ФЕБРОФИД капсулы 50 мг

Бір капсуланың құрамында белсенді зат – 50.200 мг кетопрофен (100 % затқа шаққанда) 50.000 мг, қосымша заттар: лактоза моногидраты, натрий лаурилсульфаты, коповидон (Коллидон VA-64), сусыз коллоидты кремнийдің қостотығы, кальций стеараты желатинді капсулалардың құрамы: желатин, натрий лаурилсульфаты, макрогол 6000, мұзды сірке қышқылы, титанның қостотығы (Е 171) Сыртқы түрінің, иісінің, дәмінің сипаттамасы Ақ түсті қатты желатинді № 2 капсулалар. Капсулалардың ішіндегісі – ақ немесе ақ дерлік түсті ұнтақ.

Кетопрофеннің емдік қолданылуы кетопрофеннің қабынуға қарсы және аналгезиялық әсеріне, оған болатын аса жоғары сезімталдық реакциясының жиілігіне және осы топтың басқа препараттарымен салыстырғанда қол жетімділігіне байланысты. Препарат ересектер мен 15 жастан асқан балаларға келесілерде қолдануға арналған: Ұзақ симптоматикалық емде: • ревматоидты артрит, шорбуынданатын спондилит немесе Фиссингер-Леруа-Рейтер синдромы сияқты тектес синдромдар және псориаздық артритті қоса, созылмалы қабынбалы ревматизмдік аурулар • ауырсыну синдромымен мүгедектікке әкелетін артроздар Мыналардың өршулерінің қысқа мерзімді симптоматикалық емінде: • жауырын-иық периартриті, тендинит, бурсит сияқты абартикулярлық ревматизм синдромдары • микрокристалды артриттер • артроздар • белдің ауырулары • радикулалгия • тірек-қимыл аппаратының жарақаттан кейінгі қатерсіз зақымдануы

Әсер ету механизмі Кетопрофен фенилпропион қышқылының туындысы, қабынуға қарсы стероидты емес препараттар тобына жатады. Қабынуға қарсы, ауырсынуды басатын, ыстық түсіретін және антиагрегациялық әсерге ие. Оның әсер ету мeханизміне, простагландиндер синтезі үшін жауап беретін энзим циклооксигеназаның бәсеңдеуі түрткі болады. Сонымен қатар ФЕБРОФИД брадикининнің антагонисі болып табылады. Лейкотриендер синтезін тежейді, қанда тромбоциттер агрегациясын төмендетеді, лизосомалық жарғақшаларға тұрақтандырғыш әсер береді.

Дозалау режимі Егер препаратты анағұрлым төмен, тиімді дозасында (50 мг) симптомдарды басу үшін қажетті ең қысқа уақыт мерзімі ішінде қабылдаса, жағымсыз реакцияларын барынша азайтуға болады. Ең жоғарғы тәуліктік дозасы 200 мг. Тәулігіне 200 мг дозадағы кетопрофенмен емдеуді бастар алдында болуы мүмкін қаупі мен пайдасы арасындағы теңгерімді мұқият талдау керек, ал жоғарырақ дозалары ұсынылмайды. Ұзақ симптоматикалық емдеу: әр 8 сағат сайын 50 мг 1 капсуладан немесе тәулігіне 150 мг Өршулерді қысқа мерзімді симптоматикалық емдеу: күніне 50 мг-ден 4 капсула немесе тәулігіне 200 мг. Қабылдау жиілігі Капсулаларды тамақтану кезінде қабылдау керек. Тәуліктік дозасы 2-3 қабылдауға бөлінуі тиіс. Пациенттердің ерекше топтары Бүйрек жеткіліксіздігі бар пациенттер және егде жастағы пациенттер Бастапқы және демеуші емдік дозаларын ең аз тиімдісіне дейін төмендету ұсынылады. Препараттың жағымдылығы жақсы болған жағдайда, дозасын әркімге жекелей тәртіппен түзетуді қарастыруға болады. Гиповолемиясы бар пациенттер: Қолдану кезіндегі қажетті сақтандыру шаралары бөлімін қараңыз. Енгізу әдісі және жолы Ішке қабылдауға арналған. ФЕБРОФИД капсулаларын шайнамай, судың жеткілікті мөлшерімен ішіп қабылдайды. Ең аз тиімді дозасы симптомдарын жеңілдету үшін қажетті қысқа уақыт мерзімі ішінде қолданылуы тиіс. Артық дозалану жағдайында қабылдау қажет болатын шаралар Кетопрофеннің 2,5 г дейінгі дозаларында артық дозалану жағдайлары байқалды. Симптомдары: бас ауыруы, бас айналуы, сылбырлық, ұйқышылдық, жүрек айнуы, құсу, іш ауыруы, қан құсу, нәжістің қараюы, сананың бұзылуы, тыныстың тарылуы, құрысулар, бүйрек функциясының бұзылуы және бүйрек жеткіліксіздігі. Емі: симптоматикалық, спецификалық антидоты жоқ. Асқазанды шаю және белсендірілген көмірді қолдану көрсетілген. Бүйрек жеткіліксіздігі болған жағдайда айналымдағы кетопрофенді қаннан шығару үшін гемодиализ емшарасы ұсынылады. Дәрілік препараттың бір немесе бірнеше дозасын өткізіп алған жағдайда қажетті шаралар Препараттың өткізіп алған дозасының орнын толтыру мақсатында қосарлы дозасын қолданбау керек.

