Трифтазин-Здоровье таблетки 5 мг

1 таблетканың құрамында: белсенді зат – 5 мг трифлуоперазин; қосымша заттар: лактоза моногидраты, жүгері крахмалы, микрокристалды целлюлоза, повидон, сусыз коллоидты кремнийдің қостотығы, натрий кроскармелозасы, стеарин қышқылы; қабықтың құрамы: гипромелоза, титанның қостотығы (Е 171), индигокармин (Е 132). Сыртқы түрінің, иісінің, дәмінің сипаттамасы Ақшыл көктен көк түске дейінгі қабықпен қапталған таблеткалар. Көлденең кесіндісінде 2 қабаты көрінеді.

• Шизофрения кезінде және депрессиялық психоздар емес әсіресе параноидальді типті, басқа психоздар кезінде симптомдарды емдеу және қайталану профилактикасында. Препарат ауыр психомоторлық қозуды және қауіпті импульсивті мінез-құлықты, мысалы, ақыл-ой кемістігін қысқа мерзімді емдеу кезінде қосымша дәрі ретінде пайдаланылуы мүмкін.

Трифлуоперазин нейролептиктер тобына жатады және психозға қарсы белсенді дәрілердің бірі болып табылады. Орталық жүйке жүйесінде (ОЖЖ) дофаминдік рецепторларды бөгейді, өнімді психоздық симптоматиканың айқындылығын (елестеулер, сандырақтау) төмендетеді. Препараттың психозға қарсы әсері белгілі стимуляциялаушы әсермен бірігеді. Серотонинге қарсы, гипотермиялық және гибернациялайтын әсер береді, гиперпролактинемияны туындатады. Адренолитикалық және әлсіз антихолинергиялық және тыныштандыратын әсерлері бар. Құсуға қарсы және каталептикалық әсер береді. Қимылсыздықты және жалпы әлсіздікті тудырмайды.

Дозалау режимі Емнің басталуы қатаң қадағалаумен жүргізілуі тиіс. Препаратпен емдеу ауру барысына байланысты әр адамға қатаң түрде жекелей қарастырылуы тиіс. Бастапқы бір реттік доза тәулігіне 2 рет 5 мг трифлуоперазинді құрайды, бір аптадан кейін бұл дозаны тәулігіне 15 мг-ға дейін арттыруға болады. Қажет болса, одан әрі 3 күн аралықпен 5 мг-ға ұлғайтуға болады, бірақ тәулігіне 30 мг ең жоғарғы дозадан аспайды. Қанағаттанарлық әсерге қол жеткізгеннен кейін дозаны тиімді демеуші дозаға қол жеткізілгенге дейін біртіндеп төмендету керек. Егде жастағы адамдар үшін бастапқы дозасы ұсынылған дозаның ¼ немесе ½ құрайды, мұндай пациенттерге дозаны арттыруды баяу жүргізген жөн. Ұзақ мерзімді тағайындау қажет етілетін шизофрения сияқты жағдайларды қоспағанда, трифлуоперазинді әрдайым мүмкін болатын ең аз уақыт ішінде, ең аз тиімді дозада қолдану керек. Енгізу әдісі мен жолы Ересектерге тамақ ішкеннен кейін ішке қабылдауға тағайындайды. Дәрілік препараттың қолдану тәсілін түсіндіру үшін медицина қызметкерінен кеңес алу үшін ұсыныстар Егер препаратты қолдану туралы сұрақтар туындаса емдеуші дәрігерге хабарласыңыз.

