Упсарин УПСА таблетки 500 мг

Бір таблетканың құрамында белсенді зат – ацетилсалицил қышқылы - 500 мг, қосымша заттар: натрий гидрокарбонаты, сусыз лимон қышқылы, сусыз натрий цитраты, сусыз натрий карбонаты, аспартам E 951, повидон (К30), кросповидон, апельсин хош иістендіргіші*. * алфа-пинен, бета-пинен, мирцен, лимонен, октаналь, деканаль, линалол, алфа-терпинеол, мальтодекстрин, акация, күкірт қостотығы, бутилденген гидроксианизол. Сыртқы түрінің, иісінің, дәмінің сипаттамасы Беткейі тегіс және сызығы бар, шеттері кертілген ақ түсті таблеткалар, суда газ көпіршіктерін бөле отырып ериді.

• қарқындылығы жеңілден орташа дәрежеге дейінгі ауыруды және/немесе қызба жағдайларын cимптоматикалық емдеуде; • созылмалы ревматизмдік артрит, балаларда жедел буын ревматизмінде; • ересектерде қабыну ревматизмін симптоматикалық емдеуде.

Анальгетиктер. Басқа анальгетиктер және антипиретиктер. Салицил қышқылы және оның туындылары. Ацетилсалицил қышқылы Әсер ету механизмі Ацетилсалицил қышқылы анальгетикалық, қызбаға қарсы және қабынуға қарсы қасиеттері бар қабынуға қарсы стероидты емес препараттар тобына жатады. Оның әсер ету механизмі простагландиндер синтезіне қатысатын циклооксигеназ ферменттерінің белсенділігін қайтымсыз тежеуге негізделген. Ацетилсалицил қышқылы тромбоциттердің агрегациясын тежейді, тромбоксан А2 синтезін тежейді.

Дозалау режимі Жеңілден орташа қарқындылыққа дейінгі ауырсыну және/немесе қызба жағдайы Ересектер мен дене салмағы 50 кг-ден асатын балалар үшін (шамамен 15 жастан бастап). Ұсынылатын ең жоғары тәуліктік доза 3 г ацетилсалицил қышқылы, яғни күніне 6 көпіршитін таблетка. Ұсынылатын тәуліктік доза - қажет болған жағдайда кемінде 4 сағаттан кейін қайта қабылдаумен 500 мг 1 көпіршитін таблетка. Аса қарқынды ауырсыну немесе қызба болған жағдайда, 500 мг 2 көпіршитін таблетка, оны қажет болған жағдайда кем дегенде 4 сағаттан кейін қайталауға болады, бірақ күніне 6 көпіршитін таблеткадан аспайды. Ревматизмдік аурулар Ересектер мен дене салмағы 50 кг-ден асатын балалар үшін ең жоғары тәуліктік доза кемінде 4 сағат қабылдау арасындағы аралықпен 3-4 қабылдауға бөлінген 3-тен 6 г-ге дейін құрайды. Егде жастағы пациенттер үшін дозаны азайту керек. Егде жастағы пациенттер Ұсынылатын ең жоғары тәуліктік доза 2 г ацетилсалицил қышқылы, яғни күніне 4 көпіршитін таблетка. Ұсынылатын тәуліктік доза - қажет болған жағдайда кемінде 4 сағаттан кейін қайта қабылдаумен 500 мг 1 көпіршитін таблетка. Аса қарқынды ауырсыну немесе қызба болған жағдайда, 500 мг 2 көпіршитін таблетка қабылдау керек, оны қажет болған жағдайда кем дегенде 4 сағаттан кейін қайталауға болады, бірақ күніне 4 көпіршитін таблеткадан аспайды. Енгізу әдісі мен жолы Пероральді қолдану үшін. Үлкен стакан суда көпіршитін таблетка толығымен ерігеннен кейін бірден ішу керек. Қабылдау уақыты көрсетілген қолдану жиілігі Ауырсыну және қызба Тұрақты қабылдау ауырсыну немесе қызба қарқындылығының ауытқуын болдырмайды. Ересектер мен 15 жастан асқан балалар үшін, қабылдаулар арасындағы ең аз аралықпен - 4 сағат. Ревматизмдік аурулар Қабылдаулар арасындағы аралық кемінде 4 сағатты құрауы тиіс. Емдеу ұзақтығы Ауырсыну және қызба Егер ауырсыну 5 күннен артық сақталса, қызба 3 күннен артық болса және жағдайы нашарласа, дәрігермен кеңесусіз ацетилсалицил қышқылымен емдеуді жалғастырмаңыз. Ревматизмдік аурулар Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Осы дәрілік препаратты әрқашан медициналық қолдану жөніндегі нұсқаулықтағы немесе медицина қызметкерінің ұсынымдарына сәйкес қабылдаңыз. Қажет болса, дәрігермен кеңесу керек.

