Томиклар таблетки 500 мг

Бір таблетканың құрамында белсенді зат- 500 мг кларитромицин, қосымша заттар: микрокристалды целлюлоза, желатинделген крахмал, натрий кроскармеллозасы, повидон, стеарин қышқылы, магний стеараты, сусыз коллоидты кремний үлбірлі қабықтың құрамы: опадрай ақ 03F28342, гипромеллоза 6 сР (НРМС 2910), титанның қостотығы (Е 171), тальк, макрогол (ПЭГ 6000), ванилин. Сыртқы түрінің, иісінің, дәмінің сипаттамасы Сопақша пішінді, екі беті дөңес және екі жағында да сызығы бар ақ немесе ақ дерлік түсті үлбірлі қабықпен қапталған таблеткалар. Сындырған кезде таблетканың ақ өзегі және жұқа ақ үлбірлі қабығы байқалады (500 мг доза).

Ересектер мен 12 жастан асқан балаларда кларитромицинге сезімтал қоздырғыштар туғызған инфекцияларды емдеу үшін қолданылады: - тыныс жолдарының жоғарғы бөліктерінің инфекциялары (тонзиллит, фарингит, синусит және т. б. сияқты) - тыныс жолдарының төменгі бөліктерінің инфекциялары (бронхит, кең таралған және атипті респираторлық аурулар) - тері инфекциялары (импетиго, тілме түрінде қабынуы, фолликулит, фурункулез және инфекция жұқтырған жаралар) - эрадикация H. Pylori, он екі елі ішектің ойық жарасының қайталану жиілігін азайту мақсатында (біріктірілген емнің құрамында, төмендегі қосымша ақпаратты қараңыз). - Mycobacterium avium немесе Mycobacterium intracellulare туғызған ошақтық немесе кең таралған микобактериялық инфекциялар; - Mycobacterium chelonae, fortuitum немесе kansasii туғызған ошақтық инфекциялар.

ATХ коды J01FA09 Кларитромицин - эритромициннің лактон сақинасында гидроксил тобының 6 жағдайында CH 3O тобына ауысу нәтижесінде алынған жартылай синтетикалық макролидті антибиотик. Кларитромициннің аэробты бактериялар мен анаэробтарды қоса, барынша белгілі клиникалық маңызды грамоң және грамтеріс бактерияларға қарсы белсенді бактерияға қарсы спектрі бар екендігі іn vitro дәлелденді. Кларитромициннің in vitro бактерияға қарсы спектрі келесідей болды: Streptococcus agalactiae, Streptococcus pyogenes, Streptococcus viridans, Streptococcus pneumoniae, Haemophilus influenzae, Haemophilus parainfluenzae, Neisseria gonorrhoeae, Listeria monocytogenes, Legionella pneumophila, Mycoplasma pneumoniae, Helicobacter pylori, Campilobacter jejuni, Chlamidia trachomatis, Branhamella catharralis, Bordetella pertussis, Staphilococcus aureus, Propionibacterium Acnes, Mycobacterium avium, Mycobacterium leprae, Mycobacterium intracellulare, Mycobacterium chelonae, Mycobacterium fortuitum и Mycobacterium kansasii. Оның әсері рибосоманың 50S суббірлігімен байланысу есебінен бактериялық жасуша ақуызының синтезін тежеу арқылы жүзеге асырылады. Бақылау нүктелері Микробқа қарсы препараттарға сезімталдықты тестілеу жөніндегі Еуропалық комитет сезімтал микроорганизмдерді төзімділерден ажырататын кларитромициннің келесі бақылау нүктелерін белгіледі. Бақылау нүктелері (ең төменгі бәсеңдеткіш концентрация - ЕТБК, мг/ л) Микроорганизм — Сезімтал (≤) — Төзімді (>) Streptococcus spp. — 0,25 мкг/мл — 0,5 мкг/мл Staphylococcus spp. — 1 мкг/мл — 2 мкг/мл Haemophilus spp. — 1 мкг/мл — 32 мкг/мл Moraxella catarrhalis — 0,25 мкг / мл — 0,5 мкг / мл Кларитромицин H. pylori эрадикациясы үшін қолданылады: ең төменгі бәсеңдеткіш концентрациясы (ЕТБК) ≤ 0,25 мкг/мл клиникалық және зертханалық тұрғыдан сезімталдықтың маңызды нүктесі ретінде анықталды.

