Филграстим Сандоз® раствор 48 млн. ЕД /0.5 мл

Бір шприц ішінде белсенді зат – филграстим*, 0.30 мг (30 млн. ӘБ) немесе 0.48 мг (48 млн. ӘБ), қосымша заттар: глутамин қышқылы, сорбитол, полисорбат 80, натрий гидроксиді жеткілікті мөлшерде, инъекцияға арналған су. *Рекомбинантты филграстим құрамында 1.5 – 2.5 мг/мл арГ-КСФ, 10 мM глютамин қышқылы, 5% көлем/салмақ сорбитол бар, pH 4.4 EP2006 балк ерітіндісі түрінде жасалады. Адамның рекомбинантты гранулоциттік колония стимуляциялайтын факторы (арГ-КСФ) E. coli штаммынан рекомбинантты ДНҚ технологиясы әдісімен өндіріледі. Сыртқы түрінің, иісінің, дәмінің сипаттамасы Мөлдір, түссіз немесе сәл сарғыш ерітінді.

- сүйек кемігі трансплантациясына ұласатын миелоаблативті ем алатын пациенттерде нейтропенияның ұзақтығын және фебрильді нейтропенияның туындау жиілігін қысқарту мақсатында қатерлі жаңа түзілімге байланысты цитоуытты химиотерапия алатын пациенттерде нейтропения ұзақтығын және фебрильді нейтропенияның пайда болу жиілігін қысқарту (созылмалы миелолейкоз және миелодисплазиялық синдромдарды қоспағанда), бұл ұзақ ауыр нейтропения қаупінің жоғары факторы болып саналады. Филграстим Сандоз® тиімділігі мен қауіпсіздігі балалар мен ересектерде цитоуытты химиотерапия жүргізу кезінде салыстырмалы - Шеткері дің жасушаларын (ҚШДЖ) мобилизациялау - Филграстрим ауыр туа біткен, мерзімді немесе нейтрофилдердің абсолютті саны (НАС) 0.5 × 109/л идиопатиялық нейтропениясы бар және анамнезінде ауыр немесе қайталамалы инфекциялары бар пациенттерге (балаларға немесе ересектерге) нейтрофилдердің санын арттыруға бағытталған ұзаққа созылатын емде, инфекциялық асқынулар жиілігін төмендету және ұзақтығын қысқарту үшін көрсетілген. - нейтропенияны бақылаудың басқа шаралары пациенттердегі бактериялық инфекциялар қаупін төмендетуге жеткіліксіз болатын персистирлеуші нейтропенияда (нейтрофилдердің абсолютті саны 1 × 109/л және одан аз) АИТВ инфекциясының толық сатысында.

Нұсқаулықта көрсетілмеген.

Филграстим Сандоз® дәрілік заты Филграстим инновациялық препаратының биосимиляры болып табылады. Филграстим Сандоз® препаратын емдеу қажетті диагностикалық мүмкіндіктер бар болғанда, гранулоциттік колония стимуляциялайтын фактор қолдану тәжірибесі бар онкология-гематология орталығының мамандарымен өзара бірлестікте жүргізілуі тиіс. Мобилизация және аферез емшаралары осы салада тиісті жұмыс тәжірибесі және гемопоэздің жасуша-ізашарларына қажетті мониторинг жасау мүмкіндігі бар онкология-гематология орталығының мамандарымен өзара бірлестікте жүргізілуі тиіс. Дозалау режимі Цитоуытты химиотерапия Филграстим Сандоз® препаратының ұсынылатын тәуліктік дозасы тәулігіне 0.5 млн. ӘБ/кг (тәулігіне 5 мкг/кг) құрайды. Препараттың алғашқы дозасын цитоуытты химиотерапия курсынан кейін 24 сағат өткен соң барып енгізген жөн. Филграстим Сандоз® препараты клиникалық қан талдауында жалпы нейтрофилдер саны күтілетін надирден асатын және қалыпты мәндерге жететін кезге дейін күн сайын енгізіледі. Тығыз ісіктер, лимфомалар және лимфолейкоз себебімен цитоуытты химиотерапиядан кейін көрсетілген мәндерге жеткенше, емдеу ұзақтығы 14 күнге дейін құрайды. Жедел миелоидты лейкоздың индукциялық және консолидациялық емінен кейін емдеу мерзімдері едәуір ұзаруы (38 күнге дейін) мүмкін және қолданылған цитоуытты химиотерапия түріне, дозасына және сызбасына байланысты белгіленеді. Цитоуытты химиотерапия алатын пациенттерде нейтрофилдер санының өткінші көбеюі, әдетте, Филграстим Сандоз® препаратымен емдеуді бастаған соң 1-2 күн өткенде байқалады. Дегенмен де, тұрақты емдік әсерге жету үшін Филграстим Сандоз® препаратымен емдеуді нейтрофилдердің саны күтілетін надирден асып кететін және қалыпты мәндерге жететін кезге дейін жалғастыру қажет. Нейтрофилдердің саны надир арқылы өтіп кеткенше Филграстим Сандоз® препаратымен емдеуді мерзімінен бұрын тоқтату ұсынылмайды. Енгізу әдісі және жолы: Филграстим Сандоз® препаратын тәулігіне 1 рет теріастылық инъекциялар түрінде немесе алдын ала 5% глюкоза ерітіндісінде сұйылтып, тәулігіне 1 рет 30 минут бойы вена ішіне инфузиялар түрінде енгізіледі. Көп жағдайда тері астына енгізу жолы жақсырақ. Бір реттік дозаны вена ішіне енгізгенде Филграстим Сандоз® препараты әсерінің ұзақтығы қысқаруы мүмкін. Филграстим Сандоз® препаратының дозаларын көп реттік қолдануға қатысты осы деректердің клиникалық мәні анықталмаған. Енгізу әдісін таңдау нақты клиникалық жағдайдың ерекшеліктеріне байланысты және әрбір пациент үшін жеке анықталады. Сүйек кемігінің трансплантациясына ұласатын миелоаблативті ем алатын пациенттер Ұсынылатын Филграстим Сандоз® препаратының бастапқы дозасы тәулігіне 1 млн. ӘБ/кг (тәулігіне 10 мкг/кг) құрайды. Алғашқы Филграстим Сандоз® препаратының дозасын цитоуытты химиотерапияны жүргізген соң 24 сағат өткеннен кейін және сүйек кемігі инфузиясынан кейін 24 сағаттан кешіктірмей енгізген жөн. Дозаны түзету: нейтрофилдер (надир) санын барынша азайтқан соң тәуліктік Филграстим Сандоз® препаратының дозасын нейтрофилдер санының өзгеруіне байланысты келесі үлгіде түзету қажет: Нейтрофилдердің абсолютті саны (НАС) — Филграстим Сандоз® препаратының дозасын түзету Қатарынан 3 күн бойы НАС > 1 ×109/л — Дозаны тәулігіне 0.5 млн. ӘБ/кг-ға дейін төмендету (тәулігіне 5 мкг/кг) Артынан келесі 3 күн қатарынан егер НАС > 1 ×109/л болса — Филграстим Сандоз® препаратын тоқтату Егер емделу кезінде НАС <1 ×109/л-ге дейін төмендесе, Филграстим Сандоз® препаратының дозасын жоғарыда берілген сызбаға сәйкес қайта арттырады Енгізу әдісі және жолы: Филграстим Сандоз® препаратын 30-минуттық немесе 24-сағаттық вена ішіне инфузия түрінде немесе тері астына енгізуге болады. Филграстим Сандоз® препаратын 20 мл 5% глюкоза ерітіндісінде сұйылту керек. Қанның шеткері дің жасушаларын (ҚШДЖ) мобилизациялау ҚШДЖ аутологиялық трансплантациясына ұласатын миелосупрессиялық немесе миелоаблативті ем алатын пациенттер Филграстим Сандоз® препаратын монотерапия ретінде қолданылғанда ҚШДЖ мобилизациялау үшін ұсынылатын доза қатарынан 5-7 күн бойы тәулігіне 1 млн. ӘБ/кг (тәулігіне 10 мкг/кг) құрайды. 