• әсер етуші затқа немесе қосымша заттардың кез келгеніне аса жоғары сезімталдық • бауырдың жедел және созылмалы қабыну аурулары • өткізгіштігі бұзылған және декомпенсация сатысындағы жүрек аурулары • айқын артериялық гипотензия • стенокардия • ОЖЖ депрессиясы • бүйректің ауыр сипатты аурулары • бүйректің және бауырдың функционалдық жеткіліксіздігі • сүйек кеміктік қан түзілуінің тежелуі • сүт безінің пролактинге тәуелді ісіктері, сүт безі обыры • қуықасты безінің гиперплазиясы • кез келген этиологиялық коматозды жағдай • мидың және жұлынның үдемелі жүйелік аурулары • жабық бұрышты глаукома • өршу кезеңіндегі асқазан мен он екі елі ішектің ойық жара ауруы • эпилепсия, Паркинсон ауруы • Рейе синдромы • микседема • тыныс алудың орталық реттеу механизмінің бұзылуы • феохромоцитома • кахексия • патологиялық қан өзгерістері, қан түзілудің бұзылуы • тұқым қуалайтын фруктоза жақпаушылығы, Lapp-лактаза ферменті тапшылығы, глюкоза-галактоза мальабсорбциясы бар адамдарға • жүктілік және лактация кезеңі • балалар және 18 жасқа дейінгі жасөспірімдер • 60 жастан асқандар

Жиі Орталық және шеткері жүйке жүйесі тарапынан: ұйқышылдық, экстрапирамидалық бұзылыстар (дискинезиялар (мойынның қисаюы, бет гиперкинезиясы, тризм, тіл протрузиясы және окулогирлік кризді қоса, көздің аномальді қозғалыстарымен қатар жүруі мүмкін жедел дистония немесе дискинезияны қоса)), акинето-сіреспелік құбылыстар, акатизия, гиперкинездер, тремор, вегетативтік бұзылулар, инсомния, бас айналу, бұлшықеттердің сіресуі, бұлшықеттердің әлсіздігі), бас ауыру, өтпелі мазасыздық, қобалжу, шаршау, қабылдау түйсігінің кемуі, жылуды реттеудің бұзылуы, ұйқысыздық Сезім мүшелері тарапынан: көрудің нашарлауы, ретинопатия, көру қабілетінің бұзылуы, бұлдырап көріну, конъюнктивит Ас қорыту жолы тарапынан: ауыз ішінің құрғауы, жүректің айнуы, іш қату, тоқ ішектің атониясы, тризм, анорексия Эндокриндік жүйе тарапынан және метаболизмдік бұзылулар: гипо- немесе гипергликемия, глюкозурия, гиперпролактинемия, гинекомастия, тәбеттің жоғарылауы, дене салмағының артуы, кеуденің ауыруы, либидоның бұзылуы Жүрек-қантамыр жүйесі тарапынан: тахикардия, емдеудің бас кезіндегі орташа білінетін ортостаздық гипотензия Қан және лимфалық жүйе тарапынан: агранулоцитоз, анемия (гемолиздік, аплазиялық), эозинофилия Несеп-жыныс жүйесі тарапынан: несеп шығарудың қиындауы, несептің іркілуі, олигоурия, несеп бөлініп шығуының бұзылуы, ісіну, потенцияның төмендеуі, эякуляцияның бұзылуы, приапизм Зертханалық зерттеу нәтижелеріне ықпалы: жүктілікке, фенилкетонурияға жалғаноң тестілер