Ультибро™ Бризхалер® капсулы 110/50мкг

Бір капсуланың құрамында белсенді заттар: 0,143 мг индакатерол малеаты (капсуладағы 110 мкг индакатерол негізіне және қабылданатын дозадағы 85 мкг сәйкес келеді), 0,063 мг гликопирроний бромиді (капсуладағы 50 мкг гликопирроний негізіне және қабылданатын дозадағы 43 мкг сәйкес келеді), қосымша заттар: лактоза моногидраты/лактоза гидраты, магний стеараты, капсуланың қабығы: гипромеллоза, тазартылған су, каррагинан, калий хлориді, FD&C сары 5/тартразин (Е 102), қара бояу (қақпақшасы), көк бояу (корпус). Қара бояудың құрамында: шеллак, сусыз этанол, 2-пропанол, пропиленгликоль, бутанол, концентрацияланған аммиак ерітіндісі, калий гидроксиді, тазартылған су, темірдің қара тотығы (E 172) бар. Көк бояудың құрамында: шеллак, сусыз этанол, FD&C көк 2 / индигокармин алюминий лагы (E 132), бутанол, титанның қостотығы, пропиленгликоль, 2-пропанол бар. Сыртқы түрінің иісінің, дәмінің сипаттамасы Гипромеллозадан жасалған, өлшемі 3, корпусы табиғи мөлдір түсті және қақпақшасы сары түсті, қақпақшасында қара түсті «» таңбасы және капсула корпусының екі көк жолағының астында «IGP110.50» көк жазуы бар қатты капсулалар. Капсулалардың ішіндегісі – ақтан ақ дерлік түске дейінгі, көзге көрінетін бөгде механикалық қосылыстарсыз ұнтақ.

- өкпенің созылмалы обструкциялық ауруы (ӨСОА) бар ересек пациенттерде аурудың симптомдарын жеңілдету үшін демеуші бронхдилатациялық емде.

Әсер ету механизмі Ультибро Бризхалер Ултибро Бризхалер дәрілік препараты түрінде индакатерол мен гликопирронийді бірге енгізген кезде тегіс бұлшықетті босаңсыту үшін түрлі рецепторларға және метаболизм жолдарына бағытталған әртүрлі әсер ету механизмі салдарынан аддитивті синергизм қамтамасыз етіледі. Бета2-адренорецепторлардың және M3-холинорецепторлардың тығыздығы орталық және шеткергі тыныс алу жолдарында ерекшеленетіндіктен, M-холиноблокаторлар орталық тыныс алу жолдарына қатысты едәуір әсер көрсеткен кезде бета2-адреномиметиктер шеткері тыныс алу жолдарын жақсы босаңсытады. Осылайша, бета2-адреномиметик пен M-холиноблокатор біріктірілімі адамның тыныс алу жолдарының шеткері және орталық бөлігі бойына бронхтардың оңтайлы кеңеюіне ықпал етеді. Индакатерол Индакатерол тәулігіне бір рет енгізу үшін ұзақ әсер ететін селективті бета2-адреномиметик болып табылады. Бета2-адренорецепторлар агонистерінің, оның ішінде индакатеролдың фармакологиялық әсерлері, кемінде аденозинтрифосфаттың (АТФ) циклдық 3', 5'-аденозинмонофосфатқа (циклдық АМФ) өзгеруін катализдейтін фермент жасушаішілік аденилатциклазаның көтермелеуімен ішінара байланысты. Циклдық АМФ жоғары деңгейі бронхтардың тегіс бұлшықеттерінің босаңсуына әкеледі. In vitro зерттеулер индакатерол бета1- және бета3-адренорецепторларға қарағанда бета2-адренорецепторларға анағұрлым айқын көтермелейтін әсер ететінін көрсетті. Ингаляция кезінде индакатерол өкпеде жергілікті бронхолитикалық әсер көрсетеді. Индакатерол наномолярлы үлестік белсенділігі бар адамның бета2-адренергиялық рецепторларының ішінара агонисті болып табылады. Бета2-адренорецепторлар негізінен бронхтардың тегіс бұлшықеттерінде болғанмен, бета1-адренорецепторлар адамның жүрегінде негізгі болып табылады, дегенмен адамның жүрегінде бета2-адренорецепторлардың үлесіне барлық адренорецепторлардың 10% - дан 50% - ға дейін келеді. Олардың жүректе болуы тіпті жоғары селективті бета2-адреномиметиктер жүрекке әсер етуі мүмкін деп болжауға мүмкіндік береді. Гликопирроний Гликопирроний ӨСОА бар пациенттерде тәулігіне бір рет қолданылатын демеуші бронх кеңейтуші емге арналған ұзақ әсер ететін ингаляциялық М-холиноблокатор (антихолинергиялық құрал) болып табылады. Парасимпатиялық жүйкелер тыныс алу жолдарында негізгі бронхконстриктивтік нейронды жол болып табылады және холинергиялық тонус ӨСОА кезінде тыныс алу жолдарының обструкциясының негізгі қайтымды компоненті болып табылады. Гликопирронийдің әсер ету механизмі тыныс алу жолдарының тегіс бұлшықет жасушаларына ацетилхолиннің бронхконстрикторлық әсерінің бөгелуіне негізделген, бұл бронхдилатациялаушы әсерге әкеледі. Гликопирроний бромиді жоғары аффинді М-холиноблокатор болып табылады. Рецепторлардың М3-қосалқы типіне қатысты 4 есе үлкен селективтілік М2-қосалқы типпен салыстырғанда радиолигандалық талдау арқылы көрсетілді. Фармакодинамикалық әсерлері Ултибро Бризхалер препаратындағы индакатерол мен гликопирронийдің біріктірілімі енгізгеннен кейін 5 минуттан соң әсердің жылдам басталатынын көрсетті. Әсер 24 сағат бойы тұрақты деңгейде сақталады. 