Тримокс Форт таблетки 800 мг/160 мг

Бір таблетканың құрамында белсенді заттар: 160 мг триметоприм 800 мг сульфаметоксазол қосымша заттар: повидон K30, натрий крахмалы гликоляты, натрий докусаты, магний стеараты. Сыртқы түрінің, иісінің, дәмінің сипаттамасы Ақ түсті, ұзынша пішінді, екі беті дөңес, бір жағында «Trimoks Fort» жазбасы және екінші жағында сындыруға арналған сызығы бар таблеткалар.

Тримокс Форт препаратқа сезімтал микроорганизмдер тудыратын келесі инфекцияларды емдеуге көрсетілген: -жоғарғы және төменгі тыныс алу жолдарының және ЛОР-мүшелерінің инфекциялары: созылмалы бронхиттің өршуі, бронхоэктаздық ауру, пневмония (Pneumocystis jirovecii (P. carinii) туындаған пневмонияны қоса), синусит, ортаңғы отит. -несеп шығару жолдары мен жыныс мүшелерінің инфекциялары: жедел және созылмалы цистит, пиелонефрит, уретрит, простатит. -асқазан-ішек жолының инфекциялары: саяхатшылардың диареясы, іш сүзегінің созылмалы бактериялық тасымалдаушысы, тырысқақ (сұйықтық пен электролиттерді толықтыруға қосымша ретінде). Тримокс Форт препаратын басқа ұсынылған бактерияға қарсы препараттарды қолдану мүмкін болмаған жағдайларда ғана қолдану керек: - іш сүзегі, паратиф А және В - иммунитет тапшылықты жай-күйі бар пациенттерде сепсистік сальмонеллезді энтерит. Препаратты Salmonella spp. туындаған гастроэнтерит кезінде қолданбау керек, аурудың сепсистік жағдайларын қоспағанда, өйткені препарат аурудың ағымына әсер етпейді және бактериялардың бөліну (кейбір жағдайларды қоспағанда) кезеңін ұзартуы мүмкін. Сезімтал микроорганизмдер тудыратын басқа инфекциялар: - жедел бруцеллез - нокардиоз - мицетома (зеңдік этиология жағдайларын қоспағанда) - Оңтүстік Америка бластомикозы (Paracoccidioides brasiliensis). Жекелеген жағдайларда препарат остеомиелит кезінде резерв препараты ретінде, оның ішінде ванкомицинді қолдануға қарсы көрсетілімдер, мультирезистентті микроорганизмдердің болуы және триметоприм /сульфаметоксазол біріктіріліміне қоздырғыштың расталған сезімталдығы кезінде қолданылуы мүмкін. Тримокс Форт дәлелденген немесе ықтималдық деңгейі жоғары сезімтал бактериялардан немесе басқа сезімтал микроорганизмдерден туындаған тек инфекцияларды емдеу немесе профилактика үшін қолданылуы керек. Тримокс Форт препаратын қолданар алдында күтілетін пайда мен ықтимал қауіптің арақатынасын осы көрсетілімдерде де пайдаланылуы мүмкін басқа дәрілік препараттармен салыстыруды бағалау керек. Ем кезінде бактерияға қарсы препараттарды тиісінше қолдану жөніндегі ресми ұсынымдарды басшылыққа алу керек.

ATХ коды J01EE01 Әсер ету механизмі Тримокс Форттың екі белсенді компоненті микроорганизмдегі фолий қышқылы биосинтезіндегі дәйекті реакцияларды катализдейтін екі ферментті бөгеуге негізделген синергетикалық әсерге иеленген. Осы әсер ету механизмінің арқасында триметоприм/сульфаметоксазол әдетте жеке белсенді компоненттер тек бактериостатикалық әсер ететін концентрацияларда да in vitro бактерицидтік белсенділікті көрсетеді. Сонымен қатар, триметоприм/сульфаметоксазол жиі екі компоненттің кез келгеніне төзімді организмдерге қарсы тиімді. Триметоприм мен сульфаметоксазолдың қосарлы әсеріне байланысты кең таралған резистенттіліктің даму қаупі азаяды. Триметоприм/сульфаметоксазолдың in vitro бактерияға қарсы әсері грамоң және грамтеріс патогендерге таралады және келесі организмдерді қамтиды, дегенмен сезімталдық географиялық аймаққа байланысты болуы мүмкін: Резистенттілік механизмдері In vitro зерттеулерде сульфаметоксазол мен триметоприм біріктірілімін қолданғанда, сульфаметоксазолды немесе триметопримді монотерапия түрінде қолданумен салыстырғанда бактериялардың төзімділігі баяу дамитыны көрсетілген. Сульфаметоксазолға төзімділіктің әртүрлі механизмдері болуы мүмкін. Бактериялық мутациялар ПАБК концентрациясының жоғарылауын тудырады, осылайша сульфаметоксазолмен бәсекелеседі, сондықтан фермент-дигидроптероатсинтетазаға тежейтін әсерді төмендетеді. Резистенттіліктің дамуының басқа механизмі плазмидтерге тәуелді және дигидроптероатсинтетаза ферментінің өзгеруінің нәтижесі болып табылады. Бұл өзгертілген ферменттің жабайы типті ферментпен салыстырғанда сульфаметоксазолға жақындығы төмен. Триметопримге төзімділік плазмидке тәуелді мутация арқылы жүзеге асырылады. Бұл мутация жабайы типтті ферментпен салыстырғанда триметропимге жақындығы төмен басқа фермент - дигидрофолатредуктаза (ДГФР) өндірісіне әкеледі. Триметоприм плазмоидты ДГФР байланысады, байланыс бактериялық ферментке қарағанда аз күшке ие. Сүтқоректілердің ДГФР жақындығы тиісті бактериялық ферментке қарағанда 50 000 есе аз. Көптеген таралған патогендік бактериялар in vitro (ұсынылған дозаларды енгізгеннен кейін қандағы, тіндік сұйықтықтардағы және несептегі концентрациядан әлдеқайда төмен концентрацияда) жағдайда триметоприм мен сульфаметоксазолға сезімтал. Алайда, басқа антибиотиктер сияқты, in vitro белсенділігі әрдайым клиникалық тиімділікті білдірмейді және сезімталдықты тиісті зерттеу тек ұсынылған ортада және тежегіш қосылыстары жоқ ортада (әсіресе тимидин мен тимин) жүргізілетінін ескеру қажет. Бақылау нүктелері EUCAST (Микробқа қарсы препараттарға сезімталдықты анықтау жөніндегі еуропалық конфедерация): Энтеробактериялар: С ≤ 2 Р > 4 S. maltophilia: С ≤ 4 Р > 4 Acinetobacter: С ≤ 2 Р> 4 Staphylococcus: С ≤ 2 Р> 4 Enterococcus: С ≤ 0.032 Р > 1 Streptococcus ABCG: С ≤ 1 Р > 2 Streptococcus pneumoniae С ≤ 1 Р > 2 Hemophilus influenza: С ≤ 0,5 Р > 1 Moraxella catarrhalis: С ≤ 0.5 Р>1 Psuedomonas aeruginosa және басқа энтеробактериялар емес: С ≤ 2 * Р > 4* С = сезімтал, Р = резистентті. * Бұл микроорганизмдерде EUCAST сәйкес бақылау нүктелері әлі анықталмағандықтан, Клиникалық және зертханалық стандарттар институтының (CLSI) деректері бойынша бақылау нүктелері қолданылады. Триметопримнің сульфаметоксазолға қатынасы - 1: 19. Бақылау нүктелері триметоприм концентрациясы түрінде көрсетіледі. Микробқа қарсы белсенділік спектрі Резистенттіліктің таралуы