Троксерутин Ветпром гель 2%

100 г гельдің құрамында белсенді зат – троксерутин 2,0 г; қосымша заттар: карбомер, троламин, динатрий эдетаты, бензалконий хлориді, тазартылған су. Сыртқы түрінің, иісінің, дәмінің сипаттамасы Иіссіз, сарыдан сарғыш-жасылға дейінгі біркелкі мөлдір гель.

• созылмалы веналық жеткіліксіздікке байланысты ауыру мен ісінулерде • аяқта ауырлық пен ауыруды сезіну, тобықтың ісінуінде • шаршау, домбығу, құрысулар, парестезияларда • жедел беткейлік тромбофлебит және перифлебитте • варикоздық дерматитте • жарақат сипатындағы ауырулар мен ісінулерде (оның ішінде байламдардың зақымдануы, бұлшықеттің созылуы немесе соғылуы)

Фармакодинамикалық әсерлері Троксерутиннің венотонустық, ангиопротекторлық, ісінуге қарсы, қабынуға қарсы, антиоксидантты әсері бар. Тотығу-тотықсыздану үдерісіне қатысады, гиалуронидазаны бөгейді, жасуша қабықтарының гиалурон қышқылын тұрақтандырады және капиллярлар өткізгіштігі мен сынғыштығын азайтып, олардың тонусын жоғарылатады. Тамыр қабырғалары тығыздығын арттырады, плазманың сұйық бөлігі экссудациясы мен қан жасушалары диапедездерін азайтады. Тамыр қабырғасында беткейіне тромбоциттердің жабысуын шектей отырып, қабынуды төмендетеді. Созылмалы веналық жеткіліксіздігі бар пациенттерге аурудың бастапқы сатысында да, соңғысында да қолдану ұсынылады. Уытты емес, емдік әсерінің ауқымы кең. Уытты емес, емдік әсерінің ауқымы кең.

Дозалау режимі Гельді таңертең және кешке теріге толық сіңгенге дейін төменнен жоғары қарай жеңіл уқалап, зақымданған аймаққа жағу керек. Пациент қандай да бір себеппен препаратты пайдалануды өткізіп алған жағдайда, екі емдеу сеансы арасында кем дегенде 10-12 сағат аралықты сақтап, кез келген уақытта жағуына болады. Қажеттілігіне қарай гелді бинт немесе эластикалық шұлықтың астына жағуға болады. Енгізу әдісі мен жолы Гель сыртқа қолдануға арналған.

• әсер етуші затқа немесе кез келген қосымша заттарға аса жоғары сезімталдық • тері жабыны бүтіндігінің бұзылуында • 15 жасқа дейінгі балаларға • жүктіліктің I триместрінде, лактация кезеңінде Бүйрек жеткіліксіздігінде (ұзақ пайдалануда) сақтықпен қолдану керек.

Сирек • қызару, қышыну, бөртпе, дерматит • бас ауыруы Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты қолдану тәсіліне орай артық дозалану қаупі жоқ. Байқамай гельдің көп мөлшерін жұтып қойған жағдайда, ауыз қуысы мен асқазанды шаю керек. Қажет болғанда симптоматикалық ем тағайындалады.

Арнайы ескертулер Шырышты қабық пен ашық жараға жағуға болмайды! Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дәрілік препарат айрықша зейін қою мен жылдам реакцияны талап ететін қауіптілігі зор қызмет түрлерін атқаруға әсер етпейді.

Жүктіліктің ІІ және ІІІ триместрінде, егер анасы үшін болжамды пайдасы шаранаға төнетін ықтимал қауіптен артық болатын жағдайда ғана қолдануға болады.

Троксерутин Ветпром жергілікті қолданғанда дәрілермен өзара әрекеттесуі белгісіз.

Сақтау мерзімі 5 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!