5-ші және 6-шы күні лейкаферездің 1-2 сеансы жүргізіледі. Кейбір жағдайларда лейкаферездің 1 сеансы қосымша жүргізіледі. Филграстим Сандоз® препаратының дозасын лейкаферез аяқталғанша өзгертуге болмайды. Енгізу әдісі мен жолы: Филграстим Сандоз® препаратын 24 сағат бойы ұзақ вена ішіне инфузия түрінде немесе тері астына инъекциялар түрінде енгізеді. Филграстим Сандоз® 20 мл 5% глюкоза ерітіндісінде сұйылту керек. Миелосупрессиялық химиотерапиядан кейін ҚШДЖ мобилизациялау үшін ұсынылатын Филграстим Сандоз® дозасы химиотерапия курсы аяқталған соң бірінші күннен бастап және нейтрофилдердің саны күтілетін надирден өткенше және қалып шегіне жеткенше, күн сайын тәулігіне 0.5 млн. ӘБ/кг (тәулігіне 5 мкг/кг) құрайды. НАС <0.5 ×109/л-ден >5 × 109/л-ге дейін артатын кезең ішінде лейкаферез жүргізген жөн. Қарқынды химиотерапия алмаған пациенттерге 1 лейкаферез сеансы жүргізіледі. Жекелеген жағдайларда лейкаферездің қосымша сеанстарын жүргізу ұсынылады. Енгізу әдісі және жолы: Филграстим Сандоз® препаратын тері астына инъекция түрінде енгізеді. ҚШДЖ аллогенді трансплантациясы алдындағы дені сау донорлар Дені сау донорларда ҚШДЖ аллогенді трансплантациясы алдында ҚШДЖ мобилизациялау үшін ұсынылатын Филграстим Сандоз® препаратының дозасы 4-5 күн қатарынан тері астына тәулігіне 1 млн. ӘБ/кг (тәулігіне 10 мкг/кг) құрайды. Лейкаферез 5-ші күннен бастап жүргізіледі және реципиенттің дене салмағының кг 4×106 CD34+ жасушалар алу мақсатында, қажет болса, 6-шы күнге дейін жалғасады. Енгізу әдісі және жолы: Филграстим Сандоз® препаратын тері астына инъекция түрінде енгізеді. Ауыр созылмалы нейтропения (АСН) Енгізу әдісі және жолы: Филграстим Сандоз® препаратын тері астына инъекция түрінде енгізеді. Туа біткен нейтропения Ұсынылатын бастапқы доза тәулігіне 1.2 млн. ӘБ/кг (тәулігіне 12 мкг/кг) бір рет немесе бөлшектелген дозалармен. Идиопатиялық және мерзімді нейтропения Ұсынылатын бастапқы доза тәулігіне 0.5 млн. ӘБ/кг (тәулігіне 5 мкг/кг) бір рет немесе бөлшектелген дозалармен. Филграстим Сандоз® препаратының дозасын таңдау Филграстим Сандоз® препаратын күн сайын 1.5×10 9 /л нейтрофилдер санының көрсеткішінен тұрақты асып кеткенге дейін енгізіледі. Емдік әсерге жетуден кейін осы деңгей сақталу үшін тиімді ең төмен доза белгіленеді. Нейтрофилдердің керекті санын сақтау үшін ұзақ уақыт күн сайын Филграстим Сандоз® препаратын енгізу қажет болады. 1-2 апта ем алғаннан кейін бастапқы дозаны екі еселеуге немесе ем тиімділігіне қарай жартысына азайтуға болады. Кейіннен әр 1-2 аптада 1.5×109/л-ден 10×109/л-ға дейінгі аралықта нейтрофилдердің орташа санын сақтау үшін дозаны түзету әркімде жеке жүргізіледі. Ауыр инфекциялары бар пациенттерде дозаны жылдам арттыру схемасын қолдануға болады. Емдеуге оң жауап берген пациенттердің 97% - да тәулігіне 24 мкг/кг-ға дейін дозаларды тағайындағанда толық емдік әсері байқалады. АТН бар пациенттерде тәулігіне дене салмағына 2.4 млн. ӘБ/кг-дан (24 мкг/кг/тәулік) көп дозаларда тағайындалғанда Филграстим Сандоз® препаратының ұзақ мерзімді қауіпсіздігі анықталмаған. АИТВ-инфекция Енгізу әдісі және жолы: Филграстим Сандоз® препаратын тері астына инъекция түрінде енгізеді. Нейтрофилдер санының қалыпқа келуі Филграстим Сандоз® препаратының бастапқы ұсынылатын дозасы тәулігіне 0.1 млн. ӘБ/кг (тәулігіне 1 мкг/кг) құрап, нейтрофилдер саны (НАС > 2×109/л) дейін қалыпқа келгенше, доза барынша тәулігіне 0.4 млн. ӘБ/кг-ға дейін арттырылады. Нейтрофилдер санының қалыпқа келуі әдетте 2 күннен кейін келеді. Сирек жағдайларда (пациенттердің <10%) нейтрофилдер санын қалыпқа келтіру үшін Филграстим Сандоз® препаратының дозасын тәулігіне 1 млн. ӘБ/кг (тәулігіне 10 мкг/кг) дейін арттыруға болады. Нейтрофилдердің қалыпты санын сақтау Реверсивті нейтропенияға жеткеннен кейін нейтрофилдердің қалыпты саны сақталу үшін тиімді ең төмен доза белгіленуі тиіс. Тәулігіне 30 млн. ӘБ/кг (тәулігіне 300 мкг/кг) дозалаумен кезектестіру үшін бастапқы дозаны түзету ұсынылады. Әрі қарай нейтрофилдердің > 2,0х109/л санын сақтау үшін пациенттегі НАС бойынша анықталатын дозаны түзету қажет болуы мүмкін. Клиникалық зерттеулерде > 2.0х109/л НАС сақталу үшін аптасына 1-7 күн бойы тәулігіне 30 млн. ӘБ/кг (тәулігіне 300 мкг/кг) дозалануы қажет болды, орташа жиілікпен доза аптасына 3 күн енгізіледі. Ұзақ қолдану > 2.0х109/л НАС сақталуын талап етуі мүмкін. Пациенттердің ерекше топтары Бүйрек/бауыр функциясы бұзылған пациенттер Бүйрек немесе бауыр жеткіліксіздігі ауыр пациенттерде дозаны түзету қажет емес, өйткені олардың фармакокинетикалық және фармакодинамикалық көрсеткіштері дені сау еріктілердегіге ұқсас. АТН және қатерлі жаңа түзілімдері бар балалар АТН сынағында зерттелген пациенттердің 65%-ы 18 жасқа дейінгі пациенттер болды. Осы жас тобы үшін емдеудің тиімділігі айқын болды, топта туа біткен нейтропениясы бар пациенттердің көпшілігі қамтылды. АТН себебімен ем алған балалардағы қауіпсіздік бейіндерінде айырмашылықтар байқалмаған. Клиникалық зерттеулер деректері цитоуытты химиотерапия алған ересектерде де, балаларда да Филграстим Сандоз® препаратының қауіпсіздігі мен тиімділігінің бірдей екенін көрсетеді. Балаларға арналған дозалау бойынша ұсыныстар миелосупрессивті цитоуытты химиотерапия алатын ересектер үшін бірдей. Егде жастағы пациенттер Клиникалық зерттеулерде егде жастағы пациенттердің шектеулі санына байланысты, егде жастағы пациенттерде Филграстим Сандоз® препаратын қолдану жөнінде ерекше нұсқаулар жоқ. Пациенттердің осы санатында қосымша зерттеулер жүргізілмеген. Енгізуге дейін сұйылту Филграстим Сандоз® препаратын 5% (50 мг/мл) глюкоза ерітіндісінде сұйылту керек. Сұйылту тура енгізер алдында атқарылады, алайда 0,2 млн. ӘБ/мл-ден аз (2 мкг/мл) соңғы концентрацияға дейін сұйылту ұсынылмайды. 