Торасемид таблетки 5 мг

Бір таблетканың құрамында: белсенді зат - 5 мг, 10 мг, 20 мг торасемид. қосымша заттар: лактоза моногидраты (фарматоза 200 М), микрокристалды целлюлоза (вивапур 101 /циклосел РН 101), кросповидон (коллидон LC), повидон (коллидон 30), магний стеараты, тазартылған су. Сыртқы түрінің, иісінің, дәмінің сипаттамасы 5 мг доза үшін: Сопақша пішінді, сызығы бар жағында «56» және басқа бетінде «Н» өрнегі бар сындыратын бөлігімен ақ немесе ақ дерлік түсті таблеткалар. 10 мг доза үшін: Сопақша пішінді, сызығы бар жағында «57» және басқа бетінде «Н» өрнегі бар сындыратын бөлігімен ақ немесе ақ дерлік түсті таблеткалар. 20 мг доза үшін: Сопақша пішінді, сызығы бар жағында «59» және басқа бетінде «Н» өрнегі бар сындыратын бөлігімен ақ немесе ақ дерлік түсті таблеткалар.

–біріншілік артериялық гипертензияда (дәрілік препарат монотерапияда немесе гипертензияға қарсы басқа дәрілермен біріктірілімде қолданылады); –іркілісті жүрек жеткіліксіздігіндегі ісіну синдромында, генезі бауырлық, өкпелік немесе бүйректік ісінулерде.

ATX коды C03CA04 Торасемид ілмектік диуретик болып табылады. Алайда төмен дозаларда оның фармакодинамикалық бейіні диурез деңгейі және ұзақтығы тұрғысынан тиазидтік диуретиктерге ұқсайды. Жоғары дозаларда торасемид диурезді дозасына байланысты күшейтеді. Диурездік әсерінің негізгі механизмі Генле ілмегінің жоғары қарай кететін жуан сегментінің апикальді жарғақшасында Na+/2Cl-/K+ ко-тасымалдаушымен кері байланысуымен жүзеге асырылады, соның салдарынан Генле ілмегінің жоғары қарай кететін бөлігінде натрий және хлор иондарының ренальді реабсорбциясы төмендейді немесе толық бәсеңдейді, жасушаішілік сұйықтықтың осмостық қысымы және судың реабсорбциясы азаяды. 5-100 мг дозалар ауқымында диурездің артуы дозаның логарифміне пропорционалды. Диурездің артуы несеп айдайтын басқа препараттар (мысалы, тиазидтер), мысалы, бүйрек функциясы шектелген кезде, жеткілікті әсер етпейтін жағдайларда да туындайды. Ісінулерді жояды, гипертензияға қарсы әсер етеді, ол артериялардың бұлшықет қабатының жасушаларында бос кальций мөлшерінің азаюы және бұзылған электролиттік теңгерімнің қалыпқа келуі есебінен қантамырлардың шеткері кедергілерінің азаюымен жүзеге асады. Осының салдарынан организмнің өзінің прессорлық заттарына, атап айтқанда катехоламиндерге қантамырлардың контрактильдігі және реакциясы төмендейді. Алдыңғы- және кейінгі жүктемені азайту есебінен жүректің жұмыс жағдайлары жақсарады. Пероральді қолданудан кейін ең жоғары диурездік әсері 1-3 сағатқа созылады, ал диурездік әсері 12 сағат дерлік бойы сақталады. Препараттың гипотензиялық әсері алғашқы апта ішінде біртіндеп дамиды және ең жоғары шегіне 12 аптадан кешікпей жетеді.

