Тромбо АСС ® таблетки 75 мг

Бір таблетканың құрамында белсенді зат - 75 мг ацетилсалицил қышқылы қосымша заттар: лактоза моногидраты, микрокристалды целлюлоза, сусыз коллоидты кремнийдің қостотығы, картоп крахмалы; қабықтың құрамы: тальк, триацетин, метакрил қышқылы – этилакрилат кополимері (1: 1) 30% дисперсия (25.463 мг суспензия 7.639 мг құрғақ субстанцияға сәйкес келеді) Сипаттамасы Дөңгелек пішінді, екі беті дөңес, ақ түсті қабықпен қапталған, сызық ізі жоқ, іс жүзінде иіссіз, диаметрі (7.1 + 0.2) мм және қалыңдығы 3.4-тен 4.0 мм-ге дейінгі таблеткалар

- жүректің жедел және созылмалы ишемиялық ауруы - қауіп факторлары (мысалы, қант диабеті, гиперлипидемия, артериялық гипертензия, семіздік (ДСИ>30), темекі шегу, егде жас) бар, 50 жастан асқан адамдарда тромбоз және жедел коронарлық синдром сияқты жүрек-қантамырлар ауруларының алғашқы профилактикасы; - миокард инфарктісі мен қантамырлар тромбозының профилактикасы

Тромбозға қарсы препараттар. Гепаринді қоспағанда, тромбоциттер агрегациясының тежегіштері. Ацетилсалицил қышқылы. АТХ коды В01АС06 Әсер ету механизмі Фармакодинамикалық әсерлері АСҚ - бұл ауруды басатын, қабынуға қарсы және қызуды басатын дәрі, ол сондай-ақ тромбоциттердің агрегациясын болдырмайды. Бұл қан кету уақытын ұзартады. Төмен дозаларды (30-300 мг) тағайындағанда АСҚ-ның негізгі әсер ету механизмі циклооксигеназа ферментінің белсенділігін жою болып табылады, соның нәтижесінде простагландиндер, простациклиндер және арахидон қышқылынан тромбоксан синтезі бұзылады. Тромбоциттердегі А2 тромбоксаны синтезінің қайтымсыз бұзылуы АСҚ-ның агрегантқа қарсы әсерін анықтайды. Бұдан басқа, АСҚ тромбоциттерді босатылу реакциясын бөгейді, оның нәтижесінде тромбоциттер агрегациясын туындатуы мүмкін көптеген субстанциялар шығады, мысалы, АДФ (аденозиндифосфат), серотонин, тромбоциттерді белсендіру факторы және т. б. 30-300мг АСҚ дозаларында тромбоциттік тромбтың өсуін болдырмай, қантамыр қабырғасының зақымдалған эндотелийінде тромбоздың түзілуін тиімді тежейді. Осылайша, АСҚ тромбоциттердің жоғары агрегациясымен байланысты аурулардың алдын алуға және емдеуге бағытталған антитромбоциттік әсері көрінеді. Препарат церебралдық-васкулярлық аурулармен, артериялардың шеткері ауруларымен, жүректің ишемиялық ауруымен (миокард инфаркты) және басқа да қантамырлар ауруларымен ауыратын пациенттердің тромбоциттер функциясын жақсартады. Бұдан басқа, АСҚ тромбоэмболия құбылыстарын азайтады және жүрекке жасалған операциялардан кейін пациенттердің рестеноздар санын азайтады. Клиникалық тиімділігі және қауіпсіздігі Жаңа клиникалық деректер тіпті төмен дозаларда АСҚ-ның антитромбозға қарсы әсерінің барын дәлелдейді. ТИШ-ға жасалған голландиялық клиникалық сынақта тәулігіне 30 мг су ерітіндісін (бір топта) және күніне 283 мг-дан (екінші топта) қабылдаған, ТИШ-дан немесе инсульттан кейінгі 3,131 пациент кездейсоқ таңдалды. Бақылау орта есеппен 2.6 жыл жүргізілді. 