылығы және жалпы қанағаттану (зерттеуге қатысушылар толтырған сауалнама нәтижелері көрсеткендей) тобрамицинді небулайзерге арналған ерітінді түрінде қабылдаған пациенттерде әр циклда өзгеріссіз жоғары болды. Қауіпсіздік зерттеуінің нәтижелері 4.8 бөлімінде берілген.

Дозалау режимі Тоби Подхалер препаратының дозасы жасына немесе дене салмағына байланыссыз барлық пациенттер үшін бірдей. Ұсынылатын дозасы 28 күн бойы тәулігіне екі рет 112 мг тобрамицин (28 мг 4 капсула) құрайды. Тоби Подхалер 28 күн үзілістен соң 28 күндік емдеудің кезектес циклдарымен қабылданады. Екі дозаны (әрқайсысы 4 капсуладан) барынша 12 сағатқа жуықталған және кем дегенде 6 сағат құрайтын аралықпен ішке тартып тыныс алу керек. Қолдану тәсілі Ингаляциялық қолдану үшін. Тоби Подхалер препараты Подхалер құрылғысын пайдаланумен ингаляциялық тағайындалады. Препаратты өзге енгізу тәсілімен немесе басқа ингаляторды пайдаланумен қолдануға болмайды. Тоби Подхалер препаратымен емделуді бастаған, әсіресе, 10 жастағы және одан кіші балаларға көмек көрсету және олар өзгенің көмегінсіз Подхалер құрылғысын дұрыс пайдаланып үйренгенше оларды бақылап отыру қажет. Тоби® Подхалер® капсуласын жұтуға болмайды. Тоби Подхалер препаратының әр капсуласын олардың арасына үзіліс салып екі рет тыныс алу арқылы ішке тарту керек, одан кейін оның бос қалғанына көз жеткізу қажет. Егер пациенттер бірнеше әртүрлі ингаляциялық препараттар қабылдап, кеуде қуысына жасалатын физиотерапиядан өтсе, соңғы кезекте Тоби Подхалер препаратын пайдалану ұсынылады. Қолдану жөніндегі нұсқаулар Тоби Подхалер препаратының апталық қаптамасында мыналар бар: - капсулалары бар жеті блистер (аптаның жеті күнінің әрқайсысына) - ингалятор және оны сақтауға арналған пластик пенал. Капсулалары бар әр блистерде сегіз капсуладан болады (тәулік бойы таңертең қабылдауға 4 капсула және кешке қабылдауға 4 капсула). Тоби Подхалер препаратының капсулаларын блистерде (капсулаларға арналған қаптамада) сақтау және тура қолданар алдында шығарып алу керек. Ингалятор мен оған арналған пеналды 7 күн бойы пайдаланады, одан кейін оларды тастайды және алмастырады. Басқа өндірушінің ингаляторын пайдалануға рұқсат етілмейді. Төменде Тоби Подхалер препаратын қолданудың негізгі сатылары берілген. КАПСУЛАЛАРЫ БАР БЛИСТЕР — ИНГАЛЯТОР — САҚТАУҒА АРНАЛҒАН ПЛАСТИК ПЕНАЛ • Ингаляция 6-дан 10 жасқа дейінгі балалар өз бетінше қолданатын сәтке дейін ересектердің бақылауымен жүргізілуі тиіс. Қолды сабынмен жуыңыз және құрғатып сүртіңіз. Тура пайдаланар алдында ингаляторды сақтауға арналған пеналынан, оның негізінен ұстап тұрып, қақпағын сағат тілі бағытына қарсы айналдыра отырып, шешіп алыңыз. Қақпағын бір жерге қойыңыз. Ингалятордың бүлінбеуін немесе ластанбауын қарап тексеріңіз, одан кейін сақтауға арналған пеналға тігінен салыңыз. Ингаляторды корпусынан ұстап тұрып, бұрап босатыңыз және одан мүштікті шешіп алыңыз. Оны таза және құрғақ беткейге қойыңыз. Капсулалары бар блистерді таңертеңгі және кешкі қабылдауға бөліңіз. Блистерден фольгасын ашып, Тоби Подхалер препаратының бір капсуласын алыңыз. Капсуланы бірден ингалятор камерасына (1) қойыңыз. Мүштікті орнына қайта салыңыз және оны толық тоқтағанша бұраңыз (2). Тым қатты тартпаңыз. Капсуланы тесу үшін ингаляторды мүштігін төмен қарата бұрыңыз, тетігін