Троксерутин Софарма гель 2 %

40 г гельдің құрамында белсенді зат: 0,8 г троксерутин қосымша заттар: карбомерлер, динатрий эдетаты, бензалконий хлориді, натрий гидроксиді, тазартылған су. Сыртқы түрінің, иісінің, дәмінің сипаттамасы Сарғыш-жасыл түсті, иіссіз гель.

- созылмалы вена жеткіліксіздігі - веналардың варикозды кеңеюі - беткейлік тромбофлебит, перифлебит және флеботромбоз - тромбоздан кейінгі синдром - жарақаттан кейінгі ісіну, гематома.

Троксерутин флавоноид (рутин туындысы) болып табылады. Р-дәрумендік белсенділікке ие; венатонустық, венопротекторлық, ісінуге қарсы, қабынуға қарсы, ұюға қарсы және антиоксиданттық әсер көрсетеді. Капиллярлардың өткізгіштігі мен жұқаруын азайтады, олардың тонусын жоғарылатады. Тамыр қабырғасының тығыздығын жоғарылатады, плазманың сұйық бөлігінің экссудациясы мен қан жасушалары диапедезін төмендетеді. Тромбоциттердің тамыр беткейіне жабысуын шектей отырып, тамыр қабырғасының қабынуын төмендетеді. Созылмалы вена жеткіліксіздігі бар пациенттерге аурудың бастапқы, сонымен бірге кейінгі сатыларында да қолдану ұсынылады.

Дозалау режимі Гельді таңертең және кешке зақымданған аймаққа төменнен жоғары қарай жеңіл уқалайтын қимылдарының көмегімен, оны теріге толық сіңгенге дейін жағады. Қажет болса, гельді окклюзиялық таңғыштардың астына жағуға болады. Препаратпен емдеудің тиімділігі көбінесе оның ұзақ уақыт бойы тұрақты қолданылуына байланысты. Егер қандай-да бір себептермен, препаратты пайдалану өтіп кетсе, пациент оны екі сеанстың кемінде 10-12 аралығын сақтай отырып, кез келген уақытта жағуына болады. Енгізу әдісі мен жолы гель сыртқа қолданылады. Емдеу ұзақтығы Ісінулер мен басқа симптомдар толық жойылғанға дейін 4-6 апта. Егер ауру ағымының симптомдары нашарласа немесе препаратты 6-7 күн бойы күнделікті қолданғаннан кейін басылмаса, пациент дәрігерге жүгінуі тиіс. Дәрілік препараттың бір немесе бірнеше дозасын өткізіп алу кезіндегі қажетті шаралар өткізіп алған дозаны тұрақты дозаға қосымша ретінде қабылдауға болмайды. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Егер сізде осы препаратты қолдануға қатысты кез келген қосымша сұрақтар туындаса, өзіңіздің дәрігеріңізге немесе фармацевтке хабарласыңыз.

• әсер етуші затқа немесе 6.1 бөлімінде тізбеленген қосымша заттардың кез келгеніне аса жоғары сезімталдық • 15 жасқа дейінгі балалар. Бүйрек жеткіліксіздігі кезінде сақтықпен (ұзақ пайдалану).

Сирек • қызару, қышыну, бөртпе, дерматит • бас ауыруы Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

препаратты жергілікті қолдану кезінде артық дозалану туралы мәліметтер жоқ. Ішке көп мөлшерде кездейсоқ қабылдаған кезде, ауыз қуысы мен асқазанды шаю керек. Қажет болса, симптоматикалық ем тағайындайды.

Арнайы ескертулер Шырышты қабықтар мен ашық жараларға жағуға болмайды! Препараттың құрамында бензалконий хлориді бар, ол теріге тітіркендіретін әсер көрсетуі мүмкін. Бала емізетін әйелдерге гельді кеуде терісіне қолдануға болмайды, өйткені бала оны емізу кезінде жұтып қоюы мүмкін. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дәрілік препарат айрықша назар аудару мен жылдам реакцияларды қажет ететін қауіптілігі зор қызмет түрлерін орындауға әсер етпейді.

Егер Сіз жүкті болсаңыз немесе бала емізіп жүрсеңіз, жүктімін деп ойласаңыз немесе жүктілікті жоспарласаңыз, препаратты қолданар алдында емдеуші дәрігермен немесе дәріхана қызметкерімен кеңесіңіз. Гель түріндегі Tроксерутин Софарманы жүктілік кезінде және бала емізу кезеңінде пайдалануға болады.

клиникалық маңызды дәрілік және басқа өзара әрекеттесулер байқалмады.

Сақтау мерзімі 5 (бес) жыл Сықпаны ашқаннан кейінгі жарамдылық мерзімі - 12 (он екі) ай. Препаратты жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада. Балалардың қолы жетпейтін жерде сақтау керек!