ФЕБРОФИД форте таблетки 100 мг

Бір таблетканың құрамында белсенді зат - 100.0 мг кетопрофен, қосымша заттар: микрокристалды целлюлоза, картоп крахмалы, тальк, повидон, натрий крахмал гликоляты, коллоидты кремнийдің қостотығы (аэросил), кальций стеараты қабығының құрамы: гипромеллоза (гидроксипропилметилцеллюлоза), титанның қостотығы (Е 171), триацетин, вазелин майы. Сыртқы түрінің, иісінің, дәмінің сипаттамасы Қабықпен қапталған, ақ немесе ақ дерлік түсті, екі беті дөңес таблеткалар

Кетопрофеннің емдік көрсетілімдері кетопрофеннің қабынуға қарсы және ауырсынуды басатын әсерімен, оған аса жоғары сезімталдық реакциясының туындау жиілігімен және осы топтың басқа препараттарымен салыстырғанда қолжетімділігімен шартталған. Препарат ересектер мен 15 жастан бастап балалардың қабылдауына арналған: Ұзақ симптоматикалық ем үшін: • ревматоидты артритті, шорбуынданатын спондилитті немесе Фиссингер-Леруа-Рейтер синдромы сияқты тектес синдромдарды және псориаздық артритті қоса, ревматизмнің созылмалы қабыну ауруларында • ауырсыну синдромы бар, мүгедектікке шалдықтыратын артроздарда Өршулерінің қысқа мерзімді симптоматикалық емі үшін: • жауырын-иық периартриті, тендинит, бурсит сияқты абартикулярлық ревматизмдік синдромдарда • микрокристалды артриттерде • артроздарда • бел ауыруында • тірек-қимыл аппаратының жарақаттан кейінгі қатерсіз зақымдануларының радикулалгиясында

Әсер ету механизмі Кетопрофен – фенилпропион қышқылының туындысы, қабынуға қарсы стероидты емес препараттар тобына жатады. Қабынуға қарсы, ауырсынуды басатын, қызуды түсіретін және антиагрегациялық әсерге ие. Оның әсер ету мeханизміне простагландиндер синтезі үшін жауап беретін энзимнің, циклооксигеназаның бәсеңдеуі түрткі болады. Сонымен қатар ФЕБРОФИД форте брадикининнің антагонисі болып табылады. Лейкотриендер синтезін тежейді, қан тромбоциттерінің агрегациясын төмендетеді, лизосомалық жарғақшаларға тұрақтандырғыш әсер береді.

Дозалау режимі Симптомдарды жеңілдету үшін мүмкіндігінше қысқарақ уақыт кезеңі ішінде ең аз тиімді дозаны қолдану керек. Ересектер мен 15 жастан асқан жасөспірімдерге ФЕБРОФИД форте 100 мг: ересектерге тәулігіне 2 рет 1 таблеткадан тағайындайды. Ең жоғарғы тәуліктік дозасы 200 мг құрайды. Тәулігіне 200 мг кетопрофен дозасында емдеуді бастар алдында ықтимал қаупі мен пайдасының арасындағы теңгерімді мұқият талдау керек, ал одан жоғарырақ дозалар ұсынылмайды. Жағымсыз реакцияларын болдырмау үшін пациент ФЕБРОФИД фортемен бір мезгілде антацидтік дәрілерді қабылдауына болады. Ұзақ симптоматикалық емдеу: күніне 100 мг-ден 1–2 таблетка, немесе күніне 100–200 мг. Жедел криздерді қысқа мерзімді симптоматикалық емдеу: күніне 100 мг-ден 2 таблетка, немесе күніне 200 мг. Тәуліктік дозасы күніне 1–2 қабылдауға бөлінуі тиіс Пациенттердің ерекше топтары Бүйрек жеткіліксіздігі бар пациенттер Креатинин клиренсі 20 мл/мин төмен болатын бүйректің ауыр емес жеткіліксіздігі және бауырдың созылмалы ауруы бар (қан сарысуындағы альбумин деңгейі төмендеген) пациенттерде кетопрофеннің дозасын азайту керек. Егде жастағы пациенттер Егде жастағы пациенттер жағымсыз әсерлерінің күрделі салдарларының жоғары қаупіне бейім. Егер ҚҚСП-мен емдеу маңызды деп есептелсе, онда ең аз дозаларын қолданған дұрыс, және ҚҚСП қолданып емдеу басталғаннан кейін әр ретте пациент асқазан-ішектен қан кетуді анықтауға қатысты төрт апта бойы бақылауда болуы тиіс. Гиповолемиясы бар пациенттер: «Қолдану кезіндегі қажетті сақтандыру шаралары» бөлімін қараңыз Енгізу әдісі және жолы Ішке қабылдауға арналған. ФЕБРОФИД форте таблеткаларын тамақтану кезінде немесе тамақ ішкеннен кейін бірден, шайнамай, жеткілікті мөлшердегі сумен немесе сүтпен (кемінде 100 мл) ішіп қабылдайды. Ең аз тиімді доза симптомдарды жеңілдету үшін қажетті қысқа уақыт кезеңі ішінде қолданылуы тиіс. Дәрілік препараттың бір немесе бірнеше дозасын өткізіп алған кезіндегі қажетті шаралар Препараттың өткізіп алған дозасының орнын толтыру мақсатында екі есе дозасын қолданбау керек. Дәрілік препаратты қолдану тәсілін түсіну үшін медициналық қызметкерінен кеңес алуға бару жөнінде нұсқаулар Дәрілік препаратты қолданудан бұрын кеңес алу үшін дәрігерге немесе фармацевтке жүгініңіз.

