Тригрим таблетки 2.5 мг

Бір таблетканың құрамында белсенді зат - торасемид 10 мг, қосымша заттар: лактоза моногидраты, жүгері крахмалы, коллоидты кремнийдің қостотығы, магний стеараты. Сыртқы түрінің, иісінің, дәмінің сипаттамасы Ақ түсті, дөңгелек, тегіс, сызығы бар, диаметрі 8,9-9,3 мм таблеткалар.

• іркілген жүрек жеткіліксіздігі кезіндегі ісіну синдромында, шығу тегі бауырлық, өкпелік немесе бүйректік ісінулерде.

Фармакодинамикалық әсерлері Торасемид ілмектік диуретик болып табылады. Алайда, төмен дозада оның диурездік әсерінің күші мен ұзақтығы бойынша фармакодинамикалық бейіні тиазидті диуретиктер класына ұқсас. Жоғарырақ дозаларда торасемид дозаны арттыру кезінде "биік төбе" әсерімен тез дозаға тәуелді диурезді тудырады. Ішке қабылдағаннан кейін торасемидтің ең жоғары диурездік әсері 2-3 сағат ішінде көрінеді. Зерттеуге дені сау қатысушыларда препаратты 5-тен 100 мг-ге дейінгі дозада қолданғаннан кейін диурездік әсердің логарифмдік пропорционалды өсуі байқалды. Торасемид ісінуді біртіндеп азайтуға көмектеседі. Жүрек жеткіліксіздігінде торасемид алдын-ала жүктемені және жүктемеден кейінгі жүктемені азайту арқылы миокардтың жұмысын жақсартады.

Енгізу әдісі мен жолы Ішке қабылдау үшін. Таблеткаларды таңертең тамақтануға қарамастан аз мөлшерде сұйықтықпен қабылдау керек. Әдетте торасемид ұзақ уақыт бойы немесе ісіну жойылғанға дейін қолданылады. Дозалау режимі Ересектер Ұсынылатын доза тәулігіне бір рет 5 мг құрайды. Әдетте бұл доза демеуші болып табылады. Қажет болса, дозаны тәулігіне бір рет біртіндеп 20 мг-ге дейін арттыруға болады. Кейбір жағдайларда тәулігіне 40 мг торасемид тағайындалады. Торасемидтің 10 мг дозадағы емін, егер препаратты тәулігіне 5 мг қалыпты дозада қолданғанда әсер жеткіліксіз болса ғана қолдану көрсетілген. Мұндай жағдайларда тәулігіне 10 мг торасемид тағайындалады; аурудың ауырлығына байланысты дозаны 20 мг торасемидке дейін арттыруға болады. Пациенттердің ерекше топтары Егде жастағы пациенттер Егде жастағы пациенттер үшін дозалау режимі бойынша басқа ұсыныстар жоқ. Алайда, егде жастағы және жас пациенттер арасында тиісті салыстырмалы зерттеулер жүргізілген жоқ. Балалар мен жасөспірімдер Торасемидті 18 жасқа дейінгі балалар мен жасөспірімдерде қолдану тәжірибесі жоқ. Ауыр және (немесе) бүйрек функциясы бұзылған пациенттер Бауыр және бүйрек жеткіліксіздігі бар пациенттерде дозаны түзету туралы шектеулі мәліметтер бар. Бауыр жеткіліксіздігі бар пациеттерде емдеуді сақтықпен жүргізу керек, өйткені препараттың плазмадағы концентрациясының жоғарылауы мүмкін. Дәрілік препараттың бір немесе бірнеше дозасын өткізіп алған кезде қажетті шаралар Препараттың келесі дозасын өткізіп алған кезде оны мүмкіндігінше тезірек қабылдау керек. Егер келесі дозаны қабылдауға аз уақыт қалса, оны жоспарланған уақытта қабылдау керек. Өткізіп алған препараттың орнын толтыру үшін препараттың қос дозасын қабылдауға болмайды. Дәрілік препаратты қолданар алдында дәрігерге немесе фармацевтке кеңес алу үшін жүгініңіз.

