Тромбопол таблетки 100 мг

Бір таблетканың құрамында белсенді зат – 150.00 мг ацетилсалицил қышқылы, қосымша заттар: ұнтақ тәрізді целлюлоза, жүгері крахмалы, натрий крахмалы гликоляты (С типі) қабықтың құрамы: гипромеллоза, Acryl-еze® қызғылт: метакрил қышқылының сополимері, тальк, титанның қостотығы (Е171), триэтилцитрат (Е1505), понсо 4R (Е124), коллоидты кремнийдің қостотығы (аэросил) (Е551), натрий гидрокарбонаты, натрий лаурилсульфаты Сыртқы түрінің, иісінің, дәмінің сипаттамасы Ішекте еритін қабықпен қапталған, қызғылт түсті, екі беті дөңес дөңгелек таблеткалар

Жүректің жедел және созылмалы ишемиялық ауруы. Жедел коронарлық синдром кезінде Тромбопол 150 мг тек аса қажетті жағдайларда ғана қолдануға болады, егер ацетилсалицил қышқылының (АСҚ) әдеттегі (ішекте ерімейтін) түріне қолжетімділік болмаса.

Әсер ету механизмі АСҚ фармакологиялық әсері простагландиндер мен тромбоксандар өнімін тежеуімен байланысты. Анальгезиялық әсер - циклооксигеназа ферментінің тежелуінен туындаған шеткері әсерлер болып табылады. Қабынуға қарсы әсері қан ағымының төмендеуімен байланысты және простагландин Е2 синтезінің тежелуімен шартталған. АСҚ қайтымсыз ацетилдейді және простагландин синтазасын G/H тежейді, және сондықтан АСҚ өзінің организмде болуына қарағанда, тромбоциттерге әсері ұзағырақ болады. Фармакодинамикалық әсері АСҚ анальгезиялық, қабынуға қарсы және ыстық түсіретін дәрі болып табылады, ол сондай-ақ тромбоциттер агрегациясын болдырмайды. Бұл қан кету уақытын арттырады. Бұдан бөлек, салицилаттың (белсенді метаболит) қабынуға қарсы әсері, тыныс алуға, қышқыл-сілтілік теңгерімге және асқазанға ықпалды әсері болады. Салицилаттар тыныс алуды негізінен сопақша миға тікелей әсер ету арқылы стимуляциялайды. Олардың тамыр кеңейтетін және цитопротекторлық простагландиндерді тежеуіне байланысты олар асқазанның шырышты қабығына жанама әсер етеді, және сонымен қатар ойық жараларға бейімділікті тудырады. Клиникалық тиімділігі және қауіпсіздігі Тромбоциттердегі тромбоксан биосинтезіне және қан кету уақытына АСҚ әсері тіпті емдеу тоқтатылғаннан кейін де көп күндер бойы сақталады. Әсері плазмада жаңа тромбоциттер табылған кезде ғана ықпалын тоқтатады.

Дозалау режимі Ересектер:Күніне 150 мг Жедел коронарлық синдромы кезінде Тромбопол 150 мг тек аса қажетті жағдайларда ғана қолдануға болады, егер ацетилсалицил қышқылының әдеттегі (ішекте ерімейтін) түріне қолжетімділік болмаса. Жедел коронарлық синдромы кезінде жүктеме дозасы 150–300 мг құрайды. АСҚ-ның жылдам сіңуін қамтамасыз ету және қажетті антитромбоциттік әсерге қол жеткізу үшін пациентке АСҚ таблеткасын шайнау немесе тіспен бөлу керек. Пациенттердің ерекше топтары Бауыр функциясы бұзылған пациенттер Бауырдың ауыр жеткіліксіздігі бар пациенттерде қолдануға болмайды. Бауыр функциясы бұзылған пациенттерді емдеу кезінде дозаны түзету қажет болуы мүмкін . Бүйрек функциясы бұзылған пациенттер Бүйрек функциясының ауыр бұзылулары бар пациенттерде қолдануға болмайды (шумақтық сүзіліс жылдамдығы (ШСЖ) <0,2 мл / с (10 мл/мин)). Бүйрек функциясы бұзылған пациенттерді емдеу кезінде дозаны түзету қажет болуы мүмкін. Енгізу әдісі және жолы Ішке қабылдауға арналған. Ішекте еритін қабықпен қапталған таблеткаларды тамақтан кейін, оларды тұтасымен жұта отырып қабылдау керек. Ішекте еритін қабықпен қапталған таблеткаларды қолданғанда ацетилсалицил қышқылының асқазанға жағымсыз реакциялары азаяды. Сондықтан, жедел коронарлық синдромда қолдану жағдайларын қоспағанда, ішекте еритін қабықпен қапталған таблеткаларды бөлуге болмайды. Емдеу ұзақтығы Ұзақ пайдаланған кезде препаратты болуы мүмкін ең аз дозада қолдану керек. Дәрілік препараттың бір немесе бірнеше дозасын өткізіп алу кезіндегі қажетті шаралар Қабылданбай қалған дозаның орнын толтыру үшін қосарлы дозаны қабылдамаңыз. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар Дәрілік препаратты қолданар алдында дәрігерге немесе фармацевтке кеңес алу үшін жүгініңіз.

