ФЛАВОВИР сироп

Бір миллилитр шәрбаттың құрамында белсенді зат - Протефлазид, түбірлі селдірек (Herba Deschampsia caespitosa L.) және жатаған айрауық (Herba Calamagrostis epigeios L.) шөптері қоспасынан алынған сұйық экстрактісі (1:1) (экстракция еріткіші – 96 % этанол) 0,02 мл (рутинге шаққанда кем дегенде 0,0035 мг флавоноидтерге баламалы); қосымша заттар: Пропиленгликоль 96% этанол Сорбит (Е 420) Метилпарагидроксибензоат (Е 218) Пропилпарагидроксибензоат (Е 216) Натрий сульфиті (Е 221) Тазартылған су. Сыртқы түрінің , иісінің, дәмінің сипаттамасы Өзіне тән ерекше әлсіз иісі бар сары-жасыл түсті мөлдір сұйықтық.

• ЖРВИ этиотропты емдеу және профилактикасы; • тұмауды этиотропты емдеу және профилактикасы, оның ішінде пандемия штамдарының вирустары туындатқан.

Әсер ету механизмі. Препарат құрамына кіретін флавоноидтар in vitro және in vivo сияқты ДНҚ және РНҚ вирустарының репликациясын басу қабілеті ар . Клиникаға дейінгі және клиникалық зерттеулер жүргізу кезінде тұмау вирустары мен жедел респираторлық инфекцияларға қатысты препараттың тежеу белсенділігі анықталды. Вирусқа қарсы тікелей әсер ету механизмі вирусқа тән ферменттердің – ДНҚ мен РНҚ полимеразаларының, тимидинкиназаның, кері транскриптазаның, нейраминидазаның синтезін және эндогендік интерферон синтезінің индукциясын тежейтіндігі дәлелденді. Препарат жоғарғы тыныс жолдарының шырышты қабығын қорғайды, жергілікті иммунитетті қалыпқа келтіреді (лактоферрин, sIgA және лизоцим). Зерттеу барысында препарат эндогендік α - және γ-интерферондардың синтезін физиологиялық белсенді деңгейге дейін қалыпқа келтіретіні анықталды, бұл организмнің вирустық және бактериялық инфекцияларға спецификалық емес төзімділігін арттырады. Клиникалық зерттеулер препаратты күнделікті қабылдау жағдайында жас мөлшеріне және қолдану схемаларына сәйкес иммун жүйесінің рефрактерлілігі туындамайтынын көрсетті: α - және γ-интерферондар синтезінің бәсеңдеуі байқалмайды. Флавовир шәрбатының бұл қасиеті организмнің инфекциялық қоздырғышқа жеткілікті иммундық реакциясы үшін жеткілікті интерферон деңгейін қолдауға көмектеседі. Өз кезегінде, бұл қажет болған жағдайда препаратты ұзақ уақыт қолдануға мүмкіндік береді. Препарат антиоксиданттық белсенділікке ие, еркін радикалды процестердің ағымын тежейді, осылайша липидтердің асқын тотығуы өнімдерінің жиналуына жол бермейді, жасушалардың антиоксиданттық мәртебесін арттырады, интоксикацияны азайтады, инфекциядан кейін организмнің қалпына келуіне және қолайсыз қоршаған ортаға бейімделуіне ықпал етеді. Препарат апоптоз модуляторы болып табылады, апоптозиндукциялайтын заттардың әсерін күшейтеді және каспаза 9-ды белсендіреді, бұл вирус жұқтырған жасушалардың жойылуына және латентті вирустық инфекциялар аясында созылмалы аурулардың пайда болуының бастапқы алдын алуға ықпал етеді. Клиникалық тиімділігі және қауіпсіздігі Клиникаға дейінгі және клиникалық зерттеулер жүргізу кезінде препараттың тұмау вирустары мен жедел респираторлық инфекцияларға қатысты вирусқа қарсы әсері анықталды және дәлелденді. Клиникалық зерттеулер жас мөлшеріне және қолдану схемаларына сәйкес күнделікті қабылдаған жағдайда препарат иммуноуытты әсер етпейтінін және иммундық жүйенің рефрактерлілігін (гипореактивтілігін) тудырмайтынын көрсетті: альфа - және гамма-интерферондар синтезінің бәсеңдеуі байқалмайды, бұл қажет болған жағдайда препаратты ұзақ уақыт бойы қолдануға мүмкіндік береді. Флавовир препаратын, ЖРВИ және тұмауды, оның ішінде пандемиялық штамдар вирустарынан туындаған емдеу және профилактикасы кезінде шәрбатты клиникалық қолдануда зор тәжірибе бар.

