Флузамед раствор 2 мг/мл

Бір мл ерітінді құрамында белсенді зат – 2 мг флуконазол, қосымша заттар: натрий хлориді, хлорсутек қышқылы немесе натрий гидроксиді, инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз ерітінді.

Флузамед препараты келесі зең инфекцияларында қолдануға арналған. Флузамед препараты ересектерде келесі ауруларды емдеуге көрсетілген: • криптококкты менингит; • кокцидиоидомикоз; • инвазиялық кандидоз; • шырышты қабық кандидозы, ауыз-жұтқыншақ, өңеш кандидозын, кандидурия мен терінің және шырышты қабықтың созылмалы кандидозын қоса; • тіс гигиенасын қадағалау немесе жергілікті емдеу жеткіліксіз болған кездегі ауыз қуысының созылмалы атрофиялық кандидозы (тіс протездерін тағумен байланысты). Флузамед препараты ересектерде келесі аурулардың профилактикасы үшін көрсетілген: • қайталану қаупі жоғары пациенттерде криптококкты менингиттің қайталануы; • қайталану қаупі жоғары адамның иммундық тапшылық вирусы (АИТВ) бар пациенттерде ауыз-жұтқыншақ немесе өңеш кандидозының қайталануы; • ұзаққа созылатын нейтропениясы бар пациенттердегі (химиялық емнен өткізілген қатерлі гематологиялық аурулары бар пациенттер немесе гемопоэздік дің жасушаларын трансплантациялаудан өткен пациенттер сияқты) кандидозды инфекциялар. Мерзіміне жетіп туған нәрестелер, сәбилер, кіші және орта жастағы балалар, жасөспірімдерде (0-ден 17 жасқа дейін): Флузамед препараты иммунитеті әлсіреген пациенттерде кандидозды шырышты қабықтар кандидозын (ауыз-жұтқыншақ, өңеш), инвазиялық кандидоз, криптококкты менингитті емдеу үшін және кандидозды инфекциялардың профилактикасында қолданылады. Флузамед препараты қайталану қаупі жоғары балаларда криптококкты менингит қайталануын болдырмау үшін демеуші ем ретінде пайдалануға болады. Емдеуді өсірінділік және өзге зертханалық зерттеулердің нәтижелерін алуға дейін бастауға болады. Нәтижелерді алудан кейін инфекцияға қарсы емді тиісті үлгіде түзету керек. Зеңге қарсы дәрілерді талапқа сай қолдану жөніндегі ресми нұсқаулардың ақпаратын ескеру керек.

Әсер ету механизмі Препараттың белсенді заты – флуконазол зеңге қарсы триазол дәрісі болып табылады. Оның негізгі әсер ету тәсілі P-450 цитохромы арқылы зеңді эргостерол биосинтезінің маңызды сатысы болып табылатын зеңдік 14 альфа-ланостерол деметилденуін тежеумен жүзеге асады. 14 альфа-метилстеролдар жинақталуы кейіннен зеңдердің жасушалық жарғақшасында эргостерол жоғалуымен өзара байланысты және флуконазолдың зеңге қарсы әсеріне жауапты болуы мүмкін. Флуконазол, сүт қоректілердің P-450 цитохромы ферменттерінің әртүрлі жүйелеріне қарағанда, зеңдердің P-450 цитохромы ферменттеріне қатысты көп дәрежеде селективті болатыны көрсетілді. 28 күнге дейін қолданылатын, күніне 50 мг флуконазол ерлерде қан плазмасындағы тестостерон концентрациясына немесе бала туу жасындағы әйелдерде стероидтардың концентрациясына әсер етпеді. Күніне 200 мг-нан 400 мг-ға дейінгі флуконазол эндогендік стероидтардың деңгейіне немесе дені сау еріктілердегі АКТГ-стимуляцияланған реакциясына клиникалық маңызды әсер етпеді. Антипиринмен өзара әрекеттесу зерттеуі 50 мг флуконазолдың бір реттік немесе бірнеше реттік дозасының оның метаболизміне ықпал