Тромбопол келесі жай-күйлері/аурулары бар пациенттерге қарсы көрсетілімде: • салицилаттарға, қабынуға қарсы стероидты емес препараттарға (ҚҚСП) немесе қосымша заттарының кез келгеніне белгілі немесе күдік болған аса жоғары сезімталдық • қан кетулерге бейімділік (К дәруменінің тапшылығы, тромбоцитопения, гемофилия) • белсенді ойық жара ауруы • бүйрек функциясының ауыр бұзылулары (ШСЖ <0,2 мл/с (10 мл/мин)) • бауыр функциясының ауыр бұзылулары • жүрек функциясының ауыр бұзылулары • жүктіліктің үшінші триместріндегі 100 мг/тәулік астам дозалар • қызбасы бар 15 жасқа дейінгі балалар (Рейе синдромы даму қаупі)

Өте жиі • қан кетудің ұзартылған уақыты • тромбоциттер агрегациясының тежелуі • қыжыл, қышқылдық рефлюкс, іштің ауыруы Жиі • қан кетуге жоғары бейімділік • бас ауруы • демікпесі бар пациенттердегі бронх түйілуі • асқазан-ішек жолдарының жоғарғы бөлігіндегі эритема және эрозия, жүрек айну, диспепсия, құсу, диарея • ұйқысыздық Жиі емес • жасырын қан кету • вертиго (бас айналуы), ұйқышылдық • құлақтағы шуыл • ентігу • асқазан-ішек жолдарының жоғарғы бөлігіндегі ойық жара және қан кетулер,қан аралас құсу, мелена (қара нәжіс) • аллергиялық реакциялар (есекжем, ангионевроздық ісіну ) • анафилаксиялық реакциялар Сирек • трансаминаза мен сілтілі фосфатаза мәндерінің жоғарылауы • ұзақ емдеудегі анемия, глюкоза-6-фосфат дегидрогеназасының туа біткен тапшылығы бар кездегі гемолиз • миішілік қан кетулер • естудің дозаға байланысты қайтымды жойылуы және кереңдік (плазмадағы төменірек концентрацияда) • асқазан-ішек жолдарының жоғарғы бөлігіндегі ауыр дәрежедегі қан кетулер және тесілу • бүйрек функциясының бұзылуы • гипогликемия • геморрагиялық васкулит Өте сирек • гипопротромбинемия (жоғары дозаларда), тромбоцитопения, нейтропения, эозинофилия, агранулоцитоз, аплазиялық анемия • стоматит, эзофагит, асқазан-ішектің төменгі ойық жара түзумен уыттылығы, стеноз, колит, ішектің қабыну ауруларының өршуі • пурпура, эритема, Стивенс-Джонсон синдромы, уытты эпидермалық некролиз (Лайелл синдромы) • әртүрлі вирустық ауруларға байланысты (А және В тұмауы, желшешек) дозаға тәуелді қайтымды уытты гепатит. Салицилаттардың Рейе синдромы дамуының патогенезінде рөлі болуы мүмкін 1 Ангионевроздық ісіну көбіне аллергиктерде туындайды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек. Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