тірелгенше бас бармақпен басыңыз, одан кейін босатыңыз. Препарат енді ингаляцияға дайын. Ингалятордан тыс жаққа терең дем шығарыңыз. Ингаляторды мүштігін өзіңізге қарата бұрыңыз. Мүштікті ауызбен нығыз көмкеріңіз. Барынша бір рет терең дем алу арқылы ұнтақты ішке тартыңыз. Ингаляторды ауыздан шығарып алыңыз, деміңізді шамамен 5 секунд ідіртіңіз, одан кейін әдеттегідей ингалятордан тыс жаққа дем шығарыңыз. Жай дем алудың аздаған аралығынан соң 8 - 10 бөлімді қайталап, дәл сол капсуладан екінші ингаляцияны жасаңыз. Мүштікті кері бұраңыз және камерадан капсуланы шығарып алыңыз. Пайдаланған капсуланы қарап тексеріңіз. Ол тесілген және бос болуы тиіс. Егер капсула тесілген болса, бірақ онда аздаған ұнтақ қалса, оны камераға кері салыңыз (алдымен тесілген жағына қарай қойыңыз), мүштігін кигізіңіз және капсуладан тағы екі ингаляция жасаңыз (6 тармағын, одан кейін 8-ден 12 дейінгі тармақтарды қайталау). Капсуланы қайта қарап тексеріңіз. Егер капсуладан тесік табылмаса, оны камераға кері салыңыз, мүштікті бұраңыз, тетігін түбіне тірелгенше бас бармақпен басыңыз, одан кейін оны босатыңыз. Капсуладан тағы екі ингаляция жасаңыз (6-дан 12 дейінгі тармақтарды қайталаңыз). Егер одан кейін де капсула толық және тесілмеген күйде қалса, ингаляторды басқасына алмастырып, тағы байқап көріңіз (2, 3 және 6-дан 12 дейінгі тармақтарды қайталаңыз). Бос капсуланы тастаңыз. Қалған үш капсуламен 5 тармақтан бастап 14 тармаққа дейін барлық манипуляцияны қайталаңыз. Мүштікті орнына оны толық тоқтағанша бұрап, салыңыз. Толық дозамен (4 капсула) ингаляциялаудан кейін мүштікті таза құрғақ шүберекпен сүртіңіз. Ингаляторды ешқашан жумаңыз. Ингалятор қақпағын сағат тілінің бағытымен бұрап жауып, оны нығыздап жабыңыз. ЕСТЕ САҚТАҢЫЗ: - Тоби Подхалер препаратының капсуласын жұтып қоймаңыз. - Осы қаптамадан алынған ингаляторды ғана пайдаланыңыз. - Тоби Подхалер препаратының капсуласын блистерде сақтау және тура қолданар алдында ғана шығарып алу керек. Капсуланы ингаляторда сақтамаңыз. - Тоби Подхалер препаратының капсуласын және ингаляторды құрғақ жерде сақтаңыз. - Тоби Подхалер препаратының капсуласын ешқашан тура ингалятор мүштігіне қоймаңыз. - Капсуланы тесу үшін тетігін бір жолы бір реттен артық баспаңыз. - Ингалятор мүштігіне ешқашан үрлемеңіз. - Ингаляторды сумен ешқашан жумаңыз. Оны пеналда құрғақ жерде сақтаңыз. • Қосымша ақпарат • Бір қатар жағдайларда капсуланың аздаған түйірлері экраннан өтіп, ауызға түсуі мүмкін. Осындай жағдайларда түйірлер тілден сезіледі. Түйірлерді жұту және ішке тарту сізге зиян тигізбейді. Егер капсула бір реттен көбірек тесілген жағдайда (7 қадам), оның ыдырау ықтималдығы артады. Пайдаланылмаған кез келген препаратты немесе қалдықтарды жергілікті талаптарға сәйкес жою керек. Емдеу ұзақтығы Тоби Подхалер препаратымен емделуді пациент, емдеуші дәрігердің пікірінше, жүргізілген емнің клиникалық пайдасын көретін сәтке дейін циклмен жалғастырғаны жөн. Егер өкпе статусының клиникалық нашарлауы айқын болса, қосымша немесе баламалы антипсевдомонадтық ем мәселесін қарастыру керек. Пациенттердің ерекше топтары Егде жастағы (65 жастан асқан) пациенттер Осы жас тобындағы пациенттерде дозаны түзетуге нұсқау беру үшін деректер жеткіліксіз. Тоби® Подхалер® қабылдайтын егде жастағы пациенттерде бүйрек функциясын