етпейтінін көрсетеді. In vitro сезімталдығы: In vitro флуконазол Candida клиникалық кең таралған түрлерінің (C. albicans, C. parapsilosis, C. tropicalis қоса) көбіне қатысты зеңге қарсы әсерді көріністейді. C. glabrata флуконазолға төмен сезімталдықты көрсетеді, сол уақытта C. krusei және C. auris флуконазолға резистентті болып табылады. Ең төмен тежейтін концентрация (ЕТТК) көрсеткіші және флуконазол үшін эпидемиологиялық шекті мәні C. albicans-қа қарағанда C. guilliermondii-де жоғары. Флуконазол сонымен қатар Cryptococcus neoformans пен Cryptococcus gattii-ға қарсы және Blastomyces dermatitidis, Coccidioides immitis, Histoplasma capsulatum мен Paracoccidioides brasiliensis эндемикалық өңезді зеңдерге қарсы in vitro белсенділігін көріністейді. Фармакокинетика/фармакодинамикасының өзара байланысы Жануарларды зерттеуде ЕТТК мәндері мен Candida түрлерінің микроорганизмдерінен туындаған эксперименттік микоздарға қарсы тиімділік арасында корреляция байқалады. Клиникалық зерттеулерде AUC мәні мен флуконазол дозасы арасында 1:1 дерлік дозаға байланысты арақатынас байқалады. Сондай-ақ, ауыз қуысының кандидозында AUC немесе доза мен емдеуге берілетін сәтті клиникалық жауаптың арасында жетілмеген болса да тікелей, ал кандидемияда аз дәрежедегі қатынас болады. Осыған ұқсас үлгіде, флуконазолдың өте жоғары ЕТК мәндері бар штаммдар туғызған инфекциялардан емделіп жазылу ықтималдығы аз. Резистенттілік механизмдері Candida түрлерінің микроорганизмдері азолды зеңге қарсы дәрілерге резистенттіліктің бірқатар механизмдерін дамытқан. Бір немесе одан да көп резистенттілік механизмдерін дамытқан зең штаммдары флуконазолдың жоғары ЕТТК талап етеді, бұл in vivo тиімділігіне және клиникалық қолдануда теріс әсер етеді. Әдетте сезімтал Candida түрлерінде азолдар тобының туындыларына резистенттіліктің анағұрлым жиі кездесетін даму механизмі эргостеролдың биосинтезіне жауапты, нысана-ферменттермен байланысты. Резистенттілік мутацияға, фермент синтезінің жоғарылауына, дәрілік заттың жасушадан шығарылуына немесе басқа биосинтез жолдарының пайда болуына байланысты болуы мүмкін. C. albicans-тен өзге, көбіне табиғи сезімталдығы анағұрлым төмен (C. glabrata) немесе флуконазолға резистенттілігі бар (мысалы, C. krusei, C. auris) Candida түрлерінен туындаған суперинфекциялар туралы хабарланды. Егер мұндай инфекцияларды емдеу кезінде зеңге қарсы баламалы ем жүргізу қажет болуы мүмкін. Табиғи (C. krusei) немесе жүре пайда болған (C. auris) резистенттілігі бар кейбір Candida түрлерінде резистенттіліктің даму механизмдері осы күнге дейін белгісіз. Шекаралық мәндер (EUCAST бойынша) Фармакокинетикалық/фармакодинамикалық (ФК/ФД) деректерді, in vitro сезімталдықты және EUCAST-AFST (Еуропалық микробқа қарсы сезімталдықты тестілеу комитеті – Зеңге қарсы сезімталдықты тестілеу жөніндегі қосалқы комитет) клиникалық жауабын талдаулардың негізінде Candida түрлеріне қатысты флуконазол үшін шекаралық мәндер анықталды (флуконазол қолданудың EUCAST негіздемесі (2020)-3-нұсқа; Микробқа қарсы препараттарға, зеңге қарсы препараттарға сезімталдықты тестілеу жөніндегі Еуропалық комитет, ЕТТК түсіндіру үшін шекті мәндер кестелері, 10.0 нұсқасы, 