ТРАФИЛ таблетки 20 мг

Бір таблетканың құрамында: белсенді зат – тиісінше, 10 мг немесе 20 мг тадалафил қосымша заттар: лактоза моногидраты, коповидон, коллоидты кремнийдің қостотығы, полиоксил 40 гидрогенделген, майсана майы, микрокристалды целлюлоза, натрий кроскармеллозасы, коллоидты кремнийдің қостотығы, магний стеараты. қабық құрамы: 10 мг және 20 мг үшін Опадрай ІІ ақ - гипромеллоза (Е464) (40%), лактоза моногидраты (28%), титанның қостотығы (Е171), триацетин (8%), тальк (Е553b) (5%) Сыртқы түрінің, иісінің, дәмінің сипаттамасы 10 мг: Капсула пішінді, екі беті дөңес, бір жағында «Т16» және екінші жағында «Н» бедері бар ақ түсті үлбірлі қабықпен қапталған таблеткалар. 20 мг: Капсула пішінді, екі беті дөңес, бір жағында «Т15» және екінші жағында «Н» бедері бар ақ түсті үлбірлі қабықпен қапталған таблеткалар.

Ересек ерлерде эректильді дисфункцияны емдеу. Эректильді дисфункцияны емдеуде тадалафил әсерінің көрініс беруі үшін сексуалдық стимуляция қажет. ТРАФИЛ препараты әйел жынысты тұлғаларға қолдануға арналмаған.

AТХ коды G04BE08 Әсер ету механизмі Тадалафил 5 типті спецификалық фосфодиэстераза (ФДЭ-5) - циклдық гуанозин монофосфатының (цГМФ) қайтымды селективті тежегіші болып табылады. Сексуалдық қозу азот тотығының жергілікті босап шығуын тудырған уақытта тадалафилмен ФДЭ-5 тежелуі жыныс мүшесінің кавернозды денесіндегі цГМФ деңгейлерінің жоғарылауына әкеледі. Соның салдарынан артериялардың тегіс бұлшықеттерінің босаңсуы және жыныс мүшесінің тіндеріне қанның ағып келуі болады, бұл эрекцияны туындатады. Тадалафил сексуалдық көтермелену болмаса, әсер етпейді. Фармакодинамикалық әсерлері Тадалафил ФДЭ-5 селективті тежегіші болып табылады. ФДЭ5 – бұл кавернозды дененің тегіс бұлшықеттерінен, ішкі ағзалар тамырларының тегіс бұлшықеттерінен, қаңқа бұлшықеттерінен, тромбоциттерден, бүйректен, өкпеден және мишықтан табылатын фермент. Тадалафилдің ФДЭ-5 тарапына әсері басқа фосфодиэстеразалардан күштірек болады. Тадалафилдің ФДЭ-5 қатысты әсері жүректе, мида, қан тамырларында, бауырда және басқа ағзаларда шоғырланатын ФДЭ-1, ФДЭ-2 және ФДЭ-4 қатысты әсеріне қарағанда, 10 000 еседен артық басымдылық иеленеді. Тадалафил, жүректен және қан тамырларынан табылатын ФДЭ-3 ферментіне қарағанда, ФДЭ-5-ті 10 000 есе белсендірек бөгейді. ФДЭ-5 қатысты бұл селективтілік, ФДЭ-3-пен салыстырғанда, зор маңызды, өйткені ФДЭ-3 – жүрек бұлшықетінің жиырылуына қатысатын фермент. Бұдан бөлек, тадалафил ФДЭ-6-ға қарағанда, ФДЭ-5-ке шамамен 700 есе белсендірек әсер етеді, ол көз торқабығында болады және фотоберіліске жауап береді. Тадалафил ФДЭ-5 тарапына, оның ФДЭ-10 арқылы ФДЭ-7-ге ықпалымен салыстырғанда, 10 000 еседен күштірек әсер етеді. Клиникалық тиімділігі және қауіпсіздігі Препаратты үй жағдайларында қабылдауға жауап реакциясын анықтау үшін 1054 пациенттің қатысуымен 3 клиникалық зерттеу жүргізілді. Тадалафил, плацебомен салыстырғанда, эректильді функцияның статистикалық мәнді жақсаруын және препаратты қабылдаудан кейін 36 сағат ішінде сәтті жыныстық қатынасқа қабілетін, сондай-ақ пациенттердің препаратты қабылдаудан кейін 16 минуттан соң-ақ сәтті жыныстық қатынас үшін эрекцияға қол жеткізуге және сақтап тұруға қабілеттілігін көріністеді. Дені сау субъектіге енгізілген тадалафил шалқасынан жатқан қалыпта (тиісінше, 1.6/0.8 мм сын.бағ. орташа ең жоғары төмендеуі) систолалық және диастолалық артериялық қысымда елеулі айырмашылықтар тудырмады, ал плацебомен салыстырғанда жүректің жиырылу жиілігі өзгермеді. Фарнсворт-Манселл 100 реңді түс ажырату тестісінің көмегімен тадалафилдің көру қабілетіне әсері бағаланатын зерттеуінде түстерді ажыратудың (көк/жасыл) нашарлауы байқалмады. Осы қорытынды, ФДЭ-5-пен салыстырғанда, тадалафилдің ФДЭ-6-мен төмен тектестігімен байланысты. Сирек жағдайларда ғана түс тану қабілетінің өзгерістері туралы хабарланды (< 0,1%). Тадалафилмен емдеу кезінде сперматозоидтар саны және олардың концентрациясы азаюы мүмкін, олардың клиникалық мәнді болу ықтималдығы аз. Бұл әсерлер басқа параметрлер (қозғалғыштық, морфология және ФСГ) өзгерісімен өзара байланысты болмады. Тадалафил 2-ден 100 мг дейін ауырлығы (жеңіл, орташа, ауыр), этиологиясы, жасы (диапазон 21-86 жастан бастап) және этностық тегі әртүрлі дәрежедегі эректильді дисфункциясы бар субъектілерді қоса, 3250 пациенттің қатысуымен 16 клиникалық зерттеуде