Троксевазин® гель 2%

100 г гельдің құрамында: белсенді зат – троксерутин 2г, қосымша заттар – карбомер, ЭДТА динатрий тұзы, бензалконий хлориді, триэтаноламин, тазартылған су. Сыртқы түрінің, иісінің, дәмінің сипаттамасы Сарыдан ашық-қоңыр түске дейінгі біртекті гель.

Дәрілік препарат ересектерде, 15 және одан жоғары жастағы жасөспірімдерде қолдануға арналған: • аяқ веналарының варикозды кеңеюінде; • созылмалы веноздық жеткіліксіздіктің симптомдары: ісіну, ауыру, аяқтағы ауырлық, құрысулар; • беткейлік тромбофлебит, перифлебит, флеботромбоз; • склеротерапиядан кейінгі жағдайлар, веналарға операциядан кейінгі асқынулар профилактикасы; • шығып кету, гематома, соғылу, созылу, бұлшықет түйілуі сияқты жарақаттан пайда болатын ауыру мен ісінуді тоқтату.

Троксевазин құрамында кемінде 95% троксерутин бар. Троксерутин тамырлардың эндотелиальді қабатында іріктелген түрде жинақталады, веноздық қабырғаның субэндотелиальді қабатына терең еніп, қоршаған тіндермен салыстырғанда жоғары концентрация түзеді. Тотығу реакцияларынан туындаған жасуша жарғақшаларының зақымдануын болдырмайды. Препараттың антиоксиданттық әсері оттегінің тотықтыру қасиеттерін болдырмау және жою, липидтердің тотығуын басу және тамыр эндотелий гидроксилді радикалдарының тотығу әсерінен қорғауда көрінеді. Троксерутин капиллярлардың өткізгіштігін және жұқаруын төмендетеді, веноздық тамырлардың тегіс бұлшықеттерінің тонусын арттырады, ісінуге қарсы әсер етеді, тамыр қабырғасындағы қабынуды жояды. Капиллярлар қабырғаларын тұрақтандырады және қалыпты антиагрегантты әсер көрсетеді. Цитопротекторлық әсер нейтрофилдердің белсендірілуі мен адгезиясын басудың, эритроциттердің агрегациясын төмендетудің және олардың деформацияға төзімділігін арттырудың, қабыну медиаторларының босап шығуын азайтудың нәтижесі болып табылады. Троксерутин веноздық-артериялық рефлюксті арттырады және тамырларды қайта толтыру уақытын арттырады, микроциркуляцияны және микро тамырлық перфузияны жақсартады. Тіндердің трофикасын жақсартады, ісінуді азайтады, ауыруды, ауырлық сезімін және веноздық жеткіліксіздікпен байланысты басқа патологиялық белгілерді азайтады. Троксевазин венотонустық, венопротекторлық, капиллярпротекторлық, экссудацияға қарсы және гемостатикалық әсер көрсетеді.

Дозалау режимі Троксевазин® гелін терінің зақымданған бөлігіне таңертең және кешке теріге толық сіңгенге дейін жеңіл уқалайтын қимылдармен жағу керек. Қажет болса, гельді компрессиялық таңғыштардың астына жағуға болады. Талапқа сай емдік әсерін қамтамасыз ету үшін гельді ісіну және басқа симптомдар толығымен жойылғанша тұрақты қолдану керек. Жағдайы жеңілдегеннен және симптомдардың айқындылығы басылғаннан кейін емдеуді тоқтатуға болады, симптомдар қайта пайда болған кезде емді қайта бастау керек. Ем ұзақтығын дәрігер анықтайды. Әсерін күшейту үшін Троксевазин® гелін Троксевазин® капсулаларымен біріктіріп қабылдау ұсынылады. Егер препаратты қолдану кезеңінде ауру симптомдарының айқындылығы азаймаса, дәрігермен кеңесу керек. Емдеу ұзақтығы Емдеу курсын дәрігер тағайындайды.

• әсер етуші затқа немесе қосымша заттардың кез келгеніне аса жоғары сезімталдық; • жүктіліктің I триместрі; • 15 жасқа дейінгі балалар мен жасөспірімдер.

Сирек - терінің тітіркенуі немесе аса жоғары сезімталдық реакциялары (қызару, қышыну, тері бөртпесі), симптомдар емді тоқтатқаннан кейін тез басылады. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК. http://www.ndda.kz

Троксевазин® гель препаратын сыртқа қолданған кезде артық дозалану қаупі жоқ.

Арнайы ескертулер Гель терінің зақымданбаған бөліктеріне ғана жағылады. Ашық жараларға, көзге және шырышты қабықтарға жағуға болмайды. Қосымша заттар Бензалконий хлориді Бензалконий хлориді тері тітіркендіруін дамытуы мүмкін. Бала емізу кезінде гельдің сәби организміне енуіне жол бермеу үшін препаратты емізетін ананың кеуде терісіне қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дәрілік препарат айрықша назар аудару мен жылдам реакцияларды қажет ететін қауіптілігі зор қызмет түрлерін орындауға әсер етпейді.

Троксевазин® гелін жүктілік кезінде (II және III триместр) және лактация кезеңінде, егер анасы үшін күтілетін пайда шарана мен бала үшін потенциалды қауіптен жоғары болса ғана қолдануға болады.

Аскорбин қышқылының тамыр қабырғасының құрылымы мен өткізгіштігіне әсерін күшейтеді.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25C-ден аспайтын температурада. Мұздатып қатыруға болмайды! Балалардың қолы жетпейтін жерде сақтау керек!