2020 ж. 04 ақпанынан бастап жарамды). Мәндер көбінесе ФК/ФД деректері негізінде анықталған түрлік спецификалық емес және нақты түрлер үшін ЕТК таралуына тәуелденбейтін шекаралық мәндерге және адамдарда жиі инфекция тудыратын түрлер үшін түрлік спецификалық мәндерге бөлінді. Бұл шекаралық мәндер келесі кестеде берілген: Зеңге қарсы дәрі — Түрлік спецификалық шекаралық мәндер (S≤/R>), мг/л — Түрлік спецификалық емес шекаралық мәндер A S≤/R>, мг/л Candida albicans — Candida dubliniensis — Candida glabrata — Candida krusei — Candida parapsilosis — Candida tropicalis Флуконазол — 2/4 — 2/4 — 0,001*/16 — -- — 2/4 — 2/4 — 2/4 S = Сезімтал, R = Резистентті A = Көбінесе ФК/ФД деректері негізінде белгіленген және нақты түрлер үшін ЕТК таралуына тәуелденбейтін түрлік спецификалық емес шекаралық мәндер. Спецификалық шекаралық мәндер белгіленбеген микроорганизмдер үшін ғана қолданылады. -- = Аталған түр осы дәрілік препаратпен емдеуге нащар берілетіндіктен, сезімталдықты тестілеу ұсынылмайды. * = C. glabrata барлық штаммдары І санатқа жатады. C. glabrata-ға қатысты ЕТТК, егер ол 16 мг/л-ден асса, резистенттілік ретінде түсіндірілуі керек. Сезімтал штаммдар санаты (≤0,001 мг/л) «I» штаммдарын «S» штаммдары ретінде жіктеу кезіндегі қателіктерге жол бермеу үшін ғана жасалған. I – жоғары концентрация кезіндегі сезімтал штамм: микроорганизм емдік тиімділіктің жоғары ықтималдығы болған кезде жоғары концентрацияда сезімтал ретінде жіктеледі, препараттың әсері дозалау режимін түзету немесе инфекция ошағындағы концентрацияны өзгерту арқылы артады.

Дозалау режимі Флуконазол дозасы зең инфекциясының сипаты мен ауырлығына байланысты. Көп рет дозалар қабылдау қажет болатын инфекцияларды емдеуді клиникалық параметрлер немесе зертханалық тестілер белсенді зең инфекциясының бәсеңдеуін көрсететін сәтке дейін жалғастыру қажет. Емдеу ұзақтығының жеткіліксіз болуы зең инфекциясының қайталануына әкелуі мүмкін. Ересектер Көрсетілімдер — Дозалау режимі — Емдеу ұзақтығы Криптококкоз — - криптококкты менингитті емдеу — Жүктеме доза: 1 күнде 400 мг. Келесі дозалар: Күніне 1 рет 200-400 мг. — Әдетте, кемінде, 6-8 апта. Өмірге қатерлі инфекцияларда тәуліктік дозаны 800 мг дейін арттыруға болады. - қайталану қаупі жоғары пациенттерде криптококк менингитінің қайталануын болдырмауға арналған демеуші ем — Күніне 1 рет 200 мг — Күніне 200 мг дозаларда шектелмеген. Кокцидиоидомикоз — Күніне 200-400 мг — Нақты жағдайға байланысты 11-24 ай немесе одан да көп. Кейбір инфекцияларда, әсіресе ми қабығының ауруларында, 800 мг тәуліктік дозасы қолданылуы мүмкін. Инвазиялық кандидоз — Жүктеме доза: 1 күнде 800 мг. Келесі дозалар: күніне 1 рет 400 мг. — Жалпы, кандидемияны емдеуге ұсынылатын ұзақтығы өсірінділік қан талдауының алғашқы теріс нәтижесін алудан кейін және кандидемия симптомдарын басудан соң 2 аптаға созылады. Шырышты қабықтар кандидозын емдеу — - ауыз-жұтқыншақ кандидозы — Жүктеме доза: 1 күнде 200-400 мг. Келесі дозалар: Күніне 1 рет 100-200 мг. — 7-21 күн (ауыз-жұтқыншақ кандидозы ремиссиясына дейін). Иммунитеттің ауыр бұзылуы бар пациенттерді емдеу ұзақ уақытқа созылуы мүмкін. - өңеш кандидозы — Жүктеме доза: Күніне 1 