Сирек Орталық және шеткергі жүйке жүйелері тарапынан: сананың шатасуы, гиперпирексияны, сананың өзгеруін қоса алғанда, қатерлі нейролептикалық синдром; ұзақ уақыт қабылдаған кезде - бет бұлшықеттерінің кешеуілдеген дискинезиясы (кейде аяқ-қолдардың еріксіз қозғалыстарымен), миастения Сезім мүшелерінен: көз бұршағы мен мүйіз қабықтың бұлыңғырлануы Гепатобилиарлы жүйе тарапынан: жеңіл холестаздық сарғаю, гепатит, гепатоуыттылық Эндокриндік жүйе тарапынан: етеккір оралымының бұзылуы (олигоменорея, дисменорея, аменорея), галакторея, сүт безінің гормонға тәуелді ісіктері Жүрек тарапынан: torsades de pointes типі бойынша жүрек ырғағының бұзылуы, электрокардиограмманың өзгеруі (QT аралығының ұзаруы, Т тісшесінің тегістелуі), қарыншалық аритмия (ҚФ, ҚТ), стенокардия ұстамалары, жүректің тоқтап қалуы, кенеттен түсініксіз өлім Қан жүйесі мен лимфа жүйесі тарапынан: лейкопения, тромбоцитопения, агранулоцитопения, панцитопения сияқты қанның патологиялық өзгерістері Тері және тері астындағы тіндер: фотодермия, терінің қызаруы, терінің пигментациясы, эксфолиативті дерматит, шеткергі ісінулер Иммундық жүйе тарапынан: аллергиялық реакциялар (тері бөртпесі, есекжем, анафилактоидты реакциялар, ангионевроздық ісіну) Созылмалы инфекцияның белгілері зерттелуі тиіс. Антипсихоздық препараттарды кенеттен тоқтатқаннан кейін тоқтату реакциялары, соның ішінде неонатальды тоқтату синдромы туралы хабарланды. Антипсихоздық препараттарды қолдану кезінде өкпе эмболиясы мен терең вена тромбозын қоса алғанда, ВТЭ туралы хабарланды. Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: артық дозалануы дискинезиямен, дизартриямен, ұйқышылдықпен және мелшиюмен, экстрапирамидалық бұзылулармен, бұлшықеттің еріксіз жиырылуымен, артериялық гипотензиямен, жүрек аритмияларымен, құрысулармен, ЭКГ-дағы өзгерулермен, вегетативтік бұзылыстармен, ауыз ішінің құрғауымен, ішек бітелісімен білінеді. Ауыр жағдайларда кома болуы мүмкін. Емі: дозаны төмендету немесе препарат қабылдауды тоқтату; асқазанды шаю; демеуші және симптоматикалық шаралар. Құстыртуға болмайды. Экстрапирамидалық бұзылуларды жою үшін антихолинергиялық паркинсонға қарсы дәрілер (тропацин, циклодол) қолданылады; дискинезия (мойын, тіл, ауыз қуысы түбі еттерінің пароксизмальді құрысулары, окулогирлік криздер) натрий кофеин-бензоатымен (тері астына 2 мл 20% ерітінді) немесе аминазинмен (бұлшықет ішіне 1-2 мл 2,5% ерітінді) басылады); гипотензияны инфузиялық ем жүргізу арқылы емдейді, ауыр және тұрақты гипотензия кезінде норадреналин қолданылуы мүмкін (адреналин қарсы көрсетілімді).

