Улсепан таблетки 40 мг

Бір таблетканың құрамында белсенді зат - 40 мг пантопразол (45.10 мг натрий пантопразолы сесквигидраты түрінде), қосымша заттар: кальций карбонаты, маннит, коповидон (коллидон VA 64), сахароза стеараты, кросповидон, кальций стеараты, үлбірлі қабықтың құрамы: ақ Опадри® YS-1-7027 (гипромеллоза, титанның қостотығы (Е 171), триацетин, тазартылған су**), ішекте еритін қабықтың құрамы: сары Acryl-Eze® 93O92157 (метакрил қышқылы сополимер С типі, тальк, титанның қостотығы (Е 171), триэтилцитрат, сусыз коллоидты кремнийдің қостотығы, натрий гидрокарбонаты, темірдің (III) сары тотығы (Е 172), натрий лаурилсульфаты, тазартылған су**). **- дайын өнімде жоқ Сыртқы түрінің, иісінің, дәмінің сипаттамасы Екі беті дөңес, сары түсті ішекте еритін қабықпен қапталған сопақша пішінді таблеткалар.

Ересектер мен 12 жас шамасындағы және одан үлкен жасөспірімдер • гастроэзофагеальді рефлюкс ауруы Ересектер • H. pylori инфекциясымен байланысты ойық жарасы бар пациенттерде Helicobacter pylori (H. pylori) эрадикациясы үшін бактерияға қарсы тиісінше екі дәрімен біріктірілімде • асқазанның және он екі елі ішектің ойық жара ауруы • Золлингер-Эллисон синдромы және тұз қышқылының гиперсекрециясымен сипатталатын басқа да патологиялық жағдайлар

Әсер ету механизмі Пантопразол Н+,К+-АТФазамен (протонды помпа) париетальді жасушалармен спецификалық байланыс реакциясы есебінен асқазандағы тұз қышқылының секрециясын азайтатын орын басқан бензимидазол болып табылады. Асқазанның париетальді жасушаларындағы қышқыл ортада пантопразол белсенді түріне айналады және тұз қышқылы синтезінің ақырғы сатысына қатысатын Н+,К+-АТФаза ферментін тежейді. Дәрілік зат дозаға тәуелді әсер етеді және тұз қышқылының базальді, сондай-ақ стимуляциялаушы секрециясын тежейді. Көптеген пациенттерде тұз қышқылының жоғары секрециясымен байланысты ауру симптомдары 2 апта бойы нивелирленеді. Басқа ППТ немесе Н2-рецепторлардың блокаторларын қабылдағандағыдай, асқазандағы қышқылдықтың пантопразол арқылы төмендеуі қайтымды сипатқа ие гастрин секрециясының пропорционалды жоғарылауына алып келеді. Пантопразол тұз қышқылының синтезіне қатысатын соңғы буынның жұмысын бұзатындықтан, ол стимуляциялаушы заттардың (ацетилхолин, гистамин, гастрин) типіне қарамастан, оның секрециясын тежей алады. Пероральді қабылдағанда дәрілік зат вена ішіне енгізгендегідей әсер етеді. Антисекрециялық препараттармен емдеу кезінде тұз қышқылының секрециясының төмендеуі нәтижесінде қан плазмасындағы гастрин концентрациясы жоғарылайды. Асқазанда қышқылдықтың төмендеуі кезінде де CgA деңгейі артады. Қан плазмасындағы CgA концентрациясының жоғарылауы нейроэндокриндік ісіктерді анықтау мақсатында диагностикалық зерттеу жүргізу кезінде талдау нәтижелерінің бұрмалануына әкелуі мүмкін. Қолда бар деректерге сәйкес, CgA деңгейін анықтау кезінде ППТ қолдануды зерттеуге дейін бес күн бұрын тоқтату керек. Егер қан плазмасындағы CgA