30 мг тобында (1,555 субъект) инсульт, миокард инфаркты немесе өлім 283 мг тобындағы (1,576 субъект) 240 жағдайға (15.2%) қарсы барлығы 228 жағдайда (14.7%), болды. Бұл нәтижелер тәулігіне 30 мг АСҚ дозасы күніне 283 мг АСҚ дозасынан тиімділігі аз емес деп болжады. АСҚ-ның төмен дозасын қабылдайтын топтың пайдасына клиникалық едәуір қан кетудің (елеулі қан кетудің) пайыздық үлесінің төмендеу үрдісі байқалды, бірақ айырмашылық тек шамалы қан кетуге қатысты ғана клиникалық маңызды болды. АСҚ сирек кездесетін Кавасаки синдромын емдеу үшін де қолданылады. Тиісті дозаны ағымдағы ғылыми әдебиеттен алу қажет. Простагландиндер синтезінің тежелуіне байланысты АСҚ ауруды басатын, қызуды басатын және қабынуға қарсы қасиеттері бар қышқыл түзетін стероидты емес ревматизмге қарсы препараттар тобына жатады. Тәжірибелік деректер ибупрофен тромбоциттерді бір мезгілде тағайындағанда олардың агрегациясына төмен дозалы АСҚ-ның тигізетін әсерін тежеуі мүмкін деп болжайды. Ибупрофеннің 400 мг бір реттік дозасы АСҚ-ның дереу босатылу дозасына дейін 8 сағат ішінде немесе дозасынан кейін 30 минут ішінде қабылданған бір зерттеуде тромбоксанның түзілуіне немесе тромбоциттер агрегациясына тигізетін АСҚ әсерінің төмендегені байқалды. Алайда, осы деректерді шектеу және клиникалық жағдайға деректерді ex vivo экстраполяциялауға қатысты дәлсіздіктер ибупрофенді тұрақты қолдануға қатысты ешқандай нақты қорытындылар жасауға болмайтынын және ибупрофенді ретсіз қолданғанда клиникалық тұрғыдан маңызды әсер екіталай екенін түсіндіреді.

Енгізу әдісі мен жолы Ішекте еритін үлбірлі қабықпен қапталған Тромбо АСС® таблеткаларын тәуліктің белгілі бір уақытында тамақтануға қарамастан сұйықтықтың аз мөлшерімен шайнамай ішу керек. Ішекте еритін үлбірлі қабықпен қапталған таблеткалар түрінде АСҚ қабылдау оның асқазанның шырышты қабығына тигізетін жағымсыз әсерін төмендетеді. Үлбірлі жабынның бүтіндігін сақтау үшін таблетканы бөлу ұсынылмайды. Дозалау режимі Жүректің жедел және созылмалы ишемиялық ауруы 150 мг бастапқы доза ретінде, содан кейін күніне 75 мг.Миокардтың жедел инфарктісі/тұрақсыз стенокардия 150-450 мг алғашқы симптомдар пайда болғаннан кейін тезірек қабылдау. Қайталанған тромбоздардың профилактикасы 150 мг бастапқы доза ретінде, содан кейін күніне 75 мг. 50 жастан асқан пациенттер Алғашқы профилактика, жүрек-қантамыр ауруларының ерекше даму қаупі болған жағдайда: күніне 75 мг. Бауыр немесе бүйрек функциясы бұзылған кезде дозаны түзету қажет болуы мүмкін. Егде жастағы пациенттердің дозасын түзету қажет емес. Ең жоғары тәуліктік доза 300 мг. Препаратты ұзақ уақыт аз дозадан қабылдау ұсынылады. Дозаны және емдеу ұзақтығын емдеуші дәрігер анықтайды.