Дозалау режимі Ересектер мен 12 жастан асқан жасөспірімдерге ұсынылатын доза күніне екі рет 250 мг құрайды, дегенмен ауыр инфекциялар кезінде ол күніне екі рет 500 мг-ға дейін арттырылуы мүмкін. Емі 6-4 күн жүргізілетін өкпенің және мұрынның қосалқы қойнауларының жүре пайда болған қабынуын емдеуді қоспағанда әдеттегі емдеу ұзақтығы 5-тен 14 күнге дейінді құрайды. Микобактериялық инфекциясы бар ересек пациенттерде ұсынылатын доза күніне екі рет 500 мг құрайды. Препарат ЖИТС-пен ауыратын пациенттерде кең таралған Mycobacterium Avium Complex инфекцияларын емдеу кезінде ұсынылады. Емдеуді пациенттің жағдайына клиникалық бағалау жүргізе отырып клиникалық немесе микробиологиялық нәтиже алғанға дейін жалғастыру керек. Томиклар препаратын басқа микобактерияға қарсы дәрілік препараттармен бірге қолдану керек. Стоматологиялық инфекциялар мен қызылиек ауруларын емдеу кезінде ұсынылатын доза әр 12 сағат сайын 250 мг құрайды, емдеу ұзақтығы 5 күн. H. pylori эрадикациясы кезінде дозалау схемасы Кларитромицин (500 мг), күніне екі рет + күніне 20 мг омепразол + амоксициллин 1000 мг, күніне екі рет 14 күн бойы. Кларитромицин (500 мг), күніне екі рет + лансопразол 30 мг, күніне екі рет + амоксициллин 1000 мг, күніне екі рет 14 күн бойы. Кларитромицин келесі емдеу схемаларында да қолданылған: - кларитромицин + тинидазол және омепразол немесе лансопразол - кларитромицин + метронидазол және омепразол немесе лансопразол - кларитромицин + тетрациклин, висмут субсалицилаты және ранитидин - кларитромицин + амоксициллин және лансопразол - кларитромицин + ранитидин висмутцитрат Пациенттердің ерекше топтары 12 жастан асқан балалар: дозалар ересектермен бірдей, балаларда жүрек тарапынан жағымсыз әсерлердің даму қаупі болуы мүмкін. Енгізу әдісі мен жолы Томиклар препаратын ас ішуге қарамастан ішке қабылдайды.

- әсер етуші затқа және макролидтер тобының антибиотиктеріне немесе қосымша заттардың кез келгеніне аса жоғары сезімталдық; - эрготаминмен немесе дигидроэрготаминмен бір мезгілде қолдану, қастауыштың уытты әсері болуы мүмкін - ішке қабылдауға арналған мидазоламмен бір мезгілде қабылдау - астемизол, цизаприд, домперидон, пимозид, терфенадинмен бір мезгілде қолдану (бұл жүрек аритмиясының дамуына, ЭГК-дегі бұзылуларға, соның ішінде жүрек соғу жиілігінің ауыр ұстамаларына әкелуі мүмкін) - бұрын жүрек ырғағының төмендеуі немесе жүрек ырғағының басқа да ауыр бұзылуы бар пациенттер (туа біткен немесе жүре пайда болған) - бауыр немесе бүйрек аурулары бар пациенттерде колхицинмен және Р-гликопротеинмен бір мезгілде қолдану - бүйрек ауруымен біріктірілген бауырдың ауыр ауруы - статиндермен, соның ішінде ловастатинмен немесе симвастатинмен бір мезгілде қолдану - QT аралығының ұзару қаупіне байланысты қанның тұз құрамының бұзылуы (калий немесе магний деңгейінің төмендеуі) болған жағдайда кларитромицинді тағайындауға болмайды - ломитапидпен бір мезгілде қолдану - тикагрелормен, ивабрадинмен немесе ранолазинмен бір мезгілде қолдану - 12 жасқа дейінгі балалар мен жасөспірімдер.