24 сағат ішінде ҚДК1 бірізді өлшемдерінен алынған орташа бронхолитикалық әсер 26 апта емдегеннен кейін 320 мл құрады. Әсері индакатерол, гликопирроний немесе тиотропиймен жеке салыстырғанда Ультибро Бризхалер дәрілік препараты үшін айтарлықтай жоғары болды (әрбір салыстыру үшін айырмашылығы 110 мл). Плацебо немесе монотерапияда оның компоненттерімен салыстырғанда уақыт өте келе Ультибро Бризхалер дәрілік препаратының әсеріне тахифилаксияның ешқандай дәлелі жоқ. Жүректің жиырылу жиілігіне әсері Дені сау еріктілерде жүректің жиырылу жиілігіне әсері Ультибро Бризхалер дәрілік препаратының ұсынылған емдік дозасынан 4 есе асатын препараттың бір дозасын қолданғаннан кейін зерттелді, оны 1 сағат аралықпен төрт кезеңде енгізген және плацебо, индакатерол, гликопирроний және сальметерол әсерлерімен салыстырды. Плацебомен салыстырғанда препаратты қолданған кезде жүректің жиырылу жиілігінің уақыт бойынша барынша келісілген жоғарылауы + 5,69 соққы/мин (90% СА [2,71, 8,66]) құрады, барынша төмендеуі -2,51 соққы/мин (90% СА [-5,48, 0,47]) құрады. Жалпы, уақыт бойы жүректің жиырылу жиілігіне әсер етуді зерттеу Ультибро Бризхалер дәрілік препаратының бірізді фармакодинамикалық әсерін анықтаған жоқ. Емдік дозадан артық дозада ӨСОА бар пациенттерде жүректің жиырылу жиілігі зерттелді. 24 сағат бойы жүрек орташа жиырылу жиілігіне және 30 минут, 4 және 24 сағат ішінде бағаланған жүректің жиырылу жиілігіне Ультибро Бризхалер препаратының ешқандай елеулі әсері болған жоқ. QT аралығы Ингаляциялық индакатеролдың жоғары дозасын қабылдаған дені сау еріктілердің қатысуымен QT (TQT) аралығына әсерін мұқият зерттеу (ең жоғары емдік дозадан 2 есе жоғары) QT аралығына клиникалық маңызды әсер көрсеткен жоқ. Осы тектес TQT зерттеулерінде ұсынылған емдік дозадан 8 есе асатын гликопирроний дозасын ингаляциялағаннан кейін QT аралығының ұзаруы байқалмады. Ултибро Бризхалер дәрілік препаратының QTc аралығына әсері дені сау еріктілерде 1 сағат аралықпен төрт кезеңде енгізілген ұсынылған емдік дозадан 4 есе артық дозада Ультибро Бризхалер ингаляциясынан кейін зерттелді. Плацебомен салыстырғанда уақыт бойынша ең үлкен айырмашылық 4,62 мс (90% СА: 0,40; 8,85 мс), уақыт бойынша ең жоғары төмендеу -2,71 мс (90% СА: -6,97; 1,54 мс) болды, бұл Ультибро Бризхалердің QT аралығына, оның компоненттерінің қасиеттерінен күтілгендей елеулі әсер етпейтінін куәландырады. ӨСОА бар пациенттерде Ультибро Бризхалер дәрілік препаратының 116 мкг/86 мкг-дан 464 мкг/86 мкг-ге дейінгі шамадан тыс емдік дозалары бастапқы деңгеймен салыстырғанда (плацебо үшін 1,9% - бен салыстырғанда 16,0% - дан 21,6% - ға дейінгі диапазонмен) пациенттердің көпшілігінде QTcF аралығының ұлғаюын көрсетті, алайда бастапқы деңгейден QTcF > 60 мс ұлғаю байқалған жоқ. Ультибро Бризхалер препаратының 464 мкг / 86 мкг дозасының ең жоғары деңгейі QTcF > 450 мс аралығының абсолюттік мәндерінің ұлғаюының үлкен пайызын көрсетті (плацебо үшін 5,7% - бен салыстырғанда 12,2%). Сарысудағы калий және қандағы глюкоза деңгейі Дені сау еріктілерде Ультибро Бризхалерді 4 еселік ұсынылған емдік дозада енгізгеннен кейін қан сарысуындағы калий концентрациясына әсері өте аз болды (ең үлкен айырмашылық-плацебомен салыстырғанда 0,14 ммоль/л). Қандағы глюкоза деңгейіне ең жоғары әсері 0,67 ммоль/л құрады. Клиникалық тиімділігі және қауіпсіздігі III фазасының [IGNITE] Ультибро Бризхалер дәрілік препаратын әзірлеудің клиникалық бағдарламасы 8000 пациенттің қатысуымен алты зерттеуді қамтыды: 1) плацебо және әсер етуші зат бойынша бақыланатын 26 апталық (индакатерол тәулігіне бір рет, гликопирроний тәулігіне бір рет, тиотропийді тәулігіне бір рет ашық қабылдау) зерттеу; 2) әсер етуші зат бойынша бақыланатын 26 апталық (флутиказон/салметерол тәулігіне екі рет) зерттеу; 3) әсер етуші зат бойынша бақыланатын 64 апталық (гликопирроний тәулігіне бір рет, тиотропийді тәулігіне бір рет ашық қабылдау) зерттеу; 4) плацебо-бақыланатын 52-апталық зерттеу; 5) плацебо және әсер етуші зат бойынша бақыланатын 3-апталық (тәулігіне бір рет тиотропий) физикалық жүктемеге төзімділікті зерттеу; және 6) әсер етуші зат бойынша бақыланатын 52-апталық (флутиказон/сальметерол тәулігіне екі рет) зерттеу. Осы зерттеулердің 4-іне жеңіл және өте ауыр дәрежедегі ӨСОА клиникалық диагнозы бар пациенттер енгізілді. 64 апталық зерттеуге өткен жылда анамнезінде орташа және ауыр дәрежедегі ӨСОА > 1 асқынуымен ауыр және өте ауыр дәрежедегі ӨСОА бар пациенттер кірді. Әсер етуші зат бойынша бақыланатын 52 апталық зерттеулерге өткен жылда анамнезінде орташа және ауыр дәрежедегі ӨСОА асқынуының бір жағдайынан жоғары орташа және өте ауыр дәрежедегі ӨСОА бар пациенттер енгізілді . Өкпе функциясына әсері Ультибро Бризхалер дәрілік препараты бірқатар клиникалық зерттеулерде өкпе функциясының клиникалық елеулі жақсарғанын көрсетті (бір секундта жедел дем шығару көлемін өлшеген кезде, ҚДК1). ІІІ фазадағы зерттеулерде бронхолитикалық әсерлер бірінші дозадан кейін 5 минут ішінде байқалды және дозалаудың 24 сағаттық аралығында сақталған. Бронхолитикалық әсердің әлсіреуі уақыт өте келе байқалмады. Әсердің шамасы бастапқы кезеңде тыныс алу жолдарының обструкциясының қайтымдылық дәрежесіне байланысты болды (қысқа әсер ететін мускаринді рецепторлардың антагонистін және қысқа әсер ететін бета2-адреномиметикті енгізу кезінде анықталатын): бастапқы кезеңде қайтымдылық дәрежесі ең төмен пациенттер (<5 %) негізінен бастапқы кезеңде қайтымдылық дәрежесі неғұрлым жоғары пациенттермен салыстырғанда (>5%) барынша төмен бронхолитикалық жауап көрсетеді. 