Ферровит® – С сироп 100 мл

100 мл шәрбаттың құрамында белсенді зат: 3.40 г темір сульфаты гептагидраты (0.685 г темірге (II) шаққанда) қосымша заттар: аскорбин қышқылы,сорбитол Е 420, натрий сахарині, тағамдық хош иістендіргіш, лимон қышқылы моногидраты, тазартылған су Сыртқы түрінің, иісінің, дәмінің сипаттамасы Қышқылтым-тәтті дәмімен жеміске тән иісі бар, солғын жасылдан қоңырқай-сары түске дейінгі шәрбат тәрізді мөлдір сұйықтық

Төмендегілермен байланысты болуы мүмкін темір тапшылығы анемиясын емдеуде және оның профилактикасында: • толыққанды емес диетамен (тағамдағы жеміс, көкөніс, ет жеткіліксіздігінде); • организмнің темірді көп қажет етуінде (жүктілікте, бала емізуде, балалар мен жасөспірімдердегі қарқынды өсу кезеңінде).

Әсер ету механизмі Ферровит – С - анемияға қарсы дәрі, пероральді қабылдауға арналған екі валентті темірдің кешенді препараты. Темір организмнің тіршілік әрекеті үшін қажет, ол гемоглобиннің, миоглобиннің, әртүрлі ферменттердің құрамына кіреді; оттегін қайтымды байланыстырады және тотығу-тотықсыздану реакцияларының бірқатарына қатысады. Қалыпты эритропоэз үшін темір қажет. Темір депо тіндердің (сүйек кемігі, бауыр, көкбауыр) құрамында болады. Аскорбин қышқылы (С дәрумені) тотығу-тотықсыздану үдерісіне қатысады, антиоксидант болып табылады. Гемоглобиннің түзілуіне, эритроциттердің жетілуіне ықпал етеді, фолий қышқылының метаболизміне қатысады, темірдің ас қорыту жолында сіңуін арттырады, коагуляция үдерісіне қатысады, капилляр-протекторлық әсер береді.

Дозалану режимі Препарат дозасы және емнің ұзақтығы темір тапшылығының айқындығына байланысты. Егер емдеуші дәрігер өзге дозаларды тағайындамаса, онда төменде келтірілген нұсқауларды қатаң ұстану керек Ересектер мен 6 жастан бастап балаларға: тәулігіне 2-3 рет 5 мл-ден. Пациенттердің ерекше топтары Балалар Ферровит® – С - шәрбаты – 2 жастан асқан балалар үшін ең ыңғайлы түрі. Тәуліктік доза: 12 кг дене салмағына 5 мл. 2-ден 6 жасқа дейінгі балаларға: тәулігіне 1-2 рет 5 мл. Енгізу әдісі және жолы Ішуге тікелей тамақтанар алдында немесе тамақтану кезінде азғантай сұйықтық мөлшерімен (жеміс шайы немесе су) қабылдайды. Темір сіңірілуінің төмендеуін болдырмау үшін, қара шаймен, кофемен, сүтпен ішуге болмайды. Емдеу ұзақтығы Гемоглобиннің қалыпты көрсеткіштеріне қол жеткізгеннен кейін, Ферровит®–С препаратымен емдеуді тағы кемінде 8-12 апта бойы жалғастырады. Дәрілік препараттың бір немесе бірнеше дозасын өткізіп алу кезіндегі қажетті шаралар Қабылданбай қалған дозаның орнын толтыру үшін қосарлы дозаны қолданбаңыз. Тоқтату симптомдарының қаупі бар екенін көрсету Қатысты емес. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Дәрілік препаратты қабылдар алдында кеңес алу үшін дәрігерге жүгініңіз.

• әсер етуші заттарға немесе қосымша заттардың кез келгеніне аса жоғары сезімталдық • гемосидероз, гемохроматоз • гемолиздік және аплазиялық анемия (темір утилизациясының бұзылуы) • асқазан резекциясынан, қан кетуден кейінгі жағдай • бауыр мен бүйректің созылмалы аурулары • лейкоздар • қан құю бірнеше рет алған пациенттер • темір препараттарын парентеральді енгізу • сидероахрестикалық анемия, қорғасынмен улану кезіндегі анемия • кешеуілдеген тері порфириясы • тұқым қуалайтын фруктоза жақпаушылығы бар пациенттер • 2 жасқа дейінгі балалар

