Трамин капсулы 500 мг

Бір капсуланың құрамында белсенді зат – транексам қышқылы 500 мг қосымша заттар: жүгері крахмалы, магний стеараты Капсуланың құрамы "0" желатинді капсула: желатин, тазартылған су, титанның қостотығы Е171, натрий лаурилсульфаты, глицерин, метилпарагидроксибензоат, пропилпарагидроксибензоат, бриллиантты көк Е133, хинолинді сары Е104, азорубин Е122 Сыртқы түрінің, иісінің, дәмінің сипаттамасы Ақ түсті корпусы және күңгірт-қызыл қақпақшасы бар, қақпақшасында «TMN 500» және капсуланың корпусында «HPL» таңбаланған қатты желатинді капсулалар. Капсулалардың ішіндегісі - ақ кристалды ұнтақ.

Фибринолиз немесе фибриногенолиздің жоғарылауы кезінде қан кету немесе қан кету қаупі үшін қысқа мерзімді қолдану. Келесі жағдайларда кездесетін жергілікті фибринолиз: - простатэктомия және қуыққа операциялар жасалғанда - меноррагия - мұрыннан қан кету - жатыр мойнының конизациясы - жарақаттық гифема (көздің алдыңғы камерасына қан кету) - тұқым қуалайтын ангионевроздық ісіну - гемофилиямен ауыратын науқастарда тіс экстракциясын сүйемелдеу.

Транексам қышқылы плазминнің фибринолиздік қасиеттерін тежеу арқылы антигеморрагиялық белсенділікті көрсетеді. Транексам қышқылы мен плазминогенді қамтитын кешен түзіледі; транексам қышқылы плазминге айналған кезде плазминогенмен байланысады. Транексам қышқылы-плазмин кешенінің фибрин белсенділігіне қатысты белсенділігі бір бос плазминнің белсенділігіне қарағанда төмен. In vitro зерттеулер транексам қышқылының жоғары дозалары комплемент белсенділігін төмендететінін көрсетті. Фибринолиздің жоғарылауымен (тромбоциттер патологиясы, меноррагия) байланысты қан кетулер кезінде жергілікті және жүйелі гемостатикалық әсер етеді. Сондай-ақ, аллергиялық және қабыну реакцияларына қатысатын кининдер мен басқа да белсенді пептидтердің түзілуін тежеу арқылы транексам қышқылы қабынуға қарсы, аллергияға қарсы, инфекцияға қарсы және ісікке қарсы әсер етеді. Транексам қышқылының өзіндік анальгетикалық белсенділігі, сондай-ақ апиынның ауырсынуды басатын әсерін күшейту мүмкіндігі эксперименталды түрде расталды. Балалар (бір жастан асқан) Әдебиеттерге шолу балалар кардиохирургиясындағы тиімділік туралы 12 зерттеуді анықталды, оған 1073 бала қатысты, олардың 631-і транексам қышқылын алды. Олардың көпшілігі плацебомен салыстырғанда бақылануда болды. Зерттелетін популяция жасына, операция түрлеріне, дозалау режимдеріне сәйкес гетерогенді болды. Транексам қышқылын зерттеу нәтижелері жүрек-өкпе айналымы жағдайында педиатриялық кардиохирургиялық араласуларда қан жоғалтудың төмендеуін және қан өнімдеріне қажеттіліктің төмендеуін көрсетеді (ЖӨАЖ - жүрек-өкпе айналма жолы), мұнда қан кету қаупі жоғары, әсіресе цианозбен пациенттерде немесе қайта операция жасалған пациенттерде. Дозалаудың ең бейімделген кестесі: - анестезия индукциясынан кейін және теріні кесу алдында 10 мг/кг бірінші болюс, - 10 мг/кг/сағ үздіксіз инфузия немесе ЖӨАЖ процедурасына бейімделген дозада ЖӨАЖ сорғысына құю инъекциясы, немесе пациенттің салмағына байланысты 10 мг/кг дозада немесе ЖӨАЖ сорғыға құю көлеміне сәйкес соңғы инъекция 10 мг/кг ЖӨАЖ соңында. Зерттеулер пациенттердің аз санында жүргізілгеніне қарамастан, шектеулі дәлелдер үздіксіз инфузияға артықшылық береді, өйткені ол бүкіл хирургиялық араласу кезінде плазмадағы емдік концентрацияны сақтап тұрады. Балаларда доза-әсердің спецификалық зерттеулері немесе фармакокинетикалық зерттеулер жүргізілмеген.