рет 200-400 мг. Келесі дозалар: Күніне 1 рет 100-200 мг. — 14-30 күн (өңеш кандидозы ремиссиясына дейін). Иммунитеттің ауыр бұзылуы бар пациенттерді емдеу ұзақ уақытқа созылуы мүмкін. - кандидурия — Күніне 1 рет 200-400 мг — 7-21 күн. Иммунитеттің ауыр бұзылуы бар пациенттерді емдеу ұзақ уақытқа созылуы мүмкін. - созылмалы атрофиялық кандидоз — Күніне 1 рет 50 мг — 14 күн - терінің және шырышты қабықтардың созылмалы кандидозы — Күніне 1 рет 50-100 мг — 28 күнге дейін. Инфекцияның ауырлық дәрежесіне және түріне байланысты немесе иммундық жүйе функциясының бұзылуында емдеуді ұзақ уақыт жүргізуге болады. Қайталанулар қаупі жоғары АИТВ бар пациенттерде шырышты қабықтар кандидозыныңқайталану профилактикасы — - жұтқыншақ кандидозы — Күніне 1 рет 100-200 мг немесе аптасына 3 рет 200 мг — Созылмалы иммунитет бұзылуы бар пациенттер үшін шектеусіз уақыт кезеңі ішінде. - өңеш кандидозы — Күніне 1 рет 100-200 мг немесе аптасына 3 рет 200 мг — Созылмалы иммунитет бұзылуы бар пациенттер үшін шектеусіз уақыт кезеңі ішінде. Кандидозды инфекциялар профилактикасы — Күніне 1 рет 200-400 мг — Емдеуді нейтропенияның болжамды басталуынан бірнеше күн бұрын бастап, нейтрофилдер саны мм3 аумағына 1000 жасушадан асқаннан кейін 7 күн бойы жалғастырған жөн. Пациенттердің ерекше топтары Егде жастағы пациенттер Дозаны бүйрек функциясының жағдайына қарай түзету керек («Бүйрек жеткіліксіздігі бар пациенттер» қараңыз). Бүйрек жеткіліксіздігі бар пациенттер Флуконазол көбінесе өзгеріссіз күйде несеппен шығарылады. Бір реттік дозалармен ем кезінде дозаларды түзету қажет емес. Бүйрек функциясының бұзылуы бар пациенттерде (балаларды қоса) флуконазолды бірнеше рет қолдану қажет болса, осы көрсетілім үшін ұсынылған тәуліктік дозаның негізінде 50-400 мг бастапқы дозасын қолдану керек. Осы бастапқы жүктеме дозасынан кейін тәуліктік доза (көрсетілімге сәйкес) келесі кестеге сәйкес белгіленеді: Креатинин клиренсі (мл/мин) — Ұсынылған доза пайызы > 50 — 100% ≤ 50 (гемодиализсіз) — 50% Гемодиализ — 100% әр гемодиализден кейін Гемодиализде жүрген пациенттер әр гемодиализден кейін ұсынылған дозаны 100% алуы тиіс. Диализ жасалмаған күндері пациенттер креатинин клиренсіне сәйкес азайтылған дозаны алуы тиіс. Бауыр жеткіліксіздігі бар пациенттер Бауыр функциясының бұзылуы бар пациенттер туралы деректер шектеулі, сондықтан бауыр функциясының бұзылуы бар пациенттерде флуконазол абайлап қолданылу керек. Балалар Балаларда күніне 400 мг ең жоғары дозадан асыруға болмайды. Ересектердегі осыған ұқсас инфекциялар кезіндегі сияқты, емдеу ұзақтығы клиникалық жауапқа және микологиялық зерттеулер нәтижелеріне байланысты. Флузамед препараты бір реттік тәуліктік дозаларда қолданылады. Бүйрек функциясының бұзылуы бар балалар үшін дозалануын «Бүйрек жеткіліксіздігі бар пациенттер» бөлімінен қараңыз. Флуконазол фармакокинетикасы бүйрек жеткіліксіздігі бар балаларда зерттелмеді (бүйрек жетілмеуі жиі байқалатын мерзіміне жетіп туған нәрестелер туралы ақпаратты төменнен қараңыз). Сәбилер, кіші және орта жастағы балалар (28 күннен 11 жасқа дейін) Көрсетілімдер — Дозалау режимі — Ұсынымдар - шырышты қабықтар кандидозы — Бастапқы доза: 6 мг/кг. Келесі