• кетопрофенге немесе қосымша заттардың кез келгеніне аса жоғары сезімталдық. • анамнезде бронх түйілуі, демікпе, ринит, есекжем сияқты аса жоғары сезімталдық реакцияларының немесе кетопрофенге, ацетилсалицил қышқылына немесе қабынуға қарсы стероидты емес басқа препараттарға өзге аллергиялық реакциялардың болуы. Ондай пациенттерде күрделі, сирек жағдайларда өлімге соқтыратын анафилаксиялық реакциялар байқалған • жүректің ауыр жеткіліксіздігі • асқазан-ішек жолының өршу фазасындағы аурулары (гастрит, асқазанның ойық жара ауруы, анамнезде асқазан-ішектен қан кетудің болғаны көрсетілуі, ойық жаралардың түзілуі немесе тесілуі) • қан кетулер (асқазан-ішектен, цереброваскулярлық немесе басқа белсенді қан кетулер) • бауырдың ауыр жеткіліксіздігі • бүйректің ауыр жеткіліксіздігі • 24 аптасынан бастап мерзімдегі жүктілік және одан кейінгі кезеңі • бала емізу кезеңі • 15 жасқа дейінгі балалар мен жасөспірімдерге • сирек кездесетін тұқым қуалайтын галактоза жақпаушылығы, лопарлардағы лактаза тапшылығы, глюкоза-галактоза мальабсорбциясы бар тұлғаларға.

Жиі • жүрек айнуы, құсу, диспепсия, іш аумағының ауыруы Жиі емес • бас ауыруы, бас айналуы, ұйқышылдық • ісінулер • іш қатуы, диарея, іштің кебуі, гастрит • тері бөртпесі, терінің қышынуы • қажу Сирек • қан жоғалтумен байланысты анемия • парестезиялар • бұлыңғыр көру • құлақтағы шуыл • демікпе ұстамалары • пептидтік ойық жара, стоматит, колит • гепатит, «бауыр» трансаминазалары белсенділігінің артуы, бауыр тарапынан болатын бұзылулардың дамуы салдарынан билирубин концентрациясының жоғарылауы. • салмақтың артуы Белгісіз (қолда бар деректер негізінде бағалау мүмкін емес) • агранулоцитоз, тромбоцитопения, сүйек кемігінің жеткіліксіздігі, гемолиздік анемия, лейкопения • Квинке ісінуі, анафилаксиялық реакциялар (анафилаксиялық шокты қоса). • гиперкалиемия • сананың шатасуы, эмоционалдық тұрақсыздық • асептикалық менингит, құрысулар, бас айналуы, дисгевзия • жүрек жеткіліксіздігі • артериялықгипертензия,вазодилатация,васкулит (лейкоцитокласттық васкулитті қоса) • бронх түйілуі (әсіресе, ҚҚСП-ға аса жоғары сезімталдығы бар пациенттерде), ринит • ойық жаралы колиттің немесе Крон ауруының асқынуы, асқазан-ішектен қан кетулер, тесілуі, панкреатит Тәулігіне 200 мг дозадағы пероральді кетопрофен жасырын асқазан-ішектен қан кету пайда болуына түрткі болуы мүмкін, мұның ықтималдылығы кетопрофеннің дозасы мен емдеу ұзақтығы артқан сайын жоғарылай түседі • фотосенсибилизация, алопеция, есекжем, созылмалы есекжемнің өршуі, буллезді бөртпе, Стивенс-Джонсон синдромы мен уытты эпидермальді некролиз (Лайелл синдромын) қоса, орныққан пигменттік эритема • организмде сұйықтық пен натрийдің іркілуі. Қауіп факторлары бар пациенттерде бүйректің жедел жеткіліксіздігі (БЖЖ). БЖЖ дамуына әкелетін интерстициялық нефрит, түтікшелердің жедел некрозы, нефроздық синдром, папиллярлық некроздың бірлі-жарым жағдайлары туралы хабарланған. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚРМК http://www.ndda.kz

Нұсқаулықта көрсетілмеген.