• торасемидке, сульфонилмочевинаның басқа туындыларына немесе қосымша заттардың кез келгеніне аса жоғары сезімталдық • ануриямен бүйрек жеткіліксіздігі • бауыр комасы (бұл жағдай жақсарғанға дейін) • артериялық гипотензия • гиповолемия • гипонатриемия • гипокалиемия • несеп шығарудың айқын бұзылулары, мысалы, қуық асты безінің гипертрофиясы нәтижесінде • подагра • жүрек ырғағының бұзылуы (мысалы, синоатриальды блокада, 2 немесе 3 дәрежедегі атриовентрикулярлық блокада) • аминогликозидті антибиотиктерді немесе цефалоспориндерді бір мезгілде қабылдау • нефроуытты заттарды қолданудан туындаған бүйрек жеткіліксіздігі • бала емізу кезеңі.

Жиі • метаболизмдік алкалоздың дамуы; дозалау режиміне және емдеу ұзақтығына байланысты су-электролит теңгерімнің бұзылулары, мысалы, гиповолемия, гипокалиемия және/немесе гипонатриемия; құсу, диарея, іш жүргізетін дәрілерді шамадан тыс қолдану және бауыр функциясының созылмалы бұзылуы бар пациенттерде калийі төмен диетаны ұстанатын пациенттерде гипокалиемия. • бас ауыруы, бас айналуы • тәбеттің болмауы, асқазанның ауыруы, жүрек айнуы, құсу, диарея, іш қату (әсіресе емдеудің басында) • қандағы бауыр ферменттерінің жоғарылауы (соның ішінде гаммаглутамилтранспептидаза) • бұлшықет түйілулері (әсіресе емдеудің басында) • қажу, әлсіздік (әсіресе емдеудің басында) • қандағы несеп қышқылы мен глюкоза концентрациясының жоғарылауы, қан липидтерінің (мысалы, триглицеридтер, холестерин) концентрациясының жоғарылауы. Жиі емес • парестезия • ауыздың құрғауы • қандағы креатинин мен мочевина концентрациясының жоғарылауы. Несеп шығару бұзылыстары бар пациенттерде (мысалы, қуық асты безінің гиперплазиясына байланысты) несеп шығарудың артуы несептің іркілуінің дамуына және қуықтың шамадан тыс созылуына әкелуі мүмкін. Өте сирек • тромбоцитопения, лейкопения, анемия • аллергиялық реакциялар (мысалы, терінің қышынуы, экзантема, фотосезімталдық), терінің ауыр реакциялары (мысалы, Стивенс-Джонсон синдромы, уытты эпидермалық некролиз) • көру қабілетінің бұзылуы • құлақтағы шуыл, есту қабілетінің төмендеуі • гипотония және гемоконцентрацияға байланысты орталық қан айналымы мен жүрек айналымының бұзылуы (жүрек ишемиясын қоса). Бұл, мысалы, аритмияға, стенокардияға, жедел миокард инфарктісіне немесе естен тануға әкелуі мүмкін. • гемоконцентрацияға байланысты тромбоэмболиялық асқынулар • панкреатит. Белгісіз (қолда бар деректер негізінде бағалау мүмкін емес) • церебральды ишемия, сананың шатасуы. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет. Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: артық дозаланудың әдеттегі белгілері анықталмаған. Артық дозалану жағдайында сусыздану және электролит деңгейінің төмендеуі қаупі бар полиурия байқалуы мүмкін, бұл ұйқышылдық пен сананың шатасуына, гипотензияға, циркуляциялық коллапсқа әкелуі мүмкін. Асқазан-ішек жолдары тарапынан бұзылулар байқалуы мүмкін. Емі: Спецификалық антидоты жоқ. Артық дозаланудың симптомдары мен белгілері торасемидтің дозасын азайтуды немесе тоқтатуды, сондай-ақ сұйықтық пен электролиттің жоғалған көлемін бір уақытта толтыруды талап етеді. Торасемид диализ арқылы шығарылмайды, сондықтан гемодиализ оның шығарылуын тездетпейді.