дозалар: Күніне 1 рет 3 мг/кг. — Бастапқы дозаны тепе-теңдік деңгейлеріне тезірек жету үшін бірінші күні қолдануға болады. - инвазиялық кандидоз - криптококкты менингит — Доза: Күніне 1 рет 6-12 мг/кг. — Аурудың ауырлық дәрежесіне байланысты. - қайталану қаупі жоғары балаларда криптококкты менингиттің қайталану профилактикасына арналған демеуші ем — Доза: Күніне 1 рет 6 мг/кг. — Аурудың ауырлық дәрежесіне байланысты. - иммунитеті әлсіреген пациенттерде Candida инфекцияларының профилактикасы — Доза: Күніне 1 рет 3-12 мг/кг. — Индукцияланған нейтропения дәрежесі мен ұзақтығына байланысты («Ересектер» бөліміндегі дозалау жөніндегі ұсынымдарды қараңыз») Жасөспірімдер (12-ден 17 жасқа дейін) Пациенттер (ересектер мен балалар) үшін оңтайлы дозаны пациенттің дене салмағына және жыныстық дамуына қарай дәрігер белгілейді. Клиникалық деректер балалардағы флуконазол клиренсінің ересектердегіден жоғары екенін көрсетеді. Ересектерде 100 мг, 200 мг және 400 мг дозаларды қолдану балаларда 3 мг/кг, 6 мг/кг және 12 мг/кг дозаларға сәйкес келеді және ұқсас жүйелік әсерге әкеледі. Мерзімі жетіп туылған нәрестелер (0-ден 27 күнге дейін) Жаңа туылған нәрестелердегі флуконазолдың шығарылу жылдамдығы баяу болып табылады. Дозалау режимін негіздеу үшін мерзімі жетіп туылған нәрестелерде бірнеше фармакокинетикалық зерттеулердің деректері бар. Жас тобы — Дозалау режимі — Ұсынымдар Мерзімі жетіп туылған нәрестелер (0-ден 14 күнге дейін) — Препаратты жасы кішкентай және үлкен балаларға ұсынылатын дозасын пайдаланумен мг/кг дозасын есептеп, әр 72 сағат сайын қабылдау керек. — Әр 72 сағат сайын ең жоғары 12 мг/кг дозадан асыруға болмайды Мерзімі жетіп туылған нәрестелер (15-тен 27 күнге дейін) — Препаратты жасы кішкентай және үлкен балаларға ұсынылатын дозасын пайдаланумен мг/кг дозасын есептеп, әр 48 сағат сайын қабылдау керек. — Әр 48 сағат сайын ең жоғары 12 мг/кг дозадан асыруға болмайды Енгізу әдісі және жолы Флуконазолды пероральді (капсулалар және ішуге арналған суспензия дайындауға арналған ұнтақ) немесе вена ішіне (инфузияға арналған ерітінді) қолдануға болады. Қолдану тәсілі пациенттің клиникалық жағдайына байланысты. Пациентті венаішілік емнен пероральді емдеуге немесе керісіше ауыстырғанда тәуліктік дозасын өзгету қажет емес. Дәрігер пациенттің жасына, дене салмағына және дозалауға сәйкес ең қолайлы дәрілік түр мен дозаны тағайындауы тиіс. Капсулалар сәбилер мен кішкентай жастағы балаларда қолдануға арналмаған. Пациенттердің осы тобында қолдануға өте ыңғайлы флуконазолдың сұйық пероральді түрлері бар. Венаішілік инфузия 10 мл/минуттан аспайтын жылдамдықпен жасалу керек. Флузамед препараты әр 200 мг мөлшерінде (көлемі 100 мл құты) 15 ммоль Na+ және Cl- бар 9 мг/мл (0,9%) натрий хлоридімен инфузияға арналған ерітінді түрінде болады. Препарат натрий хлоридінің сұйылтылған ерітіндісі түрінде шығарылатындықтан және натрий тұтыну немесе сұйықтық ішуді шектеу талап етілетін пациенттерде сұйықтық енгізу жылдамдығына көңіл бөлу керек. Дәрілік препараттың қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Дәрілік препаратты қолдану туралы сұрақтар туындаған жағдайда дәрігермен немесе фармацевтпен кеңесу керек.