УыттылықҚауіпті дозасыЕресектер: 300 мг/кг. Балалар: 2 күннен астам уақыт бойы күніне 100 мг/кг қарағанда, бір доза 150 мг/кг немесе одан көп. Әдетте, салицилаттармен жеңіл дәрежедегі созылмалы улану тек жоғары дозаларды ұзақ уақыт қабылдағаннан кейін ғана пайда болады. Симптомдары Салицилаттармен созылмалы улану әдетте тек жоғары дозаларды ұзақ уақыт қабылдағаннан кейін ғана пайда болады. Қызба, тахипноэ, құлақтағы шуыл, респираторлық алкалоз, метаболизмдік ацидоз, сылбырлық, орташа сусыздану, жүрек айнуы және құсу.Салицилаттармен ауыр немесе жедел уланудың симптомдары гипогликемия (әсіресе балаларда), энцефалопатия, кома, гипотензия, өкпе ісінуі, құрысулар, коагулопатиялар, мидың ісінуі және жүрек ырғағының бұзылуы болып табылады. АСҚ жедел уыттану (>300 мг/кг) көбінесе жедел бүйрек жеткіліксіздігін тудырады, ал 500 мг/кг-дан жоғары дозалар өлімге әкелуі мүмкін. Уыттану әдетте созылмалы артық дозаланған пациенттерде немесе дәрілік заттарды шамадан тыс қабылдайтындарда, сондай-ақ егде жастағы пациенттерде немесе балаларда ауырлау болады. Емі АСҚ жедел артық дозалануы жағдайында асқазан босатылуы тиіс. Егер 120 мг/кг-дан астам қабылданды деген күдік болса, белсендірілген көмірдің қайталама дозалары енгізілуі мүмкін. Сарысулық салицилат қабылдағаннан кейін кем дегенде әр 2 сағат сайын және салицилат деңгейі тұрақты төмендей бастағанға дейін, ал қышқыл-сілтілік теңгерім жақсарғанға дейін өлшенуі тиіс. Протромбиндік уақыт және/немесе халықаралық қалыптасқан қатынас (ХҚҚ), атап айтқанда, егер қан кетуге күдік болса, бақылануы тиіс.Су-электролит теңгерімі қалпына келтірілуі керек. Сілтілік диурез және гемодиализ плазмадан салицилатты шығарудың тиімді әдісі болып табылады. Гемодиализ ауыр уыттану жағдайында қарастырылуы тиіс, өйткені ол салицилат клиренсін тез арттырады және қышқыл-сілтілік және су-тұз теңгерімін қалпына келтіреді.