географиялық орналасуына және белгілі бір түрлер үшін уақытқа байланысты ауытқуы мүмкін. Емдеу кезінде жергілікті резистенттілік туралы ақпаратты ескеру қажет, әсіресе ауыр инфекцияларды емдеуде. Егер резистенттіліктің жергілікті таралуы туралы ақпарат препаратты пайдалану күмәнді екенін көрсетсе, кем дегенде инфекцияның кейбір түрлері үшін маманмен кеңесу ұсынылады. Бұл ақпарат микроорганизмдердің триметоприм/сульфаметоксазолға сезімталдығының ықтимал бағасын ғана ұсынады. Триметоприм/сульфаметоксазолға бірқатар қоздырғыштардың сезімталдығы келесі кестеде көрсетілген: Әдетте сезімтал түрлер Грамоң аэробты микроорганизмдер Staphylococcus aureus Staphylococcus saprophyticus Streptococcus pyogenes Грамтеріс аэробты микроорганизмдер Enterobacter cloacae Haemophilus influenzae Klebsiella oxytoca Moraxella catarrhalis Salmonella spp. Stenotrophomonas maltophilia Yersinia spp. Ықтимал резистентті түрлер Грамоң аэробты микроорганизмдер Enterococcus faecalis Enterococcus faecium Nocardia spp. Staphylococcus epidermidis Streptococcus pneumoniae Грамтеріс аэробты микроорганизмдер Citrobacter spp. Enterobacter aerogenes Escherichia cali Klebsiella pneumoniae Klebsiella pneumonia Proteus mirabilis Proteus vulgaris Providencia spp. Serratia marcesans Резистентті түрлер Грамтеріс аэробты микроорганизмдер Pseudomonas aeruginosa Shigella spp. Vibrio cholera • Фармакокинетикалық қасиеттері Адсорбциясы Триметопримді (ТМ) және сульфаметоксазолды (СМЗ) ішке қабылдағаннан кейін асқазан-ішек жолының жоғарғы бөлігінде тез және толығымен дерлік абсорбцияланады; биожетімділігі 80-100% құрайды. 160 мг триметоприм мен 800 мг сульфаметоксазолды бір рет қабылдағаннан кейін қан плазмасындағы ең жоғары концентрацияға (Cmax) 1-4 сағат ішінде жетеді және триметоприм үшін 1,5–3 мг/л және сульфаметоксазол үшін 40-80 мг/л құрайды. 12 сағат аралықпен қайта қолданған кезде қан плазмасындағы триметоприм мен сульфаметоксазолдың тепе-теңдік ең жоғары концентрациясы, әдетте, бір рет қабылдағаннан кейін байқалған мәндерден 50-100% артық болады. Қан плазмасындағы концентрация қолданылатын дозаға пропорционалды. Препараттың белсенді заттарының фармакокинетикасына тамақтанудың әсері зерттелмеген. Аш қарынға суспензия қабылдағаннан кейін триметопримнің абсорбциясы препаратты тамақтанғаннан кейін қабылдағаннан гөрі жоғары болды; дегенмен, стандартты тамақтану абсорбция жылдамдығына айтарлықтай әсер етпеді. Таралуы Триметопримнің таралу көлемі шамамен 1,6 л/кг құрайды, сульфаметоксазол — шамамен 0,2 л/кг. Қан плазмасы ақуыздарымен байланысуы триметоприм үшін 37% және сульфаметоксазол үшін 62% құрайды. Жануарлардағы және адамдардағы эксперименттік зерттеулердің деректері бойынша, ко-тримоксазол тіндерде кең таралуымен сипатталады. Триметоприм организм тіндеріне кеңінен енеді, ал сульфаметоксазол жүйелік қан ағымынан интерстициялық және басқа тамырдан тыс сұйықтықтарға аз дәрежеде таралады. Қабынған тіндерде триметоприм мен сульфаметоксазол концентрациясы жоғарылауы мүмкін. Триметоприм мен сульфаметоксазол плацентада, кіндік қанында, амниондық сұйықтықта және шарананың тіндерінде (бауыр, өкпе) анықталады, бұл олардың плаценталық бөгет арқылы енуін растайды. Шаранадағы триметоприм концентрациясын анамен салыстыруға болады, ал сульфаметоксазол концентрациясын 4.6 бөлімін қараңыз. Екі компонент те емшек сүтімен бөлінеді. Емшек сүтіндегі триметоприм концентрациясы анадағы плазмалық концентрациямен, сульфаметоксазол концентрациясымен салыстыруға болады, 4.6-бөлімді қараңыз. Биотрансформациясы Триметопримнің шамамен 30% метаболизмге ұшырайды. Адамның бауыр микросомаларын пайдаланумен in vitro зерттеулердің деректеріне сәйкес, триметопримнің тотығу метаболизміне CYP3A4, CYP1A2 және CYP2C9 изоферменттері қатысуы мүмкін. Триметопримнің негізгі метаболиттері 1 - және 3-оксидтер, сондай-ақ 3' және 4' - гидрокси туындылары; метаболиттердің бір бөлігі фармакологиялық белсенділікті сақтайды. Сульфаметоксазол бауырда шамамен 80% метаболизденеді, негізінен N4-ацетил туындысын түзумен (енгізілген дозаның шамамен 40%), сондай-ақ глюкурондау арқылы аз дәрежеде. Сульфаметоксазол сондай-ақ тотығу метаболизміне ұшырайды. Гидроксиламин туындысын түзумен тотығудың бастапқы кезеңі CYP2C9 изоферментімен катализденеді. Сульфаметоксазол метаболиттері фармакологиялық белсенді емес. Элиминациясы Бүйректің қалыпты функциясында компоненттердің жартылай шығарылу кезеңдері салыстырмалы және триметоприм үшін орта есеппен 10 сағатты және сульфаметоксазол үшін 11 сағатты құрайды. Жалпы клиренсі триметоприм үшін шамамен 100 мл/мин және сульфаметоксазол үшін шамамен 20 мл/мин құрайды. Балаларда триметопримнің жартылай шығарылу кезеңі ересектерге қарағанда шамамен екі есе қысқа, ал сульфаметоксазол үшін айтарлықтай айырмашылықтар байқалмайды. триметоприм, сульфаметоксазол және олардың метаболиттері негізінен бүйрек арқылы шумақтық сүзіліс және өзекшелік секреция арқылы шығарылады. Несептегі триметоприм концентрациясы плазмалықтан шамамен 100 есе жоғары, сульфаметоксазол концентрациясы - шамамен 5 есе. Енгізілген триметоприм дозасының шамамен үштен екісі несеппен өзгермеген күйде шығарылады. Несеппен экскрецияланатын өзгермеген сульфаметоксазолдың үлесі 10-30% құрайды және несептің рН-на байланысты. Триметопримнің жалпы плазмалық клиренсі 1,9 мл/мин/кг құрайды, сульфаметоксазол - 0,32 мл/мин/кг. Триметопримнің бүйрек клиренсі 20 - дан 80 мл/мин-ге дейін ауытқиды, сульфаметоксазол 1-ден 5 мл/мин-ге дейін. Екі заттың елеусіз мөлшері нәжісте анықталуы мүмкін. Пациенттердің ерекше топтары Бүйрек жеткіліксіздігі Бүйрек функциясы бұзылған пациенттерде екі компоненттің де жартылай шығарылу кезеңі артады, бұл дозалау режимін тиісті түзетуді қажет етеді. Интермиттирлеуші және тұрақты амбулаториялық перитонеальді диализ триметоприм/сульфаметоксазолдың элиминациясына айтарлықтай әсер етпейді. Гемодиализ және гемофильтрация кезінде триметоприм мен сульфаметоксазолдың елеулі мөлшері