• әсер етуші затқа немесе қосымша заттардың кез келгеніне аса жоғары сезімталдық • флуконазолды күніне 400 мг немесе одан жоғары дозаларда бірнеше рет қабылдайтын пациенттерге терфенадинді бір мезгілде қолдану қарсы көрсетілімді, бұл флуконазол мен терфенадиннің көп реттік дозаларының өзара әрекеттесуін зерттеу негізінде белгіленген • QT аралығын ұзартатын және цизаприд, астемизол, пимозид, хинидин және эритромицин сияқты P450 (CYP) 3A4 цитохромының ферменті арқылы метаболизденетін басқа дәрілік заттарды бір мезгілде қолдану флуконазол қабылдайтын пациенттер үшін қарсы көрсетілімді

Қысқаша қауіпсіздік бейіні Флуконазолды қолданумен байланысты эозинофилиямен және жүйелік симптомдармен дәрілік реакцияның (DRESS) пайда болуы туралы хабарланды. Келесі қолайсыз реакциялар туралы ең көп жиі (≥ 1/100, бірақ < 1/10) хабарланды: бас ауыру, іштің ауыруы, диарея, жүрек айну, құсу, аланинаминотрансфераза (АЛТ) деңгейлерінің жоғарылауы, аспартатаминотрансфераза (АСТ) деңгейлерінің жоғарылауы, қандағы сілтілік фосфатаза (СФ) деңгейлерінің жоғарылауы және бөртпе. Қан және лимфа жүйесі тарапынан: жиі емес – анемия; сирек –агранулоцитоз, лейкопения, тромбоцитопения, нейтропения. Иммундық жүйе тарапынан: сирек – анафилаксия. Зат алмасу және тамақтану тарапынан: жиі емес – тәбет төмендеуі; сирек – гиперхолестеринемия, гипертриглицеридемия, гипокалиемия. Психика бұзылулары: жиі емес – ұйқышылдық, ұйқысыздық. Жүйке жүйесі тарапынан: жиі – бас ауыру; жиі емес – құрысулар, парестезиялар, бас айналу, дәм сезудің бұрмалануы; сирек – тремор. Есту мүшесі тарапынан және лабиринттік бұзылулар: жиі емес – вертиго. Жүрек тарапынан: сирек – «пируэт» типті қарыншалық тахикардия, QT аралығының ұзаруы. Асқазан-ішек жолы тарапынан: жиі – іштің ауыруы, құсу, диарея, жүрек айну; жиі емес – іш қату, диспепсия, метеоризм, ауыз кеберсуі. Бауыр және өт шығару жолдары тарапынан: жиі – АЛТ деңгейінің жоғарылауы, АСТ деңгейінің жоғарылауы, қандағы СФ деңгейінің жоғарылауы; жиі емес – холестаз, сарғаю, билирубин деңгейінің жоғарылауы; сирек – бауыр жеткіліксіздігі, гепатоцеллюлярлық некроз, гепатит, гепатоцеллюлярлық зақымдану. Тері және тері асты тіндері тарапынан: жиі – бөртпе; жиі емес – токсидермия (орныққан дәрілік эритеманы қоса), есекжем, қышыну, қатты терлеу; сирек – уытты эпидермалық некролиз, Стивенс-Джонсон синдромы, жедел жайылған экзантематоз-пустулезді бөртулер, эксфолиативтік дерматит, ангионевроздық ісіну, беттің ісінуі, алопеция; жиілігі белгісіз – эозинофилиямен және жүйелік симптомдармен (DRESS) дәрілік реакция. Қаңқа-бұлшықет және дәнекер тін тарапынан: жиі емес – миалгия. Жалпы бұзылыстар және енгізу орнындағы бұзылулар: жиі емес – шаршау, дімкәстану, астения, дене температурасының жоғарылауы. Балалар Балаларда жүргізілген клиникалық зерттеулерде тіркелген жағымсыз реакциялардың және зертханалық көрсеткіштер ауытқуларының сипаты мен туындау жиілігі ересектерде байқалған параметрлерге ұқсас болып табылады. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Елестеулермен және параноидты мінез-құлықпен қатар жүретін флуконазолдың артық дозалану жағдайлары хабарланды. Артық дозалану жағдайында симптоматикалық ем жүргізу жеткілікті болуы мүмкін. Алғашқы көмек ретінде - асқазанды шаю. Флуконазол елеулі дәрежеде несеппен шығарылады; қарқынды диурез, ықтималды түрде, шығарылу жылдамдығын арттыруға қабілетті. Гемодиализдің үш сағаттық сеансы қан плазмасындағы дәрі деңгейлерін шамамен 50% төмендетеді.

Арнайы ескертулер Бастың шаш бөлігінің трихофитиясы Флузамед препаратты бастың шаш бөлігінің трихофитиясын емдеуге қолдануға болмайды. Криптококкоз Флуконазолдың басқа ағзалар криптококкозын (мысалы, өкпе және тері криптококкозы) емдеу тиімділігі туралы деректер жеткіліксіз, сондықтан осындай ауруларды емдеуде препаратты дозалау жөнінде ұсынымдар жоқ. Терең эндемиялық микоздар Паракокцидиоидомикоз, лимфа-терілік споротрихоз және гистоплазмоз сияқты эндемиялық микоздардың басқа түрлерін емдеуде флуконазол тиімділігі туралы деректер жеткіліксіз, сондықтан осындай ауруларды емдеуде препаратты дозалау жөнінде ұсынымдар жоқ. Несеп шығару жүйесі Флузамед препараты бүйрек функциясының бұзылулары бар пациенттерде абайлап қолдану керек. Бүйрек үсті бездерінің жеткіліксіздігі Кетоконазолдың бүйрек үсті бездерінің жеткіліксіздігін туындататыны көрсетілген; сирек жағдайларда бұл флуконазолды қолданғанда да байқалды. Преднизонды бір мезгілде қолданумен байланысты бүйрек үсті бездерінің жеткіліксіздігі «Басқа дәрілік препараттармен өзара әрекеттесуі» бөліміндегі «Флуконазолдың басқа дәрілік заттарға әсері» тармағында сипатталды. Гепатобилиарлық жүйе Флузамед препараты бауыр дисфункциясы бар пациенттерде абайлап қолданылу керек. Сирек жағдайларда флуконазолды қолдану көбінесе қатарлас күрделі аурулары бар пациенттерде бауыр тарапынан, оның ішінде өліммен аяқталатын күрделі уытты реакциялардың дамуымен қатар жүрді. Флуконазолмен байланысты гепатоуыттылық туындағанда жалпы тәуліктік дозамен, емдеу ұзақтығымен, пациенттердің жынысымен және жасымен айқын өзара байланыс байқалмады. Флуконазолдың гепатоуытты әсері, әдетте, емдеуді тоқтатқанда қайтымды болды. Флуконазолмен емдеу кезінде бауыр функциясын талдау нәтижелерінің қалып шегінен ауытқулары болған пациенттер бауырдың өте күрделі зақымдану белгілерін анықтау мақсатында мұқият қадағалануы тиіс. Пациенттерді бауыр тарапынан күрделі бұзылуларды (қатты астения, анорексия, үнемі