Фенистил гель

1 г препараттың құрамында белсенді зат - диметинден малеаты 1 мг, қосымша заттар: пропиленгликоль, 30% натрий гидроксидінің ерітіндісі, карбомер, динатрий эдетаты, бензалконий хлоридінің ерітіндісі 50%, тазартылған су. Сыртқы түрінің, иісінің, дәмінің сипаттамасы Гомогенді мөлдір немесе түссізден аздап сарғыш түске дейін сәл бозаңданатын гель.

- дерматоз, есекжем және терінің басқа аллергиялық аурулары, жәндіктер шаққанда, күнге күйгенде, беткейлі күйіктерде терінің қышуын симптоматикалық емдеу. Қолдану басталғанға дейін қажетті мәліметтер тізбесі

Әсер ету механизмі Антигистаминді, аллергияға қарсы және қышынуға қарсы дәрі. Қышудың әртүрлі түрін емдеуде тиімді, қышу мен тітіркенуді тез басады. Гельдің негізі белсенді заты теріге енуін жеңілдетеді. Фармакодинамикалық әсерлері Диметинден H1-рецепторларының гистамин антагонисті болып табылады, рецепторлардың осы түріне жоғары тектестікке ие. Клиникалық тиімділігі және қауіпсіздігі Диметинден аса жоғары сезімталдық реакцияларына тән капиллярлардың өткізгіштігінің жоғарылауын айтарлықтай төмендетеді. Теріге жаққанда тері-аллергиялық реакциялардан туындаған қышыну мен тітіркенуді азайтады. Препарат, сондай-ақ, айқын білінетін жергілікті жансыздандыратын әсерге ие. Сонымен қатар, антикининдік және әлсіз антихолинергиялық әсер береді. Балалар 4.2-бөлімшені қараңыз

Дозалау режимі Ересектер мен 2 жастан асқан балалар: гель терінің зақымданған бөлігіне жұқа қабатпен күніне 2-4 рет жеңіл ысқылау қозғалыстарымен жағып қолданылады. Барынша көп қолдану ұзақтығы: егер препаратты 7 күн қолданғаннан кейін жақсару байқалмаса, дәрігермен кеңесу керек. Ұсынылған дозадан асырмау керек. Енгізу әдісі мен жолы Сыртқа қолдануға арналған.

- диметинденге немесе қосымша заттардың кез келгеніне аса жоғары сезімталдық - жәндіктердің шағуына аллергия (осы мақсатта жүйелік әсер ететін препараттарды қолдану керек).

Жиі емес - терінің құрғауы - жағылған жердегі ашытып күйдіру сезімі Өте сирек - аллергиялық дерматит Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар және медициналық бұйымдарды сараптау ұлттық орталығы» ШЖҚ РМК http://www.ndda.kz

Препараттың көп мөлшерін кездейсоқ жұтқан немесе жергілікті қолдану кезінде Н1-гистаминдік рецепторлар блокаторларының артық дозалануына тән симптомдар білінуі мүмкін. Симптомдары Ұйқышылдығы бар орталық жүйке жүйесінің бәсеңдеуі (негізінен ересектерде), орталық жүйке жүйесінің стимуляциясы және қозу, атаксия, елестеулер, тонусты және клонустық құрысулар, қарашықтың кеңеюі, ауыздың құрғауы, бет гиперемиясы, несеп шығарудың кідіруі, қызбалармен білінетін антимускаринді симптомдар (негізінен балаларда). Сондай-ақ гипотония пайда болуы мүмкін. Емі Симптоматикалық емдеу. Қажеттілігі болған жағдайда дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады

Фенистил гель препаратын терінің ауқымды бөліктерінде қолданған кезде күн сәулесінің әсерінен аулақ болу керек. Қосымша заттар туралы ақпарат Пропиленгликоль: терінің аздап жергілікті тітіркенуін тудыруы мүмкін. Бензалконий хлориді: тітіркендіргіш дәрі болып табылады және терінің реакциясын тудыруы мүмкін. Жүктілік және бала емізу кезінде қолданғанда, анаға зиянды әсерлері күтілмейді, өйткені бензалконий хлориді тері арқылы аз мөлшерде сіңеді. Арнайы ескертулер Педиатрияда қолдану 2 жасқа дейінгі балаларда препаратты тек дәрігердің бақылауымен қолдану керек. Препаратты нәрестелер мен жасы кішкентай балаларға терінің ауқымды бөліктеріне қолдануға болмайды, әсіресе ашық жаралары және қабыну құбылыстары болған кезде. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті және қауіптілігі зор механизмдерді басқару қабілетіне әсер етпейді.

Фенистил гелін жүктілік кезінде тек ананың пайдасы шарана үшін ықтимал қауіптен асып кеткен жағдайда және тек дәрігердің бақылауымен қолдануға болады. Фенистил гелін жүктілік кезінде терінің ауқымды бөліктерінде, әсіресе қабыну немесе ашық жаралар болған кезде қолдануға болмайды. Емшек емізу кезінде терінің ауқымды бөліктерінде, әсіресе қабыну құбылыстары немесе ашық жаралар болған кезде қолдану ұсынылмайды. Бала емізетін аналарға Фенистил гельді сүт бездерінің емшек ұшына жағуға болмайды.

Зерттеулер жүргізілген жоқ, алайда диметинден малеатының төмен абсорбциясы салдарынан препаратты жергілікті қолдану кезінде басқа дәрілік заттармен өзара байланысу ықтималдығы аз.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада. Балалардың қолы жетпейтін жерде сақтау керек!