Шарананың өлу қаупі Кетопрофен кардиопульмональді уыттылығының салдарынан тіпті бір реттік дозадан кейін-ақ шарананы өлімге ұшырату қаупі бар (артериялық түтіктің тарылуы және қағанақ суы аздығының туындауы). Болашақ балаға әсері Кетопрофен жаңа туған нәрестені бүйректің зақымдану (бүйрек жеткіліксіздігі), артериялық түтіктің мерзімінен бұрын жабылу және өкпе гипертензиясы қаупіне де ұшыратады. Кетопрофенді жүкті әйелдерге жүктіліктің 6-шы айының басынан (24 аптасы) бастап қолдануға болмайды. Жоспарланған жүктілікте немесе алғашқы 5 айдың ішінде (аменореяның 24 аптасына дейін) препаратты аса қажет болған жағдайда ғана тағайындау керек. Кетопрофенді циклооксигеназа-2 (ЦОГ-2) селективті тежегіштерін қоса, жүйелі ҚҚСП-мен бір мезгілде қолданудан аулақ болу керек. Жағымсыз әсерлерді симптомдарды бақылау үшін қажетті аса қысқа мерзім ішінде ең аз тиімді дозаны қолдану арқылы азайтуға болады («Қолдану жөніндегі нұсқаулар» бөлімін және төменде көрсетілген «Асқазан-ішек жолына әсері», «Жүрек-қантамыр және цереброваскулярлық жүйеге әсері» ақпаратын қараңыз). Бронх демікпесі және созылмалы ринит, созылмалы синусит және/немесе мұрын полипозы бар пациенттерде ацетилсалицил қышқылына және басқа да ҚҚСП-ға аллергиялардың туындау қаупі жоғары. Кетопрофен оларда, әсіресе ацетилсалицил қышқылына және басқа ҚҚСП-ға сезімталдығы жоғары адамдарда демікпе ұстамасын, бронх түйілуін тудыруы мүмкін. Егде жастағы пациенттер Егде жастағы пациенттерде ҚҚСП-ға жағымсыз реакциялардың, әсіресе өлім-жітімге ұшыратуы мүмкін асқазан-ішектен қан кетулер мен тесілулердің жиілігі жоғары. Асқазан-ішек жолына әсері Кетопрофен ас қорыту жолдары тарапынан асқазан-ішектің ойық жаралары, қан кету және тесілу түріндегі ауыр жағымсыз реакцияларды тудыруға қабілетті. Мұндай жағымсыз реакциялар кетопрофенді қабылдап жүрген пациенттерде хабаршы-симптомдардан кейін немесе оларсыз кез келген мерзімде туындауы мүмкін және өлімге әкеліп соқтыруы мүмкін. Зерттеулердің деректері кетопрофеннің, әсіресе жоғары дозаларында, басқа ҚҚСП-мен салыстырғанда АІЖ ағзалары үшін уыттылығы жоғарырақ болуы мүмкін деген болжам жасауға мүмкіндік беріп отыр. Ойық жараның күрделі асқазан-ішектік қан кетуінің немесе тесілудің пайда болу қаупі анамнезінде ойық жаралары бар, әсіресе асқынған тесілуі немесе қан кетуі бар пациенттерде және егде жастағы пациенттерде немесе дене салмағы төмен пациенттерде дозасына және жасына байланысты болады. Мұндай пациенттер ең төмен тиімді дозаны қабылдауы тиіс. Пациенттердің осы санаттарына, сондай-ақ, гастроинтестинальді қауіптерді арттыратын препараттармен қатарлас ем қабылдап жүрген пациенттерге гастропротекторларды (мизопростол немесе протондық помпа тежегіштерін) тағайындау қажет. Анамнезінде асқазан-ішек бұзылыстары бар, әсіресе егде жастағы пациенттер, әсіресе кетопрофенмен емдеудің басында, кез келген әдеттен тыс абдоминальды симптомдар (әсіресе АІЖ қан кету) туралы хабарлауы тиіс. Ойық жараның немесе қан кетудің туындау қаупін арттыруы мүмкін, жүйелі кортикостероидтар, варфарин сияқты антикоагулянттар, ацетилсалицил қышқылы сияқты тромбозға қарсы дәрілер, немесе серотонинді кері қармаудың селективті тежегіштері, никорандил сияқты дәрілік заттарды бір мезгілде қабылдап жүрген пациенттер үшін де сақтық қажет. Кетопрофенді қабылдап жүрген пациенттердегі асқазан-ішектен қан кетулер немесе ойық жара жағдайында, емдеуді дереу тоқтату керек. Препаратты анамнезінде ішектің қабыну аурулары (Крон ауруы, спецификалық емес ойық жаралы колит) болған пациенттерге сақтықпен тағайындау керек, өйткені мұндай тағайындау аталған аурулардың ағымын қиындатуы мүмкін. Жүрек-қантамыр