• кетопрофенге, немесе басқа қабынуға қарсы стероидты емес препараттарға (ҚҚСП) немесе қосымша заттардың кез келгеніне аса жоғары сезімталдық • анамнезде бронх түйілуі, демікпе, ринит, есекжем сияқты аса жоғары сезімталдық реакцияларының немесе кетопрофенге, ацетилсалицил қышқылына немесе қабынуға қарсы стероидты емес басқа препараттарға өзге аллергиялық реакциялардың болуы. Ондай пациенттерде сирек жағдайларда өлімге соқтыратын күрделі анафилаксиялық реакциялар байқалған. • жүректің декомпенсацияланған жеткіліксіздігі; • асқазан-ішек жолының өршу фазасындағы аурулары (гастрит, асқазан мен он екі елі ішектің ойықжаралы ауруы, анамнезде асқазан-ішектен қан кетудің болғаны көрсетілуі, ойықжаралардың түзілуі немесе тесілуі) • асқазан-ішектен, цереброваскулярлық немесе басқа қан кетулер (немесе қан кетуге күдіктену); • бауырдың ауыр жеткіліксіздігі; • бүйректің ауыр жеткіліксіздігі; • 24 аптадан асқан мерзімдегі жүктілік және бала емізу кезеңі; • балалар мен 15 жасқа дейінгі жасөспірімдер.

Жиі • жүрек айнуы, құсу, диспепсия, іш аумағының ауыруы Жиі емес • бас ауыруы, бас айналуы, ұйқышылдық • ісінулер • іш қатуы, диарея, іштің кебуі, гастрит • тері бөртпесі, терінің қышынуы • қажу Сирек • қан жоғалтумен байланысты анемия • парестезиялар • анық көрмеу • құлақтағы шуыл • демікпе ұстамалары • пептидтік ойық жара, стоматит, колит • гепатит, «бауыр» трансаминазалары белсенділігінің жоғарылауы, гепатиттен туындаған бұзылулардың дамуы салдарынан билирубин концентрациясының жоғарылауы. • салмақ жоғарылауы Белгісіз (қолда бар деректер негізінде бағалау мүмкін емес) • агранулоцитоз, тромбоцитопения, сүйек кемігінің жеткіліксіздігі, гемолиздік анемия, лейкопения • Квинке ісінуі, анафилаксиялық реакциялар (анафилаксиялық шокты қоса). • гиперкалиемия • бағдарсыздық, эмоциялық құбылу • асептикалық менингит, құрысулар, бас айналуы, дисгевзия • жүрек жеткіліксідігі • артериялық гипертензия, вазодилатация, васкулит (лейкоцитокластық васкулитті қоса) • бронх түйілуі (әсіресе, ҚҚСП-ға аса жоғары сезімталдығы бар пациенттерде), ринит • ойық жаралы колиттің немесе Крон ауруының өршуі, асқазан-ішектен қан кету, перфорация, панкреатит. • Тәулігіне 200 мг дозадағы пероральді кетопрофен нәжісте жасырын қанның пайда болуына түрткі болуы мүмкін, мұның ықтималдылығы дозасы мен емдеу ұзақтығы артқан сайын жоғарылай түседі • фотосенсибилизация, алопеция, есекжем, созылмалы есекжемнің өршуі, Стивенс-Джонсон синдромы мен Лайелл синдромын қоса буллездік бөртпе, бекітілген пигменттік эритема • организмде сұйықтық пен натрийдің іркілуі. Қауіп факторлары бар пациенттерде бүйректің жедел жеткіліксіздігі (БЖЖ). БЖЖ әкеліп соғатын интерстициальді нефриттің, өзекшелердің жедел некрозының, нефроздық синдромның, папиллярлық некроздың бірлі-жарым жағдайлары туралы хабарланған. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: бас ауыруы, бас айналуы, сылбырлық, ұйқышылдық, жүрек айнуы, құсу, іш ауыруы. Ауыр артық дозалану жағдайында гипотензия, тыныс алудың бәсеңдеуі және асқазан-ішектен қан кету симптомдары байқалады. Емі: симптоматикалық, арнайы антидоты жоқ. Дереу ауруханаға жатқызу және симптоматикалық емдеу көрсетілген: дегидратацияның компенсациясы, бүйрек функциясының бұзылуларын бағалау және түзету, ацидозды түзету. Асқазанды шаю және белсендірілген көмірді қолдану көрсетілген. Бүйрек жеткіліксіздігі болған кезде айналымдағы кетопрофенді қаннан шығару үшін гемодиализ емшарасы ұсынылады.

