ФЕКСОФЕН – сановель таблетки 180 мг

Бір таблетканың құрамында белсенді зат – 180 мг фексофенадин гидрохлориді қосымша заттар: микрокристалды целлюлоза РН101, натрий кроскармеллозасы,желатинделген крахмал, коллоидты кремнийдің қостотығы, поливинилпирролидон К-30, магний стеараты Опадрай Қызғылт II 31F24886 қабықтың құрамы: лактоза моногидраты, гидроксипропилметилцеллюлоза (ГПМС 15сР), титанның қостотығы Е171, полиэтиленгликоль 4000 (ПЭГ), гипромеллоза 15 сР/темірдің (III) қызыл тотығы Е172 (3:1) Сыртқы түрінің, иісінің, дәмінің сипаттамасы Ұзынша пішінді, екі беті дөңес, қызғылт түсті үлбірлі қабықпен қапталған таблеткалар.

- ересектерде және 12 жастан асқан балаларда созылмалы идиопатиялық есекжеммен байланысты симптомдарды жеңілдету үшін

Әсер ету механизмі Фексофенадин гистаминдік Н1–рецепторлардың спецификалық антагонисі болып табылады. Фексофенадин терфенадиннің фармакологиялық тұрғыдан белсенді метаболиті болып табылады. Фексофенадиннің емдік дозаларда антихолинергиялық, антиадренергиялық немесе антидопаминергиялық белсенділігі жоқ. Тіпті жоғары дозаларда да фексофенадин миокардиоциттерде баяу калий өзекшелерін бөгемейді, кардиоуытты әсері болмайды (QT-аралығының ұзаруы, аритмиялар). Фексофенадин гематоэнцефалдық бөгетарқылы өтпейді, демек, седативтік әсер бермейді.

Дозалау режимі Ересектер мен 12 жастан асқан балалар үшін ұсынылатын доза күніне 1 рет тамақтану алдында сумен ішіп қабылдайтын 180 мг құрайды. Курс ұзақтығын емдеуші дәрігер анықтайды. Пациенттердің ерекше топтары Ерекше қауіп топтарындағы (егде жастағы пациенттер немесе бүйрек немесе бауыр функциялары бұзылған пациенттер) зерттеулер мұндай пациенттерде дозаны түзетудің қажеттілігі жоқ екенін көрсетті. Қабылдау әдісі мен жолы Таблеткалар ішке қабылдауға арналған. Фексофенадин мен антацидтерді қабылдауда ұсынылатын аралық 2 сағаттан кем болмауы тиіс. Дәрілік препараттың бір немесе бірнеше дозасын өткізіп алу кезіндегі қажетті шаралар Егер пациент препарат дозасын мерзімінде қабылдамаса, препаратты пациент бұл жөнінде еске түсірген бойда қабылдау керек. Екі есе дозасын қолдануға болмайды. Препаратты қабылдауға кіріспес бұрын, қолдану бойынша кеңес алу үшін медицина қызметкерімен кеңесіңіз.

- фексофенадинге немесе қосымша заттардың кез келгеніне жоғары сезімталдық - 12 жасқа дейінгі балалар - жүктілік және лактация кезеңі - тұқым қуалайтын фруктоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға

Жиі - бас ауыры, ұйқышылдық, бас айналуы - жүрек айнуы Жиі емес - шаршау Белгісіз - ангионевроздық ісіну, кеуденің қысылуы, ентігу, ысыну және жүйелі анафилаксия сияқты көріністермен болатын аса жоғары сезімталдық реакциялары - ұйқысыздық, күйгелектік, ұйқы бұзылулары немесе түнгі қорқынышты түстер/шектен тыс көп түс көру (паронирия) - тахикардия, жүректің жиі соғуы - бұлыңғыр көру - диарея - бөртпе, есекжем, қышыну Жағымсыз дәрілік реакциялар туындаса, дәрілік препараттардың тиімсіздігі туралы хабарламаны қоса, медицина қызметкеріне, фармацевтика қызметкеріне немесе тікелей дәрілік препараттардың жағымсыз реакциялар (әсерлер) бойынша ақпараттық деректер базасына хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Симптомдары: бас айналу, ұйқышылдық, шаршау, ауыздың құрғауы. Емі: симптоматикалық және демеуші ем жүргізу. Фексофенадин гидрохлоридін қаннан гемодиализдің көмегімен шығару тиімсіз.