және цереброваскулярлық жүйеге әсері Гипертензиясы және/немесе жүректің жеңіл және орташа іркілісті жеткіліксіздігі бар пациенттердің жай-күйін мұқият бақылау керек, өйткені ҚҚСП қолдану кезінде сұйықтықтың іркілуі және ісіну тіркелген. Клиникалық зерттеулер мен эпидемиологиялық деректер ЦОГ-2 селективті тежегіштерін және кейбір ҚҚСП (негізінен жоғары дозаларда) қолдану артериялық тромбоз (миокард инфаркті, инсульт) қаупінің біршама жоғарылауын туғызуы мүмкіндігін айғақтайды. Кетопрофенді қолдануға байланысты артериялық тромбоздың даму жағдайлары туралы мәліметтер болмаса да, мұндай ықтималдылығын жоққа шығару үшін деректер жеткіліксіз. Кетопрофенді бақыланбаған гипертензиясы, жүректің іркілісті жеткіліксіздігі, жүректің ишемиялық ауруы, шеткері артерия аурулары және/немесе цереброваскулярлық аурулары бар пациенттерде мұқият тексеруден кейін ғана қолдануға болады. Кардиоваскулярлық аурулардың (гипертензия, гиперлипидемия, қант диабеті, шылым шегу) қауіп факторлары бар пациенттерді емдеуді бастар алдында осындай тұжырымдар жасалуы керек. Операция алдында және оны жүргізу кезінде (артерияларды шунттау) ҚҚСП (аспиринді қоспағанда) алған пациенттерде артериялық тромбоздық асқынулардың жоғары қаупі туралы хабарланды. Тері реакциялары ҚҚСП қолданғанда эксфолиативтік дерматитті, Стивенс-Джонсон синдромын және уытты эпидермалық некролизді (Лайелл синдромын) қоса, ауыр, кейбір жағдайларда өлім-жітіммен аяқталатын тері реакциялары туралы өте сирек хабарланды. Бұл реакциялардың туындау қаупінің жоғарылығы емдеу курсының басында, көпшілік жағдайларда емдеудің алғашқы айында анықталған. Тері бөртпелерінің, шырышты қабықтардың зақымдануының алғашқы белгілері немесе аса жоғары сезімталдықтың кез келген басқа көріністері жағдайында емдеуді тоқтату керек. Кетопрофенді қолдану кезінде орныққан пигменттік эритема (ОПЭ) жағдайлары тіркелген. Анамнезінде кетопрофенмен байланысты орныққан пигменттік эритема (ОПЭ) болған пациенттерге кетопрофенді қайта тағайындауға болмайды. Жасырын инфекциялар симптомдарын бүркемелеуі ФЕБРОФИД инфекциялық аурудың симптомдарын бүркемелеуі мүмкін, бұл тиісті емнің басталуының кешіктірілуіне алып келуі және сол арқылы аурудың ағымын қиындатуы мүмкін. Бұл ауруханадан тыс бактериялық пневмония және желшешектің бактериялық асқынулары кезінде байқалды. Инфекциялық аурудың белгілері анықталған жағдайда, кетопрофеннің қабынуға қарсы, ауырсынуды басатын және ыстықты түсіретін қасиеттері, басқа ҚҚСП тәрізді, қызба сияқты инфекцияның өршуінің әдеттегі белгілерін бүркемелеуі мүмкіндігіне назар аудару керек. Инфекциялық ауруға мониторинг жүргізу ұсынылады. Медициналық мекемеден тыс емдеу жағдайында, егер симптомдары сақталып қалса немесе күшейе түссе, пациент дәрігерге жүгінуі тиіс. Бүйректің функциялық жеткіліксіздігі ҚҚСП тобының препараттары бүйрек простагландиндерінің вазодилатациялаушы әсерін тежейді, осыған байланысты гломерулалық сүзілудің төмендеуімен байланысты бүйректің функциялық жеткіліксіздігі дамуын тудыруы мүмкін. Бұл жағымсыз әсері дозасына тәуелді. Емдеуді бастар алдында және препараттың дозасын арттырар алдында келесі қауіп факторлары бар пациенттерде бүйрек функциясы мен бөлініп шығатын несеп көлемі мұқият бағалануы тиіс: • егде жастағы пациенттер; • ангиотензин өзгертуші фермент (АӨФ) тежегіштері тобының препараттарын, сартандарды, диуретиктерді бір мезгілде қабылдау; • этиологиясы әртүрлі гиповолемия; • жүрек жеткіліксіздігі; • бүйректің созылмалы жеткіліксіздігі; • нефроздық синдромы; • жегілік нефропатия; • бауыр циррозы. Организмдегі натрий мен сұйықтықтың іркілуі Натрий мен сұйықтықтың іркілуі ісіну, артериялық гипертензия, жүрек жеткіліксіздігі үдеуінің даму қаупін арттырады. Гипертония немесе жүрек жеткіліксіздігі жағдайында мұндай пациенттер емдеудің ең басынан бастап мұқият бақылауды қажет етеді. Препараттардың гипотензивті әсері азаюы мүмкін. Гиперкалиемия Диабет немесе гиперкалиемиялық препараттармен қатарлас емдеу гиперкалиемияның даму қаупін арттырады.