Троксевазин® капсулы 300 мг

Бір капсуланың құрамында белсенді зат - троксерутин 300 мг қосымша заттар: лактоза моногидраты, магний стеараты; қатты желатинді капсуланың құрамы: хинолинді сары (E104), «күн батар түстес» сары (E110), титанның қостотығы (E171), желатин; Капсула қақпақшасының құрамы: хинолинді сары (E104), «күн батар түстес» сары (E110), титанның қостотығы (E171), желатин. Сыртқы түрінің, иісінің, дәмінің сипаттамасы Қатты цилиндрлі №1 желатинді капсулалар, корпусы мен сары түсті қақпақшасы бар. Капсуланың ішінде – сарыдан сарғыш-қоңыр түске дейінгі ұнтақ, қысқан кезде ыдырайтын конгломераттардың болуына жол беріледі.

Дәрілік препарат ересектерде қолдануға арналған • веналық созылмалы жеткіліксіздіктің симптомдары: ісіну, ауыру, аяқтағы ауырлық, құрысулар, парестезия, мазасыз аяқ синдромы; • тромбофлебиттен кейінгі синдром: ауыру, бұлшықет құрысулары, қышыну, шаншу, ісіну, терінің гиперпигментациясы, липодерматосклероз, трофикалық ойық жара; • склеротерапиядан кейінгі жағдайлар, веналарға операциядан кейінгі асқынулар профилактикасы; • веналық созылмалы жеткіліксіздікті кешенді емдеуде компрессиялық тоқымамен (шұлықтар, колготкалар) бірге; • лимфедеманың кешенді емінде; • жедел симптомдарын және созылмалы геморройдың өршуін емдеу • диабеттік ретинопатияны кешенді емдеу құрамында.

Вазопротекторлар. Капиллярларды тұрақтандыратын дәрілер. Биофлавоноидтар. Троксерутин. АТХ коды C05СА04 Троксевазин құрамында кемінде 95% троксерутин бар. Троксерутин тамырлардың эндотелиальді қабатында таңдаулы түрде жинақталады, веноздық қабырғаның субэндотелиальді қабатына терең еніп, қоршаған тіндермен салыстырғанда жоғары концентрация түзеді. Тотығу реакцияларынан туындаған жасуша жарғақшаларының зақымдануын болдырмайды. Препараттың антиоксиданттық әсері оттегінің тотықтыру қасиеттерін болдырмау және жою, липидтердің тотығуын басу және тамыр эндотелий гидроксилді радикалдарының тотығу әсерінен қорғауда көрінеді. Троксерутин капиллярлардың өткізгіштігінің жоғарылауын азайтады, веноздық тамырлардың тегіс бұлшықеттерінің тонусын арттырады, ісінуге қарсы әсер етеді, тамыр қабырғасындағы қабынуды жояды. Цитопротекторлық әсер нейтрофилдердің белсендірілуі мен адгезиясын басудың, эритроциттердің агрегациясын төмендетудің және олардың деформацияға төзімділігін арттырудың, қабыну медиаторларының босап шығуын азайтудың нәтижесі болып табылады. Троксерутин веноздық-артериялық рефлюксті арттырады және тамырларды қайта толтыру уақытын арттырады, микроциркуляцияны және микротамырлық перфузияны жақсартады. Тіндердің трофикасын жақсартады, ісінуді азайтады, ауыруды, ауырлық сезімін және веноздық жеткіліксіздікпен байланысты басқа патологиялық белгілерді азайтады. Капилляр қабырғаларының өткізгіштігі мен төзімділігіне әсер етудің арқасында троксерутин диабеттік ретинопатия үдеуінің баяу дамуына ықпал етеді. Троксерутиннің қанның реологиялық қасиеттеріне әсері торқабық тамырларының микротромбозының дамуына жол бермейді.