• салицилаттарға, қабынуға қарсы стероидты емес препараттарға (ҚҚСП) немесе қосымша заттардың кез келгеніне белгілі немесе күдікті аса жоғары сезімталдық - миға қан құйылу • асқазан-ішек жолының асқыну сатысындағы және анамнезіндегі эрозиялы-ойықжаралы зақымдануы, асқазан-ішектен қан кету • қан кетуге бейімділік, геморрагиялық диатез (К дәруменінің тапшылығы, қан ұюдың бұзылуы, гемофилия, тромбоцитопения) • нефролитиаз, бүйрек функциясының ауыр жеткіліксіздігі (ШСЖ<0,2 мл / с (10 мл/мин) • бүйрек функциясының ауыр жеткіліксіздігі • бауыр функциясының ауыр жеткіліксіздігі - салицилаттар мен ҚҚСП қабылдаудан индукцияланған бронх демікпесі • жүрек функциясының ауыр жеткіліксіздігі - тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы - глюкоза-6-фосфатдегидрогеназа тапшылығы • жүктіліктің соңғы триместрі, лактация кезеңі (жүктілік және лактация бөлімін қараңыз) • 18 жасқа дейінгі балалар мен жасөспірімдер • аптасына 15 мг және одан да көп дозадан метотрексатпен біріктіріп қолдану • подагра • гипероксалурия.

Өте жиі: • қан кету уақытының ұзаруы • тромбоциттер агрегациясының тежелуі • қыжыл, қышқыл рефлексі, іштің ауыруы Жиі: • асқазан-ішек жолы тарапынан бұзылулар (жүрек айну, құсу, қыжыл, диарея, іштің ауыруы, сондай-ақ асқазан-ішек жолынан аздаған қан кетулер (микро қан кету) • геморрагиялық диатез • бас ауыруы • демікпесі бар пациенттерге тигізетін бронхоспазмдық әсері • асқазан-ішек жолының жоғарғы бөлігінің эритемасы және эрозиясы • ұйқысыздық Жиі емес: • жасырын қан кету • вертиго (бас айналу), ұйқышылдық • құлақтың шыңылдауы • ринит, ентігу • асқазан-ішек жолының жоғарғы бөлігінің ойықжаралары мен қан кетулер, қан құсу, мелена (қара нәжіс) • аллергиялық реакциялар – есекжем, ангионевроздық ісіну (ангионевроздық ісіну аллергиямен ауыратын науқастарда жиі дамиды) • анафилаксиялық реакциялар Сирек: • трансаминазалар мен сілтілік фосфатаза мәндерінің артуы • анемия (ұзақ емдегенде), гемолиз (туа біткен глюкозо-6-фосфат дегидрогеназа тапшылығы болған кезде), тромбоцитопения, агранулоцитоз, апластикалық анемия • миішілік қан кету • дозаға тәуелді қайтымды естімей қалу және саңыраулық • асқазан-ішек жолының жоғарғы бөлігінде ауыр дәрежелі асқазан-ішектік қан кетулер, перфорация • бүйрек функциясының бұзылуы • гипогликемия • геморрагиялық васкулит Өте сирек: • гипопротромбинемия (жоғары дозада), нейтропения, эозинофилия • стоматит, эзофагит, асқазан-ішек жолының төменгі бөлігінде ойықжаралардың пайда болуы, стеноз, колит, ішектің қабынбалы ауруларының өршуі • пурпура, эритема, Стивенс-Джонсон синдромы, уыттық эпидермалық некролиз (Лайелл синдромы) • әртүрлі вирустық аурулармен (А және В грипі, желшешек) байланысты дозаға тәуелді қайтымды уыттық гепатит. • Рейе синдромы Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз (жағымсыз реакциялар бойынша ақпараттық дерекқорды көрсету) Қазақстан Республикасы Денсаулық сақтау министрлігі медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz ресми сайтынан көруге болады.