жойылады; әрбір гемодиализ сеансынан кейін триметоприм/сульфаметоксазол дозасын 50% - ға арттыру ұсынылады. Бүйрек жеткіліксіздігі бар балаларда (креатинин клиренсі < 30 мл/мин) триметоприм клиренсі төмендейді, ал жартылай шығарылу кезеңі артады. Пациенттердің осы санатындағы дозаны түзету бүйрек функциясын ескере отырып жүргізілуі тиіс. Бауыр жеткіліксіздігі Триметоприм/сульфаметоксазолдың бір реттік пероральді дозасының фармакокинетикасы бауырдың орташа және ауыр жеткіліксіздігі бар пациенттерде зерттелді. Триметоприм мен сульфаметоксазолдың фармакокинетикалық параметрлерінде дені сау еріктілермен салыстырғанда айтарлықтай айырмашылықтар анықталған жоқ, тек бауырдың ауыр жеткіліксіздігі бар жекелеген пациенттерде триметопримнің жартылай шығарылу кезеңінің екі есеге дейін ұлғаюын қоспағанда. Фармакокинетикасында елеулі өзгерістер болмағанына қарамастан, бауыр функциясының ауыр бұзылулары бар пациенттерде Тримокс Форттың жоғары дозаларын қолданғанда сақ болу керек. Гемодиализ кезінде препараттың қандағы концентрациясын мониторингілеу және дозаны түзету ұсынылады. Егде жастағы пациенттер Креатинин клиренсінің жасқа байланысты физиологиялық төмендеуін ескере отырып, егде жастағы пациенттерде бүйрек және жалпы триметоприм клиренсінің төмендеуі мүмкін. Жас сульфаметоксазолдың фармакокинетикасына аз әсер етеді, өйткені оның бүйрек клиренсі жалпы клиренсінің шамамен 20% құрайды. Егде жастағы пациенттерде дозалау режимін сәйкесінше түзету керек. Балалар мен жасөспірімдер Бүйрек функциясы қалыпты балалардағы клиникалық фармакокинетикалық зерттеулердің нәтижелері препараттың екі компонентінің де фармакокинетикасының жасқа тәуелділігін көрсетті. Жаңа туған нәрестелерде өмірдің алғашқы екі айында триметоприм мен сульфаметоксазолдың элиминациясы төмендейді. Әрі қарай элиминация жылдамдығының жоғарылауы, жалпы клиренс және жартылай шығарылу кезеңінің қысқаруы байқалады. Едәуір айқын айырмашылықтар нәрестелерде (1,7–24 ай) байқалады және жасына қарай азаяды. Муковисцидозы бар пациенттер Муковисцидозы бар пациенттерде триметопримнің бүйрек клиренсі және сульфаметоксазолдың метаболизмдік клиренсі жоғарылайды, нәтижесінде жалпы плазмалық клиренсі артады және екі компоненттің жартылай шығарылу кезеңі қысқарады.

Дозалау режимі Жедел инфекцияларды емдеуде ұсынылатын стандартты дозалар Ересектер мен 12 жастан асқан балалар Тримокс Форте таблеткалары таңертең — кешке Стандартты доза — 1 — 1 Ең төмен доза және ұзақ уақыт бойы емдеуге арналған доза (14 күннен астам) — 1/2 — 1/2 Жоғары доза (ауыр жағдайларда) — 1+1/2 — 1+1/2 Емдеу ұзақтығы Жедел инфекциялар жағдайында препараттың пероральді түрімен емдеу кем дегенде 5 күн болуы тиіс. Дозалау бойынша нақты нұсқаулықтар Несеп шығару жолының жедел асқынбаған инфекциялары Әйелдерде несеп шығару жолдарының жедел асқынбаған инфекцияларын емдеу үшін 2-3 форте таблеткасының бір реттік дозасы ұсынылады. Оларды кешке тамақтанудан кейін немесе ұйықтар алдында қабылдаған дұрыс. Pneumocystis jirovecii туындаған пневмониясы бар пациенттер. Ұсынылатын доза 14 күн ішінде алты сағат аралықпен тең дозаларға бөлінген 24 сағат ішінде пероральді 20 мг/кг триметопримге және 100 мг/кг сульфаметоксазолға дейінді құрайды. Төмендегі 2-кестеде Pneumocystis jirovecii туындаған пневмониясы бар пациенттер үшін дене салмағы негізінде есептелген дозаның жоғарғы шегі бойынша жалпы ұсынымдар берілген: Дене салмағы [кг] — Доза - әрбір 6 сағат сайын Тримокс Форт таблеткалары 32 — 1 48 — 1+1/2 54 — 2 80 — 2+1/2 Пневмоцисталық пневмонияның профилактикасы Жасөспірімдер мен ересектердегі пневмоцисталық пневмонияның профилактикасы үшін ұсынылатын доза аптасына 3 рет препараттың 1 таблеткасын құрайды. Нокардиоз Нокардиоз бар ересектер үшін ұсынылатын доза кем дегенде 3 ай бойы тәулігіне Тримокс Форттың 3-4 таблеткасын құрайды. Бұл дозалау жөніндегі ұсыным пациенттің жасына, дене салмағына, бүйрек функциясына және аурудың ауырлығына байланысты түзетілуі тиіс. 18 айға дейін ұзақ мерзімді емдеу жағдайлары туралы хабарланды. Пациенттердің ерекше топтары Балалар Тримокс Форт препараты 12 жасқа дейінгі балаларға қолдануға арналмаған. Егде жастағы пациенттер Бүйрек функциясы бұзылмаған егде жастағы пациенттерде дозаны түзетудің қажеті жоқ. Бауыр жеткіліксіздігі бар пациенттер Бауыр жеткіліксіздігі бар пациенттерде препаратты қолдану туралы деректер жоқ. Препаратты бауыр паренхимасының ауыр зақымдануы бар пациенттерге қолдануға болмайды. Бүйрек жеткіліксіздігі бар пациенттер Ересектер мен 12 жастан асқан балалар Креатинин клиренсі (мл/мин) — Ұсынылатын доза > 30 — Стандартты доза 15-30 — Стандартты дозаның жартысы <15 — Ұсынылмайды Диализдегі пациенттер Гемодиализдегі пациенттерге бастапқыда Тримокс Форт препаратының стандартты бастапқы дозасын тағайындайды, содан кейін әрбір гемодиализ сеансынан кейін стандартты дозаның жартысын қосымша тағайындайды. Дозаны түзету үшін препараттың қандағы концентрациясын бақылау қажет. Гемодиализден өткен пациенттер уыттану белгілері мен симптомдары мәніне мұқият бақылауда болуы тиіс. Перитонеальді диализ енгізілген триметоприм мен сульфаметоксазолдың ең аз шығарылуына әкеледі. Перитонеальді диализ қабылдайтын пациенттерде триметоприм/сульфаметоксазол біріктірілімін қолдану ұсынылмайды. Енгізу әдісі және жолы Ішке қабылдауға арналған. Препаратты сұйықтықтың көп мөлшерін іше отырып, тамақтану кезінде қабылдау ұсынылады. Дәрілік препараттың бір немесе бірнеше дозасын өткізіп алу кезіндегі қажетті шаралар Қабылдауды өткізіп алған жағдайда, пациенттің есіне түскен бойда қабылдау керек, ал келесі дозаны әдеттегі уақытта қабылдау керек. Егер келесі дозаны қабылдау уақыты келсе, жіберіп алған дозаны қабылдамау керек. Өткізіп алған дозаның орнын толтыру үшін қосарлы дозаны қабылдамаған жөн. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар Осы дәрілік препаратты қолдану жөнінде қосымша сұрақтар пайда болған кезде, дәрігерге немесе фармацевтке хабарласу керек.