Дозалау режимі Дозалау схемасы (мл) және препаратты қабылдау жиілігі: Пациенттің жасы (жылы) — Дозалау (мл) және қабылдау жиілігі 1-ден 2 жасқа дейін — тәулігіне 1 мл-ден 2 рет 2-ден 4 жасқа дейін (қоса алғанда) — тәулігіне 3 мл-ден 2 рет Енгізу әдісі мен жолы Пероральді. Қабылдау уақыты көрсетілген қолдану жиілігі Қолданар алдында шәрбат құйылған құтыны шайқау керек. Шәрбатты мөлшерлегіш ыдыстың көмегімен дозалап, ас қабылдауға дейін 20-30 минут бұрын тәулігіне 2 рет пероральді қабылдау керек. Емдеу ұзақтығы аурудың сипатына және пациенттің жасына байланысты Тұмау және ЖРВИ (аурудың асқынбаған ағымында) емдеу үшін шәрбатты 5 күн бойы қолдану керек. Емнің тиімділігін арттыру үшін шәрбатты қолдану аурудың алғашқы көріністерінде немесе науқастармен байланысқаннан кейін басталуы керек. Аурудың ағымына байланысты емдеу курсы 2 аптаға дейін ұзартылуы мүмкін. Тұмау және ЖРВИ профилактикасы үшін шәрбатты емдік дозаның жартысын құрайтын дозада 1-ден 4 аптаға дейін қолдану керек. Пандемиялық штамдар эпидемиясы кезінде шәрбатты профилактикалық дозада қолдану мерзімі 6 аптаға дейін ұзартылуы мүмкін. Иммун жүйесінің көрсеткіштерін қалыпқа келтіру үшін тұмау және басқа ЖРВИ бактериялық асқынулары пайда болған жағдайда шәрбатты 4 апта немесе одан да ұзақ уақыт қолдануға болады. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсыныстар Емдеу дәрігердің бақылауымен жүзеге асырылады. Қандай да бір жағымсыз реакциялар туындаған жағдайда дәрігерге кеңес алу үшін жүгіну қажет.

• әсер етуші затқа немесе қосымша заттардың кез келгеніне аса жоғары сезімталдық; • асқыну сатысындағы асқазанның немесе он екі елі ішектің ойық жаралы ауруы; • аутоиммунды аурулар. Қолданған кезде қажетті сақтық шаралары Қолдану кезінде ерекше сақтық шаралары қажет емес.

Белгісіз: - сезімталдығы жоғары адамдарда аса жоғары сезімталдық реакциялары орын алуы мүмкін; - бөртпе, қышыну, терінің ісінуі, есекжем, тері гиперемиясын қоса, аллергиялық реакциялар пайда болу мүмкін; - асқазан-ішек бұзылыстар жайдайлары байқалады-эпигастрий аймағындағы ауырсыну, жүрек айну, құсу, диарея (бұл симптомдар болған кезде шәрбатты тамақтанудан кейін 1,5-2 сағаттан кейін қабылдау керек); - созылмалы гастродуодениті бар пациенттерде гастродуодениттің өршуі, гастроэзофагеальді рефлюкс (рефлюкс-эзофагит) пайда болуы мүмкін.; - бас ауыруы; - препаратпен емдеудің 3-10-шы күні дене температурасының 38 °С-ге дейін транзиторлы жоғарылауы мүмкін. Қандай да бір жағымсыз реакциялар туындаған жағдайда дәрігерге кеңесуге жүгіну қажет. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет. Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары белгісіз. Шәрбатпен артық дозалану туындаған жағдайда дәрігерге қаралу керек.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Ерекше назар аударуды және жылдам реакцияны талап ететін ықтимал қауіпті қызмет түрлерін орындауға теріс әсер анықталған жоқ. Қолдану бойынша ұсыныстар

Эмбриоуытты, тератогендік, фетоуытты, мутагендік және канцерогенді әсерлерге клиникаға дейінгі зерттеулер жүргізу кезінде айқындалған жоқ. Препараттың адам шаранасына осындай әсеріне қатысты арнайы зерттеулер жүргізілген жоқ, бірақ препаратты жүктіліктің I–III триместрінде және бала емізу кезеңінде қолданудың клиникалық тәжірибесі теріс әсері айқындалған жоқ. Препаратты жүктілік немесе бала емізу кезеңінде қолданудың орындылығы туралы шешімді дәрігер қабылдайды.

Клиникалық қолдану кезінде Флавовир шәрбатының вирусты-бактериялық және вирусты-зеңдік ауруларды емдеуге арналған антибиотиктермен және зеңге қарсы препараттармен біріктіру мүмкіндігі анықталды. Басқа дәрілік заттармен өзара әрекеттесу салдарынан жағымсыз көріністер анықталған жоқ. Айрықша нұсқаулар Созылмалы гастродуодениті бар пациенттерде гастродуоденит асқынған жағдайда, гастроэзофагеальді рефлюкс пайда болған кезде препаратты тамақтанудан кейін 1,5-2 сағаттан соң қабылдау керек. Препарат құрамында этанолдың төмен деңгейі бар. Бұл препараттың құрамында 3,85 айн % этанол (алкоголь) бар, яғни бір дозада 30,8 мг-ден (1 жастан 2 жасқа дейінгі балалар үшін) бір дозада 92,4 мг-ге дейін (2-ден 4 жасқа дейінгі балалар үшін). Препараттың құрамында сорбит бар, сондықтан тұқым қуалайтын фруктоза жақпаушылығы бар пациенттерге қолдануға болмайды. Метилпарагидроксибензоат және пропилпарагидроксибензоат баяу аллергиялық реакцияларды тудыруы мүмкін. Препараттың құрамында натрий сульфиті бар, сондықтан ол ауыр аллергиялық реакциялар мен бронх түйілуін тудыруы мүмкін. Педиатрияда қолдану Флавовир шәрбаты препараты 1 жастан 4 жасқа дейін (қоса) қолданылады. 4 жастан асқан балаларға препаратты тағайындауға болмайды, өйткені дозаны ұлғайтқан сайын бір дозадағы этанол мөлшері артады, ол 100 мг-нан асады. Егде жастағы пациенттер Флавовир шәрбаты препаратын егде жастағы пациенттерде қолдану туралы деректер жеткіліксіз.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында 25 °С-ден аспайтын температурада балалардың қолы жетпейтін жерде сақтау керек. Мұздатып қатыруға болмайды! Құтыны алғаш ашқаннан кейін түпнұсқалық қаптамасында 30 тәуліктен асырмай жабық күйінде сақтау керек.