Жиі - ұйқысыздық, бас ауыруы - дәм сезудің бұзылуы, дәм сезудің бұрмалануы - жүрек айнуы, іштің ауыруы, құсу, іштің жоғарғы бөлігінің ауыруы немесе жайсыздығы, сұйық нәжіс - бауыр жұмысының бұзылуы (бауыр функциясы зертханалық көрсеткіштерінің қалыптан ауытқуы) - бөртпе, қатты терлеу Жиі емес - инфекциялар, қынаптық инфекциялар -лейкоциттер, нейтрофильді лейкоциттер санының азаюы, тромбоциттер санының артуы, эозинофилдер санының артуы - жоғары сезімталдық - тәбеттің мүлде болмауы, тәбеттің төмендеуі - үрейлену, күйгелектік - бас айналу, ұйқышылдық, бұлшықеттің жиырылуынан туындаған дене бөліктерінің немесе бүкіл дененің еріксіз, ырғақты қозғалысы (тремор) - вестибулярлық бас айналу, есту қабілетінің нашарлауы, құлақтың шуылдауы - ЭКГ-дегі өзгерістермен жүрекішілік импульс жүргізу ұзақтығы, жүректің жиі соғуы - гастрит, стоматит, тілдің қабынуы, іштің кебуі, іш қату, ауыздың құрғауы, кекіру, ішекте газ түзілуінің жоғарылауы - он екі елі ішекке өт шығарудың төмендеуі (холестаз), бауырдың қабынуы, бауыр ферменттері деңгейінің АЛТ, AСT, ГГТ жоғарылауы - қышыну, тез өршитін, қатты қышитын, күйіктен болатын күлдіреуікке ұқсас терідегі бозғылт қызғылт күлдіреуіктер (есекжем), макулопапулезді бөртпе - бұлшықеттің түйілуі - қандағы креатининнің, мочевинаның жоғарылауы - дімкәстік, дене температурасының жоғарылауы, созылмалы шаршау синдромы (астения), кеуденің ауыруы, суықты сезіну және дененің дірілдеуі (қалтырау), қатты қажу - альбумин-глобулин қалыпты арақатынасының өзгеруі, қандағы сілтілі фосфатазаның жоғарылауы, қандағы лактатдегидрогеназаның жоғарылауы. Жиілігі белгісіз - ішектің жедел қабыну ауруы (жалған жарғақшалы колит), тілме түрінде қабыну - қандағы гранулоцитоздың санының көбеюі, тромбоциттер санының азаюы - өмірге қауіп төндіретін жылдам ауыр аллергиялық реакция (анафилаксиялық реакция), терінің терең қабаттарының және тері астындағы тіндердің тығыз, асимметриялық, ауыртпалықсыз ісінуі (ангионевроздық ісіну) - психоз, сананың шатасуы, өз әрекеттерін сырттан қабылдау (деперсонализация), депрессия, бағдардың жоғалуы, елестеулер, қорқынышты түс көру, маниакальді реакциялар - құрысулар, дәм сезудің жоғалуы, иіс сезудің өзгеруі, иіс сезуінің жоғалуы, ашыту сезімімен сезімталдық бұзылыстары, шаншу, тұла бойдың шымырлауы - есту қабілетінің жоғалуы - жүрек соғу жиілігінің кенеттен елеулі ұстамаларымен жүрек ырғағының бұзылуы (пароксизмальді тахикардия), "пируэт" типті қарыншалық тахикардия, қарыншалар фибрилляциясы - қан кету - ұйқы безінің жедел қабынуы (панкреатит), тілдің түсінің өзгеруі, тістің түсінің өзгеруі - бауыр жеткіліксіздігі, бауырдың қабынуынан туындаған сарғаю - терінің ауыр жағымсыз реакциялары , іріңді бөртпе түріндегі жедел тері реакциясы (жедел жайылған экзантематозды пустулез), тері мен шырышты қабықтағы бөртпелері бар жедел уытты-аллергиялық ауру (Стивенс-Джонсон синдромы), іші сұйықтыққа толы күлдіреуіктердің түзілуімен ауыр аллергиялық терінің зақымдануы (уытты эпидермалық некролиз), дәрі-дәрмектік тері реакциясы (эозинофилиямен және жүйелік көріністермен қатар жүреді), безеулер - бұлшықет тіні жасушаларының бұзылуы (рабдомиолиз), атрофия және бұлшықеттің бұзылуы - бүйрек жұмысының бұзылуы (бүйрек жеткіліксіздігі), интерстициальді нефрит - халықаралық қалыптасқан қатынастың жоғарылауы, протромбин уақытының ұлғаюы, несеп түсінің өзгеруі. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет (жағымсыз реакциялар бойынша ақпараттық деректер базасын көрсету керек) Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: асқазан-ішек жолы тарапынан жағымсыз әсерлердің күшеюі. Бұрын 8 г кларитромицин қабылдаған психикалық бұзылулары бар бір пациентте психикалық статус пен мінез-құлықтың өзгеруі, қандағы калий деңгейінің төмендеуі және басқа да бұзылулар байқалды. Емі: асқазанды шаю, симптоматикалық емдеу. Гемодиализ және перитонеальді диализ тиімділігі аз.

Балалар: препаратты 12 жасқа дейінгі балаларға қолдануға болмайды. Егде жастағы пациенттер : дозалары ересектермен бірдей. Бүйрек ауруы бар пациенттер : ауыр бүйрек ауруы бар пациенттерде Томиклар препаратының дозасын күніне бір рет 250 мг дейін немесе аурудың ауыр ағымында күніне екі рет 250 мг дейін төмендетеді. Емдеу курсы 14 күннен аспауы керек. Арнайы ескертулер Томиклар препаратын қоса, макролидтер тобының препараттарын қабылдаған кезде жүрек ырғағының бұзылуының ауыр ұстамаларының дамуы, соның ішінде жүрек соғуының айқын жиілеуі байқалды, әсіресе жиі: • жүректің ишемиялық ауруы, ауыр жүрек жеткіліксіздігі бар, жүрек ырғағы сирек пациенттерде, • қанның тұзды құрамы бұзылған жағдайда (магний немесе калийдің төмендеуі), • жүрек ырғағының бұзылуын тудыратын басқа дәрілік препараттарды бір мезгілде қабылдаған кезде. Кларитромицинді астемизол, цизаприд, домперидон, пимозид және терфинадинмен бір мезгілде қолдануға болмайды. • Томиклар препаратын туа біткен немесе жүре пайда болған сирек жүрек ырғағы немесе басқа ырғақ бұзылыстары кезінде қолдануға болмайды. Зерттеулер барысында макролидтерді (кларитромицинді қоса) қабылдағаннан кейін жүрек ырғағының бұзылуы, миокард инфарктісі және жүрек-қантамыр ауруларынан болатын өлімнің сирек қысқа мерзімді қаупі анықталды. Бауыр жеткіліксіздігі: кларитромицинді қолданған кезде бауыр жеткіліксіздігінен болатын өлім сирек байқалды. Бұл бауыр ауруымен немесе бауыр үшін уытты басқа дәрілік препараттарды қабылдаумен байланысты болуы мүмкін. Егер тәбеттің болмауы, терінің сарғаюы, несептің күңгірттенуі, қышыну немесе құрсақ қуысының ауыруы сияқты бауыр ауруының симптомдары пайда болған кезде, емдеуді тоқтатып, дереу емдеуші дәрігерге жүгіну керек. Бүйректің орташа айқын және ауыр ауруы кезінде Томиклар препаратын сақтықпен қолдану керек. Ішектің жедел қабыну ауруы барлық дерлік бактерияға қарсы препараттарды қолданғанда байқалды және ауырлық дәрежесі әр түрлі болуы мүмкін, орташа айқыннан ауырға дейін (өліммен аяқталатын). Бактерияға қарсы препараттармен емдеу ішектің қалыпты флорасын өзгертеді және оларды қолданғаннан кейін екі ай ішінде ішектің қабынуын тудыратын қоздырғыштардың