• әсер етуші затқа немесе қосымша заттардың кез келгеніне аса жоғары сезімталдық, • 6 айдан бастап жүктілік кезеңі (аменореяның 24 аптасынан кейін), • анамнезінде қабынуға қарсы стероидты емес препараттармен алдыңғы емдеу кезінде пайда болған асқазан-ішек қан кетуінің немесе тесілуінің болуы, • анамнезінде үдемелі пептидтік ойық жара, пептидтік немесе қайталанатын қан кететін ойық жара (қан кетудің немесе ойық жараның екі немесе одан да көп жағдайы), • салицилаттарды немесе ұқсас әсері бар заттарды, атап айтқанда, қабынуға қарсы стероидты емес препараттарды қабылдау арқылы туындаған анамнезінде демікпенің болуы, • кез келген конституциялық немесе жүре пайда болған геморрагиялық ауру, • геморрагия қаупі, • бауырдың ауыр жеткіліксіздігі, • бүйректің ауыр жеткіліксіздігі, • жүректің ауыр жеткіліксіздігі, • аптасына 20 мг асатын дозалардағы метотрексаттың және қабынуға қарсы әсері (≥1 г бір доза және/немесе күніне ≥3 г), анальгетикалық немесе қызбаға қарсы әсері (≥500 мг бір доза және/немесе күніне ≥3 г) бар дозадағы ацетилсалицил қышқылының біріктірілімі, • қабынуға қарсы әсері (≥1 г бір доза немесе күніне ≥3 г), анальгетикалық немесе қызуды түсіретін әсері (≥500 мг бір доза және/немесе күніне ≥3 г) бар дозадағы пероральді антикоагулянттар мен ацетилсалицил қышқылының біріктірілімі, сондай-ақ пациенттің анамнезінде пептидтік ойық жараның болуы.

Инфекциялық және паразиттік аурулар: Белгісіз: Рей синдромы. Қан және лимфа жүйесі тарапынан бұзылулар: Өте жиі: қан кету уақыты ұлғаюымен қан ұюының бұзылуы (мұрыннан қан кету, гингиворагия, геморрагиялық бөртпе және т.б.). Бұл әрекет ацетилсалицил қышқылын қабылдауды тоқтатқаннан кейін 4-8 күн бойы сақталады. Бұл хирургиялық операция кезінде қан кету қаупін тудыруы мүмкін . Сирек: миға қан құйылу және бассүйекішілік қан құйылу. Иммундық жүйе тарапынан бұзылулар: Жиі емес: есекжем, тері реакциялары, анафилаксиялық реакциялар, демікпе, ангионевроздық ісіну (Квинке ісінуі). Жүйке жүйесі тарапынан бұзылулар: Жиі: бас ауыруы. Жиі емес: бас айналу, есту қабілетінің жоғалуын сезіну, құлақтағы шыңыл, бұл әдетте артық дозаланудың белгілері болып табылады. Жүрек-қантамыр жүйесі тарапынан бұзылулар: Сирек: ісіну, гипертензия, жүрек жеткіліксіздігі. Асқазан-ішек жолы тарапынан бұзылулар: Жиі: жүрек айнуы, құсу, диарея, ішек кебу, констипация, ас қортылмау, іш аумағындағы ауыру, мелена, қан құсу, ойық жара стоматиті, ойық жаралы колиттің өршуі немесе Крон ауруы. Пептидтік ойық жарасы, тесілу және асқазан-ішек қан кетулер болу мүмкін, кейде өлімге әкелуі мүмкін, әсіресе егде жастағы пациенттерде. Сирек: гастрит. Тері және теріасты тіндері тарапынан бұзылулар: Өте сирек: буллезді түрдегі реакциялар, соның ішінде Стивенс-Джонсон синдромы және уытты эпидермальді некролиз. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Емдеу кезінде келесі симптомдар пайда болуы мүмкін: құлақтағы шу, есту қабілетінің жоғалуын сезіну, бас ауыруы немесе айналуы. Бұл ацетилсалицил қышқылының артық дозалануының әдеттегі белгілері. Бұл жағдайда емдеуді тоқтатып, дәрігермен кеңесу керек.

