Толперизон-ЛФ. таблетки 150 мг

белсенді зат - 50 мг немесе 150 мг толперизон гидрохлориді; қосымша заттар: лактоза моногидраты, натрий крахмалгликоляты (А типі), сусыз лимон қышқылы, сусыз коллоидты кремнийдің қостотығы, магний стеараты, микрокристалды целлюлоза, қабықтың құрамы: опадрай II ақ (ішінара гидролизденген поливинил спирті, титанның қостотығы (Е171), макрогол/ПЭГ, тальк). Сыртқы түрінің, иісінің, дәмінің сипаттамасы Ақ түсті қабықпен қапталған екі беті дөңес пішінді дөңгелек таблеткалар.

Бастан өткерген инсульттан кейін туындаған ересектердегі бұлшықеттің патологиялық жоғары тонусын симптоматикалық емдеу.

Фармакодинамикалық әсерлері Толперизон орталық әсер ететін миорелаксант болып табылады. Толперизонның әсер ету механизмі толық анықталмаған. Ол ми діңгегінде, жұлында және шеткері жүйке жүйесінде ең жоғары концентрациясына жетеді, жүйке тініне жоғары аффинділікке ие. Толперизонның негізгі әсері спинальді рефлекторлы доғалар тежелісімен байланысты. Бұл әсер төмен өрмелі жолдармен қозудың өткізілуін жеңілдетуді жоюмен бірге толперизонның емдік әсерін қамтамасыз етуі мүмкін. Толперизонның химиялық құрылымы лидокаинның құрылымына ұқсас. Лидокаин сияқты ол жарғақша тұрақтандырғыш әсерге ие және қозғалыс нейрондарының және бастапқы афферентті талшықтардың электрлік қозғыштығын төмендетеді. Толперизон потенциал-тәуелді натрий өзекшелерінің белсенділігін дозаға тәуелді тежейді. Тиісінше, әсер потенциалының жиілігі мен амплитудасы төмендейді. Потенциал-тәуелді натрий өзекшелеріне бәсеңдететін әсері дәлелденген. Оның жарғақша тұрақтандырғыш әсеріне қосымша, толперизон сондай-ақ медаитордың шығарылуын тежейтіні болжанады. Қорыта келгенде, толперизон альфа-адренергиялық антагонистерінің кейбір әлсіз қасиеттеріне және антимускариндік әсерге ие.

Дозалау режимі Ересектер: жеке қажеттілікке және пациенттің дәрілік препаратты жағымдылығына байланысты орташа тәуліктік доза 3 қабылдауға бөлінген 150-450 мг құрайды. Енгізу әдісі мен жолы Ішке қабылдауға арналған. Таблеткаларды тұтастай жұту керек, оларды шайнауға немесе сындыруға болмайды. Дәрілік препаратты тамақтан кейін бір стақан сумен ішіп қабылдау керек. Дәрілік препаратты ашқарынға қабылдау ұсынылмайды, өйткені тамақтың жеткіліксіз мөлшері толперизонның биожетімділігін төмендетуі мүмкін. Пациенттердің ерекше топтары Бүйрек функциясы бұзылған пациенттер Препаратты бүйрегі зақымданған пациенттерге қолдану тәжірибесі шектеулі, мұндай науқастарда жағымсыз әсерлердің анағұрлым жоғары жиілігі байқалған. Осыған байланысты бүйректің орташа зақымдануы кезінде пациенттің жай-күйін мұқият қадағалап және бүйрек функциясын бақылай отырып, дозаны жеке титрлеу ұсынылады. Бүйректің ауыр зақымдануы кезінде толперизонды тағайындау ұсынылмайды. Бауыр функциясы бұзылған пациенттер Бауыры зақымданған пациенттерге препаратты қолдану тәжірибесі шектеулі, мұндай науқастарда жағымсыз құбылыстардың жоғары жиілігі байқалды. Осыған байланысты бауырдың орташа зақымдануы кезінде пациенттің жағдайын мұқият қадағалап және бауыр функциясын бақылай отырып дозаны жеке титрлеу ұсынылады. Бауырдың ауыр зақымдануы кезінде толперизонды тағайындау ұсынылмайды.