Дозалау режимі Ұсынылатын доза күніне 2,5 мг құрайды, таңғы ас кезінде болғаны дұрыс. Дозаның ұлғаюы емдеу басталғаннан кейін 2 айдан ерте болмауы мүмкін. Ең көп доза күніне бір рет 5 мг құрайды. Торасемидтің әсерінен қан қысымын төмендету әсері бірінші аптада баяу басталады және 12 аптадан кешіктірмей ең жоғары деңгейге жетеді. Егер артериялық қысымды қалыпқа келтіруге торасемидпен күніне 2,5 мг дозада 12 аптадан кейін қол жеткізілмесе, дозаны күніне 5 мг торасемидке дейін арттыруға болады. Дозаның ұлғаюы салдарынан, әсіресе бастапқыда ауыр гипертензия жағдайында (диастолалық артериялық қысымы 115 мм сынап бағанасынан жоғары), сондай-ақ бүйрек функциясының бұзылуы жағдайында қосымша гипотензивтік әсерді күту керек. Торасемидтің тәуліктік дозасын 5 мг-ден жоғары одан әрі ұлғайтуға болмайды, өйткені артериялық қысымының одан әрі төмендеуі күтілмейді. ісінуді емдеу Ұсынылатын доза — күніне бір рет 5 мг. Бұл әдетте демеуші доза. Қажет болса, дозаны күніне бір рет біртіндеп 20 мг-ға дейін арттыруға болады. Кейбір жағдайларда тәулігіне 40 мг торасемид тағайындалды. Егер күніне 5 мг торасемидтің әдеттегі дозасы жеткіліксіз болса, 10 мг дозада торасемидпен емдеу көрсетіледі. Бұл жағдайларда күніне 10 мг торасемид тағайындалады; аурудың ауырлығына байланысты дозаны 20 мг торасемидке дейін арттыруға болады. Егде жастағы науқастар Егде жастағы пациенттерге арналған басқа дозалау нұсқаулары жоқ. Алайда егде жастағы және жас пациенттер арасында жеткілікті салыстырмалы зерттеулер жүргізілген жоқ. балалар мен жасөспірімдер Торасемидті 18 жасқа дейінгі балалар мен жасөспірімдерде қолдану тәжірибесі жоқ. бауыр және бүйрек жеткіліксіздігі Бауыр және бүйрек жеткіліксіздігі бар пациенттерде дозаны түзету туралы ақпарат шектеулі. Бауыр жеткіліксіздігі бар пациенттерде емдеуді сақтықпен жүргізу керек, өйткені препараттың плазмадағы концентрациясының жоғарылауы мүмкін. Енгізу әдісі мен жолы Ішке қабылдау үшін Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Дәрілік препаратты қолданбас бұрын кеңес алу үшін дәрігерге жүгініңіз.

• белсенді затқа, сульфонилмочевина туындыларына және қосымша заттардың кез келгеніне аса жоғары сезімталдық; • ануриямен қоса жүретін бүйрек жеткіліксіздігі; • бауырлық кома және кома алдындағы жай-күй; • артериялық гипотензия; • жүрек аритмиялары; • гиповолемия, гипонатриемия, гипокалиемия; • жүктілік және лактация кезеңі; • аминогликозидтік антибиотиктерді немесе цефалоспориндерді бір мезгілде қабылдау немесе бүйректің зақымдануын туындататын басқа дәрілік препараттарды қолданудан кейінгі бүйрек жеткіліксіздігі; • 18 жасқа дейінгі жас (тиімділігі және қауіпсіздігі анықталған жоқ).

