Троксиметацин Плюс гель 30 мг/20 мг

1 г гель құрамында белсенді заттар: 30 мг индометацин 20 мг троксерутин, қосымша заттар: карбомер, динатрий эдетаты, натрий бензоаты, макрогол 400, изопропил спирті, диметилсульфоксид, тазартылған су Сыртқы түрінің, иісінің, дәмінің сипаттамасы Сарыдан сарғыш-қоңыр түске дейінгі біртекті гель.

ДП ересектер мен 14 жастан асқан балаларда симптоматикалық емдеу үшін қолдануға көрсетілген: - венаның созылмалы жеткіліксіздігі, венаның ауыруымен және ісінумен қатар жүретін варикозды кеңеюі - беткейлік тромбофлебит, флебит, флебиттен кейінгі жай-күй - геморрой ауруының кешенді емінде - тендовагинит, бурсит, фиброзит, периартрит - хирургиялық араласудан кейінгі ісінулер, контузия, шығып кету, созылулар

Әсер ету механизмі Троксиметацин Плюс құрамына индометацин мен троксерутин кіретін біріктірілген дәрілік зат болып табылады. Индометациннің қабынуға қарсы, анальгетикалық және ісінуге қарсы әсерге иеленген. Троксиметацин Плюс гель ауыруды басады, ісінуді азайтады және зақымданған тамырлар мен тіндерді қалпына келтіру уақытын қысқартады. Негізгі әсер ету механизмі қайтымды циклооксигеназа блокадасы арқылы простагландин синтезінің бәсеңдеуімен байланысты. Салицилаттар мен фенилбутазон индометацинге қарағанда қабынуға қарсы әсер иеленген. Троксерутин (тригидроксиэтилрутинозид) - биофлавоноид болып табылады. Ол ангиопротекторлық дәрілерге жатады. Капиллярлардың өткізгіштігін төмендетеді және вена тонусын көтеретін әсер етеді, гистамин, брадикинин және ацетилхолиннің венаны кеңейтуші әсерін бөгейді. Капиллярлардың жарылғыштығын азайтады және белгілі бір антиагрегантты әсерге иеленген. Ісінуді азайтады, веналық жеткіліксіздікпен байланысты патологиялық өзгерістер кезінде трофиканы жақсартады. Теріге жаққан кезде Троксиметацин Плюс гелі қабыну реакциясы мен ісінуді бәсеңдетеді, ауыруды азайтады. Венаның тонусын көтеретін, капиллярды күшейтетін және гемостатикалық әсер көрсетеді.

Дозалау режимі 4-5 см гель мөлшерін күніне 3-4 рет жеңіл ысқылайтын қимылмен зақымданған аймаққа жұқа қабатпен жағады. Бір реттік доза 4-5 см – ге сәйкес келеді, тәуліктік доза 20 см-ден аспауы тиіс. Емдеу ұзақтығы 10 күннен аспауы тиіс. Енгізу әдісі және жолы Препарат сыртқа қолдануға арналған. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Әрқашан Троксиметацин Плюс препаратын қосымша параққа немесе емдеуші дәрігердің ұсыныстарына сәйкес қолданыңыз. Күмән пайда болса, емдеуші дәрігермен кеңесіңіз.

- препараттың әсер етуші немесе қандай да бір қосымша компонентіне аса жоғары сезімталдық - ацетилсалицил қышқылына және басқа ҚҚСД (қабынуға қарсы стероидты емес дәрілерге) аса жоғары сезімталдық - тері жабынының (ашық жаралар), шырышты қабықтар тұтастығының бұзылуы - қайталанатын поллиноз - этиологиясы анық емес қан ұюының бұзылуы (гипокоагулопатия) - 14 жасқа дейінгі балалар мен жасөспірімдер (тиімділігі мен қауіпсіздігі дәлелденбеген)

