Триттико® таблетки 150 мг

Бір таблетканың құрамында белсенді зат - тразодон гидрохлориді 150 мг, 136,6 мг тразодонға сай келеді; қосымша заттар: сахароза, карнауб балауызы, повидон, магний стеараты. Сыртқы түрінің, иісінің, дәмінің сипаттамасы Екі жақ бетінде қатарласқан екі сызығы бар сопақша пішінді, ақ түстен сарғыш реңді ақ түске дейінгі таблеткалар.

Триттико® ересек пациенттерде үреймен қатар жүретін немесе жүрмейтін депрессиялық бұзылыстарды емдеу үшін қолдануға арналған.

Әсер ету механизмі / Фармакодинамикалық әсерлер Тразодон – триазолпиридин туындысы, депрессиялық жағдайларды, оның ішінде мазасыздықпен және ұйқының бұзылуымен байланысты депрессияны емдеуге арналған тиімді дәрі, жылдам басталатын әсерімен (шамамен 1 апта) ерекшеленеді. Тразодон серотониннің қайта қабылдау тежегіші және 5-HT2 рецепторларының антагонисті болып табылады, олардың белсенділігі әдетте ұйқысыздық, мазасыздық, психомоторлық қозу және жыныстық функцияның өзгеруімен байланысты. Басқа психотропты дәрілік заттардан айырмашылығы тразодон глаукома және несеп шығару жүйесі тарапынан болатын бұзылыстар кезінде қолдануға болады, ол экстрапирамидті әсерлер туындатпайды және адренергиялық берілісті күшейтпейді. Тразодон антихолинергиялық әсер етпейді, сондықтан ол жүрек функциясына трициклдық антидепрессанттарға тән ықпалды көрсетпейді.

Дозалау режимі Тәуліктік доза 75 – 150 мг құрайды, кешке ұйықтар алдында қабылданады. Дозаны тәулігіне екі рет қабылдаумен тәулігіне 300 мг дейін арттыруға болады. Ауруханадағы пациенттер үшін дозаны тағы тәулігіне 600 мг дейін ұлғайтуға болады, көп реттік дозалар түрінде қабылданады. Пациенттердің ерекше топтары Балалар Балалар мен 18 жасқа дейінгі жасөспірімдерге тразодонды қауіпсіздігі бойынша деректердің болмауына байланысты қабылдауға болмайды. Егде жастағы пациенттер Егде жастағы адамдар үшін және денсаулығы нашар пациенттерге ұсынылған бастапқы доза тәулігіне 100 мг құрайды, бөлінген дозалар түрінде немесе ұйықтар алдында бір рет қабылданады. Дозаны препараттың жағымдылығы мен тиімділігін ескере отырып біртіндеп ұлғайтуға болады. Пациенттердің осы тобы 100 мг асатын бір реттік дозаларды қабылдамауы тиіс. Тәулігіне 300 мг артық дозаларды пайдалану қажеттілігі сирек туындады. Бауыр жеткіліксіздігі бар пациенттер Тразодон қарқынды бауыр метаболизміне ұшырайды, препаратты қабылдау гепатоуыттылықпен астасуы мүмкін. Препаратты бауыр жеткіліксіздігі бар пациенттерге, әсіресе ауыр дәрежедегі бауыр жеткіліксіздігі болғанда сақтықпен тағайындау керек. Бауыр функциясына мерзімді мониторинг жүргізіп отыру қажет. Бүйрек жеткіліксіздігі бар пациенттер Әдетте дозаны түзету талап етілмейді, алайда ауыр бүйрек жеткіліксіздігі бар пациенттерге абайлап тағайындау керек. Енгізу әдісі мен жолы Пациенттің ауру ауырлығына, дене салмағына, жасына және денсаулығының жалпы күйіне байланысты дозаны біртіндеп арттыру үшін сызығы бар таблеткаларды үшке бөлуге болады. Қабылдау уақытын көрсете отырып қолдану жиілігі Емдеуді кейіннен тәуліктік дозаны көбейте отырып, препаратты кешкі қабылдаудан бастау керек. Препаратты аш қарынға немесе тамақтан кейін қабылдауға болады. Емдеу ұзақтығы Препаратпен емдеу курсының ұзақтығын емдеуші дәрігер анықтайды. Дәрілік препараттың бір немесе бірнеше дозасын өткізіп алған жағдайда қажетті шаралар Өткізіп алған дозаны өтеу үшін қосарлы дозаны қабылдамаңыз. Тоқтату симптомы қаупінің болуын көрсету Тразодонмен емдеу курсын аяқтаған кезде, әсіресе бұл курс ұзақ болса, жүрек айнуын, бас ауыруын және жалпы дімкәстікті қамтитын препаратты тоқтату симптомдарының туындау ықтималдығын барынша азайту үшін препаратты толық тоқтатқанға дейін дозаны біртіндеп азайту ұсынылады. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Осы препаратты қолдану бойынша қандай да бір қосымша сұрақтар туындаған жағдайда өзіңіздің емдеуші дәрігеріңізбен кеңесіңіз.