Қан және лимфалық жүйе тарапынан жиілігі белгісіз – тромбоцитопения, лейкопения, анемия. Иммундық жүйе тарапынан өте сирек - аллергиялық реакциялар, мысалы, қышыну, экзантема, фотосенсибилизация жиілігі белгісіз – терінің ауыр реакциялары (Стивенс–Джонсон синдромы (СДС) және уытты эпидермальді некролиз (УЭН)) Зат алмасу тарапынан жиі —метаболизмдік алкалоз, гиповолемия, гипонатриемия Жүйке жүйесі тарапынан жиі— бас ауыруы, бас айналу жиілігі белгісіз — церебральді ишемия, сананың шатасуы, парестезиялар Көру мүшелері тарапынан жиілігі белгісіз – көрудің бұзылуы Есту мүшелері тарапынан және лабиринттік бұзылулар жиілігі белгісіз – құлақтың шуылдауы және естімей қалу Жүрек тарапынан жиілігі белгісіз - жедел миокард инфарктісі, миокард ишемиясы, стенокардия, естен тану, гипотензия Қантамырлар жүйесі тарапынан жиілігі белгісіз –эмболия Ас қорыту жүйесі тарапынан жиі: ас қорыту жолының бұзылыстары (тәбеттің жоғалуы, іштің ауыруы, жүректің айнуы, құсу, диарея, іш қату) жиілігі белгісіз: ауыз ішінің құрғауы, панкреатит Бауыр және өт шығару жолдары тарапынан жиі емес: қан плазмасында кейбір «бауыр» ферменттері (мысалы, гамма-глутамилтрансфераза) белсенділігінің жоғарылауы Тері және теріасты тіндері тарапынан өте сирек - аллергиялық реакциялар, мысалы, қышыну, экзантема, фотосенсибилизация жиілігі белгісіз – терінің ауыр реакциялары (Стивенс–Джонсон синдромы (СДС) және уытты эпидермальді некролиз (УЭН)). Тірек-қимыл аппараты тарапынан жиі – бұлшықет түйілулері жиілігі белгісіз – бұлшықет әлсіздігі Бүйрек және несеп шығару жолдары тарапынан жиі емес – несептің кідіруі, қуықтың созылып кетуі сирек – қанда мочевина және креатинин концентрацияларының жоғарылауы. Жалпы бұзылыстар және енгізген жердегі бұзылулар жиі – астения (сарқылу), қажығыштық Зертханалық көрсеткіштер жиі емес – қанда несеп қышқылы және глюкоза концентрацияларының жоғарылауы, сондай-ақ гиперлипидемия (соның ішінде холестериннің және триглицеридтердің жоғарылауы) Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Уыттанудың өзіне тән белгілері белгісіз. Егер артық дозалану орын алса, сұйықтықтың және электролиттердің жоғалу қаупі бар диурез білінуі ықтимал, ол ұйқышылдыққа және сананың шатасуына, гипотензияға және циркуляторлық коллапсқа әкелуі мүмкін. Асқазан-ішек бұзылулары байқалуы мүмкін. Емі Спецификалық антидот жоқ. Артық дозаланудың симптомдары және белгілері дозаны төмендетуді немесе торасемид қабылдауды тоқтатуды, сондай-ақ сұйықтықты және электролиттерді бір мезгілде алмастыруды қажет етеді. Дәрілік препараттың бір немесе бірнеше дозаларын өткізіп алған жағдайда қабылданатын шаралар Ұмытып өткізіп алған дозаның орнын толтыру үшін екі еселенген доза қабылдамаңыз.

Жүрек ырғағының бұзылуы (мысалы, синоатриальды блокада, 2 немесе 3 дәрежелі атриовентрикулярлық блокада). Электролиттердің жоғалуы және гемоконцентрация белгілеріне назар аудару керек, әсіресе емдеудің басында және егде жастағы пациенттерде. Торасемидпен ұзақ емдеу кезінде электролит теңгерімін, атап айтқанда, қан сарысуындағы калий деңгейін (әсіресе оймақгүл гликозидтерімен, глюкокортикоидтармен, минералокортикоидтармен немесе іш жүргізетін дәрілермен бір мезгілде қабылдап жүрген пациенттерде), глюкозаның, несеп қышқылының, креатининнің, липидтердің және қан жасушаларының (эритроциттер, лейкоциттер мен тромбоциттер) деңгейлеріне тұрақты бақылау жүргізу ұсынылады. Гиперурикемияға және подаграға бейім пациенттерді мұқият бақылау ұсынылады. Жасырын немесе айқын қант диабетінде көмірсулар алмасуын бақылау керек. Торасемидті қолдану тәжірибесі жеткіліксіз болғандықтан, келесі жағдайларда торасемидпен емдеу жүргізілмеуі керек: - қышқылдық-сілтілік теңгерімнің патологиялық өзгерістері - литиймен қатарлас емдеу - 18 жасқа дейінгі балалар мен жасөспірімдер - қан жасушаларының патологиялық өзгерістері (мысалы, бүйрек жеткіліксіздігі жоқ пациенттерде тромбоцитопения немесе анемия) Торасемидпен емдеуді бастамас бұрын несеп шығару бұзылыстарын емдеу қажет. Аритмиясы бар пациенттерде ілмекті диуретиктерді қолдану электролит концентрациясының (калий, натрий, кальций және магний) өзгеруіне байланысты өмірге әлеуетті қауіп төндіруі мүмкін. Электролиттерді үнемі тексеріп отыру керек. Торасемид таблеткаларын қолдану допинг сынамасының оң нәтижелеріне әкелуі мүмкін. «Торасемид» препаратын допинг мақсатында дұрыс пайдаланбау сіздің денсаулығыңызға қауіп төндіруі мүмкін. Торасемид таблеткаларында бір таблеткада 1 ммольден (23 мг) аз натрий бар, яғни олар шын мәнінде "натрийсіз". Препараттың көлік құралын немесе қауіптілігі зор мехнаизмдерді басқару қабілетіне әсер ету ерекшеліктері Қан қысымына әсер ететін басқа дәрілік заттар сияқты, пациенттерде бас айналуы немесе осыған ұқсас симптомдар болған жағдайда көлік құралдарын басқаруға және механизмдермен жұмыс істеуге болмайтыны туралы ескертілуі керек.