Жергілікті реакциялар Сирек - терінің құрғауы, терінің гиперемиясы - аллергиялық реакциялар (жанаспалы дерматит, қызару, қышыну, тері бөртпесі, жаққан орнында "жылуды" және ашытуын сезіну) Жүйелік реакциялар Өте сирек (дененің ауқымды аймақтарында ұзақ уақыт қолданғанда) - жүрек айнуы, құсу, асқазанның ауыруы - бауыр ферменттері деңгейінің артуы - анафилаксия, бронх түйілуі, ангионевроздық ісіну - фотосенсибилизация реакциясы Жағымсыз дәрілік реакциялар туындаған кезде дәрілік препараттардың тиімсіздігі туралы хабарламаларды қоса, медициналық қызметкерге, фармацевтикалық қызметкерге немесе дәрілік препараттарға жағымсыз реакциялар (іс-қимылдар) жөніндегі ақпараттық дерекқорға тікелей жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты жергілікті қолдану кезінде артық дозалану жағдайлары туралы ақпарат жоқ. Ұзақ уақыт бойы емдеу кезінде (10 күннен астам) қатты бас ауруы пайда болуы мүмкін. Ішке кездейсоқ қолданған кезде ауызда күйдіріп-ашыту сезімі, сілекей бөлінуінің күшеюі, жүрек айнуы, құсуы мүмкін. Емі: ауыз қуысы мен асқазанды шаю, қажет болған жағдайда - симптоматикалық емдеу. Көзге, шырышты қабықтарға немесе ашық жара беткейлеріне тиген кезде жергілікті тітіркену - көзден жас ағу, қызару, күйдіріп-ашу, ауырсыну байқалады. Емі: шағымдар жойылғанша немесе азайғанша зақымданған аймақты дистилденген судың немесе физиологиялық ерітіндінің мол мөлшерімен шаю.

Сақтықпен: - қабынуға қарсы дәрілермен бір мезгілде қабылдау - бронх демікпесі - порфирия -асқазан-ішек жолдарының эрозиялық-ойық жаралы зақымдануы - бауыр мен бүйрек функциясының ауыр бұзылулары - жүректің созылмалы жеткіліксіздігі - егде жас Арнайы сақтандырулар Бронх демікпесі, аллергиялық ринит немесе басқа атопиясы бар пациенттерге қолдану ұсынылмайды. Гельді тек зақымданбаған теріге жағады. Гельді ашық жара беткейлеріне, шырышты қабықтарға немесе көздің конъюнктивасына тигізуден аулақ болу керек. Препаратты ұзақ уақыт бойы қолдануды, әсіресе терінің үлкен аймақтарында, бауыр мен бүйректің ауыр аурулары бар науқастарда, ойық жаралы ауру болған кезде шектеу керек. Ұзақтығы 10 күннен асатын емдеу курсында лейкоциттік және тромбоциттік қан формуласына зертханалық бақылау жүргізу қажет. Қосымша заттар туралы ақпарат Троксиметацин Плюс гель құрамында теріге, көзге және шырышты қабықтарға тітіркендіргіш әсер етуі мүмкін қосымша зат ретінде натрий бензоаты және диметилсульфоксид бар. Педиатрияда қолдану Препарат клиникалық қолдану тәжірибесінің болмауына байланысты 14 жасқа дейінгі балалар мен жасөспірімдерге қарсы көрсетілімді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын жүргізу және механизмдермен жұмыс істеу кезінде психомоторлық реакциялардың жылдамдығына әсер етпейді.

Жүктілік және/немесе бала емізу кезеңінде препаратты қолдану қауіпсіздігін растайтын клиникалық тәжірибе жоқ. Препаратты қолдану емдеуші дәрігер клиникалық жағдайды мұқият бағалағаннан кейін, егер анаcы үшін күтілетін пайда шарана үшін ықтимал қауіптен жоғары болса ғана мүмкін болады.

Троксиметацин Плюс гелін кортикостероидты препараттармен бір мезгілде қолдану ұсынылмайды, өйткені олардың ульцерогендік әсерін күшейтуі мүмкін. Препаратты басқа ҚҚСД, антибиотиктер, антикоагулянттар, гипогликемиялық препараттармен бір мезгілде сақтықпен қолдану керек. Гель фотосенсибилизацияны тудыратын препараттардың әсерін күшейтуі мүмкін.

Сақтау мерзімі 3 жыл. Сықпаны ашқаннан кейін - 6 ай. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада. Балалардың қолы жетпейтін жерде сақтау керек!