көбеюіне әкелуі мүмкін. Егер сұйық нәжіс пайда болса, шұғыл түрде дәрігерге қаралу керек. Едәуір тиімді емдеу үшін бактериологиялық зерттеу қажет болуы мүмкін. Ішектің қабынуы жағдайында ішек перистальтикасын бәсеңдететін препараттарды қолдануға болмайды. Колхициннің уытты әсері: кларитромицин мен колхицинді бір мезгілде қолданғанда, әсіресе егде жаста немесе бүйрек ауруы кезінде колхициннің уытты әсері болуы мүмкін (кейде өлімге әкеледі). Томиклар препараты мен колхицинді бір мезгілде қабылдауға болмайды. Томиклар препаратын триазоламмен және мидазоламның ұртқа арналған ерітіндісімен бір мезгілде сақтықпен қолдану керек. Отоуытты препараттармен бір мезгілде қолдану: Томиклар препаратын есту қабілетіне әсер ететін басқа препараттармен, әсіресе аминогликозидтер тобындағы препараттармен бір мезгілде қолданғанда сақ болу ұсынылады. Емдеу кезеңінде және одан кейін вестибулярлық функция мен есту қабілетін бақылау керек. Өкпенің қабынуы: өкпенің қабынуының кейбір қоздырғыштары препараттың әсеріне сезімтал болмауы мүмкін, сондықтан Томиклар препаратын тағайындамас бұрын дәрігер сезімталдыққа тест жүргізуді тағайындауы мүмкін. Ауруханаішілік пневмония кезінде Томиклар препараты басқа антибиотикпен біріктіріп қолданылуы мүмкін. Препаратты ұзақ уақыт қолдану препараттың тиімділігінің төмендеуіне және зеңдік инфекциясының дамуына әкелуі мүмкін. Мұндай жағдайларда дәрігер қажетті емді тағайындайды. Егер сіздің ауруыңыздың қоздырғышы кларитромицин кіретін топтағы басқа препараттарға немесе линкомицин мен клиндамицинге сезімтал болмаса, Томиклар препаратын қолданудың әсері де жеткіліксіз болуы мүмкін. Тері мен жұмсақ тіндердің жеңіл және орташа ауыр инфекциялары: бұл аурулар көбінесе препаратқа сезімтал емес қоздырғыштардан туындайды, сондықтан сезімталдыққа тестті алдын ала жүргізу маңызды. Қазіргі уақытта Томиклар препараты эритразманы, безеуді және тілме түріндегі қабынуды емдеу үшін қолданылуы мүмкін және пенициллин тобындағы препараттарды қолдануға болмайтын жағдайларда ғана. Іріңді бөртпе түріндегі жедел тері реакциясы, теріде және шырышты қабаттарда бөртпелері бар жедел уытты -аллергиялық ауру, іші сұйықтыққа толы күлдіреуіктердің түзілуімен терінің ауыр аллергиялық зақымдануы, қанда эозинофилдердің жоғарылауы және ішкі ағзалар тарапынан симптомдары бар дәрілік бөртпені қоса, өмірге қауіп төндіретін ауыр жедел аллергиялық реакциялар дамыған кезде, Томиклар препаратымен емдеуді дереу тоқтатып, дереу дәрігерге қаралу керек. Қандағы глюкоза деңгейін төмендетуге арналған пероральді препараттармен (натеглинид, пиоглитазон, репаглинид, розиглитазон) және/немесе инсулинмен бір мезгілде қолдану глюкоза деңгейінің айқын төмендеуіне әкелуі мүмкін, сондықтан емдеу кезінде қандағы глюкоза деңгейін бақылау қажет. Қанның ұюын төмендететін пероральді препараттар: варфаринмен бір мезгілде қолданғанда қанның ұю уақытының ұзаруы және күрделі қан кетудің даму қаупі артады. Томиклар препаратын варфарин, дабигатран, ривароксабан, апиксабан және эдоксабан сияқты қан