Уромитексан раствор 400 мг/4 мл

1 мл ерітіндінің құрамында: белсенді зат - 100 мг месна, қосымша заттар - динатрий эдетаты, натрий гидроксиді, инъекцияға арналған су. Сыртқы түрінің, иісінің, дәмінің сипаттамасы Мөлдір түссіз ерітінді.

• кіші жамбас аймағында, әсіресе, алғашқы сәулелік терапия алған жоғары қаупі бар пациенттерде оксазафосфориндердің (ифосфамид, циклофосфамид, трофосфамид) уротелиальді уытты әсерінің профилактикасында • бұрын оксазафосфориндермен ем алған циститі бар пациенттерде немесе анамнезінде несеп шығару жолдарының аурулары бар пациенттерде.

Әсер ету механизмі Меснаның несеп шығару жолдарын қорғау механизмі оксазафосфориндердің уроуытты гидроксил метаболиттерін тұрақтандыруға және акролеинмен уытты емес аддитивті қосылыстардың түзілуіне негізделген. Бұл реакциялар бүйректе және эфферентті несеп шығару жолында аймақтық детоксикацияны қамтамасыз етеді.

Дозалау режимі Егер басқасы көрсетілмесе, Уромитексан препараты әдетте ересек пациенттерге вена ішіне (в/і) оксазафосфориннің тиісті дозасының 20%-ын құрайтын дозада инъекция түрінде енгізіледі; енгізудің уақыт нүктелері - 0 (оксазафосфоринді енгізу уақыты), 4 және 8 сағат. Уромитексан (месна) препаратын оксазафосфориннің в/і инъекциясында енгізу мысалы: Сағаты Енгізу уақыты — 0 (8.00) — 4 (12.00) — 8 (16.00) Оксазафосфорин Доза — 40 мг/кг дене салмағы — - — - Месна Доза — 8 мг/кг дене салмағы — 8 мг/кг дене салмағы — 8 мг/кг дене салмағы Егер ифосфамид (Холоксан препараты) үздіксіз инфузия жолымен енгізілсе меснаны ең алдымен есептелген 0 нүктеде (инфузияның басталуы, «0» сағат) болюсті инъекция түрінде (ифосфамидтің тиісті дозасының 20%-ы) енгізу, содан кейін меснаны ифосфамидтің тиісті дозасының 100%-на дейінді құрайтын дозада жалғастыру ұсынылады. Ифосфамид инфузиясын аяқтағаннан кейін ифосфамидтің тиісті дозасының 50%-на дейінгі дозада меснаны енгізе отырып, келесі 6-12 сағат ішінде уропротекторлы әсерді демеген жөн. Ифосфамидті 24 сағаттық инфузия түрінде қолданғанда Уромитексан (месна) препаратын дозалау режиміне мысал: Енгізу уақыты (сағат) — 0 — 24 30 36 Ифосфамид инфузиясы — 5 г/м2 дене бетінің ауданы (125 мг/кг дене салмағы) Меснаны болюсті енгізу — 1 г/м2 дене бетінің ауданы (25 мг/кг дене салмағы) Месна инфузиясы — 5 г/м2 дене бетінің ауданына дейін (125 мг/кг дене салмағы) Ифосфамид инфузиясына қоспа — 2,5 г/м2 дене бетінің ауданына дейін (≈62,5 мг/кг дене салмағы) Месна дозасы келесі жағдайларға байланысты: • ифосфамидтің немесе циклофосфамидтің қандай дәрілік түрде қолданылуына – вена ішіне енгізуге арналған ерітінді немесе таблеткалар; • пациентте несеп шығару жолдары инфекцияларының бар-жоқтығына; • ифосфамидті, циклофосфамидті немесе трофосфамидті қолдану нәтижесінде пациентте қуықтың зақымдану белгілері бар ма; • пациенттің қуық маңындағы дене аймағына сәулемен емдеуден өтті ме. Егде жастағы адамдар Егде жастағы пациенттерде қолдануға қатысты арнайы ақпарат жоқ. 65 жастан асқан пациенттердің қатысуымен клиникалық зерттеулерде осы жас тобына жататын ерекше жағымсыз реакциялар байқалған жоқ. Балалар Әдетте, балаларда несеп шығару ересектерге қарағанда жиі болады, сондықтан балаларда инъекциялар арасындағы аралықты жекелей азайту (мысалы, 3 сағат) және/немесе препаратты енгізу санын көбейту қажет (мысалы, 6 дозаға дейін). Енгізу әдісі мен жолы Вена ішіне. Қолданар алдында дәрілік препаратты көрінетін бөлшектердің бар-жоғын және түсінің өзгеруін тексеру керек. Ерітінді түсі өзгерген, бұлдыраған немесе көрінетін бөлшектер болған жағдайда енгізуге жол берілмейді. Уромитексан препаратымен емдеу ұзақтығы оксазафосфоринмен емдеу ұзақтығына байланысты.