Әдетте, ұйқышылдық, бас айналу, сананың шатасуы немесе жүрек айнуы (салицил қышқылынан немесе оның қосылыстарынан улану) және жедел улану сияқты жүйке жүйесі тарапынан бұзылулармен бірге жүретін АСҚ-мен созылмалы артық дозалануды ажырата білу керек. Жедел улану белгілері: қышқыл-сілті теңгерімінің ауыр бұзылуы. Терапиялық дозаларда да жиіленген дем аясында респираторлық алкалоз пайда болуы мүмкін. Ол бүйрек арқылы гидрокарбонаттың көп шығуымен орнына келеді, сондықтан қанның РН қалыпты диапазонда болады. Уытты дозаларда мұндай компенсация жеткіліксіз болып табылады, сондықтан қанның рН және гидрокарбонаттың концентрациясы төмендейді. Қанның pCO2 мәндері қалыпты болуы мүмкін. Сыртқы белгілер метаболизмдік ацидоздың клиникалық көрінісін көрсетеді. Шынында мұндай көріністер респираторлық және метаболизмдік ацидоздың үйлесімі болып табылады, оның себептері: көмірсу алмасуының бұзылуынан туындаған тыныс алудың бұзылуы, бүйрек экскрециясының (күкірт және фосфор қышқылы, сондай-ақ салицил, сүт, ацетосірке қышқылдары және т.б.) төмендеуі себебінен қышқылдың ішінара жинақталуы болып табылады. Сонымен қатар, электролит теңгерімі бұзылады және калийдің ауқымды жоғалуы туындайды. Жеңіл немесе орташа дәрежелі жедел улану (200-400 мкг/мл): қышқыл-сілті теңгерімінің бұзылуы, электролиттік теңгерімнің бұзылуы (мысалы, калийдің жоғалуы), гипогликемия, тері бөртпесі, асқазан-ішектен қан кету, гипервентиляция, құлақтың шуылдауы, жүрек айну, құсу, көру және есту қабілетінің бұзылуы, бас ауыруы, бастың айналуы және сананың шатасуы. Ауыр улану (400 мкг/мл-ден астам): сандырақ жағдайы, тремор, ентігу, аса тершеңдік, эксикоз, гипертермия және кома дамуы мүмкін. Өліммен аяқталатын улану: әдетте тыныс алу тоқтап қалу салдарынан өледі. Емі: АСҚ-дан уланған кезде емдеуді таңдау уланудың ауырлығына, сатысына және клиникалық симптомдарына негізделген. Терапия ретінде белсенді заттың сіңуін төмендету, су және электролит теңгерімін бақылау, сондай-ақ бұзылған терморегуляция мен тыныс алуды қалпына келтіру жөніндегі қарапайым шаралар қабылданады. Бірінші кезекте шығаруға және қышқыл-сілті және электролит теңгерімін қалпына келтіруге әсер ететін шараларға назар аударылуы керек. Бикарбонат және калий хлориді ерітінділерін вена ішіне енгізуден басқа, диуретиктер тағайындауға болады. Несеп салицилаттардың иондану дәрежесін арттыру және өзекшелік реабсорбцияны төмендету үшін сілтілі болуы керек. Қанның pH, pCO2көрсеткішін, гидрокарбонат, калий және т. б. деңгейін бақылау ұсынылады. Ауыр жағдайларда қарқынды терапия (күшейтілген сілтілі диурез, гемодиализ), құрысулар кезінде диазепамды қабылдау қажет болуы мүмкін.