Шарананың өлу қаупі Кетопрофен кардиопульмональді уыттылығының салдарынан тіпті бір реттік дозадан кейін-ақ шарананы өлімге ұшырату қаупі бар (артериялық түтіктің тарылуы және қағанақ суының аздығы туындауы, 4.3 бөлімін қараңыз). Болашақ балаға әсері Кетопрофен жаңа туған нәрестені бүйректің зақымдану (бүйрек жеткіліксіздігі), артериялық түтіктің мерзімінен бұрын жабылу және өкпе гипертензиясы қаупіне ұшыратады (4.6 бөлімін қараңыз). Кетопрофенді жүкті әйелдерге жүктіліктің 6-шы айының басынан (24 апта) бастап қолдануға болмайды. Жоспарланған жүктілікте немесе алғашқы 5 айдың ішінде (аменореяның 24 аптасына дейін) препаратты аса қажет болған жағдайда ғана тағайындау керек. Кетопрофенді циклооксигеназа-2 (ЦОГ-2) селективті тежегіштерін қоса, жүйелі ҚҚСП-мен бір мезгілде қолданудан аулақ болу керек. Жағымсыз әсерлерді симптомдарды бақылау үшін қажетті аса қысқа мерзім ішінде ең аз тиімді дозаны қолдану арқылы барынша азайтуға болады («Қолдану жөніндегі нұсқаулар» бөлімін және төменде көрсетілген «Асқазан-ішек жолына әсері», «Жүрек-қантамыр және цереброваскулярлық жүйеге әсері» ақпаратын қараңыз). Бронх демікпесі және созылмалы ринит, созылмалы синусит және/немесе мұрын полипозы бар пациенттерде ацетилсалицил қышқылына және басқа да ҚҚСП-ға аллергиялардың туындау қаупі жоғары. Кетопрофен оларда, әсіресе ацетилсалицил қышқылына және басқа ҚҚСП-ға сезімталдығы жоғары адамдарда демікпе ұстамасын, бронх түйілуін тудыруы мүмкін. Егде жастағы пациенттер Егде жастағы пациенттерде ҚҚСП-ға жағымсыз реакциялардың, әсіресе өліммен аяқталуы мүмкін асқазан-ішектен қан кетулер мен тесілулердің жиілігі жоғары. Асқазан-ішек жолына әсері Кетопрофен ас қорыту жолдары тарапынан асқазан-ішектің ойықжаралары, қан кету және тесілу түріндегі ауыр жағымсыз реакцияларды тудыруға қабілетті. Мұндай жағымсыз реакциялар кетопрофенді қабылдап жүрген пациенттерде хабаршы-симптомдардан кейін немесе оларсыз, кез келген мерзімде туындауы мүмкін және өлімге әкеліп соқтыруы мүмкін. Зерттеулердің деректері кетопрофеннің, әсіресе жоғары дозаларында, басқа ҚҚСП-мен салыстырғанда АІЖ ағзалары үшін уыттылығы жоғарырақ болуы мүмкін деген болжам жасауға мүмкіндік береді. Ауыр асқазан-ішектік қан кетудің, ойықжараның немесе тесілудің пайда болу қаупі анамнезінде ойықжаралары бар, әсіресе асқынған тесілуі немесе қан кетуі бар пациенттерде және егде жастағы пациенттерде немесе дене салмағы төмен пациенттерде дозаға тәуелді болады. Мұндай пациенттер ең төмен тиімді дозаны қабылдауы тиіс. Пациенттердің осы санаттарына, сондай-ақ, гастроинтестинальді қауіптерді арттыратын препараттармен қатарлас ем қабылдап жүрген пациенттерге гастропротекторларды (мизопростол немесе протондық помпа тежегіштерін) тағайындау қажет. Анамнезінде асқазан-ішек бұзылыстары бар, әсіресе егде жастағы пациенттер, әсіресе кетопрофенмен емдеудің басында, кез келген әдеттен тыс абдоминальді симптомдар (атап айтқанда, асқазан-ішектен қан кету) туралы хабарлауы тиіс. Ойықжараның немесе қан кетудің туындау қаупін арттыруы мүмкін, жүйелі кортикостероидтар, варфарин сияқты антикоагулянттар, ацетилсалицил қышқылы сияқты тромбозға қарсы дәрілер, немесе серотонинді кері қармаудың селективті тежегіштері, никорандил сияқты дәрілік препараттарды бір мезгілде қабылдап жүрген пациенттер үшін де сақтық қажет. Кетопрофенді