концентрациясы бірінші өлшеуден кейін қалыпты мәндер диапазонында болмаса, CgA деңгейін анықтауды 14 күннен кейін қайталап жүргізу қажет. Бұл CgA деңгейі қалыпты мәндерге оралу үшін қажет, өйткені ол ППТ пайдалану нәтижесінде жоғарылауы мүмкін. Фармакодинамикалық әсерлері Пантопразолды қолданғанда қанда ашқарындағы гастрин деңгейі жоғарылайды. Әдетте, бұл көрсеткіш қысқамерзімді ем кезінде қалыпты мәндерінің жоғарғы шегінен аспайды, алайда, пантопразолды ұзақ уақыт пайдалану әдетте, оның екі есе артуымен қатар жүреді. Сирек жағдайларда қандағы гастрин концентрациясының едәуір жоғарылауы байқалуы мүмкін. Нәтижесі ретінде, ұзақмерзімді емдеу үдерісінде азғантай жағдайларда, асқазанның спецификалық эндокриндік (энтерохромаффиндік) жасушаларының айқындығы әлсіз немесе орташа (қарапайымнан аденомалық гиперплазияға дейінгі) пролиферациясы байқалды. Бұл ретте карциноидтық ісіктердің (атипиялық гиперплазия), немесе жануарларға жүргізілген зерттеулерде хабарланған асқазан карциноидтарының дамуына бейімдейтін жай-күйлер (5.3 бөлімін қараңыз) туындаған жағдайлар анықталмады. Жануарларға жүргізілген зерттеулердің нәтижелеріне сәйкес, пантопразолдың ұзақ уақыт (бір жылдан артық) қолданылғанда, қалқанша бездің эндокриндік функциясымен байланысты көрсеткіштерге ықпал ететіндігін жоққа шығаруға болмайды. Антисекрециялық препараттармен емдеу кезінде тұз қышқылы секрециясының төмендеуінің нәтижесінде қандағы гастрин концентрациясы жоғарылайды. Асқазандағы қышқылдылық төмендеген кезде де CgA деңгейі жоғарылайды. Қандағы CgA концентрациясының жоғарылауы, нейроэндокриндік ісіктерді анықтау мақсатында диагностикалық зерттеу жүргізгенде талдаулар нәтжелерінің бұрмалануына алып келуі мүмкін. Қолда бар деректерге сәйкес, CgA деңгейін анықтағанда ППТ қолдануды зерттеуге дейінгі 5 күннен 2 аптаға дейінгі аралықта тоқтату керек. Бұл CgA деңгейі қалыпты мәндерінің шегіне оралуы үшін қажет, өйткен ол ППТ пайдаланудың нәтижесінде жоғарылауы мүмкін.

Дозалау режимі Ересектер мен 12 жас шамасындағы және одан үлкен жасөспірімдер Гастроэзофагеальді рефлюкс ауруы Ұсынылған доза: тәулігіне 1 рет 1 таблетка (40 мг пантопразол). Кейбір жағдайларда, әсіресе басқа дәрілік заттармен емдеуге жауап жоқ болғанда доза (тәулігіне 2 таблетка) еселенуі мүмкін. Эзофагит кезінде зақымдану ошақтарының жазылуы үшін емдеу ұақтығы, әдетте, 4 аптаны құрайды. Кей жағдайларда зақымдану ошақтарының тиісінше жазылуына қол жеткізу үшін емдеуді, әдетте, тағы 4 апта бойы жалғастыру қажет. Ересектер H. pylori эрадикациясы үшін бактерияға қарсы тиісінше екі дәрімен біріктірілімде Асқазан мен он екі елі ішектің H. pylori инфекциясымен байланысты ойық жара ауруы бар пациенттерде, микроорганизмнің эрадикациясы үшін біріктірілген емді пайдалану керек. Бұл ретте антибиотиктерді тиісінше тағайындау және қолдану бойынша тиісті клиникалық ұсынымдарды (мысалы, ұлттық ұсынымдарды) сақтау, сондай-ақ H. pylori резистенттілігін ескеру