Трамадол таблетки 50 мг

Бір таблетканың құрамында белсенді зат - трамадол гидрохлориді 50.0 мг, қосымша заттар: микрокристалды целлюлоза, повидон (поливинилпир- ролидон), кросповидон (Полипласдон) XL-10, сусыз коллоидты кремнийдің қостотығы (аэросил), магний стеараты қабықтың құрамы: гипромеллоза (гидроксипропилметилцеллюлоза), титанның қостотығы (Е 171), триацетин, полисорбат 80 (твин 80), вазелин майы Сыртқы түрінің, иісінің, дәмінің сипаттамасы Қабықпен қапталған, ақ немесе ақ дерлік түсті, екі беті дөңес, беткейі аздап бұдырлы таблеткалар.

Қарқындылығы орташа және жоғары ауыру синдромын емдеу

Әсер ету механизмі Трамадол – орталықтан әсер ету механизмі бар апиындық анальгетик. µ-, δ- және κ-апиындық рецепторлардың селективті емес толық агонисті болып табылады, µ-рецепторлармен тектестігі зор. Трамадолдың анальгетикалық әсерін күшейтетін екінші әсер ету механизмі норадреналинді нейрондармен кері қармауды бәсеңдету және серотониннің босап шығуын күшейту болып табылады. Трамадол жөтелге қарсы әсерге ие. Морфиннен айырмашылығы, емдік дозаларда тыныс алуды бәсеңдетпейді және ішек моторикасына аз дәрежеде әсер етеді. Жүрек-қантамыр жүйесіне әсерінің айқындығы әлсіз. Трамадолдың анальгетикалық әлеуеті морфиннің белсенділігінің 1/10—1/6 құрайды. Балалар Трамадолды пероральді және парентеральді енгізу әсерлері туғаннан бастап 17 жасқа дейінгі 2000-нан астам бала қатысқан клиникалық зерттеулерде зерттелді. Осы зерттеулерде зерттелетін ауыруды емдеу бойынша көрсетілімдер операциядан кейінгі ауыруды (негізінен абдоминальді), тістерді хирургиялық жұлып тастағаннан кейінгі ауыруды, сыну, күю мен жарақаттар нәтижесінде, кемінде 7 күн бойы анальгетиктермен емдеуді қажет ететін ауыру синдромымен бірге жүретін басқа жағдайларды қамтыды. Тәулігіне 2 мг/кг дейінгі дозада бір рет қолданғанда немесе 8 мг/кг дейінгі дозада көп рет қолданғанда (тәулігіне 400 мг-ден аспайтын) трамадол тиімділігі бойынша плацебодан асып түсетіні, сондай-ақ тиімділігі бойынша парацетамолдан, налбуфиннен, петидиннен және морфиннің төмен дозаларынан асып түсетіні немесе тең болатыны көрсетілді. Жүргізілген зерттеулердің нәтижелері трамадолдың тиімділігін растады. Трамадолдың қауіпсіздік бейіні ересектер мен 1 жастан асқан балаларда ұқсас болды (4.2 бөлімін қараңыз).

