Фенибут таблетки 250 мг

Бір таблетканың құрамында белсенді зат –фенибут гидрохлориді (фенибут) – 250 мг, қосымша заттар: лактоза моногидраты, повидон К-25, картоп крахмалы, кальций стеараты. Сыртқы түрінің, иісінің, дәмінің сипаттамасы Ақ немесе аздап сарғыш реңкті ақ, жалпақ цилиндрлік, бір жағынан сызығы және ойығы бар таблеткалар.

• астениялық және үрейлі-невроздық жай-күйлерде: мазасыздық, қорқыныш, үрей • егде жастағы адамдарда ұйқысыздық пен түнгі мазасыздық • күйзеліс жағдайларының профилактикасы, операция алдында • Меньер ауруы, шығу тегі әртүрлі вестибулярлық анализатордың әрекетсіздігімен байланысты бас айналу • кинетоз профилактикасы (жүрек айну, құсу, прострация және вестибулярлық аппараттың бұзылуымен сипатталатын және қозғалатын объектіде, мысалы, қайықта немесе ұшақта туындаған ерекше жағдай) • 8 жастан асқан балаларда кекештенуді, тартылуды емдеу • алкогольді абстиненция синдромын тоқтатуға арналған қосымша дәрі.

ATX коды: N06ВX22. Әсер ету механизмі Ноотропты дәрілер сондай-ақ психометаболитикалық стимулятор аталады, өйткені мидың метаболизмдік үдерістеріне оң ықпал етеді. Фенибут дәрілік затының әсер етуші заты – фенибутты амин-май қышқылының туындысы (ГАМҚ) немесе β-фенилэтиламин туындысы ретінде қарастыруға болады. Фармакодинамикалық әсерлері Фенибут ноотропты белсенділікке, сондай-ақ ГАМҚ туындысы ретінде анксиолитикалық (транквилизациялаушы) әсерге ие. Фенибут холино- және адренорецепторларға әсер етпейді. Фенибут холино- және адренорецепторларға әсер етпейді. Клиникалық тиімділігі мен қауіпсіздігі Дәрілік зат үрейленуді, мазасыздықты, қорқынышты азайтады және ұйқыны жақсартады, сондықтан оны неврозды емдеу үшін және операциялар алдында қолданады. Фенибут ұйықтататын, есірткі, нейролептикалық және паркинсон ауруына қарсы дәрілердің әсерін ұзартады және күшейтеді. Құрысуға қарсы әсерге ие емес. Фенибут нистагмның латентті кезеңін ұзартады және оның ұзақтығын және айқындылығын қысқартады. Фенибут астения мен вазовегетативті симптомдардың байқалуын, оның ішінде бас ауыруын, тамақтағы ауырлық сезімін, ұйқының бұзылуын, ашушаңдықты, эмоциялық ауытқуды анық төмендетеді. Фенибуттің ықпалымен психологиялық көрсеткіштер – назар аудару, жады, сенсорлық-моторлық реакциялардың жылдамдығы және дәлдігі жақсарады. Астениясы бар пациенттерде және эмоциялық ауытқуы бар пациенттерде емнің алғашқы күнінен-ақ субъективті өзін-өзі сезінуі жақсарады, қызығушылығы және бастамашылығы, қызмет мотивациясы жоғарылайды. Антиастеникалық әсерге қатысты (әлсіздік, дімкәстік, гиподинамия, психикалық және физикалық астения) фенибут пирацетамға қарағанда белсенді. Балалар Деректер жоқ