бағаланды. Хабарламалардың көпшілігі кемінде 1 жылға созылған эректильді дисфункция жөнінде келіп түсті. Жалпы қауымдағы тиімділігінің бастапқы зерттеулерінде пациенттердің 81%-ы, плацебо тобындағы 35%-бен салыстырғанда, тадалафил қабылдау нәтижесінде эрекция жақсаруын хабарлады. Бұдан бөлек, барлық ауырлық санаттарында эректильді дисфункциясы бар пациенттер тадалафил қабылдау кезінде эрекция жақсарғанын хабарлады (жеңіл, орташа және ауыр дәрежедегі 86%, 83% және 72%-бен салыстырғанда, плацебо қабылдау кезіндегі 45%, 42% және 19%-бен салыстырғанда). Тиімділігінің бастапқы зерттеулерінде жыныстық қатынас әрекеттерінің 75%-ы тадалафил қабылдаған пациенттерде, плацебо алған пациенттердің 32%-мен салыстырғанда, сәтті болды. Жұлын-ми зақымдануы салдарынан болған эректильді дисфункциясы бар 186 пациенттегі 12-апталық зерттеуде (142 тадалафил, 44 плацебо) тадалафил эректильді функцияны едәуір жақсартты, бұл 10 немесе 20 мг (икемді доза, сұрау бойынша) дозада тадалафил қабылдаған пациенттерде, плацебо қабылдау кезіндегі 17%-бен салыстырғанда, сәтті әрекеттердің 48%-ға тең орташа мәніне алып келді. Балалар Бұлшықеттік Дюшен дистрофиясы (БДД) бар балалардың қатысуымен тиімділігінің дәлелдері анықталмаған зерттеу жүргізілді. Үш топта да тадалафилдің рандомизацияланған салыстырмалы жасырын плацебо-бақыланатын қатарлас зерттеуі кортикостероидтармен қатарлас ем қабылдаған БДД бар 7-14 жастағы ер жынысты 331 субъект қатысуымен жүргізілді. Зерттеу пациенттер күнделікті 0,3 мг/кг тадалафил, 0,6 мг/кг тадалафил немесе плацебо қабылдау үшін рандомизацияланған 48-апталық салыстырмалы жасырын кезеңді қамтыды. Тадалафил қозғалу қабілетінің төмендеуін баяулататын әсерін көрсетті, ол бастапқы 6-минуттық жүрістің (6MWD) соңғы нүктесі бойынша өлшенді: 6MWD ең аз шаршылар әдісі бойынша өзгеріс (LS) 48 аптадан соң 0,3 мг/кг тадалафил тобындағы -64,7 (р = 0,307) және 0,6 мг/кг тадалафил тобындағы -59,1 мәндерімен (р = 0,538) салыстырғанда, плацебо тобында -51,0 м (м) құрады. Бұдан бөлек, осы зерттеуде орындалған екіншілік талдаулардың бір де бірінде тиімділігінің дәлелдері байқалмады. Осы зерттеудің ортақ қауіпсіздік нәтижелері, жалпы алғанда, тадалафилдің белгілі қауіпсіздік бейініне және кортикостероидтар қабылдап жүрген БДД бар балалар қауымында күтілетін жағымсыз құбылыстармен (ЖҚ) сәйкес болды. Еуропалық дәрілік заттар жөніндегі агенттік эректильді дисфункцияны емдеуге қатысты балалар қауымының барлық қосалқы топтарында жүргізілген зерттеулер нәтижелерін ұсыну міндеттемесінен бас тартты. Педиатрияда пайдаланылуы жөнінде ақпарат алу үшін 4.2 бөлімін қараңыз.

Дозалау режимі Дозалау Ересек ерлердегі эректильді дисфункция (ЭД) Әдетте ұсынылған доза ас ішуге байланыссыз болжанатын сексуалдық белсенділік алдында 10 мг құрайды. 10 мг қабылдаудың әсері болмаса, дозаны 20 мг дейін арттыруға болады. Препаратты болжанатын сексуалдық белсенділіктен, кем дегенде, 30 минут бұрын қабылдау керек. Препаратты ұсынылған дозада ең жоғары қабылдау жиілігі - тәулігіне бір рет. Тадалафил 10 және 20 мг болжанатын сексуалдық белсенділік алдында пайдалануға арналған және күнделікті қолдануға ұсынылмайды. ТРАФИЛ препаратын жиі (яғни, аптасына екі реттен сирек емес) қабылдау көзделген пациенттер үшін пациент таңдауына және емдеуші дәрігер пікіріне сәйкес ең аз дозада тәулігіне бір рет жиілікте қабылдаудың қолайлы сызбасын құрастыруға болады. Осындай пациенттерге тәулігіне бір рет шамамен белгілі бір уақытта 5 мг доза ұсынылады. Жеке жақпаушылығына қарай, дозаны тәулігіне 1 рет 2,5 мг дейін азайтуға болады. Препаратты ұзақ уақыт күнделікті қабылдаудың мақсатқа сай болуын жүйелі бағалау қажет. Пациенттердің ерекше топтары Егде жастағы пациенттер Егде жастағы пациенттерге дозаны түзету қажет емес. Бүйрек жеткіліксіздігі бар ерлер Бүйрек жеткіліксіздігі жеңіл және орташа пациенттерге дозаны түзету қажет емес. Бүйрек жеткіліксіздігі ауыр пациенттерге ұсынылған ең жоғары доза 10 мг препаратты құрайды. Бүйрек жеткіліксіздігі ауыр пациенттерге күнделікті негізде тадалафил қабылдау ұсынылмайды. Бауыр жеткіліксіздігі бар ерлер Эректильді дисфункцияны емдеуге ұсынылған ТРАФИЛ препаратының дозасы, қажеттілігіне қарай, ас ішуге байланыссыз болжанатын сексуалдық белсенділік алдында 10 мг құрайды. Бауыр функциясының күрделі бұзылулары (Чайлд-Пью шкаласы бойынша С класы) бар пациенттерге тадалафилді