- сульфаниламидтерге, триметопримге, ко-тримоксазолға немесе қосымша заттардың кез келгеніне аса жоғары сезімталдық - мультиформалы эритема, Стивенс-Джонсон синдромы, уытты эпидермальді некролиз және эозинофилиямен және жүйелік симптомдармен дәрілік бөртпе (сонымен қатар пациенттің анамнезінде) - бауыр паренхимасының ауыр зақымдануы (мысалы, жедел гепатит) - бүйректің ауыр жеткіліксіздігі (креатинин клиренсі < 15 мл/мин) - фолий қышқылының тапшылығына байланысты мегалобластты анемия, тромбоцитопения, гранулоцитопения сияқты қан көрсеткіштерінің патологиялық өзгерістері - препаратты шала туған немесе жаңа туған нәрестелерде өмірдің алғашқы алты аптасында қолдануға болмайды, өйткені бұл өмірдің алғашқы 6 айында мерзімі жетіп туған нәрестелерде ядролық сарғаюдың даму қаупінің жоғарылауына әкелуі мүмкін - соңғы триместрде жүктілік кезінде қолдану - дофетилидпен біріктірілім - жедел порфирия - эритроциттердің глюкоза-6-фосфатдегидрогеназасының туа біткен тапшылығы, Hb Cologne және Hb Zurich сияқты гемоглобиннің ауытқулары - гипербилирубинемиясы немесе эритроциттердің глюкоза-6-фосфатдегидрогеназа тапшылығы бар жаңа туған нәрестелер.

Өте жиі (≥1/10) - гиперкалиемия, гипонатриемия. Пневмоцисталық пневмониясы бар пациенттерде қолданылатын триметопримнің жоғары дозалары пациенттердің едәуір бөлігінде қан сарысуындағы калий концентрациясының үдемелі, бірақ қайтымды жоғарылауын тудырады. Калий метаболизмі бұзылған немесе бүйрек жеткіліксіздігі бар пациенттерде және гиперкалиемияны тудыратын препараттарды қабылдайтындарда триметоприм өте жиі (пациенттердің 60% - дан астамына дейін) ұсынылған дозаларда да гиперкалиемияны тудыруы мүмкін. Жиі (≥1/100-ден < 1/10-ға дейін) - жүрек айну, құсу - қан сарысуындағы трансаминазалар белсенділігінің артуы - орныққан дәрілік эритема, эксфолиативті дерматит, макулопапулезді бөртпе, қызылша тәрізді бөртпе, эритема, қышыну, тері бөртпесі - қандағы мочевина мен креатинин деңгейінің жоғарылауы Жиі емес (≥1/1000, <1/100) • кандидоз сияқты зеңдік инфекциялар • құрысулар • диарея, жалған жарғақшалы энтероколит • билирубин деңгейінің жоғарылауы, гепатит • есекжем • бүйрек жеткіліксіздігін қоса, бүйрек функциясының бұзылуы. Сирек (≥1/10000 <1/1000 дейін) - лейкопения, гранулоцитопения, тромбоцитопения, анемия (мегалобластты, иммуногемолиздік, аплазиялық анемия) - қант диабетінсіз пациенттерде гипогликемия, әдетте емдеудің алғашқы бірнеше күнінде пайда болатын. Бүйрек функциясы бұзылған, бауыр ауруы немесе тойып жемейтін пациенттерде және триметоприм/сульфаметоксазолдың жоғары дозаларын қабылдайтын пациенттерде ерекше қауіп бар. - елестеулер, делирий, психоз, әсіресе егде жастағы пациенттерде - нейропатия (шеткері неврит пен парестезияны қоса) - глоссит, стоматит - холестаз - кристаллурия Өте сирек (<1/10000) - агранулоцитоз, метгемоглобинемия, панцитопения Гематологиялық өзгерістердің көп бөлігі әлсіз айқын және емдеуді тоқтатқан кезде қайтымды болды. - қызба, ангионевроздық ісіну, анафилактоидты реакциялар және сарысу ауруы сияқты аллергиялық реакциялар - асептикалық менингит немесе менингитке ұқсас симптомдар, атаксия - увеит - аллергиялық миокардит, QT аралығының ұзаруы, «пируэт» типті тахикардия - пурпура, Генох-Шенлейн пурпурасы - аллергиялық өкпе реакциялары (өкпе инфильтраттары, интерстициялық және эозинофильді пневмония, тыныс алу жеткіліксіздігі). Бұл реакциялар АИТВ/ЖИТС жұқтырған пациенттерде жиі кездеседі. Эозинофильді немесе аллергиялық альвеолитпен бірге байқалатын өкпе инфильтраттары жөтел немесе ентігу сияқты симптомдарды көрсетуі мүмкін. - бауыр некрозы - мультиформалы эритема, Стивенс-Джонсон синдромы, уытты эпидермальді некролиз (Лайелл синдромы), эозинофилиямен және жүйелік симптомдармен (DRESS) дәрілік бөртпе, фотосезімталдық, жедел жайылған экзантематозды пустулез - рабдомиолиз - интерстициялық нефрит, диурездің жоғарылауы, әсіресе жүрек ісінуі бар пациенттерде - бас айналу, құлақтағы шуыл Белгісіз (қолда бар деректер негізінде бағалау мүмкін емес) - өздігінен түсік түсіру - церебральді васкулит - ретинальді васкулит - васкулит, некроздаушы васкулит, полиангиитпен грануломатоз, түйіндік полиартерит - өкпе васкулиті - панкреатит - жоғалып бара жатқан өт жолдарының синдромы - жедел фебрильді нейтрофильді дерматоз (Свит синдромы) - артралгия, миалгия - несеп-тас ауруы. Триметоприм/сульфаметоксазолмен ем қабылдаған пациенттерде несеп-тас ауруы жағдайлары туралы хабарланды. N-ацетилсульфаметоксазол (толық немесе ішінара) кристалдарының агрегациясы салдарынан бүйректе тастардың түзілу жағдайлары сипатталған. Пациентте кристаллурия немесе несеп шығару жылдамдығының төмендеуі сияқты белгілі бір қауіп факторлары болған кезде бүйректегі тастар мен триметоприм/сульфаметоксазол метаболиттері (толық немесе ішінара) арасындағы себеп-салдарлық байланыс анықталды. АИТВ жұқтырған пациенттердегі жағымсыз реакциялар Жиі қатарлас аурулары бар және оларды емдейтін АИТВ жұқтырған пациенттер, әдетте, пневмоцисталық пневмонияның профилактикасы немесе Тримокс Форттың жоғары дозаларымен емін қабылдады. Бұл пациенттерде жағымсыз әсерлердің спектрі бар - бірнеше қосымша жағымсыз реакцияларды қоспағанда - АИТВ жұқтырылмаған жалпы қауыммен бірдей. Алайда, кейбір жағымсыз реакциялар жиірек пайда болады (шамамен 65%) және жиі ауыр болады, бұл пациенттердің 20-25% препаратпен емдеуді тоқтата тұруды немесе тоқтатуды талап етеді. Өте жиі (≥1/10) • нейтропения, анемия, лейкопения, гранулоцитопения, тромбоцитопения • тәбеттің төмендеуі, жүрек айнуы, құсу, диарея • трансаминазалардың белсенділігінің жоғарылауы, холестаздық сарғаю • қышынумен қатар жүретін және препаратты тоқтатқаннан