Тропикамид капли 5мг/мл

Бір мл ерітіндінің құрамында белсенді зат – тропикамид 5 мг немесе 10 мг, қосымша заттар – натрий хлориді, динатрий эдетаты, бензалконий хлориді (50% ерітінді түрінде), сұйылтылған хлорсутек қышқылы, тазартылған су. Сыртқы түрінің, иісінің, дәмінің сипаттамасы Түссіз, мөлдір сұйықтық.

• Тропикамид 5 мг/мл • Препарат жергілікті қолдануға арналған: • офтальмологиялық диагностикада - көз түбін зерттеу үшін; • операция алдындағы кезеңде, қарашықтың кеңеюі үшін қысқа әсер ететін дәрілерді қолдану қажет болған кезде. • Тропикамид 10 мг/мл • Препарат жергілікті қолдануға арналған: • офтальмологиялық диагностикада – аккомодациялық салдануда қажет болғанда рефракцияны зерттеу үшін; • қарашықты кеңейту үшін қысқа әсер ететін дәрілерді қолдану қажет болған кезде операцияға дейінгі және кейінгі кезеңде. Қолдану басталғанға дейін қажетті мәліметтер тізбесі

ATХ коды S01FA06 • Атропин әсеріне ұқсас парасимпатиколитикалық әсері бар препарат, бірақ онымен салыстырғанда тропикамидтің әсері жылдамырақ және қарашықты қысқа мерзімге кеңейтеді. Концентрациясы 10 мг/мл ерітінді аккомадация салдануын да тудырады. • Тропикамидтің әсер ету механизмі ацетилхолинмен бәсекелестік антагонизмге негізделген. Қарашықты тарылтатын бұлшықеттің және цилиарлы бұлшықеттің салдануын тудырады, нәтижесінде қарашықтың кеңеюі пайда болады.

Дозалау режимі Тропикамид 5 мг/мл Ересектер, егде жастағы пациенттер және 8 жастан асқан балалар • Көз түбін зерттеу Зерттеу жүргізгенге дейін Тропикамид 5 мг/мл препаратын 1-2 тамшыдан конъюнктивалық қалтаға 15-20 минут бұрын тамызады. • Қарашықты кеңейту мақсатында Тропикамид 5 мг/мл препаратын 2 тамшыдан конъюнктивалық қалтаға (5 минут аралықпен) тамызады. Егер препарат инстилляциясынан кейін 15-30 минут ішінде пациентті тексеру мүмкін болмаса, қарашықты кеңейтетін әсерін ұзарту үшін конъюнктивалық қалтаға тағы 1 тамшы тамызуға болады. Қарашықтың барынша кеңеюі препаратты енгізгеннен кейін шамамен 15 минуттан соң басталады. Препараттың әсері 3 сағатқа дейін сақталады. Тропикамид 10 мг/мл Ересектер мен егде жастағы пациенттер • Аккомодация салдануы (рефракцияны зерттеу үшін) Тропикамид 10 мг/мл препаратын 1 тамшыдан конъюнктивалық қалтаға 5 минут аралықпен 2 рет тамызады. Зерттеу препараттың соңғы инстилляциясынан бастап 25-50 минут ішінде жүргізілуі керек. Ескерту: балаларда аккомодацияны салдандыруға жету үшін атропинді қолдану керек. Ересектер, егде жастағы пациенттер және 8 жастан асқан балалар • Қарашықты кеңейту мақсатында Тропикамид 10 мг/мл препараты 1 тамшыдан. Егер препарат инстилляциясынан кейін 15-30 минут ішінде пациентті тексеру мүмкін болмаса, қарашықты кеңейтетін әсерін ұзарту үшін конъюнктивалық қалтаға тағы 1 тамшы тамызуға болады. Қарашықтың барынша кеңеюі препаратты енгізгеннен кейін шамамен 15 минуттан соң басталады. Препараттың әсері 3 сағатқа дейін сақталады. Ескерту: жас балаларда тропикамидті тек 5 мг/мл концентрацияда қолдану керек. Енгізу әдісі мен жолы Тек сыртқы қолдану үшін – жергілікті, конъюнктивалық қалтаға. Тамшылатқыштың ұшын көздің бетіне, сондай-ақ басқа беттерге тигізбеңіз, себебі бұл құтының ішіндегісін ластауы мүмкін. Препарат инстилляциясынан кейін тропикамидтің жүйелік сіңуін шектеу мақсатында кем дегенде 1 минут бойы көз жасы өзекшелерін басып тұру керек. Препаратты әр тамызғаннан кейін тропикамидтің қалған ерітіндісін кетіру үшін қолды жуу керек. Дәрілік препараттың бір немесе бірнеше дозасын өткізіп алған кездегі қажетті шаралар Препараттың өткізіп алған дозасының орнын толтыру мақсатында қосарлы дозаны қолдануға болмайды. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Дәрілік препаратты қолданбас бұрын дәрігермен немесе фармацевтпен кеңесіңіз.

• тропикамидке немесе қосымша заттардың кез келгеніне аса жоғары сезімталдық • көздің алдыңғы камерасының бұрышын жабатын бастапқы глаукома • жабық бұрышты глаукома • 8 жасқа дейінгі балалар Препараттың құрамында бензалконий хлоридінің болуына байланысты жұмсақ жанаспалы линзаларды пайдалану кезінде препаратты қолдануға болмайды.

