Тримедат® форте таблетки 300 мг

Бір таблетканың құрамында белсенді зат – тримебутин малеаты – 300 мг; қосымша заттар: микрокристалды целлюлоза, повидон (К 25), гипромеллоза, магний стеараты, қабықтың құрамы: Опадрай II 85F18422: жартылай гидролизденген поливинил спирті, макрогол-3350, титанның қостотығы Е 171, тальк. Сыртқы түрінің, иісінің, дәмінің сипаттамасы Дөңгелек, екі беті дөңес, бір жағына тамшы тәрізді екі элемент түрінде ойып түсірілген символ бар ақ түсті үлбірлі қабықпен қапталған таблеткалар. Көлденең қимасында ақ немесе ақ дерлік түсті ядро болады.

• іштің ауырсынуын, түйілуін және жайсыздығын, іш кебуді сезінуді (метеоризмді), нәжіс жиілігінің өзгеруімен ішектің моторлы функциялары бұзылуларын (диарея немесе іш қату), диспепсияны, қыжылды, кекіруді, жүрек айнуын, асқазан-ішек жолының және өт жолдарының функционалдық ауруларына байланысты құсуды симптоматикалық емдеу (гастроэзофагеальді рефлюкс ауруының эрозиялық емес түрі; өт тас ауруы; өтшығару жолдарының дисфункциясы; ішектің тітіркенуі синдромы; Одди сфинктерінің дисфункциясы, постхолецистэктомиялық синдром) • операциядан кейінгі салданған ішек өтімсіздігі

Әсер ету механизмі Тримебутин ішектің энкефалинергиялық жүйесіне әсер ете отырып, оның перистальтикасының реттеушісі болады. Шеткері δ-, μ - және k - рецепторларына, соның ішінде асқазан-ішек жолдарының (асқазан-ішек жолдары) бойындағы тегіс бұлшықеттердегі орналасқан, ол орталық жүйке жүйесіне ықпал етпестен моториканы реттейді. Фармакодинамикалық әсерлері Тримебутин моториканың бұзылуларына байланысты АІЖ-ның түрлі аурулары кезінде АІЖ бұлшықеттерінің қалыпты физиологиялық белсенділігін қалпына келтіреді Висцеральді сезімталдықты қалыпқа келтіре отырып, тримебутин абдоминальді ауыру синдромы кезінде анальгетикалық әсерді қамтамасыз етеді. Клиникалық тиімділік және қауіпсіздік 2015-2016 жылдары Ресейдің 16 ірі гастроэнтерологиялық клиникаларының базасында Тримедат форте препаратының тиімділігі мен қауіпсіздігіне жүргізілген ашық көп орталықты проспективті рандомизацияланған зерттеу іштің ауыруы мен диспепсиялық синдромның көріністерін тоқтатуда Тримедат форте препаратының жоғары тиімділігін растады. Форте дәрілік нысанын қолдану есебінен қабылдау жиілігінің азаюы пациенттердің тағайындалған емге бейілділігінің артуына алып келді. Балалар Қатысты емес (4.3 бөлімін қараңыз).

Дозалау режимі Ересектерге 1 таблеткадан. Енгізу әдісі мен жолы Ішке қабылдауға арналған, тамақтану уақытына қарамастан, таблетка ішке жұту үшін жеткілікті болатын сұйықтық мөлшерімен ішіледі. Қабылдау уақыты көрсетілген қолдану жиілігі Күніне 2 рет 12 сағаттық үзіліспен. Емдеу ұзақтығы Асқазан-ішек жолдары мен өт жолдарының функционалды ауруларына байланысты абдоминальді ауыруды емдеу курсы – 28 күн. Қажет болған жағдайда препаратты қабылдау ұзақтығы ұзартылуы мүмкін. Препаратты қабылдау курстары арасында үзіліс қажет емес. Ремиссия кезеңінде жүргізілген емдеу курсынан кейін ішектің тітіркенуі синдромының қайталануын болдырмау үшін тәулігіне 300 мг дозада 12 апта бойы қабылдауды жалғастыру ұсынылады. Дәрілік препараттың бір немесе бірнеше дозасын өткізіп алған жағдайда қажетті шаралар Жекелеген дозаларды өткізіп алған жағдайда препараттың қос дозасын қабылдауға болмайды. Тоқтату симптомдары қаупінің болуын көрсету Осы уақытқа дейін тоқтату симптомдары туралы хабарланған жоқ. Дәрілік препаратты қолдану тәсілін түсіндіру үшін медицина қызметкеріне консультация алу үшін жүгіну жөніндегі ұсынымдар Дәрі-дәрмекті қабылдамас бұрын дәрігермен кеңесіп алыңыз.

• әсер етуші затқа немесе қосымша заттардың кез келгеніне аса жоғары сезімталдық • жүктілік кезеңі • 18 жасқа дейінгі балалар

Жиілігі белгісіз • ауыздың құрғауы, жағымсыз дәм сезінулер, диарея, диспепсия, жүрек айнуы, іш қату • ұйқышылдық, шаршау, бас айналу, бас ауруы, мазасыздық • несептің іркілісі, етеккір оралымының бұзылу себептері, тері бөртпесі, кеуде бездерінің ауырсынуы Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Тримедат® форте препаратының артық дозалану жағдайлары осы уақытқа дейін тіркелген жоқ. Емі: препаратты тоқтату, асқазанды шаю, белсендірілген көмірді тағайындау, симптоматикалық ем. Арнайы антидоттар жоқ.

Тримедат® форте препаратын емшекпен емізу кезеңінде сақтықпен қолдану керек, өйткені оның емшек сүтіне енуі туралы деректер жоқ. Арнайы ескертулер Арнайы ескертулер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат седативті әсер етпейді, психомоторлық реакция жылдамдығына әсер етпейді және ол әртүрлі мамандық иелерімен, соның ішінде жоғары назар мен қозғалыстарды үйлестіруді қажет ететін адамдармен қолданыла алады. Дегенмен, көрсетілген қабілеттерге әсер етуі мүмкін жағымсыз әсерлерді (бас айналу және басқалар) ескере отырып, автокөлікті басқару және басқа да қауіпті қызмет түрлерімен айналысу кезінде сақ болу керек.

Эксперименттік зерттеулерде препараттың тератогендігі мен эмбриоуыттылығы туралы деректер анықталған жоқ. Дегенмен, қажетті клиникалық деректердің болмауына байланысты Тримедат® форте препаратын жүктілік кезеңінде қолдануға болмайды. Тримедат® форте препаратын емшекпен емізу кезеңінде сақтықпен қолдану керек, өйткені оның емшек сүтіне енуі туралы деректер жоқ.

Тримедат® форте препаратының дәрілік өзара әрекеттесуі сипатталмаған.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқа қаптамасында, 25°С-ден аспайтын температурада сақтау керек. Балалардың қолы жетпейтін жерде сақтау керек!