Жиі • тәбеттің жоғалуы, ауыздағы ащы дәм, дозасын азайтқанда жоғалып кететін • метеоризм, іш қату немесе диарея • бас ауыруы, бас айналуы, тері гиперемиясы • темір сульфидінің түзілуі салдарынан нәжістің қара түске боялуы • тістердің қараюы (сондықтан, шәрбатты қабылдаған соң ауызды мұқият • шаю немесе шәрбатты түтікше арқылы қабылдау керек) Сирек • аллергиялық реакциялар (терінің қышынуы, бөртпе) • абдоминальді ауыру, тіс ауыруы, тамақ ауыруы, жүрек айнуы, құсу, әлсіздік, төстің қысылу сезімі, ашушаңдық, эпигастральді аймақта ауырлық сезімі • анафилаксиялық шок, эпилепсиялық синдроммен энцефалопатия. Белгісіз (қолда бар деректер негізінде бағалау мүмкін емес) • стоматит Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Балаларда темір препараттарымен уыттанудың жоғары қаупі бар, 1 г темір сульфатын қабылдағанда өмірге қауіп төндіретін жағдайлар туындауы мүмкін. Сондықтан темір препараттарын балалардың қолы жетпейтін жерде сақтау керек. Симптомдары: препараттың өте үлкен дозаларын кездейсоқ қабылдаған кезде, біріншіден, геморрагиялық гастроэнтерит, жүрек айнуы, іштің ауыруы, диарея мен қан аралас құсу; ауыр жағдайларда - цианоз, сананың шатасуы, ацидоз салдарынан гипервентиляция және шеткері циркулярлық коллапс пайда болады. Ремиссия шамамен 4-6 сағаттан кейін байқалады. 12-24 сағаттан кейін Чейн-Стокс типіндегі тыныс алудың бұзылуымен терең шок, олигурия, уытты гепатитке байланысты болатын сарғаюлар, уытты бауыр жеткіліксіздігі мен коагулопатия дамуы мүмкін. Кейбір жағдайларда салдану, құрысулар, кома сияқты орталық жүйке жүйесінің бұзылулары; сирек – қан ұйығыштығының бұзылуы басым болуы мүмкін. Өліммен аяқталуы негізінен шок баяу жүргенде болуы мүмкін. Қалпына келу кезеңінде – сирек асқазан-ішек стриктуралары ішек асқынуларымен. Емі: спецификалық ем жүргізгенге дейін асқазаннан әлі сіңірілмеген препаратты шығару бойынша шараларды (азқазанды шаю) қабылдайды, сүт, шикі жұмыртқа береді. Спецификалық емді дефероксаминді (десфералды) ішке және парентеральді тағайындаумен жүргізеді. Жедел улану кезінде АІЖ-нан сіңірілмеген темірді байланыстыру үшін 10-20 ампула ішіндегісін ауыз суда еріту жолымен, 5-10 г препарат береді. Улану құбылыстары дамығанда дефероксаминді б/і баяу енгізеді, балаларға - 15 мг/сағ, ересектерге - 5 мг/кг/сағ (жеңіл уланғанда тәулігіне 80 мг/кг дейін - б/і балаларға әрбір 4-6 сағат сайын 1 г, ересектерге - 50 мг/кг-ден (тәулігіне 4 г/ дейін). Шок дамуымен қатар жүретін ауыр жағдайларда пациенттерде 1 г препаратты вена ішіне тамшылатып енгізеді және симптоматикалық ем жүргізеді. Өліммен аяқталу негізінен пациенттерді шок аясында уақытында емдемеуден болуы мүмкін. Гемодиализ темірді шығару үшін тиімсіз, бірақ темір-дефероксаминдік кешеннің шығарылуын жеделдету үшін пайдалануға болады, сондай-ақ олиго- және анурия кезінде тағайындалуы мүмкін. Перитонеальді диализ қолдануға да болады. Темір препараттарымен курстық емдеу кезінде сарысулық темір деңгейін және басқа да қан сарысуы көрсеткіштерін жүйелі бақылау қажет. Ауыр уыттану кезінде - Унитиол (натрий димеркаптопропансульфонаты) парентеральді. Нейроуытты кешендердің түзілу мүмкіндігіне байланысты Унитиолды (натрий димеркаптопропансульфонаты) сақтықпен қолдану керек.