1,5 млн. ӘБ/мл-ден аз (15 мкг/мл) концентрацияларда сұйылтқанда 2 мг/мл концентрациясына жеткенше, қосымша адамның сарысулық альбуминін қосу қажет. Мысалы: 20 мл ерітінді көлеміне және 30 млн. ӘБ-ден аз (300 мкг) жалпы Филграстим Сандоз® препаратының дозасына жету үшін 0,2 мл 20% адамның сарысулық альбумині ерітіндісін (200 мг/мл, Еуропалық Фармакопея) қосымша қосу қажет. Филграстим Сандоз® препаратын 5% (50 мг/мл) глюкоза ерітіндісімен сұйылтқан кезде шынымен және поливинилхлорид, полиолефин (полипропилен мен полиэтилен сополимері) және полипропилен қамтылатын әртүрлі пластмассалармен үйлесімді. Филграстим Сандоз® препаратын 5% глюкоза ерітіндісін қоспағанда, натрий хлоридінің ерітіндісімен және басқа дәрілік заттармен сұйылтуға болмайды. Ине сақтандырғышы бар алдын ала толтырылған шприцті пайдалану Ине сақтандырғышы инъекциядан кейін инемен жарақаттанбау үшін инені көмкереді. Бұл шприцтің жұмысына әсер етпейді. Препараттың барлығы енгізілгенше және поршеньді әрі қарай жылжыту мүмкін болмағанша, поршеньді баяу және біркелкі басыңыз. Поршеньді басып тұрып, пациенттен шприцті шығарып алыңыз. Поршеньді босатқанда иненің сақтандырғышы инені жабады. Әр шприц бір рет қолдануға ғана арналған және ашылған соң дереу пайдаланылуы тиіс. Егер ерітінді дереу пайдаланылмаған жағдайда пайдаланушыға сақтау ұзақтығы және шарттары үшін жауапкершілік жүктеледі. Инъекцияны дербес енгізу бойынша нұсқаулар Бұл бөлімде Филграстим Сандоз® препаратының инъекциясын өздігінен қалай енгізу керектігі туралы ақпарат бар. Инъекцияны дәрігер немесе медбике/мейіргер Сізді тиісті емшараға үйреткен жағдайда ғана орындау керек. Филграстим Сандоз® препараты бар шприц инені қорғайтын арнайы құрылғымен немесе онсыз ұсынылуы мүмкін. Дәрігер немесе медбике/мейіргер Сізге тиісті түрдегі шприцпен қалай жұмыс істейтінін көрсетеді. Егер Сіз инъекцияны қалай жасау керектігін білмесеңіз немесе сұрақтарыңыз пайда болса, дәрігеріңізден немесе медбикеден/мейіргерден көмек сұраңыз. Назар аударыңыз! Егер шприц қатты беткейге түсіп кетсе немесе ине қақпағын алып тастағаннан кейін құлап кетсе, оны қолданбаңыз. • Қолыңызды жуыңыз. • Бір шприцті қаптамадан шығарып, инъекцияға арналған иненің қорғаныш қақпағын шешіңіз. Шприцке сатыланған сақиналар жазылған, бұл қажет болған жағдайда, препараттың бір бөлігін ғана енгізуге мүмкіндік береді. Шкаланың әрбір бөлінуі 0,1 мл көлеміне сәйкес келеді. Егер дозаны ішінара енгізу қажет болса, инъекцияның алдында ерітіндінің қажетсіз бөлігін алып тастаңыз. • Инъекция орнындағы теріні спирттік сүрткімен тазалаңыз. • Теріні үлкен және сұқ саусақпен қысып, қатпар қалыптастырыңыз. • Инені теріге тез және сенімді қозғалыспен енгізіңіз. Дәрігердің ұсынымдарына сәйкес Филграстим Сандоз® препаратының ерітіндісін енгізіңіз. Егер Сізде емшараға байланысты күмән туындаса, дәрігерге немесе фармацевтке хабарласыңыз. Инені арнайы қорғау құрылғысыз алдын ала толтырылған шприц Тері қатпарын қысқан күйінде ұстап тұрып, поршеньге баяу және біркелкі басыңыз. Сұйықтықты енгізгеннен кейін инені шығарып, теріні босатыңыз. Пайдаланылған шприцті утилизациялау контейнеріне салыңыз. Әрбір шприцті тек бір инъекция үшін қолдануға болады. Дәрілік препараттың бір немесе бірнеше дозасын өткізіп алған кезде қажетті шаралар Егер Сіз инъекцияны өткізіп алған болсаңыз немесе препаратты тым аз енгізген болсаңыз, дереу дәрігермен байланысыңыз. Өткізіп алған дозаны өтеу үшін қосарлы дозаны енгізбеңіз. Дәрілік препаратты қолдану тәсілін түсіндіру үшін медицина қызметкеріне кеңес беру үшін жүгіну бойынша ұсынымдар Дәрілік препаратты қолдану тәсілінің түсіндірмесін алу үшін кеңес алу үшін медициналық қызметкерге жүгіну ұсынылған.

- препараттың белсенді затына немесе кез келген басқа қосымша заттарына аса жоғары сезімталдық - жүктілік және лактация кезеңі - миелодисплазиялық синдром (МДС) және созылмалы миелолейкоз - фруктозаның тұқым қуалайтын жақпаушылығы (құрамында сорбитол бар)

Филграстиммен емдеу кезінде туындауы мүмкін анағұрлым күрделі жағымсыз әсерлер: анафилаксиялық реакцияны, тыныс алу ағзалары тарапынан елеулі жағымсыз әсерлерді (интерстициалық пневмонияны және ЖРДС қоса алғанда), капиллярдың жоғары өткізгіштік синдромын, көкбауырдың ауыр спленомегалиясын/жарылуын, АСН бар пациенттерде Миелодисплазиялық синдромға немесе лейкемияға трансформациялауды, сүйек кемігінің аллогенді трансплантациясын немесе шеткері дің жасушаларының трансплантациясын алған пациенттерде трансплантатты қабылдамау реакциясын (GvHD) және орақ жасушалы анемиясы бар пациенттерде орақ жасушаларының кризін қамтиды. Гипертермия, сүйек-бұлшықет ауруы (сүйек ауруы, арқа ауруы, артралгия, миалгия, аяқ-қолдың ауыруы, сүйек-бұлшықет ауыруы, кеуде бұлшықет-қаңқа ауыруы, мойын ауыруы), анемия, құсу және жүрек айнуы сияқты жағымсыз әсерлер туралы анағұрлым жиі хабарланған. Клиникалық зерттеулер кезінде онкологиялық науқастарда кездесетін жағымсыз әсерлердің арасында бұлшықет-қаңқаның ауыруы тіркелген, пациенттердің 10% - да әлсіз және орташа және 3% - да күшті. Филграстимді пайдалану кезінде тіркелген жағымсыз реакциялардың жиілігі туралы жалпыланған деректер ағзалар жүйесінің кластары (MedDRA) мен жиілігі бойынша төмендегі 1-кестеде келтірілген. Жағымсыз реакциялар жиілігі бойынша топтарға былайша бөлінген: өте жиі (≥1/10) жиі (≥1/100-ден <1/10) жиі емес (≥ 1/1000 - ден <1/100-ге дейін) сирек (≥ 1/10000-ден <1/1000) өте сирек (<1/10000) жиілігі белгісіз (қолда бар деректер бойынша жиілік белгіленуі мүмкін емес) Клиникалық зерттеулер кезінде және өздігінен хабарлау жолымен тіркелген жағымсыз әсерлер. Әрбір топта жағымсыз әсерлердің жиілігі ауырлықтың төмендеуі тәртібімен ұсынылған Инфекциялар мен инвазиялар Жиі - сепсис, бронхит, жоғарғы тыныс алу жолдарының инфекциясы, несеп шығару жолдарының инфекциясы Қан және лимфа жүйесі тарапынан бұзылулар Өте жиі - тромбоцитопения, анемия e Жиі - спленомегалия а, гемоглобин деңгейінің төмендеуі e Жиі емес - лейкоцитоз а Сирек - көкбауырдың жарылуы a, кризбен орақ тәрізді жасушалы анемия, экстрамедуллярлық гемопоэз Иммундық жүйе тарапынан бұзылулар Жиі емес - дәрілік препаратқа аса жоғары сезімталдықа, «қожайынға қарсы трансплантат» реакциясы b Сирек - анафилаксиялық реакция Метаболизм мен тамақтанудың бұзылуы Жиі - тәбеттің төмендеуі е, қандағы лактатдегидрогеназа мөлшерінің жоғарылауы Жиі емес - гиперурикемия, қандағы несеп қышқылының жоғары мөлшері Сирек - қандағы глюкозаның төмен мөлшері a, пирофосфаттардың тұндыруынан туындаған хондрокальциноз, сұйықтық көлемінің бұзылуы Психикалық бұзылулар Жиі - ұйқысыздық Жүйке жүйесі тарапынан бұзылулар Өте жиі - бас ауыруы а Жиі - бас айналу, гипестезия, парестезия Қантамырлар тарапынан бұзылулар Жиі - гипертензия, гипотензия Жиі емес - венооклюзиялық ауру d Сирек - капиллярлардың тесілу синдромы, а аортит Тыныс жүйесі, кеуде қуысы ағзалары және көкірек ортасы тарапынан бұзылулар Жиі - қан түкіру, ентігу, жөтел а, ауыз қуысы мен