Жағымсыз әсерлердің даму қаупінің жоғарылығына байланысты басқа ҚҚСП бірге Тромбопол препаратын ұзақ уақыт қолданудан аулақ болу керек. Асқазан-ішектен қан кету қаупіне байланысты ауырсыну, қабыну, қызба және ревматизм аурулары жағдайында егде жастағы пациенттерде ұзақ уақыт қолданудан аулақ болу керек. Жүректің жедел немесе созылмалы ишемиялық ауруы мен инсультті емдеу үшін, сондай-ақ асқазан-ішектен қан кету қаупіне байланысты инсульт пен жүректің ишемиялық ауруының профилактикасы үшін егде жастағы пациенттерде ацетилсалицил қышқылының (АСҚ) төмен дозаларын сақтықпен қолдану керек. 15 жасқа дейінгі балалардағы вирустық инфекцияларды емдеу үшін дәрігердің кеңесі болмай тұрып, құрамында АСҚ бар препараттар қолдануға болмайды. Кейбір вирустық аурулар, әсіресе А тұмауы, В тұмауы және желшешек Рейе синдромының даму қаупімен байланысты, бұл өте сирек кездесетін, бірақ өмірге қауіптілігі зор, дереу емдеуді қажет ететін ауру. Қауіп АСҚ бір мезгілде қолдану жолымен ұлғаюы мүмкін, бірақ себеп-салдарлық байланысы әлі анықталмаған. Егер осы аурулармен байланысты тұрақты түрде құсу пайда болса, бұл Рейе синдромының белгісі болуы мүмкін. Егер қан кетудің жоғарылау қаупі ишемия қаупінен асып кетсе, жоспарлы хирургиялық араласудан бірнеше күн бұрын төмен дозада емдеуді тоқтату мүмкіндігін қарастыру қажет. АСҚ бронх түйілуін тудыруы мүмкін және демікпе ұстамаларын немесе басқа аллергиялық реакцияларды тудыруы ықтимал. Қауіп факторларына бұрыннан бар демікпе, пішен қызбасы, мұрын полиптері және созылмалы респираторлық аурулар жатады. Бұл сондай-ақ басқа заттарға аллергиялық реакциялар (мысалы, тері реакциялары, қышыну және есекжем) білінетін пациенттерге де қатысты. Сондықтан Тромбополды басқа анальгетиктерге/қабынуға қарсы препараттарға/ревматизмге қарсы дәрілік затттарға сезімталдығы жоғары пациенттерде және басқа аллергиялары болған кезде ерекше сақтықпен қолдану керек. Келесі жағдайларда ерекше сақ болу керек: - асқазан-ішек жолдарының шырышты қабығының аурулары, диспепсияға бейімділік - антикоагулянттармен бір мезгілде емдеу (К дәрумені антагонистерімен және гепаринмен) - бүйрек функциясының бұзылуы - бауыр функциясының бұзылуы Ацетилсалицил қышқылын қолдану фертильділікті төмендетуі мүмкін және жүктілікті жоспарлап жүрген әйелдерде қолдануға болмайды. Жүкті болуда қиындықтары бар немесе бедеулікке байланысты тексеруден өтіп жатқан әйелдерде ацетилсалицил қышқылын қабылдауды тоқтату мүмкіндігін қарастыру қажет Арнайы сақтандырулар Қосымша заттар Бұл дәрілік препараттың әр таблеткасының құрамында 1 ммольден аз натрий (23 мг) бар, яғни құрамында натрий жоқ дерлік. Тромбопол құрамында аллергиялық реакция тудыруы мүмкін понсо 4R (Е124) бояғышы бар. Педиатрияда қолдану Қызбасы бар 15 жасқа дейінгі балаларға қолдануға болмайды Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Тромбопол машиналарды жүргізу және пайдалану қабілетіне әсер етпейді немесе елеусіз әсер етеді.