қажет. Микроорганизмнің сезімталдығына байланысты келесі біріктірілімдерді пайдалану ұсынылады: а) тәулігіне 2 рет Улсепан препаратын бір таблеткасы тәулігіне 2 рет + 1000 мг амоксициллин тәулігіне 2 рет + 500 мг кларитромицин; б) тәулігіне 2 рет Улсепан препаратын бір таблеткасы тәулігіне 2 рет + 400-500 мг метронидазол (немесе 500 мг тинидазол) тәулігіне 2 рет + 250-500 мг кларитромицин; в) тәулігіне 2 рет Улсепан препаратын бір таблеткасы тәулігіне 2 рет + 1000 мг амоксициллин тәулігіне 2 рет + 400-500 мг метронидазол (немесе 500 мг тинидазол). H. pylori эрадикациясы үшін Улсепан препаратының екінші таблеткасын кешкілік, тамаққа дейін 1 сағат бұрын қабылдау керек. Біріктірілген емнің ұзақтығы, әдетте, 7 күнді құрайды, емдеуді тағы 7 күн бойы жалғастыруға болады, емнің ең көп ұзақтығы 2 аптадан аспауы тиіс. Егер, жараны жазуды қамтамасыз ету мақсатында пантопразолды одан әрі қолдану көрсетілсе, асқазан мен он екі елі ішектің ойық жара ауруларын емдеу үшін дәрілік затты дозалаудың тиісті режимін пайдалану ұсынылады. Егер біріктірілген ем көрсетілмесе (мысалы, H. pylori тестінің нәтижелері теріс пациенттерде), Улсепан препаратын монотерапия ретінде келесі емдеу сызбаларына сәйкес қолдану керек: Асқазанның ойық жара ауруын емдеу Тәулігіне 1 таблетка Улсепан препаратын. Жекелеген жағдайларда, әсіресе басқа дәрілік заттармен емдеуге жауап болмағанда, дозаны екі еселеуге (тәулігіне 2 таблетка) болады. Асқазанның ойық жарасының жазылуы үшін емдеу ұзақтығы, әдетте, 4 аптаны құрайды. Кей жағдайларда, ойық жараның тиісінше жазылуына қол жеткізу үшін емдеуді, әдетте, тағы 4 апта бойы жалғастыру қажет. Он екі елі ішектің ойық жара ауруын емдеу Тәулігіне 1 таблетка Улсепан препаратын. Жекелеген жағдайларда, әсіресе басқа дәрілік заттармен емдеуге жауап болмағанда, дозаны екі еселеуге (тәулігіне 2 таблетка) болады. Он екі елі ішектің ойық жарасының жазылуы үшін емдеу ұзақтығы, әдетте, 2 аптаны құрайды. Егер аталған мерзім өткеннен кейін ойық жараның тиісінше жазылғаны білінбесе, көпшілік жағдайларда емдеуді тағы 2 апта бойы жалғастыру қажет. Золлингер-Эллисон синдромын және тұз қышқылының гиперсекрециясымен сипатталатын басқа да патологиялық жағдайларды емдеу Золлингер-Эллисон синдромын және тұз қышқылының гиперсекрециясымен сипатталатын патологиялық жағдайларды ұзақ емдеу үшін ұсынылатын бастапқы тәуліктік доза 80 мг пантопразол (Улсепан препаратын 2 таблеткасы) құрайды, кейіннен ол тұз қышқылы секрециясының деңгейіне байланысты жекелей түзетілуі мүмкін. Егер пантопразолдың тәуліктік дозасы 80 мг асып кетсе, оны екі қабылдауға бөлу керек. Қажет болған жағдайда, дәрілік заттың дозасын тәулігіне 160 мг дейін арттыруға болады, алайда, пантопразолды ондай дозаларда қолданудың ұзақтығы қышқыл секрециясының тиісінше бақылануына қол жеткізу үшін қажетті кезеңмен шектелуі тиіс. Золлингер-Эллисон синдромы және тұз қышқылының гиперсекрециясымен сипатталатын басқа да патологиялық