Трамадол Ланнахер раствор 100 мг/2 мл

Бір мл препараттың құрамында белсенді зат - трамадол гидрохлориді 50 мг, қосымша заттар: натрий ацетаты тригидраты, инъекцияға арналған су, азот Сыртқы түрінің, иісінің, дәмінің сипаттамасы Механикалық қосылыстары жоқ мөлдір түссіз ерітінді

- орташа және қатты қарқындылықтағы ауыру синдромында

Нұсқаулықта көрсетілмеген.

Дозалау режимі Трамадол Ланнахер дәрігердің тағайындауы бойынша қолданылады, препаратты дозалау режимі ауыру синдромының айқындылығы мен пациенттің сезімталдығына байланысты жеке таңдалады. Емдеу ұзақтығы жекелей анықталады, емдік тұрғыдан мақұлданған препаратты мерзімінен артық тағайындамаған жөн Ересектер мен 12 жастан асқан балаларға вена ішіне енгізуге ұсынылатын бір реттік доза 50 мг трамадол гидрохлориді құрайды. Қажет болса, әсері жеткіліксіз болған жағдайда, инъекцияны 30-60 минуттан соң бір реттік 50 мг дозада қайталауға болады. Қатты ауырға кезде жоғары доза (100 мг трамадол гидрохлориді) тағайындалуы мүмкін. Ең жоғары тәуліктік доза 400 мг құрайды. Инъекцияға арналған ерітінді 12 жасқа дейінгі балаларға ұсынылмайды. Енгізулер арасындағы аралық – 4-6 сағат сайын 50-ден 100 мг-ге дейін. Егде жастағы пациенттерде, сондай-ақ бауыр және/немесе бүйрек функциясы бұзылған пациенттерде енгізу арасындағы аралықты ұлғайту қажет. Аурудың сипаты мен күрделілігіне байланысты трамадолдың көмегімен ауырсыну синдромын ұзақ мерзімді емдеу қажет болса, қосымша емдеу талап етілетінін және қандай дәрежеде екенін анықтау мақсатында мұқият және жүйелі мониторинг (қажет болса емделудегі үзілістермен) жүргізу керек. Пациенттердің ерекше топтары Егде жастағы пациенттер Клиникалық айқындығы жоқ бүйрек немесе бауыр жеткіліксіздігі бар 75 жасқа дейінгі егде жастағы пациенттерге ересектер үшін қарастырылған доза тағайындалуы мүмкін. 75 жастан асқан пациенттерге дозалар аралығының үлкендігі талап етілуі мүмкін, өйткені препараттың организмнен шығарылу кезеңі артуы мүмкін. Дозасын арттырғанда пациент мұқият бақылауда болуы тиіс. Бүйрек жеткіліксіздігі бар пациенттер: Бұндай пациенттерде организмнен трамадол шығарылу кезеңі артуы мүмкіндігіне орай, пациенттің қажеттілігін ескере отырып, дозалау аралығын ұзарту туралы шешім қабылдауға мұқият болу керек. Трамадолды ауыр дәрежедегі бүйрек жеткіліксіздігі бар (креатинин клиренсі ˂ 10 мл/мин) пациенттердің қолдануына болмайды. Бауыр жеткіліксіздігі бар пациенттер: Бұндай пациенттерде организмнен трамадол шығарылу кезеңі артуы мүмкіндігіне орай, пациенттің қажеттілігін ескере отырып, дозалау аралығын ұзарту туралы шешім қабылдауға мұқият болу керек. Трамадолды ауыр дәрежедегі бауыр жеткіліксіздігі бар пациенттердің қолдануына болмайды. Енгізу жолы және тәсілі Трамадол Ланнахер вена ішіне (инфузияға біріккен ерітіндімен сұйылтқаннан кейінгі баяу инъекция немесе инфузия), бұлшықет ішіне немесе тері астына енгізуге арналған. Инъекцияға арналған ерітіндіні вена ішіне енгізу баяу сорғалатып, минутына 1 мл ерітіндіден немесе инъекцияға арналған ерітіндіде сұйылтқаннан кейін тамшылап жүзеге асырылады. Трамадол инфузиясына арналған үйлесімді ерітінділер: натрий хлоридінің физиологиялық ерітіндісі немесе 5% глюкоза ерітіндісі. Енгізу аралығы – 50-ден 100 мг дейін, 4-6 сағат сайын.