26-ші аптада (бастапқы түпкі нүкте) Ультибро Бризхалер дәрілік препараты қайтымдылық дәрежесі төмен (< 5 %) (p = 0,053) пациенттерде (Ультибро Бризхалер, n = 82; плацебо, n = 42) ең төменгі ҚДК1 80 мл-ге және бастапқы кезеңде (> 5 %) (p = 0,001) қайтымдылық дәрежесі неғұрлым жоғары пациенттерде (Ультибро Бризхалер, n = 392; плацебо, n = 190) 220 мл-ге арттырды. Ең төменгі және шектік ҚДК1 Ультибро Бризхалер дәрілік препараты дозаны енгізгеннен кейін "26-шы апта" (р < 0,001) бастапқы соңғы нүктесі кезінде плацебомен салыстырғанда 200 мл-ге ең аз ҚДК1 арттырды және жекелеген компоненттермен (индакатерол және гликопиррониймен) монотерапия топтарымен, сондай-ақ төмендегі кестеде көрсетілгендей тиотропиймен емдеу тобымен салыстырғанда статистикалық маңызды ұлғаюын көрсетті. 1-ші күні және 26-шы аптада (бастапқы соңғы нүкте) дозаны енгізгеннен кейін ең төменгі ҚДК1 (орташа шектік) Емдеу айырмашылығы — 1 күні — 26- апта Ультибро Бризхалер — плацебо — 190 мл (p < 0,001) — 200 мл (p < 0,001) Ультибро Бризхалер — индакатерол — 80 мл (p < 0,001) — 70 мл (p < 0,001) Ультибро Бризхалер — гликопирроний — 80 мл (p < 0,001) — 90 мл (p < 0,001) Ультибро Бризхалер — тиотропий — 80 мл (p < 0,001) — 80 мл (p < 0,001) Орташа ҚДК1 дозаны енгізер алдында (зерттелетін препараттың таңертеңгі дозасына дейін 45 және 15 минут бұрын белгіленген орташа мәні) флутиказон/сальметеролмен салыстырғанда 26-аптада (емдеудің орташа айырмашылық шегі [LS] 100 мл, р < 0,001), плацебомен салыстырғанда 52-аптада Ультибро Бризхалер дәрілік препаратының пайдасына (емдеудің орташа [LS] айырмашылықтары 100 мл, р < 0,001), плацебомен салыстырғанда 52-ші аптада (LS емдеу айырмашылығы 189 мл, р < 0,001), сондай-ақ гликопиррониймен (LS емдеу айырмашылығы 70–80 мл, р < 0,001) және тиотропиймен (LS емдеу айырмашылығы 60–80 мл, р < 0,001) салыстырғанда 64 аптаға дейін барлық қаралу кезінде Ультибро Бризхалер дәрілік препаратының пайдасына статистикалық маңызды болды. Әсер етуші зат бойынша бақыланатын 52 апталық зерттеуде орташа ҚДК1 флутиказон/сальметеролмен (LS емдеу айырмашылығы 62-86 мл, р < 0,001) салыстырғанда 52 аптаға дейін Ультибро Бризхалер дәрілік препаратының пайдасына статистикалық маңызды болды. 26-шы аптада Ультибро Бризхалер дәрілік препараты енгізгеннен кейін (LS емдеу айырмашылығы 330 мл, р < 0,001) алғашқы 4 сағат ішінде плацебомен салыстырғанда шектік ҚДК1 статистикалық маңызды жақсаруын туындатты. Ультибро Бризхалердозаны енгізгеннен кейін AUC 0-12 ҚДК1 флутиказон/сальметеролмен салыстырғанда 26 аптадан кейін (р < 0,001) 140 мл-ге арттырды (бастапқы соңғы нүкте). Симптоматикалық нетижесі Ентігу Ультибро Бризхалер дәрілік препараты ентігу динамикалық индексіне сәйкес (Transitional Dyspnoea Index, TDI) ентігуді статистикалық жағынан елеулі түрде төмендетті, плацебомен (LS емнің айырмашылығы 1,09; р < 0,001), тиотропиймен (LS емнің айырмашылығы 0,51; р = 0,007) және флутиказон/салметеролмен (LS емнің айырмашылығы 0,76; р = 0,007) салыстырғанда 26-ші аптада TDI қорытынды баллдың статистикалық маңызды жақсарғанын көрсетті. Индакатерол мен гликопиррониймен салыстырғанда жақсару тиісінше 0,26 және 0,21 құрады. Ультибро Бризхалер дәрілік препаратын қабылдаған пациенттердің статистикалық жағынан неғұрлым жоғары пайызы плацебомен салыстырғанда (тиісінше 68,1% және 57,5%, р = 0,004) 26-аптада бір немесе одан көп бірлікке TDI қорытынды баллдың артуымен жауап берді. Пациенттердің неғұрлым жоғары пайызы тиотропиймен (59,2%, р = 0,016 қарсы 68,1%) және флутиказон/сальметеролмен (55,5% флутиказон/сальметеролға қарсы 65,1%) салыстырғанда Ультибро Бризхалер дәрілік препаратын қолданудың 26-аптасында клиникалық маңызды жауапты көрсетті. Денсаулықпен байланысты өмір сапасы Ультибро Бризхалер дәрілік препараты, сондай-ақ, тыныс алу қызметін бағалау үшін Әулие Георгий ауруханасының (St. George’s Respiratory Questionnaire, SGRQ) сауалнамасы арқылы анықталатын денсаулыққа байланысты өмір сапасына статистикалық маңызды әсерін көрсетті, бұны 26 аптадан кейін плацебомен (-3,01; р = 0,002) және тиотропиймен (-2,13; р = 0,009) салыстырғанда SGRQ жалпы балының төмендеуі бойынша анықтады, ал индакатерол мен гликопиррониймен салыстырғанда төмендеу тиісінше +1,09 және -1,18 құрады. 64 аптадан кейін тиотропиймен салыстырғанда төмендеу статистикалық маңызды болды (LS емдеу айырмашылықтары -2,69; p < 0,001). 52 аптадан кейін флутиказонмен/сальметеролмен салыстырғанда төмендеу статистикалық маңызды болды (LS емдеудің айырмашылықтары -1,3; p < 0,003) Ультибро Бризхалер дәрілік препаратын қабылдаған пациенттердің үлкен үлесі плацебомен (тиісінше 63,7% және 56,6%, р = 0,088) және тиотропиймен (тиотропий үшін 56,4%-ға қарсы Ультибро Бризхалер үшін 63,7 %, р = 0,047) салыстырғанда 26-аптада (бастапқы деңгеймен салыстырғанда кемінде 4 бірлікке төмендеуі анықталған), ал 64-аптада — гликопирроний мен тиотропиймен (гликопирроний үшін 51,8 % салыстырғанда Ультибро Бризхалер үшін 57,3 %, р = 0,055; тиісінше тиотропий үшін 50,8 %, р = 0,051), ал 52- аптада — флутиказон/сальметеролмен (флутиказон/сальметерол үшін 43,7 % салыстырғанда Ультибро Бризхалер үшін 49,2 %; қауіптер қатынасы: 1,30; p < 0,001) салыстырғанда SGRQ балының клиникалық маңызды жақсаруымен жауап берді. Күнделікті қызметі Ультибро Бризхалер дәрілік препараты пациенттер 26 апта бойы әдеттегі күнделікті жұмысты орындауға қабілетті болған күннің пайызы бойынша тиотропиймен салыстырғанда статистикалық басым жақсаруды көрсетті (LS емдеудің айырмашылықтары 8,45 %; р < 0,001). 