қабылдап жүрген пациенттердегі асқазан-ішектен қан кетулер немесе ойықжара жағдайында емдеуді дереу тоқтату керек. Препаратты анамнезінде ішектің қабыну аурулары (Крон ауруы, спецификалық емес ойықжаралы колит) болған пациенттерге сақтықпен тағайындау керек, өйткені мұндай тағайындау аталған аурулардың ағымын қиындатуы мүмкін. Жүрек-қантамыр және цереброваскулярлық жүйеге әсері Гипертензиясы және/немесе жеңіл және орташа іркілісті жүрек жеткіліксіздігі бар пациенттердің жай-күйін мұқият бақылау керек, өйткені ҚҚСП қолдану кезінде сұйықтықтың іркілуі және ісіну тіркелген. Клиникалық зерттеулер мен эпидемиологиялық деректер ЦОГ-2 селективті тежегіштерін және кейбір ҚҚСП (негізінен жоғары дозаларда және ұзақ уақыт бойы) қолдану артериялық тромбоз (миокард инфарктісі, инсульт) қаупінің біршама жоғарылауын туғызуы мүмкіндігін айғақтайды. Кетопрофенді қолдануға байланысты артериялық тромбоздың даму жағдайлары туралы мәліметтер болмаса да, мұндай ықтималдықты жоққа шығару үшін деректер жеткіліксіз. Кетопрофенді бақыланбайтын гипертензиясы, іркілісті жүрек жеткіліксіздігі, шеткері артерия аурулары және/немесе цереброваскулярлық аурулары бар пациенттерде мұқият тексеруден кейін ғана қолдануға болады. Кардиоваскулярлық аурулардың (гипертензия, гиперлипидемия, қант диабеті, шылым шегу) қауіп факторлары бар пациенттерді емдеуді бастар алдында осындай тұжырымдар жасалуы тиіс. Операция алдындағы кезеңде (артерияларды шунттау) ҚҚСП (аспиринді қоспағанда) алған пациенттерде артериялық тромбоздық асқынулардың жоғары қаупі туралы хабарланды. Тері реакциялары ҚҚСП қолданғанда эксфолиативтік дерматитті, Стивенс-Джонсон синдромын және уытты эпидермалық некролизді (Лайелл синдромын) қоса, ауыр, кейбір жағдайларда өліммен аяқталатын тері реакциялары туралы өте сирек хабарланды. Бұл реакциялардың туындау қаупінің жоғарылығы емдеу курсының басында, көпшілік жағдайларда емдеудің алғашқы айында анықталған. Тері бөртпелерінің, шырышты қабықтардың зақымдануының алғашқы белгілері немесе аса жоғары сезімталдықтың кез келген басқа көріністері жағдайында емдеуді тоқтату керек. Кетопрофенді қолданған кезде бекітілген пигменттік эритема (БПЭ) жағдайлары тіркелген. Кетопрофенді анамнезінде кетопрофенмен байланысты бекітілген пигменттік эритема (БПЭ) бар пациенттерге қайталап тағайындамау керек. Жасырын инфекциялар симптомдарын бүркемелеуі Кетопрофен инфекциялық аурудың симптомдарын бүркемелеуі мүмкін, бұл тиісті емнің басталуының кешіктірілуіне алып келуі және сол арқылы аурудың ағымын қиындатуы мүмкін. Бұл ауруханадан тыс бактериялық пневмония және желшешектің бактериялық асқынулары кезінде байқалды. ФЕБРОФИД форте препаратын дене температурасының жоғарылауы кезінде немесе инфекция кезінде ауырсынуды жеңілдету үшін қолданған кезде, инфекциялық ауруға мониторинг жүргізу ұсынылады. Медициналық мекемеден тыс емдеу жағдайында, егер симптомдары сақталып қалса немесе күшейе түссе, пациент дәрігерге қаралуы тиіс. Функционалдық бүйрек жеткіліксіздігі ҚҚСП тобының препараттары бүйрек простагландиндерінің вазодилатациялаушы әсерін тежейді, осыған байланысты гломерулярлық сүзілудің төмендеуімен байланысты функционалдық бүйрек жеткіліксіздігінің дамуын тудыруы мүмкін. Бұл жағымсыз әсер дозаға тәуелді әсер етеді. Емдеуді бастар алдында және препараттың дозасын