- трамадол гидрохлоридіне немесе басқа апиындарға, препараттың қосымша компоненттеріне жоғары сезімталдық - тыныс алудың тежелуімен немесе орталық жүйке жүйесінің айқын тежелуімен (алкогольмен, седативті препараттармен, есірткілік анальгетиктермен, психотроптық препараттармен улану) қатар жүретін жағдайлар - моноаминоксидаза тежегіштерін бір мезгілде қолдану және оларды тоқтатқаннан кейін екі апталық кезең - шығу тегі белгісіз сананың бұзылуы - тыныс алу орталығының дисфункциясы, тыныс алу функциясының бұзылуы - бүйректің ауыр жеткіліксіздігі (креатинин клиренсі 10 мл/мин кем) - ауыр дәрежеде бауыр функциясының жеткіліксіздігі - есірткіні тоқтатуы синдромы - бақыланбайтын эпилепсия - жасанды тыныс алу жүргізбей, бассүйек-ми қысымымен қатар жүретін жағдайлар - апиынға тәуелділік - жүктілік және лактация кезеңі - 12 жасқа дейінгі балалар

Өте жиі - бас айналуы, жүрек айнуы Жиі - бас ауыруы, ұйқышылдық - іш қатуы, ауыз құрғауы, құсу - гипергидроз - қажу Жиі емес - жүрек қағуының бұзылуы (жүрек соғысы, тахикардия). Бұл жағымсыз реакциялар әсіресе вена ішіне енгізгенде және физикалық стресстен зардап шегетін пациенттерде пайда болуы мүмкін. - жүрек-қан тамырлары реттелуінің бұзылуы (постуральды гипотензия немесе жүрек-қан тамырлары коллапсы). Бұл жағымсыз реакциялар әсіресе вена ішіне енгізгенде және физикалық стресстен зардап шегетін пациенттерде пайда болуы мүмкін. - лоқсу, асқазан-ішек жолдарының жайсыздығы (асқазанда ауырлық сезімі, іштің кебуі), диарея. - тері реакциялары (мысалы, қышу, бөртпе, есекжем). - тоқтату синдромы. Дәрі-дәрмектерді тоқтату синдромының симптомдары апиындарды тоқтату кезінде пайда болатын белгілерге ұқсас және келесідей көрінуі мүмкін: қозу, үрей, күйгелектік, ұйқысыздық, тремор және асқазан-ішек симптомдары. Трамадолды тоқтату кезінде өте сирек кездесетін басқа симптомдарға мыналар жатады: үрейлі шабуылдар, қатты мазасыздық, елестеу, парестезия, құлақ шыңылдауы және ОЖЖ ерекше симптомдары (мысалы, сананың шатасуы, сандырақ, өзін-өзі танымау, қоршаған ортаны сезінудің бұзылуы, паранойия). Сирек - брадикардия, артериялық қысымның жогарлауы - тәбет өзгеруі - респираторлық депрессия, ентігу Егер ұсынылған дозалар едәуір асып кетсе және орталық әсерді басатын басқа заттар бір уақытта енгізілсе, тыныс алудың тарылуы туындауы мүмкін. Демікпенің нашарлауы туралы хабарланды, дегенмен себеп-салдарлық байланыс анықталмаған. -сөйлеудің бұзылуы, парестезия, тремор, эпилепсиялық сипаттағы құрысулар, бұлшықеттің еріксіз тартылуы, қозғалыс үйлесімінің бұзылуы, естен тану. Құрысулар негізінен трамадолдың жоғары дозаларын қабылдағаннан кейін немесе құрысу ұстамаларының ның шегін