ұюын төмендететін пероральді препараттармен бір мезгілде қолданғанда, әсіресе қан кету қаупі жоғары пациенттерде сақтық қажет. Ловастатинмен немесе симвастатинмен бір мезгілде қолдануға болмайды, себебі бұлшықет атрофиясы мен бұзылу қаупі артады (мүмкін ауыр түрінде). Егер бұл препараттар қажет болса, дәрігер ең төменгі дозаны тағайындайды немесе мұндай әсер тудырмайтын препаратты (мысалы, флувастатин) таңдайды және сіздің жай-күйіңізді үнемі бақылап отырады. Қосымша заттар: препараттың әр таблеткасының құрамында 1 ммольден аз натрий (23 мг) бар, яғни іс жүзінде натрий жоқ. Педиатрияда қолдану: Томиклар препаратын 12 жасқа дейінгі балаларда қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бас айналу, сананың шатасуы және бағдардан жаңылу сияқты жүйке жүйесі тарапынан жағымсыз реакциялардың даму мүмкіндігін ескере отырып, көлік құралын басқару немесе қауіптілігі зор механизмдермен жұмыс істеу кезінде сақ болу қажет.

Жүктілік: жүкті әйелдер үшін кларитромициннің қауіпсіздігі зерттелмеген, баланың жатырішілік дамуына жағымсыз әсер ету мүмкіндігі жоққа шығарылмайды. Жоғарыда айтылғандардың барлығын ескере отырып, дәрігердің тағайындауынсыз жүкті әйелдерде кларитромицинді қолдану ұсынылмайды. Бала емізу: кларитромицин емшек сүтімен шығарылады. Кларитромицинді бала емізу кезеңінде балалар үшін қолдану қауіпсіздігі анықталған жоқ.

Төменде атап көрсетілген препараттарды осы өзара әрекеттесудің ауыр салдарының ықтимал даму мүмкіндігіне байланысты қатаң түрде қолдануға болмайды. Томиклар препаратын цизапридпен, пимозидпен, домперидонмен, астемизолмен және терфенадинмен бір мезгілде қолдануға болмайды, өйткені бұл жүрек ырғағының ауыр бұзылуына әкелуі мүмкін (өмірге қауіп төндіретін жүрек ырғағы айқын бұзылуының ұстамалары). Бұл препараттардың жедел уытты әсеріне байланысты эрготаминмен немесе дигидроэрготаминмен бір мезгілде қолдануға болмайды, ол тамырлардың түйілуімен, аяқ-қолдарда және орталық жүйке жүйесін қоса, басқа ағзаларда қан айналымының бұзылуымен көрінеді. Егер бүйрек немесе бауыр жеткіліксіздігі болса, колхицинмен және Р-гликопротеинмен бір мезгілде қолдануға болмайды. Мидазоламның әсері ықтималды күшеюіне байланысты ішке қабылдауға арналған мидазоламмен бір мезгілде қолдануға болмайды. Ловастатинмен немесе симвастатинмен бір мезгілде қолдануға болмайды, себебі бұлшықет атрофиясы мен бұзылу қаупі артады, соның ішінде ауыр түрінде. Егер бұл препараттар қажет болса, дәрігер ең төменгі дозаны тағайындайды немесе мұндай әсер тудырмайтын препаратты таңдайды және сіздің жай-күйіңізді үнемі бақылап отырады. Бауыр ферменттері деңгейінің ықтималды айқын жоғарылауына байланысты кларитромицинді ломитапидпен бір мезгілде қолдануға болмайды. Тикагрелормен, ивабрадинмен немесе ранолазинмен (жүрек ұстамасы немесе инсульттің даму қаупін төмендету үшін стенокардияда қолданылатын препараттар) бір мезгілде қолдануға болмайды. Томиклар препаратының әсеріне басқа дәрілік препараттардың әсері. Рифампицин, фенитоин, карбамазепин, фенобарбитал, шайқурай препараттары сияқты дәрілік препараттар Томиклар препаратының тиімділігін төмендетуі мүмкін. Рифабутин мен Томиклар препаратын бір мезгілде қолдану рифабутин әсерінің күшеюіне, көздің тамырлы қабығының қабынуының (увеит) даму қаупінің жоғарылауына және Томиклар препаратының әсерінің төмендеуіне әкелуі мүмкін. Томиклар препаратының әсеріне ықпал ететін немесе ықпал етуі мүмкін препараттар. Эфавиренз, невирапин, рифампицин, рифабутин, рифапентин және этравирин сияқты препараттар Томиклар препаратының тиімділігіне әсер етуі мүмкін. Флуконазолмен бір мезгілде қолданғанда Томиклар препаратының дозасын өзгерту қажет емес. Ритонавирмен бір мезгілде қолданғанда, бүйрек функциясының төмендеуі кезінде Томиклар препаратының дозасын төмендету қажет. Томиклар препаратын ритонавирмен + атазанавирмен немесе саквинавирмен бір мезгілде қолданғанда да Томиклар препаратының дозасын төмендету талап етіледі Томиклар препаратының басқа препараттардың әсеріне ықпалы. Электрокардиограммадағы QT аралығының ұзару қаупіне және негізінен жүрек жиырылуының жиілеуі есебінен жүрек ырғағының бұзылуына байланысты астемизол, цизаприд, домперидон, пимозид және терфенадин қабылдаған пациенттерге Томиклар препаратын қолдануға болмайды. Томиклар препаратын, сондай-ақ қастауыш алкалоидтарын, ішке қабылдауға арналған мидазоламды, ловастатинді, симвастатин, колхицин, тикагрелор және ранолазинді бір мезгілде қолданғанда да қолдануға болмайды. Бауыр ферменттері деңгейінің ықтималды айтарлықтай жоғарылауына байланысты кларитромицинді ломитапидпен бір мезгілде қолдануға болмайды. Карбамазепинмен ем қабылдап жүрген пациенттерде Томиклар препаратын қолданғанда сақ болу керек. Дозаны түзету туралы мәселені қарастыруға болады және мүмкіндігінше кларитромицинді бір мезгілде қабылдайтын пациенттерде негізінен CYP3A метаболизденетін препараттардың сарысулық концентрациясын мұқият бақылау керек. Төменде атап көрсетілген препараттардың дозасын түзету қажет болуы мүмкін. Томиклар препаратымен бір мезгілде қолдану төмендегі препараттармен бір мезгілде қолданған кезде әсерін ұзартуы және жағымсыз реакциялардың даму қаупін арттыруы мүмкін: альпразолам, карбамазепин, цилостазол, циклоспорин, дизопирамид, ибрутиниб, метилпреднизолон, мидазолам (вена ішіне), омепразол, пероральді антикоагулянттар (мысалы, варфарин, ривароксабан, апиксабан), атипті психозға қарсы препараттар (мысалы, кветиапин), хинидин, рифабутин, силденафил, сиролимус, такролимус, триазолам және винбластин, сондай-ақ фенитоин, теофиллин және вальпроат. Бұл тізім толық емес. Жағымсыз әсерлерінің дамуымен организмге гормональді препараттардың (кортикостероидтардың) жалпы әсерінің ықтималды күшеюіне байланысты жалпы әсер ететін және ингаляцияға арналған кортикостероидтармен бір мезгілде қолданғанда сақ болу керек. Инъекция немесе ингаляция арқылы енгізілетін, ішке қабылданатын кортикостероидтар организмнің иммундық жүйесін басу үшін қолданылады, бұл көптеген ауруларды емдеуде қажет. Ішке қабылдауға арналған қанды сұйылту үшін қолданылатын