тамақтың ауыруы а, е, мұрыннан қан кету Жиі емес - ересектердің респираторлық дистресс-синдромы а, тыныс алудың бұзылуы а, өкпенің ісінуі а, өкпеден қан кету, өкпенің интерстициалық ауруы а, өкпенің инфильтрациясы a, гипоксия Асқазан-ішек жолы тарапынан бұзылулар Өте жиі - диарея a, e, құсу a, e, жүрек айнуы a Жиі - ауыз қуысының ауыруы, іш қатуы e Бауыр мен өт шығару жолдарының бұзылуы Жиі - гепатомегалия, қандағы сілтілік фосфатаза деңгейінің жоғарылауы Жиі емес - аспартатаминотрансфераза деңгейінің жоғарылауы - гамма-глутамилтрансфераза деңгейінің жоғарылауы Тері және теріасты шелмайы тарапынан бұзылулар Өте жиі - таздану a Жиі - бөртпе a, эритема Жиі емес - макулопапулезді бөртпе Сирек - тері васкулиті a, Свит синдромы (жедел фебрильді нейтрофильді дерматоз) Қаңқа бұлшықеттері мен дәнекер тіндері тарапынан бұзылулар Өте жиі - бұлшықет-қаңқа ауыруы c Жиі - бұлшықеттің түйілуі Жиі емес - остеопороз Сирек - Сүйек тығыздығының төмендеуі, ревматоидты артриттің өршуі Бүйрек және несеп шығару жүйесі тарапынан бұзылулар Жиі - дизурия, гематурия Жиі емес - протеинурия Сирек - гломерулонефрит, несептің патологиялық өзгерістері Жалпы бұзылулар және препаратты енгізген жердегі жағдай Өте жиі - шаршау а, шырышты қабықтың қабынуы а, пирексия Жиі - кеуде ауыруы a, ауырсыну a, астения a, дімкәстік e, шеткері ісіну e Жиі емес - инъекция орнындағы реакция Жарақаттар, улану және емшараға байланысты асқынулар Жиі - трансфузиялық реакция e a «Жекелеген жағымсыз реакциялардың сипаттамасы» бөлімін қараңыз. b Сүйек кемігінің аллогенді трансплантациясынан кейін пациенттерде «қожайынға қарсы трансплантант» реакциясының дамуы және өліммен аяқталған жағдайлар туралы деректер бар (с бөлімі). c Сүйектің ауыруы, арқаның, буындардың, бұлшықеттердің, аяқ-қолдың ауыруы, бұлшықет-қаңқа ауыруы, кеуденің қаңқа-бұлшықет ауыруы, мойын ауыруы кіреді. d Жағдайлар постмаркетингтік кезеңде сүйек кемігінің трансплантациясын немесе ҚШДЖ мобилизациясын алатын пациенттерде тіркелді e Плацебо тобымен салыстырғанда филграстим қабылдайтын және фондық қатерлі жаңа түзілімдер немесе цитоуытты химиотерапия туындатқан салдарға байланысты пациенттерде жиі кездесетін жағымсыз реакциялар. Жеке жағымсыз реакциялардың сипаттамасы «Қожайынға қарсы трансплантат» реакциясы «Қожайынға қарсы трансплантант» реакциясының даму жағдайлары және сүйек кемігінің аллогенді трансплантациясынан кейін арГ-КСФ қабылдаған пациенттерде өлім жағдайлары туралы есептер келіп түсті. Капиллярлардың жоғары өткізгіштік синдромы арГ-КСФ пайдалану кезінде капиллярлар өткізгіштігінің жоғарылау синдромының жағдайлары. Әдетте, бірнеше химиотерапиялық дәрілерді қабылдайтын немесе бұрын қабылдаған ауыр қатерлі жаңа түзілімдері мен сепсисі бар пациенттерде пайда болды. Тері васкулиті Постмаркетингтік кезеңде Филграстим Сандоз® препаратын қабылдаған пациенттерде тері васкулиті тіркелді. Филграстим Сандоз® препаратын алатын пациенттерде васкулиттің даму механизмі белгісіз. Ұзақ мерзімді қолданғанда АСН бар пациенттердің 2% - да тері васкулиті тіркелді. Свит синдромы Филграстиммен ем қабылдаған пациенттерде Свит синдромы (жедел фебрильді нейтрофильді дерматоз) жағдайлары туралы хабарланды. Тыныс алу ағзаларына әсері Клиникалық зерттеулер мен постмаркетингтік кезең аралығында өкпенің интерстициалық ауруларын, өкпенің ісінуін және кейбір жағдайларда тыныс алудың бұзылуымен немесе жедел респираторлық дистресс-синдромымен өкпенің инфильтрациясын қоса алғанда, тыныс алу жүйесінің жағымсыз әсерлер тіркелді. Спленомегалия және көкбауырдың жарылуы Филграстим Сандоз® препараты тағайындалғаннан кейін көкбауырдың спленомегалиясы мен жарылуы жағдайлары туралы хабарланған. Көкбауыр жарылуының кейбір жағдайлары өлімге әкеп соққан. Аса жоғары сезімталдық Анафилаксияны, бөртпені, аллергиялық бөртпені, ангионевроздық аллергиялық ісінуді, тыныс алудың қиындағанын және емдеудің бастапқы немесе кейінгі сатысындағы артериялық қысымның төмендегенін қоса алғанда, жоғары сезімталдық реакциялары клиникалық зерттеулер кезінде және постмаркетингтік кезең уақытында тіркелген. Жалпы, вена ішіне енгізгеннен кейін хабарлар жиі келіп түсті. Кейбір жағдайларда, симптомдар Филграстим Сандоз® препаратын қолдануды сынамалы жаңарту кезінде қайталанды, осының негізінде себеп-салдарлық байланыс туралы болжауға болады. Егер айтарлықтай аллергиялық реакция дамыса, Филграстим Сандоз® препаратын қолдануды тоқтату керек. Жалған подагра Филграстим Сандоз® препаратын қолданғаннан кейін онкологиялық науқастарда жалған подагра жағдайы тіркелді. Лейкоцитоз Лейкоцитоз (лейкоциттер>50x109/л) донорлардың 41%-ында, ал уақытша тромбоцитопения (тромбоциттер <100x109/л) донорлардың 35%-ында Филграстим Сандоз® препаратын лейкаферезін қолданғаннан кейін тіркелген. Балалар Балалардағы клиникалық зерттеулер деректері Филграстим Сандоз® препаратын қауіпсіздігі мен тиімділігі цитоуытты химиотерапия алатын ересектер мен балаларда ұқсас екенін көрсетеді, сондықтан ересектер мен балаларда Филграстим Сандоз® препаратын фармакокинетикасында айырмашылықтар жоқ. Жалғыз жағымсыз әсері-бұлшықет-қаңқаның ауыруы, бұл ересектердегі осындай әсерден өзгеше емес. Филграстим Сандоз® препаратын балаларды емдеуде одан әрі бағалау үшін деректер саны жеткіліксіз. Егде жастағы пациенттер Цитоуытты химиотерапия алатын (>18 жас) жас ересек пациенттермен салыстырғанда 65 жастан асқан пациенттер арасында қауіпсіздікте және тиімділікте жалпы айырмашылықтар жоқ. Сондай-ақ клиникалық зерттеулер кезінде егде және жас ересек пациенттер арасында айырмашылықтар анықталмаған. Басқа бекітілген айғақтарды емдеуде балаларда Филграстим Сандоз® препаратын қолдануды бағалау үшін деректердің жеткіліксіз саны бар. АСН бар балалар Филграстим Сандоз® препаратын қабылдаған созылмалы нейтропениясы ауыр балаларда сүйек тіні мен остеопороз тығыздығының төмендеу жағдайлары тіркелді. Клиникалық зерттеулер деректерінің негізінде жиілік жиі бағаланады. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Филграстим Сандоз® препаратының артық дозалануының салдары анықталмаған. Филграстим Сандоз® препаратымен жүргізілген емді тоқтату әдетте 1-2 күн ішінде қан айналымдағы нейтрофилдердің 50%-дық төмендеуіне әкеледі, қалыпты деңгейге 1-7 күннен кейін қайтарылады.