Емдеудің басында және егде жастағы пациенттерде электролиттердің жоғалу белгілеріне және гемоконцентрацияға ерекше назар аудару керек. Торасемидпен ұзақ мерзімді терапия кезінде электролит теңгерімін, атап айтқанда, сарысудағы калий деңгейін (әсіресе жүрек гликозидтерімен, глюкокортикоидтармен, минералокортикоидтармен немесе іш жүргізетін препараттармен қатар ем қабылдайтын пациенттерде), глюкоза, несеп қышқылы, креатинин, липидтер деңгейін және қанның жасушалық құрамын (эритроциттер, лейкоциттер, тромбоциттер) тұрақты бақылау қажет. Қандағы несеп қышқылының және подаграның жоғарылау үрдісі бар пациенттерді мұқият бақылау ұсынылады. Жасырын немесе манифестті қант диабетінде көмірсулар алмасуын бақылау қажет. Қолдану тәжірибесі жеткіліксіз болғандықтан торасемидті келесі жағдайларда тағайындауға болмайды: • қышқыл-сілтілі күйдегі патологиялық өзгерістер • литий препараттарымен бір мезгілде емдеу • 18 жасқа дейінгі балалар мен жасөспірімдер • қанның жасушалық құрамындағы патологиялық өзгерістер (мысалы, бүйрек жеткіліксіздігінен зардап шекпейтін пациенттерде тромбоцитопения немесе анемия). Торасемидпен емдеуді бастамас бұрын несеп шығару бұзылыстарын жою қажет. Аритмиямен ауыратын пациенттерде циклдік диуретиктерді тағайындау электролит концентрациясының өзгеруіне байланысты өмірге қауіп төндіруі мүмкін (калий, натрий, кальций және магний). Қанның электролиттік құрамын үнемі бақылау қажет. Тригрим препаратын қолдану допинг-бақылау кезінде оң нәтижелерге әкелуі мүмкін. Тригрим препаратын допинг мақсатында заңсыз пайдалану денсаулыққа зиян тигізуі мүмкін. Дәрілік өзара әрекеттесулер Осы дәрілік препараттың келесі өзара әрекеттесуін ескеру қажет: • Торасемид қант диабетін емдеуге арналған препараттардың тиімділігін төмендетуі мүмкін. • Холестираминмен бір мезгілде емдеу торасемидті пероральді қолданғанда оның сіңуін төмендетіп, оның тиімділігін төмендетуі мүмкін. • Торасемид теофиллиннің тиімділігіне және кураре тәрізді препараттардың бұлшықет босаңсытқыш әсеріне әсер етуі мүмкін (күшейту немесе әлсіреу). Қан сарысуындағы теофиллин деңгейін бақылау ұсынылады. • Торасемид пен литий препараттарын бір мезгілде қолдану қан сарысуындағы литий концентрациясының жоғарылауына және осылайша оның әсері мен жағымсыз реакцияларының жоғарылауына әкелуі мүмкін. • Торасемид катехоламиндердің (мысалы, адреналин, норадреналин) вазоконстрикторлық әсерін төмендетуі мүмкін. • Торасемид P450 CYP2C8 және CYP2C9 цитохромы үшін субстрат болып табылады. Бұл бір фермент үшін лигандалардың өзара әрекеттесуіне әкелуі мүмкін. Сондықтан цитохромның осы изоформаларымен катализденетін дәрілік препараттарды бір мезгілде қолданғанда сарысудағы осы препараттардың қажетсіз деңгейлерін болдырмау үшін мұқият бақылау қажет. Мұндай өзара әрекеттесу кумарин туындылары үшін расталды. Дәрілік препараттардың өзара әрекеттесу мүмкіндігі тар емдік диапазоны бар заттар үшін өте маңызды болуы мүмкін. • Жүрек гликозидтерімен бір мезгілде қолданғанда калий және/немесе магний тапшылығына байланысты жүрек бұлшықетінің осы дәрілік препараттарға сезімталдығы артуы мүмкін. Минералды және глюкокортикоидтардың, іш жүргізетін дәрілердің калийуретикалық әсері күшеюі мүмкін. • Гипотензиялық препараттардың, әсіресе AӨФ тежегіштерінің әсері бір мезгілде қолданғанда күшеюі мүмкін. • Бірізді немесе біріктірілген емдеу немесе AӨФ тежегіштерімен қосымша дәрілік терапияны қолдануды бастау артериялық қысымның шамадан тыс төмендеуіне әкелуі мүмкін. Бұл әсерді AӨФ тежегіштерінің бастапқы дозасын азайту және/немесе AӨФ тежегіштерімен емдеуді бастағанға дейін 2 немесе 3 күн бұрын торасемидті азайту немесе уақытша тоқтату арқылы азайтуға болады. • Торасемид (әсіресе жоғары дозаны қолданатын емде) аминогликозидті антибиотиктердің нефроуытты және отоуытты әсерін, платина қосылыстарының уытты әсерін және цефалоспориндердің нефроуытты әсерін күшейте алады. • Қабынуға қарсы стероидты емес препараттар (мысалы, индометацин) простагландиндер синтезін тежеу арқылы торасемидтің диурездік және гипотензиялық әсерін төмендетуі мүмкін. • Пробенецид түтікшелі секрецияны тежеу арқылы торасемидтің тиімділігін төмендетуі мүмкін. • Салицилаттардың жоғары дозаларын алатын пациенттерде торасемид олардың шығарылуын тежеу арқылы салицилаттардың уыттылығының даму қаупін арттырады. Сондай-ақ, салицилаттарды қабылдайтын пациенттерде подагра ұстамаларының қайталану қаупі артады. Арнайы ескертулер Қосымша заттар Таблетка құрамында лактоза бар. Бұл дәрілік препаратты сирек кездесетін тұқым қуалайтын галактозаға жақпаушылығы, лактаза жеткіліксіздігі немесе глюкоза-галактоза мальабсорбциясы бар пациенттерге қабылдауға болмайды.