Арнайы ескертулер Тромбо АСС® прапаратын келесі жағдайларда сақтықпен тағайындаған жөн: • ҚҚСП қолдануға жоғары сезімталдық реакциялары туралы анамнездік деректер • басқа да аллергиялық реакциялар (тері реакцияларымен, бөртпемен, есекжеммен қоса жүретін), пішен қызбасы, мұрынның шырышты қабығының ісінуі (поллиноз), тыныс алу ағзаларының созылмалы аурулары • Тромбо АСС® бронхоспазмды, сондай-ақ бронх демікпесінің ұстамаларын және басқа да аса жоғары сезімталдық реакцияларын туындатуы мүмкін. • анамнезінде асқазан-ішек жолының ойықжаралы зақымдануы, оның ішінде созылмалы немесе қайталанатын ойықжаралы ауруы немесе асқазан-ішектен қан кету бар • бауыр немесе бүйрек тарапынан функциялық бұзылулар • тромбозға қарсы препараттарды қатар қолдану • анамнезінде гипопротромбинемия • K дәруменінің жетіспеушілігі • тромбоцитопения • антикоагулянттармен бірге қолданғанда - глюкоза 6 фосфат дегидрогеназа (Г6ФД) жеткіліксіздігінің ауыр түрімен ауыратын пациенттерде Тромбо АСС® гемолиздің немесе гемолиздік анемияның дамуын туындатуы мүмкін. Тромбо АСС ® препаратын қабылдауды қан ұюдың өзгеруіне және қан кету қаупінің жоғарылауына байланысты жоспарланған хирургиялық операцияға дейін 5-7 күн бұрын тоқтату қажет. Төмендегі жағдайларда сақтықпен қабылдау: мол етеккірлік қан кету, жатырішілік контрацептивтерді қолдану. Тромбо АСС® несеп қышқылының шығуын төмендетеді, бұл осы ауруға бейімділігі бар пациенттерде подагра ұстамасын туындатуы мүмкін. Лактоза туа бітті жақпайтын пациенттерге Тромбо АСС® препаратын қабылдауға болмайды. Тромбо АСС® препаратымен емдеген кезде алкоголь ішу ұсынылмайды, себебі ол асқазан-ішек жолы тарапынан жағымсыз әсерлердің күшею қаупін арттырады. Педиатрияда қолданылуы Белгілі бір вирустық аурулары бар балаларға қолданғанда препаратты қабылдау мен Рейе синдромының дамуы арасында өзара байланыс бар. Құрамында АСҚ бар препараттарды біріктіріп қолданған кезде қауіп жоғарылауы мүмкін, бірақ себеп-салдарлық байланыс анықталмады. Мұндай аурулармен ауырғанда персистенцияланатын құсудың дамуы Рейе синдромының белгісі болуы мүмкін. Рейе синдромы - ми мен бауырды зақымдайтын және өлімге әкелуі мүмкін өте сирек ауру. Осыған байланысты Тромбо АСС® перапаратын 18 жастан кіші балалар мен жасөспірімдерге тағайындауға болмайды. Фертильділік АСҚ-ны қолдану фертильділікті төмендетуі мүмкін, осыған байланысты бала сүйгісі келетін әйелдерге қолданылмауы керек. Егер АСҚ-мен емдеу қажет болса, ем барынша қысқа болуы тиіс және доза барынша азырақ болуы тиіс. Фертильділікке әсер етуі қайтымды болып табылады. Жүктілік Простагландиндер синтезінің тежелуі жүктілікке және эмбрионның немесе ұрықтың дамуына теріс әсер етуі мүмкін. Эпидемиологиялық зерттеу деректері жүктіліктің ерте мерзімінде простагландиндер синтезінің тежегіштерін қолданғанда ақаулар мен мальформациялардың даму қаупінің жоғарылағанын көрсетеді. Бұл ретте дозаны көбейткенде және емдеу ұзақтығын созғанда қауіп артады деп болжанады. Қол жетімді деректер ацетилсалицил қышқылын қолдану мен жүктілікті мерзімінен бұрын үзу қаупін арттыру арасындағы қандай да бір өзара байланысты растамайды. Даму ақауларының дамуына қатысты қол жетімді эпидемиологиялық деректер қарама-қайшы, алайда, құрсақ қабырғасының бітелмеуі - ақаудың жоғары даму қаупін жоққа шығаруға болмайды. Клиникаға дейінгі зерттеулер деректері