Филграстим Сандоз® белгіленген дозалау режимдерінен тыс цитоуытты химиотерапияның дозасын арттыру үшін тағайындамаған жөн. Сақтық шаралары Филграстим Сандоз® лейкемия дамыған немесе лейкемияның даму симптомдары бар ауыр туа біткен нейтропениясы бар пациенттерге тағайындамаған жөн. Аса жоғары сезімталдық Филграстим Сандоз® қабылдайтын пациенттерде бастапқы немесе кейінгі емдеу кезінде болатын анафилаксиялық реакцияларды қоса алғанда, аса жоғары сезімталдық реакциялары туралы хабарланды. Клиникалық маңызды аса жоғары сезімталдығы бар пациенттердің Филграстим Сандоз® қабылдауын тоқтату қажет. Филграстим Сандоз® анамнезінде филграстимге немесе пегфилграстимге аса жоғары сезімталдығы бар пациенттерге тағайындауға болмайды. Тыныс алу ағзаларына әсері Тыныс алу ағзаларына жағымсыз әсер етудің сирек жағдайлары, атап айтқанда, арГ-КСФ қолдану аясында интерстициалық пневмонияның дамуы туралы хабарламалар бар. Өкпенің инфильтративті ауруын немесе пневмонияны жақында бастан өткерген пациенттердің қаупі жоғары болуы мүмкін. Өкпенің инфильтративті зақымдануымен және үдемелі тыныс алу жеткіліксіздігінің белгілерімен бірге жөтел, дене температурасының жоғарылауы және ентігу сияқты симптомдардың пайда болуы рентгенологиялық зерттеу кезінде жедел респираторлық дистресс-синдромның (ЖРДС) болуын болжауға мүмкіндік береді. ЖРДС анықталған жағдайда, Филграстим Сандоз® қабылдауды тоқтатады және тиісті емдеуді тағайындайды. Гломерулонефрит Филграстиммен және пегфилграстиммен емдеу кезінде пациенттерде гломерулонефрит даму жағдайлары тіркелген. Гломерулонефрит дамыған жағдайда дозаны төмендету немесе филграстим және пегфилграстимді қолдануды тоқтату керек. Несепті талдау мониторингі ұсынылады. Капиллярлардың жоғары өткізгіштік синдромы арГ-КСФ қабылдағаннан кейін өмірге қауіп төндіретін және гипотензиямен, гипоальбуминемиямен, ісінумен және қанның қоюлануымен сипатталатын, капиллярлардың жоғары өткізгіштігінің даму жағдайлары туралы хабарланды. Капиллярлардың жоғары өткізгіштігі анықталған пациенттер мұқият бақылануы және интенсивті ем қажеттілігін қамтуы мүмкін, стандартты симптоматикалық ем қабылдауы керек. Спленомегалия және көкбауырдың жарылуы Негізінен, спленомегалияның симптомсыз жағдайлары туралы, сондай-ақ дені сау донорларда және филграстим қабылдаған пациенттерде көкбауыр жарылуының сирек жағдайлары туралы мәліметтер бар. Көкбауыр жарылуының кейбір жағдайлары өліммен аяқталған. Осыған байланысты көкбауырдың көлемін мұқият бақылау қажет (клиникалық тексеру кезінде және УДЗ әдісімен). Донорларда және/немесе пациенттерде іш қуысының жоғарғы сол жақ бөлігінде немесе иықтың жоғарғы бөлігінде ауырсыну пайда болғанда көкбауырдың жарылу қаупін ескеру керек. Филграстим Сандоз® дозасын азайту көкбауыр мөлшерінің ұлғаюын баяулатады немесе тоқтатады; пациенттердің 3% - да спленэктомияны өткізу қажеттілігі туындауы мүмкін. Клиникалық тексеру кезінде көкбауырдың мөлшерін үнемі бақылау қажет. Қатерлі жасушалардың өсуі арГ-КСФ миелоидты жасушалардың in vitro өсуін стимуляциялауы мүмкін. Миелодисплазиялық синдром немесе созылмалы миелолейкоз Миелодисплазиялық синдромы (МДС) және созылмалы миелолейкозы бар пациенттерде Филграстим Сандоз® қолданудың қауіпсіздігі мен тиімділігі анықталмаған, сондықтан бұл аурулар кезінде оны қолдану ұсынылмайды. Емдеу алдында созылмалы миелолейкоз мен жедел миелолейкоздың бласт-трансформациясы арасында мұқият сараланған диагноз қою қажет. Жедел миелоциттік лейкоз Екінші жедел миелоциттік лейкозы (ЖМЛ) бар пациенттер үшін Филграстим Сандоз® қауіпсіздігі мен тиімділігі туралы деректер шектеулі болғандықтан, Филграстим Сандоз® сақтықпен тағайындау керек. Қалыпты цитогенетикалық бейіні [t(8; 21), t(15; 17) және inv(16)] 55 жасқа дейінгі ЖМЛ бар пациенттерге алғаш тағайындалған Филграстим Сандоз® қауіпсіздігі мен тиімділігі анықталмаған. Тромбоцитопения Филграстим қабылдаған пациенттерде тромбоцитопенияның даму жағдайлары туралы хабарланды. Тромбоциттер санын, әсіресе филграстиммен емдеудің алғашқы бірнеше аптасында мұқият бақылау керек. Лейкоцитоз Қандағы лейкоциттер саны дене салмағының 0.3 млн.бірл./кг (0.0003 мг/кг) артық Филграстим Сандоз® тәуліктік дозасын алған онкологиялық науқастардың 5% - нан кем дегенде 100×109/л-ге жетеді немесе одан асады. Ауырлық дәрежесі лейкоцитоздың дамуына тікелей байланысты қандай да бір жағымсыз әсерлер туралы мәліметтер жоқ. Дегенмен, ауыр лейкоцитозбен байланысты ықтимал қауіпті ескере отырып, Филграстим Сандоз® препаратымен емдеу кезінде лейкоциттер санын үнемі бақылау қажет. Егер лейкоциттердің саны күтілетін надирге жеткеннен кейін 50×109/л-дан асып кетсе, Филграстим Сандоз® қолдануды дереу тоқтату керек. Егер Филграстим Сандоз® ҚШДЖ мобилизациялау үшін қолданылса, лейкоциттердің саны > 70×109/л-ға дейін ұлғайған кезде дозаны тоқтату немесе қысқарту қажет. Иммуногендігі Терапиялық протеиндерді тағайындау кезінде иммуногенділіктің даму қаупі бар. Филграстим Сандоз® антиденелерді генерациялау қарқыны жалпы төмен. Антиденелердің байланыстырылуы барлық биологиялық препараттарда болады, бірақ қазіргі уақытта бұл белсенділікті бейтараптандыруға байланысты емес. Аортит ГКСФ қолданғаннан кейін аортит дені сау еріктілерде де, онкологиялық аурулары бар пациенттерде де байқалған. Бақыланған симптомдарға қызба, іштің ауыруы, әлсіздік, белдің ауыруы және қабыну маркерлерінің (мысалы, Среактивті ақуыздың және лейкоциттер санының) жоғарылауы кірді. Көптеген жағдайларда аортит КТ көмегімен диагностикаланған және әдетте ГКСФ тоқтатылғаннан кейін басылған. Сондайақ «Жағымсыз реакциялар» бөлімін қараңыз. Айрықша нұсқаулар және қатарлас аурулар кезіндегі сақтық шаралары Орақ жасушалы анемия кезіндегі айрықша нұсқаулар Орақ жасушалы анемиямен бар пациенттерде жедел гемолиздік криз (өзгерген жасушалар