Тобримед капли 0,3 %

Бір мл препараттың құрамында белсенді зат – 3,0 мг тобрамицин, қосымша затттар - бензалконий хлориді (50% ерітінді), динатрий эдетаты, натрий дигидрофосфат моногидраты, сусыз динатрий фосфаты, натрий хлориді, сұйылтылған фосфор қышқылы, инъекцияға арналған су. Сыртқы түрінің, иісінің, дәмінің сипаттамасы Түссізден ақшыл сары түске дейінгі мөлдір сұйықтық.

- Тобримед препараты тобрамицинге сезімтал бактериялардан, оның ішінде басқа антибиотиктердің көпшілігіне, негізінен Pseudomonas aeruginosa сезімтал емес бактериялардан туындаған ересек пациенттер мен 8 жастан асқан балалардағы көздің және оның қосалқыларының сыртқы инфекцияларын емдеуге арналған. Басқа препараттар сияқты микробқа қарсы емнің тиімділігін мұқият бақылау қажет. Бактерияларға қарсы дәрілерді дұрыс пайдалану туралы ресми нұсқаулар сақталуы тиіс.

Әсер ету механизмі Тобрамицин белсенділігі жоғары, жылдам әсер ететін, бактерицидті аминогликозидті әсер ету ауқымы кең антибиотик болып табылады. Бактериялық жасушаларға қатысты негізгі әсер рибосомадағы полипептидтердің жиналуы мен синтезін тежеу арқылы көрінеді. Резистенттілік механизмі Тобрамицинге резистенттілік әртүрлі механизмдердің есебінен дамиды, оған мыналар кіреді: (1) бактериялық жасуша ішіндегі рибосоманың суббірлігінің өзгеруі; (2) тобрамициннің жасушаға тасымалдануының бұзылуы; (3) тобрамицин аденилирлеу, фосфорлану және ацетилдену жолымен ферменттермен белсенділігі жойылады. Белсенділігін жоятын ферменттердің түзілуі туралы генетикалық ақпаратты бактериялық хромосомалар немесе плазмидтер тасымалдай алады. Басқа аминогликозидтермен айқаспалы резистенттілік болуы мүмкін. Шекті концентрациялар Төменде шекті концентрация мен жүйелік қолдануға арналған in vitro микробқа қарсы белсенділіктің ауқымы келтірілген. Бұл шекті мәндер жергілікті офтальмологиялық қолдану үшін сәйкес келмеуі мүмкін, өйткені бұл препаратты жергілікті қолданған кезде жоғары концентрациялар байқалуы мүмкін, ал енгізу орнындағы физикалық/химиялық жағдайлар препараттың белсенділікке әсер етуі мүмкін. Бактерияға қарсы дәрілерге (EUCAST) сезімталдықты анықтау жөніндегі Еуропалық комитеттің мәліметтеріне сәйкес тобрамицин үшін мынадай шекті концентрациялар анықталды: Enterobacteriaceae С ≤ 2 мг/л, Р > 4 мг/л Pseudomonas spp. С ≤ 4 мг/л, Р > 4 мг/л Acinetobacter spp.С ≤ 4 мг/л, Р > 4 мг/л Staphylococcus spp. С ≤ 1 мг/л, Р > 1 мг/л Түріне қарамастанС ≤ 2 мг/л, Р > 4 мг/л Төменде келтірілген ақпарат Тобримед препаратының құрамындағы микроорганизмдердің тобрамицинге ықтимал сезімталдығы бойынша үлгі нұсқаулық болып табылады. Одан әрі көздің сыртқы инфекциялары кезінде, мысалы, конъюнктивит кезінде кездесетін микроорганизмдердің штамдары тізбеленген. Кейбір штаммдардың жүре пайда болған резистенттілігінің жиілігі жергілікті жер мен уақытқа байланысты өзгеруі мүмкін, сондықтан микроорганизмдердің резистенттілігі туралы жергілікті ақпаратқа ие болған жөн. Атап айтқанда, микроорганизмдердің төзімділігі тобрамицинді, қалай болғанда да, инфекциялардың кейбір түрлерінде қолдану тиімділігі күмән тудыратын жерлерде ауыр инфекцияларды емдеу жағдайында сарапшының кеңесі қажет. ЖАЛПЫ СЕЗІМТАЛ ТҮРЛЕР Аэробты грамоң микроорганизмдер Bacillus megaterium Bacillus pumilus Corynebacterium accolens Corynebacterium bovis Corynebacterium macginleyi Corynebacterium pseudodiphtheriticum Kocuria kristinae Staphylococcus