Жергілікті, көру мүшесі тарапынан Белгісіз (қолда бар деректер негізінде бағалау мүмкін емес) • көзішілік қысымның жоғарылауы* • көздегі шаншудың өтпелі сезімі • фотофобия Препаратты ұзақ уақыт қолданған кезде пайда болуы мүмкін: жергілікті тітіркену, көздің гиперемиясы, ісіну және конъюнктивит. Белсенді заттың жүйелік қан ағымына сіңуі салдарынан жүйелік сипаттағы жағымсыз әсерлердің дамуы мүмкін Белгісіз (қолда бар деректер негізінде бағалау мүмкін емес) • ауыздың құрғауы • терінің құрғауы, қызаруы • алдыңғы тахикардия болған брадикардия, жүрек соғуының күшеюі, аритмия, • кенеттен несеп шығаруға қысылу. • іш қатуға әкелетін ішек перистальтикасының баяулауы • құсу • бас айналу • шатқаяқтап жүру (атаксия) • бөртпе (балаларда) • орталық жүйке жүйесі тарапынан бұзылулар: психоздық бұзылыстар, мінез-құлықтың бұзылуы (балаларда) • жүрек-қантамыр жүйесі тарапынан бұзылулар: кенеттен тыныс алу және қан айналымы жеткіліксіздігінің симптомдары (балаларда) • іштің кебуі (балаларда) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: терінің қызаруы және құрғауы, (балаларда бөртпе болуы мүмкін), көру бұзылыстары, жедел және жүйесіз тамыр соғуы, қызба, құрысулар, елестеулер және жүйке-бұлшықет үйлесімінің жоғалуы. Емі: симптоматикалық. Препарат кездейсоқ ішке түсіп кеткен жағдайда құстырту немесе асқазанды шаю керек.

Арнайы ескертулер Тек сыртқы қолдану үшін – жергілікті конъюнктивалық қалтаға. Көз түбін зерттеу мақсатында қарашықты кеңейту үшін тропикамидті қолданар алдында пациенттің жабық бұрышты глаукомаға (анамнез, көздің алдыңғы камерасының тереңдігін бағалау, гониоскопия) қатысты диагностикасын жүргізу қажет. Бұл әсіресе егде жастағы пациенттерге және көзішілік қысымның жоғарылауына бейім пациенттерге қатысты, өйткені тропикамидті бір рет қолданғаннан кейін жедел глаукома ұстамасы жағдайлары байқалады. Белладонна алкалоидтарына сезімтал балалар мен пациенттерде аса сақ болу керек, өйткені пациенттердің осы топтарында тропикамидті қолданғаннан кейін жүйелік уытты әсерінің басталу қаупі артады. Дәрілік препаратты көздің қабыну жағдайы бар пациенттерде сақтықпен қолдану керек, өйткені бұл жағдайда препараттың жүйелік қан ағымына сіңуі артады. Антихолинергиялық препараттарға сезімталдығы жоғары пациенттерде тропикамид инстилляциясы нәтижесінде психоздық реакциялар мен мінез-құлық бұзылыстары пайда болуы мүмкін. Препараттың құрамында әр мл ерітіндіде 0,1 мг бензалконий хлориді бар. Бензалконий хлоридін жұмсақ жанаспалы линзалар сіңіруі мүмкін және олардың түсін өзгерте алады. Препаратты тамызар алдында жанаспалы линзаларды алып тастау қажет және оларды қайтадан препаратты қолданғаннан кейін 15 минут өткен соң кию керек. Педиатрияда қолдану Препаратты қолдану кезінде балаларда ерекше сақ болу ұсынылады, өйткені жағымсыз реакциялар пайда болуы мүмкін. Тропикамид балалар үшін қауіпті болуы мүмкін орталық жүйке жүйесінің бұзылуын тудыруы мүмкін. Балаларда шамадан тыс пайдалану жүйелі уытты реакцияларға әкелуі мүмкін. Даун синдромы, спазмдық салдану және ми зақымдануымен аурулары бар балаларда сақтықпен қолданған жөн. Ата-аналарға бұл препараттың балалар үшін пероральді уыттылығы туралы ескерту керек, ем-шарадан кейін қолды мұқият жуу қажет. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қолданғаннан кейін көрудің бұзылыстары және көздің қарығуы пайда болуы мүмкін. Көру қалпына келгенге дейін көлік құралдарын басқаруға және механизмдермен жұмыс істеуге болмайды, бұл препаратты қолданғаннан кейін шамамен 6 сағаттан соң болады.

Препаратты жүктілік кезінде дәрігердің айтуы бойынша қажет деп саналатын жағдайларда ғана қолдануға болады. Емшек сүтімен қоректенетін нәресте үшін қауіпті жоққа шығаруға болмайды. Бала емізудің пайдасы мен анаға тропикамидті қолданудың арақатынасын бағалағаннан кейін емшек емізуді тоқтату немесе тропикамидті қолдануды тоқтату туралы шешім қабылдау керек.

Антихолинергиялық препараттардың әсері келесі препараттармен бір мезгілде қолданғанда күшейеді: амантадин, кейбір антигистаминдік препараттар, фенотиазин мен бутирофенон туындылары және трициклді антидепрессанттар. Басқа көз тамызатын басқа дәрілерді бір мезгілде қолданған жағдайда қолданылатын препараттардың инстилляциялары арасындағы 15 минуттық аралықты сақтау керек. Көзге арналған жақпамай ең соңында қолданылуы тиіс.

Сақтау мерзімі 3 жыл. Ашылған құтыны 4 апта ішінде пайдалану қажет. Жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!