- тразодонға немесе қосымша заттардың кез келгеніне аса жоғары сезімталдық; - алкогольмен уыттану және ұйықтататын препараттармен уыттану; - жедел миокард инфарктісі; - 18 жасқа дейінгі балалар мен жасөспірімдер.

Барлық дәрілік препараттар сияқты Триттико® препараты жағымсыз реакцияларды тудыруы мүмкін, бірақ олар барлығында бола бермейді. Келесі симптомдар пайда болған жағдайда препаратты қабылдауды тоқтатып, дереу медициналық көмекке жүгіну қажет: - сарғаю (терінің және көздің ағының сарғаюы); - маниакальды мінез-құлықпен қатар жүретін депрессиялық жағдайдың нашарлауы (мезі қылатын мінез-құлық және/немесе идеялар); - приапизм (қалыптан тыс және ұзаққа созылған эрекция). Келесі симптомдар пайда болған жағдайда, дереу медициналық көмекке жүгіну керек: - суицидтік ойлау немесе суицидтік мінез-құлық немесе мінез-құлықтың басқа өзгерістері. Бұл жағымсыз құбылыстар тразодонмен емдеу кезінде немесе ем аяқталғаннан кейінгі ерте кезеңде пайда болуы мүмкін. Тразодон қабылдайтын пациенттерде, пайда болу жиілігі белгісіз (қолда бар деректер негізінде бағалау мүмкін емес) мынадай симпомдар тіркелді: • агранулоцитоз/лейкопения (қанның ақ жасушалары санының азаюы), эозинофилия (қанның ақ жасушалары санының көбеюі), тромбоцитопения (қандағы тромбоциттер санының азаюы), анемия (гемоглобиннің төмендеуі, қандағы оттегінің тасымалдануына жауап беретін ақуыз); • аллергиялық реакциялар; • антидиурездік гормонның талапқа сай емес секреция синдромы (AДГ ТСС) (қандағы натрий деңгейінің төмендеуімен сипатталатын жағдай); • гипонатриемия; • салмақ жоғалту, анорексия, тәбеттің жоғарылауы; • сананың шатасуы, ұйқысыздық, бағдардан адасу, мазасыздану, күйгелектік, қозу (өте жиі сандырақ ұстамасына дейін асқынатын), делирий, өшпенділік реакциясы, елестеулер, түнгі қорқынышты түстер, жыныстық құмартудың төмендеуі, тоқтату синдромы (тоқтатудың алғашқы кезеңдерінде жүрек айну, құсу, бас ауыруы, әлсіздік сияқты симптомдар пайда болады); • серотониндік синдром (серотонин әсерінің шамадан тыс жоғарылауымен сипатталатын жағдай, бұл бас ауыруы, мазасыздану, сананың шатасуы, елестеулер және кома сияқты бірқатар симптомдарды тудырады), құрысулар, қатерлі нейролептикалық синдром (жүйке жүйесінің ауыр зақымдануы), бас айналу, вертиго, бас ауыруы, ұйқышылдық, мазасыздану, қырағылықтың төмендеуі, тремор, көру қабілетінің