қолдану қауіпсіздігі жөнінде шектеулі клиникалық деректер бар. Аталған препарат тағайындалған жағдайда, емдеуші дәрігер пайда және қауіп арақатынасының әркімдегі жеке мұқият бағалауына сүйенуі тиіс. Бауыр жеткіліксіздігі бар науқастарда тадалафилді 10 мг мөлшерінен артық дозаларда қабылдау деректері жоқ. Бауыр жеткіліксіздігі бар пациенттерде эректильді дисфункцияны немесе қуық асты безінің қатерсіз гиперплазиясын емдеу үшін ТРАФИЛ препаратын тәулігіне бір рет қабылдау режимі зерттелмеген, сондықтан осы препарат тағайындалған жағдайда емдеуші дәрігер пайда және қауіп арақатынасының әркімдегі жеке мұқият бағалауына сүйенуі тиіс. Қант диабеті бар ерлер Қант диабеті бар пациенттерге дозаны түзету қажет емес. Балалар ТРАФИЛ препараты балаларда қолданылмайды. Енгізу әдісі және жолы Пероральді. ТРАФИЛ препараты пероральді қолдануға арналған 5, 10 және 20 мг үлбірлі қабықпен қапталған таблеткалар түрінде шығарылады.

- әсер етуші затқа немесе «Құрамы» бөлімінде тізбеленген қосымша заттардың кез келгеніне аса жоғары сезімталдығы бар пациенттерге - тадалафил нитраттардың гипотензиялық әсерін күшейтуі мүмкін. Бұл нитраттар мен тадалафилдің азот тотығына бірігіп әсер ету нәтижесі болып табылады. Осылайша, органикалық нитраттардың қандай да бір нысанын қабылдап жүрген пациенттерге тадалафил тағайындау қарсы көрсетілімді. - тадалафилді сексуалдық белсенділікке кеңес берілмеген жүрек-қантамыр аурулары бар ерлерге қолдануға болмайды. Дәрігерлер жүрек-қантамыр ауруы бұрыннан бар пациенттерде сексуалдық белсенділіктен жүрекке зор қауіп төнетінін ескеруі тиіс: • соңғы 90 күн ішінде миокард инфарктісін алған пациенттерге • тұрақсыз стенокардия немесе жыныстық қатынас кезінде туындайтын стенокардия бар пациенттерге • соңғы 6 ай ішінде Нью-Йорк Heart Association жіктеуі бойынша 2 немесе одан жоғары класты жүрек жеткіліксіздігі бар пациенттерге • бақыланбайтын аритмия, гипотония (< 90/50 мм сын. бағ.) немесе бақыланбайтын гипертензия бар пациенттерге • соңғы 6 ай ішінде инсульт алған пациенттерге. Тадалафил, бұл осының алдындағы ФДЭ-5 тежегішінің әсерімен байланысты ма, жоқ па - оған қарамастан, артериитпен байланыссыз алдыңғы ишемиялық оптикалық нейропатия (AИОН) салдарынан бір көзі көрмей қалған пациенттерге қарсы көрсетілімді. Тадалафилді қоса, ФДЭ-5 тежегіштерін риоцигуат сияқты гуанилатциклаза стимуляторларымен бірге қабылдау қарсы көрсетілімді, өйткені бұл симптоматикалық гипотензияның ықтималды дамуына әкелуі мүмкін.

Жиі - бас ауыру - тамырлар гиперемиясы - мұрын бітелуі - диспепсия - арқаның ауыруы, миалгия, аяқ-қол ауыруы Жиі емес - аса жоғары сезімталдық - бас айналу - көрудің бұлыңғырлануы, көздің ауыруы сияқты сипатталатын түйсіктер - құлақтағы шыңыл - тахикардия, жүректің жиі соғуы - гипотензия3, гипертензия - ентігу, мұрыннан қан кету - іштің ауыруы, құсу, жүрек айну, гастроэзофагеальді рефлюкс - бөртпе - гематурия - ұзаққа созылатын эрекция - кеуденің ауыруы1, шеткері ісінулер, қажу Сирек - ангионевроздық ісіну2 - инсульт1 (геморрагиялық оқиғаларды қоса), естен тану, транзиторлы ишемиялық шабуылдар1, бас сақинасы2, құрысулар2, транзиторлы амнезия - көру өрісінің ақауы, қабақ ісінуі, конъюнктива гиперемиясы, артериялық емес алдыңғы ишемиялық оптикалық нейропатия (ААИОН) 2, торқабық тамырларының окклюзиясы2 - кенеттен естімей қалу - миокард инфарктісі, тұрақсыз стенокардия2, қарыншалық аритмия2 - есекжем, Стивенс-Джонсон синдромы, эксфолиативті дерматит2, гипергидроз (тершеңдік) - приапизм, жыныс мүшесінің қанталап кетуі, гематоспермия - бет ісінуі2, жүректен болатын кенет өлім 1, 2 • Пациенттердің көпшілігінде бұрыннан келе жатқан жүрек-қантамырлық қауіп факторлары болды • Тіркеуден кейінгі қадағалау барысында плацебо-бақыланатын клиникалық сынақтарда байқалмаған жағымсыз реакциялар мәлімделді. • Тадалафил гипертензияға қарсы дәрілік заттар қабылдап жүрген пациенттерге тағайындалған уақытта хабарламалар бәрінен жиірек келіп түсті. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дені сау еріктілер 500 мг бір реттік доза қабылдады, ал пациенттер 100 мг дейін көп реттік тәуліктік дозаларын қабылдады. Жағымсыз әсерлері төменірек дозаларын қабылдау кезінде байқалғандарына ұқсас болды. Артық дозалану жағдайында, қажет болса, стандартты демеуші іс-шаралар қабылдау керек. Гемодиализ тадалафилдің шығарылуына мардымсыз әсер етеді.