64-ші аптада Ультибро Бризхалер дәрілік препараты гликопиррониймен (LS емдеудің айырмашылығы 1,95 %; р = 0,175) салыстырғанда сандық жақсаруды және тиотропиймен (LS емдеудің айырмашылығы 4,96 %; р = 0,001) салыстырғанда статистикалық жақсаруды көрсетті. ӨСОА өршуі 64 апталық зерттеуде Ультибро Бризхалер (n = 729) және гликопирроний (n = 739) және тиотропий (n = 737) дәрілік препаратымен салыстырғанда Ультибро Бризхалер гликопиррониймен (р = 0,038) салыстырғанда 12 %-ға және тиотропиймен (р = 0,096) салыстырғанда 10 %-ға орташа немесе ауыр дәрежедегі ӨСОА асқынуының жыл сайынғы жиілігін төмендетті. Орташа немесе ауыр дәрежедегі/пациент-жыл ӨСОА асқыну саны Ультибро Бризхалер (812 құбылыс) дәрілік препараты үшін 0,94-ті, гликопирроний (900 құбылыс) үшін 1,07 және тиотропий (898 құбылыс) үшін 1,06 құрады. Бұдан басқа, Ультибро Бризхалер дәрілік препараты жыл сайынғы ӨСОА асқынулар жиілігін (өкпе, орташа ауырлықтағы және ауыр) гликопиррониймен (р = 0,001) салыстырғанда 15%-ға және тиотропиймен (р = 0,002) салыстырғанда 14% - ға төмендетті. ӨСОА/пациент-жыл барлық асқынулардың саны Ультибро Бризхалер дәрілік препараты (2893 құбылыс) үшін 3,34-ті, гликопирроний (3294 құбылыс) үшін 3,92 және тиотропия (3301 құбылыс) үшін 3,89 құрады. Ультибро Бризхалер (n = 1675) және флутиказон/сальметерол (n = 1679) дәрілік препаратын салыстырудың 52 апталық зерттеуінде Ультибро Бризхалер (n = 1675) флутиказон/сальметеролмен салыстырғанда ӨСОА барлық асқынулар жиілігі бойынша (өкпе, орташа ауырлықтағы және ауыр) артықшылық болмауын зерттеудің бастапқы мақсатына сәйкес келді. ӨСОА/пациент-жыл барлық асқынулардың саны Ультибро Бризхалер (4531 құбылыс) дәрілік препараты үшін 3,59 және флутиказон/сальметерол (4969 құбылыс) үшін 4,03 құрады. Бұдан әрі Ультибро Бризхалер дәрілік препараты флутиказон/сальметеролмен (p = 0,003) салыстырғанда барлық асқынулардың жыл сайынғы жиілігінің 11%-ға төмендеуінің артықшылығын көрсетті. Флутиказонн/сальметеролмен салыстырғанда Ультибро Бризхалер дәрілік препараты орташа және ауыр дәрежедегі асқынулардың жыл сайынғы жиілігін 17% - ға (p < 0,001) және ауыр асқынулардың (ауруханаға жатқызуды қажет ететін) 13% - ға (статистикалық тұрғыдан елеусіз, p = 0,231) төмендетті. Орташа және ауыр дәрежедегі/пациент-жыл ӨСОА асқынуларының саны Ультибро Бризхалер (1265 құбылыс) дәрілік препараты үшін 0,98 және флутиказон/ сальметерол (1452 құбылыс) үшін 1,19 құрады. Ультибро Бризхалер асқыну қаупінің 22% төмендеуімен (p < 0,001) орташа немесе ауыр дәрежедегі ӨСОА бірінші асқынуына уақытты дейін ұзартты және асқыну қаупінің 19% төмендеуімен (р = 0,046) ауыр дәрежедегі ӨСОА бірінші асқынуына дейін уақытты ұзартты. Пневмония жиілігі флутиказон/сальметерол (p = 0,017) тобында 4,8% - бен салыстырғанда Ультибро Бризхалер тобында 3,2% құрады. Бірінші пневмонияға дейінгі уақыт флутиказонмен/салметеролмен (p = 0,013) салыстырғанда Ультибро Бризхалер дәрілік препаратын қолданғанда ұзарды. Ультибро Бризхалер (n = 258) және флутиказон/салметерол (n = 264) дәрілік препаратын салыстырудың басқа зерттеуінде 26-аптада орташа және ауыр дәрежедегі/пациент-жыл ӨСОА асқынуларының саны 0,18 қарсы 0,15 құрады (22 құбылысқа қарсы 18 құбылыс), тиісінше (p = 0,512) және ӨСОА/пациент-жыл барлық асқынулардың саны 0,94 қарсы 0,72 құрады (113 құбылысқа қарсы 86 құбылыс) (p = 0,098). Шұғыл емдеуге арналған препараттарды пайдалану 26 аптадан кейін Ультибро Бризхалер дәрілік препараты жедел көмекті (сальбутамол) қолдануды плацебомен салыстырғанда тәулігіне 0,96 бүрку (р < 0,001), тиотропиймен салыстырғанда тәулігіне 0,54 бүрку (р < 0,001) және флутиказон/сальметеролмен салыстырғанда тәулігіне 0,39 бүркуге (р = 0,019) статистикалық түрде азайтты. 64 аптадан кейін мұндай төмендеу тиотропиймен салыстырғанда тәулігіне 0,76 бүркуді (р < 0,001) құрады. 52 аптадан кейін Ультибро Бризхалер дәрілік препараты жедел көмек қолдануды флутиказон/сальметеролмен (р < 0,001) салыстырғанда тәулігіне 0,25 бүркуге азайтты. Дене жүктемесіне төзімділік Таңертең қолданылатын Ультибро Бризхалер дәрілік препараты динамикалық гиперинфляцияны төмендетті және жүктеменің ұзақтығын арттырды. Бұл әсерлер бірінші дозадан бастап сақталған. Емдеудің 1-ші күні жүктеме кезінде демді ішке тарту көлемі плацебомен салыстырғанда (LS емдеудің айырмашылығы 250 мл, р < 0,001) айтарлықтай артты. 3 апта емдегеннен кейін Ультибро Бризхалер препаратын қолданғанда демді ішке тарту көлемінің жақсаруы күштірек болды (LS емдеудің айырмашылықтары 320 мл, р < 0,001) және дене жүктемесінің көтерімділік уақыты плацебомен салыстырғанда артты (LS емдеудің айырмашылықтары 59,5 с, р = 0,006).