- меснаға немесе қосымша заттардың кез келгеніне аса жоғары сезімталдық; - лактация кезеңі.

Уромитексан препаратын қолданумен байланысты ең жиі кездесетін жағымсыз реакциялар (>10%): бас ауыруы, инфузия орнындағы реакциялар, іштің ауыруы/ іштің түйіліп ауыруы, бас айналу, ұйқышылдық/әлсіздік, қызба, бөртпе, диарея, жүрек айнуы, гиперемия және тұмау тәрізді аурулар болып табылады. Уромитексан препаратын қолданумен байланысты аса ауыр жағымсыз реакцияларға мыналар жатады: уытты эпидермальді некролиз, Стивенс-Джонсон синдромы, анафилаксиялық шок және эозинофилиясы және жүйелік симптомдары (DRESS) бар дәрілік бөртпе. Уромитексан препараты оксазафосфориндермен біріктірілімде қолданылатындықтан, Уромитексан препаратын қолданумен байланысты жағымсыз реакцияларды бір мезгілде қолданылатын цитоуытты препараттармен туындаған реакциялардан ажырату жиі қиындықты тудырады. Келесі жағымсыз дәрілік реакциялар жүйелік-ағзалық жіктемеге сәйкес және мынадай конвенцияға сәйкес реттелген: өте жиі (≥1/10); жиі (≥1/100-ден <1/10-ға дейін); жиі емес (≥1/1 000-нан <1/100-ге дейін); сирек (≥1/10 000-нан <1/1 000-ға дейін); өте сирек (<1/10 000) және белгісіз (қолда бар деректерге сүйене отырып, туындау жиілігін анықтау мүмкін емес). Жүйелік-ағзалық класс — Жағымсыз реакция — Жиілік Инфекциялар мен инвазиялар — Фарингит — Өте сирек Қан және лимфа жүйесі тарапынан бұзылулар — Лимфаденопатия — Жиі Панцитопения Лейкопения Лимфопения Тромбоцитопения Эозинофилия — Жиілігі белгісіз Иммундық жүйе тарапынан бұзылулар — Анафилаксия Аса жоғары сезімталдық реакциялары — Жиілігі белгісіз Метаболизм және тамақтану тарапынан бұзылулар — Тәбеттің төмендеуі Сусызданудың сезілуі — Жиі Психикалық бұзылулар — Ұйқысыздық Түнгі қорқыныштар — Жиі Жүйке жүйесі тарапынан бұзылулар — Бас ауыруы Естен тану алдындағы жағдай Ұйқышылдық /әлсіздік — Өте жиі Бас айналу Парестезиялар Гиперестезия Естен тану Гипестезия Зейіннің бұзылуы — Жиі Құрысулар — Жиілігі белгісіз Көру мүшелері тарапынан бұзылулар — Конъюнктивит Көздің қарығуы Көрудің бұлыңғырлануы — Жиі Периорбитальді ісіну — Жиілігі белгісіз Жүрек тарапынан бұзылулары — Жүректің қағуы — Жиі Электрокардиографияның өзіне тән емес деректері Тахикардия — Жиілігі белгісіз Қантамырлар тарапынан бұзылулар — Бет терісіне қан тебулері — Өте жиі Артериялық гипотензия Артериялық гипертензия — Жиілігі белгісіз Тыныс алу жүйесі, кеуде қуысы және көкірек ортасы ағзалары тарапынан бұзылулар — Мұрынның бітелуі Жөтел Плевритке тән ауыру Ауыздың құрғауы Бронх түйілуі Ентігу Көмейдің жайсыздануы Мұрыннан қан кету — Жиі Тыныс алудың қиындауы Гипоксия Қанның оттегімен қанығуының азаюы Тахипноэ Қан түкіру — Жиілігі белгісіз Асқазан-ішек бұзылулар — Іштің ауыруы/іштің түйіліп ауыруы Жүрек айнуы Диарея — Өте