ескеру керек. Бүйрек функциясының бұзылуы бар пациенттер Тобрамицин негізінен өзгермеген күйде несеппен экскрецияланады, сондықтан бүйрек функциясы тобрамициннің шығарылуына ықпал етеді деп күтіледі. Сарысулық креатинин 2 мг/дл немесе одан көп және қандағы мочевина азоты (ҚМА) 40 мг/дл немесе одан көп деңгейде болатын пациенттер клиникалық зерттеулерде қамтылмады, пациенттердің осы санатында Тоби Подхалер препаратының дозасын түзетуге нұсқаулар беру үшін деректер жоқ. Тоби Подхалер препаратын белгілі немесе болжамды бүйрек аурулары бар пациенттерге сақтықпен тағайындау керек. Бауыр функциясының бұзылуы бар пациенттер Бауыр функциясының бұзылуы бар пациенттердің қатысуымен зерттеулер жүргізілмеген. Тобрамицин бауырда метаболизденбейтіндіктен, бауыр жеткіліксіздігі оның экскрециясына ықпал етпейді деп болжанады. Ағзалар трансплантациясынан кейінгі пациенттер Тоби Подхалер препаратын ағзалар трансплантациясынан кейінгі пациенттерде қолдану туралы жеткілікті деректер жоқ. Ағзалар трансплантациясынан кейінгі пациенттерде дозаны түзету туралы нұсқаулар берілмеген. Балалар популяциясы Тоби Подхалер препаратының қауіпсіздігі мен тиімділігі 6 жасқа дейінгі балаларда анықталмаған. Деректер жоқ. Дәрілік препараттың бір немесе бірнеше дозасын өткізіп алған жағдайдағы қажет шаралар Дозаны өткізіп алған жағдайда пациент мүмкіндігінше тезірек келесі ингаляцияға дейін, кем дегенде, 6 сағат бұрын дозаны қабылдауы тиіс. Керісінше жағдайда, пациент келесі дозаны күтуі және өткізіп алған дозаның орнын толтыратын капсуладан көбірек ішке тартпауы керек.

- белсенді затқа және кез-келген амингликозидке немесе қосымша заттардың кез келгеніне аса жоғары сезімталдық. Қолдану үшін қажетті сақтық шаралар Отоуыттылық Парентеральді амингликозидтерін пайдаланғанда есту қабілетінің уыттануы түрінде де (естімей қалу), вестибулярлы уыттылық түрінде де көрініс берген отоуыттылық жағдайлары болды. Вестибулярлы уыттылық вертиго, атаксия немесе бас айналу түрінде көрініс беруі мүмкін. Құлақтағы шуыл отоуыттылықтың дабыл симптомы болуы мүмкін, сондықтан ол пайда болғанда сақтық шарасын қадағалау керек. Клиникалық зерттеулер барысында Тоби Подхалер препаратын қабылдаған пациенттерде есту қабілетінен айырылу және құлақтың шуылдауы сипатталды. Тоби Подхалер препаратын есту немесе вестибулярлы аппарат тарапынан белгілі немесе болжамды бұзылуы бар пациенттерге абайлап тағайындау керек. Есту қабілетінің дисфункция белгілері немесе оны дамытатын қауіп факторлары бар пациенттерде Тоби Подхалер препаратымен емді бастау алдында аудиометрия жүргізу қажеттілігі туындауы мүмкін. Митохондриялық ДНҚ мутациясына байланысты ототоксикалық қауіп Митохондриялық ДНҚ мутациялары бар пациенттерде (әсіресе 12S рРНК (MT-RNR1)) генінде нуклеотидтерді алмастыру 1555A>G), тіпті емдеу кезінде қан сарысуындағы аминогликозидтердің деңгейі ұсынылған диапазонда болса да, ототоуыттылық қаупі жоғары. Пациенттерде отбасылық анамнезінде сәйкес мутациялар немесе аминогликозидтер әсерінен есту қабілетінің жоғалуы бар емделушілерде емдеудің баламалы нұсқаларын қарастырған жөн. Пациенттерде Тоби Подхалер препаратымен емделу кезінде құлақтың шуылдауы немесе есту қабілетінің бұзылуы сияқты симптомдар болса, дәрігер оларға аудиометриялық зерттеу тағайындауы тиіс. Төмендегі «Қан сарысуындағы тобрамицин концентрациясына мониторинг» бөлімімен де танысыңыз. Нефроуыттылық Парентеральді аминогликозидтерді қолданған кезде нефроуыттылық жағдайлары туралы хабарланды. Клиникалық сынақтарда Тоби Подхалер препаратымен нефроуытты әсерлер байқалмады; дегенмен, ингаляциялық тобрамицинді қолданған кезде маркетингтен кейінгі кезеңде бүйректің жедел зақымдану (БЖЗ) жағдайлары туралы хабарланды. Тоби Подхалер препаратын бүйрек ауруы белгілі немесе күдікті науқастарға сақтықпен қолдану керек. Терапияны бастамас бұрын бүйрек функциясын бағалау керек. Тоби Подхалер препаратымен емдеудің әрбір 6 толық циклінен кейін қандағы мочевина мен креатинин деңгейін бағалау керек. Қан сарысуындағы тобрамицин концентрациясына мониторинг Есту қабілетінің және/немесе бүйрек функциясының белгілі немесе болжамды бұзылуы бар пациенттерде қан сарысуында тобрамицин концентрациясын мониторингтеу қажет. Ото- немесе нефроуыттылық белгілері болғанда Тоби Подхалер препаратымен емдеуді қан сарысуында тобрамицин концентрациясы 2 мкг/мл-ден төмен болатын сәтке дейін тоқтату керек. Қан сарысуында 12 мкг/мл-ден жоғары концентрациялар тобрамициннің уыттылық көріністерімен байланысты, сондықтан осы шектен асып кетсе, емдеуді үзу қажет. Қан сарысуында тобрамицин концентрациясын мониторингтеу үшін тек валидацияланған әдістемелерді пайдалану қажет. Үлгінің ластануы мүмкіндігіне байланысты қан үлгісін саусақты тесу жолымен алу ұсынылмайды. Бронх түйілуі Клиникалық зерттеулер кезінде Тоби Подхалер препаратымен ем аясында бронх түйілуінің даму мүмкіндігі туралы хабарламалар келіп түсті. Бронх түйілуін емдеу үшін тиісті медициналық дәрілерді пайдалану керек. Тоби Подхалер препаратының алғашқы дозасы, бронходилататор пайдаланудан кейін, егер соңғысы пациенттің емдеу режимінде көзделген болса, медқызметкерінің қадағалауымен қабылдануы тиіс. Тоби Подхалер препаратымен ингаляциялауға дейін және одан кейін ҚДК1 өлшеу керек. Егер ем индукциялаған бронх түйілуіне дәлел бар болса, дәрігер Тоби Подхалер препаратын пайдалануды жалғастыру артықшылығының пациент үшін қауіптен артық-кемін мұқият бағалауы тиіс. Аллергиялық реакцияның дамуына күмән туындаса, Тоби Подхалер препаратымен емді тоқтату керек. Жөтел Клиникалық зерттеулер кезінде Тоби Подхалер препаратымен ем аясында жөтелдің дамуы туралы хабарламалар келіп түсті. Клиникалық зерттеулер нәтижелері бойынша Тоби Подхалер ұнтағын қолдану, небулайзерге арналған тобрамицин (ТОБИ) ерітіндісін пайдаланумен салыстырғанда, жөтелдің және ауыз қуысының және/немесе жұтқыншақтың ауыруы сияқты жағымсыз реакциялардың өте жоғары жиілікте туындауымен астасады. Жөтел бронх түйілуімен байланысты болмады. Тоби Подхалер препаратымен ем кезінде жөтел 13 жасқа толмаған балаларда, басқа жас топтарындағы пациенттерге қарағанда, жиірек туындады. Егер Тоби Подхалер препаратымен жалғасатын емнің жөтелді индукциялау дәлелі бар болса, дәрігер небулайзерге арналған ерітінді дәрілік түрін қолданудың баламалы нұсқасын қарау керек. Егер жөтел өзгеріссіз қалса, басқа антибиотикті таңдау нұсқасын қарау керек. Қан түкіру Қан түкіретін пациенттер клиникалық зерттеулерден шығарылды, сондықтан Тоби Подхалер препаратын осы топтағы тұлғаларда қолдану деректері жоқ. Оны ұнтақты ішке тартудың жөтелдің өте жоғары