санының артуы), кейде өліммен аяқталатын жағдайлар байқалған. Дәрігерлер орақ жасушалы анемияға шалдыққан пациенттерге филграстимді сақтықпен тағайындау керек. Остеопороз Қатарлас сүйек патологиясы және остеопорозы бар пациенттерге Филграстим Сандоз® ұзақ (6 айдан астам) қолданғанда сүйек тінінің тығыздығын үнемі бақылау ұсынылады. Онкологиялық науқастардағы ерекше сақтық шаралары Филграстимді белгіленген дозалау режимдерінен тыс цитоуытты химиотерапияның дозасын арттыру үшін тағайындамаған жөн. Өткізілетін химиотерапияның дозасын арттыруға байланысты қауіп Химиотерапиялық препараттардың жоғары дозасын алатын қатерлі жаңа түзілімдері бар пациенттерді емдеу кезінде ерекше сақ болу керек, аурудың нәтижесіне жоғары дозаларды қолданудың маңызды қосымша әсері расталмағандықтан, жүрек-қан тамырлары жүйесіне, тыныс алу ағзаларына, жүйке жүйесіне және теріге анағұрлым айқын уытты әсер ету ықтималдығы жоғары. Химиотерапияның эритроциттер мен тромбоциттерге әсері Филграстим Сандоз® ем жүргізу миелосупрессиялық химиотерапиямен байланысты тромбоцитопения мен анемияны жоққа шығармайды. Химиотерапиялық препараттардың анағұрлым жоғары дозаларын қолданған жағдайда (мысалы, тағайындалған сызбаларға сәйкес толық дозалар) ауыр тромбоцитопения мен анемия қаупі артады. Қанның клиникалық талдауының көрсеткіштерін: гематокрит пен тромбоциттердің санын үнемі бақылау ұсынылады. Ауыр тромбоцитопенияны туындатуы мүмкін бір компонентті немесе біріктірілімдегі химиотерапиялық дәрілерді қолдану кезінде ерекше сақтық таныту керек. Филграстим-мобилизацияланған ҚШДЖ-ны пайдалану миелосупрессиялық немесе миелоаблативті химиотерапиямен байланысты тромбоцитопенияның ауырлық дәрежесін және ұзақтығын азайтқаны көрсетілді. Сүт безі мен өкпе обыры бар пациенттердегі миелодиспластикалық синдром және жедел миелобластты лейкоз Посттіркеуден кейінгі бақылау зерттеулері аясында миелодиспластикалық синдром (МДС) және жедел миелобластты лейкоз (ЖМЛ) сүт безі обыры және өкпе обыры бар пациенттерде химиотерапия және/немесе сәулелік терапиямен біріктіре қолданылған ГКСФ препаратының баламасы — пегфилграстиммен — байланыстырылған. Филграстим мен МДС/ЖМЛ арасында мұндай байланыс анықталмаған. Дегенмен, сүт безі обыры және өкпе обыры бар пациенттерде МДС/ЖМЛдың белгілері мен симптомдарына мониторинг жүргізу қажет. Басқа сақтандыру шаралары Миелоидты ізашар жасушалардың саны айтарлықтай аздаған пациенттерде Филграстим Сандоз® тиімділігі зерттелмеген. Филграстим Сандоз® нейтрофилдердің ізашар жасушаларына әсер ету арқылы нейтрофилдердің санын арттырады. Сондықтан, ізашар жасушалардың саны төмендеген пациенттерде (мысалы, қарқынды сәуле еммен немесе химиотерапиямен емдеу нәтижесінде не сүйек кемігін ісік жасушаларымен инфильтрациялау салдарынан) түзілетін нейтрофилдердің саны төмен болуы мүмкін. Кейіннен трансплантациялаумен жоғары дозада химиотерапия алатын пациенттерде жүрек-қан тамырлары бұзылыстары, оның ішінде вена-окклюзиялық аурулар мен сұйықтық көлемінің бұзылуын қоса алғандағы жағдайлары туралы хабарланған. Сүйек кемігін аллогенді трансплантациялаудан кейін арГ-КСФ алған пациенттерде «қожайынға қарсы трансплантат» реакциясының дамуы және өліммен аяқталған жағдайлар туралы деректер бар. Өсу факторымен жүргізілген емге жауап ретінде сүйек кемігінің гемопоэздік белсенділігінің артуы сүйек кемігі сцинтиграфиясының өтпелі оң нәтижелеріне байланысты болды. Мұны сүйек кемігі сцинтиграфиясының нәтижелерін түсіндіру кезінде ескерілуі керек. Дені сау донорларда және онкологиялық науқастарда арГ-КСФ қабылдағаннан кейін аортит жағдайлары туралы хабарланды. Симптомдар қызбаны, іштің ауыруын, дімкәстікті, арқа ауруын және қабыну маркерлері санының артуын (мысалы, С-реактивті ақуыз, лейкоциттер) қамтыды. Әдетте, аортиттер компьютерлік томография көмегімен диагностикаланып, арГ-КСФ-дан бас тартылған соң, жоққа шығарылды. Қанның шеткері дің жасушаларын (ҚШДЖ) аллогенді трансплантациясының алдында донорлардың ерекше сақтық шаралары Мобилизация Пациенттердің бір популяциясы шегінде мобилизацияның ұсынылған екі әдісін (тек Филграстим Сандоз® немесе миелосупрессивті химиотерапиямен бірге) салыстыру мақсатында перспективалы рандомизацияланған зерттеулер жүргізілмеген. Жекелеген пациенттер мен CD34 жасушаларының зертханалық талдаулары арасындағы айырмашылық дәрежесі әртүрлі зерттеулер арасында тікелей салыстыруға жол бермейді. Сондықтан оңтайлы әдісті ұсыну қиын. Мобилизация әдісін жеке пациентті емдеудің жалпы мақсаттарын ескере отырып, таңдау керек. Цитоуытты дәрілермен алдыңғы емдеу Бұрын қарқынды миелосупрессивті ем жүргізілген пациенттерде ҚШДЖ санының ұсынылатын ең төменгі деңгейге (≥2×106 CD34+ жасушалар/кг) дейін артуы немесе тромбоциттерді қалпына келтіру жылдамдығы жоғарылауы мүмкін. Кейбір цитоуытты дәрілер гемопоэздің ізашар жасушаларына қатысты ерекше уыттылыққа ие және олардың мобилизациясына теріс әсер етуі мүмкін. Ізашар жасушалардың мобилизациясы алдында мелфалан, карбоплатин немесе кармустин секілді цитоуытты дәрілерді ұзақ уақыт бойы қолдану нәтижелердің нашарлауына әкеп соғуы мүмкін. Алайда, Филграстим Сандоз® мелфаланды, карбоплатинді немесе кармустинді бір мезгілде қолдану ҚШДЖ мобилизациясы кезінде тиімді. Егер ҚШДЖ-ның трансплантациясы жоспарланса, пациентті емдеудің бастапқы сатысында дің жасушаларын мобилизациялау ұсынылады. Химиотерапиялық дәрілерді жоғары дозада қолданғанға дейін осындай пациенттерде белсендірілген ізашар жасушалардың санына ерекше назар аударған жөн. Егер мобилизация нәтижелері жоғарыда келтірілген критерийлерге сәйкес жеткіліксіз болса, ізашар жасушаларды пайдалануды талап етпейтін баламалы емдеу әдістерін қолдануды қарастыру керек. Қанның шеткері дің жасушаларының санын бағалау Филграстим Сандоз® қолдану аясында пациенттерде мобилизацияланған