Төмен дозалар (тәулігіне 100 мг дейін) Клиникалық зерттеулер тәулігіне 100 мг-ға дейінгі дозалардың арнаулы бақылауды қажет ететін, белгілі бір акушерлік жағдайларда қолдануға қауіпсіз болатынын көрсетеді. Тәулігіне 100-500 мг дозалар Күніне 100-ден 500 мг-ға дейінгі дозаларда клиникалық тәжірибе жеткіліксіз, сондықтан тәулігіне 500 мг немесе одан жоғары дозаға арналған ұсыныстарды орындау қажет (төменде келтірілген). Күніне 500 мг немесе одан жоғары дозалар Үшінші триместрде: Жүктіліктің үшінші триместрінде простагландин синтезінің тежегіштері қарсы көрсетілімде, өйткені шарананы келесілерге ұшыратуы мүмкін: • жүректің уыттануы (артериялық түтіктің мерзімінен бұрын жабылуы және өкпе гипертензиясы) • бүйрек жеткіліксіздігіне және тиісінше қағанақ суы азаюына әкелуі мүмкін бүйрек дисфункциясы Жүктіліктің соңына қарай простагландин синтезінің тежегіштері, сондай-ақ анасы мен жаңа туған нәрестені келесілерге ұшыратуы ықтимал: • қан кету уақытының ұзаруы, соның салдарынан тіпті өте төмен дозаларда болуы мүмкін тромбоциттер агрегациясының төмендеу мүмкіндігі • босанудың кешеуілдеуіне немесе ұзаққа созылуына әкелуі мүмкін жатырдың жиырылу қабілетінің тежелуі Бірінші және екінші триместр: Простагландин синтезінің тежегіштерін қатаң көрсетілімдер болған жағдайда ғана қолдануға болады және дозасы мүмкіндігінше төмен болуы, ал емдеу мерзімі мүмкіндігінше қысқа болуы тиіс. Жоғарыда аталған себептерге байланысты жүктіліктің үшінші триместрінде АСҚ тәулігіне 100 мг немесе одан жоғары дозада қолдануға болмайды. Бала емізу туралы деректер жоқ. Бала емізу кезеңінде АСҚ тағайындамас бұрын, емшек еметін жастағы балалар үшін потенциалды қаупіне қатысты препаратпен емнің ықтимал пайдасын бағалау керек. ФертильділікАСҚ жүкті болғысы келетін әйелдерге тағайындалмауы тиіс, өйткені простагландин синтезінің тежегіштері фертильділікті төмендетуге қабілетті саналады. Егер АСҚ емдеу қажет болса, емдеу мүмкіндігінше ең қысқа болуы тиіс және доза мүмкіндігінше ең төмен болуы тиіс. Фертильділікке әсері қайтымды болады. Простагландин синтезінің АСҚ тежелуі жүктілікке және/немесе эмбрионның/ұрықтың дамуына зақымдаушы әсер етуі мүмкін. Эпидемиологиялық зерттеулердің деректері өздігінен болатын түсіктің және сәбидің жүрегінің туа біткен ақаулары дамуының, сондай-ақ жүктіліктің ерте басында простагландин синтезінің тежегіштері қолданылғанда, гастрошизис қаупінің жоғарылауын көрсетеді. Туа біткен жүрек ақауларының абсолюттік даму қаупі 1–1,5 % аралығында. Қауіптің артуы дозаның ұлғаюына және емдеу ұзақтығына тікелей пропорционалды деп саналады. Жануарларда простагландин синтезінің тежегіштерін енгізу имплантацияға дейінгі және одан кейінгі жоғалту жиілігінің жоғарылауына және эмбрион/ұрықтың өліміне соқтырды. Сонымен қатар, ағзалардың дамуы кезінде простагландиндер синтезінің тежегіштерін қабылдаған жануарларда даму ақауларының, соның ішінде жүрек-қан тамырлары ақаулары дамуы жағдайларының көбеюі анықталды. Жоғарыда аталған себептерге байланысты жүктіліктің үшінші триместрінде күніне 100 мг немесе одан жоғары дозада АСҚ қарсы көрсетілімде.