кейін қайтымды макулопапулезді бөртпе • дене температурасының жоғарылауы, әдетте тері бөртпесімен бірге • гиперкалиемия. Пневмоцисталық пневмониясы бар пациенттерде қолданылатын триметопримнің жоғары дозалары пациенттердің едәуір бөлігінде қан сарысуындағы калий концентрациясының үдемелі, бірақ қайтымды жоғарылауын тудырады. Калий метаболизмі бұзылған немесе бүйрек жеткіліксіздігі бар пациенттерде және гиперкалиемияны тудыратын препараттарды қабылдайтындарда триметоприм өте жиі (пациенттердің 60% - дан астамына дейін) ұсынылған дозаларда да гиперкалиемияны тудыруы мүмкін. Жиі емес (≥1/1000, <1/100) • гипогликемия • азотемия, кристаллурия • гипонатриемия Сирек (≥1/10 000, <1/1000) • фотосенсибилизация Өте сирек (<1/10 000) • жедел психоз • паркинсонизм көріністері бар тыныштық треморы, кейде апатиямен, табанның клонусымен және аяқты кең адымдап жүру түріндегі жүрістің бұзылуымен қатар жүреді • панкреатит • гепатит • артралгия, миалгия Жағымсыз дәрілік реакциялар туындағанда медицина қызметкерлеріне, фармацевтика қызметкеріне немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Жедел артық дозаланғанда келесі симптомдар болуы мүмкін: жүрек айнуы, құсу, бас ауыруы, бас айналу, ұйқышылдық, психикалық және көру бұзылыстары; ауыр жағдайларда – кристаллурия, гематурия және анурия. Созылмалы артық дозалану жағдайында: фолий қышқылы тапшылығының салдарынан тромбоцитопения, лейкопения немесе басқа қан құрамының бұзылуымен көрінетін сүйек кемігінің бәсеңдеуі. Емі Клиникалық симптоматикаға байланысты келесі емдік шаралар жүргізуді қарастырған жөн: препараттың одан әрі абсорбциясының алдын алу, қарқынды диурез арқылы бүйрек элиминациясын күшейту (несепті сілтілеу сульфаметоксазолдың шығарылуын жеделдетуге ықпал етеді), гемодиализ жүргізу (перитонеальді диализ тиімсіз), сондай-ақ гематологиялық көрсеткіштер мен электролит деңгейін мониторингілеу. Айқын гематологиялық бұзылулар немесе сарғаю дамыған кезде осы асқынуларға спецификалық ем жүргізу қажет. Сульфаметоксазолдың гемопоэзге бәсеңдететін әсері кезінде антидот ретінде кальций фолинатын тәулігіне 3-6 мг дозада 5-7 күн бойы қолдануға болады.

Тері бөртпесінің (экзантема) алғашқы белгілері немесе басқа да ауыр жағымсыз, соның ішінде гематологиялық реакциялар пайда болған кезде Тримокс Форт препаратымен емдеуді дереу тоқтату қажет. Тұмауға ұқсас симптомдар, тамақтың ауыруы немесе қызба қан көрсеткіштерінің өзгеруін білдіруі мүмкін. Осы симптомдар пайда болған кезде дереу қан талдауын жүргізу қажет. Тримокс Форт препаратын анамнезінде аллергиялық реакциялары немесе бронх демікпесі бар пациенттерге сақтықпен тағайындау керек. Өте сирек жағдайларда триметоприм мен сульфаметоксазол біріктірілімін қолдану аясында респираторлық уыттылықтың ауыр жағдайлары тіркелді, олар кейде үдемелі жедел респираторлық дистресс-синдромына (ЖРДС) әкелді. Алғашқы көріністері өкпе инфильтраттары және өкпе функциясының бұзылуы, сондай-ақ рентгенологиялық өзгерістермен ұштасқан өкпенің зақымдану симптомдары (жөтел, қызба, ентігу) болуы мүмкін. Мұндай симптомдар пайда болған кезде ЖРДС дамуына күдіктену, препаратты қабылдауды тоқтату және тиісті емді бастау керек. Қан тарапынан болатын бұзылулар (аплазия, агранулоцитоз, тромбоцитопения), тері тарапынан болатын ауыр жағымсыз реакциялар (мысалы, ауыр мультиформалы эритема (Стивенс-Джонсон синдромы), уытты буллезді эпидермолиз (Лайелл синдромы), эозинофилиямен және жүйелі симптомдармен жүретін дәрілік реакция (DRESS синдромы), жедел жайылған экзантематозды пустулез (AGEP)) және бауырдың шұғыл некрозы сияқты жағымсыз әсерлердің дамуына байланысты, сирек болса да, өліммен аяқталған жағдайлар тіркелді. Пациенттерді осы ауыр реакциялардың белгілері мен симптомдары туралы хабардар ету және тері тарапынан болатын өзгерістердің пайда болуын мұқият бақылау қажет. Стивенс-Джонсон синдромының, уытты эпидермальді некролиздің және DRESS синдромының даму қаупі емдеудің алғашқы бірнеше аптасында ең жоғары болады. Осы реакциялардың белгілері немесе симптомдары (мысалы, сулы бөртпелердің жиі түзілуімен немесе шырышты қабықтардың зақымдануымен қатар жүретін үдемелі тері бөртпесі) пайда болған кезде препаратпен емдеуді дереу тоқтату керек. Бұл жағдайлардың болжамы көбіне уақтылы диагностикалаумен және күдікті барлық дәрілік препараттарды дереу тоқтатумен анықталады; емді ерте тоқтату болжамды жақсартады. Триметоприм мен сульфаметоксазол біріктірілімін қолдану аясында Стивенс-Джонсон синдромы, уытты эпидермальді некролиз немесе DRESS синдромы дамығаннан кейін, пациентке препаратты қайта тағайындауға болмайды. Триметоприм мен сульфаметоксазол біріктірілімін қабылдаған пациенттерде өте сирек жағдайларда айқын жүйелі қабынудың клиникалық белгілерімен (қызба, гепатоспленомегалия, гипертриглицеридемия, гипофибриногенемия, қан сарысуындағы ферритин деңгейінің жоғарылауы, цитопения, гемофагоцитоз) сипатталатын, иммундық жүйенің патологиялық белсендірілуінің өмірге қауіп төндіретін синдромы - гемофагоцитарлық лимфогистиоцитоз (ГЛГ) жағдайлары тіркелді. Иммундық жүйенің патологиялық белсендірілуінің алғашқы көріністері бар пациенттерді дереу тексеруден өткізу керек. ГЛГ диагнозы расталған жағдайда препаратты қабылдауды тоқтату қажет. Гематологиялық бұзылулар көбінесе келесі пациенттерде дамиды: - егде жастағы пациенттерде, - бұрыннан фолий қышқылының тапшылығы бар адамдарда (егде жас, жүктілік, алкоголизм, созылмалы бауыр жеткіліксіздігі, жеткіліксіз тамақтану, созылмалы мальабсорбция). Мұндай пациенттерге триметоприм мен сульфаметоксазол біріктірілімімен емдеуді 10 күннен асырмау ұсынылады. Мезгіл-мезгіл гематологиялық бақылау жасау келесі жағдайларда