Арнайы ескертулер Препаратты несеп іркілуі, салданған ішек бітелісі бар науқастарға, гипотиреозда, жүрек-қантамыр аурулары, цереброваскулярлық, тыныс алу бұзылулары, тыныс алу ағзаларының созылмалы аурулары кезінде, қант диабетінде, миастения грависке шалдыққан, анамнезде сарғаюы бар науқастарға мүлдем қолданбау керек немесе аса сақтықпен (егер емдеудің пайдасы қаупінен басым болса) қолдану керек. Препаратты ұзақ уақыт бойы қабылдап жүрген пациенттер кешеуілдеген дискинезияны, көз тарапынан өзгерістер, қан жүйесі, бауыр, жүрек өткізгіштігі бұзылуы белгілерін мезгілінде анықтау мақсатында мұқият бақылауды талап етеді. Фенотиазинмен ұзақ уақыт ем қабылдайтын пациенттерде көзді жүйелі түрде тексеріп отыру ұсынылады. Кешеуілдеген дискинезияның немесе қатерлі нейролептикалық синдромы белгілері пайда болғанда препарат қабылдауды тоқтату керек. Қатерлі нейролептикалық синдромының клиникалық белгілеріне гиперпирексия, бұлшықет сіресуі, психикалық жай-күйдің және сананың өзгерістері, вегетативтік тұрақсыздық (жүйесіз пульс, артериялық қысым өзгерістері, тахикардия, қатты тершеңдік, жүрек аритмиясы) жатуы мүмкін. Бұл синдромды әсіресе ауыр аурулары бар пациенттерде (мысалы, пневмониясы, жүйелік инфекциясы және т.б. с.с.) диагностикалау қиын. ОЖЖ патологиясы, дәрі-дәрмектік қызбасы, ыстық өтіп кеткен, орталық антихолинергиялық уыттылығы бар пациенттерде дифференциациялық диагностика жүргізу керек. Литиймен біріктірілген ем қабылдаған кейбір пациенттерде энцефалопатиялық синдром (әлсіздік, сылбырлық, қызба, діріл, сананың шатасуы, экстрапирамидалық симптомдар, лейкоцитоз, ферменттердің жоғары деңгейі, мочевина азоты, қан глюкозасы) бақыланды, кейбір жағдайларда мидың қайтымсыз зақымдануы дамыған, сондықтан неврологиялық уыттанудың ерте белгілерін мұқият қарау керек және бұндай белгілер пайда болғанда емді дереу тоқтату керек. Егер пациентте аса жоғары сезімталдық реакциясы дамитын болса (оның ішінде сарғаю, қанның патологиялық өзгерістері), фенотиазиндер қайтадан тағайындалмайды. Трифлуоперазиннің құсуға қарсы әсері ми ісігін және Рейе синдромын анықтауға және емдеуге кедергі жасауы мүмкін. Фенотиазиннің құсу орталығына әсері басқа препараттармен артық дозалану симптомдарын бүркемелеуі мүмкін. Депрессиялық бұзылыстармен науқастарға препаратты қолданудың тәжірибесі жоқ. Емдеудің басында ұйқышылдық, артериялық қысымның елеусіз төмендеуі байқалуы мүмкін. Препаратпен емдеу кезінде жоғары температураның әсер етуінен аулақ болу керек (термореттеудің бұзылуы мүмкін). Тікелей күн сәулесінің әсер етуін болдырмау ұсынылады. Құсу орын алған пациенттерге препаратты емдеудің пайдасы қаупінен асып түскен жағдайда ғана тағайындау керек. Антипсихоздық препараттарды қолдану кезінде веноздық тромбоэмболия (ВТЭ) жағдайлары туралы хабарланды. Антипсихоздық препараттармен емделушілерде жүре пайда болған ВТЭ қауіп факторлары жиі кездесетіндіктен, трифлуоперазинмен емдеуге дейін және емдеу кезінде барлық ықтимал ВТЭ қауіп факторларын анықтап, алдын алу шараларын қабылдау қажет. Жүрек айнуы, құсу және ұйқысыздықты қоса, жедел тоқтату белгілері антипсихоздық препараттардың жоғары дозаларын күрт тоқтатқаннан кейін сипатталған. Психоздық симптомдардың қайталануы да болуы мүмкін және еріксіз қозғалыс бұзылыстарының (мысалы, акатизия, дистония және дискинезия) пайда болуы туралы хабарланған. Сондықтан біртіндеп тоқтату ұсынылады. Психоздық емес үрейленуді емдегенде трифлуоперазинді, егер баламалы препараттарды (мысалы, бензодиазепиндер) қолдану тиімсіз болған жағдайда ғана, тағайындаған жөн. Седативті препараттармен, анестетиктермен, транквилизаторлармен, алкогольмен бір мезгілде қолданған кезде дағдылану дамуы мүмкін. Препаратпен емдеу кезеңінде алкогольді пайдалануға болмайды. Жедел инфекция немесе лейкопения кезінде сақтықпен тағайындау керек. Фенотиазиндік препараттарды деменциясы бар егде жастағы пациенттерге қолдану өліммен аяқталу қаупін арттыруы мүмкін. Егер пациентте кейбір қанттардың жақпаушылығы анықталған болса, бұл препаратты қабылдардан бұрын дәрігермен кеңесу керек. Қосымша заттардың құрамында Е132 «Индигокармин» болуына байланысты балаларға қолдануға болмайды. Дәрілік заттың көлік құралдарын басқару және күрделі механизмдермен жұмыс істеу қабілетіне әсер ету ерекшеліктері Препаратпен емдеу кезінде пациент көлік құралын басқаруды және зейін қоюды, психикалық және қимыл реакцияларының шапшаңдығын қажет ететін жұмыстарды орындауды тоқтата тұрғаны жөн.