Қан сарысуындағы калий құрамына мониторинг жүргізу қажет. Әйелдердегі фертильділік Кетопрофенді қолдану әйелдерде фертильділіктің бұзылуына әкелуі мүмкін және жүкті болғысы келетін әйелдерге ұсынылмайды. Бала көтеру қиындығы бар немесе бедеулікке байланысты тексеруден өтіп жүрген әйелдерге қатысты кетопрофенді тоқтату туралы мәселені қарастыру керек. Фотоуыттылық Анамнезінде жарықсезгіштік немесе фотоуыттылықтың жоғары реакциялары бар пациенттер мұқият қадағалауда болуы тиіс. Бауыр тарапынан бұзылулар Бауыр функциясы қалыпсыз пациенттерде, сондай-ақ бауыр ауруын өткерген пациенттерде, әсіресе ұзақ ем кезінде, трансаминазалардың деңгейі мезгіл-мезгіл тексерілуі тиіс. Кетопрофен қабылдайтын пациенттерде сарғаю мен гепатиттің сирек жағдайлары сипатталған. Кетопрофенді ұзақ уақыт қолданған кезде қан талдауын, бауыр мен бүйрек функциясын бақылау керек. Көру мүшелері тарапынан бұзылулар Көру мүшелері тарапынан көрудің бұлыңғырлануы және т.б. бұзылулар туындаған жағдайда, емдеуді дереу тоқтату керек. Жүйелі қызыл жегі және дәнекер тіндердің аралас ауруы Жүйелі қызыл жегі (ЖҚЖ) және дәнекер тіндердің аралас аурулары бар пациенттерде асептикалық менингит қаупі жоғары болуы мүмкін. Басқа ҚҚСП, жанама әсер ететін антикоагулянттарды, литий препараттарын, ауырсынуды басатын дозада аспиринді, ыстықты түсіретін дәрілерді немесе қабынуға қарсы дәрілерді, аптасына 20 мг-ден асатын дозада метотрексатты, төменмолекулалы гепариндер мен фракцияланбаған стандартты гепариндерді, (емдік дозаларда және/немесе егде жастағы пациенттерде), пеметрекседті қолданған жағдайда бүйректің жеңіл/орташа дисфункциясы бар пациенттерге кетопрофенді бір мезгілде қабылдауға жол берілмейді . Арнайы сақтандырулар Препараттың құрамында лактоза моногидраты бар, сирек кездесетін тұқым қуалайтын галактоза жақпаушылығы, лопарлардағы лактаза тапшылығы, глюкоза-галактоза мальабсорбциясы бар пациенттерге қолдануға болмайды. Бұл препараттың құрамында бір капсулада 1 ммолден аз (23 мг) натрий бар, яғни, шын мәнінде натрий жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бас айналуы, ұйқышылдық, құрысулар немесе көру бұзылыстары туындаған жағдайда, көлік жүргізуге немесе қауіптілігі зор механизмдерді басқаруға болмайды.

Аса қажеттілігі болмаса, препарат жүктілікті жоспарлап жүрген әйелдерге немесе жүктіліктің алғашқы 5 айында (гестацияның 24 аптасы басталғанға дейін) тағайындалмауы тиіс. Ондай қажеттілік туындаған жағдайда қысқа мерзімді емді барынша ең төменгі дозасында тағайындау керек. Осы топтағы пациент әйелдерді препаратпен ұзақ емдеу аса қолайлы емес. Жүктіліктің 6-шы айының басынан бастап (гестацияның 24-ші аптасынан бастап) препаратты, тіпті бір рет қабылдаудың өзі қатаң қарсы көрсетілімде. Жүктіліктің осы кезеңінде препаратты байқаусызда қабылдау, тіпті бір рет болса да, шарананың кардио-мониторингін, бүйректің жай-күйін, шарананың дамуын бағалауды және жүктілік мерзіміне, кетопрофеннің дозасы мен қабылдау ұзақтығына байланысты жаңа туған нәрестенің жай-күйін мониторингтеуді жүргізуге арналған көрсетілім болып табылады. Фетальді мониторинг ұзақтығы кетопрофеннің қаннан жартылай шығарылу кезеңін ескеруі тиіс. Простагландиндер синтезінің тежелуі жүктіліктің дамуына және/немесе эмбрио-фетальді