арттырар алдында келесі қауіп факторлары бар пациенттерде бүйрек функциясы мен бөлініп шығатын несеп көлемі мұқият бағалануы тиіс: - егде жастағы пациенттер; - ангиотензин өзгертуші фермент (АӨФ) тежегіштері тобының препараттарын, сартандарды, диуретиктерді бір мезгілде қабылдау; - этиологиялары әр түрлі гиповолемия; - жүрек жеткіліксіздігі; - бүйректің созылмалы жеткіліксіздігі; - нефроздық синдромы; - жегі тәрізді нефропатия; - бауыр циррозы. Организмдегі натрий мен сұйықтықтың іркілісі Натрий мен сұйықтықтың іркілісі ісіну, артериялық гипертензия, жүрек жеткіліксіздігі үдеуінің даму қаупін арттырады. Гипертония немесе жүрек жеткіліксіздігі жағдайында мұндай пациенттер емдеудің ең басынан бастап мұқият бақылауды қажет етеді. Препараттардың гипотензивті әсері төмендеуі мүмкін. Гиперкалиемия Диабет немесе гиперкалиемиялық препараттармен қатарлас емдеу гиперкалиемияның даму қаупін арттырады. Қан сарысуындағы калий мөлшеріне мониторинг жүргізу қажет. Әйелдердегі фертильділік Кетопрофенді қолдану әйелдерде фертильділіктің бұзылуына әкелуі мүмкін және жүктілікті жоспарлаған әйелдерге ұсынылмайды. Ұрықтануда қиындығы бар немесе бедеулікке байланысты тексеруден өтіп жүрген әйелдерге қатысты кетопрофенді тоқтату туралы мәселені қарастыру керек. Фотосезімталдық реакциялары Анамнезінде жарыққа сезімталдықтың жоғары реакциясы немесе фотоуыттылығы бар пациенттер мұқият бақылауда болуы тиіс. Бауыр тарапынан бұзылулар Анамнезінде жарыққа сезімталдықтың жоғары реакциясы немесе фотоуыттылығы бар пациенттер мұқият бақылауда болуы тиіс. Бауыр функциясы қалыптан тыс пациенттерде, сондай-ақ бауыр ауруын өткерген пациенттерде, әсіресе ұзақ ем кезінде трансаминазалардың деңгейі мезгіл-мезгіл тексерілуі тиіс. Кетопрофен қабылдайтын пациенттерде сарғаю мен гепатиттің сирек жағдайлары сипатталған. Кетопрофенді ұзақ уақыт қолданған кезде қан талдауын, бауыр мен бүйрек функциясын бақылау керек. Көру мүшелері тарапынан бұзылулар Көру мүшелері тарапынан бұлыңғыр көру және т.б. бұзылулар туындаған жағдайда емдеуді дереу тоқтату керек. Жүйелі қызыл жегі және дәнекер тіндердің аралас ауруы Жүйелі қызыл жегі (ЖҚЖ) және дәнекер тіндердің аралас аурулары бар пациенттерде асептикалық менингит қаупі жоғары болуы мүмкін. Инфекциялық ауру Инфекциялық аурудың белгілері анықталған жағдайда кетопрофеннің қабынуға қарсы, ауырсынуды басатын және қызу түсіретін қасиеттері, басқа ҚҚСП тәрізді, қызба сияқты инфекцияның өршуінің әдеттегі белгілерін бүркемелеуі мүмкіндігіне назар аудару керек. Басқа ҚҚСП, жанама әсер ететін антикоагулянттарды, литий препараттарын, ауырсынуды басатын дозадағы аспиринді, қызу түсіретін дәрілерді немесе қабынуға қарсы дәрілерді, аптасына 20 мг-ден асатын дозада метотрексатты, төмен молекулалы гепариндер мен фракцияланбаған стандартты гепариндерді (емдік дозаларда және/немесе егде жастағы пациенттерде), пеметрекседті қолданған жағдайда жеңіл/орташа бүйрек дисфункциясы бар пациенттерге кетопрофенді бір мезгілде қабылдауға жол берілмейді. Арнайы сақтандырулар Бұл препараттың құрамында 100 мг-ге 1 ммольден (23 мг) аз натрий бар, яғни, шын мәнінде натрий жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бас айналуы, кеңістіктегі бағдарсыздық, ұйқышылдық туындаған жағдайда, көлік жүргізуге немесе қауіптілігі зор механизмдерді басқаруға болмайды.