Упсарин УПСА, 500 мг көпіршитін таблеткаларды қабылдамас бұрын дәрігермен кеңесіңіз: • басқа препараттармен біріктірген жағдайда, артық дозалану қаупін болдырмау үшін басқа дәрілік препараттар құрамында ацетилсалицил қышқылының болмауын тексеріңіз; • ұзақ қабылдау кезінде және ацетилсалицил қышқылының жоғары дозаларын қабылдау кезінде пайда болатын бас ауыруы жағдайында дозаны арттырмау керек, медициналық қызметкерден кеңес алыңыз; ауырсынуды басатын дәрілерді үнемі қолдану, әсіресе біріктіріп, бүйрек жеткіліксіздігінің даму қаупі бар бүйректің тұрақты зақымдалуына әкелуі мүмкін; • Рей синдромы (сирек кездесетін, бірақ өте ауыр ауру, ең алдымен неврологиялық бұзылулармен және бауырдың зақымдалуымен байланысты) вирустық аурулары бар және ацетилсалицил қышқылын қабылдаған балаларда байқалды. Арнайы ескертулер Келесі жағдайларда Упсарин УПСА препаратын қабылдамас бұрын дәрігермен кеңесу керек: • ревматизмдік ауруды емдеу; • глюкоза-6-фосфатдегидрогеназа тапшылығы (эритроцитті зақымдайтын тұқым қуалайтын ауру), өйткені ацетилсалицил қышқылының жоғары дозалары гемолиздік анемияны тудыруы мүмкін (эритроциттің бұзылуы); • асқазан немесе он екі елі ішектің ойық жарасы, асқазан-ішектен қан кету немесе гастрит; - бүйрек, бауыр, жүрек ауруы немесе жоғары қан қысымы жағдайында. • демікпе, кейбір науқастарда ұстамалары СЕҚҚП немесе ацетилсалицил қышқылына аллергиямен байланысты болуы мүмкін. Бұл жағдайда осы препаратты қабылдауға болмайды; • етеккірдің құйылып келуі немесе жатырішілік контрацептивтерді қолдану; • емі: • қызба мен ауыруды емдеу үшін ацетилсалицил қышқылының жоғары дозаларын пайдаланған кезде пероральді антикоагулянттармен (≥500 мг бір доза және/немесе тәулігіне <3 г); • тромбоциттердің антиагреганты ретінде (тәулігіне 50-ден 375 мг-ге дейін) ацетилсалицил қышқылының төмен дозаларын пайдаланған кезде және анамнезінде асқазан немесе он екі елі ішектің ойық жарасы болған кезде пероральді антикоагулянттармен; • Ацетилсалицил қышқылын қабынуға қарсы дәрі ретінде қолданғанда (≥1 г бір доза және/немесе тәулігіне ≥3 г), атап айтқанда ревматизмдік ауруларды, қызбаны немесе ауыруды емдеуде (≥500 мг бір доза және/немесе тәулігіне <3 г), бұл дәрілік зат келесілермен біріктірілімде қолдануға болмайды: • қабынуға қарсы әсері бар дозаларда (≥1 г бір доза және/немесе күніне ≥3 г) ацетилсалицил қышқылы бар глюкокортикоидтармен (гидрокортизонды алмастыру емі ретінде қоспағанда), атап айтқанда ревматизмдік ауруларды емдеу үшін; • қабынуға қарсы әсері бар ацетилсалицил қышқылының жоғары дозасы (≥1 г бір доза және/немесе тәулігіне ≥3 г), атап айтқанда ревматикалық ауруларды, қызбаны немесе ауыруды (≥500 мг бір доза және/немесе тәулігіне <3 г); • подагра емдеуге арналған препараттармен, • ацетазоламидпен; • анагрелидпен; • клопидогрелмен; • бауыр функциясының төменнен орташаға дейін дәрежедегі бұзылуы бар пациенттерде пеметрекседом; • тикагрелормен; • тиклопидинмен; • тенофовир дизопроксилі фумаратымен; • деферазирокспен. Егер емдеу кезінде асқазан-ішектен қан кету пайда болса (аузынан қанның шығуы, нәжісте қанның болуы, нәжістің қара түске боялуы), емдеуді тоқтатып, дереу дәрігермен кеңесу керек. Ацетилсалицил қышқылы тіпті төмен дозаларды қабылдағанда немесе қабылдағаннан кейін бірнеше күн өткен соң қан кету қаупін арттырады. Дәрігерге, хирургқа, анестезиологқа немесе тіс дәрігеріне хирургиялық араласу жоспарланса, тіпті кішігірім болса да хабарлаңыз. Ревматологияда қолданылатын жоғары дозаларда артық дозалану белгілерінің пайда болуын бақылау ұсынылады: құлақтағы шуыл, есту қабілетінің төмендеуі немесе айналуы. Егер осы симптомдардың бірі пайда болса, дереу дәрігермен кеңесу керек. Ацетилсалицил қышқылы урикемияны өзгертеді (қандағы несеп қышқылының мөлшері). Анамнезінде гипертензиясы және/немесе жүрек жеткіліксіздігі бар пациенттерге ерекше назар аудару қажет, өйткені организмде натрий немесе сұйықтықтың іркілу жағдайлары, сондай-ақ ҚҚСП қабылдауға байланысты ісінулер тіркелген. Упсарин УПСА құрамында фенилаланин бар, фенилкетонуриясы бар адамдарға қолдануға болмайды. Егде жастағы пациенттер Егде жастағы пациенттер қабынуға қарсы стероидты емес препараттардың (ҚҚСП), атап айтқанда, асқазан-ішек қан кетулерінің немесе өлімге әкелуі мүмкін тесілулердің жағымсыз әсерінің жоғары қаупі тобында болады. Педиатрияда қолдану Бұл препарат ересектер мен дене салмағы 50 кг және одан жоғары балаларға арналған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Осы дәрілік препаратты қабылдау көлік құралын басқару және механизмдермен жұмыс істеу қабілетіне әсер етпейді.