жағдайлар кезінде емдеу ұзақтығы шектелмейді және клиникалық жағдайға байланысты. Пациенттердің ерекше топтары Бауыр жеткіліксіздігі бар пациенттер Бауыр функциясының ауыр бұзылулары бар пациенттерде пантопразолдың тәуліктік дозасы 20 мг аспауы тиіс (дәрілік препаратты тиісінше дозада және көрсетілген дозалау режимін сақтауға мүмкіндік беретін дәрілік түрінде пайдалану керек). Бауыр функциясының айқындығы орташа немесе ауыр бұзылулары бар пациенттерде Улсепан препаратын H. pylori эрадикациясына арналған біріктірілген емнің құрамында қолданбау керек (препараттың тиімділігі мен қауіпсіздігі жөніндегі деректер шектеулі). Бүйрек жеткіліксіздігі бар пациенттер Бүйрек функцииясының бұзылулары бар пациенттерде дозасын түзету қажет емес. Бүйрек функцииясының бұзылулары бар пациенттерде Улсепан препаратын H. pylori эрадикациясына арналған біріктірілген емнің құрамында пайдаланбау керек (препараттың тиімділігі мен қауіпсіздігі жөніндегі деректер шектеулі). Егде жастағы пациенттер Егде пациенттерде дозаны түзету қажет емес. Балалар Улсепан препаратын 12 жасқа дейінгі балаларда пайдалану ұсынылмайды, өйткені пантопразолды қолданудың тиімділігі мен қауіпсіздігі пациенттердің осы санатында жеткілікті зерттелмеген. Енгізу әдісі және жолы Препарат ішке қабылдауға арналған. Таблетканы тамаққа дейін 1 сағат бұрын шайнамай және үгітпей, судың аз мөлшерімен толық жұтып ішкен жөн. Дәрілік препараттың қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Дәрілік препаратты қолдану туралы сұрақтар туындаған жағдайда дәрігермен немесе фармацевтпен кеңесу керек.

• әсер етуші затқа немесе қосымша заттардың кез келгеніне аса жоғары сезімталдық • атазанавирмен бірге қолдану • 12 жасқа дейінгі балалар • жүктілік және бала емізу кезеңі

Жиі • асқазан түбінің безді полиптері (қатерсіз) Жиі емес • бас ауыруы, бас айналуы • диарея, жүрек айнуы/құсу, іш кебуі және ауырлық сезімі, констипация, ауыздың құрғауы, іш ауыруы және жайсыздық сезімі • қандағы бауыр ферменттерінің деңгейінің жоғарылауы (трансаминазалар, γ-глутамилтранспептидаза) • бөрту/экзантема/бөртпе, қышыну • жамбастың, білезіктің немесе омыртқаның сынуы • астения, шаршау және дімкәстік • ұйқының бұзылуы Сирек • агранулоцитоз • аса жоғары сезімталдық реакциялары (анафилаксиялық реакциялар мен анафилаксиялық шокты қоса) • гиперлипидемия, қандағы триглицеридтер мен холестерин деңгейінің жоғарылауы, дене салмағының өзгеруі • депрессия (және жағдайдың нашарлауы) • дисгевзия • көрудің бұзылуы/көру анықтығының бұзылуы • қандағы билирубин деңгейінің жоғарылауы • есекжем, ангионевроздық ісіну • артралгия, миалгия • гинекомастия • дене температурасының жоғарылауы, шеткері ісіну Өте сирек • тромбоцитопения, лейкопения, панцитопения • бағдардан адасу (және жағдайдың нашарлауы) Жиілігі белгісіз • гипонатриемия, гипомагниемия, гипокальциемия*, гипокалиемия* • елестеу, сананың шатасуы (әсіресе бейім пациенттерде, жағдайдың нашарлауы) • микроскопиялық