жиілігімен байланысты болатынын назарға ала отырып, Тоби Подхалер препаратын тағайындау алдында ескеру керек (жоғарыдан қараңыз). Тоби® Подхалер® препаратын клиникалық мәнді қан түкіру бар пациенттерде қолдануды, егер дәрігер емдеудің күтілетін сәттілігі қан кетудің даму қаупінен асып түседі деп санаса ғана бастаған немесе жалғастырған жөн. Басқа өзара әрекеттесулер Амингликозидтерімен (немесе бүйректің экскреторлық функциясына әсер ететін кез келген препараттармен, мысалы, диуретиктермен) қатарлас парентеральді ем қабылдайтын пациенттер жинақталатын уыттылық құбылыстарының даму қаупіне орай қадағалауда болуы тиіс. Бақылау өзінде қан сарысуындағы тобрамицин концентрациясына мониторингті қамтиды. Осының алдындағы ұзақ жүйелі амингликозидтерімен емдеуге байланысты жоғары қауіп бар пациенттерде Тоби Подхалер препаратымен емді бастауға дейін бүйрек функциясын бағалау және аудиометрия жүргізу қажеттілігі туындауы мүмкін. Төмендегі «Қан сарысуындағы тобрамицин концентрациясына мониторинг» бөлімімен де танысыңыз. Тоби Подхалер паркинсонизм немесе гравис миастениясы сияқты белгілі немесе болжамды нейро бұлшықет бұзылулары бар пациенттерге ерекше сақтықпен қолданылу керек. Амингликозидтері нейро бұлшықет функциясына ықтималды кураре тәрізді әсер ету салдарынан бұлшықет әлсіздігін өршітуі мүмкін. Антибиотикке төзімді P. aeruginosa штаммдарының пайда болуы және басқа патогенді микроорганизмдермен асқын инфекция бактерияға қарсы ем жүргізумен астасқан зор қауіп түрінде болады. Клиникалық зерттеулер кезінде Тоби Подхалер препаратын қабылдаған кейбір пациенттерде P. aeruginosa оқшаулағыш штаммдарымен тест өткізгенде амингликозидінің ең төмен бәсеңдету концентрациясының (ЕТБК) артуы болды. Байқалатын ЕТБК артуы емдеуден тыс кезеңдерде кері дамыды. Тоби Подхалер препаратымен ем қабылдайтын пациенттерде уақыт өте венаішілік тобрамицинмен емге төзімді болатын P. aeruginosa изоляттары түзілуі мүмкіндеген теориялық қауіп бар. Әртүрлі жас топтарындағы деректер Қатысушыларының көпшілігі P. аeruginosa туғызған өкпенің созылмалы инфекциясы бар ересек пациенттер болған Тоби Подхалер препаратының және небулайзерге арналған гентамицин ерітіндісінің, бұрын тобрамицинмен ем қабылдағандар, 6-айлық салыстырмалы зерттеуінде (3 емдеу циклы) қақырықта P. aeruginosa тығыздығының бәсеңдеу дәрежесі екі емдеу тобындағы әртүрлі жас санаттарына кіретін пациенттерде ұқсас болды; алайда екі емдеу тобында ҚДК1 артуы, бастапқысымен салыстырғанда, жас пациенттерде (6-дан 20 жасқа дейін), жасы үлкендердің қосалқы тобындағы пациенттерге (20 жас және одан асқан) қарағанда, айқындау болды. Ересек пациенттерде жағымдылығының нашар болуы себепті Тоби Подхалер препаратын тоқтату жиілігі небулайзерге арналған тобрамицин ерітіндісін пайдалану кезіндегіден жоғары болды. Егер өкпе статусының клиникалық нашарлауы айқын болса, қосымша немесе баламалы антипсевдомонадтық ем мәселесін қарастыру керек. Өкпе функциясының байқалатын жақсаруын және P. aeruginosa супрессиясын Тоби Подхалер препаратының пациентке жағымдылығы тұрғысынан қарау керек. 1 секунд ішінде 25%-дан аз, 80%-дан көп жеделдетілген дем шығару көлемі (ҚДК1) болжанатын пациенттерде, сонымен қатар Burkholderia cepacia инфекциясын жұқтырған пациенттерде қауіпсіздігі мен тиімділігі анықталмаған.