Дозалану режимі Ересектер Дозаны ауыру синдромының қарқындылығына және пациенттің жеке сезімталдығына байланысты жекелей таңдау керек. Емдеу ұзақтығы жекелей анықталады, препаратты емдік тұрғыдан мақұлданған мерзімінен артық тағайындамаған жөн. Ерекше жағдайларды (мысалы, онкологиялық ауру немесе операциядан кейінгі ауыр ауру) қоспағанда, трамадолдың тәуліктік 400 мг дозасын арттырмаған жөн. Ересектер мен 12 жастан асқан жасөспірімдер Дозалар — Бір реттік доза — Ең жоғары тәуліктік доза Трамадол (қабықпен қапталған 50 мг таблеткалар) — 50–100 мг әрбір 4–6 сағат сайын (1–2 таблетка) — 400 мг (8 таблеткаға дейін) Ауырғанды басатын әсері жеткіліксіз болған жағдайда 30-60 минуттан кейін 50 мг трамадол қайтадан қабылданады. Қарқынды ауыру кезінде ұсынылатын бір реттік доза –100 мг трамадол. Әсері ауырудың сипаты мен қарқындылығына байланысты орта есеппен 4-6 сағат бойы сақталады. Ісіктер болған кезде немесе операциялық араласу кезінде дозаны едәуір жоғарылату қажет болуы мүмкін. Ауырғанды басатын әсерін 24 сағаттан артық сақтау үшін, әдетте, кәдімгі дозадан жоғары емес дозасы пайдаланылады. Пациенттердің ерекше топтары Балалар Трамадол таблеткалары 12 жасқа дейінгі балаларда қолданылмайды. Егде жастағы пациенттер Клиникалық тұрғыдан айқын бауыр немесе бүйрек жеткіліксіздігі жоқ егде пациенттерде (75 жасқа дейін) әдетте дозаны түзету талап етілмейді. 75 жастан асқан пациенттерде препараттың шығарылуы баяулауы мүмкін. Сондықтан, қажет болса, пациенттің ерекшеліктеріне сәйкес препаратты тағайындаудағы аралықты арттырады. Бүйрек жеткіліксіздігі бар немесе диализдегі пациенттер және бауыр жеткіліксіздігі бар пациенттер Бүйрек және/немесе бауыр функциясы бұзылған кезде трамадолдың организмнен шығарылуы баяулайды. Қажет болса, препаратты қабылдау арасындағы аралық ұлғайтылуға тиіс. Бауырдың ауыр жеткіліксіздігі және бүйректің ауыр жеткіліксіздігі бар (креатинин клиренсі < 10 мл/мин) пациенттерге трамадолды қабылдау ұсынылмайды. Енгізу әдісі және жолы Ішке қабылдауға арналған. Таблеткаларды тамақ ішуге қарамастан, жеткілікті мөлшердегі сұйықтықпен бөлмей және шайнамай тұтастай жұтады. Емдеу мақсаттары және оны қолдануды тоқтату Трамадол препаратымен емдеуді бастамас бұрын пациенттермен бірге емдеу стратегиясын, оның ішінде емдеу ұзақтығы мен мақсаттарын, сондай-ақ ауырсынуды басқару бойынша ұсыныстарға сәйкес емдеуді аяқтау жоспарын келісу керек. Емдеу кезінде емдеуді жалғастыру қажеттілігін бағалау, тоқтатуды қарастыру және қажет болған жағдайда дозаларды түзету үшін дәрігер мен пациент арасында жиі байланыс болу керек. Егер пациентке Трамадол терапиясы қажет болмаса, тоқтату симптомдарын болдырмау үшін дозаны біртіндеп төмендету ұсынылуы мүмкін. Талапқа сай анестезия болмаған жағдайда гипералгезия, жағымдылықтың нашарлауы және негізгі аурудың үдеу мүмкіндігін ескеру қажет. Емдеу ұзақтығы Трамадол ешқандай жағдайда, қажеттісінен артық қолданылмауға тиіс. Ауыру синдромының қарқындылығына немесе этиологиясына байланысты трамадолды ұзақ қолданған кезде әрі қарай емдеу қажеттілігін анықтау және дозаны оңтайландыру үшін мезгіл-мезгіл (егер қажет болса препаратты қабылдау кезінде үзілістермен) бақылау қажет. Созылмалы ауыру синдромын ұзақ уақыт емдеу кезінде препаратты қабылдаудың таңдалған кестесін ұстану керек. Трамадол дағдылануды туғызуы мүмкін. Ұзақ уақыт пайдаланылуының артықшылықтарын мұқият таразылау қажет. Тоқтату симптомдарының қаупі бар екенін көрсету Егер пациентке трамадолмен емдеу енді қажет болмаса, «тоқтату» симптомдарының алдын алу үшін дозаны біртіндеп төмендету орынды.