қажет: • емдеу курстары ұзағырақ немесе қайталанған кезде, • 65 жастан асқан пациенттерде, • фолий қышқылының тапшылығы бар пациенттерде. Триметоприм мен сульфаметоксазол біріктірілімін мегалобластты (макроцитарлық) анемия кезінде қолдану ұсынылмайды. Тримокс Форт препаратымен ұзақ емделуді қажет ететін пациенттерде қан көрсеткіштерін жүйелі түрде бақылап отыру керек. Қанның формалық элементтері санының айтарлықтай төмендеуі анықталған жағдайда препаратты қолдануды тоқтату қажет. Тримокс Форт препаратын пациент үшін пайдасы ұрыққа төнетін қауіптен айқын басым болатын жағдайларды қоспағанда, жүктілік кезеңінде немесе жүктілікті жоспарлап жүрген әйелдерге қолдану ұсынылмайды, өйткені триметоприм мен сульфаметоксазол плацентарлық бөгет арқылы өтеді, ұрықтағы фолий қышқылының алмасуына әсер етеді және, сәйкесінше, ұрық үшін әлеуетті қауіп төндіруі мүмкін; клиникалық зерттеулерде өздігінен болатын түсік тастау қаупінің жоғарылағаны атап өтілген. Жүктілікті жоспарлап жүрген бала туу жасындағы әйелдер Тримокс Форт препаратымен емдеуді бастамас бұрын жүктілікке тесттен өтуі және оның жоқ екенін анықтауы керек. Бүйрекке әсеріСульфаниламидтер, соның ішінде препараттың құрамына кіретін сульфаметоксазол, әсіресе жүрек жеткіліксіздігі аясында ісінуі бар пациенттерде диурезді күшейтуі мүмкін. Препараттың жоғары дозаларын қабылдап жүрген (мысалы, пневмоцистік пневмония кезінде), сондай-ақ препараттың стандартты дозаларын қабылдайтын, бірақ калий алмасуының бұзылулары, бүйрек жеткіліксіздігі бар немесе гиперкалиемия тудыратын дәрілік заттарды қабылдап жүрген пациенттерге қан сарысуындағы калий деңгейін және бүйрек функциясын мұқият мониторингілеу қажет. Тримокс Форт препаратымен емделу кезеңінде кристаллурияның алдын алу үшін пациент сұйықтықтың жеткілікті мөлшерін алуы тиіс. Пациенттердің ерекше топтары Егде жастағы адамдарда, бүйрек және/немесе бауыр функциясының бұзылуы сияқты қосымша асқынулары бар пациенттерде, сондай-ақ басқа дәрілік препараттарды бір мезгілде қабылдаған жағдайда, емдеу дозасы мен ұзақтығына байланысты күрделі жағымсыз құбылыстардың даму қаупі артады. Бүйрек функциясы бұзылған пациенттерде препараттың дозасын "Қолдану жөніндегі ұсынымдар" бөлімінде көрсетілген ұсыныстарға сәйкес түзету керек. Триметоприм мен сульфаметоксазолдың біріктірілімін қабылдайтын бүйрек функциясының ауыр бұзылулары бар пациенттер (креатинин клиренсі 15-30 мл/мин) жүрек айнуы, құсу және гиперкалиемияны қоса, уытты реакциялардың даму қаупіне байланысты мұқият бақылауда болуы тиіс. Ауыр гематологиялық аурулары бар пациенттерде препаратты тек ерекше жағдайларда қолдану керек. Жекелеген жағдайларда препарат цитостатикалық ем қабылдаған лейкемиясы бар пациенттерде қолданылды; бұл ретте сүйек кемігі функциясының қосымша бәсеңдеуі немесе шеткері қан көрсеткіштерінің өзгеруі байқалмады. Глюкоза-6-фосфатдегидрогеназа тапшылығы бар пациенттерде, сондай-ақ кейбір гемоглобинопатияларда (мысалы, Hb Cologne және Hb Zurich) сульфгемоглобинемия немесе метгемоглобинемия салдарынан цианоз дамуы мүмкін. Глюкоза-6-фосфатдегидрогеназа тапшылығы бар бейім пациенттерде қолданылатын дозаға қарамастан гемолиз дамуы мүмкін. Жағымсыз реакциялардың даму қаупін азайту үшін, әсіресе егде жастағы пациенттерде емдеу ұзақтығы мүмкіндігінше қысқа болуы тиіс. Емдеу кезінде немесе одан кейін пайда болатын ауыр және тұрақты диарея жедел емдеуді қажет ететін жалған жарғақшалық колиттің дамуын растауы мүмкін. Мұндай жағдайларда препаратты тоқтатып, тиісті диагностикалық және емдік шараларды (мысалы, ванкомицинді пероральді тағайындау, күніне төрт рет 250 мг) бастау керек. Ішектің перистальтикасын бәсеңдететін препараттарды қолдануға болмайды. Ұзақ уақыт қолданғанда несеп талдауының көрсеткіштері мен бүйрек функциясын, әсіресе бүйрек функциясы бұзылған пациенттерде үнемі бақылау қажет. Басқа бактерияға қарсы препараттар сияқты, триметоприм мен сульфаметоксазолдың біріктірілімі пероральді контрацептивтердің тиімділігін төмендетуі мүмкін. Тримокс Форт емі кезеңінде пациент әйелдерге контрацепцияның қосымша әдістерін пайдалануды ұсыну керек. Препаратты ұзақ уақыт қолдану сезімтал емес микроорганизмдер мен зеңдердің шамадан тыс өсуіне әкелуі мүмкін. Асқын инфекция дамыған жағдайда дереу тиісті емдеуді бастау керек. Препаратты порфириясы немесе қалқанша безі функциясының бұзылуы бар пациенттерде қолданған кезде сақ болу керек. Егде жастағы пациенттерде және бүйрек жеткіліксіздігі бар пациенттерде фолий қышқылының тапшылығын көрсететін гематологиялық өзгерістер дамуы мүмкін. Бұл өзгерістер фолий қышқылын тағайындау кезінде қайтымды болады. Фолий қышқылы тапшылығының қосымша қауіп факторлары бар пациенттерге, фенитоинді немесе фолий қышқылының басқа антагонистерін бір мезгілде қолдануды қоса, сондай-ақ жеткіліксіз тамақтану кезінде препаратты қолданғанда сақ болу керек. Препаратты фенитоинмен бірге қолдану ұсынылмайды. Триметоприм мен метотрексат біріктірілімін қабылдаған пациенттерде панцитопения жағдайлары туралы хабарланды. Препаратты метотрексатпен бірге қолдану ұсынылмайды. «Баяу ацетиляторлар» фенотипі бар пациенттерде сульфаниламидтерге идиосинкразиялық реакциялардың даму қаупі жоғары болуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Тримокс Форт препараты көлік құралдарын басқару және механизмдермен жұмыс істеу қабілетіне әсер етпейді. Алайда, препаратты қолданған кезде жағымсыз реакциялардың дамуы мүмкін, бұл зейін қою қабілетін және психомоторлық реакциялардың жылдамдығын нашарлатуы мүмкін. Мұндай реакциялар пайда болған жағдайда пациенттер көлік құралдарын басқару және қауіптілігі зор механизмдермен жұмыс істеу кезінде сақ болу керек.