P. аeruginosa инфекциясын жұқтырған муковисцидоз бар пациенттерде жүргізілген Тоби Подхалер препаратының және небулайзерге арналған тобрамицин ерітіндісінің салыстырмалы бақыланатын клиникалық зерттеуінде ең көп жиі тіркелген жағымсыз реакциялар жөтел, өнімді жөтел, гипертермия, ентігу, ауыз-жұтқыншақ ауыруы, дисфония және қан түкіру болды. Жұтқыншақ ауыруы, дисгевзия және дисфония тіркелді. Тоби Подхалер препаратын қолдану кезінде хабарланған жағымсыз реакциялардың басым көпшілігі жеңіл немесе орташа сипатта болды, ал көрінісі бойынша ауырлық дәрежесі циклдар арасында немесе бүкіл зерттеу мен емдеу кезеңдері арасында өзгешеленбеді. Ағзалар жүйелерінің әр класында жағымсыз реакциялар ең көп жиі реакцияларынан бастап және деректер базасына сәйкес жиілігі бойынша ретке келтірілген. Жиілігіне қарай әр топта жағымсыз реакциялар күрделілігінің кему ретімен берілген. Бұдан басқа, әрбір жағымсыз дәрілік реакция үшін сәйкес жиілік санаты келесі (CIOMS III) негізделген: өте жиі (≥ 1/10); жиі (≥ 1/100, < 1/10); жиі емес (≥ 1/1000, < 1/100); сирек (≥ 1/10000, < 1/1000), өте сирек (< 1/10000); белгісіз (қолжетімді деректерден бағалау мүмкін емес). Өте жиі - бас ауыруы - қан түкіру, ентігу, дисфония, өнімді жөтел, жөтел, өкпе аурулары - ауыз қуысының және/немесе жұтқыншақтың ауыруы - қызба Жиі - есту қабілетінен айрылу, құлақтағы шуыл - мұрыннан қан кету - ысқырып дем алу, сырылдар, кеуде қуысы аумағының жайсыздануы, мұрынның бітелуі, бронх түйілуі, афония, жоғарғы тыныс алу жолдарының инфекциялары - құсу, диарея, жұтқыншақ шырышты қабығының тітіркенуі, жүрек айну, дисгевзия - бөртпе - кеуде қуысы аумағындағы сүйек-бұлшықет ауыруы - өкпе функциясын тексеру нәтижелерінің төмендеуі - қарқынды дем шығару көлемінің төмендеуі - қандағы глюкоза деңгейінің жоғарылауы Белгісіз - түссіз қақырық - дімкәстану - бүйректің жедел зақымдануы (БЖЗ). Жекелеген жағымсыз құбылыстар сипаттамасы Жөтел клиникалық зерттеулерде ең көп жиі кездесетін жағымсыз әсер болды. Алайда бір де бір зерттеуде жөтелдің туындауы мен бронх түйілуі арасындағы байланыс анықталмаған. Күтілетін дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz Егер Сізге компания өнімін қолданумен, оның ішінде жүктілік немесе бала емізу кезінде қолданумен немесе медициналық қателіктер, дұрыс қолданбау, шамадан тыс қолдану, артық дозалану, басқа дәрілік заттармен өзара әрекеттесу немесе дәрілік зат пен тамақтың өзара әрекеттесуі, мақсаты бойынша қолданбау нәтижесінде немесе кәсіби және кәсіби емес қызметпен, инфекциялық агенттің күдікті берілуімен немесе тиімділіктің жоқтығымен байланысты ықпалдың салдарынан, сондай-ақ сапаның ақаулығымен астасқан қандай да бір жағымсыз реакциялар белгілі болса, бұл туралы infosafety.cis@viatris.com электронды поштасы бойынша фармакологиялық қадағалауға жауапты адамға хабарлау қажет

Тоби Подхалер препаратының артық дозалануымен байланысты спецификалық реакциялар белгісіз. Тоби Подхалер препаратының ең жоғары жағымды тәуліктік дозасы анықталмаған. Артық дозалануына мониторинг өткізгенде қан сарысуында тобрамицин концентрациясын анықтау пайдалы болуы мүмкін. Жедел уыттану белгілері білінгенде Тоби Подхалер препаратын дереу тоқтату және бүйрек функциясын бағалау керек. Тоби Подхалер препаратының капсуласын кездейсоқ ішке қабылдап қойғанда уыттылық әсерлерінің даму ықтималдығы аз, өйткені тобрамицин интактілі ас қорыту жолында нашар сіңеді. Гемодиализ организмнен тобрамицинді шығаруда маңызды рөл атқаруы мүмкін.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Тоби Подхалер препараты көлік құралдарын басқару және механизмдермен жұмыс істеу қабілетіне әсер етпейді немесе болымсыз әсер етеді.