Торасемидтің адамдардағы эмбрионға немесе ұрыққа әсері туралы жеткілікті клиникалық деректер жоқ. Жануарларға жүргізілген зерттеулерде репродуктивтік уыттылық көрсетілген. Зерттеу нәтижелері бойынша жануарларда торасемидтің плацента арқылы өтетіні анықталды. Жаңа туған нәрестелерде тромбоцитопенияның даму қаупі де бар. Қосымша деректер ұсынылмайынша, жүктілік кезінде торасемидті тек дәлелді көрсеткіштер болған жағдайда ғана қолдануға болады. Сондықтан мүмкін болатын ең төменгі дозаны тағайындау керек. Диуретиктер жүктілік кезіндегі гипертензия мен ісінуді жоспарлы емдеуге арналмаған, өйткені олар плаценталық қан ағымын бұзып, ұрықтың құрсақішілік дамуының бұзылуына әкелуі мүмкін. Егер торасемидті жүкті әйелге жүрек немесе бүйрек жеткіліксіздігін емдеу үшін тағайындау қажет болса, электролиттер мен гематокрит деңгейін, сондай-ақ ұрықтың өсуін мұқият бақылау керек. Торасемидтің емшек сүтімен шығарылуы туралы мәліметтер жеткіліксіз. Жаңа туған нәресте/бала үшін қауіпті жоққа шығаруға болмайды. Ілмекті диуретиктер сүттің өндірілуін төмендетуі мүмкін. Сондықтан лактация кезеңінде торасемидті қолдану қарсы көрсетілімді. Емшекпен емізуді тоқтату немесе торасемидпен емдеуді тоқтату туралы шешім қабылдау қажет. Бұл жағдайда бала үшін емшек сүтімен емізудің де, әйел үшін терапияның да пайдасын ескеру қажет. Дәрілік заттың көлік құралын немесе басқа да қауіптілігі зор механизмдерді басқару қабілетіне әсер ету ерекшеліктері Тағайындалған кезде торасемид реакция жылдамдығын өзгерте алады және көлік құралдарын басқару немесе қозғалмалы механизмдермен жұмыс істеу қабілетінің нашарлауына әкелуі мүмкін. Бұл терапияның басында, препараттың дозасын жоғарылату кезеңінде, басқа препаратқа ауысқанда немесе қосымша дәрілерді қабылдауды бастағанда немесе препаратты алкогольмен бірге қабылдаған жағдайда көбірек көрінеді.

Нұсқаулықта көрсетілмеген.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!