aureus, метициллинге сезімтал штамдар Staphylococcus epidermidis (коагулаза-оң және коагулаза-теріс) Staphylococcus haemolyticus (метициллин-сезімтал – MSSH) Streptococcus spp. (А тобының бета-гемолитикалық стрептококктарын, гемолитикалық емес микроорганизмдерді және Streptococcus pneumoniae кейбір түрлерін қоса алғанда). Аэробты грамтеріс микроорганизмдер Acinetobacter calcoaceticus Enterobacter aerogenes Escherichia coli Acinetobacter junii Acinetobacter ursingii Citrobacter koseri H. aegyptius Haemophilus influenzae Klebsiella oxytoca Klebsiella pneumoniae Morganella morganii Moraxella catarrhalis Moraxella osloensis Moraxella lacunata Neisseria тұқымдасының кейбір түрлері Proteus mirabilis Proteus vulgaris штаммдарының көп бөлігі Pseudomonas aeruginosa Serratia liquiеfaciens Басқа тиісті патогендерге қарсы бактерияға қарсы белсенділік ПРОБЛЕМА БОЛУЫ МҮМКІН ЖҮРЕ ПАЙДА БОЛҒАН РЕЗИСТЕНТТІЛІК ТҮРЛЕРІ Acinetobacter baumannii Bacillus cereus Bacillus thuringiensis Kocuria rhizophila Staphylococcus haemolyticus (метициллин-резистентті – MRSH) Staphylococcus, басқа коагулаза-теріс түрлері Serratia marcescens ТАБИҒИ РЕЗИСТЕНТТІЛІККЕ ИЕ ОРГАНИЗМДЕР Аэробты грамоң микроорганизмдер Enterococcus faecalis Staphylococcus aureus (метициллин-резистентті – MRSA) Streptococcus mitis Streptococcus pneumoniae Пиогенді стрептококк (Streptococcus pyogenes) Streptococcus sanguis Аэробты грамтеріс микроорганизмдер Haemophilus influenzae Stenotrophomonas maltophilia Chryseobacterium indologenes Burkholderia cepacia Анаэробты бактериялар Propionibacterium acnes Бактериялық сезімталдыққа жүргізілген зерттеу кейбір жағдайларда гентамицинге төзімді микроорганизмдер тобрамицинге сезімталдықты сақтайтынын көрсетеді. Фармакокинетика/фармакодинамиканың өзара байланысы Көзге тамызатын дәрі түріндегі тобрамицин үшін қолданған кезде фармакокинетикалық/фармакодинамикалық ерекше тәуелділік анықталған жоқ. In vitro және in vivo жарияланған зерттеулер тобрамицин төмен сарысулық концентрацияға қарамастан, бактериялардың өсуін тиімді басатын ұзартылған антибиотиктен кейінгі әсерге ие екенін көрсетті. Жүйелі қолданумен жүргізілген зерттеулерде көп реттік тәуліктік дозалау режимімен салыстырғанда бір реттік тәуліктік қабылдау кезінде қандағы ең жоғары концентрациялар туралы хабарланған. Сонымен қатар, қолда бар деректердің жиынтығы бір реттік тәуліктік жүйелі қолданудың тиімділігі бойынша бірнеше тәуліктік мөлшерлеу режиміне баламалы екендігін білдіреді. Тобрамицин концентрацияға тәуелді микробқа қарсы әсерге ие және ең төмен тежейтін концентрация (ЕТТК) немесе ең төмен бактерицидтік концентрациядан (ЕБК) асатын концентрацияда жоғары тиімділікті көрсетеді. Клиникалық зерттеулер деректері Клиникалық сынақтар нәтижесінде алынған қауіпсіздік жөніндегі жиынтық деректерді 4-бөлімде табуға болады. Егде жастағы пациенттер Егде жастағы және анағұрлым жастау пациенттерде препаратты қолдану кезінде қауіпсіздік пен тиімділікте қандай да бір клиникалық айырмашылықтар байқалмады. Балалар Бактериялық конъюнктивитті, блефаритті немесе блефароконъюнктивитті емдеу үшін құрамында тобрамицин бар көзге тамызатын дәрі мен көзге арналған жақпамайды қолдана отырып 10 клиникалық зерттеулерге 600-ден астам бала қатысты. Пациенттердің жасы 1 жастан 18 жасқа дейінді құрады. Жалпы, бала жастағы пациенттердің қауіпсіздік бейіні ересек пациенттерден ерекшеленбейді.