Нұсқаулықта көрсетілмеген.

Мыналармен бір мезгілде қолданғанда: • ОЖЖ тежейтін препараттармен (наркозға арналған дәрілер, апиындық анальгетиктер, барбитураттар, анксиолитиктер, этанол және құрамында этанол бар препараттар) – ОЖЖ депрессиясы күшеюі және тыныс алу тежелуі мүмкін; • трициклді антидепрессанттармен, мапротилинмен немесе моноаминооксидаза тежегіштерімен бірге – қатерлі нейролептикалық синдром қаупі артуы мүмкін; • құрысуға қарсы препараттармен бірге – құрысу шегі төмендеуі мүмкін; • гипертиреозды емдеуге арналған препараттармен бірге – агранулоцитоздың пайда болу қаупі жоғарылайды; • экстрапирамидалық реакцияларды тудыратын препараттармен бірге – экстрапирамидалық бұзылулар жиілігі және ауырлығы артуы мүмкін; • гипертензияға қарсы препараттармен бірге – ортостаздық гипотензия болуы мүмкін; • прохлорперазинмен бірге – естен тану ұзақ уақытқа созылуы мүмкін; • адреналинмен бірге, басқа адреномиметиктермен және симпатомиметиктермен - соңғысының әсері бұрмалануы мүмкін, бұл қан қысымының одан әрі төмендеуіне әкеледі; • QT аралығын ұзартатын дәрілік заттармен (аритмияға қарсы, гистаминге қарсы седативті емес, безгекке қарсы дәрілер, цизаприд, диуретиктер, трициклді антидепрессанттар), фенотиазин туындылары – вентрикулярлық (қарыншалық) аритмия даму қаупінің жоғарылауы мүмкін; • α-адреноблокаторлармен - трифлуоперазиннің гипотензиялық әсерлерінің күшеюі; • эпилепсияға қарсы дәрілермен - эпилепсияға қарсы дәрілер әсерінің төмендеуі; • астемизолмен, дизопирамидпен, эритромицинмен, прокаинамидпен - тахикардия даму қаупінің артуы; • пропранололмен, сульфадоксинмен - қан плазмасында трифлуоперазин концентрациясының артуы; • полипептидті антибиотиктермен – тыныс алу бұлшықеттерінің салдануы туындауы мүмкін; • тразодонмен – аддитивті гипотензиялық әсері; • вальпрой қышқылымен - қан плазмасында вальпрой қышқылы концентрациясының артуы; • бромокриптинмен – фенотиазиндер қан сарысуында бромокриптиннің пролактин концентрациясын төмендету қабілетін бәсеңдетеді. CYP1A2 индукторлары трифлуоперазин концентрациясы мен әсерін төмендетеді, CYP1A2 тежегіштері трифлуоперазиннің концентрациясы мен әсерін жоғарылатады. Препарат пероральді антикоагулянттардың әсерін азайтуы мүмкін. Туберкулезге қарсы бактерияға қарсы дәрілерді бір мезгілде сақтықпен тағайындау керек. Препарат эфедриннің тамырды тарылтатын әсерін азайтуы, басқа препараттардың антихолинергиялық әсерлерін күшейтуі, амфетаминдер, леводопа, клонидин, гуанетидиннің әсерін бәсеңдетуі мүмкін. Паркинсонизм симптомдары леводопамен бірге қолданғанда ушығып кетуі ықтимал. Фенотиазиндер құрысу шегін төмендете алады. Демек, эпилепсиясы бар пациенттерді сақтықпен емдеген жөн. Антацидтер, паркинсонға қарсы дәрілер және литий препараттары трифлуоперазиннің сіңуін бұзады. Ауыр экстрапирамидтік жағымсыз әсерлері немесе нейроуыттылық бір мезгілде литий мен трифлуоперазинді қабылдаған пациенттерде байқалған. Фенотиазин мен литий қабылдаған кейбір пациенттерде айкезбелік сипатталған.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек!