Фезам® капсулы

Бір капсуланың құрамында белсенді зат - 400 мг пирацетам, 25 мг циннаризин қосымша заттар: лактоза моногидраты, коллоидты кремнийдің қостотығы, магний стеараты, капсула қабығының құрамы: титанның қостотығы (E 171), желатин. Сыртқы түрінің, иісінің, дәмінің сипаттамасы Қатты желатинді, ақ түсті корпусы мен қақпақшасы бар, цилиндр тәрізді № 0 капсулалар. Капсуланың ішіндегісі – ақтан ақшыл крем түстіге дейінгі ұнтақ тәрізді қоспа, агломераттардың болуы мүмкін.

- атеросклероз және артериялық гипертония кезінде ми қан айналымының созылмалы және жасырын жеткіліксіздігі; ангиодистониялық ишемиялық ми инсульті және өткерген ми инсультінен кейінгі жай-күйде - жарақаттан кейінгі церебрастенияда - есте сақтау қабілеті мен басқа когнитивтік функциялардың бұзылуы басым немесе эмоционалдық-ерік-жігер тұрғысындағы бұзылуларымен психоорганикалық синдромда - шығу тегі әртүрлі энцефалопатияда - шығу тегі әртүрлі лабиринтопатияда (бас айналу, құлақ шуылдауы, жүрек айну, құсу, нистагм) - Меньер синдромында - кинетоздың профилактикасында

Әсер ету механизмі Ми қан айналымын және ми метаболизмін жақсартатын біріктірілген препарат. Пирацетам - ноотропты дәрі. Мидың зат алмасу үдерістеріне және қан айналымына оң әсер етеді. Оның ГАМК-эргиялық, холинергиялық және глютаматергиялық нейроберілісті жақсартатыны; жартышарлар ішінде және арасында ақпарат берілісін жеңілдететіні; метаболизмге және қанның реологиялық қасиеттеріне әсер етуіне негізделген ишемиялық белсенділігі бар екендігі анықталған. Фармакодинамикалық әсерлері Циннаризин кальций және Н 1-гистаминдік рецепторлардың селективті антагонисі болып табылады. Оның жасушалық жарғақшалар арқылы кальций иондарының тасымалдануын бәсеңдететіні анықталған; тамыр тарылтатын медиаторлардың (катехоламиндер, ангиотензин және брадикинин) әсерін бәсеңдетеді; ми, коронарлық және шеткері қантамырларды аздап кеңейтеді; метаболизм арқылы ми қан ағымындағы көмірқышқыл газының деңгейін жоғарылатады; жасушалардың гипоксияға төзімділігін арттырады; артериялық қысымға және пульске әсер етпейді. Біріктірілген препараттың анық гипоксияға қарсы әсері бар. Қос компонент өздерінің ми қантамырлары қарсылыстығын төмендететін әсерін өзара үдетеді. Біріктірілім ми қан ағымының артуына ықпал етеді.

Дозалау режимі Ересектерге препарат аурудың ауырлығына байланысты тәулігіне үш рет 1-2 капсуладан 1-3 ай бойы тағайындайды. 6 жастан асқан балаларға тәулігіне 1-2 рет 1-2 капсуладан тағайындайды. Енгізу әдісі мен жолы Ішке. Емдеу ұзақтығы Препаратты 3 айдан артық қабылдауға болмайды! Дәрілік препараттың бір немесе бірнеше дозасын өткізіп алған кезде қажетті шаралар Мүмкіндігінше Фезам® препаратын қабылдауды өткізіп алмаған жөн, әсіресе бір мәрте тағайындалған болса. Бір дозаны өткізіп алған кезде келесі дозасын әдеттегі сызба бойынша қабылдау керек. Өткізіп алған дозаның орнын толтыру үшін екі еселенген препарат дозасын қабылдауға болмайды.

• препараттың компоненттеріне жоғары сезімталдық • бүйректің ауыр жеткіліксіздігі • жүктілік • лактация кезеңі • 6 жасқа дейінгі балалар • геморрагиялық инсульт • лактулоза жақпаушылығы, Lapp – лактаза ферменті тапшылығы, глюкоза-галактоза мальабсорбциясы синдромы

Өте сирек - бөртпе, қышыну, жарыққа сезімталдық Жиілігі белгісіз - сілекей бөлінудің күшеюі, жүрек айнуы, құсу - мазасыздық және қозғыштық, ұйқының бұзылуы. - егде жастағы науқастарда ұзақ уақыт қолдану тремордың дамуына әкелуі мүмкін. - эпигастрий аймағындағы ауыру сезімі, диспепсия - бас ауыруы, ауыздың құрғауы, ашушаңдық – аяқ-қолдың треморы, бұлшықет тонусының жоғарылауы Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары - іштің ауыруы. Балаларда қозу реакциялары басым болады: ұйқысыздық, ашушаңдық, тремор, сирек жағдайларда, қорқыныш-үрейлер, елестеулер, құрысулар. Емі - симптоматикалық.

Арнайы ескертулер Көзішілік қысымның жоғарылауымен байланысты жағдайларда немесе Паркинсон ауруы бар науқастарда сақтықпен қолданған жөн. Бүйректің жеңіл және орташа жеткіліксіздігі жағдайларында (әсіресе, креатинин клиренсі минутына 60 мл кем болса) емдеу дозасын төмендету немесе қабылдаулар арасындағы аралықты ұзарту керек. Бұл препаратты бауыр жеткіліксіздігі бар пациенттерде аса сақтықпен қолдану керек. Бауыр функциясы бұзылған науқастарда бауыр ферменттерінің мәндерін бақылап отыру қажет. Емдеу кезінде алкоголь қабылдаудан бас тарту керек. Препарат спортшыларда жүргізілетін допинг-бақылау кезінде жалғаноң реакция берудің себебі болуы мүмкін. Осы препараттың құрамында лактоза бар. Галактоза жақпаушылығының, Лапп лактаза тапшылығының немесе глюкоза мен галактозаның мальабсорбция синдромының сирек тұқым қуалайтын проблемалары бар пациенттерге бұл препаратты қабылдауға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың көлік жүргізу және техникамен жұмыс істеу қабілетіне әсері туралы деректер жоқ.

Фезам® препаратын жүктілік және лактация кезінде қолдануға болмайды.

Фезам® препаратымен бір мезгілде қабылдағанда ұйықтататын және тыныштандыратын препараттардың, трициклді антидепрессанттар, ноотроптық және гипотензиялық дәрілердің, сондай-ақ этанолдың әсері күшеюі мүмкін. Қан тамырларын кеңейтетін препараттармен бірге қолдану оның әсерін күшейтеді, ал құрамында циннаризиннің болуы гипертензиялық дәрілер белсенділігінің төмендеуіне әкеледі. Препарат қалқанша без гормондарының белсенділігін күшейтіп, діріл және мазасыздық туғызуы мүмкін. Ішу арқылы қабылданатын антикоагулянттардың әсерін күшейтуі мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25° С-ден аспайтын температурада сақтау керек. Балалардың қолы жетпейтін жерде сақтау керек!