Дозалау режимі Астениялық және үрейлі-невроздық күйлер Доза күніне үш рет 250-500 мг (1-2 таблетка) құрайды. Ең жоғары бір реттік доза 750 мг, 60 жастан асқан пациенттерге – 500 мг құрайды. Емдеу курсы 2-3 аптаны құрайды. Қажет жағдайда курсты 4-6 аптаға дейін ұзартуға болады. Меньер ауруы және шығу тегі әртүрлі вестибулярлық анализатор қызметінің бұзылуымен байланысты бас айналу Шығу тегі инфекциялық болып табылатын вестибулярлық анализатордың қызметі бұзылған кезде және Меньер ауруының өршуі кезеңінде: • доза 5-7 күн бойы күніне үш рет 750 мг (3 таблетка) құрайды; • вестибулярлық бұзылыстар азайған кезде емді 5-7 күн бойы күніне үш рет 250-500 мг (1-2 таблетка) қабылдай отырып жалғастырады; • содан кейін тағы 5 күн бойы күніне бір рет 250 мг (1 таблетка) қабылдайды. Аурудың жеңіл өтуі кезінде 5-7 күн бойы күніне екі рет 250 мг (1 таблетка), содан кейін 7-10 күн бойы күніне бір рет 250 мг қабылдайды. Шығу тегі васкулярлық және жарақат тектес вестибулярлық анализатордың бұзылуынан туындаған бас айналуды жою үшін 12 күн бойы күніне үш рет 250 мг (1 таблетка) қабылдайды. Кинетоздың профилактикасы Доза күтілетін жүрек айнуынан бір сағат бұрын немесе кинетоздың алғашқы симптомдары (мысалы, жүрек айну) пайда болған кезде 250-500 мг (1-2 таблетка) құрайды. Айқын симптомдарда (мысалы, құсу) дәрілік затты қолдану тиімсіз. Алкогольді абстиненция синдромын кешенді түрде емдеудегі қосымша дәрі Алғашқы күндері күніне үш рет 250-500 мг (1-2 таблетка)және түнде 750 мг (3 таблетка)қабылдайды, содан кейін дозаны біртіндеп төмендетеді. Пациенттердің ерекше топтары Балалар Кекештену және тартылу 14 жасқа дейінгі балаларға: күніне үш рет 250 мг (1 таблетка). Емдеу курсының ұзақтығы 2-6 аптаны құрайды. Бауыр жеткіліксіздігі бар пациенттер Бауыр функциясы бұзылған пациенттерге Фенибут препаратының жоғары дозалары бауырға уытты әсерін тигізуі мүмкін. Осы топтағы пациенттердің ең аз тиімді дозаны қабылдауы керек. Бүйрек жеткіліксіздігі бар пациенттер Дәрілік затты емдік дозаларда қабылдау кезінде бүйрек функциясы бұзылған пациенттерге Фенибут препаратының тигізген жағымсыз әсері туралы деректер жоқ. Енгізу әдісі мен жолы Таблеткаларды тамақтан кейін ішке жеткілікті мөлшердегі сумен қабылдау керек. Таблеткаларды шайнауға болмайды. Емдеудің дозасы мен ұзақтығын дәрігер анықтайды. Дәрілік препараттың бір немесе бірнеше дозасын өткізіп алған кезде қажетті шаралар Препараттың дозасын өткізіп алған кезде келесі жоспарланған дозаны дұрыс уақытта қабылдау керек. Өткізіп алған дозаны толтыру үшін қос дозаны қабылдауға болмайды. Тоқтату симптомдары қаупінің болуын көрсету Фенибутты емдік дозадан асатын дозада қолданғанда тәуелділіктің, тоқтату синдромының даму жағдайлары байқалды. Әдебиетте фенибутты қолданумен байланысты тәуелділіктің жекелеген жағдайлары туралы жарияланым бар. Препаратты қолдану бойынша сұрақтар болған жағдайда медициналық қызметкерге жүгіну керек.

• препараттың белсенді затына немесе қосымша заттарына жоғары сезімталдық; • тұқым қуалайтын галактоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы; • 8 жасқа дейінгі балалар; • жүктілік және бала емізу кезеңі.

Фенибут, басқа дәрілік заттар сияқты, барлық пациенттерде байқала бермейтін жағымсыз әсерлерді тудыруы мүмкін. Фенибут әдетте жақсы төзімді. Жағымсыз реакциялардың жіктемесі даму жиілігі бойынша: өте жиі (≥ 1/10), жиі (≥1/100-ден < 1/10-ға дейін), жиі емес (≥1/1 000-нан < 1/100-ге дейін), сирек (≥1/10 000-нан < 1/1 000-ға дейін), өте сирек (<1/10 000), белгісіз (қолда бар деректер негізінде бағалау мүмкін емес). Сирек • аллергиялық реакциялар (тері бөртпесі, қышыну) Белгісіз • аса жоғары сезімталдық реакциялары (есекжем, қышыну, эритема, бөртпе, ангионевроздық ісіну, беттің ісінуі, тілдің ісінуін қоса); • ұйқышылдық (емдеудің басында) • жүрек айнуы (емдеудің басында) • бас ауыруы, бас айналуы (күніне 2 г артық дозаларда қабылдағанда, дозаны төмендеткенде жағымсыз реакциялардың айқындығы төмендейді) • гепатоуыттылық (жоғарғы дозаларды ұзақ қолданғанда). Дәрілік препаратты қабылдағаннан кейін балалардағы эмоционалдық тұрақсыздық пен ұйқының бұзылу жағдайлары туралы хабарланды. Дәрілік затқа төзімділіктің даму жағдайлары туралы деректер бар. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Терапевтік дозаларда препараттың уыттылығы мардымсыз. Симптомдар: ұйқышылдық, жүрек айнуы, құсу, бас айналуы. Жоғарғы дозаларда ұзақ қолданғанда эозинофилия, артериялық гипотензия, бауырдың майлы дистрофиясы, бүйрек функциясының бұзылуы дамуы мүмкін. Маркетингтен кейінгі дәлелдер депрессия (сана деңгейінің төмендеуін, бұлшықет тонусының төмендеуін, мелшию, тыныс алудың қиындауын қоса), температураның реттелмеуі, гипертония немесе гипотония, тахикардия сияқты симптомдармен байланысты жедел артық дозалану жағдайларын көрсетеді. Сондай-ақ психомоторлық қозу, елестеулер, құрысулар және делирий туралы хабарланды. Құрамында фенибут бар, емдік дозадан едәуір асатын тағамдарды тұтынумен байланысты артық дозалану жағдайлары. Емі: улану кезінде асқазанды шаю, белсендірілген көмір қабылдау, демеуші және симптоматикалық ем жүргізіледі. Спецификалық антидот белгісіз.