препараттармен (мысалы, дабигатран, эдоксабан, ривароксабан, апиксабан) бір мезгілде қабылдағанда қан кетудің даму қаупі артады. Хинидинмен немесе дизопирамидпен бір мезгілде қолданғанда жүректің жиырылуы айқын жиілеуі мүмкін, сондықтан дәрігер ЭКГ бақылауын тағайындайды. Пероральді қантты төмендететін препараттар/ инсулин: натеглинид және репаглинид сияқты кейбір қантты төмендететін препараттармен бір мезгілде қолданғанда, қандағы глюкоза деңгейінің айқын төмендеуіне байланысты ауыр жағдайдың дамуы мүмкін, сондықтан бұл жағдайларда қандағы глюкоза деңгейін мұқият бақылау ұсынылады. Бір мезгілде қолданған кезде омепразолдың әсері күшеюі мүмкін. Томиклармен бір мезгілде қолданған кезде силденафил, тадалафил, варденафил, теофиллин, карбамазепин және толтеродиннің әсері күшеюі мүмкін, бұл олардың дозасын азайтуды қажет етуі мүмкін. Кларитромицинмен вена ішіне енгізуге арналған мидазоламды бір мезгілде қолданғанда мидазоламның әсері күшеюі мүмкін, сондықтан мидазолам дозасын түзету қажет болуы мүмкін. Мидазоламды, ұртқа арналған ерітіндіні қолдану дәл осындай әсерге әкелуі мүмкін. Дәл осындай сақтық шаралары триазолам мен альпразоламға да қолданылады. Темазепам, нитразепам, лоразепам үшін Томиклар препаратымен маңызды өзара әрекеттесулер ықтималдығы аз. Осы препараттармен бір мезгілде қолданғанда орталық жүйке жүйесі тарапынан жағымсыз әсерлер болуы мүмкін, сондықтан триазолам ұйқышылдық пен сананың шатасуын тудырды. Дәрілік өзара әрекеттесудің басқа түрлері Колхициннің әсері күшеюі мүмкін. Кларитромицин мен колхицинді бір мезгілде қолдануға болмайды. Өлімге әкелетін жүрек ырғағының бұзылуын қоса, дигоксин әсері күшеюі мүмкін. Томиклар препаратымен бір мезгілде қолданғанда зидовудиннің әсері төмендеуі мүмкін, сондықтан осы екі препаратты қабылдау арасында кемінде 4 сағат аралықты сақтау қажет. Фенитоин мен вальпроаттың әсері күшеюі мүмкін. Гидроксихлорохинмен немесе хлорохинонмен бір мезгілде қабылдау (ревматоидты артритті емдеу, безгекті емдеу немесе профилактикасы үшін қолданылады) жүрек ырғағының бұзылуын және жүрек тарапынан басқа да күрделі жағымсыз реакцияларды тудыруы мүмкін (тіпті өлімге әкелуі мүмкін). Екі бағытты дәрілік өзара әрекеттесулер Атазановирмен бір мезгілде қолданғанда кларитромицин мен атазанавирдің әсерінің күшеюі байқалады, сондықтан бүйректің орташа айқын және ауыр ауруы кезінде Томиклар препаратының дозасы төмендетіледі. Амлодипинмен, дилтиаземмен, верапамилмен бір мезгілде қолданғанда жағымсыз әсерлер дамуы мүмкін (қан қысымының төмендеуі, сирек жүректің жиырылуы және т.б. түрінде). Бір мезгілде қолданғанда итраконазол мен Томиклар препаратының әсері күшеюі мүмкін, бірақ дозаны өзгерту әдетте қажет емес. Бір мезгілде қолданған кезде саквинавир мен Томиклар препаратының әсері күшеюі мүмкін. Кларитромицинді саквинавирмен және ритонавирмен бірге қолданғанда, Томикларға әсер күшеюі мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25ºС-ден аспайтын температурада сақтау керек. Балалардың қолы жетпейтін жерде сақтау керек!