Фенкарол® таблетки 25 мг

Бір таблетканың құрамында белсенді зат – хифенадин гидрохлориді 50 мг, қосымша заттар: картоп крахмалы, қант, модификацияланған жүгері крахмалы, кальций стеараты. Сыртқы түрінің, иісінің, дәмінің сипаттамасы Ойығы бар тегіс цилиндр пішінді, ақ немесе ақ дерлік түсті таблеткалар.

• поллиноздар • жедел және созылмалы есекжем • аллергиялық ринит • аллергиялық конъюнктивит • Квинке (ангионевроздық) ісіну • дерматоздар (экзема, нейродермит, терінің қышынуы) • тағамдық және дәрілік аллергия

Жүйелі әсер ететін антигистаминдік препараттар. Жүйелі әсер ететін антигистаминдік басқа препараттар. Хифенадин. АТХ коды: R06АХ31 Әсер ету механизмі Хифенадин гидрохлориді гистаминге қарсы дәрі (хинуклидилкарбинол туындысы) болып табылады, гистаминнің ағзаларға және ағзалар жүйесіне әсерін азайтады. Осы топтың классикалық дәрілерінен айырмашылығы, хифенадин гидрохлоридінің қосарлы әсер ету механизмі бар, ол шеткері тіндерде гистаминдік Н1 рецепторларды бөгейді, сондай-ақ диаминоксидаза энзимін (гистаминазаны) белсендіреді, осылайша тіндерде гистаминнің концентрациясын төмендетеді. Бұл гистаминге қарсы басқа дәрілермен емдеу тиімді болмаған науқастар үшін хифенадин гидрохлоридінің тиімді болуымен түсіндіріледі. Фармакодинамикалық әсерлері Хифенадин гидрохлориді липофильділігі төмен, сондықтан гематоэнцефалдық бөгет арқылы елеусіз мөлшерде өтеді, ми тіндерінде серотониннің аминсіздену үдерісіне және моноаминоксидазаның белсенділігіне аз әсер етеді. Хифенадин гидрохлориді гистаминнің уытты әсерін төмендетеді, бронхоконстрикторлы әсерін және ішектің тегіс бұлшықеттеріне спазмогендік ықпалын жояды немесе бәсеңдетеді, гистаминнің гипотензиялық әсерін және қантамырлар өткізгіштігіне ықпалын әлсіретеді. Хифенадин гидрохлориді серотонинге қарсы орташа әсері және әлсіз холинолитикалық белсенділігі бар, адренолитикалық белсенділігі жоқ. Клиникалық тиімділігі және қауіпсіздігі Хифенадин гидрохлориді айқын білінетін қышынуға қарсы және десенсибилизациялайтын әсер етеді.

Дозалау режимі Ересектерге арналған доза – күніне 3-4 рет 25-50 мг-ден. Ең жоғары тәуліктік доза 200 мг құрайды. Емдеу курсының ұзақтығы 10-20 күнді құрайды. Қажет болған кезде курс қайталанады. Енгізу әдісі мен жолы Фенкаролды тамақтан соң бірден ішу керек. Дәрілік препараттың бір немесе бірнеше дозасын өткізіп алу кезіндегі қажетті шаралар Егер қабылдауды өткізіп алсаңыз, еске түсе салысымен препаратты қабылдаңыз, бірақ келесі қабылдау уақыты болып қалса, онда өткізіп жіберіңіз. Ешқашан қосарланған дозаны қабылдамаңыз.

• әсер етуші затқа немесе препараттың қосымша заттарына аса жоғары сезімталдық • жүктіліктің алғашқы үш айы; жүктіліктің қалған кезеңінде де қолдану ұсынылмайды • емшек емізу кезеңі • 18 жасқа дейінгі балалар

Жиі • ауыз қуысы шырышты қабығының құрғауы Жиі емес • бас ауыруы, ұйқышылдық • диспепсиялық бұзылыстар (жүрек айнуы, құсу), олар әдетте дозаны азайтқан немесе препаратты тоқтатқан кезінде жоғалады Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдар: дәрілік затты жоғары дозада қабылдау шырышты қабығының құрғауын, бас ауыруын, құсуды, эпигастрий тұсының ауыруын және диспепсиялық құбылысты туғызуы мүмкін. Емі: организмнің өмірлік мәні бар функциясына симптоматикалық және демеуші ем қамтамасыз ету керек. Арнайы антидоты жоқ.

Арнайы ескертулер Жүрек-қантамыр жүйесінің, асқазан-ішек жолының және бүйрек және/немесе бауырдың күрделі ауруы кезінде сақ болу керек. Препараттың құрамында қант бар. Препаратты сирек туа біткен фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігі бар пациенттерге қолдануға болмайды. Педиатрияда қолдану Балаларға Фенкарол препаратының 10 мг және 25 мг таблеткасын қолдану ұсынылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Жылдам физикалық немесе психикалық реакцияны (көлік жүргізушілері және басқалары) талап ететін жұмыспен айналысатын адамдарға препараттың ұйқышылдық әсер ететін-етпейтіндігін алдын ала (қысқа мерзімдік тағайындау жолымен) анықтап алу керек. Ұйқышылдық әсері байқалған адамдарға көлік құралдарын немесе қауіпті механизмдерді басқару ұсынылмайды.

Жүктіліктің алғашқы үш айында қолдануға болмайды. Жүктіліктің қалған кезеңінде де қолдану ұсынылмайды. Хифенадин гидрохлориді емшек сүтіне бөліну-бөлінбеуі белгісіз, сондықтан емшек емізу кезеңінде препаратты қолдану ұсынылмайды.

Хифенадин гидрохлориді ұйықтататын дәрілердің ОЖЖ-ға бәсеңдететін әсерін күшейтпейді. Хифенадин гидрохлориді әлсіз М-холиноблокаторлық қасиеттерге ие, бірақ асқазан-ішек жолының моторикасы төмендеген кезде баяу абсорбцияланатын препараттардың (мысалы, әсер етуі тікелей емес антикоагулянттар – кумариндер) сіңуі күшеюі мүмкін.

Сақтау мерзімі 4 жыл. Жарамдылық мерзімі өткеннен кейін қолдануға болмайды. Сақтау шарттары 25 С-ден аспайтын температурада сақтау керек. Балалардың қолы жетпейтін жерде сақтау керек!