- Әдеби дәлелдер емдік дозадан асатын құрамында фенибут бар тағамдарды тұтынғаннан кейін тәуелділіктің пайда болуын көрсетеді. - Фенибутты терапевтік дозада қолданудың маркетингтен кейінгі тәжірибесі абстиненттік синдромын көрсетпейді. Алайда, әдеби дәлелдер фенибутты емдік дозадан жоғары дозада қабылдаған кезде оны кенеттен тоқтату ауыр болуы мүмкін және ауруханаға жатқызуды қажет ететін тоқтату синдромына әкелуі мүмкін екенін көрсетеді. Мұндай жағдайларда ұйқысыздық, психомоторлық қозу, психоз, есту және көзге көрінетін елестеулер, үрей, депрессия, бас айналу, құрысулар, жүрек айнуы, құсу, жүрек соғысы және тахикардия туралы хабарланды. Арнайы ескертулер Препараттың тітіркендіргіш әсеріне байланысты асқазан-ішек жолының эрозиялық-ойық жара аурулары бар пациенттерге сақ болу керек. Бұл пациенттерге препараттың аз дозалары тағайындалады. Ұзақ қолданғанда бауыр функциясының көрсеткіштерін және шеткері қан көрінісін бақылау қажет. Препараттың құрамында лактоза моногидраты бар, соның салдарынан оны сирек кездесетін тұқым қуалайтын галактоза жақпаушылығы, лопарьлар лактаза тапшылығы немесе глюкоза-галактаза мальабсорбциясы бар пациенттерге қабылдауға болмайды. Педиатрияда қолдану Препарат 8 жастан асқан балаларда қолдануға арналған. 8 жасқа дейінгі балаларда фенибутты төмен дозада ішуге арналған ерітінді дайындау үшін ұнтақ түрінде қолдану ұсынылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ұйқышылдық, бас айналу немесе орталық жүйке жүйесінің басқа да бұзылыстары бар пациенттер осы жағымсыз әсерлердің көрінісі кезінде көлік құралдарын басқара алмайды немесе механизмдермен жұмыс істей алмайды.

Жануарларға жүргізілген зерттеулерде фенибуттың мутагендік, тератогендік және эмбриоуытты әсері анықталмаған. Жүктілік кезінде және бала емізу кезеңінде қолдануға болмайды, себебі жүктілік және/немесе лактация кезеңінде фенибутты қолдану қауіпсіздігін бағалау бойынша баламалы және жақсы бақыланатын зерттеулер жүргізілген жоқ. Фертильділік Фенибуттың фертильділікке әсері туралы ақпарат жоқ.

Фенибутты және онымен біріктірілетін дәрілік заттардың дозасын азайта отырып, психотроптық препараттармен біріктіруге болады. Фенибут ұйықтататын, есірткілік анальгетиктердің, паркинсон ауруына қарсы дәрілердің, транквилизаторлардың және нейролептиктердің әсерін ұзартады және күшейтеді.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Ылғалдан және жарықтан қорғалған жерде, 25°С-ден аспайтын температурада сақтау керек. Түпнұсқалық қаптамасында сақтау керек. Балалардың қолы жетпейтін жерде сақтау керек!