• әсер етуші зат трамадол гидрохлоридіне немесе басқа апиындарға, немесе қосымша заттардың кез келгеніне аса жоғары сезімталдық • тыныс алудың бәсеңдеуімен немесе орталық жүйке жүйесінің айқын бәсеңдеуімен (алкогольден, седативті препараттардан, есірткілік анальгетиктерден, психотропты препараттардан улану) қатар жүретін жағдайлар • моноаминооксидаза тежегіштерін бір уақытта қолдану және оларды тоқтатқаннан кейінгі екі апталық кезең • бақыланбайтын эпилепсия • есірткілік заттарды алмастырғыш ретінде • бүйректің және бауырдың ауыр дәрежедегі жеткіліксіздігі • жүктілік және бала емізу кезеңі • 12 жасқа дейінгі балалар

Өте жиі: • бас айналуы • жүрек айнуы Жиі: • бас ауыруы • ұйқышылдық • іш қату, ауыздың құрғауы, құсу • тершеңдік • шарағыштық Жиі емес: • жүрек-қантамыр реттелісіне әсері (жүрек соғуы, тахикардия). Бұл жағымсыз реакциялар негізінен препаратты вена ішіне енгізгенде немесе елеулі дене жүктемелерінде байқалады. • жүрек-қантамыр реттелісіне әсері (ортостаздық гипотензия немесе коллапс). Бұл жағымсыз реакциялар негізінен препаратты вена ішіне енгізгенде немесе елеулі дене жүктемелерінде байқалады. • құсқысы келу, эпигастриядағы ауырлық сезімі, метеоризм, диарея • тері реакциялары (мысалы, қышыну, эритема, есекжем) Редко: • брадикардия. • артериялық қысымның жоғарылауы • тәбеттің өзгеруі • тыныс алудың бәсеңдеуі • ентігу Орталық жүйке жүйесін (ОЖЖ) бәсеңдететін басқа препараттарды бір мезгілде қолдана отырып, ұсынылатын дозалардан едәуір асып кеткенде тыныс алудың бәсеңдеуі ықтимал. Бронх демікпесінде жағдайдың нашарлауы байқалды, алайда препаратты қолданумен себеп-салдарлық байланысы анықталған жоқ. • сөйлеудің бұзылуы, парестезиялар, тремор, эпилепсия тәрізді ұстамалар, еріктен тыс бұлшықет жиырылуы, қимыл үйлесімінің бұзылуы, естен тану. Эпилепсия тәрізді ұстамалар трамадолдың жоғары дозаларын қолданғаннан кейін немесе құрысуға дайындық шегін төмендететін препараттармен бір мезгілде қолданғанда мүмкін болады. • елестеулер, сананың шатасуы, ұйқының бұзылуы, сандырақ, үрей, делирий және түнгі қорқынышты түстер. Трамадолды қолданғаннан кейін психика тарапынан сирек байқалатын түрлі жағымсыз реакциялар (пациенттің жеке ерекшеліктеріне және емдеу ұзақтығына байланысты) болуы мүмкін. Бұл жағымсыз реакциялар көңіл-күйдің өзгеруін (әдетте эйфория, кейде дисфория), белсенділіктің өзгеруін (әдетте төмендеу, кейде жоғарылау), когнитивті функциялардың және қабылдаудың бұзылуы (мысалы, шешім қабылдау үдерісі, қабылдау бұзылыстары) қамтиды. Дәріге тәуелділік дамуы ықтимал. Ықтимал «тоқтату» симптомдары апиындарды«тоқтату» симптомдарына ұқсас: ажитация, үрей, күйгелектік, ұйқының бұзылуы, гиперкинезия, тремор және асқазан-ішек жолы тарапынан болатын симптомдар. Трамадолды тоқтатқан кезде өте сирек кездесетін басқа симптомдар мыналар: паникалық шабуылдар, ауыр үрей, елестеулер, парестезиялар, құлақтағы шуыл және ОЖЖ тарапынан болатын басқа да аса сирек симптомдар (абдырау, елестеулер, деперсонализация, дереaлизация, паранойя). • миоз, мидриаз, көздің бұлдырауы • бұлшықет әлсіздігі • несеп шығарудың бұзылуы (несеп шығарудың қиындауы, дизурия және несеп шығарудың кідіруі). • аллергиялық реакциялар (ентігу, бронх түйілуі, ысқырып дем алу, ангионевроздық ісіну) және анафилаксия Белгісіз: • гипогликемия • ықылық тию • cеротонин синдромы Кейбір жағдайларда уақыт жағынан трамадолмен емге сай келетін бауыр ферменттері белсенділігінің жоғарылауы байқалды. Дәрілік тәуелділік Трамадолды қайта қолдану емдік дозаларда да дәрілік тәуелділікке әкелуі мүмкін. Есірткіге тәуелділіктің даму қаупі пациенттің жеке қауіп факторларына, дозасына және апиынмен емдеу ұзақтығына байланысты өзгеруі мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Трамадолмен артық дозаланғанда есірткілік анальгетиктерге тән симптомдарды күту керек: миоз, құсу, коллапс, комаға дейін сананың бұзылыстары, құрысулар, тыныс алу орталығының тыныс алу салдануына дейін бәсеңдеуі. Сондай-ақ серотонин синдромы туралы хабарланды. Емі Тыныс алу жолдарының өткізгіштігін қамтамасыз ету. Симптоматикасына қарай тыныс алуды және жүрек-қантамыр жүйесінің қызметін демеп тұру. Тыныс алу бұзылғанда налоксон енгізіледі. Құрысулар кезінде вена ішіне диазепам енгізу керек. Препараттың ішке қабылдауға арналған дәрілік түрлерімен артық дозаланған кезде асқазанды шайып, артық дозаланудан кейін алғашқы екі сағат ішінде белсендірілген көмір тағайындау қажет. Препараттың әсіресе үлкен дозаларын капсула түрінде қабылдағаннан кейін, асқазанның ішіндегісін жою кешірек мерзімдерде де тиімді болуы мүмкін. Артық дозаланғанда гемодиализдің және гемофильтрацияның тиімділігі аз. Дәрілік препараттың бір немесе бірнеше дозаларын өткізіп алғанда қажет болатын шаралар Қабылданбай қалған дозаның орнын толтыру үшін қосарлы дозаны қабылдамаңыз.

Апиынға тәуелділігі, бас жарақаты, шогы бар пациенттерде, этиологиясы түсініксіз сананың бұзылуы бар, тыныс алуы бұзылған немесе тыныс алу орталығы зақымданған, бассүйекішілік қысымы жоғары пациенттерде трамадол тек аса сақтықпен қолданылуға тиіс. Трамадолды апиынға сезімтал пациенттерде ерекше сақтықпен қолдану керек. Серотонин синдромы Трамадолды қолдану кезінде немесе басқа серотонинергиялық дәрілік препараттармен бір мезгілде қабылдау кезінде өмірге әлеуетті қауіп төндіретін серотонин синдромының дамуы туралы хабарламалар алынды. Егер клиникалық көрсетілімдерге сәйкес басқа серотонинергиялық дәрілік препараттармен қатарлас емдеу тағайындалса, пациентті, әсіресе емді бастау кезінде және дозаны арттыру кезінде мұқият бақылау қажет. Серотонин синдромының симптомдары психикалық статустың өзгеруін, вегетативті жүйке жүйесінің бұзылыстарын, жүйке-бұлшықет бұзылуларын және / немесе асқазан-ішек симптомдарын қамтуы мүмкін. Серотониндік синдром келесі жай-күйлердің біреуі байқалған кезде болуы ықтимал: • өздігінен болатын клонус • қозумен немесе терлеумен жүретін индукцияланған немесе көз клонусы • тремор және гиперрефлексия, гипертония және >38 °C дене температурасы және индукцияланған көз клонусы. Серотонин синдромының дамуына күдік болған кезде симптомдардың ауырлық дәрежесіне қарай препарат дозасын төмендету немесе қолдануды тоқтату мүмкіндігін қарастыру керек. Серотонинергиялық дәрілік препараттарды тоқтату әдетте тез жақсаруға әкеледі. Пациенттер тыныс алудың бәсеңдеу белгілері мен симптомдарының анықталуына және тыныштандыратын дәрілерді қолдануға қатысты мұқият бақылауда болуы тиіс. Осыған байланысты пациенттерді және оларға күтім жасайтын тұлғаларды осы симптомдар туралы хабардар ету табанды түрде ұсынылады. Седативті препараттарды бір мезгілде қолданғандағы