- әсер етуші затқа, басқа химиялық заттарға ұқсас (эперизон) немесе 6.1-бөлімде тізбеленген қосымша заттардың кез келгеніне аса жоғары сезімталдық - миастения - емшек емізу кезеңі - 18 жасқа дейінгі балалар

Жиі емес • анорексия • ұйқысыздық • ұйқының бұзылуы • бас ауыруы • бас айналу • ұйқышылдық • артериялық гипотензия • іштегі жайсыздық • диарея • ауыздың құрғауы • диспепсия • жүрек айнуы • бұлшықет әлсіздігі • миалгия • аяқ-қолдың ауыруы • астения • дімкәстік • қажу Сирек • аса жоғары сезімталдық реакциясы* • анафилаксиялық реакциялар • белсенділіктің төмендеуі • депрессия • зейіннің бұзылуы • тремор • құрысулар • гипестезия • парестезия • летаргия (қатты ұйқышылдық) • көрудің нашарлауы • құлақтағы шуыл • бас айналу • стенокардия • тахикардия • жүректің соғу сезімі • тері гиперемиясы • диспноэ • мұрыннан қан кету • тахипноэ • эпигастрия аймағының ауыруы • іш қату • метеоризм • құсу • бауыр тарапынан жеңіл бұзылулар • аллергиялық дерматит • қатты терлеу • қышыну • есекжем • бөртпелер • аяқ-қолдағы жайсыздық • энурез • протеинурия • мас болу сезімі • қызу сезімі • ашушаңдық • шөлдеу • артериялық қысымның төмендеуі • қан билирубині концентрациясының артуы • бауыр ферменттері белсенділігінің өзгеруі • тромбоциттер санының төмендеуі • лейкоциттер санының артуы Өте сирек • анемия • лимфаденопатия • анафилаксиялық шок • полидипсия • сананың шатасуы • брадикардия • остеопения • көкірек тұсындағы жайсыздық • қандағы креатинин мөлшерінің жоғарылауы * Құрамында толперизон бар дәрілік препараттарды маркетингтен кейінгі қолдану деректері бойынша ангионевроздық ісінудің (беттің және еріннің ісінуін қоса) даму жағдайлары туралы хабарламалар алынған Жағымсыз реакциялар, оның ішінде осы нұсқаулықта көрсетілмегені туындаған жағдайда дереу дәрігерге жүгіну қажет. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер сіз Толперизон-ЛФ препаратын мөлшерінен артық қабылдасаңыз, Сізде келесі симптомдар байқалуы мүмкін: ұйқышылдық, асқазан-ішек жолы тарапынан бұзылулар (жүрек айну, құсу, эпигастральді аумақтың ауыруы), тахикардия, гипертония, брадикинезия және бас айналу. Дәрілік препаратпен артық дозалану кезінде құрысулар мен команың ауыр жағдайлары тіркелді. Артық дозалану жағдайда симптоматикалық және демеуші ем ұсынылады. Егер Сізде аталған препаратты пайдалануға қатысты қандай да бір қосымша сұрақтар туындаса, емдеуші дәрігерге немесе фармацевтке жүгініңіз

