Тутукон Нео – өсімдіктерден алынған, біріктірілген препарат.
Дәрілік шөптердің белсенді қосылыстары, олар: эфир майлары, флавоноидтық қосылыстар, фенолкарбон қышқылдары және олардың туындылары, фенилпропаноидтар, розмарин қышқылы және оның этил эфирі, кофе, хлороген, n-кумар, ферул және синап қышқылдары; урсол, кремний, аконит, қымыздық, алма қышқылдары; алкалоидтар, гликозидтер, таниндер, пектин, сапониндер, стериндер, кумариндкр, концентрацияланған дәрумендер кешендері, минералды заттар, микроэлементтер, шайырлар.
Жоғарыда атап келтірілген белсенді заттар бүйрек капиллярларының өткізгіштігін азайтады, бүйрек пен несепағардың тамырларын кеңейтеді, бүйрек өзекшелері эпителийінің функциясын қалпына келтіреді, осмостық әсерге ие (иондар теңгерімін бұзбайды – калий жинақтатын әсері), қабыну медиаторларының синтезі мен белсенуін бәсеңдетеді; уротелий апоптозын болдырмаудың есебінен тұздар метаболизмін қалыпқа түсіреді және сол арқылы кристалдар түзілуінің, тастардың пайда болуы мен көбеюінің алдын алады; несептегі рН қалыпқа түсіреді, лейкотриендер синтезі мен бос радикалдар реакцияларын тежейді, бактерияларыдың жарғақшаларын ыдыратады және бактериялық гиалуронидазаны тежейді, ақуыз бөлінуін төмендетеді және тубулярлық аппарат қызметін сақтап тұрады, бактерияға қарсы емнің әсерін күшейтеді.
Фармакодинамикалық әсерлері
Тутукон Нео диуретиктік, қабынуға қарсы, микробқа қарсы, антиоксиданттық, литолитикалық және нефропротекторлық әсер етуін қамтамасыз ететін спазмолитиктік әсерлерінің есебінен, шығу тегі кез келген және кез келген даму сатысындағы несептас ауруы (НТА) кезінде қолданылады, тұздардың, токсиндердің, ауыр металдар тұздарының организмнен шығарылуын күшейтеді, ол несеп жолдарында кристалдар түзілуіне, бұрыннан бар тастардың көбеюіне және жаңаларының пайда болуына кедергі келтіреді. Несеп шығару жолдарының инфекциясы кезінде препарат антибиотиктермен емдеудің тиімділігін арттырады, несеп шығаруды қалыпқа түсіреді, ауырулардың азаюына ықпал етеді, қайта өршулер қаупін төмендетеді. Препараттың жағымдылығы жақсы және бактерияға қарсы препараттармен біріктіріп ұзақ уақыт қолдануға болады.