Келесі препараттарды бір уақытта қолданудан аулақ болу керек: Метотрексат Ықтимал механизмі: метотрексат клиренсінің төмендеуі. Әсері: метотрексат уыттылығы (лейкопения, тромбоцитопения, анемия, нефроуыттылық, шырышты қабықтың ойылып жаралануы). АӨФ тежегіштері Ықтимал механизмі: простагландиндер синтезінің тежелуі. Әсері: АӨФ тежегіштері тиімділігінің төмендеуі. Ацетазоламид Ықтимал механизмі: ацетазоламид концентрациясының жоғарылауы салицилаттардың қан плазмасынан қоршаған тіндерге таралуына әкелуі мүмкін. Әсері: ацетазоламидтен туындаған уыттылық (шаршау, сылбырлық, ұйқышылдық, сананың шатасуы, гиперхлоремиялық метаболизмдік ацидоз) және салицилаттардан туындаған уыттылық (құсу, тахикардия, гиперпноэ, сананың шатасуы). Пробенецид, сульфинпиразон Ықтимал механизмі: пробенецид және салицилаттардың жоғары дозалары (> 500 мг) несеп қышқылы шығарылуына ықпал ететін әр препараттың әсерін өзара бөгейді. Әсері: несеп қышқылы экскрециясының төмендеуі. Келесі препараттарды бір уақытта қолдану сақтықты талап етеді Клопидогрел, тиклопидин Клопидогрел мен АСҚ біріктірілімінің синергиялық әсері бар. Алайда қан кетудің жоғары қаупі осы біріктіріліммен байланысты. Біріктірілім сақтықпен жүзеге асырылуы тиіс. Антикоагулянттар: варфарин, фенпрокумон Ықтимал механизмі: тромбин өнімін азайтады, бұл тромбоциттер (К дәруменінің антагонисі) белсенділігінің жанама төмендеуіне әкеледі Әсері: қан кетудің жоғары қаупі. Абциксимаб, тирофибан, эптифибатид Ықтимал механизмі: тромбоциттерде IIb/IIIa гликопротеин рецепторларын тежейді Әсері: қан кетудің жоғары қаупі. Гепарин Ықтимал механизмі: тромбин өнімін азайтады, бұл тромбоциттер белсенділігінің жанама төмендеуіне әкеледі.Әсері: қан кетудің жоғары қаупі. Егер жоғарыда аталған екі немесе одан да көп затты АСҚ бірге қолданылса тромбоциттерді тежеу белсенділігінің жоғарылауымен синергиялық әсерге әкелуі мүмкін және нәтижесінде қан кету қаупі артады. ҚҚСП және ЦОГ-2 (целекоксиб) тежегіштері Ықтимал механизмі: аддитивті асқазан-ішек тітіркенуі.Әсері: асқазан-ішектен қан кетудің жоғары қаупі. ИбупрофенИбупрофенді бір мезгілде қолдану АСҚ туындаған тромбоциттердің қайтымсыз агрегациясын тежейді. Жүрек-қантамыр аурулары қаупі жоғары пациенттерді ибупрофенмен емдеу АСҚ кардиопротекторлық әсерін шектеуі мүмкін. Жүрек-қантамыр ауруларының профилактикасы үшін күніне бір рет АСҚ қабылдайтын және кейде ибупрофен қабылдайтын пациенттер ибупрофен қабылдаудан кемінде 2 сағат бұрын АСҚ қабылдауы тиіс. ФуросемидЫқтимал механизмі: фуросемидтің проксимальді өзекшелік шығарылуының тежелуі.Әсері: фуросемидтің несеп айдайтын әсерін төмендетеді. ХинидинЫқтимал механизмі: тромбоциттерге аддитивті әсері.Әсері: ұзақ уақыт қан кету. СпиронолактонЫқтимал механизмі: рениннің модификациялық әсері.Әсері: спиронолактон тиімділігінің төмендеуі. Серотонинді кері қармайтын селективті тежегіштер (СКҚСТ)Ықтимал механизмі: асқазан-ішек жолының аддитивті тітіркенуі.Әсері: асқазан-ішектен қан кетудің жоғары қаупі. ВальпроатЫқтимал механизмі: АСҚ вальпроаттың байланысуын және метаболизмін өзгертеді.Әсері: вальпроаттың уыттылығы (орталық жүйке жүйесінің бәсеңдеуі, асқазан-ішек жолының проблемалары). КортикостероидтарЫқтимал механизмі: асқазан-ішек жолының аддитивті тітіркенуі және бүйрек клиренсінің немесе салицилаттар метаболизмінің ұлғаюы.Әсері: асқазан-ішектің ойық жара қаупінің жоғарылауы және плазмадағы салицилаттың субтерапиялық концентрациясы. Диабетке қарсы препараттар Ықтимал механизмі: аддитивті гипогликемиялық әсер.Әсері: гипогликемия. АнтацидыЫқтимал механизмі: бүйрек клиренсінің артуы және бүйректік сіңірілудің төмендеуі (несеп рН жоғарылауына байланысты).Әсері: АСҚ әсерінің төмендеуі.. Желшешекке қарсы вакцина Механизм: белгісіз. Әсері: Рейе синдромының жоғары даму қаупі. Гинкго билоба Ықтимал механизмі: гинкго билоба тромбоциттер агрегациясын тежейді.Әсері: қан кетудің жоғары қаупі. Метамизол Ацетилсалицил қышқылы және құрамында метамизол бар препараттарды бір мезгілде қолдану тромбоциттер агрегациясының клиникалық маңызды деңгейін төмендетуі мүмкін. Сондықтан бұл біріктірілімді кардиопротекция үшін ацетилсалицил қышқылының аз дозаларын қабылдайтын пациенттерде сақтықпен қолдану керек.

Сақтау мерзімі 1 жыл 6 ай Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!