төмендететін дәрілік препараттармен қатар емдеуден кейін пайда болды. - елестеулер, сананың шатасуы, ұйқының бұзылуы, сандырақ, мазасыздық және түнгі шым-шытырықтар. Трамадолды қабылдағаннан кейін психикалық жағымсыз реакциялар пайда болуы мүмкін, олар қарқындылығы мен сипаты бойынша жеке-жеке ерекшеленеді (жеке басына және емдеу ұзақтығына байланысты). Оларға көңіл-күйдің өзгеруі (әдетте көтеріңкі көңіл-күй, кейде дисфория), белсенділіктің өзгеруі ((әдетте бәсеңдеуі, кейде күшеюі) және когнитивті және сенсорлық қабілеттердің өзгеруі (мысалы, батыл мінез-құлық, түйсіктің бұзылуы) жатады. - миоз, мидриаз, бұлыңғыр көру. - қимыл-қозғалыс әлсіздігі - несеп шығарудың бұзылуы (дизурия және несептің кідіруі). - аллергиялық реакциялар (мысалы, ентігу, бронх түйілуі, сырыл, ангионевроздық ісіну) және анафилаксиялық реакция Бірнеше оқшауланған жағдайларда трамадолды терапиялық қолдануға байланысты бауыр ферменттерінің мәндерінің жоғарылауы туралы хабарланды. Өте сирек -есірткіге тәуелділік - гипогликемия - ықылық - серотониндік синдром психикалық жағдайдағы өзгерістер (мысалы, қозу, елестеулер, кома) және қызба, жүрек соғуының жиілеуі, тұрақсыз артериялық қысым, бұлшықеттердің еріксіз жиырылуы, бұлшықеттердің сіресуі, қимыл -қозғалыс бұзылуы және/немесе асқазан-ішек симптомдары (жүрек айнуы, құсу, диарея) сияқты басқа жағымсыз реакциялар ретінде көрінуі мүмкін. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айнуы, құсу, қарашықтардың кішіреюі немесе кеңеюі, артериялық қысымның түсіп кетуі, сананың тежелуі (коматозды жай-күйге дейін). Трамадол гидрохлоридімен артық дозаланудың ең қауіпті салдары - тыныс алудың тоқтап қалуға (апноэ) дейін болатын бәсеңдеуі және құрысулар болып табылады. Емі: асқазан шаю, өкпенің талапқа сай желдетілуін демеу және арнайы мамандандырылған бөлімше жағдайларында симптоматикалық емдеу. Тыныс алу бәсеңдеген жағдайда антидоты – налоксон болып табылады, құрысуларда диазепам пайдалану мақсатқа сай келеді. Арнайы шаралар Конвульсиялар: пациентті қатар жүретін соғылулардан сақтау, в/і диазепам немесе басқа да инъекция түріндегі бензодиазепиндерді енгізу. Гипотензия: пациент денесінің көлденең қалпы, қажет болғанда тамыр ішіне электролитті ерітінділер, вазопрессорлар құю. Анафилаксиялық шок: шұғыл көмек дәрігерімен байланысу; пациентті жатқан қалыпқа көшіру, денесінің төменгі бөлігін көтеру, электролитті ерітінділерді қарқынды инфузиялауды бастау. Жүрек тоқтауы: шұғыл жүрек-өкпе реанимациясы, шұғыл көмек дәрігерімен байланысу. Тыныс алу тоқтауы: шұғыл жүрек-өкпе реанимациясы, шұғыл көмек дәрігерімен байланысу,тыныс алу орталығы депрессиясының антидоты налоксон болып табылады.