ТРАФИЛ препаратымен емді бастар алдында Дәрілік препараттар көмегімен емдеу шешімін қабылдауға дейін эректильді дисфункцияны немесе қуық асты безінің қатерсіз гиперплазиясын диагностикалау және болжанатын негізгі себептерді анықтау үшін пациенттің ауру тарихын зерттеу және оны физикалық тексеруден өткізу қажет. Эректильді дисфункцияны кез келген емдеуді бастар алдында пациенттің жүрек-қантамыр жүйесінің жағдайын бағалау қажет, өйткені сексуалдық белсенділікпен байланысты жүрек-қантамыр жүйесі тарапынан асқынулар пайда болатын белгілі бір қауіп бар. Тадалафилдің тамыр кеңейтетін қасиеттері бар, соның нәтижесінде артериялық қысымның жеңіл және өтпелі төмендеуін туындатады, осылайша нитраттардың гипотензиялық әсерін күшейтеді (4.3 бөлімін қараңыз). Тадалафилмен ем алдында қуық асты безінің қатерсіз гиперплазиясы бар пациенттерді қуық асты безінің карциномасын жоққа шығару және жүрек-қантамыр жүйесінің жағдайын мұқият бағалау мақсатында тексеруден өткізу керек. Эректильді дисфункцияны бағалау тиісті медициналық тексеруден кейін ықтималды себептерін және сәйкес емдеу әдістерін анықтауды қамтуы тиіс. Тадалафил тиімділігі жамбас мүшелеріне операция немесе жүйкені сақтайтын түбегейлі простатэктомия жасалған пациенттерде зерттелмеген. Жүрек-қантамыр аурулары Тіркеуден кейінгі қадағалау шеңберінде және/немесе клиникалық сынақтар барысында миокард инфарктісін, жүректің кенеттен қайтымсыз тоқтап қалуын, тұрақсыз стенокардия, қарыншалық аритмия, инсульт, ми қан айналымының өткінші бұзылуларын, кеуденің ауыруын, жүрек қағуын және тахикардияны қоса, күрделі жүрек-қантамырлық асқынулар тіркелді. Осы асқынулар тіркелген пациенттердің көпшілігі жүрек-қантамыр аурулары дамитын қауіп тобына жатады. Дегенмен де, осы оқиғалардың қауіптермен, қатарлас жүрек-қантамыр ауруларымен, тадалафил қабылдаумен, сексуалдық белсенділікпен әлде тізбеленген немесе басқа факторлар біріктірілімімен тікелей байланысты болды ма, жоқ па – жоғары дәрежедегі сенімділікпен анықтау мүмкін емес. Гипотензиялық дәрілік заттарды бір мезгілде қабылдап жүрген пациенттерде тадалафил артериялық қысымның төмендеуін туындатуы мүмкін. Тадалафилмен күнделікті негіздегі ем басталған жағдайда гипотензиялық ем барысында қабылданатын дозаны түзетудің клиникалық мақсатқа сай болуын қарастыру керек. ТРАФИЛ препаратын қабылдау α1-блокаторлар қабылдау аясында кейбір пациенттерде симптоматикалық гипотензияға әкелуі мүмкін (4.5 бөлімін қараңыз). Тадалафил мен доксазозинді біріктіру ұсынылмайды. Көру Тадалафил мен басқа ФДЭ-5 тежегіштерін қабылдауға байланысты көру бұзылулары және артериитпен байланыссыз алдыңғы ишемиялық оптикалық нейропатия жағдайлары тіркелді. Пациент кенеттен көру бұзылулары болған жағдайда өзінің ТРАФИЛ препаратын қабылдауды тоқтатуы және дереу дәрігерге қаралуы тиіс екенінен хабардар болуы тиіс (4.3 бөлімін қараңыз). Естудің төмендеуі немесе кенеттен естімей қалу Тадалафил қолданудан кейін кенеттен естімей қалу жағдайлары тіркелді. Басқа да қауіп факторлары (мысалы, жас шамасы, қант диабеті, гипертония және анамнезде осының алдында болған естімей қалу жағдайлары) кейбір жағдайларда болса да, пациенттер ТРАФИЛ препаратын қабылдауды тоқтату және кенеттен есту төмендеген немесе естімей қалған жағдайда дәрігерге қаралу керек. Бүйрек және бауыр жеткіліксіздігі Бүйрек жеткіліксіздігі ауыр пациенттерге тадалафилдің жоғары әсері (AUC немесе ҚАА – қисық астындағы ауданы), шектеулі клиникалық тәжірибесі және диализ арқылы клиренске әсер ету мүмкін еместігі салдарынан күніне бір рет қабылдаумен ТРАФИЛ препаратын дозалау ұсынылмайды. Бауыр жеткіліксіздігі ауыр (Чайлд-Пью шкаласы бойынша С класы) пациенттерде тадалафилді бір рет қабылдау қауіпсіздігі жөнінде шектеулі клиникалық деректер бар. Бауыр жеткіліксіздігі бар пациенттерде эректильді дисфункцияны немесе қуық асты безінің қатерсіз гиперплазиясын емдеу үшін препаратты күніне бір рет қабылдауды бағалау жүргізілмеді. ТРАФИЛ препараты