Траумель С таблетки

Бір таблетканың құрамында белсенді заттар: Arnica montana D2 — 15.0 мг Calendula officinalis D2 — 15.0 мг Hamamelis virginiana D2 — 15.0 мг Achillea millefolium D3 — 15.0 мг Atropa bella-donna D4 — 75.0 мг Aconitum napellus D3 — 30.0 мг Mercurius solubilis Hahnemanni D8 — 30.0 мг Hepar sulfuris D8 — 30.0 мг Matricaria recutita D3 — 24.0 мг Symphytum officinale D8 — 24.0 мг Bellis perennis D2 — 6.0 мг Echinacea D2 — 6.0 мг Echinacea purpurea D2 — 6.0 мг Hypericum perforatum D2 — 3.0 мг қосымша заттар: лактоза моногидраты, магний стеараты. Сыртқы түрінің, иісінің, дәмінің сипаттамасы Дөңгелек пішінді, иіссіз немесе аздап тәтті иісі, ойығы бар, жалпақ беткейлі, ақтан сарғыш-ақ түске дейінгі таблеткалар. Жекелеген жағдайларда қызғылт сары теңбілденуіне жол беріледі.

Тірек-қимыл аппаратының жеңіл немесе орташа жарақаттарының, сондай-ақ тірек-қимыл аппаратының жеңіл ауыратын және қабыну ауруларының демеуші емінде.

Гомеопатиялық дәрілік препарат. Траумель С кешенді гомеопатиялық препарат болып табылады. Траумель С түрлі ағзалар мен тіндерде қабыну үдерістерін, атап айтқанда, тірек-қимыл аппаратының жарақаттары мен тірек-қимыл аппаратының басқа да жедел және созылмалы/дегенеративті ауруларын қоса, реттейді. Препараттың әсері препарат құрамына кіретін заттардың есебінен организмнің қорғаныс күшін белсендіруге және бұзылған функциясын қалпына келтіруге негізделген.

Дозалау режимі Стандартты доза: Ересектер (және 12 жастан асқан балалар): 1 таблеткадан күніне 3 рет. Педиатрияда: 6-11 жастағы балалар: 1 таблеткадан күніне 2 рет. Бастапқы доза немесе жедел жағдайда: Ересектер (және 12 жастан асқан балалар): Әр ½ -1 сағат сайын 1 таблеткадан – күнделікті 12 таблеткаға дейін, содан соң стандартты дозада жалғастыру керек. Педиатрияда: 6-11 жастағы балалар: әр 1-2 сағат сайын 1 таблетка, күнделікті 8 таблеткаға дейін, содан соң стандартты дозада жалғастыру. Емдеу ұзақтығы Емдеу курсы 2 апта. Бұл препараттың құрамында эхинацея болғандықтан, дәрігердің кеңесінсіз үзіліссіз 8 аптадан артық пайдаланбаңыз. Енгізу әдісі және жолы Ішке. Траумель С таблеткаларын тамақтануға дейін 30 минут бұрын қабылдаған жөн. Таблетканы ауыз қуысында ерітіп, содан кейін жұтқан дұрыс. Балалар үшін таблетканы ұсатып және судың аздаған мөлшеріне себуге болады. Бұл препарат тамақтану арасындағы аралықтарда қабылданады. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Егер сізде осы препаратты қолдану туралы сұрақтарыңыз болса, дәрігеріңізден немесе медициналық қызметкерден сұраңыз.

- белсенді заттарға немесе қосымша заттарының кез-келгеніне аса жоғары сезімталдық

Терінің аллергиялық реакциялары (аса жоғары сезімталдық) өте сирек жағдайларда пайда болуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Бір де бір артық дозалану жағдайы тіркелмеген және гомеопатиялық сұйылтуға байланысты күтілмейді.

Егер симптомдары сақталса немесе нашарласа, сіз дәрігерден немесе кәсіби медицина қызметкерінен кеңес алуыңыз керек. Бұл өнім құрамында лактоза бар. Бұл препаратты галактозаның тұқым қуалайтын көтере алмаушылығы, Lapp (ЛАПП)-лактаза ферменті тапшылығы немесе глюкоза-галактоза мальабсорбциясы бар пациенттерге қолдануға болмайды. Бұл препарат құрамында эхинацея болғандықтан, келесі аурулардың қайсы-бірі болған жағдайда дәрігермен кеңесіңіз: үдемелі жүйелік бұзылыстар, аутоиммунды аурулар, иммунитет тапшылығы, иммуносупрессия және лейкоциттер жүйесі аурулары. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Көлік құралын немесе қауіптілігі зор механизмдерді басқару қабілетіне әсер етпейді.

Препарат құрамына кіретін гомеопатиялық сұйылтылған заттардың жүктілік және бала емізу кезіндегі уыттылығы белгісіз. Басқа дәрілердегі сияқты жүктілік және бала емізу кезінде қолданар алдында дәрігерден кеңес алу қажет.

Басқа дәрілік препараттармен өзара әрекеттесудің бір де бір жағдайы тіркелмеген және гомеопатиялық сұйылтуға байланысты күтілмейді.

Сақтау мерзімі 5 жыл Контейнерді алғаш ашқаннан кейін 12 ай. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 30 °C-ден аспайтын температурада сақтау керек. Балалардың қолы жетпейтін жерде сақтау керек! Дәріханадан босатылу шарттары Рецептісіз