Аса қажеттілігі болмаса, препарат жүктілікті жоспарлап жүрген әйелдерге немесе жүктіліктің алғашқы 5 айында (гестацияның 24 аптасы басталғанға дейін) тағайындалмауы тиіс. Ондай қажеттілік туындаған жағдайда қысқа мерзімді емді барынша ең төменгі дозасында тағайындау керек. Осы топтағы пациент әйелдерді препаратпен ұзақ уақыт емдеу тым қолайсыз болмақ. Жүктіліктің 6-шы айының басынан бастап (гестацияның 24-ші аптасынан бастап) препаратты, тіпті бір рет қабылдаудың өзі қатаң қарсы көрсетілімде. Жүктіліктің осы кезеңінде препаратты байқаусызда қабылдау, тіпті бір рет болса да, шарананың кардио-мониторингін жүргізу, бүйректің жай-күйін бағалау, фетальді дамуды және жүктілік мерзіміне, кетопрофеннің дозасы мен қабылдау ұзақтығына байланысты жаңа туған нәрестенің жай-күйін мониторингтеуді жүргізуге арналған көрсетілім болып табылады. Фетальді мониторингтің ұзақтығы кетопрофеннің қаннан жартылай шығарылу кезеңін ескеруі тиіс. Простагландиндер синтезінің тежелуі жүктіліктің дамуына және/немесе шарананың құрсақішілік дамуына айтарлықтай теріс әсер етуі мүмкін. Препаратты жүктіліктің I триместрінде қабылдау кезіндегі жағымсыз реакциялар мен қауіптер Эпидемиологиялық деректер жүктіліктің бастапқы мерзімдерінде ҚҚСП қолдану жүктіліктің өздігінен үзілуінің, жүрек және алдыңғы құрсақ қабырғасы ақаулары жиілігінің жоғарылауымен байланысты деп болжайды. ҚҚСП қолданғанда жүрек ақаулары дамуының абсолюттік қаупі 1%-дан аздан 1,5%-ға дейін жоғарылайды. Кетопрофенді қабылдаудың жағымсыз салдарларының қаупі препараттың дозасымен және жалпы қабылдау мерзімімен бірге арта түседі. Жануарлардағы зерттеулерде простагландиндер синтезінің тежегіштерін қабылдау имплантация алдындағы және одан кейінгі кезеңдерде жүктіліктің өздігінен үзілу жиілігінің артуына әкелетіні, сондай-ақ шарана өлімінің жалпы қаупін арттыратыны көрсетілген. Одан өзге, белсенді органогенез кезеңінде простагландиндер синтезінің тежегіштерін қабылдаған кезде жүрек, ірі қантамырлар және құрсақ қуысы ағзалары ақауларының даму жиілігінің жоғарылағаны көрсетілген. Препаратты жүктіліктің 12-ші аптасынан кейін жүктіліктің соңына дейін қабылдаудағы жағымсыз реакциялар мен қауіптер Жүктіліктің 12-ші аптасынан бастап туған сәтке дейін простагландиндер синтезін тежейтін барлық ҚҚСП шарана бүйрегінің функционалдық зақымдануына алып келуі мүмкін: - жүктіліктің 12-ші аптасынан бастап шарананың құрсақішілік диурезінің баяулауы басталуы, соның салдарынан қағанақ суының аз болуы (әдетте емдеуді тоқтатқаннан кейін қайтымды) немесе ұзақ қолданудың жекелеген жағдайларында ұрық айналасының суы мүлдем болмауы мүмкін. - босану кезінде немесе босанғаннан кейінгі бастапқы кезеңде балада ҚҚСП-ның шаранаға кейінгі немесе ұзақ әсер етуі салдарынан, кейіннен білінетін ауыр гиперкалиемия қаупімен бүйректің жедел жеткіліксіздігі (қайтымды немесе қайтымсыз) басталуы мүмкін. Препаратты жүктіліктің 24-ші аптасынан кейін жүктіліктің соңына дейін қабылдаудағы жағымсыз реакциялар мен қауіптер Препаратты жүктіліктің 24-ші аптасынан кейін қабылдағанда ҚҚСП шаранада жүрек-өкпе уыттылығы құбылысын (мерзімінен бұрын жабылған артериялық түтік және өкпе гипертензиясы) туындатуы мүмкін. Артериялық түтіктің тарылуы жүктіліктің 6-шы айында (жүктіліктің 24 аптасынан асқан мерімде) басталуы мүмкін және шаранада немесе жаңа туған нәрестеде жүректің оң жақтық жеткіліксіздігінің дамуына және тіпті шарананың құрсақішілік өліміне алып келуі мүмкін. Бұл қайтымсыз құбылыстың қаупі босану күні жақындаған сайын арта түседі. Артериялық түтіктің жабылуы препаратты бір рет қабылдаудың салдарынан туындауы мүмкін. Препаратты жүктіліктің соңында қабылдаған кезде жаңа туған нәресте мен ана үшін жағымсыз реакциялар мен қауіптер - ана мен бала үшін қан кету уақытының ұзару қаупі (тіпті кетопрофеннің аз дозасын қабылдағаннан кейін де білінуі мүмкін антиагрегациялық әсердің нәтижесінде). - босанудың баяулауы, толғақтың бәсеңдеуі, бұл жүктіліктің мерзімінен асып кетуіне және/немесе босанудың ұзаққа созылуына алып келуі мүмкін. Қағанақ суының аздығы пайда болғанда немесе артериялық түтік тарылғанда кетопрофенмен емдеуді тоқтату керек. ҚҚСП простагландиндер синтезін басуы жүктіліктің ағымына және/немесе эмбрионның немесе шарананың дамуына әсер етуі мүмкін. Қабынуға қарсы стероидты емес препараттар емшек сүтіне енеді. Препаратты лактация кезеңінде қолдануға болмайды. Кетопрофенді қолдану әйелдерде ұрпақ өрбіту функциясына теріс әсер етуі мүмкін және жүктілікті жоспарлап жүрген әйелдерде қолдану ұсынылмайды. Бала көтере алмай жүрген немесе бедеулікке қатысты тексеріліп жүрген әйелдерде кетопрофенді қолдануды тоқтату керек.