тағайындалған жағдайда емдеуші дәрігер пайда және қауіп арақатынасының әркімдегі жеке мұқият бағалауына сүйенуі тиіс. Приапизм және жыныс мүшесінің анатомиялық деформациялары Пациенттер 4 сағат және одан да ұзақ жалғасатын эрекция туындаған жағдайда дереу медициналық жәрдемге жүгіну қажеттілігінен хабардар болуы тиіс. Приапизмді дер мезгілінде емдемеу жыныс мүшесі тінінің зақымдануына және потенцияны мүлде жоғалтуға әкелуі мүмкін. ТРАФИЛ препаратын жыныс мүшесінің анатомиялық деформациясы (мысалы, бұрыштық қисаю, кавернозды фиброз немесе Пейрони ауруы) бар пациенттерде немесе приапизмге бейімділігі (мысалы, орақ пішіндес- жасушалы анемия, көптеген миелома немесе лейкемия) бар пациенттерде абайлап қолдану керек. СҮР3А4 тежегіштерімен біріктіріп қабылдау ТРАФИЛ препаратын CYP3A4 күшті тежегіштерін (ритонавир, саквинавир, кетоконазол, итраконазол және эритромицин) қабылдап жүрген пациенттерге тағайындағанда, осы дәрілік заттарды бір мезгілде қабылдау кезінде қан плазмасында тадалафилдің жоғары концентрациясы білінетіндіктен, сақ болу керек (4.5 бөлімін қараңыз). Тадалафил мен эректильді дисфункцияны емдеудің басқа әдістерін біріктіру Тадалафилді басқа ФДЭ-5 тежегіштерімен және эректильді дисфункцияны емдеудің басқа әдістерімен біріктіру қауіпсіздігі мен тиімділігі зерттелмеген. Пациенттер осындай біріктірілімдерде ТРАФИЛ препаратын қабылдауға болмайтынынан хабарлануы тиіс. Лактоза Препарат құрамында лактоза (моногидрат) бар. Сирек тұқым қуалайтын фруктоза жақпаушылығы, Lapp (ЛАПП)-лактаза ферментінің тапшылығы немесе глюкоза-галактоза мальабсорбциясы бар пациенттерге препаратты қабылдауға болмайды. Натрий мөлшері Аталған препарат құрамында бір таблеткада 9 мг натрий кроскармеллозасы бар, осы тым аз мөлшеріне сүйеніп, препаратты «натрийден бос» деп санауға болады. Арнайы сақтандырулар ТРАФИЛ препаратымен емді бастар алдында Дәрілік препараттар көмегімен емдеу шешімін қабылдауға дейін эректильді дисфункцияны немесе қуық асты безінің қатерсіз гиперплазиясын диагностикалау және болжанатын негізгі себептерді анықтау үшін пациенттің ауру тарихын зерттеу және оны физикалық тексеруден өткізу қажет. Эректильді дисфункцияны кез келген емдеуді бастар алдында пациенттің жүрек-қантамыр жүйесінің жағдайын бағалау қажет, өйткені сексуалдық белсенділікпен байланысты жүрек-қантамыр жүйесі тарапынан асқынулар пайда болатын белгілі бір қауіп бар. Тадалафилдің тамыр кеңейтетін қасиеттері бар, соның нәтижесінде артериялық қысымның жеңіл және өтпелі төмендеуін туындатады, осылайша нитраттардың гипотензиялық әсерін күшейтеді. Тадалафилмен ем алдында қуық асты безінің қатерсіз гиперплазиясы бар пациенттерді қуық асты безінің карциномасын жоққа шығару және жүрек-қантамыр жүйесінің жағдайын мұқият бағалау мақсатында тексеруден өткізу керек. Эректильді дисфункцияны бағалау тиісті медициналық тексеруден кейін ықтималды себептерін және сәйкес емдеу әдістерін анықтауды қамтуы тиіс. Тадалафил тиімділігі жамбас мүшелеріне операция немесе жүйкені сақтайтын түбегейлі простатэктомия жасалған пациенттерде зерттелмеген. Жүрек-қантамыр аурулары Тіркеуден кейінгі қадағалау шеңберінде және/немесе клиникалық сынақтар барысында миокард инфарктісін, жүректің кенеттен қайтымсыз тоқтап қалуын, тұрақсыз стенокардия, қарыншалық аритмия, инсульт, ми қан айналымының өткінші бұзылуларын, кеуденің ауыруын, жүрек қағуын және тахикардияны қоса, күрделі жүрек-қантамырлық асқынулар тіркелді. Осы асқынулар тіркелген пациенттердің көпшілігі жүрек-қантамыр аурулары дамитын қауіп тобына жатады. Дегенмен де, осы оқиғалардың қауіптермен, қатарлас жүрек-қантамыр ауруларымен, тадалафил қабылдаумен, сексуалдық белсенділікпен әлде тізбеленген немесе басқа факторлар біріктірілімімен тікелей байланысты болды ма, жоқ па – жоғары дәрежедегі сенімділікпен анықтау мүмкін емес. Гипотензиялық дәрілік заттарды бір мезгілде қабылдап жүрген пациенттерде тадалафил артериялық қысымның төмендеуін туындатуы