дамуына өте теріс әсер етуі мүмкін. Препаратты жүктіліктің I триместрінде қабылдау кезіндегі жағымсыз реакциялар мен қауіптер Эпидемиологиялық деректер жүктіліктің бастапқы мерзімінде ҚҚСП қолдану жүктіліктің өздігінен үзілуінің, жүрек және алдыңғы құрсақ қабырғасы ақаулары жиілігінің жоғарылауымен байланысты деп болжайды. ҚҚСП қолданғанда жүрек ақаулары дамуының абсолюттік қаупі 1%-дан аздан 1,5%-ға дейін жоғарылайды. Кетопрофенді қабылдаудың жағымсыз салдарларының қаупі препараттың дозасымен және жалпы қабылдау мерзімімен бірге арта түседі. Одан өзге, белсенді органогенез кезеңінде простагландиндер синтезінің тежегіштерін қабылдаған кезде жүрек, ірі қантамырлар және құрсақ қуысы ағзалары ақауларының даму жиілігінің жоғарылағаны көрсетілген. Препаратты жүктіліктің 12-ші аптасынан кейін жүктіліктің соңына дейін қабылдаудағы жағымсыз реакциялар мен қауіптер Жүктіліктің 12-ші аптасынан бастап туған сәтке дейін простагландиндер синтезін тежейтін барлық ҚҚСП шарана бүйрегінің функциялық зақымдануына алып келуі мүмкін: - жүктіліктің 12-ші аптасынан бастап шарананың құрсақтық диурезінің баяулауы басталуы, соның салдарынан қағанақ суының аз болуы (әдетте емдеуді тоқтатқаннан кейін қайтымды) немесе ұзақ қолданудың жекелеген жағдайларында қағанақ суы мүлдем болмауы мүмкін. - босану кезінде немесе босанғаннан кейінгі бастапқы кезеңде балада ҚҚСП-ның шаранаға кешеуілдеп немесе ұзақ әсер етуі салдарынан, кейіннен білінетін ауыр гиперкалиемия қаупімен бүйректің жедел жеткіліксіздігі (қайтымды немесе қайтымсыз) басталуы мүмкін. Препаратты жүктіліктің 20-шы аптасынан кейін қабылдаудағы жағымсыз реакциялар мен қауіптер Бүйрек функциясының бұзылуынан бөлек, анасының ҚҚСП қабылдауы шарананы артериялық түтіктің тарылу қаупіне ұшыратады (көбінесе емдеуді тоқтатқаннан кейін қайтымды). Препаратты жүктіліктің 24-ші аптасынан кейін жүктіліктің соңына дейін қабылдаудағы жағымсыз реакциялар мен қауіптер Препаратты жүктіліктің 24-ші аптасынан кейін қабылдағанда ҚҚСП шаранада жүрек-өкпе уыттылығы құбылысын (артериялық түтіктің мерзімінен бұрын жабылуы және өкпелік гипертензиясы) туындатуы мүмкін. Артериялық түтіктің тарылуы жүктіліктің 6-шы айында (жүктіліктің 24 аптасынан асқан мерзімде) басталуы мүмкін және шаранада немесе жаңа туған нәрестеде жүректің оң жақтық жеткіліксіздігінің дамуына және тіпті шарананың құрсақтық өліміне алып келуі мүмкін. Бұл қайтымсыз құбылыстың қаупі босану мерзімі жақындаған сайын артады және оның қайтымдылығы төмендейді. Артериялық түтіктің жабылуы препаратты бір рет қабылдаудың салдарынан туындауы мүмкін. Препаратты жүктіліктің кеш мерзімдерінде қабылдаған кезде жаңа туған нәресте мен ана үшін жағымсыз реакциялар мен қауіптер - ана мен бала үшін қан кету уақытының ұзару қаупі (тіпті кетопрофеннің аз дозасын қабылдағаннан кейін де білінуі мүмкін антиагрегациялық әсердің нәтижесінде). - босанудың баяулауы, толғақтың бәсеңдеуі, бұл жүктіліктің мерзімінен асып кетуіне және/немесе босанудың ұзаққа созылуына алып келуі мүмкін. Қағанақ суының азаюы немесе артериялық түтіктің тарылуы пайда болған жағдайда кетопрофенмен емдеуді тоқтату керек. ҚҚСП простагландиндер синтезін тежеу жүктіліктің ағымына және/немесе эмбрионның немесе шарананың дамуына әсер етуі мүмкін Қабынуға қарсы стероидты емес препараттар емшек сүтіне енеді. Препаратты лактация кезеңінде қолдану ұсыныл майды. Кетопрофенді қолдану әйелдерде ұрпақ өрбіту функциясына теріс әсер етуі мүмкін және жүктілікті жоспарлап жүрген әйелдерде қолдану ұсынылмайды. Бала көтере алмай жүрген немесе бедеулікке қатысты тексеріліп жүрген әйелдерде кетопрофенді қолдануды тоқтату керек.