ҚШДЖ санын бағалау кезінде сандық анықтау әдісіне ерекше назар аударған жөн. CD34+ жасушалардың саны бойынша ағынды-цитометриялық талдау нәтижелері таңдалған әдіске байланысты ерекшеленеді, ал алынған нәтижелер мәнін талдау жүргізу кезінде сақтықпен түсіндіру керек. Статистикалық талдау реинфузияға енгізілген CD34+ жасушалар саны мен химиотерапиялық дәрілердің жоғары дозаларын қолданғаннан кейін тромбоциттер санының қалпына келу жылдамдығы арасында күрделі, бірақ тұрақты өзара байланыс бар екенін көрсетті. Ең аз саны >2×106 CDgh+ жасушалар/кг гематологиялық көрсеткіштердің жеткілікті қалпына келуіне алып келеді және жарияланған деректер негізінде ұсынылады. Көрсетілген мәннен асып түсетін CD34+ жасушалардың саны жылдам қалыпқа келтірумен қатар жүреді; егер жасушалардың саны осы деңгейге жетпесе, қан көрсеткіштерінің қалпына келуі баяу жүреді. ҚШДЖ аллогенді трансплантациясын жүргізер алдында дені сау донорлардағы ерекше сақтық шаралары ҚШДЖ мобилизациясының дені сау донорлар үшін тікелей клиникалық нәтижесі жоқ және тек дің жасушаларын аллогенді трансплантациясы мақсатында жүргізілуі мүмкін. ҚШДЖ мобилизациясы гематологиялық көрсеткіштерге және инфекциялық аурулардың болуына ерекше назар аудара отырып, дің жасушалардың донорлығы бойынша стандартты клиникалық және зертханалық өлшемдерге сәйкес келетін донорларға ғана тағайындалуы мүмкін. 16 жасқа дейінгі және 60 жастан асқан дені сау донорларда Филграстим Сандоз® қолданудың қауіпсіздігі мен тиімділігі зерттелмеген. Филграстим Сандоз® тағайындалғаннан және лейкаферез жүргізілгеннен кейін өтпелі тромбоцитопения (тромбоциттердің саны <100×109/л) донорлардың 35% - ында байқалады. Олардың ішінде лейкаферез жүргізгеннен кейін тромбоциттер саны <50×109/л болатын тромбоцитопенияның 2 жағдайы байқалды. Егер лейкаферез сеансын біреуден артық жүргізу талап етілсе, әсіресе тромбоциттер саны 100×109/л-дан кем донорлардың жағдайын мұқият бақылау керек; әдетте, нейтрофилдер саны 75×109/л-ға дейін болғанда аферез ұсынылмайды. Лейкаферез антикоагулянттарды қабылдайтын немесе гемостаз бұзылыстары бар донорларға жүргізілмеуі керек. Егер лейкоциттер саны >70×109/л ұлғайған болса, қолданылатын Филграстим Сандоз® дозасын тоқтату немесе азайту керек. ҚШДЖ мобилизациясы үшін арГ-КСФ алатын донорларда оларды қалыпқа келтіргенге дейін қанның клиникалық талдауының барлық көрсеткіштерін үнемі бақылап отыру керек. арГ-КСФ қолданған дені сау донорларда өтпелі цитогенетикалық өзгерістер жағдайлары байқалды. Осы көріністердің маңыздылығы белгісіз. Дегенмен, донорларда қатерлі миелоидты клонның даму қаупін жоққа шығаруға болмайды. Аферез емшарасын жүргізетін медициналық орталықтарға алыс кезеңде Филграстим Сандоз® қолдану қауіпсіздігіне мониторинг жүргізу мақсатында кемінде 10 жыл бойы дің жасушалары донорларының жай-күйін жүйелі бақылауды жүзеге асыру ұсынылады. Реципиенттерден аллогенді ҚШДЖ-ны мобилизациялау кезінде алынған филграстиммен стимуляциялау кезіндегі ерекше сақтық шаралары Қолда бар деректерге сәйкес, ҚШДЖ аллогенді трансплантаттың иммунологиялық өзара әрекеттесуі сүйек кемігін трансплантациялаумен салыстырғанда «қожайынға қарсы трансплантант» жедел және созылмалы реакциясының даму қаупімен байланысты болуы мүмкін. Ауыр созылмалы нейтропения (АСН) кезіндегі ерекше сақтық шаралары Филграстимді лейкемия диагноз қойылатын немесе лейкемияның даму белгілері бар ауыр туа біткен нейтропенияға шалдыққан пациенттерге енгізуге болмайды. Қан жасушаларының саны Тромбоциттер санын, әсіресе Филграстим Сандоз® ем жүргізілетін алғашқы аптада қатаң бақылау қажет. Егер пациентте тромбоцитопения анықталса және тромбоциттердің саны ұзақ уақыт бойы 100 000/мм3-тен аз болса, Филграстим Сандоз® қысқа мерзімді тоқтату немесе оның дозасын азайту туралы мәселені қараған жөн. Анемияны және миелоидты ізашарлардың қысқа мерзімді ұлғаюын қоса алғанда, қан жасушаларының басқа да мүмкін өзгерістері орын алады, олар қан жасушаларының санын мұқият бақылауды талап етеді. Лейкоздың немесе миелодисплазиялық синдромның дамуы (МДС) АСН уақтылы диагностикасын жүзеге асыру және бұл диагнозды аплазиялық анемия, миелодисплазия және миелолейкоз сияқты қан түзу жүйесінің басқа бұзылуларынан дифференциациялау қажет. Емдеу басталғанға дейін лейкоциттік формула мен тромбоциттер санын анықтай отырып, жалпы клиникалық талдау жүргізу, сүйек кемігінің морфологиясы мен кариотипін анықтау керек. Клиникалық зерттеулер кезінде аз мөлшерде (шамамен 3%) Филграстим Сандоз® алған АСН пациенттерде МДС немесе лейкоз байқалды. Бұл нәтижелер туа біткен нейтропениясы бар пациенттерді бақылау кезінде ғана алынған. МДС және лейкоз-бұл АСН ең жиі асқынулары және олардың Филграстим Сандоз® жүргізілетін еммен байланысы анықталмаған. Бастапқы өзгермеген цитогенетикалық көрсеткіштері бар пациенттердің шамамен 12%-да қайта тексеру кезінде өзгерістерді, оның ішінде 7 жұпта хромосомадағы моносомияны анықтады. Егер АСН бар пациентте цитогенетикалық бұзылулар байқалса, Филграстим Сандоз® емдеуді жалғастырудан болатын қауіп пен пайда дәрежесінің арақатынасын мұқият бағалау қажет; препаратты қолдануды МДС немесе лейкоз дамыған жағдайда тоқтату керек. Қазіргі уақытта АСН бар пациенттерде Филграстим Сандоз® ұзақ қолдану цитогенетикалық бұзылуларды, МДС немесе лейкоз дамуын қоздырады ма, мұнысы белгісіз. Сүйек кемігіне морфологиялық және цитогенетикалық зерттеулер жүргізу ұсынылады (шамамен әрбір 12 ай сайын). Вирустық инфекциялар сияқты транзиттік нейтропенияның себептерін жоққа шығару қажет. Басқа сақтандыру шаралары Вирустық нейтропенияны қоса алғанда, нейтропенияның даму жағдайлары жоққа шығарылуы тиіс. Пациенттердің аздаған санында гематурия/протеинурия байқалды. Бұл көріністерді болдырмау үшін несептің жалпы талдауын үнемі бақылап отыру керек. Көкбауырдың ұлғаюы Филграстим Сандоз® қолдануға байланысты ықтимал әсер болып табылады. Клиникалық тексеру кезінде көкбауырдың мөлшерін үнемі бақылау қажет. Жаңа туған нәрестелерде және аутоиммунды нейтропениясы бар пациенттерде Филграстим Сандоз® қолданудың қауіпсіздігі мен тиімділігі анықталмаған. АИТВ бар пациенттерде ерекше сақтық шаралары Қан жасушаларының саны Нейтрофилдердің абсолютті санын (НАС), әсіресе Филграстим Сандоз® қолданудың алғашқы аптасында қатаң бақылау қажет. Кейбір пациенттерде Филграстим Сандоз® бастапқы дозасында НАС өте жылдам және айтарлықтай жоғарылауы мүмкін. Препаратты қолданудың алғашқы 2-3 күн ішінде күнделікті НАС-ты өлшеу ұсынылады. Кейіннен НАС-ты алғашқы 2 апта ішінде аптасына кемінде екі рет, содан кейін әр апта сайын немесе аптасына бір рет демеуші емнің бүкіл курсы бойынша тексеру керек. Филграстим Сандоз® 30 млн.