жиі Шырышты қабықтың тітіркенуі1 Метеоризм Ашытып ауыру (төс артының / эпигастрий аймағында) Іш қату Қызылиектің қанағыштығы — Жиі Стоматит Дисгевзия — Жиілігі белгісіз Бауыр және өт шығару жолдары тарапынан бұзылулар — Трансаминазалардың белсенділігін арттыру — Жиі Гепатит Гамма-глутамилтрансфераза белсенділігінің жоғарылауы Қанда сілтілік фосфатаза белсенділігінің жоғарылауы — Жиілігі белгісіз Тері және тері асты тіндері тарапынан бұзылулар — Бөртпе2 — Өте жиі Қышыну Гипергидроз — Жиі Уытты эпидермальді некролиз Стивенс-Джонсон синдромы Көп формалы эритема Дәрілік бөртпе3 Ойық жаралану және/немесе буллезді бөртпе/күрдіреуіктердің түзілуі4 Ангионевроздық ісіну Бөртпе Жоғары фотосезімталдық бөртпесі Есекжем Күйдіру сезімі Эритема — Жиілігі белгісіз Бұлшықет, қаңқа және дәнекер тін тарапынан бұзылулар — Артралгия Арқаның ауыруы Миалгия Аяқ-қолдың ауыруы Жақтың ауыруы — Жиі Бүйрек және несеп шығару жолдары тарапынан бұзылулар — Дизурия — Жиі Бүйрек функциясының жедел жеткіліксіздігі — Жиілігі белгісіз Тері және тері асты тіндері тарапынан бұзылулар — Инфузия орнында: қышыну, бөртпе Қызба Тұмау тәрізді ауру — Өте жиі Инфузия орнында: ауырсыну, эритема, есекжем, ісіну Қалтырау Шаршау Кеуденің ауыруы Жалпы әлсіздік — Жиі Беттің ісінуі Шеткері ісіну Астения Инфузия орнында: тромбофлебит, терінің тітіркенуі — Жиілігі белгісіз Зертханалық және аспаптық деректер — Кең таралған тамырішілік қан ұюының зертханалық белгілері Протромбин уақытының артуы Белсендірілген ішінара тромбопластин уақытының ұлғаюы (БІТУ) — Жиілігі белгісіз 1 пероральді, ректальді түрде 2 қышуы бар немесе қышуы жоқ эритеманы, эритематозды, экзематозды, папулезді және/немесе макулезді бөртпелерді қоса 3 эозинофилиямен және жүйелік симптомдармен бірге 4 теріде және шырышты қабықтарда, шырышты қабықтарда, ауыз қуысында, вульвовагинальді аймақта, аноректальді аймақта Препаратты қайта енгізген кезде жағымсыз реакциялардың пайда болу уақыты мен сипаты Жағымсыз реакциялар меснаны бірінші қолданғаннан кейін пайда болуы мүмкін. Кейбір жағдайларда симптомдар екінші немесе үшінші қолдануға дейін дамымайды. Жалпы, симптомдардың толық спектрі бірнеше сағат ішінде дамыды. Қайта қолданғаннан кейін кейбір пациенттерде одан әрі реакциялар байқалмады, ал басқаларында белгілі бір реакциялар тіркелді. Инфузия орнындағы реакциялар Препарат инфузиясы орнында тері реакциялары байқалған бірқатар пациенттерде кейіннен қолдану дененің басқа аймақтарында тері реакцияларының дамуына әкелді. Тері мен шырышты қабаттар тарапынан реакциялар Тері мен шырышты қабықтар тарапынан реакциялардың пайда болуы вена ішіне енгізгеннен және меснаны пероральді қабылдағаннан кейін хабарланды. Қандай да бір жағымсыз құбылыстар байқалған пациенттердің шамамен төрттен бірінде тері/сілемей тарапынан болатын реакциялар басқа жағымсыз симптомдармен, оның ішінде ентігу, дене қызуының көтерілуі, бас ауыруы, асқазан-ішек жолы тарапынан болатын симптомдар, ұйқышылдық, дімкәстік, миалгия және тұмау тәрізді симптомдар сияқты дамыды. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дені сау еріктілерде байқаусызда артық дозалану және жоғары дозаларға төзімділік зерттеулерінен бақылаулар көрсеткендей, меснаны шамамен 4 г-ден 7 г-ге дейін дозада бір рет қолданғаннан кейін ересек пациенттерде келесі симптомдар байқалды (олармен шектелмейді): жүрек айнуы, құсу, іштің ауыруы/іштің түйіліп ауыруы, диарея, бас ауыруы, шаршау, аяқ-қол мен буындардағы ауырсыну, бөртпе, бет терісіне қан тебуі, артериялық гипотензия, брадикардия, тахикардия, парестезиялар, температураның жоғарлауы және бронхтың түйілуі. Меснаның неғұрлым төмен дозаларын немесе тек гидратацияны алған пациенттермен салыстырғанда тәулігіне дене салмағына ≥80 мг/кг дозада меснаны алған пациенттерде оксазафосфориндермен емдеу аясында жүрек айнуы, құсу және диарея жиілігінің елеулі ұлғаю анықталды. Уромитексан препаратына арналған спецификалық антидот белгісіз. Аутоиммунды аурулары бар пациенттер үшін жедел мақсаттағы барабар дәрілік заттардың қолжетімді екендігіне көз жеткізу керек.

Аса жоғары сезімталдық Жоғары сезімталдық реакциялары уропротектор ретінде қолданылатын месна енгізілгеннен кейін байқалды. Мұндай реакцияларға тері және теріасты шелі тарапынан әртүрлі симптомдар жатады. Бұдан басқа, терінің ауыр түрдегі шырышты қабықтардың буллезді және ойық жаралы зақымдану жағдайлары байқалды. Кейбір реакциялар Стивенс-Джонсон синдромы ретінде қарастырылды. Кейбір жағдайларда тері реакциялары бір немесе бірнеше басқа симптомдармен қатар жүрді, соның ішінде қызба, жүрек-қантамыр симптомдары, жедел бүйрек жеткіліксіздігінің белгілері, өкпе тарапынан симптомдар, гематологиялық ауытқулар, бауыр ферменттері деңгейінің жоғарылауы, жүрек айнуы, құсу, аяқ-қолдың ауыруы, артралгия, миалгия, жалпы әлсіздік, стоматит және конъюнктивит. Кейбір реакциялар анафилаксия ретінде көрінді. Сондай-ақ, қызбамен, мысалы, терілік көріністерсіз гипотензия қатар жүргені хабарланды. Аутоиммундық аурулары бар пациенттер аллергиялық немесе анафилактоидтық реакциялар қаупі жоғары аймақта болады. Сондықтан несеп шығару жолдарын қорғауға арналған Уромитексан препаратын мұндай пациенттерде пайдасы мен қауіптерін мұқият талдағаннан кейін және медициналық бақылауда ғана қолдану керек. Меснаны ауыр жүйелік аутоиммунды аурулар мен қатерлі ісіктерді емдеу үшін қолданған кезде ауырдан жеңілге дейінгі реакциялар байқалды. Көптеген жағдайларда реакциялар препаратты қолдану кезінде немесе оны алғаш қолданғаннан кейін немесе меснаның экспозициясынан кейін