Трамадол Ланнахерді нашақорлықпен пациенттерде, сананың шатасуында, тыныс алу орталығының функции төмендеуінде, бассүйек-ми гипертензиясында, жарақаттарда, оның ішінде бассүйек-ми жарақаттарында, эпилепсиялық синдромда, «іштеспеде», шокта, бауыр және бүйрек қызметі бұзылуында сақтықпен қолдану керек. Препаратпен емдеу кезеңінде алкоголь, карбамазепин пайдалануға жол берілмейді. Трамадолды қабылдауды бастамас бұрын, егер сіз депрессияға ұшырасаңыз және антидепрессанттарды қабылдасаңыз, дәрігермен кеңесу керек, өйткені олардың кейбіреулері трамадолмен өзара әрекеттесуі мүмкін. Трамадолды бензодиазепиндер сияқты седативті дәрілік препараттармен немесе ұқсас дәрілермен бірге пайдалану седацияға, тыныс алудың бәсеңдеуіне, өліммен аяқталатын комаға әкелуі мүмкін. Осындай қауіптер үшін көрсетілген седативті дәрілермен бір уақытта тағайындау емдеудің балама нұсқалары мүмкін болмайтын пациенттер үшін қалдырылуы тиіс. Егер Трамадол Ланнахерді седативті дәрілік заттармен бір уақытта тағайындау туралы шешім қабылданса, Трамадол Ланнахердің ең төмен тиімді дозасын пайдаланған жөн, ал қатарлас емнің ұзақтығы барынша қысқа болуы тиіс. Пациенттерге тыныс алудың бәсеңдеуі мен седацияның белгілері мен симптомдарын мұқият бақылаған жөн. Осыған байланысты пациенттерге және олардың күтімімен айналысатын тұлғаларға бұл симптомдар туралы хабарлау табандылықпен ұсынылады. Ұйқы кезіндегі тыныс алудың бұзылуы Трамадол Ланнахер ұйқы кезіндегі апноэ (ұйқы кезінде тыныс алудың тоқтауы) ұйқыға байланысты тыныс алу бұзылыстарын және ұйқыға байланысты гипоксемия (қандағы оттегінің төмен деңгейі) тудыруы мүмкін. Егер сіз препаратты қабылдаған кезде келесі симптомдардың кез-келгенін, мысалы, ұйқы кезінде тыныс алудың тоқтауы, ентігуден түнде ояну, ұйқыны ұстап тұрудың қиындығы немесе күні бойы шамадан тыс ұйқышылдықты сезінсеңіз, міндетті түрде емдеуші дәрігерге қаралыңыз. Сіздің дәрігеріңіз дозаны азайту мүмкіндігін қарастыруы мүмкін. Қатты шаршау, тәбеттің болмауы, іштің қатты ауыруы, жүрек айнуы, құсу немесе төмен қан қысымы сияқты симптомдар бүйрек үсті безінің жеткіліксіздігін (кортизолдың төмен деңгейі) көрсетуі мүмкін. Егер сізде осы симптомдар болса, гормонмен демеуші терапияны қабылдау керек пе, жоқ па, соны шешетін дәрігерге қаралыңыз. Трамадол Ланнахерге тәуелділік дамуының потенциалы төмен. Алайда ұзақ уақыт қолданғанда үйренісу, психикалық және физикалық тәуелділік дамуы мүмкін. Трамадол тоқтату синдромын туындатуы мүмкін. Дәрілік заттарды шамадан тыс пайдалануға бейім немесе дәрілік препараттарға тәуелділігі бар пациенттерді трамадолмен емдеу тек қысқа мерзімді кезеңді жүргізілуі тиіс және дәрігердің қатаң бақылауымен жүргізілуі тиіс. Трамадолды ұзақ уақыт қолданғанда дәріге тәуелділіктің және басқа да апиынды препараттарға айқаспалы толеранттылықтың дамуы толық жоққа шығарылуы мүмкін емес. Сондықтан емдеуді жалғастыру немесе үзе тұру туралы шешімді тек дәрігер қабылдауы тиіс. Пациенттерге дәрігер тағайындаған дозаны және емдеу мерзімін ұстанулары қажеттігін және препаратты басқаларға бермеуін ескерту керек. Созылмалы ауыру синдромын ұзақ емдеуді тек қатаң көрсетілімдер бойынша ғана жүргізу керек. Трамадол Ланнахерді морфин тоқтату симптомдарын бәсеңсітпейтіндіктен апиынға тәуелділігі бар пациенттер үшін алмастыратын дәрі ретінде қолдануға болмайды. Трамадолды ұсынылатын дозаларда қабылдайтын пациенттерде ұсынылатын тәуліктік ең жоғары дозаны (400 мг) арттырғанда туындау қаупі жоғарылауы мүмкін құрысулар анықталған. Трамадол құрысуға дайындық шегін төмендететін басқа дәрілік заттарды қабылдайтын пациенттерде құрысу дамуы қаупін арттыруы мүмкін. Эпилепсиясы немесе