Дозалау режимі Ұсынылатын доза Бризхалер® ингаляторы арқылы күніне бір рет бір капсуланың ішіндегісін ингаляциялауға сәйкес келеді. Енгізу әдісі мен жолы Тек ингаляциялық қолдануға арналған. Қабылдау уақытын көрсете отырып қолдану жиілігі Ультибро™ Бризхалер® дәрілік препаратын күнделікті бір уақытта енгізу ұсынылады. Емдеу ұзақтығы Қатысты емес Дәрілік препараттың бір немесе бірнеше дозасын өткізіп алған кезде қажетті шаралар Дозаны өткізіп алған жағдайда дәрілік препаратты сол күні мүмкіндігінше ертерек қабылдаған жөн. Тәулігіне препараттың 1 дозасынан артық қабылдауға болмайды. Тоқтату симптомдары қаупінің болуын көрсету Қатысты емес Қолдану жөніндегі нұсқаулар 3a қадамы:Демді толық шығарыңыз. Мүштікке үрлемеңіз.3a қадамы:Демді толық шығарыңыз. Мүштікке үрлемеңіз.2а қадамы:Капсуланы бір рет кіргізіңіз Ингаляторды тік қалыпта ұстаңыз. Капсуланы тесу үшін екі тетікке бір мезгілде қатты басыңыз. 2а қадамы:Капсуланы бір рет кіргізіңіз Ингаляторды тік қалыпта ұстаңыз. Капсуланы тесу үшін екі тетікке бір мезгілде қатты басыңыз. Тексеріңіз Тексеріңіз Капсуланың бос екеніне көз жеткізіңіз. Ингаляторды ашыңыз және капсуладағы ұнтақ қалып қоймағанын тексеріңіз.Капсуланың бос екеніне көз жеткізіңіз. Ингаляторды ашыңыз және капсуладағы ұнтақ қалып қоймағанын тексеріңіз.1а қадамы:Қақпағын шешіңіз1а қадамы:Қақпағын шешіңізКапсуланың бос екеніне көз жеткізіңізКапсуланың бос екеніне көз жеткізіңізТерең тыныс алыңызТерең тыныс алыңызКапсуланы кіргізіңіз Капсуланы кіргізіңіз Салыңыз Салыңыз Капсуланы тескен кезде «сырт» еткен дыбыс естисіз. Капсуланы тек бір рет тесуге болады. — Егер капсулада ұнтақ қалып қойса: Ингаляцияға арналған құрылғыны жабыңыз. 3а, 3б, 3в қадамдарын қайталаңыз. 1б қадамы: Ингаляцияға арналған құрылғыны ашыңыз — 3б қадамы: Дәрілік препаратты терең деммен ішке тартыңыз Ингаляторды суретте көрсетілгендей етіп ұстаңыз. Ингалятор мүштігін аузыңызға салыңыз және ерніңізді жымқырыңыз. Бүйірлік тетіктерге баспаңыз. Жылдам терең тыныс алыңыз. Ингаляцияға арналған құрылғы арқылы демді ішке тартқан кезде сіз қатты дыбыс естисіз. Сіз аузыңызда препараттың дәмін сезіне аласыз Қалған ұнтақ — Бос капсула 2б қадамы: Бүйірлік тетіктерді босатыңыз 1в қадамы: Капсуланы шығарып алыңыз Блистер-қаптамадан бір блистерді бөлек алыңыз. Капсуланы босату үшін блистерден қорғағыш үлбірін шешіп алыңыз. Капсулаға фольга арқылы баспаңыз. Капсуланы жұтпаңыз. — Бос капсуланы суырып алыңыз Бос капсуланы тұрмыстық қалдықтарға лақтырып тастаңыз. Ингаляцияға арналған құрылғыны жабыңыз және оның қақпағын жабыңыз. 3в қадамы: Демалмаңыз 5 секунд демалмай тұрыңыз. Маңызды ақпарат •Ультибро™ Бризхалер® капсулалары әрдайым блистер-қаптамада сақталуы тиіс және оларды тікелей пайдаланар алдында ғана алу керек. •Оны блистерден шығару үшін капсуланы фольга арқылы баспаңыз. •Капсуланы жұтпаңыз. •Ультибро™ Бризхалер® капсуласын кез келген басқа ингалятормен пайдаланбаңыз. •Бризхалер® ингаляторын құрамында басқа дәрілік препарат бар капсулалармен пайдаланбаңыз. •Ешқашан капсуланы аузыңызға салмаңыз және оны ингалятордың мүштігіне қоймаңыз. •Бүйірлік тетіктерге бір реттен артық баспаңыз. •Мүштікке үрлемеңіз. •Мүштік арқылы демді ішке тартып тұрып бүйірлік тетіктерге баспаңыз. •Капсуланы дымқыл қолыңызбен ұстамаңыз. •Ингаляторды ешқашан сумен жумаңыз. 1г қадамы: Капсуланы салыңыз Ешқашан капсуланы тіклей мүштікке салмаңыз. 1д қадамы: Ингаляцияға арналған құрылғыны жабыңыз Сіздің Ультибро™ Бризхалер® құрылғыңыз мыналардан тұрады: •Бір Бризхалер® ингаляторы •Бір немесе бірнеше блистер-қаптама, олардың әрқайсысында ингалятордың 6 немесе 10 Ультибро™ Бризхалер® капсуласы бар. — Жиі қойылатын сұрақтар Мен демді ішке тартқан кезде неге ингалятор өзіне тән дыбыс шығармайды? Капсула капсулаға арналған камерада кептелуі мүмкін. Бұл жағдайда ингалятордың негізін ұстап, құрылғының негізіне шерту арқылы капсуланы абайлап босатыңыз. 