қаупі Трамадол препаратын және бензодиазепиндер немесе ұқсас препараттар сияқты седативті препараттарды бір мезгілде қабылдау седативті әсер, тыныс алу бәсеңдетуін, команы және өлімді тудыруы мүмкін. Демек, бұл препараттарды бір уақытта тағайындау емдеудің басқа нұсқалары болмаған кезде ғана мүмкін болады. Егер Трамадолды седативті дәрілік заттармен бірге тағайындау туралы шешім қабылданса, ең төмен тиімді дозаны қолдану ұсынылады және емдеу мүмкіндігінше қысқа болуы керек. Пациенттер тыныс алу бәсеңдеуінің және седацияның белгілері мен симптомдарын мұқият қадағалап отыруы керек. Тыныс алуды бәсеңдету Тыныс алуы бәсеңдеген пациенттерде немесе ОЖЖ депрессанттарымен біріктіріп қолданғанда немесе ұсынылған ең жоғары тәуліктік дозадан едәуір асырғанда препаратты сақтықпен тағайындау керек, өйткені тыныс алуының бәсеңдеуі туындауы мүмкін. CYP2D6 изоферменті арқылы метаболизмі Трамадол CYP2D6 изоферментімен метаболизденеді. Белсенділігі жеткіліксіз (метаболизмі «баяу» пациенттер) немесе осы изоферменті жоқ пациенттерде ауыруды талапқа сай басатын әсерге қол жетпеуі мүмкін. Бағалаулар бойынша, 7%-ға дейін еуропеоидтарда осы изоферменттің белсенділігі жеткіліксіз болуы мүмкін. Ал метаболизмі «аса жылдам» пациенттерде трамадолды тіпті ұсынылған дозаларда қабылдағанда да апиындық уыттылықтың жағымсыз әсерлерінің даму қаупі бар. Апиындық уыттылықтың жалпы симптомдары сананың шатасуын, ұйқышылдықты, беткейлік тыныс алуды, қарашықтың күрт тарылуын, жүрек айнуын, құсуды, іштің қатуын және тәбеттің болмауын қамтиды. Ауыр жағдайларда өмірге қауіпті жүрек-қантамыр бұзылулары және сирек жағдайларда өліммен аяқталатын тыныс алудың бәсеңдеуі туындауы мүмкін. Түрлі популяциялардағы метаболизмі «аса жылдам» пациенттердің таралуын бағалау: Популяция — Таралуы % Африкалық/эфиоптық — 29 % Афроамерикалық — 3,4 %-дан 6,5%-ға дейін Монғолоидтық — 1,2 %-дан 2 %-ға дейін Еуропеоидтық («кавказ» типі) — 3,6 %-дан 6,5%-ға дейін Жерорта-теңіздік (грекиялық) — 6,0 % Орта еуропалық (венгриялық) — 1,9 % Солтүстік еуропалық — 1 %-дан 2 %-ға дейін Операциядан кейін балаларда қолдану Балаларда ұйқыдағы обструктивті апноэ кезіндегі тонзиллэктомиядан және / немесе аденоидэктомиядан кейін трамадолды қолдану сирек, бірақ өмірге қауіп төндіретін жағымсыз реакцияларға әкелгені туралы хабарламалар бар. Балаларға Трамадолды операциядан кейін ауырғанды басу үшін тағайындағанда ерекше сақ болу керек және апиындық уыттылық симптомдарына, оның ішінде тыныс алудың бәсеңдеуіне мұқият мониторинг жүргізу керек. Тыныс алу функциясы бұзылған балалар Тыныс алу функциясы бұзылған балаларда, оның ішінде жүйке-бұлшықет аурулары, жүрек немесе тыныс алу жолдарының күрделі аурулары, жоғарғы тыныс алу жолдарының немесе өкпенің инфекциялары, көптеген жарақаттар немесе ауқымды хирургиялық араласулар кезінде Трамадолды қолданбаған жөн. Бұл факторлар апиындық уыттылық симптомдарының нашарлауына әкелуі мүмкін. Ұйқы кезіндегі тыныс алудың бұзылуы Апиындар ұйқы кезіндегі орталықтық апноэны және ұйқыға байланысты гипоксемияны қоса, ұйқыға байланысты тыныс алудың бұзылуларын тудыруы мүмкін. Апиындарды қолдану дозасына қарай ұйқы кезіндегі орталықтық апноэының даму қаупін арттырады. Бүйрек үсті безінің жеткіліксіздігі Апиынды анальгетиктер кейде бақылау мен орын басушы глюкокортикоидты