Сақтықпен: Асқазанның және он екі елі ішектің ойық жаралы ауруы, ішектің қабыну аурулары (энтерит, дивертикулит, ойық жаралы колит, Крон ауруы), алкоголизмі (белсенді немесе ремиссия сатысында), аллергиялық аурулары, бронх демікпесі, гепатиті, бауыр немесе бүйрек жеткіліксіздігі, ревматоидты артриті бар пациенттерге , қан құю кезінде. Темір сіңірілуінің төмендеуін болдырмау үшін, қара шаймен, кофемен, сүтпен бірге ішуге болмайды. Одан өзге, сіңірілудің төмендеуіне қатты тағам, нан, шикі дақылдар, сүт өнімдері, жұмыртқа себеп болуы мүмкін. Препаратты курспен тағайындағанда гемоглобинді жүйелі бақылау қажет. Пациенттердің тісінде қайтымды қара өңездің пайда болуының профилактикасы үшін тамшыны сұйылтылмаған түрде қабылдауға болмайды, ал ас ішуден кейін тісті мұқият тазалау ұсынылады. Ескерту! Темір препараттарымен емдеу кезінде пациенттерде қара нәжіс байқалуы мүмкін, бірақ бұл мұндай емдеудің емдік тиімділігіне әсерін тигізбейді. Темір препараттарымен емдеу кезінде нәжісті жасырын қанға тексеру жалған оң нәтиже беруі мүмкін. Арнайы сақтандырулар Ферровит® – С шәрбатының құрамында қосымша зат ретінде cорбитол (Е420) болады, оны тұқым қуалайтын фруктоза жақпаушылығы бар пациенттерге қолдануға болмайды және орташа іш жүргізетін әсер етеді. 1 мл Ферровит® – С шәрбатының құрамында 1,69 ккал бар. Педиатрияда қолдану Ферровит® – С шәрбаты балаларда 2 жастан бастап қабылданады Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат психомоторлық дағдыларды, автокөлік жүргізу және қозғалатын механизмдерді басқару қабілетін нашарлатпайды.

Жүктіліктің бірінші триместрінде стандартты рацион темірдің талапқа сай мөлшерін қамтамасыз етеді, алайда жүктіліктің 2-ші және 3-ші триместрінде, темірге қажеттілік артқан кезде, оны толықтыру қажеттілігі туындауы мүмкін. Бала емізу кезінде темірге қажеттілік артады.

Темір препараттары тетрациклиндердің, магний трисиликатының, пеницилламиннің және мырыш тұздарының сіңірілуін төмендетеді. Тетрациклиндер темірдің сіңуін азайтады және мұндай өзара әрекеттесуді болдырмауға болады, ол үшін тетрациклиндерді темір қабылдағаннан кейін 3 сағаттан соң немесе алдын-ала, 2 сағат бұрын тағайындау керек. Темірдің сіңуі темір препараттарын антацидтермен, кальций тұздарымен бір мезгілде қабылдағанда, шай, кофе, жұмыртқа пайдаланғанда, құрамында бикарбонаттар, карбонаттар, оксалаттар немесе фосфаттар бар тағам мен дәрілерді ішкенде, рационда сүт өнімдерінің, ірі тартылған ұннан жасалған нанның, құрамында дақыл дәндері немесе талшықтар бар тағамның болуынан төмендеуі мүмкін. Сондықтан темір препараттарын мұндай дәрілік заттар мен тағам өнімдерін пайдаланудан 1 сағат бұрын немесе пайдаланғаннан кейін 2 сағатқа дейін ішке қабылдау ұсынылмайды. Темір препараттары кейбір хинолондардың (мысалы, ципрофлоксациннің, норфлоксациннің, офлоксациннің) сіңірілуін олардың қан сарысуы мен несептегі концентрациясын төмендете отырып, азайтады. Сондықтан мұндай дәрілерді темір препараттарын қабылдағаннан кейін 2 сағаттан ерте қабылдамау ұсынылады. Левомицетин сүйек кемігінің қызыл өсіндісінің темірмен емдеуге реакциясын баяулатуы мүмкін. Салицил қышқылының препараттары, қабынуға қарсы стероидты емес дәрілер және темір өздерінің асқазан-ішек жолындағы жергілікті тітіркендіргіш әсерлерін өзара күшейтеді. Темірдің концентрациясы онымен эстрогендерді бір мезгілде тағайындағанда жоғарылайды, өйткені соңғысы бауырдағы трансферрин өнімін арттырады.

Сақтау мерзімі 1 жыл Құтының бірінші ашылуынан кейінгі препаратты қолдану кезеңі 28 күн. Жарамдылық мерзімі өткеннен кейін қолдануға болмайды. Сақтау шарттары 30º С-ден аспайтын температурада, герметикалық тығындалған ыдыста сақтау керек. Балалардың қолы жетпейтін жерде сақтау керек!