Ферлатум раствор 800 мг/15 мл

15 мл бір дозалы 1 құтының ішінде: белсенді зат – темір протеинсукцинилаты 800 мг, (Fe3+ 40 мг баламалы), қосымша заттар: сорбитол, пропиленгликоль, натрий метилпарагидроксибензоаты, натрий пропилпарагидроксибензоаты, қарабүлдірген хош иістендіргіші (құрамында пропиленгликоль бар), натрий сахарині, натрий гидроксиді, тазартылған су. Сыртқы түрінің, иісінің, дәмінің сипаттамасы Жағымды иісі бар мөлдір қоңыр ерітінді.

Созылмалы қан жоғалту аясында, жүктілік кезінде, емізу кезеңінде балалар мен ересектердегі темір тапшылығын және жасырын немесе клиникалық айқын темір тапшылығы анемиясын емдеу.

Әсер ету механизмі: Ферлатум-бұл 5,0% ± 0,2% үш валентті темірден тұратын темір-ақуыз кешенін құрай отырып, темір сукцинилденген сүт ақуыздарымен байланысқан дәрілік зат болып табылады. Фармакодинамикалық әсерлері: темір ерігіштігінің ерекше профилі арқасында протеинсукцинилат байланысқан темірді ұстай тұрып, тұнбаға асқазандағы қышқылдық жағдайында түседі. Содан кейін Темір молекулалық ақуыз фракциялары панкреатиялық протеазалармен сіңіріліп жатқан кезде ішектің шырышты қабығымен темірдің сіңуін қамтамасыз ете отырып, он екі елі ішектегі сілтілі рН жағдайында қайтадан ерігіш болады.

Дозалау режимі Ересектер: күніне 1-2 контейнер (күніне 40-80 мг Fe3+ баламалы), дәрігердің ұсыныстарына сәйкес, екі рет, дұрысы, тамақтану алдында қабылдау керек. Балалар: контейнерден 1,5 мл/кг/күн (4 мг/кг/күн Fe3+ - ге баламалы) немесе дәрігердің ұсыныстарына сәйкес, екі рет, дұрысы, тамақтану алдында қабылдау керек. Ең жоғары тәуліктік доза: препараттың клиникалық зерттеулері препаратты жоғарыда көрсетілген дозаларда қолдану арқылы жүргізіледі (ересектер: күніне 1600 мг; балалар: күніне 1,5 мл/кг темір протеинсукцинилаты); препараттың неғұрлым жоғары дозаларының клиникалық тиімділігі мен көтерімділігі туралы деректер жоқ. Емдеу ұзақтығы емдеу ағзадағы темірдің қалыпты қоры толық қалпына келгенге дейін жалғасуы тиіс (әдетте екі-үш ай).

- әсер етуші затқа немесе қосымша заттардың кез келгеніне аса жоғары сезімталдық, - гемосидероз, гемохроматоз - апластикалық анемия - гемолитикалық анемия - темірдің дұрыс утилизацияланбауы салдарынан туындаған анемия - созылмалы панкреатит - гемохроматоздан туындаған бауыр циррозы

Өте сирек, ең жоғары доза қабылдағанда - асқазан-ішек бұзылыстары: іш қату, диарея, жүрек айнуы, эпигастрийдегі ауырсыну. Осы құбылыстар дозаны төмендету немесе препаратты қолдануды тоқтату арқылы жойылады. Құрамында темір бар заттар нәжісті қара түске немесе қою сұр түске бояуы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша ақпараттық дерекқорға тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Темір тұздарының жоғары дозаларын қабылдағаннан кейін эпигастрийде ауырсыну жағдайы болып, көбінесе ұйқышылдықпен, бозарумен, цианозбен қатар жүретін жүрек айну, құсу, диарея және қанды құсу пайда болуы мүмкін, сонымен бірге, комаға дейінгі шок жағдайы орын алуы мүмкін. Ем құсықты келтіретін дәріні дереу қабылдаумен жүргізіледі, содан кейін, қажет болған жағдайда, асқазанды шаю секілді және басқа да қосымша шаралар қолданылады. Қажет болған кезде дезферриоксамин секілді темірмен кешенді қосылыстарды түзетін препараттар қабылдануы мүмкін.