Дозалау режимі Жергілікті фибринолиз Ұсынылатын стандартты доза дене салмағына 15-25 мг/кг (2-3 капсула) күніне 2-3 рет. Төменде көрсетілген көрсетілімдер үшін келесі дозаларды қолдануға болады: Простатэктомия Операцияға дейін және одан кейін жоғары қауіптегі пациенттерде қан кетудің алдын алу және емдеуді инъекцияға арналған ерітіндіден бастау керек, содан кейін макроскопиялық гематурия тоқтағанша күніне 3-4 рет 2 капсуладан. Меноррагия Ұсынылатын доза күніне 3 рет 2 капсуланы құрайды. Емдеу ұзақтығы әр адамға жеке белгіленеді, бірақ 4 күннен аспауы керек. Өте көп етеккір қан кетуі кезінде дозаны арттыруға болады. Жалпы тәуліктік доза күніне 4 г аспауы керек. Етеккір қан кетуі басталғанға дейін Траминмен емдеуді бастауға болмайды. Мұрыннан қан кетулер Қайталанатын мұрыннан қан кету кезінде препарат 7 күн ішінде күніне 3 рет 2 капсуладан тағайындалады. Жатыр мойын конизациясы Күніне 3 рет 3 капсуладан. Жарақаттық гифема (көздің алдыңғы камерасына қан кету) Күніне 3 рет 2-3 капсуладан. Дозасы 25 мг/кг есебінен күніне 3 ретке негізделген. Тұқым қуалайтын ангионевроздық ісіну Кейбір пациенттер аурудың өршуі туралы біледі. Мұндай пациенттер үшін ұсынылатын емдеу бірнеше күн бойы күніне 2-3 рет 2-3 капсуладан мезгіл-мезгіл қабылдау. Қалған пациенттер емдеуді осы дозада үнемі қабылдайды. Гемофилия Гемофилиямен ауыратын пациенттерде тіс экстракциясын сүйемелдеу: әр сегіз сағат сайын 2-3 капсула (25 мг/кг). Пациенттердің ерекше топтары Бүйрек жеткіліксіздігі бар пациенттер Венаішілік дәрілік түрге жататын клиренс бойынша деректерін экстраполяциялау арқылы бүйрек жеткіліксіздігінің жеңіл және орташа дәрежесі бар пациенттерге пероральді дозаны кейіннен азайту ұсынылады. Сарысу креатинині (мкмоль/л) — Транексам қышқылының дозасы 120-249 — 15 мг/кг дене салмағына күніне 2 рет 250-500 — Күніне 15 мг/кг дене салмағына Балалар Осы көрсетілімдер бойынша балаларда препаратты қолданудың тиімділігі, дозалау режимі және қауіпсіздігі туралы деректер шектеулі. Егде жастағы пациенттер Бүйрек функциясы сақталғанда дозаны түзету талап етілмейді. Енгізу әдісі мен жолы Ішке, тамақ ішуге қарамастан. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Препаратты қолдану туралы сұрақтар туындаған жағдайда емдеуші дәрігерге қаралыңыз.

- әсер етуші затқа немесе қосымша заттардың кез келгеніне аса жоғары сезімталдық - жинақталу қаупіне байланысты бүйректің ауыр жеткіліксіздігі - тромбоэмболиялық аурулардың белсенді түрі - анамнездегі веналар мен артериялар тромбозы - тұтыну коагулопатиясымен байланысты фибринолиздік жағдайлар - анамнездегі құрысулар

Жиі - диарея - құсу - жүрек айнуы Жиі емес - аллергиялық дерматит Белгісіз - анафилаксияны қоса, аса жоғары сезімталдық реакциялары - құрысулар, әсіресе дұрыс пайдаланбаған кезде - көру қабілетінің бұзылуы, оның ішінде түс ажырату қабілетінің бұзылуы - кез келген орындағы артериялық немесе веналық тромбоз Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айнуы, құсу немесе ортостаздық гипотензия. Емі: асқазанды шаю, белсендірілген көмір, көп мөлшерде сұйықтық ішу, симптоматикалық, мүмкін антикоагулянтты емдеу.

Шығу тегі бүйректік гематурия жағдайында (әсіресе гемофилия кезінде) несепағарда тромбтардың пайда болуы нәтижесінде механикалық анурия қаупі бар. Тұқым қуалайтын ангионевроздық ісінуі бар науқастарды ұзақ уақыт емдегенде көру мүшелерін (көру өткірлігі, түсті ажыратып көру, көзішілік қысым, көз түбі және көру өрісі) және бауыр қызметін үнемі тексеру қажет. Етеккірлік қан кетуі тұрақты емес пациенттер бұл қан кетудің себебі анықталғанға дейін Траминді қолданбауы керек. Егер препаратты қолданған кезде етеккірлік қан кету жеткіліксіз азайса, басқа терапия әдістерін қолдану керек. Транексам қышқылы тромбоз қаупінің жоғарылауына байланысты пероральді контрацептивтерді қабылдайтын пациенттерде сақтықпен қолданылуы керек. Анамнезінде тромбоэмболиялық оқиғалары бар пациенттер және отбасылық анамнезі бар тромбоэмболиялық аурулары бар пациенттер (тромбофилиясы бар пациенттер) Траминді қатаң медициналық көрсетілім болған кезде және мұқият медициналық бақылауда ғана қолдануы керек. Бүйрек жеткіліксіздігі бар пациенттерде қандағы транексам қышқылының концентрациясы жоғарылайды, сондықтан препараттың дозасын төмендету ұсынылады. Диссеминацияланған тамырішілік қан ұюы салдарынан фибринолиз жоғарылаған жағдайларда транексам қышқылын пайдалану ұсынылмайды. Көру қабілеті бұзылған пациенттерде препаратты қолдануды тоқтату керек. Меноррагиямен 15 жасқа дейінгі балаларда транексам қышқылын қолданудың клиникалық тәжірибесі жоқ. Транексам қышқылымен емдеуге байланысты құрысулар жағдайлары туралы хабарланды. Кардиохирургияда жағдайлардың көпшілігі транексам қышқылын жоғары дозада вена ішіне (в/і) инъекция жасағаннан кейін тіркелді. Қосымша заттар Құрамында метилпарагидроксибензоат пен парагидроксибензоаттың болуына байланысты баяу типті аллергиялық реакциялар мен бронх түйілуі дамуы мүмкін. Арнайы ескертулер Жүктілік Клиникаға дейінгі зерттеулерде транексам қышқылы тератогендік әсер етпеді. Жүкті әйелдерде транексам қышқылы препараттарын қолданудың тиімділігі мен қауіпсіздігіне талапқа сай және қатаң бақыланатын зерттеулер жүргізілген жоқ. Транексам қышқылы плацента арқылы өтеді және кіндік қанында анасындағыдай ұқсас концентрацияда болуы мүмкін. Жануарлардағы репродуктивті функцияны зерттеу әрқашан адамның реакциясын болжай алмайтындықтан, транексам қышқылын жүктілік кезінде күтілетін пайда ықтимал қауіпті ақтаған жағдайда ғана қолдану керек. Бала емізу Транексам қышқылы емшек сүтіне енеді (препараттың сүттегі концентрациясы ананың қан плазмасындағы концентрациясының шамамен 1% құрайды). Нәрестеде антифибринолиздік әсердің дамуы екіталай. Дегенмен, бала емізетін аналарға транексам қышқылын қолданғанда абай болу керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсері жайында зерттеулер жүргізілген жоқ.

Нұсқаулықта көрсетілмеген.

Препарат урокиназамен, норадреналин битартратымен, дезоксиэпинефрин гидрохлоридімен, метармин битартратымен, диниридамолмен, диазепаммен үйлесімсіз. Пероральді контрацептивтік препараттарды бір мезгілде қолданғанда тромбоздың даму қаупін арттырады. Транексам қышқылы фибринолитикалық препараттардың тромболизистік әсерін әлсіретеді. Гемостаздық препараттармен және гемокоагулазамен бір мезгілде қолданғанда тромб түзілудің белсенділенуі мүмкін. Эстроген қабылдайтын пациенттерде тромб түзілу әлеуетінің артуының теориялық қаупі бар.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 0С-ден аспайтын температурада сақтау керек Балалардың қолы жетпейтін жерде сақтау керек!