Гиперкалиемиямен байланысты қауіптер Кейбір дәрілік заттар немесе емдік топтар, мысалы, калий тұздары, калий жинақтаушы диуретиктер, өзгертуші ферменттердің тежегіштері, ангиотензин II рецепторларының блокаторлары, қабынуға қарсы стероидты емес препараттар, гепариндер (төменмолекулалы немесе фракцияланбаған), циклоспорин, такролимус және триметоприм гиперкалиемияның дамуына ықпал етуі мүмкін. Гиперкалиемияның басталуы кофакторлардың болуына байланысты болуы мүмкін. Егер жоғарыда аталған дәрілер бір мезгілде тағайындалса, бұл қауіп арта түседі. Калий жинақтаушы диуретиктерде, әсіресе, егер олар бір-бірімен бір мезгілде немесе калий тұздарымен бірге тағайындалса, қауіптілігінің клиникалық маңыздылығы ерекше, ал АӨФ тежегіші мен ҚҚСП біріктірілімінің, мысалы, ұсынылған нұсқаулар сақталған жағдайда клиникалық қаупі аз. Гиперкалиемиялық әлеуеті бар жекелеген препараттарға гиперкалиемияның туындау қаупін бағалау үшін, әр субстанцияның жекелеген фармацевтикалық топтарының дәрілермен өзара әрекеттесулері сипатталған бөліммен танысып шығу керек. Кейбір препараттарда, мысалы, триметопримде, гиперкалиемия дамуының сипатталған қаупі жоқтығына қарамастан, оны қолдану осы бөлімде сипатталған препараттармен бір мезгілде болғанда, электролиттік бұзылулардың дамуына түрткі болатын фактор болуы мүмкін. Бір мезгілде қолдану қажет болған жағдайда, пациенттің жай-күйін мұқият бақылау және зертханалық көрсеткіштерге тұрақты мониторинг жүргізу қажет. Жағымсыз біріктірілімдер Басқа ҚҚСП (салицилаттардың жоғары дозаларын қоса): бірнеше ҚҚСП бір мезгілде қолдану синергиялық әсердің салдарынан асқазан-ішектен қан кетудің және ойық жараның даму қаупін арттырады. Ацетилсалицил қышқылы үшін қабынуға қарсы дозалары (бір қабылдауға ≥ 1 г және/немесе күніне ≥ 3 г) және ауырсынуды басатын немесе ыстық түсіретін дозалары (бір қабылдауға ≥ 500 мг және/немесе күніне 3 г) туралы айтылып отыр). Антикоагулянттар: К дәруменінің антагонистері (мысалы, варфарин), тромбин тежегіштері (мысалы, дабигатран), Ха факторының тікелей тежегіштері (мысалы, апиксабан, ривароксабан, эдоксабан): қан кету қаупі жоғары. Бір мезгілде қолдану қажет болған жағдайда, пациенттің жай-күйін мұқият бақылау және зертханалық көрсеткіштерге тұрақты мониторинг жүргізу қажет. Фракциялық емес, төменмолекулалы және тектес гепариндер (емдік дозаларында және/немесе егде жастағы адамдарда): асқазан-ішектен қан кетулер қаупі жоғарылайды (ҚҚСП асқазан мен он екі елі ішектің шырышты қабығын зақымдауы). Бір мезгілде қолдану қажет болған жағдайда, пациенттің жай-күйін мұқият бақылау қажет. Литий препараттарымен: ҚҚСП қан плазмасындағы литий концентрациясын уыттылыққа дейін арттырады (литийдің бүйрек арқылы шығарылуының төмендеуі), осыған байланысты бұл көрсеткішті, кетопрофенмен бір мезгілде қолданғанда, дозаны өзгерткенде, сондай-ақ ҚҚСП қолдануды тоқтатқаннан кейін бақылау қажет. Аптасына 20 мг-ден жоғары дозаларда қолданылатын метотрексат: метотрексаттың гематологиялық уыттылығының жоғарылауы (қабынуға қарсы препараттар метотрексаттың бүйректік клиренсін төмендетеді). Кетопрофенді енгізу (емдеуді тоқтату немесе бастау) мен метотрексатты қабылдау арасында кемінде 12 сағат өтуі тиіс. Пеметрексед (креатинин клиренсі 45 мл/мин-нен 80 мл/мин дейінгі, бүйрек функциясының айқын және орташа айқын бұзылулары бар пациенттер): пеметрексед уыттылығының жоғарылау қаупі бар (ҚҚСП-мен бір мезгілде қолданғанда пеметрекседтің бүйректік клиренсінің төмендеуі). Сақтануды қажет ететін біріктірілімдер АӨФ тежегіштері, ангиотензин II рецепторларының антагонистері: ҚҚСП-мен бір мезгілде қолдану сусызданған пациенттерде бүйректің жедел жеткіліксіздігінің даму қаупімен байланысты (простагландиндердің синтезі