Дәрілік препараттың құрамында лактоза моногидраты бар. Егер сізде кейбір қанттарға жақпаушылық бар болса, осы дәрілік препаратты қабылдар алдында емдеуші дәрігерге жүгініңіз. Толперизон-ЛФ дәрілік препаратының құрамында натрий крахмалгликоляты (А типі) бар. Бұл препараттың құрамында бір таблеткаға 1 ммольден (23 мг) аз натрий бар, яғни құрамында натрий жоқ. Аса жоғары сезімталдық реакциялары Тіркеуден кейінгі кезеңде құрамында толперизон бар дәрілік препараттарды қолданған кезде аса жоғары сезімталдық реакцияларының дамуы туралы жиі хабарланған. Аллергиялық реакциялар жеңіл тері реакцияларынан анафилаксиялық шокты қоса ауыр жүйелік реакцияларға дейін ауытқыған. Аллергиялық реакцияның симптомдары: терінің қызаруы, бөртпе, есекжем, қышыну, ангионевроздық ісіну (Квинке ісінуі), тахикардия, гипотензия және ентігу. Анамнезде басқа дәрілік препараттарға немесе аллергиялық реакцияларға аса жоғары сезімталдық реакциялары бар әйел жынысты пациенттер жоғары қауіпке бейім. Лидокаинге белгілі аса жоғары сезімталдық жағдайында ықтимал айқаспалы реакцияларға байланысты толперизонды қолдану кезінде аса сақ болу керек. Пациенттерге жоғары сезімталдықтың кез келген симптомдарына қатысты мұқият болуды ұсынған жөн. Егер симптомдар дамыса, толперизонды қабылдауды дереу тоқтату және дереу дәрігерге жүгіну керек. Толперизонға аса жоғары сезімталдық көрінісінен кейін толперизонды қайта тағайындамау керек. Арнайы ескертулер Балалар Препаратты балалар мен жасөспірімдерде қолданбаған жөн, себебі толперизон гидрохлоридін бұл популяцияда қолдану қауіпсіздігі мен тиімділігі анықталмаған. Жүктілік кезінде және лактация кезеңінде қолдану Жүктілік Толперизонның тератогенді әсері анықталған жоқ. Елеулі клиникалық деректердің болмауына байланысты Толперизон-ЛФ дәрілік препаратын шарана үшін күтілетін пайда потенциалды қауіпті анық ақтайтын жағдайларды қоспағанда жүктілік кезінде (әсіресе бірінші триместрде) қолданбау керек. Лактация Толперизонның емшек сүтіне бөлініп шығуы туралы деректер жоқ болғандықтан, Толперизон-ЛФ дәрілік препараттын емшек емізу кезінде қолдануға болмайды. Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Бас айналу, ұйқышылдық, зейіннің бұзылуы, құрысулар, көрудің бұзылуы немесе бұлшықет әлсіздігі сияқты симптомдар дамуы мүмкін. Бас айналу, ұйқышылдық, зейіннің бұзылуы, құрысулар, көрудің бұзылуы немесе бұлшықет әлсіздігі байқалған пациенттер дәрілік препаратты қабылдаған кезде дәрігерге жүгінуі қажет!

Нұсқаулықта көрсетілмеген.

Дәрілік препараттардың CYP2D6 декстрометорфан маркерлік субстратымен фармакокинетикалық өзара әрекеттесуін зерттеу толперизонды бір уақытта қолдану негізінен CYP2D6 (тиоридазин, толтеродин, венлафаксин, атомоксетин, дезипрамин, декстрометорфан, метопролол, небиволол, перфеназин) метаболизденетін дәрілік препараттардың қандағы мөлшерінің деңгейін арттыратынын көрсетті. Адам бауырының микросомасындағы және адам гепатоциттерінің зертханалық тәжірибелері елеулі тежеуді немесе CYP (CYP2B6, CYP2C8, CYP2C9, CYP2C19, CYP1A2, CYP3A4) басқа изоферменттерінің индукциясын туындатпады. CYP2D6 субстраттарын және/немесе басқа дәрілік заттарды бір уақытта қолданған кезде толперизонның метаболизмдік жолдарының әр түрлігіне байланысты толперизон әсерінің артуын болжамайды. Толперизоннің биожетімділігі, егер оны ашқарынға қабылдаса төмендейді. Толперизон орталық әсер ететін дәрілік препарат болып табылса да, оның тыныштандыратын әсері өте төмен. Орталық әсер ететін басқа миорелаксанттармен бір мезгілде тағайындаған жағдайда толперизон дозасын төмендету қажет. Толперизон нифлум қышқылының әсерін күшейтеді, сондықтан бір мезгілде қолданған кезде нифлум қышқылының немесе басқа қабынуға қарсы стероидты емес препараттардың дозасын төмендетуді қарастырған жөн. Басқа дәрілік препараттарды бір мезгілде қабылдаған жағдайда дәрігермен кеңесу қажет.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Ылғалдан және жарықтан қорғалған жерде, 25 °С-ден аспайтын температурада. Балалардың қолы жетпейтін жерде сақтау керек.