3A, 3б және 3в қадамдарын қайталай отырып, дәрілік препаратты қайтадан шығарыңыз. Егер капсулада ұнтақ қалып қойса, не істеу керек? Сіз препараттың жеткілікті дозасын қабылдамадыңыз. Ингаляцияға арналған құрылғыны жабыңыз және 3a, 3б 3в қадамдарын қайталаңыз. Ингаляторды қолданғаннан кейін мен жөтелдім, мұның маңызы бар ма? Бұл солай болуы мүмкін. Егер капсула бос болса, сіз препараттың жеткілікті дозасын қабылдадыңыз. Мен капсуланың ұсақ бөлшектерін тіліммен сезіндім, мұның маңызы бар ма? Бұл солай болуы мүмкін. Бұл зиянды емес. Егер ол бір реттен артық тесілген болса, капсула ұсақ бөлшектерге бөліну ықтималдығы зор. — Ингаляторды тазалау Ұнтақтың қалдығын кетіру үшін мүштіктің ішін және сыртын талшықсыз таза құрғақ матамен сүртіңіз. Ингаляторды құрғақ күйде сақтаңыз. Ингаляторды ешқашан сумен жумаңыз. Капсулаға арналған камераКапсулаға арналған камераҚорғағыш экранҚорғағыш экранНегіз Негіз БлистерБлистерМүштікМүштікБүйірлік тетіктерБүйірлік тетіктерҚақпақ Қақпақ Капсулаға арналған камера Капсулаға арналған камера Қорғағыш экран Қорғағыш экран Негіз Негіз Блистер Блистер Мүштік Мүштік Бүйірлік тетіктер Бүйірлік тетіктер Қақпақ Қақпақ Ингалятор — Ингалятор негізі — Блистер-қаптама Пайдаланғаннан кейін ингаляторды утилизациялау Әрбір ингаляторды барлық капсулаларды қолданғаннан кейін утилизациялау керек. Қажет емес дәрі-дәрмектер мен ингаляторларды қалай утилизациялау керектігін фармацевтен сұраңыз.

- әсер етуші заттарға немесе «Дәрілік препараттың құрамы» бөлімінде атап көрсетілген қандай да бір қосымша заттарға жоғары сезімталдық

Әр жағымсыз реакция жиілігінің санаты келесі принцип бойынша анықталған: өте жиі (≥ 1/10), жиі (≥1/100-ден < 1/10-ға дейін), жиі емес (≥1/1000-нан < 1/100-ге дейін); сирек (≥1/10 000-нан < 1/1000-ға дейін), өте сирек (< 1/10 000), белгісіз (қолжетімді деректер негізінде анықтау мүмкін емес). Өте жиі - жоғарғы тыныс алу жолдарының инфекциясы Жиі - назофарингит - несеп шығару жолдарының инфекциясы - синусит - ринит - аса жоғары сезімталдық - гипергликемия және қант диабеті - бас айналу - бас ауыруы - жөтел - тамақтың жыбырлауын қоса, ауызжұтқыншақтың ауыруы - диспепсия - тісжегі - қуық обструкциясы және несеп шығарудың кідіруі - қызба1 - кеуденің ауыруы Жиі емес - ангионевроздық ісіну - ұйқысыздық - глаукома1 - жүректің ишемиялық ауруы - жүрекшелер фибрилляциясы - тахикардия - пальпитация - парадоксальді бронх түйілуі - дисфония2 - мұрынныан қан кету - гастроэнтерит - ауыздың құрғап кетуі - терінің қышынуы/бөртпе - қаңқа-бұлшықет ауыруы - бұлшықет түйілуі - бұлшықеттің ауыруы - аяқ-қолдың ауыруы - шеткері ісіну - қажу Сирек - парестезия 1 - Ультибро™ Бризхалер® қолданған кезде байқалған жағымсыз реакциялар, бірақ жекелеген компоненттерде. 2 – Хабарламалар тіркеуден кейінгі дереккөздерден алынды; алайда жиілігі клиникалық зерттеулердің деректері негізінде есептелген. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Ультибро™ Бризхалер® препаратының артық дозалануы, тахикардия, тремор, жүректің қағу сезімі, бас ауыруы, жүрек айнуы, құсу, ұйқышылдық, қарыншалық аритмия, метаболизмдік ацидоз, гипокалиемия және гипергликемия сияқты бета2-адреномиметиктердің артық дозалануына тән симптомдармен, сондай-ақ, көзішілік қысымның жоғарылауы (көздің ауыруымен, көрудің бұзылуымен немесе көздің қызаруымен қатар жүретін), іштің қатуы немесе несеп шығарудың қиындауы сияқты бета2-адреномиметиктердің артық дозалануына тән симптомдармен сипатталады деп болжанады. Демеуші және симптоматикалық ем қолданылады. Ауыр жағдайларда пациенттер ауруханаға жатқызылуы тиіс. Қажет болған жағдайда бета2-адреномиметиктер әсерін емдеу үшін селективті бета-адреноблокаторлар қолданылуы мүмкін, бірақ қатаң медициналық бақылаумен немесе өте сақ болу керек, себебі оларды қолдану бронх түйілуінің дамуына түрткі болуы мүмкін.