Бала туатын жастағы әйелдер/контрацепция Жүктілікті жоспарлайтын бала тууға қабілетті жастағы әйелдер жүктілікке тест жасауы және ем басталғанға дейін жүктіліктің бар-жоғын анықтауы керек. Тримокс Форт препаратын қолданған кезде бала тууға қабілетті жастағы әйелдер контрацепцияның тиімді әдістерін пайдалануы керек. Жүктілік Препаратты ана үшін күтілетін пайда шарана үшін потенциалды қауіптен жоғары болатын жағдайларды қоспағанда, жүктілік кезінде, сондай-ақ жүктілікті жоспарлайтын әйелдерде қолдану ұсынылмайды. Триметоприм мен сульфаметоксазол плаценталық бөгет арқылы өтеді және шаранада фолий қышқылының метаболизміне әсер етуі мүмкін, сондықтан шарана үшін потенциалды қауіп төндіруі мүмкін, ал клиникалық зерттеулерде өздігінен түсік түсіру қаупінің жоғарылауы байқалды. Туа біткен глюкоза-6-фосфатдегидрогеназа тапшылығы бар жаңа туған нәрестелерде гемолиз дамуы мүмкін. Жүктіліктің бірінші триместрі Триметопримді жалғыз немесе жүктіліктің бірінші триместрінде сульфаметоксазолмен біріктірілімде қабылдаған әйелдерде екі ірі бақылау зерттеулерінде бактерияға қарсы емді қабылдамаған немесе пенициллин қабылдаған әйелдермен салыстырғанда өздігінен түсік түсіру қаупі 2-3,5 есе жоғары болды. Жүктіліктің ерте мерзімінде триметоприм/сульфаметоксазолды қолдану кезінде туа біткен ақаулар қаупінің жоғарылауын растайтын сенімді деректер алынған жоқ. Дегенмен, жануарларға жүргізілген зерттеулер триметоприм/сульфаметоксазолдың өте жоғары дозаларын қолдану фолий қышқылының антагонистеріне тән даму ақауларын тудыруы мүмкін екенін көрсетті. Жануарларға жүргізілген зерттеулер ко-тримоксазолдың өте жоғары дозалары фолий қышқылының антагонизміне тән ұрықтың даму ақауларын тудыратынын көрсетті. Алайда, екі зерттеу триметоприм мен сульфаметоксазолдың біріктірілімін қоса, фолий қышқылының антагонистерін тағайындағанда, әйелге соңғы етеккірден кейін үш ай ішінде жүйке түтігі мен жүректің спецификалық ақауларының даму мүмкіндігі бар екенін көрсетеді. Фолаттар тепе-теңдігінің бұзылуы себеп болады деп болжануда. Бұл деректер растауды қажет етеді және жүктілікті тоқтатуды ұсыну үшін жеткіліксіз. Егер триметоприм мен сульфаметоксазолдың біріктірілімі жүктіліктің басында қолданылса, емдеу кезінде фолий қышқылын қосымша қолдану ұсынылуы мүмкін; дегенмен, бұл ауытқулардың алдын алуда оның тиімділігі әлі анықталған жоқ. Тримокс Форттың баламалы емі жоқ жүкті әйелдер немесе жүктілікті жоспарлайтын әйелдерге Тримокс Фортпен қажетті емдеу кезінде күн сайын қосымша 5 мг фолий қышқылын қабылдау ұсынылады. Жүктіліктің үшінші триместрі Препаратты жүктіліктің соңғы триместрінде жаңа туған нәрестеде ядролық сарғаюдың даму қаупінің жоғарылауына байланысты қолдануға болмайды. Бала емізу Тримокс Форт препаратының әсер етуші заттары (триметоприм және сульфаметоксазол) емшек сүтіне енеді. Нәрестенің организміне түсетін мөлшер өте аз болғанымен, ана үшін пайда мен нәресте үшін қауіпті (ядролық сарғаю, аса жоғары сезімталдық) мұқият салыстыру керек. Қосымша заттар Бұл дәрілік препараттың құрамында бір таблеткада 1 ммольден (23 мг) кем натрий бар, яғни құрамында натрий жоқ дерлік.