емді қолдануды қажет ететін бүйрек үсті безінің қайтымды жеткіліксіздігін тудыруы мүмкін. Бүйрек үсті безінің жедел немесе созылмалы жеткіліксіздігінің симптомдары, мысалы, іштің қатты ауыруы, жүрек айнуы және құсу, қан қысымының төмендеуі, қатты шаршау, тәбеттің төмендеуі және салмақ жоғалту сияқтыларды қамтуы мүмкін. Аса жоғары сезімталдық Препаратты аллергиялық және аллергиялық емес генездегі апиындардың ауыр жағымсыздығының белгілі жағдайлары бар пациенттерде сақтықпен қолдану керек. Құрысулар дамуының қаупі Трамадолды ұсынылған дозаларда қабылдаған пациенттерде құрысу оқиғалары тіркелді. Құрысулардың даму қаупі препараттың ұсынылған ең жоғары тәуліктік дозасын (400 мг) асырған кезде ұлғаюы мүмкін. Трамадолды қабылдау құрысу шегін төмендететін препараттарды қабылдайтын пациенттерде құрысулардың даму қаупін арттыруы мүмкін. Эпилепсиясы бар пациенттер және құрысулардың дамуына бейім пациенттер трамадолды өмірлік көрсетілімдер бойынша ғана қабылдауға тиіс. Тәуелділік дамуы Дағдылану, дене және психикалық тәуелділік, әсіресе ұзақ қолданғанда дамуы мүмкін. Дәрілік препараттарды шамадан тыс пайдалануға немесе дәрілік тәуелділіктің дамуына бейім пациенттерде Трамадол препаратымен емдеу тек қысқа курстармен және медициналық бақылаумен жүргізілуге тиіс. Трамадол апиындарға тәуелді пациенттер үшін орын басушы ем дәрісі ретінде қолданылмайды. Трамадол апиындық рецепторлардың агонисті екеніне қарамастан, ол морфиннің «тоқтату» симптомдарын баса алмайды. Егер пациентке трамадолмен емдеу енді қажет болмаса, «тоқтату» симптомдарының алдын алу үшін дозаны біртіндеп төмендету орынды. Тоқтату синдромы Препаратты тоқтату синдромы емді күрт тоқтатқанда немесе дозаны азайтқанда пайда болуы мүмкін. Пациент әрі қарай емдеуді қажет етпеген кезде, тоқтату симптомдарын барынша азайту үшін дозаны біртіндеп азайту ұсынылады. Жоғары дозаны қабылдағаннан кейін дозаны азайту апталарға немесе айларға созылуы мүмкін. Апиындық препараттарды тоқтату синдромы келесі симптомдардың кейбіреулерімен немесе барлығымен сипатталады: мазасыздық, көзден жас ағу, ринорея, есінеу, тершеңдік, қалтырау, миалгия, мидриаз және жүрек соғуының жиілеуі. Басқа симптомдар да дамуы мүмкін, оның ішінде тітіркену, қозу, мазасыздық, гиперкинезия, тремор, әлсіздік, ұйқысыздық, анорексия, іштің түйілуі, жүрек айну, құсу, диарея, артериялық қысымның жоғарылауы, тыныс алудың немесе жүрек соғуының жиілеуі. Егер әйелдер бұл препаратты жүктілік кезінде қабылдаса, олардың жаңа туған нәрестелерінде неонаталдық абстиненттік синдромның туындау қаупі бар. Трамадол апиындық тәуелділігі бар пациенттерге алмастырғыш ретінде жарамайды. Трамадол апиындық агонист болғанымен, ол морфинді тоқтату симптомдарын баса алмайды. Гипералгезия Ұзақ мерзімді апиындық ем алып жүрген пациент ауырудың күшеюіне шағымданса, гипералгезия диагнозын қоюға болады. Бұл аурудың үдеуімен байланысты ауырудан немесе апиындарға төзімділіктің дамуы нәтижесінде пайда болатын екпінді ауырудан сапалық және анатомиялық тұрғыдан ерекшеленуі мүмкін. Гипералгезиямен байланысты ауырудың бұрыннан бар ауыруға қарағанда неғұрлым диффузиялық және сапасы жағынан анықтығы азырақ болу үрдісі бар. Гипералгезия симптомдары апиындардың дозасын азайтқан кезде жойылуы мүмкін. Толеранттылық және апиынды қолданумен байланысты бұзылысы (шамадан тыс пайдалану және тәуелділік) Трамадол сияқты апиындарды қайта қабылдаған кезде толеранттылық, физикалық және психологиялық тәуелділік, сондай-ақ апиынды қолданумен байланысты бұзылыстар (АҚБ) дамуы мүмкін. Трамадолды қайта қолдану апиынды қолданумен байланысты бұзылысына (АҚБ) әкелуі мүмкін. Апиындармен емдеудің жоғары дозасы және ұзағырақ емдеу курсы АҚБ даму қаупін арттыруы мүмкін. Трамадолды шамадан тыс пайдалану немесе қасақана дұрыс қолданбау артық дозалануға және/немесе өлімге әкелуі мүмкін. АҚБ даму қаупі жеке немесе отбасылық анамнезі бар (ата-аналары, інілері мен қарындастары), психобелсенді заттарды қолдану бұзылыстары бар (алкогольдік бұзылуларды қоса), қазіргі уақытта темекі шегетіндерде немесе басқа психикалық бұзылыстары бар пациенттерде (мысалы, терең депрессия, үрейлену және тұлғалық бұзылыстары) жоғарылайды. Трамадолмен емдеуді бастамас бұрын және емдеу кезінде пациентпен препаратты тоқтату жоспары келісілуі керек. Емдеуді бастамас бұрын және емдеу кезінде пациентке АҚБ қауіптері мен белгілері туралы да хабарлау керек. Егер бұл белгілер пайда болса, пациенттерге өзінің емдеуші дәрігерімен кеңесу керек. Пациенттерге есірткіні қолдануға бейімділік белгілерін анықтау үшін бақылау қажет болады (мысалы, дозаны толтыру туралы тым ерте өтініштер). Бұл қатар қабылданатын апиындар мен психобелсенді препараттарды (мысалы, бензодиазепиндер) талдауды қамтиды. АҚБ белгілері мен симптомдары бар пациенттер наркологпен кеңесуді қарастыруы керек. Арнайы сақтандырулар Педиатрияда қолдану Трамадол таблеткалары 12 жасқа дейінгі балаларда қолданылмайды. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Тіпті, ұсынылған дозаларда да трамадол ұйқышылдық пен бас айналу сияқты әсерлерді тудыруы мүмкін, сондықтан автокөлік жүргізушілері мен механизмдердің операторларында реакцияны бұзуы мүмкін. Трамадол препаратын қолданған кезде, әсіресе басқа психотропты препараттармен немесе алкогольмен бірге қолданғанда, автокөлікті басқарудан және аса зейін қоюды және жылдам психомоторлық реакцияларды талап ететін қауіптілігі зор қызмет түрлерімен айналысудан бас тарта тұру қажет.

Жануарларға жүргізілген зерттеулер көрсеткендей, өте жоғары дозаларда трамадол ішкі ағзалардың дамуына, оссификацияға және неонатальді өлім жағдайына әсер етеді. Трамадол плаценталық бөгет арқылы өтеді. Трамадолды жүкті әйелдерде қолданудың қауіпсіздігіне сенімді дәлелдер алынбады, сондықтан трамадолды жүктілік кезінде қолдануға болмайды. Жүктілік кезінде трамадолды ұзақ қолдану жаңа туған нәрестеде «тоқтату» симптомдарының дамуына әкелуі мүмкін. Босанғанға дейін және босану кезінде қолданылатын Трамадол босану кезінде жатырдың жиырылуына әсер етпейді. Жаңа туған нәрестелерде трамадол тыныс алу жиілігінің өзгеруін тудыруы мүмкін, бұл әдетте клиникалық тұрғыдан маңызды емес. Анаға енгізілген трамадолдың шамамен 0,1 % дозасы бала емізу кезінде сүтпен шығарылады. Трамадолды босанудан кейін бірден 400 мг-ге дейінгі тәуліктік дозада ішке қабылдаған кезде емшектегі баланың организміне түсетін трамадолдың орташа мөлшері анадағы дозасының 3%-ын құрайды. Трамадолды бала емізу кезінде қолданбаған жөн. Трамадолмен емдеу қажет болғанда бала емізуді тоқтата тұру керек. Трамадолды бір рет қабылдағаннан кейін, әдетте, бала емізуді тоқтатудың қажеті жоқ.