бірл./тәул (0.300 мг/тәул) дозада қолданудағы үзіліс кезінде пациентте емдеу кезінде НАС-тың айтарлықтай ауытқуы байқалуы мүмкін. Ең төменгі НАС-ты (надир) анықтау мақсатында Филграстим Сандоз® әрбір қолданар алдында жалпы қан талдауын бақылау ұсынылады. Миелосупрессивті дәрілік заттардың жоғары дозаларын қолдануға негізделген қауіп Филграстим Сандоз® миелосупрессивті дәрілік заттарды қолдану аясында тромбоцитопения мен анемияның дамуын болдырмау үшін қолданылмайды. Жоғары дозаларды немесе бір мезгілде бірнеше миелосупрессивті дәрілік заттарды Филграстим Сандоз® жүргізілетін еммен бірге қолданған жағдайда тромбоцитопения мен анемияның даму қаупі артады. Кеңейтілген қан талдауын тұрақты бақылау ұсынылады. Инфекциялар немесе ісік түзілімдері салдарынан миелосупрессияның дамуы Нейтропения микобактериялар сияқты қоздырғыштардан туындаған оппортунистік инфекциялар кезінде сүйек кемігінің зақымдануымен немесе қатерлі жаңа түзілімдермен, мысалы, лимфомамен байланысты болуы мүмкін. Қабыну тектес сүйек кемігінің инфильтративті зақымдануы немесе қатерлі жаңа түзілілім анықталған кезде нейтропенияны емдеу үшін Филграстим Сандоз® препаратын бір мезгілде қолдану арқылы диагностикаланған аурулардың тиісті емін тағайындау қажет. Инфекциялық генезді сүйек кемігінің зақымдануынан немесе ісікті жаңа түзілімдерден туындаған нейтропенияны емдеу кезінде Филграстим Сандоз® қолдану тиімділігі анықталмаған. Латекске сезімтал пациенттер Алдын ала толтырылған шприц инесінің алмалы-салмалы қалпақшасының құрамында табиғи резеңке каучуктың туындысы бар. Қазіргі уақытқа дейін табиғи латекс иненің алмалы-салмалы қалпақшасынан табылмаған. Дегенмен де, латекске сезімтал пациенттерде алдын ала толтырылған шприцтегі тері астына және вена ішіне енгізуге арналған Филграстим Сандоз® ерітіндісін қолдану зерттелмеген, сондықтан да толық жоққа шығару мүмкін болмайтын аса жоғары сезімталдық реакциясының зор қаупі бар. Қосымша заттар Филграстим Сандоз® құрамында сорбитол (Е420) бар. Фруктозаның тұқым қуалайтын жақпаушылығы бар пациенттерге қолдану ұсынылмайды. Балалар мен кішкентай балаларға (2 жасқа дейін) фруктозаның тұқым қуалайтын жақпаушылығын диагностикалау мүмкін емес. Вена ішіне тағайындалатын дәрілік заттар (құрамында сорбитол / фруктоза бар) өмір үшін қауіпті болуы мүмкін және клиникалық қажеттілік пен баламалардың болмауын қоспағанда, осы топқа қарсы көрсетілімдері болуы тиіс. Филграстим Сандоз® тағайындау алдында пациенттен фруктозаның тұқым қуалайтын жақпаушылығы симптомдары туралы толық ақпарат алу керек. арГ-КСФ бақылау емшарасын жақсарту үшін, енгізілген препарат атауын пациенттің карточкасына анық жазып қою керек. Бұл дәрінің құрамында бір реттік дозада 1 ммольден аз натрий (23 мг) бар, сондықтан бұл препарат натрийден бос деп есептелінеді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Филграстим көлік құралын басқару және механизмдерді басқару қабілетіне шамалы әсер етуі мүмкін. Филграстимді қолданғаннан кейін бас айналуы мүмкін.

Филграстим Сандоз® препаратын жүкті әйелдерге тағайындағанда ана үшін күтілетін емдік әсерді шарана үшін ықтимал қаупімен салыстыра отырып, пайда-тәуекел арақатынасын мұқият бағалаған жөн. Филграстим Сандоз® препаратын жүкті әйелдерге тағайындау ұсынылмайды. Филграстим немесе оның метаболиттері емшек сүтіне өтетіні анықталмаған. Сондықтан, лактация кезеңінде Филграстим Сандоз® препаратын тағайындау қажет болған жағдайда бала емізуді тоқтату керек.

Миелосупрессивті цитоуытты химиотерапиялық дәрілермен бірдей сол күні енгізілетін Филграстим Сандоз® қолданудың қауіпсіздігі мен тиімділігі анықталмаған. Миелосупрессиялық цитоуытты химиотерапияға тез бөлінетін миелоидты жасушалардың сезімтал болуына орай, осы химиотерапиялық дәрілерді енгізуге дейін және одан кейін 24 сағаттық аралықта Филграстим Сандоз® тағайындау ұсынылмайды. Бір мезгілде Филграстим Сандоз® мен 5-фторурацил қолданылғанда нейтропения ауырлығы күшеюі мүмкін. Клиникалық зерттеулерде басқа гемопоэздік өсу факторларымен және цитокиндермен болжамды өзара әрекеттесуі әлі зерттелмеген. Литийдің нейтрофилдер босап шығуын стимуляциялайтынын ескерсек, Филграстим Сандоз® бірге қолданғанда әсері күшеюі мүмкін. Бұл өзара әрекеттесу зерттелмеген, бірақ оның жағымсыз зардаптары туралы мәліметтер жоқ.

Сақтау мерзімі 3 жыл Сұйылтылған ерітіндіні дереу қолдану керек, 2 оС-ден 8 оС-ге дейінгі температурада (тоңазытқышта) 24 сағаттан асырмай сақтауға рұқсат етіледі. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 2 оС-ден 8 оС-ге дейінгі температурада (тоңазытқышта) түпнұсқалық қаптамада сақтау керек. Жарамдылық мерзімі ішінде және амбулаториялық қолдану мақсатында пациент препаратты тоңазытқыштан шығарып, бөлме температурасында (25 °C-ден аспайтын) 8 күнге дейінгі ұзақтықпен бір мерзім бойы сақтай алады. Осы кезең өткеннен кейін өнімді тоңазытқышқа қайта салуға болмайды, оны утилизациялау керек. Балалардың қолы жетпейтін жерде сақтау керек!