құрысуларға бейімділігі бар пациенттерді трамадолмен емдеуді оған мәжбүрлейтін жағдайлар болғанда ғана қарастыру керек. Церебральді құрысулары бар пациенттерді емдеу уақытында және емнен кейін біршама уақыт мұқият бақылау керек. Құрысу пайда болу қаупі трамадолды құрысу шегін төмендете алатын препараттармен біріктірілімде қабылдайтын пациенттер арасында жоғарылауы мүмкін. Серотониндік синдром Өмірге қауіп төндіретін серотониндік синдром туралы трамадолды басқа серотонинергиялық агенттермен немесе тек трамадолмен бірге қабылдаған пациенттерде хабарланды. Егер басқа серотонинергиялық агенттермен қатар емдеу клиникалық тұрғыдан негізделген болса, пациентті, әсіресе емдеуді бастау және дозаны ұлғайту кезінде мұқият бақылау ұсынылады. Серотониндік синдромның симптомдары психикалық статустық өзгеруін, вегетативті тұрақсыздықты, жүйке-бұлшықет бұзылыстарын және/немесе асқазан-ішек симптомдарын қамтуы мүмкін. Серотониндік синдромға күдік туған жағдайда дозаны төмендету немесе симптомдардың ауырлығына байланысты емді тоқтату мүмкіндігін қарастыру керек. Серотонинергиялық препараттарды тоқтату әдетте тез жақсаруға әкеледі. Анальгетиктерді ұзақ уақыт (3 айдан астам), күн ара немесе одан да жиі аралықпен қолданғанда бас ауыруы дамуы немесе оның күшеюі мүмкін. Анальгетиктердің артық дозалануынан туындаған бас ауыруын дозаны арттыру арқылы емдеуге болмайды. Бұл жағдайларда анальгетиктерді пайдалану дәрігер кеңесінен соң тоқтатылуы тиіс. Трамадол бауырдың CYP2D6 ферментімен метаболизденеді. Пациенттерде осы ферменттің тапшылығы болса немесе ол толық болмаса адекватты ауыруды басатын әсерге қол жеткізілмеуі мүмкін. Бағалауға сәйкес Кавказ халқының 7 % дейін мұндай тапшылық бар. Дегенмен, егерде пациенттің метаболизмі өте жылдам болса, тіпті қарапайым тағайындалған доза кезінде апиындық уыттылық түріндегі жағымсыз әсердің даму қаупі бар. Апиындық уыттылықтың жалпы симптомдары сананың шатасуын, ұйқышылдықты, үстіртін тыныс алуды, көздің қарашығының кішіреюін, жүрек айнуды, құсуды, іштің қатуын және тәбеттің жоғалуын қамтиды. Ауыр жағдайларда бұл өмір үшін қауіпті және сирек жағдайда өліммен аяқталуына әкелуі мүмкін қанайналым жеткіліксіздігі мен тыныс алудың бәсеңдеуін қамтуы мүмкін. Арнайы ескертулер Жүктілік Трамадол плацента арқылы өтеді. Жүкті әйел қолданған кездегі қауіпсіздігі туралы жеткілікті деректер жоқ. Сондықтан трамадолды жүкті әйелдерге қолданбаған жөн. Босанғанға дейін немесе босану кезінде енгізілетін трамадол жатырдың жиырылуына әсер етпейді. Жаңа туған нәрестелерде әдетте клиникалық маңызды емес болып табылатын тыныс алу жиілігінің өзгеруін туындатуы мүмкін. Жүктілік кезінде ұзақ уақыт бойы пайдалану жаңа туған нәрестелердің тоқтату синдромына әкелуі мүмкін. Лактация Трамадолдың аналық дозасының шамамен 0,1% емшек сүтімен бөлінеді. Трамадолды тура босанғаннан кейін 400 мг-ға дейінгі тәуліктік дозада ішке қабылдаған кезде емшектегі баланың организміне түсетін трамадолдың орташа мөлшері анасының дозасының 3%-ын құрайды. Осы себепті трамадолды бала емізу кезінде пайдаланбаған жөн немесе, керісінше, трамадолмен емдеу уақытына бала емізудің тоқтатқан жөн. Бала емізуді тоқтату әдетте трамадолды бір реттік қабылдаудан кейін қажетті болып табылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Трамадол механизмдерді басқару және жұмыс істеу қабілетіне елеулі әсер етеді. Тіпті нұсқаулыққа сәйкес қабылдаған кезде, Трамадол Ланнахер ұйқышылдық және бас айналуы сияқты әсерлерді туындатады және нәтижесінде жүргізушілердің, машина операторларының реакцияларын нашарлатуы мүмкін. Сондықтан емдеу кезінде автокөлікті және қауіптілігі зор механизмдерді басқаруға болмайды.