Трамадолды моноаминоксидаза (МАО) тежегіштерімен бір мезгілде немесе оларды тоқтатқаннан кейін 14 күн ішінде тағайындауға болмайды. Петидин апиындық анальгетигін қолдану басталғанға дейін 14 күн ішінде МАО тежегіштерімен ем алған пациенттерде орталық жүйке жүйесі, тыныс алу және жүрек-қантамыр жүйелері тарапынан симптомдармен көрініс табатын, өмірге қауіп төндіретін дәрілерлік өзара әрекеттесуі байқалды. МАО тежегіштерімен осындай өзара әрекеттесулер трамадолды тағайындағанда да болуы мүмкін. Апиындарды бензодиазепиндермен немесе алкогольді қоса, ОЖЖ қызметін бәсеңдететін басқа заттармен бір мезгілде қолдану комаға және өлімге дейін седативті әсерді, тыныс алудың бәсеңдеуін күшейте алады. Осыған байланысты дозалар мен емдеу ұзақтығы шектеулі болуға тиіс. Трамадолды габапентиноидтармен (габапентин және прегабалин) бір мезгілде қолдану тыныс алудың бәсеңдеуіне, артериялық гипотензияға, күшті седативті әсер, комаға немесе өлімге әкелуі мүмкін Циметидинді (бауырдың микросомальді ферменттерінің тежегішін) бірлесіп немесе бұрын қолданған кезде клиникалық тұрғыдан маңызды өзара әрекеттесу ықтималдығы аз екені байқалды. Карбамазепинді (бауырдың микросомальді ферменттерінің индукторын) бір мезгілде немесе бұрын қолдану трамадолдың анальгетикалық әсерін төмендетуі және оның әсер ету уақытын қысқартуы мүмкін. Трамадол құрысуларды тудыруы мүмкін және серотонинді кері қармаудың селективті тежегіштерінің (СКҚСТ), серотонин-норадреналинді кері қармау тежегіштерінің (СНКҚТ), трициклдық антидепрессанттардың, нейролептиктер мен құрысуға дайындық шегін төмендететін басқа да препараттардың (мысалы, бупропион, миртазапин, тетрагидроканнабинол) әсерін күшейтуі мүмкін, осылайша, құрысулардың дамуына әкеледі. Трамадолды серотонинді кері қармаудың селективті тежегіштері, серотонин-норадреналинді кері қармау тежегіштері, МАО тежегіштері, трициклдық антидепрессанттар және миртазапин сияқты басқа да серотонинергиялық дәрілермен бір мезгілде қолдану серотониндік синдромның дамуына әкелуі мүмкін. Трамадолды және серотонинергиялық дәрілік препараттарды, мысалы, серотонинді кері қармаудың селективті тежегіштері (СКҚСТ), серотонин-норадреналинді кері қармаудың тежегіштері (СНКҚТ), МАО тежегіштері , трициклдық антидепрессанттар және миртазапинді бір мезгілде қолдану өмірге әлеуетті қауіп төндіретін жай-күйдің, серотонин синдромының дамуына ықпал етуі мүмкін. Қажетті ем клиникалық көрініспен және симптомдардың айқындығымен анықталады. Трамадол мен кумарин туындыларын (мысалы, варфаринді) бір мезгілде қолданғанда пациенттерді мұқият қадағалау қажет, себебі олардың кейбірінде қан кетудің және экхимоздардың дамуымен халықаралық қалыптасқан қатынастың (ХҚҚ) жоғарылауы байқалды. CYP3A4 изоферментінің басқа тежегіштері, мысалы, кетоконазол және эритромицин, трамадолдың (N-деметилдеу) және, бәлкім, белсенді О-деметил-трамадолдың метаболизмін баяулатуы мүмкін. Аталған өзара әрекеттесудің клиникалық мәні зерттелмеді. 5-НT3-рецепторлардың блокаторы – ондансетронды операция алдында немесе одан кейін қолдану операциядан кейінгі ауыру синдромы бар пациенттерде трамадолға қажеттілікті ұлғайтты деген шектеулі деректер бар.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде 25С-ден аспайтын температурада сақтау керек. Балалардың қолы жетпейтін жерде сақтау керек!