Дозалау режимі Веналық созылмалы жеткіліксіздік және оның асқынулары, жедел геморройды және созылмалы геморройдың асқынуын симптоматикалық емдеу Ұсынылатын доза - симптомдардың ауырлығына байланысты тәулігіне 2-3 рет (600-900 мг) 1 капсуладан (300 мг). Емдеу симптомдар (ауырсыну, қышыну, ісіну және т.б.) толығымен басылғанға дейін кемінде 2 апта бойы жалғасады. Симптомдар қайта пайда болған кезде емді сол дозада қайта жаңғыртуға немесе дозаны төмендетуге болады – тәулігіне 2 рет 1 капсуладан (600 мг). Емдеу курсы 3-4 аптаны құрайды. Қол жеткізілген әсер кемінде 4 апта бойы сақталады. Лимфедема Ұсынылатын тәуліктік доза 3000 мг құрайды: 5 капсуладан тәулігіне 2 рет. Емдеу курсы пациенттің жағдайының ауырлығына байланысты. Диабеттік ретинопатия Ұсынылатын тәуліктік доза 1800 - 3000 мг құрайды: 3-5 капсуладан тәулігіне 2 рет. Емдеу курсы 3-4 аптаны құрайды. Ұзақ уақыт емдеу қажеттілігі дәрігермен жекелей кеңескеннен кейін анықталады Енгізу әдісі мен жолы Троксевазин капсулалары тамақтану кезінде ішке қабылданады. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсыныстар Егер препаратты қолдану туралы сұрақтар туындаса, емдеуші дәрігерге немесе дәріхана қызметкеріне жүгініңіз.

• әсер етуші затқа немесе қосымша заттардың кез келгеніне аса жоғары сезімталдық; • тұқым қуалайтын галактоза жақпаушылығы, Lapp-(ЛАПП)-лактаза ферментінің тапшылығы, глюкоза-галактоза мальабсорбциясы; • жүктілік кезеңі (1 триместр) және лактация; • 18 жасқа дейінгі балалар мен жасөспірімдер.

Сирек - асқазанның ауыруы, асқазан жайсыздығы, диспепсия, метеоризм, диарея - бөртпе, қышыну, есекжем Өте сирек - анафилаксиялық шок, анафилактоидты реакциялар, аса жоғары сезімталдық реакциялары - бас айналуы, бас ауыруы - экхимоз - шаршау Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК. http://www.ndda.kz

Препараттың артық дозалану жағдайлары байқалған жоқ. Өте жоғары дозаларды қабылдаған немесе күрделі жағымсыз реакциялар туындаған жағдайда троксевазинмен емдеуді тоқтатып, симптоматикалық ем тағайындау керек.

Арнайы ескертулер Препарат бауыр мен өт қабының ауыр аурулары бар пациенттерде сақтықпен қолданылады. Троксевазин асқазанның шырышты қабығын тітіркендіретіндіктен, оны тамақтану кезінде қабылдайды. Құрамында бояғыштың (Е110) болуына байланысты препарат аллергиялық реакцияларды, соның ішінде демікпені тудыруы мүмкін. Аспиринге жоғары сезімталдығы бар пациенттерде аллергиялық реакциялардың даму қаупі жоғары. Жүктілік Жүктілік кезінде (II және III триместр) Троксевазин капсулаларын қолдану, егер анасы үшін күтілетін пайда құрсақішілік шарана үшін потенциалды қауіптен жоғары болған жағдайларда мүмкін болады. Лактация Лактация кезінде препаратты қолдануға болмайды. Педиатрияда қолдану 18 жасқа дейінгі балалар мен жасөспірімдерде қолдану тәжірибесі шектеулі, сондықтан препаратты осы популяцияда тағайындау ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Троксевазин автокөлік құралын басқару және қозғалыстағы механизмдермен жұмыс істеу қабілетіне әсер етпейді.

Нұсқаулықта көрсетілмеген.

Дәрілік өзара әрекеттесулер анықталған жоқ.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары 25° С-ден аспайтын температурада сақтау керек. Балалардың қолы жетпейтін жерде сақтау керек!