бұзылуы, есте сақтау қабілетінің бұзылуы, миоклонустық (бұлшықеттік) құрысулар, айқын афазия (сөйлеу қабілетінің бұзылуы), парестезия (сезімталдықтың бұзылуы), дистония (бұлшықет тонусының бұзылуы), дәм сезінудің өзгеруі; • жүрек аритмиясы ( жүрек ырғағының бұзылуы), брадикардия ( жүрек соғу жиілігінің төмендеуі), тахикардия (жүрек соғу жиілігінің жоғарылауы), электрокардиограммадағы өзгерістер; • гипотензия (төмен артериялық қысым), ортостаздық гипотензияны қоса алғанда (тік тұрған кезде артериялық қысымның күрт төмендеуі), естен тану; • артериялық гипертензия (жоғары артериялық қысым); • мұрынның бітелуі, ентігу; • жүрек айнуы, құсу, ауыздың құрғауы, іш қату, диарея, ас қорыту бұзылыстары, іштің ауыруы, гастроэнтерит (асқазан мен он екі елі ішектің қабынуы), сілекейдің қатты бөлінуі, салданған ішектің бітелуі; • бауыр функциясының бұзылуы (бауыр жасушаларының зақымдануын және холестазды қоса алғанда)); • тері бөртпесі, қышыну, гипергидроз (қатты терлеу); • аяқтың ауыруы, арқадағы ауырсыну, миалгия (бұлшықеттің ауыруы), артралгия (буындардағы ауырсыну); • несеп шығарудың бұзылуы, мысалы, несеп ұстамау немесе несеп іркілісі (несеп шығара алмау); • несеп шығарудың бұзылуы; • әлсіздік, ісіну (сұйықтықтың жиналуына байланысты ісіну), тұмауға ұқсас симптомдар, шаршау, кеудедегі ауырсыну, қалтырау; • бауыр ферменттерінің жоғары деңгейі (бауырда болатын заттардың және бауырдың зақымдануын көрсететін мөлшері көбейгенде). Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет. Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ұсынылғаннан асатын дозаларда келесі симптомдар пайда болуы мүмкін: - ұйқышылдық; - бас айналуы; - жүрек айнуы; - құсу. Күрделі жағдайларда келесі симптомдар пайда болуы мүмкін: - кома; - тахикардия (жүрек соғу жиілігінің жоғарылауы); - артериялық гипотензия (төмен артериялық қысым); - гипонатриемия (жалпы дімкәстікті туындататын қандағы натрий деңгейінің төменденуі); - құрысулар; - тыныс жеткіліксіздігі. - жүрек тарапынан бұзылулар, соның ішінде брадикардия (жүрек соғу жиілігінің төмендеуі), аритмия (жүрек ырғағының бұзылуы). Симптомдар артық дозаланғаннан кейін 24 сағат ішінде немесе одан кейін пайда болуы мүмкін. Триттико® препаратының жоғары дозасын абайсыз қабылдаған жағдайда бұл туралы дереу өзіңіздің дәрігеріңізге хабарлаңыз немесе жақын жердегі ауруханаға жүгініңіз.