Нұсқаулықта көрсетілмеген.

Трамадол Ланнахерді орталық жүйке жүйесіне бәсеңсітетін әсер беретін дәрілік заттармен (жалпы анестезияға арналған дәрілер, ұйықтататын препараттар, антипсихотикалық препараттар, анксиолитиктер, антидепрессанттар), сондай-ақ этанолмен бір мезгілде қолдану олардың өзара әсерінің күшеюіне, оның ішінде тыныс алу орталығының белсенділігінің бәсеңсуіне алып келуі мүмкін. Карбамазепинді, барбитураттарды және микросомальді ферменттердің басқа да индукторларын қолдану трамадолдың анальгетикалық әсерінің айқындығы мен ұзақтығының азаюына алып келуі мүмкін. Трамадолды ұзақ уақыт қолдану басқа да апиынды анальгетиктерге және барбитураттарға айқаспалы толеранттылық дамуын стимуляциялайды. Налоксон апиынды анальгетиктерді қолданғаннан кейінгі анальгезияны жоя отырып, тыныс алуды белсенділендіреді. Трамадолды МАО-мен, фуразолидонмен, прокарбазинмен, нейролептиктермен бір мезгілде қолданғанда құрысу дамуының қаупі (құрысуға дайындық шегінің төмендеуі) туындайды. Апиынды анальгетиктерді қолданардан 14 күн бұрын МАО тежегіштерін пайдалануда орталық жүйке жүйесіне, тыныс алу және жүрек-қан тамырлар қызметіне әсер ететін өмірге қауіпті өзара әрекеттесулер анықталған. Хинидин трамадолдың плазмалық концентрациясын жоғарылатады және CYP2D6 изоферментін бәсекелес тежеу есебінен моно-О-десметилтрамадол метаболитінің құрамын төмендетеді. Бірге немесе алдын ала циметидинді (ферменттер тежегіштері) қолдануда клиникалық елеулі өзара әрекеттесулер болу ықтималдығы аз. Апиынды рецепторлардың агонистерін/антагонистерін (мысалы, бупренофин, налбуфин, пентазоцин) және трамадолды біріктіру ұсынылмайды, өйткені бұл жағдайларда таза агонистің анальгетикалық әсері төмендейді. Трамадол құрысулар туындатуы мүмкін және серотонинді кері қармаудың селективті тежегіштерін, трициклді антидепрессанттардың, нейролептиктердің және құрысуға дайындық шегін төмендететін басқа да препараттардың (мысалы, бупропион, миртазапин, тетрагидроканнабинол) әсерін күшейтуі, сонысымен құрысу дамуына алып келуі мүмкін. Трамадолды серотонинді кері қармайтын селективті тежегіштер, серотонинді-норадреналинді кері қармайтын тежегіштер, МАО тежегіштері, трициклдік антидепрессанттар және миртазапин сияқты басқа да серотонинергиялық заттармен біріктірілімде қолдануға байланысты серотонинді синдромның дамуы мүмкін. Серотониндік синдром симптомдары: индукцияланған немесе көздің клонусы, тремор, спонтанды миоклонус, сананың шатасуы, дисфория, гипертермия, тершеңдік, атаксия, гиперрефлексия, миоклонус және диарея. Трамадол мен кумариндерді (мысалы, варфарин) бір мезгілде қолданғанда қан кетулер және қанталаулар дамуымен протромбиндік уақыттың төмендеу қаупінен пациенттерді мұқият бақылау керек. Басқа CYP3A4 тежегіштері, мысалы, кетоконазол және эритромицин, трамадолдың (N-деметилдеу) метаболизмін және белсенді О-десметилтрамадолды тежеуі мүмкін. 5-HT3 антагонист – ондансетрон – құсуға қарсы дәрісін операцияға дейін және операциядан кейін қолданудың операциядан кейінгі ауыруларда трамадолды қажетсінуді арттырғаны анықталған. Болжауға болмайтын өзара әрекеттесулер әсерінен есірткілік анальгетиктермен үйлестіру (тримеперидин, фентанил, бупренорфин және т.б.) ұсынылмайды.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!