Сипатталмаған. Арнайы ескертулер Ферлатумды балалардың қолы жетпейтін жерде сақтау керек. Темір жетіспеушілігін немесе темір тапшылығы анемиясын тудыратын негізгі патологиялық жағдай болып табылатын кез-келген ауруды дұрыс анықтап, емдеу керек. Препараттың құрамына сүт ақуыздары жақпайтын пациенттердің аллергиясын тудыруы мүмкін сүт ақуыздары кіретін болғандықтан, оны осы аталған пациенттерге сақтықпен қолдану керек. Көтерімділік немесе тәуелділік қаупі туралы арнайы ескертулер қажет емес. Тұрақты қан кету, меноррагия немесе жүктілік жағдайларын қоспағанда, емдеу ұзақтығы 6 айдан аспауы тиіс. Кейбір ингредиенттер туралы маңызды ақпарат: Препараттың бір дозалы құтысының құрамында: - сорбит (E420) 1400 мг Құрамында сорбит (немесе фруктоза) бар дәрілік заттарды бірге қабылдаудың аддитивті әсерін және тағаммен сорбитты (немесе фруктозаны) тәуліктік тұтынуды ескерген жөн. Пероральді қолдануға арналған дәрілік препараттардағы сорбиттің құрамы бір мезгілде тағайындалатын пероральді қолдануға арналған басқа дәрілік препараттардың биожетімділігіне әсер етуі мүмкін. Тұқым қуалайтын фруктоза жақпаушылығы бар пациенттерге бұл препаратты тағайындауға болмайды; - натрий метилпарагидроксибензоаты тұзы және натрий пропилпарагидроксибензоаты тұзы баяу аллергиялық реакцияларды тудыруы мүмкін; - пропиленгликоль 61,1 мг: этанол секілді алкогольді дегидрогеназаны кез-келген субстратпен бірге тағайындау жаңа туған нәрестелерде айтарлықтай жағымсыз әсерлерді тудыруы мүмкін. Бұл препарат ең көп дегенде ересек адам үшін 2 г натрийге сәйкес келетін ДДҰ ұсынған ең жоғары тәуліктік рационның 2,33% - на баламалы бір дозалы құты үшін 46,7 мг (2 ммоль) натрийді құрауы мүмкін. Жүктілік және бала емізу кезінде ерекше ескертулер жоқ; Ферлатум осындай жағдайларда байқалуы мүмкін темір тапшылығы кезінде ұсынылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Осы препараттың көлік құралдарын басқару және әртүрлі механизмдерді пайдалану қабілетіне әсері туралы мәліметтер жоқ. Дегенмен, мұндай әсердің ықтималдығы аз.

Нұсқаулықта көрсетілмеген.

Темір тетрациклиндердің, бисфосфонаттардың, хинолонды инфекцияға қарсы агенттердің, пеницилламиннің, тироксиннің, леводоптардың, карбидоптардың, альфа-метилдоптардың сіңірілуін немесе биожетімділігін төмендетуі мүмкін. Ферлатум препаратын осы препараттардың кез келгенін қабылдағаннан кейін 2 сағат аралықпен қабылдау керек. Темірдің сіңірілуі 200 мг астам аскорбин қышқылын бір мезгілде қолданғанда артуы немесе антацидтерді бір мезгілде қолданғанда төмендеуі мүмкін. Хлорамфеникол темір препараттарымен емдеуге кешеуілдеген кері реакцияны тудыруы мүмкін. Препаратты H2-гистаминдік рецепторлар блокаторларымен бір мезгілде қолданғанда фармакологиялық өзара әрекеттесу болмайды. Көкөністер мен сүт, кофе және шай құрамында болатын темір бар кешенді түзгіштер (фосфаттар, фитаттар және оксалаттар секілді) темірдің сіңуін тежейді. Ферлатум препаратын осы өнімдердің немесе сусындардың кез келген түрін қабылдағаннан кейін 2 сағат аралықпен қабылдау керек

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!