Жүктілік Бұл дәрілік препаратты жүктіліктің 6-шы айының басына дейін (аменореяның 24-ші аптасына дейін) түсік тастау немесе ұрықтың ақауларының пайда болу қаупіне байланысты қабылдауға болмайды, егер дәрігер оны қолдануды қажет деп тапса. Бұл жағдайда доза мүмкіндігінше аз болуы керек, ал қабылдау ұзақтығы мүмкіндігінше қысқа болуы керек. Лактация Ацетилсалицил қышқылы емшек сүтімен шығарылатындықтан, оны бала емізетін әйелдерге қабылдауға болмайды. Фертильділік Ацетилсалицил қышқылы, барлық қабынуға қарсы стероидты емес препараттар сияқты, әйелдің фертильділігін өзгерте алады және емдеуді тоқтатқаннан кейін қайтымды болатын жүктіліктің қиындықтарына әкелуі мүмкін. Сондықтан, бұл препарат бала туғысы келетін әйелдерге ұсынылмайды. Егер сіз жүкті болуды жоспарласаңыз немесе бала біту қиындықтары болса, дәрігермен кеңесуіңіз керек.

Ацетилсалицил қышқылын қабынуға қарсы дәрі ретінде қолданғанда (≥1 г бір доза және/немесе тәулігіне ≥3 г), атап айтқанда ревматизмдік ауруларды, қызбаны немесе ауыруды емдеуде (≥500 мг бір доза және/немесе тәулігіне <3 г), бұл дәрілік зат келесілермен біріктірілімде қолдануға болмайды: • метотрексатпен аптасына 20 мг жоғары дозада, • пероральді антикоагулянттар және асқазан немесе он екі елі ішек жарасы болған жағдайда. Келесілермен мына біріктірілмдерден аулақ болу керек: • қызба немесе ауыруды емдеу үшін ацетилсалицил қышқылының жоғары дозасы (≥500 мг бір доза және/немесе тәулігіне <3 г) қабылданған кезде және анамнезінде асқазан немесе он екі елі ішектің ойық жарасы болмаған кезде пероральді антикоагулянттармен, • анамнезінде асқазан мен он екі елі ішектің ойық жарасымен тромбоциттерге қарсы агрегат ретінде (тәулігіне 50-ден 375 мг-ге дейін) ацетилсалицил қышқылының төмен дозасы қабылданған кезде пероральді антикоагулянттармен, • қабынуға қарсы әсері бар ацетилсалицил қышқылының жоғары дозасы (≥1 г бір доза және/немесе тәулігіне ≥3 г), атап айтқанда ревматизмдік ауруларды, қызбаны немесе ауыруды емдеу кезінде (≥500 мг бір доза және/немесе тәулігіне <3 г) қабылданғанда қабынуға қарсы стероидты емес препараттар, • глюкокортикоидтар (алмастырушы ем кезіндегі гидрокортизонды қоспағанда) қабынуға қарсы әсері үшін (≥1 г бір доза және/немесе тәулігіне ≥3 г) ацетилсалицил қышқылының жоғары дозаларын пайдалана отырып, атап айтқанда ревматизмдік ауруларды емдеуде, • емдік дозаларда және/немесе 65 жастан асқан, қабынуға қарсы әсері бар жоғары дозаларда ацетилсалицил қышқылын қабылдаумен (≥1 г бір доза және/немесе тәулігіне ≥3 г), атап айтқанда ревматизмдік ауруларды емдеу кезінде немесе қызбаны немесе ауыруды емдеу кезінде (≥500 мг бір доза және/немесе тәулігіне <3 г) пайдаланылатын гепариндер, • подагра емдеуге арналған препараттар, • ацетазоламид, • анагрелид, • клопидогрел, • бүйрек функциясы жеңілден орташа ауырлыққа дейін бұзылған пациенттерде пеметрексед, • тикагрелор, • тиклопидин («Арнайы ескертулер» бөлімін қараңыз).

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ жерде, 25 С-ден аспайтын температурада сақтау керек. Балалардың қолы жетпейтін жерде сақтау керек!