мүмкін. Тадалафилмен күнделікті негіздегі ем басталған жағдайда гипотензиялық ем барысында қабылданатын дозаны түзетудің клиникалық мақсатқа сай болуын қарастыру керек. ТРАФИЛ препаратын қабылдау α1-блокаторлар қабылдау аясында кейбір пациенттерде симптоматикалық гипотензияға әкелуі мүмкін. Тадалафил мен доксазозинді біріктіру ұсынылмайды. Көру Тадалафил мен басқа ФДЭ-5 тежегіштерін қабылдауға байланысты көру бұзылулары және артериитпен байланыссыз алдыңғы ишемиялық оптикалық нейропатия жағдайлары тіркелді. Пациент кенеттен көру бұзылулары болған жағдайда өзінің ТРАФИЛ препаратын қабылдауды тоқтатуы және дереу дәрігерге қаралуы тиіс екенінен хабардар болуы тиіс. Естудің төмендеуі немесе кенеттен естімей қалу Тадалафил қолданудан кейін кенеттен естімей қалу жағдайлары тіркелді. Басқа да қауіп факторлары (мысалы, жас шамасы, қант диабеті, гипертония және анамнезде осының алдында болған естімей қалу жағдайлары) кейбір жағдайларда болса да, пациенттер ТРАФИЛ препаратын қабылдауды тоқтату және кенеттен есту төмендеген немесе естімей қалған жағдайда дәрігерге қаралу керек. Бауыр жеткіліксіздігі Бауыр жеткіліксіздігі ауыр (Чайлд-Пью шкаласы бойынша С класы) пациенттерге ТРАФИЛ препаратын бір рет қабылдау қауіпсіздігі жөнінде шектеулі клиникалық деректер бар. ТРАФИЛ препараты тағайындалған жағдайда емдеуші дәрігер пайда және қауіп арақатынасының жеке мұқият бағалауына сүйенуі тиіс. Приапизм және жыныс мүшесінің анатомиялық деформациялары Пациенттер 4 сағат және одан да ұзақ жалғасатын эрекция туындаған жағдайда дереу медициналық жәрдемге жүгіну қажеттілігінен хабардар болуы тиіс. Приапизмді дер мезгілінде емдемеу жыныс мүшесі тінінің зақымдануына және потенцияны мүлде жоғалтуға әкелуі мүмкін. ТРАФИЛ препаратын жыныс мүшесінің анатомиялық деформациясы (мысалы, бұрыштық қисаю, кавернозды фиброз немесе Пейрони ауруы) бар пациенттерде немесе приапизмге бейімділігі (мысалы, орақ пішіндес- жасушалы анемия, көптеген миелома немесе лейкемия) бар пациенттерде абайлап қолдану керек. СҮР3А4 тежегіштерімен біріктіріп қабылдау ТРАФИЛ препаратын CYP3A4 күшті тежегіштерін (ритонавир, саквинавир, кетоконазол, итраконазол және эритромицин) қабылдап жүрген пациенттерге тағайындағанда, осы дәрілік заттарды бір мезгілде қабылдау кезінде қан плазмасында тадалафилдің жоғары концентрациясы білінетіндіктен, сақ болу керек. Тадалафил мен эректильді дисфункцияны емдеудің басқа әдістерін біріктіру Тадалафилді басқа ФДЭ-5 тежегіштерімен және эректильді дисфункцияны емдеудің басқа әдістерімен біріктіру қауіпсіздігі мен тиімділігі зерттелмеген. Пациенттер осындай біріктірілімдерде ТРАФИЛ препаратын қабылдауға болмайтынынан хабарлануы тиіс. Лактоза Препарат құрамында лактоза (моногидрат) бар. Сирек тұқым қуалайтын фруктоза жақпаушылығы, Lapp (ЛАПП)-лактаза ферментінің тапшылығы немесе глюкоза-галактоза мальабсорбциясы бар пациенттерге препаратты қабылдауға болмайды. Натрий мөлшері Аталған препарат құрамында бір таблеткада 9 мг натрий кроскармеллозасы бар, осы тым аз мөлшеріне сүйеніп, препаратты «натрийден бос» деп санауға болады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Тадалафил автокөлікті басқару немесе механизмдермен жұмыс істеу қабілетіне мардымсыз әсер етеді. Плацебо мен тадалафилді қабылдау кезінде бас айналу туралы хабарламалар жиілігі ұқсас болса да, пациенттер автокөлікті басқару немесе механизмдермен жұмыс істеу басталар алдында олардың тадалафилге реакция беру ерекшеліктері туралы білуі тиіс.

Тадалафилді жүкті әйелдерге қолданудың шектеулі мәліметтері бар. Зерттеулер нәтижелері жүктілікке, эмбрион дамуын, босануға немесе постнатальді дамуға тікелей немесе жанама зиянды әсерін көрсетпейді. Алдын ала сақтану шарасы ретінде ТРАФИЛ препаратын жүктілік кезінде қабылдаудан аулақ болу қажет. Ағымдағы деректерде тадалафилдің ана сүтімен бөлінетіні анықталды. Сәби үшін қаупін жоққа шығаруға болмайды. ТРАФИЛ препаратын бала емізу кезінде қолдануға болмайды.