Фармакокинетикалық өзара әрекеттесуі Триметоприм органикалық катионды тасымалдаушы 2 (OCT2) тежегіші және CYP2C8 изоферментінің әлсіз тежегіші болып табылады. Сульфаметоксазол CYP2C9 әлсіз тежегіші болып табылады. Триметоприм/сульфаметоксазолды бір мезгілде қолданғанда, әсіресе егде жастағы пациенттерде қан плазмасындағы дигоксин концентрациясының жоғарылауы мүмкін. Триметоприм/сульфаметоксазолдың біріктірілімі фенитоиннің жартылай шығарылу кезеңін ұзартуы және оның клиренсін төмендетуі мүмкін, бұл фенитоиннің уытты әсерінің күшеюіне әкелуі мүмкін. Ко-тримоксазолды стандартты дозаларда қолданған кезде фенитоиннің жартылай шығарылу кезеңінің 39% - ға ұлғаюы және оның клиренсінің 27% - ға төмендеуі байқалды. Тримокс Форт пен фенитоинді бір мезгілде қолдану ұсынылмайды. Егер бірге қолдану өте қажет болса, пациенттерді фенитоиннің уыттылық белгілерінің мәніне байқап, қан сарысуындағы фенитоин концентрациясын бақылау керек. Сульфонилмочевина туындыларын (мысалы, глибенкламид, гликлазид, глипизид, хлорпропамид, толбутамид), сондай-ақ репаглинид, розиглитазон немесе пиоглитазон қабылдайтын пациенттерде гипогликемияның дамуына тұрақты мониторинг жүргізу керек. Сульфаметоксазолды қоса, сульфаниламидтер метотрексатты қан плазмасы ақуыздарымен байланыстан ығыстырып, оның бүйрек тасымалын бұзуы мүмкін, осылайша бос метотрексат концентрациясын арттырады және оның әсері мен гематологиялық жағымсыз әсерлерін күшейтеді. Тримокс Форт пен метотрексатты бірге қолдану ұсынылмайды. Тримокс Форт пероральді гипогликемиялық препараттардың қажетті дозасына әсер етуі мүмкін. Басқа бактерияға қарсы препараттар сияқты, Тримокс Форт пероральді контрацептивтердің тиімділігін төмендетуі мүмкін. Емдеу кезеңінде пациент әйелдерге контрацепцияның қосымша әдістерін пайдалануды ұсыну керек. Бақыланатын өзара әрекеттесулер Егде жастағы пациенттерде кейбір, негізінен тиазидті диуретиктерді бір мезгілде қолданғанда пурпурамен тромбоцитопенияның даму жиілігінің жоғарылауы байқалды. Тромбоциттер санын үнемі бақылау ұсынылады. Тримокс Фортпен бір мезгілде қолданғанда, мысалы, кумариндер (варфарин, аценокумарол, фенпрокумон), фенитоин және сульфонилмочевина туындыларын қоса (глибенкламид, гликлазид, глипизид, хлорпропамид және толбутамид), негізінен CYP2C9 қатысуымен метаболизденетін препараттардың жүйелік экспозициясының жоғарылауы мүмкін. Кумариндік антикоагулянттарды қабылдайтын пациенттерде қанның ұю көрсеткіштерін бақылау керек. Бүйрек трансплантациясынан кейін триметоприм/сульфаметоксазол және циклоспорин қабылдаған пациенттерде бүйрек функциясының қайтымды бұзылуы байқалды. Триметоприм мен метотрексат біріктірілімін қабылдаған пациенттерде панцитопения жағдайлары туралы хабарланды. Триметоприм адамның дигидрофолат- редуктазасына төмен аффинділікке ие; дегенмен, ол, әсіресе егде жас, гипоальбуминемия, бүйрек функциясының бұзылуы және сүйек кемігінің резервінің төмендеуі сияқты қауіп факторлары болған кезде және метотрексаттың жоғары дозаларын қабылдайтын пациенттерде метотрексаттың жағымсыз әсерлерін күшейтуі мүмкін. Қауіп тобындағы пациенттерге метотрексаттың қан түзуге (құтқару емі) әсеріне қарсы тұру үшін фолий қышқылы немесе кальций фолинаты тағайындалуы керек. Құрамында пириметамин бар препараттарды қабылдайтын пациенттерде безгектің профилактикасы үшін аптасына 25 мг-ден астам пириметамин дозасында триметоприм/сульфаметоксазолды бір мезгілде қолданғанда мегалобластты анемия дамуы мүмкін екендігі хабарланды. Триметоприм/сульфаметоксазолдың калий жинақтаушы әсеріне байланысты, қан сарысуындағы калий деңгейін арттыруға қабілетті басқа заттармен, мысалы, ангиотензин өзгертуші фермент тежегіштерімен, ангиотензин рецепторларының блокаторларымен, калий жинақтаушы диуретиктермен және преднизолонмен бір мезгілде қолданған кезде сақ болу керек. Қан сарысуындағы калий концентрациясын, әсіресе бүйрек функциясы бұзылған, калий алмасуы бұзылған немесе триметоприм /сульфаметоксазолдың жоғары дозаларын қолданған кезде үнемі бақылау ұсынылады. Триметоприм/сульфаметоксазолды бір мезгілде қолданғанда дофетилид, амантадин, мемантин және ламивудинді қоса, ОСТ2 тасымалдайтын препараттардың жүйелік экспозициясының ұлғаюы мүмкін. Триметоприм/сульфаметоксазол мен дофетилидті бір мезгілде қолдануға болмайды. Триметоприм дофетилидтің бүйрек экскрециясын тежейтіні белгілі. 160 мг триметопримді күніне екі рет 800 мг сульфаметоксазолмен және 4 күн ішінде күніне екі рет 500 мкг дофетилидпен біріктіріп қолдану дофетилидтің «концентрация-уақыт» (AUC) қисығының астындағы ауданның 103% - ға және плазмадағы ең жоғары концентрацияның (Cmax) 93% - ға артуына әкелді. Дофетилид QT аралығының ұзаруын және плазмадағы дофетилид концентрациясына тікелей тәуелді torsades de pointes қоса, ауыр қарыншалық аритмияны тудыруы мүмкін. Амантадинмен немесе мемантинмен бір мезгілде қолданғанда делирий мен миоклонусты қоса, неврологиялық жағымсыз реакциялардың қаупі артуы мүмкін. Триметоприм/сульфаметоксазол мен амантадинді бірге қолданғанда уытты делирий жағдайлары туралы хабарланды. Триметоприм/сульфаметоксазолмен бір мезгілде қолданғанда паклитаксел, амиодарон, дапсон, репаглинид, розиглитазон және пиоглитазонды қоса, негізінен CYP2C8 арқылы метаболизденетін препараттардың жүйелік экспозициясының артуы мүмкін. Паклитаксел мен амиодаронның тар емдік диапазоны бар, сондықтан оларды триметоприм/сульфаметоксазолмен бір мезгілде қолдану ұсынылмайды. Дапсон да, триметоприм/сульфаметоксазол да метгемоглобинурияны тудыруы мүмкін. Дапсонды триметоприм/сульфаметоксазолмен біріктірілімде қабылдайтын пациенттер метгемоглобинурия мәніне бақылауда болуы тиіс. Мүмкіндігінше баламалы емдеу әдістерін қарастырған жөн. Фармакодинамикалық өзара әрекеттесуі Триметоприм/сульфаметоксазолды миелосупрессиялық әсері бар немесе бүйрек функциясын бұзуға қабілетті препараттармен (нуклеозидті аналогтарды, такролимусты, азатиопринді және меркаптопуринді қоса) бір мезгілде қолданғанда гематологиялық және нефроуытты реакциялардың жиілігі мен ауырлығының артуы мүмкін. Гематологиялық көрсеткіштерді және бүйрек функциясын бақылау ұсынылады. Азатиоприн немесе меркаптопурин қабылдаған пациенттерде ко-тримоксазолға баламалы ем мүмкіндігі қарастырылуы керек. Агранулоцитоздың даму қаупі жоғары болғандықтан триметоприм/сульфаметоксазол мен клозапинді бір мезгілде қолданудан аулақ болу керек. Арнаулы сақтандырулар Педиатрияда қолдану 12 жасқа дейінгі балалар үшін препаратты суспензия ретіндегі дәрілік түрде қолдану ұсынылады.

Сақтау мерзімі 5 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!