бірнеше апта ішінде байқалды. Басқа жағдайларда бастапқы реакциялар меснаның әсер етуінен кейін бірнеше ай бойы байқалған жоқ. Қайта қолданғаннан кейін симптомдар, әдетте, неғұрлым қысқа уақыт аралықпен пайда болады. Реакцияның жиілігі және/немесе ауырлық дәрежесі қолданылатын дозаға байланысты өзгеруі мүмкін. Кейбір пациенттерде қайта қолданғаннан кейін кейбір жағдайларда неғұрлым ауыр болатын реакциялар байқалған. Анамнезінде препаратты қолданған кезде реакция болған бірқатар пациенттерде баяу типті реакцияларды анықтағанда тері сынамаларының оң нәтижелері байқалды. Дегенмен, баяу типті реакцияларды анықтауға арналған сынамалардың теріс нәтижесі меснаға аса жоғары сезімталдықтың болуын жоққа шығармайды. Дереу типтегі реакциялардың болуына тері сынамаларының оң нәтижелері меснаның алдыңғы қолданылуына немесе анамнезінде аса жоғары сезімталдық реакцияларының болуына қарамастан байқалды және сынамалар жүргізу үшін пайдаланылған месна ерітіндісінің концентрациясымен байланысты болуы мүмкін. Препаратты тағайындау кезінде келесілерді есте сақтау керек: -меснаны қайта қолданған кезде реакциялар күшеюі мүмкін және кейбір жағдайларда өмірге қауіп төндіруі мүмкін; - меснаға аса жоғары сезімталдық реакциясы сепсистің клиникалық көрінісіне ұқсайды, ал аутоиммундық бұзылулары бар пациенттерде негізгі аурудың өршуіне ұқсас болуы мүмкін. Тиолдық қосылыстар Месна тиолдық қосылыс, яғни құрамында сульфгидрильді (SH) топтар бар органикалық қосылыс болып табылады. Тиолдық қосылыстардың тері тарапынан ауыр реакцияларды туындату қабілетін қоса, жағымсыз реакциялар бейініне қатысты біршама ұқсастығы бар. Тиолдық қосылыстары бар препараттарға амифостин, пеницилламин және каптоприл жатады. Тиолдық препаратқа жағымсыз реакциялары бар болған пациенттерде тиолдық топтың басқа қосылысына кез келген немесе ұқсас реакциялардың пайда болуының жоғары қаупінің бар-жоқтығы белгісіз. Алайда осы пациенттерде тиолдық топтың басқа қосылыстарын қолдану мүмкіндігін қарастырғанда жағымсыз реакциялардың пайда болуының жоғары қаупінің мүмкін екендігін ескерген жөн. Месна барлық пациентте геморрагиялық циститті жоққа шығармайды. Сондықтан таңертеңгі несепте гематурияның бар-жоқтығына күн сайын талдау жүргізу қажет. Оксазафосфориндермен кез келген ем кезіндегі сияқты бөлініп шығатын несептің жеткілікті мөлшерде болуын сақтап отыру қажет. Зертханалық зерттеулердің нәтижелеріне әсері Меснамен емдеу сілтілік ортада натрий нитропруссиді бар тестіні (тест-жолақтарын қоса) пайдалану кезінде несептегі кетон денелерін анықтағанда жалған оң нәтижелерге әкелуі мүмкін. Мұзды сірке қышқылын қосу жалған оң нәтижелерді (қарқындылығы төмендейтін қызыл-қошқыл-қызыл түс) шынайы оң нәтижелерден (қарқындылығы күшейетін қызғылт-күлгін түс) ажыратуға