колит • бауыр жасушаларының зақымдануы, сарғаю, бауыр жеткіліксіздігі • парестезия • бұлшықеттердің түйілулері (электролиттердің бұзылуларымен байланысты) • тубулоинтерстициальді нефрит (ТИН) (аурудың өршуі және бүйрек жеткіліксіздігінің дамуы ықтимал) • Стивенс-Джонсон синдромы, Лайелл синдромы, мультиформалы эритема, фотосенсибилизация реакциялары, жеделге жуық терінің қызыл жегісі, эозинофилиямен және жүйелі симптомдармен жүретін дәрілік реакция (DRESS). * Гипокальциемия және/немесе гипокалиемия гипомагниемияның дамуымен байланысты болуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Адамдағы артық дозалану симптомдары белгісіз. 240 мг дейінгі дозаларында вена ішіне 2 минут бойы енгізгенде пантопразолдың жағымдылығы жақсы екендігі анықталды. Пантопразолдың қан плазмасы ақуыздарымен байланысу дәрежесі жоғары, сондықтан дәрілік зат организмнен диализ арқылы болар-болмас дәрежеде шығарылады. Уыттанудың клиникалық көріністерімен жүретін артық дозалану жағдайында симптоматикалық және демеуші ем жүргізу керек.

Бауыр жеткіліксіздігі Пантопразолмен емдеу кезінде, әсіресе ұзақ ем кезінде, бауыр функциясы ауыр бұзылған пациенттерде қан плазмасындағы бауыр ферменттерінің концентрациясын үнемі бақылап отыру керек. Егер бауыр ферменттерінің деңгейі жоғарыласа, дәрілік препаратты қабылдауды тоқтату керек. Арнайы ескертулер Бауыр жеткіліксіздігі Пантопразолмен емдеу кезінде, әсіресе ұзақ ем кезінде, бауыр функциясы ауыр бұзылған пациенттерде қан плазмасындағы бауыр ферменттерінің концентрациясын үнемі бақылап отыру керек. Егер бауыр ферменттерінің деңгейі жоғарыласа, дәрілік препаратты қабылдауды тоқтату керек. H. pylori эрадикациясы кезінде антибактериялық дәрілермен біріктірілген ем Біріктірілген ем кезінде тиісті дәрілік заттарға қатысты фармакологиялық деректерді ескеру қажет. Асқазанның қатерлі жаңа түзілімдері Пантопразолмен емдеу асқазанның қатерлі жаңа түзілімдер симптомдарын бүркемелеуі мүмкін, осылайша дұрыс диагноз қою үдерісін баяулатады. Пациентте, мысалы, дене салмағының айтарлықтай төмендеуі, бірнеше рет құсу, дисфагия, қан құсу, анемия немесе мелена сияқты клиникалық симптомдар туындаған жағдайда, асқазан жарасына күдік болғанда немесе ол болған кезде қатерлі түзілуді анықтау керек. Егер жоғарыда көрсетілген симптомдар тиісті емге қарамастан сақталса, пациентті одан әрі тексеру туралы мәселені қарау керек. Адамның иммун тапшылығы вирусы (АИТВ) протеазасының тежегіштерімен бір мезгілде қолдану Пантопразолды абсорбциясы асқазанның рН ортасына тікелей байланысты АИТВ протеазасы тежегіштерімен (мысалы, атазанавир) олардың биожетімділігінің едәуір төмендеуіне орай бір мезгілде қабылдамаған жөн. В12 дәруменінің сіңірілуіне әсері Золлингер-Эллисон синдромы және ұзақ емдеуді талап ететін тұз қышқылының гиперсекрециясымен сипатталатын басқа да патологиялық жағдайлары бар пациенттерде пантопразол, барлық антисекрециялық дәрілер сияқты гипо - немесе ахлоргидрия салдарынан В12 дәруменінің (цианокобаламин) сіңуін төмендетуі мүмкін. Мұны организмде дәрумендер қорының азайғаны байқалған немесе оның мальабсорбциясының қауіп факторлары бар пациенттерді ұзақ уақыт емдеген кезде, сондай-ақ, В12 дәрумені жеткіліксіздігінің тиісінше клиникалық симптомдары болған жағдайда ескеру керек. Ұзақ мерзімді ем Ұзақ уақыт емдегенде, әсіресе, егер пантопразолмен емдеу ұзақтығы 1 жылдан асса, пациенттер жүйелі медициналық қадағалауда болуы тиіс. Бактериялық асқазан-ішек инфекциялары Пантопразолмен емдеу кезінде Salmonella, Campylobacter немесе C. difficile бактериялар туындатқан асқазан-ішек инфекцияларының пайда болу қаупі шамалы артуы мүмкін. Гипомагниемия Сирек жағдайларда, протондық помпа тежегіштерімен (ППТ), соның ішінде пантопразолмен үш айдан артық ем қабылдаған пациенттерде, ауыр гипомагниемия туындаған; мұндай жағдайлардың көпшілігінде дәрілік заттар бір жыл бойы пайдаланылған. Ауыр гипомагниемия қажумен, тетаниямен, делириймен, құрысулармен, бас айналуымен және аритмиялармен көрініс беруі мүмкін; оның симптомдары біртіндеп дамуы және еленбей қалуы мүмкін. Гипомагниемия гипокальциемияның және/немесе гипокалиемияның дамуымен қатар жүруі мүмкін. Пациенттердің көпшілігінде гипомагниемия белгілері, сондай-ақ, онымен байланысты гипокальциемия және/немесе гипокалиемия белгілері, магний препараттарымен алмастыру емін тағайындаған және ППТ пайдалануды тоқтатқан кезде теңеседі. ППТ ұзақ уақыт бойы қабылдауы ықтимал, немесе ППТ дигоксинмен немесе гипомагниемия тудыруы мүмкін басқа дәрілік заттармен (мысалы, диуретиктер) пайдаланып жүрген пациенттер, дәрігердің қадағалауында болуы тиіс; ППТ емін бастағанға дейін және емдеу кезінде мезгіл-мезгіл қандағы магний концентрациясын бақылау ұсынылады. Сүйектердің сынулары ППТ, әсіресе, жоғары дозаларда немесе ұзақ уақыт бойы (> 1 жыл) қолданылғанда, атап айтқанда, егде жастағы пациенттерде немесе басқа қауіп факторлары болған жағдайда, жамбастың, білектің және омыртқаның сынулары қаупін арттыруы мүмкін. Обсервациялық зерттеулерден, ППТ сынулар қаупін 10-40%-ға арттыруы мүмкін екендігі анықталды, оған ішінара басқа факторлар да түрткі болуы мүмкін. Остеопороздың даму қаупі бар пациенттерді емдеу клиникалық ұсыныстарға сәйкес жүргізілуі тиіс, бұл ретте олар кальций мен D дәруменінің жеткілікті мөлшерін алуы тиіс. Жеделге жуық терінің қызыл жегісі ППТ өте сирек жеделге жуық терінің қызыл жегісінің дамуына түрткі болады. Теріде зақымдану ошақтары пайда болған кезде, әсіресе артралгияның пайда болуымен қатар жүретін тікелей күн сәулесінің әсеріне ұшыраған жерлерде пациент дереу медициналық көмекке жүгінуі тиіс; мұндай жағдайда дәрігер Улсепан препаратын қолдануды тоқтату туралы мәселені қарастыруы тиіс. Анамнезінде ППТ қабылдау аясында тері асты қызыл жегі жағдайлары байқалған пациенттер ППТ тобындағы басқа дәрілік заттарды кейіннен пайдалану кезінде осы аурудың даму қаупі