- препаратты дәрігердің тағайындауымен қолданыңыз - препаратты қолданар алдында қосымша-парақшаны мұқият оқып шығыңыз - түпнұсқалық қаптамада сақтаңыз. Арнайы ескертулер ФЕКСОФЕН-сановель 180 препаратын егде жастағы науқастарға және бауыр немесе бүйрек функциясы бұзылған науқастарға тағайындағанда мұндай науқастарды емдеу туралы деректердің шектеулігіне байланысты сақтық таныту керек. Белгілі жүрек-қантамыр аурулары (өткен немесе ағымдағы) бар науқастарға антигистаминдік препараттар тахикардия және жүрек қағуының күшею сезімі түріндегі жағымсыз реакциялар туындатуы мүмкін екенін ескерту қажет. Педиатрияда қолданылуы ФЕКСОФЕН-сановель 180 препаратының 12 жастан кіші балалардағы тиімділігі мен жағымдылығы зерттелмеді. 6-11 жастағы балаларға фексофенадин гидрохлоридін 30 мг дозада қолданады. Натрий Препараттың әрбір таблеткасының құрамында 30 мг натрий бар, оны тұзсыз диетаны ұстанатын адамдар ескеруі керек.

Фексофенадинді жүктілік кезінде қолдануға болмайды. Емізу кезінде фексофенадинді қолдану ұсынылмайды. Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері Фармакодинамикалық ерекшеліктеріне байланысты ФЕКСОФЕН-сановель 180 автокөлікті жүргізу және механизмдерді басқару қабілетіне ықпалын тигізбейді. Сонда да, дәрілік затқа стандартты емес реакция болған кейбір сезімтал науқастар зейінді жұмылдыруды қажет ететін жұмысқа кірісерде өзінің жекелей реакциясын тексеріп көргені жөн.

Фексофенадин бауырда биотрансформацияланбайды, сондықтан бауырда метаболизденетін басқа препараттармен өзара әрекеттеспейді. Фексофенадин мен омепразол арасында өзара әрекеттесу байқалмады. Алайда, алюминий және магний гидроксиді гельдерін қамтитын антацидті қолдану, фексофенадин гидрохлоридін қабылдаудан 15 минут бұрын, биожетімділіктің төмендеуіне әкелді, бұл асқазан-ішек жолдарында байланысу салдарынан болуы мүмкін. Фексофенадин гидрохлориді мен алюминий және магний гидроксидін қамтитын антацидтерді қабылдау арасында екі сағаттық аралық ұсынылады.Фексофенадин P-гликопротеин (P-gp) және органикалық аниондарды тасымалдаушы полипептидтер (OATP) субстраты болып табылады. Фексофенадинді P-gp тежегіштерімен немесе индукторларымен бірге қолдану фексофенадиннің экспозициясына әсер етуі мүмкін. Фексофенадинді эритромицинмен немесе кетоконазолмен бір мезгілде қабылдағанда фексофенадиннің плазмадағы концентрациясы 2-3 есе артуы мүмкін. QT аралығына әсері бұл өзгерістермен байланысты емес; жағымсыз реакциялардың осы заттардың әрқайсысын бөлек тағайындаумен салыстырғандағы жиілігі артпайды. Фексофенадиннің плазмалық деңгейінің жоғарыда айтылғандай жоғарылауы сіңуінің жақсаруынан және билиарлы немесе асқазан-ішектік экскрецияның төмендеуінен болуы мүмкін. Дәрілік заттардың өзара әрекеттесуі бойынша клиникалық зерттеу апалутамидті (P-gp әлсіз индукторы) және 30 мг бір реттік пероарльді дозадағы фексофенадинді бір мезгілде қолдану фексофенадиннің AUC-ын 30%-ға төмендеткенін көрсетті.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25˚C-ден аспайтын температурада сақтау керек. Балалардың қолы жетпейтін жерде сақтау керек!