көмектеседі. Меснамен емдеу Тильман реактивінің көмегімен несептегі аскорбин қышқылын анықтау үшін скринингтік тексерулердің жалған оң нәтижелеріне әкелуі мүмкін. Арнайы ескертулер Балаларда қолдану 16 жасқа дейінгі балалардағы меснаның қауіпсіздігі мен тиімділігі Бакстер компаниясы жүргізген клиникалық зерттеулерде зерттелмеген, бірақ меснаның педиатриялық тәжірибеде қолдану тәжірибесі әдебиетте сипатталған. Егде жастағы пациенттерде қолдану Әдетте, егде жастағы пациенттер үшін дозаны іріктеуді бауыр, бүйрек немесе жүрек функциясының төмендеуінің неғұрлым жоғары жиілігін, сондай-ақ қатар жүретін аурулардың болуын немесе осындай пациенттерде басқа препараттарды бір мезгілде қолдануды ескере отырып, сақтықпен жүзеге асырған жөн. Оксазафосфориндер мен меснаның арақатынасы өзгеріссіз қалуы керек. Қосымша заттар Уромитексан препаратының құрамында натрий бар, бірақ 10 мл-ге 1 ммоль (23 мг) натрийден аз. Жүктілік кезінде және лактация кезеңінде қолдану Уромитексан препараты оксазафосфориндермен цитоуытты ем кезінде несеп шығару жолдарын қорғау үшін көрсетілгендіктен, осы цитоуытты емнің қаупі мен пайдасының арақатынасы жүктілік және лактация кезеңінде Уромитексан препаратын қолдануға қатысты да қолданылады. Жүкті әйелдерде меснаны қолдану туралы деректер жоқ немесе шектеулі. Жануарларға ұрпақ өрбіту уыттылықты зерттеу меснаның тікелей немесе тікелей емес жағымсыз теріс әсерінің болуын көрсетпейді. Алдын алу шарасы ретінде Уромитексан препаратын жүктілік кезінде қолданбаған жөн. Уромитексан препаратымен емдеу кезінде емшек емізуді тоқтату керек. Фертильділік Уромитексан препаратын қолдану кезінде фертильділікті зерттеу жүргізілмеген. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Уромитексан препараты көлік құралдарын басқару және механизмдермен жұмыс істеу қабілетіне айтарлықтай әсер етеді. Уромитексан препаратын қабылдайтын пациенттерде естен тану, бас айналу, ұйқышылдық/әлсіздік, бас айналу және көрудің бұлыңғырлануы сияқты ықтимал жағымсыз реакцияларды ескере отырып, пациенттің көлік құралын басқару немесе механизмдермен жұмыс істеу қабілеті туралы шешімді дәрігер жеке қабылдауы тиіс.

Нұсқаулықта көрсетілмеген.

Өзара әрекеттесу бойынша зерттеулер жүргізілген жоқ. Уромитексан препараты цисплатин, карбоплатин және хлорметинмен in vitro үйлеспейді. Алайда, егер инъекцияға арналған жеке орындар пайдаланылса, бір мезгілде қолдануға болады. Бұл препараттар организмде өзара әрекеттеспейді. Месна мен эпирубицин араласқан кезде эпирубициннің белсенділігі жойылады, сондықтан бұл біріктірілімнен аулақ болу керек.

Сақтау мерзімі 5 жыл. Жарамдылық мерзімі өткеннен кейін қолдануға болмайды! Сақтау шарттары 30С-ден аспайтын температурада сақтау керек Балалардың қолы жетпейтін жерде сақтау керек!