Триттико® препаратын қолданар алдында емдеуші дәрігермен кеңесіңіз. Егер Сізде емдеу кезінде келесі симптомдардың кез-келгенін пайда болса, осы туралы емдеуші дәрігеріңізге хабарлаңыз: • егер Сіз немесе күтім жасайтын адам депрессиялық жағдайдың немесе әдеттегі мінез-құлықтың өзгеруін немесе нашарлауын немесе өзіне-өзі қол жұмсау туралы ойлаулардың жиі болғанын байқасаңыз. Бұл жағдайда дереу дәрігеріңізге хабарлаңыз; • егер Сізде эпилепсия болса, бұл жағдайда дәрігерге дозаны күрт арттыруға немесе төмендетуге болмайды; • егер Сізде бауыр функциясының бұзылуы болса, әсіресе ауыр дәрежеде (бауыр жеткіліксіздігі); • егер Сізде бүйрек функциясының бұзылуы болса, әсіресе ауыр дәрежеде (бүйрек жеткіліксіздігі); • егер Сізде стенокардия («жүрек қыспасы»), жүрек өткізгіштігінің бұзылуы немесе әртүрлі дәрежедегі АВ-блокада немесе жақында болған миокард инфарктісі сияқты жүрек аурулары болса; • егер Сізде гипертиреоз болса (қалқанша безінің бұзылуы); • егер Сізде несеп шығаруда қиындықтар туындаса, мысалы, қуықасты безінің гипертрофиясында (қуықасты безінің көлемнің жоғарылауы); • егер Сізде жедел жабық бұрышты глаукома болса (көзішілік қысымның жоғарылауы); • егер Сізде шизофрения немесе басқа психикалық бұзылулар болса, өйткені Триттико® қабылдау осы жағдайлардың нашарлауына әкелуі мүмкін. Мысалы, параноидты ойлардың пайда болуы мүмкін (шындыққа сәйкес келмейтін нанымдар); • егер Сізде қалтырау және тамақтың қабынуы болса. Бұл жағдайда дәрігер қан талдауын тағайындай алады, өйткені бұл симптомдар қан ауруын (агранулоцитоз) көрсетуі мүмкін; • егер Сіз өзіңізді нашар сезінсеңіз немесе әлсіздік сезінсеңіз (атап айтқанда, төсектен немесе отыру орнынан тұрғанда), өйткені бұл қан қысымының төмендеуінің белгісі болуы мүмкін; • егер Сіз ер адам болсаңыз және Сізде эрекция ұзақ әрі ауырсынып болса. Бұл жағдайда препараттың қабылдауды дереу тоқтату керек. Арнайы ескертулер Егде жастағы адамдар Егер Сіз пациенттердің осы тобына жататын болсаңыз, препаратты абайлап қабылдаңыз, өйткені Сіз жағымсыз реакцияларға, мысалы, тік күйде болғанда (ортостаздық гипотензия) кезде артериялық қысымның төмендеуіне немесе ұйқышылдыққа аса сезімталсыз. Егер Сіз немесе күтім жасаушы адам жағымсыз әсерлердің пайда болуын байқаған болса, емдеуші дәрігерге пациенттің жағдайын, әсіресе емнің басында, сондай-ақ дозаның ұлғаюына дейін және ұлғайту кезінде мұқият қадағалайтынын хабарлаңыз. Егер Сізде анамнезде қандай да бір ауру болса немесе басқа дәрілік препараттарды қабылдасаңыз, осы туралы емдеуші дәрігерге хабарлаңыз. Педиатрияда қолдану 18 жасқа дейінгі балалар мен жасөспірімдерге тразодонды қабылдауға болмайды. Несеп талдауына әсері Егер Триттико® препаратымен емдеу кезінде, Сіз несептегі есірткі заттарын бақылау үшін иммунотест тапсыруды жоспарласаңыз, амфетаминге жалған оң реакцияны алу ықтималдығы бар. Мұндай жағдайда Триттико® препаратын қабылдағаныңыз туралы дәрігерге хабарлаңыз және масс-спектрометрия әдісіне негізделген талдау жүргізуді сұраңыз. Қосымша ингредиенттер туралы маңызды ақпарат Триттико® құрамында сахароза бар. Егер Сізде кейбір қанттарға жақпаушылық болса, осы препаратты қабылдағанға дейін емдейтін дәрігерге қаралыңыз. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Тразодон көлік құралдары мен механизмдерді басқару қабілетіне әлсіз немесе орташа әсер етеді. Көлік құралдарын басқару және механизмдермен жұмыс жасау алдында ұйқышылдықтың, седативті әсердің, бас айналудың, сананың шатасуы немесе бұлыңғыр көрудің жоқтығына көз жеткізіңіз.