Жүктілік Тобрамицинді ингаляциялық жолмен жүкті әйелдерде қолдану жөнінде тиісті деректер жоқ. Алайда, жоғары жүйелік концентрацияларға жеткенде амингликозидтері жүкті әйелде шарананың зақымдануын (мысалы, туа біткен кереңдік) туындатуы мүмкін. Тоби Подхалер препаратын ингаляциялаудан кейін жүйелік әсері өте төмен, алайда егер айқын қажеттілігі болмаса, яғни ана үшін пайдасы шарана үшін қауіптен артық болса, оны жүктілік кезінде пайдалануға болмайды. Тоби Подхалер препаратын жүктілік кезінде пайдаланатын немесе оны қабылдау кезінде жүкті болып қалған пациент әйелдер шаранаға төнетін зор қаупі туралы хабардар болуы тиіс. Бала емізу Тобрамицин жүйелі қолданудан кейін емшек сүтімен бөлінеді. Ингаляциялық енгізуден кейін емшек сүтімен экскрецияланатын тобрамицин мөлшері белгісіз. Жаңа туған нәрестелерде препараттың отоуыттылық және нефроуыттылық әсерін дамытуы мүмкін екенін ескеріп, лактация кезеңінде Тоби Подхалер препаратын қолдану, егер ол абсолютті қажеттілік болып табылмаса тоқтатылуы тиіс. Фертильділік Тері астына енгізгеннен кейін жануарларға жүргізілген зерттеулерде препараттың ерлер мен әйелдердің фертильділігіне әсері немесе потенциалды әсері анықталған жоқ.

Дәрілік өзара әрекеттесуіне зерттеулер жүргізілмеген. Тоби Подхалер препаратын диуретиктермен (венаішілік этакрин қышқылы, фуросемид, мочевина немесе маннит сияқты) бір мезгілде қабылдау ұсынылмайды. Ондай қосылыстар қан сарысуында және тіндерде олардың концентрацияларын өзгертіп, амингликозидтерінің уыттылығын күшейтуі мүмкін. Вена ішіне және ингаляциялық енгізуге арналған тобрамициннің дәрілік түрлерінің өзара әрекеттесу бейіні негізінде Тоби Подхалер препаратын және басқа ото- және нефроуытты дәрілік препараттарды бір мезгілде және/немесе бірінен соң бірін қолдану ұсынылмайды. Келесі дәрілік препараттарды қабылдау аясында қолданылатын парентеральді амингликозидтерінің уыттылығының ықтималды артуы туралы хабарланды: - амфотерицин В, цефалотин, такролимус, полимиксин (нефроуыттылықтың арту қаупі); • платина препараттары (нефроуыттылық пен отоуыттылықтың арту қаупі); • холинэстеразаға қарсы дәрілер, ботулиндік токсин (нейробұлшықет әсерлері). Клиникалық зерттеулер барысында Тоби® Подхалер® препаратын альфадорназамен, бронходилататорлармен, ингаляциялық кортикостероидтармен және макролидтермен қабылдаған пациенттерде дәрілік өзара әрекеттесу дәлелдері алынбаған.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Ылғалдан қорғалған жерде, 30C-ден аспайтын температурада сақтау керек. Балалардың қолы жетпейтін жерде сақтау керек!