Торасемид плаценталық бөгет арқылы өтіп, шарананың су-электролиттік бұзылуларын туындатады. Сондай-ақ неонатальді тромбоцитопенияның даму қаупі бар. Жүкті әйелдерге торасемидті қолдану тәжірибесі жоқ, сондықтан жүктілік кезінде препаратты қолдануға болмайды. Емшек сүтіне торасемидтің бөлініп шығуы туралы деректер жоқ, сондықтан лактация кезеңінде торасемидті қолдану қажет болғанда емшек емізуді тоқтату қажет. Осыған байланысты Торасемид препаратын жүктілік және емшек емізу кезеңінде қолдануға болмайды.

Бұл препараттың келесі өзара әрекеттесулерін ескеру қажет: Торасемид диабетке қарсы препараттардың тиімділігін төмендетуі мүмкін. Холестираминмен қатарлас ем ішке қабылданған торасемидтің сіңуін, демек, әсерін төмендетуі мүмкін. Торасемид теофиллиннің әсеріне және кураре тәрізді препараттардың бұлшықет босаңсыту әсеріне әсер етуі (күшейтуі немесе әлсіретуі) мүмкін. Қан сарысуындағы теофиллин деңгейін бақылау ұсынылады. Торасемидпен және литиймен бір мезгілде емдеу қан сарысуындағы литий концентрациясының жоғарылауына және соның салдары ретінде литий әсері мен жанама әсерлерінің жоғарылауына әкелуі мүмкін. Торасемид катехоламиндердің (мысалы, адреналин, норадреналин) қан тамырларын тарылтатын әсерін төмендетуі мүмкін. Торасемид P450 CYP2C8 және CYP2C9 цитохромының субстраты болып табылады. Бір ферменттің лигандалары арасында өзара әрекеттесу болуы мүмкін. Сондықтан осы цитохром изоформаларымен де катализденетін препараттарды бір мезгілде қабылдау сарысудағы бұл препараттардың жағымсыз деңгейлерін болдырмау үшін мұқият бақылау керек. Бұл әрекеттесу кумарин туындылары үшін көрсетілді. Дәрілік заттардың өзара әрекеттесу мүмкіндігі тар емдік индексі бар заттар үшін маңызды болуы мүмкін. Жүрек гликозидтерімен бір мезгілде қолданғанда, калий және/немесе магний тапшылығына байланысты жүрек бұлшықетінің осы препараттарға сезімталдығы артуы мүмкін. Минерал- және глюкокортикоидтардың, іш жүргізетін дәрілердің калийуретикалық әсері күшеюі мүмкін. Гипертензияға қарсы препараттардың, әсіресе AӨФ тежегіштерінің әсері бір мезгілде қолданғанда күшеюі мүмкін. Кезекті немесе біріктірілген емдеу немесе АӨФ тежегіштерімен бірге жаңа ілеспе препаратты қабылдауды бастау артериялық қысымның шамадан тыс төмендеуіне әкелуі мүмкін. Мұны AӨФ тежегішінің бастапқы дозасын азайту және/немесе AӨФ тежегішімен емдегенге дейін 2 немесе 3 күн бұрын торасемидті қабылдауды азайту немесе уақытша тоқтату арқылы азайтуға болады. Торасемид, әсіресе жоғары дозалармен емдегенде, аминогликозидті антибиотиктердің бүйрекке уытты және құлаққа уытты әсерін, платина қосылыстарының уытты әсерін және цефалоспориндердің бүйрекке уытты әсерін күшейтуі мүмкін. Қабынуға қарсы стероидты емес препараттар (мысалы, индометацин) простагландиндер синтезін тежеу есебінен торасемидтің диуретикалық және гипотензиялық әсерін төмендетуі мүмкін. Пробенецид өзекшелі секрецияны тежеу арқылы торасемидтің тиімділігін төмендетуі мүмкін. Салицилаттардың жоғары дозаларын алатын пациенттерде торасемид салицилаттардың шығарылуын тежей отырып, салицилаттардың уыттылық қаупін арттырады. Сонымен қатар, салицилаттарды қабылдайтын пациенттерде подаграның қайталанатын ұстамаларының даму қаупі жоғары.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!