Гиперкалиемиямен байланысты қауіптер: Кейбір дәрілік заттар немесе емдік топтар, мысалы, калий тұздары, калийсақтағыш диуретиктер, ангиотензин өзгертуші ферменттің (АӨФ) тежегіштері, ангиотензин II рецепторларының блокаторлары, қабынуға қарсы стероидты емес препараттар, гепариндер (төмен молекулалы немесе фракцияланбаған), циклоспорин, такролимус және триметоприм гиперкалиемияның дамуына ықпал етуі мүмкін. Гиперкалиемияның басталуы кофакторлардың болуына байланысты болуы мүмкін. Егер жоғарыда аталған дәрілер бір мезгілде тағайындалса, бұл қауіп арта түседі. Калийсақтағыш диуретиктерді тағайындаған кезде, әсіресе егер олар бір-бірімен бір мезгілде немесе калий тұздарымен бірге тағайындалса, қауіптің ерекше клиникалық маңыздылығы бар, ал АӨФ тежегіші мен ҚҚСП біріктірілімінің, мысалы, ұсынылған нұсқаулар сақталған жағдайда клиникалық қаупі аз. Гиперкалиемиялық әлеуеті бар жекелеген препараттарға гиперкалиемияның туындау қаупін бағалау үшін, әр субстанцияның жекелеген фармацевтикалық топтарының дәрілермен өзара әрекеттесулері сипатталған бөліммен танысып шығу керек. Кейбір препараттарда, мысалы, триметопримде, гиперкалиемия дамуының сипатталған қаупі жоқтығына қарамастан, оны осы бөлімде сипатталған препараттармен бір мезгілде қолданғанда, электролиттік бұзылулардың дамуына түрткі болатын фактор болуы мүмкін. Бір мезгілде қолдану қажет болған жағдайда, пациенттің жай-күйін мұқият бақылау және зертханалық көрсеткіштерге тұрақты мониторинг жүргізу қажет. Жағымсыз біріктірілімдер Басқа ҚҚСП (салицилаттардың жоғары дозаларын қоса): синергиялық әсердің салдарынан бірнеше ҚҚСП бір мезгілде қолдану асқазан-ішектен қан кетудің және ойықжараның даму қаупін арттырады. Ацетилсалицил қышқылы үшін қабынуға қарсы дозалары (бір қабылдауға ≥ 1 г және/немесе күніне ≥ 3 г) және ауырсынуды басатын немесе қызуды түсіретін дозалары (бір қабылдауға ≥ 500 мг және/немесе күніне 3 г) туралы айтылып отыр. Антикоагулянттар: К дәруменінің антагонистері (мысалы, варфарин), тромбин тежегіштері (мысалы, дабигатран), Ха факторының тікелей тежегіштері (мысалы, апиксабан, ривароксабан, эдоксабан): қан кету қаупі жоғары. Бір мезгілде қолдану қажет болған жағдайда, пациенттің жай-күйін мұқият бақылау және зертханалық көрсеткіштерге тұрақты мониторинг жүргізу қажет. Фракциялық емес, төмен молекулалы және тектес гепариндер (емдік дозаларында және / немесе егде жастағы адамдарда): асқазан-ішектен қан кетулер қаупі жоғарылайды (ҚҚСП асқазан мен он екі елі ішектің шырышты қабығын зақымдауы). Бір мезгілде қолдану қажет болған жағдайда, пациенттің жай-күйін мұқият бақылау қажет. Литий препараттарымен: ҚҚСП қан плазмасындағы литий концентрациясын уыттылыққа дейін арттырады, осыған байланысты бұл көрсеткішті, кетопрофенмен бір мезгілде қолданғанда, дозаны өзгерткенде, сондай-ақ ҚҚСП қолдануды тоқтатқаннан кейін бақылау қажет. Аптасына 20 мг-ден жоғары дозаларда қолданылатын метотрексат: метотрексаттың гематологиялық уыттылығының жоғарылауы (қабынуға қарсы препараттар метотрексаттың бүйректік клиренсін төмендетеді). Кетопрофенді енгізу (емдеуді тоқтату немесе бастау) мен метотрексатты қабылдау арасында кемінде 12 сағат өтуі тиіс. Пеметрексед (креатинин клиренсі 45 мл/мин-нен 80 мл/мин-ге дейінгі, бүйрек функциясының айқын және орташа айқын бұзылулары бар пациенттер): пеметрексед уыттылығының жоғарылауы қаупі бар (ҚҚСП-мен бір мезгілде қолданғанда пеметрекседтің бүйректік клиренсінің төмендеуі). Сақтануды талап ететін біріктірілімдер АӨФ тежегіштері, ангиотензин II рецепторларының антагонистері: ҚҚСП-мен бір мезгілде қолдану сусызданған пациенттерде бүйректің жедел