Ультибро™ Бризхалер® дәрілік препаратын құрамында ұзақ әсер ететін бета-адренергиялық рецепторлардың басқа агонистері немесе Ультибро™ Бризхалер® дәрілік препараты жататын фармакотерапиялық топтардың ұзақ әсер ететін мускаринді рецепторлар антагонистері бар дәрілік препараттармен бірге енгізуге болмайды. Арнайы ескертулер Бронх демікпесі Бронх демікпесі бар науқастарда Ультибро™ Бризхалер® препаратын қолдану жөніндегі деректердің болмауына байланысты препаратты бронх демікпесін емдеу үшін пайдалануға болмайды. Бронх демікпесін емдеу үшін ұзақ әсер ететін бета2-адреномиметиктерді қолданған кезде бронх демікпесімен байланысты күрделі жағымсыз құбылыстардың, оның ішінде өлімнің туындау қаупі артады. Жедел көріністерді басуға арналмаған Ультибро™ Бризхалер® препараты бронх түйілуінің жедел көріністерін басу үшін ұсынылмайды. Аса жоғары сезімталдық Ультибро™ Бризхалер® препаратының белсенді заттары болып табылатын индакатеролды немесе гликопирронийді қолдану аясында шұғыл түрдегі аса жоғары сезімталдық реакцияларының даму жағдайлары тіркелді. Егер аллергиялық реакцияның, атап айтқанда ангионевроздық ісінудің (тыныс алудың немесе жұтынудың қиындауы, тілдің, еріннің және беттің ісінуі), есекжемнің немесе тері бөртпесінің дамуын куәландыратын белгілер болса, препаратты қолдануды тоқтату және баламалы емді таңдау қажет. Парадоксальді бронх түйілуі Ультибро™ Бризхалер® препаратын енгізен кезде өмірге әлеуетті қауіп төндіруі мүмкін парадоксальді бронх түйілуі жағдайлары байқалуы мүмкін. Ол туындаған жағдайда емді дереу тоқтатып, баламалы ем тағайындалуы тиіс. Гликопиррониймен байланысты антихолинэргиялық әсерлер Жабық бұрышты глаукома Ультибро™ Бризхалер® препаратының жабықбұрышты глаукомасы бар пациенттерде қолданылуы жөніндегі мәліметтердің жоқтығына байланысты, препаратты пациенттердің аталған тобында қолданған кезде сақтық таныту керек. Пациенттер жедел жабықбұрышты глаукома ұстамасының белгілері мен симптомдары және Ультибро™ Бризхалер® препаратын қолдануды дереу тоқтату, сондай-ақ осы белгілер немесе симптомдардың кез келгені туындаған жағдайда, өз дәрігеріне кідіртпей хабарлау қажеттілігі туралы хабардар болуы тиіс. Несептің іркілуі Ультибро™ Бризхалер® препаратының несептің іркілуі бар пациенттерде қолданылуы жөніндегі мәліметтердің жоқтығына байланысты, препаратты пациенттердің аталған тобында қолданған кезде сақтық таныту керек. Ауыр бүйрек жеткіліксіздігі бар пациенттер Гликопирронийдің жалпы жүйелі әсерінің (AUClast) 1,4 есе қалыпты орташа ұлғаюы ауырлығы жеңіл және орташа дәрежедегі бүйрек жеткіліксіздігі бар пациенттерде және 2,2 есе ұлғаюы бүйректің ауыр жеткіліксіздігі бар немесе бүйрек жеткіліксіздігінің терминальді сатысындағы пациенттерде байқалды. Бүйрек жеткіліксіздігінің терминальді сатысы бар пациенттерді қоса, жедел бүйрек жеткіліксіздігі бар (есептік шумақтық сүзіліс жылдамдығы 30 мл/мин/1,73 м2төмен) пациенттер үшін, Ультибро™ Бризхалер® препаратын тек қана күтілетін пайдасы ықтимал қаупінен асып түсетін жағдайда ғана пайдалану қажет. Ондай пациенттер жағымсыз реакциялардың даму мүмкіндігіне байланысты тұрақты қадағалауда болуы тиіс Жүрек-қантамыр жүйесіне әсері Ультибро™ Бризхалер® препаратын жүрек-қантамыр аурулары (жүректің ишемиялық ауруы, жедел миокард инфарктісі, жүрек ырғағының бұзылуы, артериялық гипертензия) бар пациенттерге қолданғанда сақ болу керек. Кейбір пациенттерде бета2-адреномиметиктер ЖЖЖ артуы, АҚ жоғарылауы және/немесе ауру симптомдарының күшеюі түрінде жүрек-қантамыр жүйесіне клиникалық маңызды әсер етуі мүмкін. Ультибро™ Бризхалер® препаратын қолданған кезде мұндай құбылыстар туындаған жағдайда, препаратпен емдеуді тоқтату қажет болуы мүмкін. Бұдан өзге, бета-адреномиметиктерді қолданған кезде Т тісшесінің қатаюы, QT аралығының ұзаруы және ST сегментінің депрессиясы сияқты электрокардиографиялық (ЭКГ) өзгерістер байқалуы мүмкін, алайда бұл өзгерістердің клиникалық маңыздылығы анықталмаған. Осыған байланысты QT аралығының ұзаруы белгілі немесе болжанатын немесе QT аралығына әсер ететін дәрілік препараттармен ем алып жүрген пациенттерде ұзақ әсер ететін бета2-адреномиметиктерді және Ультибро™ Бризхалер®сияқты, құрамында ұзақ әсер ететін бета2-адреномиметиктер бар препараттарды қолданғанда сақтық таныту қажет. Гипокалиемия Кейбір пациенттерде бета2-адреномиметиктерді қолданған кезде жүрек-қантамыр жүйесі тарапынан жағымсыз құбылыстардың дамуына алып келетін елеулі гипокалиемия байқалуы мүмкін. Қан сарысуындағы калий концентрациясының төмендеуі әдетте өтпелі болады және түзетуді қажет етпейді. Ауыр дәрежелі ӨСОА бар пациенттерде гипокалиемия гипоксиядан және қатарлас емнен туындауы мүмкін, бұл өз кезегінде, аритмиялардың даму ықтималдығын арттыруы мүмкін. Гипергликемия Бета2-адреномиметиктердің жоғары дозаларының ингаляциясы кезінде қан плазмасындағы глюкоза деңгейі жоғарылауы мүмкін. Ультибро™ Бризхалер® препаратын қолдануды бастағаннан кейін қант диабеті бар пациенттерде қан плазмасында глюкоза концентрациясын ұдайы бақылап отыру керек. Ультибро™ Бризхалер® қант диабеті нашар бақыланатын пациенттерде зерттелмеген, сондықтан ондай пациенттерге препаратты айрықша сақтықпен және тиісті бақылаумен қолдану ұсынылады. Жалпы бұзылулар Ультибро™ Бризхалер® дәрілік препаратын құрысу бұзылыстары немесе