Өзара әрекеттесу зерттеулері, төменде көрсетілгендей, 10 мг және/немесе 20 мг тадалафилмен жүргізілді. Тек 10 мг тадалафил пайдаланылатын өзара әрекеттесуге қатысты зерттеулерді жоғарырақ дозалар кезіндегі клиникалық мәнді зерттеулерден толық алып тастауға болмайды. Басқа заттардың тадалафилге әсері Р450 цитохромының тежегіштері Тадалафил метаболизмі негізінен CYP3A4 ферментінің әсерімен жүреді. CYP3A4 селективті тежегіші - кетоконазолды (күніне 200 мг дозада) қабылдау, тадалафил монотерапиясы кезіндегі осы көрсеткіштермен салыстырғанда, тадалафил (10 мг) плазмалық концентрациясын (AUC немесе ҚАА – қисық астындағы ауданы)) 2 есе, ал Смакс 15% арттырады. Кетоконазол (күніне 400 мг дозада) қабылдау тадалафил (20 мг) плазмалық концентрациясын 4 есе, ал Смакс 22% арттырады. CYP3A4, CYP2C9, CYP2C19 және CYP2D6 тежегіші болып табылатын протеаза тежегіші - ритонавир (күніне екі рет 200 мг) Смакс өзгеруінсіз тадалафил (20 мг) плазмалық концентрациясын 2 есе арттырады. Спецификалық өзара әрекеттесулері зерттелмесе де, саквинавир сияқты басқа протеаза тежегіштері, сондай-ақ эритромицин, кларитромицин, итраконазол және грейпфрут шырыны сияқты басқа СYР3А4 тежегіштері тадалафилмен бірге сақтықпен қабылдануы тиіс, өйткені тадалафилдің плазмалық концентрацияларының жоғарылауын күтуге болады. Демек, «жағымсыз реакциялар» бөлімінде тізбеленген жағымсыз реакциялар жиілігі артуы мүмкін. Тасымалдағыштар Тадалафил фармакокинетикасындағы тасымалдағыштар рөлі (мысалы, р-гликопротеин) зерттелмеген. Cондықтан тасымалдағыштар тежелісі арқылы дәрілік өзара әрекеттесу ықтималдығы бар. Р450 цитохромының индукторлары CYP3A4 индукторы - рифампицин дербес қабылданған тадалафилдің (10 мг) плазмалық концентрациясымен салыстырғанда, тадалафилдің плазмалық концентрациясын 88% төмендетеді. Плазмалық концентрациясының төмендеуі тадалафил тиімділігінің төмендеуіне әкелуі мүмкін, алайда тиімділігінің осылай төмендеу айқындылығының дәрежесі зерттелмеген. Фенобарбитал, фенитоин және карбамазепин сияқты басқа CYP3A4 индукторлары да тадалафилдің плазмалық концентрацияларын азайтуы мүмкін. Тадалафилдің басқа дәрілік заттарға әсері Нитраттар Тадалафил (5, 10 және 20 мг) нитраттардың гипотензиялық әсерін күшейтеді. Осылайша, ТРАФИЛ препаратын қабылдау органикалық нитраттардың кез келген түрлерін қабылдап жүрген пациенттерге қарсы көрсетілімді. Осылайша, тадалафилді кез келген дозада (2,5 мг - 20 мг) қабылдап жүрген пациентке медициналық тұрғыдан нитраттарды қолдану өмірге қатер төндіретін жағдайда қажет деп танылса, ондай жағдайда нитраттарды қабылдау ТРАФИЛ препаратының соңғы дозасын қабылдаудан кейін, кем дегенде, 48 сағат өткен соң жүзеге асуы тиіс. Ондай жағдайда нитраттар талапқа сай гемодинамикалық мониторингтеумен тек қатаң медициналық бақылаумен қолданылу керек. Гипертензияға қарсы дәрілер (кальций өзекшелерінің блокаторларын қоса) Доксазозин (тәулігіне 4 және 8 мг) мен тадалафилді (жүйелі түрде тәулігіне бір рет 5 мг және бір реттік дозада 20 мг) бірге енгізу осы альфа- блокатордың гипотензиялық әсерін едәуір күшейтеді. Осы әсер кемінде он екі сағатқа созылады және естен тануларды қоса, әртүрлі симптомдармен көрініс беруі мүмкін. Сол себепті, осы препараттарды біріктіруге кеңес берілмейді. Дәрілік заттардың өзара әрекеттесу зерттеуінде жоғарыда сипатталған әсер тадалафилді альфузозинмен немесе тамсулозинмен біріктіргенде білінді. Дегенмен де, кез келген альфа-блокаторларды қабылдап жүрген, әсіресе, егде жастағы пациенттерде тадалафилді пайдалану кезінде сақтық таныту керек. Емдеуді ең төмен дозаларынан бастап, дозаны сатылы түрде қайта қарау керек. Дәрілік заттардың өзара әрекеттесу зерттеулерінде тадалафилдің гипертензияға қарсы дәрілік заттардың гипотензиялық әсерін күшейту қабілеті зерттелген. Кальций өзекшелерінің блокаторларын (амлодипин), ангиотензин өзгертуші фермент тежегіштерін (эналаприл), бета-адренергиялық рецепторлар блокаторларын (метопролол), тиазидті диуретиктер (бендрофлуазид) және ангиотензин II рецепторларының блокаторларын қоса, гипертензияға қарсы дәрілік заттардың негізгі кластары (оқшау немесе тиазидтермен, кальций өзекшелерінің блокаторларымен, бета-блокаторлар және/немесе альфа-блокаторлармен біріктірілімде қабылданатын әртүрлі типтері мен дозалары) зерттелді. Тадалафилдің (20 мг дозасы қолданылған ангиотензин II рецепторларының блокаторларымен және амлодипинмен өзара әрекеттесу зерттеулерін қоспағанда, 10 мг) осы кластардың кез келгенінің дәрілік заттарымен клиникалық мәнді өзара әрекеттесуі болмады. Басқа зерттеуде гипертензияға қарсы препараттардың бірнеше (4 дейін) класымен біріктіріп қабылдаған тадалафилдің (20 мг) өзара әрекеттесуі