төмендеуіне негізделген шумақшалық сүзілудің төмендеуі). Бір мезгілде қолданылғанда ҚҚСП кейбір препараттардың гипертензияға қарсы әсерін төмендетуі мүмкін. Бұл әсерлер, әдетте, қайтымды. Кетопрофен мен диуретиктерді бір мезгілде қолданған кезде пациентте сусыздану белгілерінің жоқтығына көз жеткізу, сондай-ақ бір мезгілде қолданудың басында бүйрек функциясын бақылау қажет. Диуретиктер: шумақшалық сүзілудің төмендеуі (ҚҚСП вазодилатациялайтын простагландиндердің тежелуі) салдарынан, қауіп тобындағы пациенттерде (егде жастағы адамдар және/немесе сусыздануы бар пациенттер) бүйректің жедел жеткіліксіздігі. Бұдан басқа, гипертензияға қарсы әсерінің төмендеуі байқалуы мүмкін. Пациент организмінің жеткілікті гидратациясын қамтамасыз ету және емдеудің басында бүйрек функциясын бақылау қажет. Төмен (аптасына 20 мг аспайтын) дозаларда қолданылатын метотрексат: метотрексаттың гематологиялық уыттылығы жоғарылайды (қабынуға қарсы препараттар метотрексаттың бүйректік клиренсін төмендетеді). Бір мезгілде қолданудың алғашқы апталары бойына гемограмманы апта сайын бақылау қажет. Бүйрек функциясының бұзылуы жеңіл дәрежеде болса да, сондай-ақ егде жастағы пациенттерде де мұқият медициналық бақылау қажет. Пеметрексед (бүйрек функциясы қалыпты пациенттер): пеметрексед уыттылығының жоғарылау қаупі бар (ҚҚСП-мен бір мезгілде пеметрексед қолданғанда бүйректік клиренсінің төмендеуі). Бүйрек функциясына мониторинг жүргізу қажет. Циклоспорин және такролимус: ҚҚСП, әсіресе егде жастағы пациенттерде нефроуыттылықты арттыруы мүмкін. Бір мезгілде қолданғанда бүйрек функциясын бақылау қажет. Тенофовир дизопроксил: әсіресе ҚҚСП жоғары дозаларында немесе бүйрек жеткіліксіздігінің қауіп факторлары болған кезде тенофовирдің нефроуыттылығының арту қаупі бар. Бір мезгілде қолданғанда бүйрек функциясын бақылау қажет. Жүрек гликозидтері: кетопрофен мен дигоксин арасында фармакокинетикалық өзара әрекеттесу көрініс бермеген. Алайда, әсіресе бүйрек жеткіліксіздігі бар пациенттерде сақтық таныту ұсынылады, өйткені ҚҚСП бүйрек функциясын төмендетуі және жүрек гликозидтерінің бүйректік клиренсін азайтуы мүмкін. Көңіл бөлуді қажет ететін біріктірілімдер Антиагреганттық дозалардағы ацетилсалицил қышқылы (күніне 1 немесе бірнеше қабылдауға 50 мг-ден 375 мг дейін): асқазан-ішектен және ойық жарадан қан кетулердің қаупі жоғарылайды. Глюкокортикоидтар (орын басу еміндегі гидрокортизоннан басқа): асқазан-ішектің ойық жаралары мен қан кетулердің даму қаупі артады. Антиагреганттар: асқазан-ішектен қан кетулердің қаупі жоғарылайды. Серотонинді кері қармайтын селективті тежегіштер (СКҚСТ): асқазан-ішектен қан кету қаупі жоғарылайды. Фракциялық емес, төменмолекулалы гепариндер (профилактикалық дозаларда): қан кетудің даму қаупі жоғарылайды. Деферазирокс: асқазан-ішектен және ойық жарадан қан кету қаупінің жоғарылауы. Бета-блокаторлар (эсмололдан басқа): ҚҚСП-мен бір мезгілде қолданғанда, ҚҚСП-ның вазодилатациялайтын простагландиндерді тежеуіне, сондай-ақ фенилбутазонды қолдану кезіндегі натрий мен судың іркілуіне байланысты β-адреноблокаторлардың гипертензияға қарсы әсері азаюы мүмкін. Пентоксифиллин: қан кетудің даму қаупі жоғарылауы мүмкін. Мұқият клиникалық мониторинг және қан кету уақытын (қанның ұю уақытын) жүйелі түрде тексеру қажет. Басқа гиперкалиемиялық дәрілер: гиперкалиемияның жоғарылау қаупі, өлім-жітімге соқтыруы ықтимал. Никорандил: никорандил мен ҚҚСП бір мезгілде қабылдап жүрген пациенттерде асқазан-ішектің ойық жараларының, тесілулердің және қан кетулердің дамуы сияқты күрделі асқынулардың қаупі жоғары.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25С-ден аспайтын температурада сақтау керек. Балалардың қолы жетпейтін жерде сақтау керек!