тиреотоксикозы бар пациенттерде және бета2-адреномиметиктерге әдеттен тыс жауабы бар пациенттерде қолданған кезде сақ болған жөн. Қосымша заттар Осы дәрілік препараттың құрамына лактоза кіреді. Галактоза жақпаушылығы, толық лактаза жеткіліксіздігі немесе глюкоза-галактоза мальабсорбциясы түріндегі сирек тұқым қуалайтын бұзылулары бар пациенттер осы дәрілік препаратты қолданбауы тиіс. Пациенттердің ерекше топтары Егде жастағы пациенттер Ультибро™ Бризхалер® препаратын ұсынылған дозада егде жастағы (75 жас және одан асқан) пациенттерге қолдануға болады. Бүйрек жеткіліксіздігі Ультибро™ Бризхалер® препаратын жеңіл және орташа дәрежедегі бүйрек жеткіліксіздігі бар пациенттерге ұсынылған дозада қолдануға болады. Ауыр дәрежедегі немесе гемодиализ жүргізуді қажет ететін терминальді сатыдағы бүйрек жеткіліксіздігі бар пациенттерде дәрілік препарат егер болжамды пайдасы ықтималды қауіптен артатын жағдайда ғана ұсынылған дозада қолданылуы тиіс. Бауыр жеткіліксіздігі Ультибро™ Бризхалер® препаратын жеңіл және орташа дәрежедегі бауыр жеткіліксіздігі бар пациенттерге ұсынылған дозада қолдануға болады. Бауыр функциясының ауыр бұзылулары бар пациенттерде Ультибро™ Бризхалер® дәрілік препаратын қолдану туралы деректер жоқ, сондықтан осындай пациенттерге дәрілік препаратты қолданған кезде сақ болу қажет. Балаларда қолданылуы Ультибро™ Бризхалер® дәрілік препараты ӨСОА көрсетілімі бойынша балаларда (18 жасқа дейін) қолданылмайды. Ультибро™ Бризхалер® дәрілік препаратын қолдану қауіпсіздігі мен тиімділігі балаларда анықталмаған. Деректер жоқ. Жүктілік Жүкті әйелдерде Ультибро™ Бризхалер® қолдану жөнінде деректер жоқ. Индакатерол жатырдың тегіс бұлшықетіне релаксациялайтын әсерінің салдарынан босану үдерісін баяулатады. Осыған байланысты Ультибро™ Бризхалер® жүктілік кезінде, егер қолданудың анасы үшін болжамды пайдасы шарана үшін ықтималды қауіптен асатын болса қолданылуы тиіс. Бала емізу Индакатерол, гликопирроний және олардың метаболиттері емшек сүтіне өтетін-өтпейтіні белгісіз. Бала емізетін әйелдерде Ультибро™ Бризхалер® қолдануды ана үшін болжамды пайдасы бала үшін ықтималды қауіптен асатын болса ғана қарастыру керек. Фертильділігі Репродуктивті уыттылықты зерттеу де, жануарларға жүргізілген басқа да зерттеулер де дәрілік препараттың ерлердің немесе әйелдердің фертильділігіне әсер етуі мүмкін деп пайымдауға негіз бермейді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бұл дәрілік препарат көлік құралдарын және қауіптілігі зор механизмдерді басқару қабілетіне әсер етпейді немесе елеусіз әсер етеді. Алайда бас айналуының туындауы көлік құралдарын және қауіптілігі зор механизмдерді басқару қабілетіне әсер етуі мүмкін.

Нұсқаулықта көрсетілмеген.

Индакатерол мен гликопирроний бромидін тепе-теңдік жағдайларында ингаляция жолымен біріктіріп қолданған кезде, екі белсенді заттың фармакокинетикалық қасиеттері өзгерген жоқ. Ультибро™ Бризхалер® препаратының басқа дәрілік препараттармен өзара әрекеттесулеріне арнайы зерттеулер жүргізілген жоқ. Препараттың әлеуетті өзара әрекеттесулері жөніндегі ақпарат оның екі белсенді затының әрқайсысының болуы мүмкін өзара әрекеттесулерінің мәліметтеріне негізделген. Бірге қолдану ұсынылмайды Бета-адреноблокаторлар Бета-адреноблокаторлар бета2-адреномиметиктердің әсерін әлсіретуі немесе әсеріне кедергі жасауы мүмкін. Сондықтан олардың бірге қолданылуы үшін дәлелді себеп болмаса, Ультибро™ Бризхалер® препаратын бета-адреноблокаторлармен (көзге тамызатын дәрілерді қоса) бір мезгілде қолдану ұсынылмайды. Қажет болған жағдайда, кардиоселективті бета-адреноблокаторларды пайдаланған дұрыс, алайда оларды сақтықпен қолдану қажет. Антихолинергиялық препараттар Ультибро™ Бризхалер® препаратының басқа антихолинергиялық дәрілік препараттармен өзара әрекеттесуіне арнайы зерттеулер жүргізілмеген, сондықтан да оларды қолдану ұсынылмайды. Симпатомиметиктер Басқа симпатомиметиктермен бір мезгілде қолдану (бөлек және біріктірілген ем құрамында) индакатеролдың жағымсыз құбылыстарының даму қаупін артыруы мүмкін. Бірге қолданған кезде сақ болу қажет Гипокалиемиялық дәрілік заттар Гипокалиемиялық препараттарды метилксантин туындыларымен, стероидтармен немесе гипокалиемия тудыратын диуретиктермен бір мезгілде қолдану, бета2-адреномиметиктер туындататын гипокалиемиялық әсерді күшейтуі мүмкін. Бірге қолданған кезде ескеру қажет Метаболизмдік препараттармен және жарғақшалық тасымалдағыштармен өзара әрекеттесуі Индакатерол клиренсіне ықпал ететін негізгі ферменттер, CYP3A4 және Р-гликопротеин (P-gp) тежегіштері индакатеролдың жүйелік әсерін 2 есеге арттырады. Циметидин немесе органикалық катиондар тасымалдағыштарының басқа да тежегіштері Гликопирронийның бүйрек клиренсіне әсер ететін органикалық катиондар тасымалдағыштарының тежегіші циметидин гликопирронийның жалпы әсерін (AUC) 22%-ға арттырады және бүйрек клиренсін 23%-ға төмендетеді. Осы өзгерістердің шамасына негізделе отырып, гликопирроний бромидін циметидинмен немесе органикалық катиондар тасымалдағыштарының басқа да тежегіштерімен бір мезгілде қолданған кезде клиникалық маңызды өзара әрекеттесу болжанбайды.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Ылғалдан қорғау үшін түпнұсқалық қаптамасында 25°С-ден аспайтын температурада сақтау керек. Балалардың қолы жетпейтін жерде сақтау керек!