Егер Сіз жүкті болсаңыз немесе емшекпен емізетін болсаңыз, жүкті болдыңыз деп ойласаңыз немесе жүктілікті жоспарласаңыз, осы препаратты қолданар алдында емдеуші дәрігермен кеңесіңіз. Егер Сіз жүкті болсаңыз немесе бала емізетін болсаңыз, Триттико® препаратын аса қажет болған жағдайда және емдеуші дәрігеріңіздің бақылауымен ғана қабылдаңыз.

Емдеуші дәрігерге не қабылдағаныңыз, жақында қабылдағаныңыз немесе қандай да бір басқа препараттарды қабылдауын бастау мүмкін екеніңізді туралы айтыңыз. Келесі дәрілік препараттардың бірін қабылдайтыңызды дәрігеріңізге хабарлаңыз. Триттико® жағымсыз әсерлерін күшейтетін препараттар • Бауыр функциясын бұзатын дәрілік препараттар: • эритромицин (антибиотик); • кетоконазол, итраконазол (зеңге қарсы препараттар); • ритонавир, индинавир (АИТВ-инфекциясын емдеуге арналған препараттар); • нефазодон (депрессияның әртүрлі түрлерін емдеуге арналған препарат). Осы препараттарды Триттико® препаратымен бірге қолданудан сақ болыңыз. Қажет болған жағдайда дәрігер Триттико® дозасын азайтуы мүмкін. • трициклді антидепрессанттар (депрессияны емдеуге арналған препараттар). Триттико®препаратымен бірге қолданудан сақ болыңыз; • флуоксетин (мазасыздық пен депрессияны емдеуге арналған препарат); • бупренорфин/апиындар (апиындық тәуелділікте немесе қатты ауырсынуларда пайдаланатын препараттар); • нейролептиктер (психикалық бұзылулар мен шизофренияны емдеуге арналған препараттар); • хлорпромазин, флуфеназин, левомепромазин, перфеназин сияқты фенотиазиндер (психикалық бұзылулар мен шизофренияны емдеуге арналған препараттар); • QT аралығын ұзартатын препараттар (электрокардиограммадағы өзгерістерге әкеледі); • құрамында шайқұрай бар препараттар (Hypericum perforatum) (антидепрессант ретінде қолданылатын өсімдік). Триттико®әсерін әлсірететін препараттар • пероральды контрацептивтер (жүктіліктің алдын алу үшін); • фенитоин (эпилепсияны емдеу үшін); • карбамазепин (эпилепсияны емдеу үшін). Пациенттер тразодон дозасын арттыру қажеттілігіне үнемі бақылануы тиіс; • барбитураттар (седативті, анальгетикалық, эпилепсияға қарсы және ұйықтайтын препарат). Триттико®әсерін күшейтетін препараттар • циметидин (асқазанның ойық жарасын емдеуге арналған); Триттико® - мен өзара әрекеттесетін басқа препараттар • антипсихотиктер (психикалық бұзылуларды емдеуге арналған дәрі-дәрмектер), ұйықтайтын дәрілер, тыныштандыратын (транквилизаторлар), ансиолитиктер (мазасыздықты жоюға арналған препараттар) және антигистаминді препараттар (аллергияны емдеуге арналған), өйткені олардың әсері артуы мүмкін. Триттико® препаратымен бірге қолданғанда дәрігер осы препараттардың дозасын төмендетуі мүмкін; • моноаминоксидаза (МАО) тежегіштері (мазасыздық пен депрессияны емдеуге арналған препараттар). Тразодонды МАО тежегіштерімен бір мезгілде немесе оларды тоқтатқаннан кейін 2 апта ішінде қолдану ұсынылмайды. Сондай-ақ тразодонды қолдануды тоқтатқаннан кейін 1 апта ішінде МАО тежегіштерімен емді бастау ұсынылмайды; • анестетиктер/миорелаксанттар (қаңқа бұлшықетінің тонусын төмендететін препараттар). Егер Сізге ұшпа анестетиктерді/миорелаксанттарды қолдану арқылы операция жасау қажет болса, Триттико® препаратын қабылдайтыныңызды дәрігерге хабарлаңыз. Триттико® осы препараттардың әсерін күшейте алады; • леводопа (Паркинсон ауруын емдеуге арналған препарат), өйткені леводопаның әсері төмендеуі мүмкін; • клонидин (артериялық қысымды төмендететін дәрі), өйткені тразодон клонидиннің әсерін әлсіретуі мүмкін; • антикоагулянттар және / немесе антиагреганттар (қан ұюын төмендететін препараттар): қан кету қаупімен қан ұюының өзгеруі мүмкін; • гипертензияға қарсы препараттар (артериялық гипертензияны емдеуге арналған препараттар), өйткені дәрігер олардың дозасын төмендетуі мүмкін; • дигоксин (жүрек ырғағының бұзылуы үшін қолданылатын препарат). Алкоголь Тразодон алкогольдің седативті әсерін күшейтеді. Тразодонмен емдеу кезеңінде алкогольді тұтынудан аулақ болу керек.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!