репродукциялық уыттылықтың бар екенін көрсетті. Простагландиндер синтезінің тежегіштерін қатаң көрсетілімдер болса ғана қолдануға болады және доза мүмкіндігінше аздау және емдеу мерзімі қысқалау болуы керек. Осыны ескере отырып, жүктіліктің бірінші және екінші триместрінде Тромбо АСС® препаратын 50-100 мг дозадан дәрігер қаупі/пайдасы арақатынасын мұқият бағалағаннан кейін ғана қолдануға болады. Үшінші триместрде АСҚ-ны тағайындау ұрықта төмендегілерді туындатуы мүмкін: - жүрек-өкпе уыттылығы (Баталов түтігінің мерзімінен бұрын жабылуымен және өкпе гипертензиясымен байқалатын); - бүйрек функциясы жеткіліксіздігінің жүйелі дамуымен және қағанақ суының азаюымен байқалатын бүйрек дисфункциясы; жүктілік соңында анасы мен ұрықта төмендегілер туындауы мұмкін: - тромбоциттер агрегациясының ықтимал төмендеуі салдарынан қан кету уақытының ұзаруы; - жатырдың жиырылу белсенділігінің бәсеңдеуі, бұл мезгілінен кеш босануды немесе босану ұзақтығының артуын туындатуы мүмкін. Жоғарыда баяндалғандаға байланысты АСҚ-ны жүкті әйелдерге ІІІ триместрде қолдануға болмайды. Ацетилсалицил қышқылының өте жоғары дозаларын (100 мг астам) жүктіліктің барлық триместрінде қолдануға болмайды. Лактация Салицилаттар және олардың метаболиттері аз мөлшерде емшек сүтімен шығады. Балаға зиянды әсер әлі анықталмағанына қарамастан, тромбоциттер агрегациясының тежелу қаупін жоққа шығаруға болмайды. Лактация кезеңінде салицилаттарды қысқа мерзімде қабылдау емшек сүтімен емізуді тоқтатуды талап етпейді. Алайда, дәрігер препаратты ұзақ қолдануды немесе ацетилсалицил қышқылын жоғары дозадан қабылдауды тағайындаса емшек емізуді тоқтату керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Тромбо АСС® көлік құралын басқару немесе қозғалмалы механизмдермен жұмыс жүргізу қабілетіне әсер етпейді немесе елеусіз әсер етеді.

Нұсқаулықта көрсетілмеген.

Қарсы көрсетілген өзара әрекеттесулер Метотрексат Мүмкін механизм: метотрексаттың азайтылған клиренсі. Әсері: метотрексаттың уыттылығы (лейкопения, тромбоцитопения, анемия, нефроуыттылық, шырышты қабықтардың жаралануы). Пероральдық антикоагулянттар Ықтимал механизмі: тромбиннің өндірілуін азайтады, бұл тромбоциттер (К дәруменінің антагонисі) белсенділігінің тікелей емес төмендеуін туындатады.Әсері: қан кету қаупі жоғары. Сақтықты талап ететін біріктірілімдер АӨФ тежегіштері Ықтимал механизмі: простагландиндер синтезінің тежелуі. Әсері: АӨФ тежегіштері тиімділігінің төмендеуі. Ацетазоламид Ықтимал механизмі: ацетазоламидтің жоғары концентрациясы қан плазмасынан қоршаған тіндерге салицилаттардың диффузиясын туындатуы мүмкін. Әсері: ацетазоламид туындатқан уыттылық (шаршау, әлсіздік, ұйқышылдық, сананың шатасуы, гиперхлоремиялық метаболизмдік ацидоз) және салицилаттар туындатқан уыттылық (құсу, тахикардия, гиперэпное, сананың шатасуы). Пробенецид, сульфинпиразон Ықтимал механизмі: проленецид және салицилаттардың жоғары дозалары (> 500 мг) несеп қышқылының шығуына әсер ете отырып, екі препараттың да әсерін өзара бөгейді. Әсері: несеп қышқылы экскрециясының төмендеуі. Клопидогрел, тиклопидин Клопидогрел мен АСҚ біріктірілімінің синергиялық әсері бар, сондықтан бұл біріктіріліммен қан кетудің жоғары қаупі байланысты. Осы біріктірілімді тағайындағанда сақтық таныту қажет. Абсиксимаб, тирофибан, эптифибатид Ықтимал механизмі: тромбоциттердегі IIb/IIIa гликопротеин рецепторларын тежейді.