ФАЗЕКС® гель 0,1%

1 г препараттың құрамында белсенді зат – диметинден малеаты 1 мг, қосымша заттар: карбомер 974Р, динатрий эдетаты, бензалконий хлориді (50 % ерітінді), пропиленгликоль, натрий гидроксиді пеллеттер1, натрий гидроксиді пеллеттер2, тазартылған су 1 - Бейтараптандырушы агент ретінде қолданылады 2 - рН модификаторы ретінде қолданылады Сыртқы түрінің, иісінің, дәмінің сипаттамасы Гомогенді, түссізден сәл сарғыш түске дейінгі мөлдір немесе аздап бозаңданатын гель.

ФАЗЕКС® ересектер мен 2 жастан асқан балаларда қолдануға арналған - дерматоздар, есекжем және терінің басқа да аллергиялық аурулары, жәндіктердің, медузалардың шағуы, күнге күю, беткейлік күйіктер кезінде терінің қышынуын симптоматикалық емдеу.

Әсер ету механизмі Антигистаминдік, аллергияға қарсы және қышынуға қарсы дәрі. Әртүрлі генездегі қышынуды емдеуде тиімді, қышыну мен тітіркенуді тез басады. Гельді негіз белсенді заттың теріге енуін жеңілдетеді. Фармакодинамикалық әсерлері Диметинден гистамин H 1 -рецепторларының антагонисті болып табылады, рецепторлардың осы типіне жоғары тектестігі бар. Клиникалық тиімділігі және қауіпсіздігі Диметинден жедел типтегі аса жоғары сезімталдық реакцияларына тән капиллярлардың жоғары өткізгіштігін айтарлықтай төмендетеді. Теріге жаққан кезде терінің аллергиялық реакцияларынан туындаған қышыну мен тітіркенуді азайтады. Препарат сонымен қатар айқын жергілікті жансыздандыратын әсерге ие. Сондай-ақ, антикининдік және әлсіз антихолинергиялық әсер көрсетеді. Балалар 4.2 қосалқы бөлімін қараңыз

Дозалау режимі Ересектер мен 2 жастан асқан балалар. Гельді терінің зақымданған аймағына күніне 2-4 рет жұқа қабат етіп жағады. Қолданудың ең жоғары ұзақтығы: егер препаратты 7 күн пайдаланғаннан кейін жақсару байқалмаса, дәрігермен кеңесу керек. Пациенттердің ерекше топтары Балалар 2 жасқа дейінгі балаларда препаратты тек дәрігердің бақылауымен қолдану керек. Енгізу әдісі мен жолы Сыртқа қолдануға арналған. Дәрілік препаратты қолдану тәсілін түсіндіру үшін медициналық қызметкер кеңесіне жүгіну бойынша нұсқаулар Егер Сізде осы препаратты қолдану бойынша қосымша сұрақтар туындаса, дәрігермен немесе фармацевтпен кеңесіңіз.

- диметинденге немесе қосымша заттардың кез келгеніне аса жоғары сезімталдық - 2 жасқа дейінгі балалар Препаратты шаққыш жәндіктердің шағуына белгілі аллергия кезінде қолдануға болмайды (бұл мақсатта жүйелі әсер ететін дәрілік препараттарды қолдану керек).

Жиі емес - терінің құрғақтығы - қолданған орындағы ашыту сезімі Өте сирек - аллергиялық дерматит Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер препаратты кездейсоқ жұтып қойса немесе көп мөлшерде жергілікті қолданылса, H1-гистаминдік рецепторлар блокаторларының артық дозалануына тән симптомдар пайда болуы мүмкін. Симптомдары Ұйқышылдықпен орталық жүйке жүйесінің бәсеңдеуі (негізінен ересектерде), орталық жүйке жүйесінің стимуляциясы және антимускариндік симптомдар (негізінен балаларда), олар қозу, атаксия, елестеулер, тонустық және клонустық құрысулар, қарашықтардың кеңеюі, ауыздың құрғауы, беттің гиперемиясы, несеп шығарудың кідіруі, қызба арқылы көрінеді. Гипотонияның көрініс беруі де мүмкін. Емі Симптоматикалық емдеу.

ФАЗЕКС® гель препаратын терінің ауқымды аймақтарына қолданған кезде күн сәулесінің әсерінен аулақ болу керек. Қосымша заттар туралы ақпарат Пропиленгликоль: терінің жергілікті тітіркенуін тудыруы мүмкін. Бензалконий хлориді: тітіркендіргіш дәрі болып табылады және тері реакцияларын тудыруы мүмкін. Жүктілік және бала емізу кезінде қолданғанда анаға зиянды әсері күтілмейді, өйткені бензалконий хлориді тері арқылы ең төменгі дәрежеде сіңеді.

Жүктілік Жүкті әйелдерде препаратты қолдануға қатысты деректер жеткіліксіз. Жануарларға жүргізілген зерттеулер тератогендік әлеуетін, буаздық ағымына, эмбриондық/жатырішілік дамуға, тууға немесе постнатальды дамуына тікелей немесе жанама әсерін анықтамады. ФАЗЕКС® гелін жүктілік кезінде ана үшін пайдасы шарана үшін ықтимал қауіптен асатын жағдайларда ғана және дәрігердің бақылауымен ғана қолдануға болады. Жүктілік кезінде ФАЗЕКС® гелін терінің ауқымды аймақтарына, әсіресе қабыну құбылыстары немесе ашық жаралар болған кезде қолдануға болмайды. Бала емізу Бала емізу кезінде терінің ауқымды аймақтарына, әсіресе қабыну құбылыстары немесе ашық жаралар болған кезде қолдану ұсынылмайды. Бала емізетін аналарға ФАЗЕКС® гелін сүт бездерінің емізіктеріне жағуға болмайды. Фертильділік Диметинден малеатының әйелдердің бала туу функциясына әсері туралы жеткілікті деректер жоқ. Жануарлардағы зерттеулерде препараттың фертильділікке қандай да бір әсері байқалған жоқ, дегенмен, препаратты жүктілікті жоспарлап жүрген пациент әйелдерге тағайындаған кезде сақ болу керек.

Өзара әрекеттесуіне зерттеулер жүргізілмеген, бірақ препаратты жергілікті қолдану кезінде диметинден малеатының сіңірілуі төмендігіне байланысты, басқа дәрілік заттармен өзара әрекеттесу ықтималдығы аз.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамада 25°С-ден аспайтын температурада сақтау керек. Балалардың қолы жетпейтін жерде сақтау керек!