зерттелді. Бірнеше гипотензиялық дәрі қабылдап жүрген пациенттерде амбулаторлық өлшенген артериялық қысым өзгерістері қысымды реттеу шараларына сай болды. Артериялық қысымы дәрі-дәрмекпен мұқият реттеліп отырған пациенттердегі төмендеуі тіптен аз әрі дені сау еріктілермен ұқсас болды. Осылай төмендеуі қадағалауда болғандардың көпшілігінде гипотензиялық симптоматиканың пайда болуына әкелмесе де, артериялық қысымы реттелмеген пациенттерде төмендеуі көбірек болды. Бірге тағайындалған гипертензияға қарсы дәрілік заттар қабылдап жүрген пациенттерде 20 мг тадалафил (альфа-блокаторларды қоспағанда, жоғарыдан қараңыз), артериялық қысымның төмендеуін туғызуы мүмкін, әдетте, оның түсуі тым аз және сірә, клиникалық мәнді көріністерге әкелмейді. Клиникалық деректер талдауында тадалафилді гипертензияға қарсы дәрілік заттар қабылдаумен қатар немесе дербес қабылдаған пациенттерде жағымсыз әсерлерінің басталу айырмасы анықталмады. Дегенмен де, гипертензияға қарсы дәрілік заттар қабылдап жүрген пациенттерге артериялық қысымның төмендеу мүмкіндігін ескерту қажет. Риоцигуат Зерттеулерде ФДЭ-5 тежегіштері мен риоцигуатты біріктіріп қабылдау кезінде жүйелі артериялық қысымға көрсетілетін қосымша төмендету әсері анықталды. Зерттеулер барысында риоцигуат ФДЭ-5 тежегіштерінің гипотензиялық әсерінің күшеюін көріністеді. Пациенттердің зерттелетін топтарында осындай препараттарды біріктіргенде қолайлы клиникалық әсерінің дәлелдері алынбады. Риоцигуатты, тадалафилді қоса, ФДЭ-5 тежегіштерімен біріктіріп қабылдау қарсы көрсетілімді. 5-альфа-редуктаза тежегіштері Қуық асты безінің аденомасын симптоматикалық емдеу кезінде 5 мг тадалафил мен 5 мг финастеридті плацебомен және 5 мг финастеридпен бір мезгілде қолдану салыстырылған сынақтарда жағымсыз реакциялар анықталмады. Тадалафил мен 5-альфа-редуктаза тежегіштерін бірге қабылдау зардаптарына қатысты дәрілік заттардың өзара әрекеттесу зерттеулері жүргізілмесе де, тадалафил мен 5-АР тежегіштері қатар тағайындалғанда сақтық таныту керек. СҮР1А субстраттары (мысалы, теофиллин) Дәрілік заттардың өзара әрекеттесуін зерттеу барысында 10 мг тадалафилді теофиллинмен (фосфодиэстеразаның селективті емес тежегіші) бір мезгілде қолдану кезінде фармакокинетикалық өзара әрекеттесуі болмады. Бірден-бір фармакодинамикалық әсері жүректің жиырылу жиілігінің аздап артуымен (минутына 3,5 рет соғу) қатар жүрді. Осы әсері мардымсыз болса да және клиникалық мәнді болмаса да, оны аталған дәрілік заттарды бірге енгізгенде ескеру керек. Этинилэстрадиол және тербуталин Тадалафил пероральді қабылдау кезінде этинилэстрадиол биожетімділігінің артуын көріністеді; осылай артуының клиникалық салдары анықталмаса да, тербуталинді пероральді енгізу кезінде осыған ұқсас жоғарылауын жорамалдауға болады. Алкоголь Тадалафилді (10 мг немесе 20 мг) бір мезгілде қабылдау алкоголь концентрациясын жоғарылатпайды (қандағы орташа ең жоғары концентрациясы 0,08%). Бұдан бөлек, алкогольмен бірге қолданудан кейін 3 сағаттан соң тадалафил концентрациясының ешқандай өзгерістері байқалмады. Алкоголь оның сіңу жылдамдығын барынша арттыратындай сипатта енгізілді (түнгі ашығудан кейін және алкоголь тұтынудан соң 2 сағат ішінде аш қарынға). Тадалафил (20 мг) алкоголь тұтынудан болатын қан қысымының орташа төмендеуін көтермейді (0,7 г/кг, бұл салмағы 80 кг ер адамның 180 мл 40% спирт [арақ] ішуімен бірдей), бірақ бірқатар пациенттерде постуральді бас айналу және ортостаздық гипотензия байқалды. Тадалафил төменірек алкоголь дозаларымен (0,6 г/кг) енгізілгенде гипотония байқалмады, ал бас айналу алкогольдің бір өзін қабылдау кезіндегі жиілікте байқалды. Тадалафил (10 мг) қабылдау кезінде когнитивті функцияға алкоголь әсері өзгеріссіз қалды. P450 цитохром-ферменттерімен метаболизденетін препараттар Тадалафил P450 цитохромы изотүрлерімен метаболизденетін дәрілік заттар клиренсінің клиникалық мәнді тежелісін немесе индукциясын тудырмайды. Зерттеулер тадалафилдің CYP3A4, CYP1A2, CYP2D6, CYP2E1, CYP2C9 және CYP2C19 қамтылуымен P450 цитохромының изотүрлерін тежемейтінін және индукцияламайтынын растады. CYP2C9 субстраттары (мысалы, R-варфарин) Тадалафил (10 мг және 20 мг) S-варфарин немесе R-варфарин (CYP2C9 субстраты) экспозициясына (AUC) клиникалық мәнді ықпалын тигізбеді. ал варфарин индукциялаған протромбин уақытының өзгерістеріне әсер етпеді. Аспирин Тадалафил (10 мг және 20 мг) ацетилсалицил қышқылы тудырған қан кету уақытын ұзартпайды. Диабетке қарсы дәрілік заттар Диабетке қарсы дәрілік заттармен өзара әрекеттесуіне зерттеулер жүргізілмеген.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 °C-ге дейінгі температурада сақтау керек. Балалардың қолы жетпейтін жерде сақтау керек!