Дозалау режимі - ауырлығы жеңіл дәрежедегі аурулар кезінде: әр 4 сағат сайын көзге 1 немесе 2 тамшыдан. - аса ауыр инфекциялар кезінде: жақсарғанға дейін әр сағат сайын көзге 2 тамшыдан, одан кейін емді тоқтатпас бұрын дозаны азайту керек. Пациенттердің ерекше топтары Балалар Тобримед препараты 8 жастан бастап және одан асқан балаларда ересектердегі сияқты дозада қолданылуы мүмкін. Егде жастағы пациенттер Ересектер мен егде пациенттерде қолданудың тиімділігі мен қауіпсіздігі жөніндегі клиникалық деректерде айырмашылықтар жоқ. Бауыр және бүйрек жеткіліксіздігі бар пациенттер Бауыр және бүйрек жеткіліксіздігі бар пациенттерде препаратты қолданудың тиімділігі мен қауіпсіздігі анықталмаған. Тобрамицинді жергілікті қолданған кезде оның төмен жүйелік сіңірілуін ескере отырып, дозалау режимін түзету талап етілмейді. Енгізу әдісі мен жолы Офтальмологияда жергілікті қолдануға арналған. Құтыны ашқаннан кейін, препаратты пайдаланар алдында құтының қорғаныш сақинасын шешіп алыңыз. Қолданғаннан кейін құтыны мықтап жабыңыз. Көзге тамызатын дәріні тамызғаннан кейін көздің ішкі бұрышын басу немесе қабақтарды жабу ұсынылады, бұл жүйелі сіңіруді азайтуға және жүйелі жағымсыз реакциялардың туындау ықтималдығын азайтуға көмектеседі. Егер емдеу үшін бір мезгілде бірнеше көзге тамызатын дәрілік заттар пайдаланылса, оларды қолдану арасында кемінде 5 минут аралықты сақтау керек. Егер емдеу үшін көзге арналған жақпамай да пайдаланылса, ол соңында қолданылуы тиіс. Ерітінді мен тамшылатқыш ұштығының ластануын болдырмау үшін қабаққа, қоршаған аймаққа немесе тамшылатқыш ұштығымен кез келген басқа беткейлерге тигізбеу керек. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Егер препаратты қабылдау бойынша сұрақтар туындаса, емдеуші дәрігеріңізге жүгініңіз.

- белсенді затқа немесе қосымша заттардың кез келгеніне аса жоғары сезімталдық; - 8 жасқа дейінгі балалар.

Жағымсыз реакциялар жиілігінің параметрлері былай анықталады: өте жиі (≥1/10), жиі (≥1/100-нан < 1/10 дейін), жиі емес (≥1/1000-нан < 1/100 дейін), сирек (≥1/10000-нан < 1/1000 дейін), өте сирек (<1/10000), белгісіз (қолда бар деректер негізінде бағалау мүмкін емес). Жиі - көздегі жайсыздық, көз гиперемиясы Жиі емес - аса жоғары сезімталдық - кератит, мөлдір қабықтың эрозиясы, көру өткірлігінің төмендеуі, көрудің бұлыңғырлануы, қабақ эритемасы, қабақтың ісінуі, көзден шығатын бөліністер, қабақ тарапынан бұзылулар, конъюнктиваның ісінуі, көздің тітіркенуі, көздің ауыруы, көздің құрғауы, көздің қышынуы, көз жасының көп ағуы - бас ауыруы - есекжем, дерматит, мадароз (кірпіктердің түсуі), лейкодерма, қышыну, терінің құрғауы Белгісіз - анафилаксиялық реакциялар - көз аллергиясы, қабақтың қышынуы - бөртпе, эритема, Стивенс Джонсон синдромы, полиморфты эритема. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Осы препараттың сипаттамаларына сүйене отырып, оны офтальмологияда жергілікті қолдану кезінде де, бір құтының ішіндегісін кездейсоқ жұту кезінде де артық дозалануы ықтималдығы аз. Тобримед препаратымен жергілікті артық дозаланған жағдайда көзді жылы сумен шаю ұсынылады.