жоғары. Зертханалық зерттеу нәтижелеріне әсері Қандағы хромогранин А (CgA) деңгейінің жоғарылауы, нейроэндокриндік ісіктерді анықтау мақсатында диагностикалық зерттеу жүргізгенде талдаулардың нәтижелерін бұрмалауы мүмкін. Оған жол бермеу үшін, ППТ қолдануды CgA деңгейін өлшегенге дейін кемінде 5 күн бұрын тоқтату керек. Егер қандағы CgA мен гастрин концентрациялары қалыпты мәндері ауқымында болмаса, өлшеулерді ППТ қабылдау тоқтатылғаннан кейін 14 күннен соң қайтадан жүргізу қажет. Қосымша заттар Улсепан препаратын құрамында сахароза бар, сондықтан фруктоза жақпаушылығымен, глюкоза-галактоза мальабсорбциясымен немесе сахаразо-изомальтаза жеткіліксіздігімен сипатталатын сирек тұқым қуалайтын аурулары бар пациенттерге осы дәрілік препаратты қабылдамаған жөн. Улсепан препаратын құрамында бір таблеткада 1 ммольден кем натрий (23 мг) бар, яғни дерлік «құрамында натрий жоқ». Педиатрияда қолдану Улсепан препаратын 12 жасқа дейінгі балаларда пайдалану ұсынылмайды, өйткені пантопразолды қолданудың тиімділігі мен қауіпсіздігі пациенттердің осы санатында жеткілікті зерттелмеген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Пантопразол автокөлік жүргізу және механизмдерді басқару қабілетіне әсер етпейді немесе болар-болмас әсер етеді. Дәрілік затты қолданғанда бас айналуы және көру қабілетнің бұзылулары сияқты жағымсыз реакциялар туындауы мүмкін, ондай жағдайларда пациенттер автокөлік жүргізуден және механизмдерді басқарудан бас тартуы керек.

Улсепан препаратын әйелдерде жүктілік кезеңінде қолдану қарсы көрсетілімді. Пантопразолдың адамда емшек сүтімен бөлініп шығатындығы туралы хабарламалар бар (деректер шектеулі). Бала үшін, соның ішінде жаңа туған нәресте үшін қауіптілігін жоққа шығаруға болмайды. Улсепан препаратын қолдану лактация кезінде қарсы көрсетілімді.

Сіңірілуі рН-тәуелді дәрілік заттар Тұз қышқылы секрециясының ұзақ уақыт бойы едәуір төмендеуі салдарынан, пантопразол биожетімділігі елеулі дәрежеде асқазаны ортасының рН тәуелді дәрілік заттардың (мысалы, кетоконазол, итраконазол, позаконазол сияқты, азолдар тобының зеңге қарсы кейбір дәрілері, және эрлотиниб сияқты басқа дәрілік заттар) сіңуін азайтуы мүмкін. АИТВ протеазасының тежегіштері Пантопразолды, сіңірілуі асқазан ортасының рН мәніне айтарлықтай тәуелді, мысалы, атазанавир сияқты, АИТВ протеазасы тежегіштерімен бірге пайдалану ұсынылмайды, өйткені олардың биожетімділігі төмендейді. АИТВ протеазасының тежегіштерін ППТ-мен бір мезгілде пайдалану қажеттілігі туындаған жағдайда, пантопразолдың дозасы тәулігіне 20 мг аспауы тиіс, сонымен қатар, пациенттерге мұқият мониторинг (мысалы, вирустық жүктемесін анықтау) жүргізу ұсынылады. АИТВ протеазасы тежегіштерінің дозасын түзету қажеттілігі туындауы мүмкін. Кумарин туындылары тобына жататын антикоагулянттар (фенпрокумон немесе варфарин) Пантопразол варфаринмен немесе фенпрокумонмен бір мезгілде пайдаланылғанда соңғыларының фармакокинетикасына немесе ХҚҚ (халықаралық қалыптастырылған қатынасқа) елеулі әсерін тигізбеді. Алайда, ППТ варфаринмен немесе фенпрокумонмен бірге қабылдаған пациенттерде ХҚҚ пен протромбиндік уақыт (ПУ) көрсеткіштері жоғарылаған жағдайлар байқалды. ХҚҚ және ПУ мәндері артқан жағдайда, қан кетулердің даму қаупі жоғарылайды, соның ішінде олар өлімге алып келуі де мүмкін. Улсепан препаратын варфаринмен немесе фенпрокумонмен бірге қабылдап жүрген пациенттерде ХҚҚ және ПУ көрсеткіштерін бақылау ұсынылады. Метотрексат Кейбір пациенттерде ППТ мен жоғары дозалардағы (300 мг) метотрексатты бір мезгілде соңғысының қандағы концентрациясының жоғарылауына пайдалану алып келетіні хабарланды. Сондықтан, метотрексатты жоғары дозаларда, мысалы онкологиялық аурулар мен псориаз кезінде пайдаланғанда, Улсепан препаратты қолдануды уақытша тоқтату мәселесін қарастыру керек. Басқа да өзара әрекеттесулері Пантопразол бауырда P450 цитохромы жүйесінің изоферменттері арқылы елеулі дәрежеде метаболизденеді. Метаболизмінің негізгі жолы CYP2C19 қатысуымен метилсіздену болып табылады, метаболизмінің басқа жолдары CYP3A4 қатысуымен тотығу үдерістерін қамтиды. Пантопразолды және метаболизміне жоғарыда көрсетілген изоферменттер қатысатын, карбамазепин, диазепам, глибенкламид, нифедипин және құрамында левоноргестрел мен этинилэстрадиол бар пероральді контрацептивтер сияқты дәрілік заттарды бірге қолданғанда клиникалық тұрғыдан елеулі өзара әрекеттесулер байқалмады. Пантопразол мен метаболизмдік биотрансформациясына бірдей изоферменттер қатысатын басқа дәрілік заттар немесе химиялық қосылыстар арасында өзара әрекеттесулердің туындауы қаупін жоққа шығаруға болмайды. Бірқатар зерттеулердің нәтижелері пантопразол мен метаболизміне CYP1A2 (кофеин, теофиллин сияқты), CYP2C9 (пироксикам, диклофенак, напроксен сияқты), CYP2D6 (метопролол сияқты), CYP2E1 қатысатын (этанол сияқты) препараттар арасында өзара дәрілік әрекеттесулердің жоқтығын көрсетіп отыр. Пантопразол дигоксиннің Р-гликопротеин түрткі болған сіңуіне әсер етпеді. Пантопразолды антацидтермен бір мезгілде қолданғанда қандай-да бір өзара әрекеттесулер байқалмады. Пантопразолды түрлі антибиотиктермен (кларитромицин, метронидазол, амоксициллин) бірге пайдаланғанда клиникалық тұрғыдан елеулі өзара әрекеттесулер анықталмады. CYP2C19 тежегіштері мен индукторлары Флувоксамин сияқты CYP2C19 тежегіштері, пантопразолдың қандағы концентрациясын арттыруы мүмкін. Сондықтан, мұндай біріктірілімдерді пайдаланғанда, дәрілік затпен жоғары дозаларда ұзақ уақыт бойы ем қабылдап жүрген пациенттерде, немесе бауыр функцииясының бұзылулары бар пациенттерде пантопразолдың дозасын азайту қажеттілігі туындауы мүмкін. Рифампицин және құрамында шәйқурай (Hypericum perforatum) бар препараттар сияқты, CYP2C19 және CYP3A4 индукторлары, жоғарыда көрсетілген изоферменттер арқылы метаболизденетін ППТ қан плазмасындағы концентрациясын төмендетуі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!