Әсері: қан кету қаупі жоғары. Гепарин Ықтимал механизмі: тромбиннің өндірілуін азайтады, бұл тромбоциттер белсенділігінің тікелей емес төмендеуін туындатады. Әсері: қан кету қаупі жоғары. Егер жоғарыда көрсетілген дәрілердің екеуі немесе бірнешеуі АСҚ-мен бірге қолданылса, бұл тромбоциттер белсенділігі тежелуінің артуымен байқалатын синергиялық әсерді туындатуы мүмкін және нәтижесінде геморрагиялық диатез қаупі жоғарылайды.ҚҚСП және ЦОГ-2 тежегіштері (целекоксиб) Ықтимал механизмі: асқазан-ішектің аддитивті тітіркенуі.Әсері: асқазан-ішектен қан кету қаупінің артуы.ИбупрофенИбупрофенмен бір мезгілде қолдану АСҚ туындатқан тромбоциттердің қайтымсыз агрегациясын тежейді. Жүрек-қантамыр ауруларының жоғары даму қаупі бар пациенттерді ибупрофенмен емдеу АСҚ-ның кардиопротекторлық әсерін шектеуі мүмкін. Жүрек-қантамыр ауруларының алдын алу үшін АСҚ-ны күніне бір рет қабылдайтын пациенттер және ибупрофенді арасында қабылдайтындар АСҚ-ны ибупрофенді қабылдағанға дейін кем дегенде 2 сағат бұрын қабылдауы тиіс. ФуросемидЫқтимал механизмі: фуросемидтің проксималдық өзекшелік шығуының тежелуі. Әсері: фуросемидтің несеп айдайтын әсері төмендейді. Аддисон ауруының толықтырғыш терапиясы үшін қолданылатын гидрокортизонды қоспағанда, жүйелік глюкокортикостероидтар (ГКС) Кортикостероидтармен емдегенде қандағы салицилаттар концентрациясының деңгейі төмендейді және емдеуді тоқтатқаннан кейін салицилаттармен артық дозаланудың даму қаупі туындайды, өйткені ГКС салицилаттардың шығуын күшейтеді. Хинидин Ықтимал механизмі: тромбоциттерге аддитивті әсері.Әсері: қан кету уақытының ұзаруы. СпиронолактонЫқтимал механизмі: рениннің модификацияланған әсері.Әсері: спиронолактон тиімділігінің төмендеуі.Серотонинді кері қармаудың селективті тежегіштері (СКҚСТ) Ықтимал механизмі: асқазан-ішек жолының аддитивті тітіркенуі.Әсері: асқазан-ішектен қан кету қаупінің артуы.ВальпроатЫқтимал механизмі: АСҚ вальпроаттың байланысуын мен метаболизмін өзгертеді.Әсері: вальпроаттық уыттылық (орталық жүйке жүйесінің тежелуі, асқазан-ішек жолының проблемалары). Біріктірілім вальпроат дозасын түзетуді талап етуі мүмкін. Дигоксин Бүйрек клиренсінің төмендеуі есебінен АСҚ қан плазмасындағы дигоксиннің концентрациясын арттырады. Диабетке қарсы препараттар Ықтимал механизмі: аддитивті гипогликемиялық әсер.Әсері: гипогликемия Жоғары дозадағы АСҚ-ның біріктірілімімен ангиотензин өзгертуші ферменттің (АӨФ) тежегіштері Гипотензиялық әсердің тиісінше әлсіреуі, тамыр кеңейтетін әсері бар простагландиндердің тежелуі нәтижесінде гломерулярлық сүзілудің төмендеуі байқалады. Желшешекке қарсы вакцина Механизмі: белгісіз. Әсері: Рейе синдромының даму қаупі жоғары. Этанол АСҚ мен этанол әсерлерінің өзара күшеюі нәтижесінде АІЖ-нің шырышты қабығының зақымдану қаупінің жоғарылағаны және қан кету уақытының ұзарғаны байқалады. Метамизол Метамизол мен ацетилсалицил қышқылын бір мезгілде қолданғанда метамизол ацетилсалицил қышқылының тромбоциттер агрегациясына тигізетін әсерін азайтуы мүмкін. Сондықтан ацетилсалицил қышқылының төмен дозаларын агрегантқа қарсы дәрі ретінде қабылдайтын пациенттерді емдеген кезде осы біріктірілімді сақтықпен қолдану керек.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 30С-ден аспайтын температурада сақтау керек. Балалардың қолы жетпейтін жерде сақтау керек!