жеткіліксіздігінің даму қаупімен байланысты (простагландиндердің синтезі төмендеуіне негізделген шумақтық сүзілудің төмендеуі). Бір мезгілде қолданылғанда ҚҚСП кейбір препараттардың гипертензияға қарсы әсерін азайтуы мүмкін. Кетопрофен мен диуретиктерді бір мезгілде қолданған кезде пациентте сусыздану белгілерінің жоқтығына көз жеткізу, сондай-ақ бір мезгілде қолданудың басында бүйрек функциясын бақылау қажет. Диуретиктер: шумақтық сүзілудің төмендеуі (ҚҚСП вазодилатациялайтын простагландиндерді тежеуі) салдарынан, қауіп тобындағы пациенттерде (егде жастағы адамдар және / немесе сусыздануы бар пациенттер) бүйректің жедел жеткіліксіздігі. Бұдан бөлек, гипертензияға қарсы әсері төмендейді. Емдеудің басында пациентке гидратацияны қамтамасыз ету және бүйрек функциясын бақылау қажет. Төмен (аптасына 20 мг-ден аспайтын) дозаларда қолданылатын метотрексат: метотрексаттың гематологиялық уыттылығы жоғарылайды (қабынуға қарсы препараттар метотрексаттың бүйректік клиренсін төмендетеді). Бір мезгілде қолданудың алғашқы апталары ішінде гемограмманы апта сайын бақылау қажет. Бүйрек функциясының тіпті жеңіл дәрежедегі бұзылуы болса да, сондай-ақ егде жастағы пациенттерде де мұқият медициналық бақылау қажет. Пеметрексед (бүйрек функциясы қалыпты пациенттер): пеметрексед уыттылығының жоғарлауы қаупі бар (ҚҚСП-мен бір мезгілде пеметрексед қолданғанда бүйректік клиренсінің төмендеуі). Бүйрек функциясына мониторинг жүргізу қажет. Циклоспорин және такролимус: ҚҚСП, әсіресе егде жастағы пациенттерде нефроуыттылықты арттыруы мүмкін. Бір мезгілде қолданғанда бүйрек функциясын бақылау қажет. Тенофовир дизопроксил: әсіресе ҚҚСП жоғары дозаларында немесе бүйрек жеткіліксіздігінің қауіп факторлары болған кезде тенофовирдің нефроуыттылығының арту қаупі бар. Бір мезгілде қолданғанда бүйрек функциясын бақылау қажет. Жүрек гликозидтері: кетопрофен мен дигоксин арасында фармакокинетикалық өзара әрекеттесу көрініс бермеген. Алайда, әсіресе, бүйрек жеткіліксіздігі бар пациенттерде сақтық таныту ұсынылады, өйткені ҚҚСП бүйрек функциясын төмендетуі және жүрек гликозидтерінің бүйректік клиренсін азайтуы мүмкін. Көңіл аударуды қажет ететін біріктірілімдер Антиагреганттық дозалардағы ацетилсалицил қышқылы (күніне 1 немесе бірнеше қабылдауға 50 мг-ден 375 мг дейін): асқазан-ішектен және ойықжарадан қан кетулердің қаупі жоғарылайды. Глюкокортикоидтар (орын басушы емдегі гидрокортизоннан басқа): асқазан-ішектің ойықжаралары мен қан кетулердің даму қаупі артады. Антиагреганттар: асқазан-ішектен қан кетулердің қаупі жоғарылайды. Серотонинді кері қармайтын селективті тежегіштер (СКҚСТ): асқазан-ішектен қан кету қаупі жоғарылайды. Фракциялық емес, төмен молекулалы гепариндер (профилактикалық дозаларда): қан кетудің даму қаупі жоғарылайды. Деферазирокс: асқазан-ішектен және ойықжарадан қан кету қаупінің жоғарылауы. Бета-блокаторлар (эсмололдан басқа): ҚҚСП-мен бір мезгілде қолданғанда простагландиндер синтезінің тежелуі салдарынан β-адреноблокаторлардың гипертензияға қарсы әсері азаюы мүмкін. Пентоксифиллин: қан кетудің даму қаупі жоғарылауы мүмкін. Мұқият клиникалық мониторинг және қан кету уақытын (қанның ұю уақытын) жүйелі түрде тексеру қажет. Басқа гиперкалиемиялық дәрілер: гиперкалиемия қаупі жоғарылап, өлімге соқтыруы ықтимал. Никорандил: никорандил мен ҚҚСП бір мезгілде қабылдап жүрген пациенттерде асқазан-ішектің ойықжараларының, тесілулердің және қан кетулердің дамуы сияқты күрделі асқынулардың қаупі жоғары.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде 25 ºС-ден аспайтын температурада сақтау керек. Балалардың қолы жетпейтін жерде сақтау керек!