Тек офтальмологияда жергілікті қолдануға арналған. Ішке қабылдауға және инъекция түрінде енгізуге болмайды. Тобримед препаратының жүйелі сіңірілуін азайту үшін тамызғаннан кейін мыналар ұсынылады: - қабақтарды 2 минутқа жабыңыз; - көздің ішкі бұрышын 2 минут саусағыңызбен басыңыз. Арнайы ескертулер Тек офтальмологияда жергілікті қолдануға арналған. Ішке қабылдауға және инъекция түрінде енгізуге болмайды. Кейбір пациенттерде жергілікті қолданылатын аминогликозидтерге аса жоғары сезімталдық дамуы мүмкін. Аса жоғары сезімталдық реакцияларының ауырлық дәрежесі жергілікті реакциялардан эритема, қышыну, есекжем, тері бөртпесі, анафилаксия, анафилактоидты немесе буллезді реакциялар сияқты жалпы реакцияларға дейін өзгеруі мүмкін. Егер Тобримед препаратын қолдану кезінде аса жоғары сезімталдық реакциясының даму белгілері байқалса, емді тоқтату керек. Басқа аминогликозидтерді қолданған кезде айқаспалы аса жоғары сезімталдық болуы мүмкін. Егер Тобримед препаратын жергілікті қолдану басқа аминогликозидтерді ішке қабылдаумен біріктірілсе, олардың қан сарысуындағы жалпы концентрациясын ерекше мұқият тексеру керек. Сақ болу керек, өйткені тобрамицинмен жүйелі ем қабылдаған пациенттерде нейроуыттылық, отоуыттылық және нефроуыттылық сияқты ауыр жағымсыз реакциялар байқалған. Миастения гравис немесе Паркинсон ауруы сияқты нейробұлшықет жүйесінің белгілі немесе болжамды бұзылыстарында Тобримедті тағайындау кезінде сақ болу керек. Аминогликозидтер нейробұлшықет функциясына әлеуетті әсер етуі салдарынан бұлшықет әлсіздігін күшейте алады. Басқа антибиотиктер сияқты Тобримед препаратын ұзақ уақыт қолдану сезімтал емес микроорганизмдердің, оның ішінде зеңдердің көбеюіне әкелуі мүмкін. Суперинфекция дамыған кезде тиісті ем тағайындау қажет. Офтальмологиялық инфекциялар кезеңінде жанаспалы линзаларды тағу ұсынылмайды. Демек, пациенттерге осы препаратпен емдеу кезінде жанаспалы линзалардан бас тартуды ұсыну қажет. Сонымен қатар, Тобримед препаратының құрамында 0,2 мг бензалконий хлориді (50% ерітінді) бар, ол тітіркенуді (ирит) туындатуы және жұмсақ жанаспалы линзаларды түссіздендіруі мүмкін. Препараттың жұмсақ жанаспалы линзалармен жанасуын болдырмаңыз. Пациенттер Тобримед препаратын қолданар алдында жанаспалы линзаларды шешіп алу керек екенін білуі тиіс. Препарат инстилляциясынан кейін жанаспалы линзаларды тағар алдында 15 минут күту ұсынылады. Педиатрияда қолдану Тобримед препараты 8 жастан бастап және одан асқан балаларда ересектердегі сияқты дозада қолданылуы мүмкін. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кез-келген көзге тамызатын дәрілер сияқты, Тобримед препараты көру өткірлігінің уақытша төмендеуіне әкелуі мүмкін және көлік құралын басқару және механизмдермен жұмыс істеу қабілетіне әсер етуі мүмкін. Егер пациентте препаратты қолданғаннан кейін көру айқындығы уақытша төмендесе, оны қалпына келтіргенге дейін көлік құралын басқару және жоғары зейін мен реакцияны талап ететін қызмет түрлерімен айналысу ұсынылмайды.

Тобримед препаратын жүкті әйелдерде қолдану туралы шектеулі деректер бар. Тобрамицин жүкті әйелдерге вена ішіне енгізгеннен кейін плаценталық бөгет арқылы өтеді. Тобрамицин тудырған құрсақішілік отоуыттылық күтілмейді. Тобримед препаратын жүктілік кезеңінде әйелдерге аса қажет болған жағдайда ғана пайдалану қажет. Тобрамицин жүйелі қолданғаннан кейін емшек сүтіне шығарылады. Жергілікті офтальмологиялық қолданғаннан кейін тобрамициннің емшек сүтіне бөлінетін-бөлінбейтіні белгісіз. Тобрамициннің елеулі мөлшерінің емшек сүтінде анықталуы және осы препаратты қолданғаннан кейін жаңа туған нәрестеде клиникалық әсерлер туындату ықтималдығы аз. Емшек еметін балаға қауіпті жоққа шығаруға болмайтындықтан, емшек емізуді тоқтату немесе емдеуді тоқтату/бас тарту туралы шешімді бала үшін емшек емізудің пайдасы мен ананы емдеудің пайдасын ескере отырып қабылдау қажет.

Жергілікті офтальмологиялық қолдану кезіндегі клиникалық маңызды өзара әрекеттесулер сипатталмаған. Аминогликозидтерді (тобрамицин) және нейроуытты, отоуытты немесе нефроуытты әсерге ие басқа жүйелі, пероральді немесе жергілікті препараттарды бір мезгілде және/немесе бірізді қолдану препараттың уыттылығын күшейтуі мүмкін, сондықтан мүмкіндігінше мұндай қолданудан аулақ болу керек. Жергілікті кортикостероидтарды тобрамицинмен үйлесімде бір мезгілде қолданғанда, олар бактериялық, зеңдік немесе вирустық инфекцияның клиникалық көріністерін бүркемелеуі, сондай-ақ аса жоғары сезімталдық реакцияларын бәсеңдетуі мүмкін.

Сақтау мерзімі 3 жыл Құтыны ашқаннан кейінгі қолдану мерзімі 1 ай. Жарамдылық мерзімі өткеннен кейін қолдануға болмайды. Сақтау шарттары 25ºC-ден аспайтын температурада сақтау керек. Балалардың қолы жетпейтін жерде сақтау керек!