жүрек айну, құсу және сарғаю) көрсететін симптомдардан хабардар ету қажет. Атап көрсетілген жағдайларда флуконазол қабылдауды дереу тоқтатып, дәрігерге қаралу керек. Жүрек-қантамыр жүйесі Кейбір азолдар, флуконазолды қоса, электрокардиограммада QT аралығының ұзаруын туындатты. Флуконазол түзеткіш калий өзекшелері (Ikr) бойымен иондар ағынын тежеу жолымен QT аралығының ұзаруын тудырады. Басқа препараттардан (амиодарон сияқты) болған QT аралығының ұзаруын P450 (CYP) 3A4 цитохромын тежеу арқылы күшейтуге болады. Тіркеуден кейінгі бақылау кезінде флуконазол қабылдайтын пациенттерде QT аралығы ұзаруының және «пируэт» типті қарыншалық тахикардияның өте сирек жағдайлары болды. Аталған жағдайлар құрылымдық жүрек аурулары, электролит теңгерімінің бұзылулары сияқты көптеген қатарлас қауіп факторлары бар ауыр науқас пациенттерде, сондай-ақ осы асқынулардың туындауына ықпал етуі мүмкін басқа дәрілік заттарды бір мезгілде қолдану кезінде тіркелді. Гипокалиемия және үдемелі жүрек жеткіліксіздігі бар пациенттер өмірге қауіпті қарыншалық аритмиялардың және «пируэт» типті тахикардияның жоғары туындау қаупіне ұшырайды. Флузамед препараты аритмияны дамытатын қауіп факторлары бар пациенттерде абайлап қолданылу керек. QT аралығын ұзартатын және P450 (CYP) 3A4 цитохромы ферментімен метаболизденетін препараттармен бір мезгілде емдеу қарсы көрсетілімді. Галофантрин Галофантрин ұсынылған емдік дозаларында қолдану кезінде QTc аралығын ұзартады және CYP3A4 субстраты болып табылады. Сол себепті флуконазол мен галофантрин бір мезгілде қолдануға ұсынылмайды. Дерматологиялық реакциялар Сирек жағдайларда флуконазолмен емдеу кезінде пациенттерде Стивенс-Джонсон синдромы және уытты эпидермалық некролиз сияқты эксфолиативті тері реакциялары дамыған. Эозинофилиямен және жүйелік симптомдармен дәрілік реакцияның (DRESS) пайда болуы туралы хабарланды. Жүре пайда болған иммундық тапшылық синдромына (ЖИТС) шалдыққан пациенттер көптеген дәрілік препараттарға терінің ауыр реакцияларының дамуына едәуір дәрежеде бейім болып келеді. Флуконазолды қолданумен байланысты болуы мүмкін бөртпе пайда болған кезде, беткейлік зең инфекциясы бар пациенттерде препаратты қолдануды тоқтату керек. Егер инвазиялық/жүйелік зең инфекциясына шалдыққан пациенттерде бөртпе туындаса, оның жағдайын мұқият бақылап отыру керек, ал буллезді зақымданулар немесе көп пішінді эритема дамыған кезде флуконазолды тоқтату керек. Аса жоғары сезімталдық Сирек жағдайларда анафилаксия дамуы хабарланды. P450 цитохромы Флуконазол – CYP2C9 және CYP3A4 орташа тежегіші. Флуконазол сонымен қатар CYP2C19 изоферментінің күшті тежегіші болып табылады. Флуконазол алатын және CYP2C9, CYP2C19 және CYP3A4 арқылы метаболизденетін емдік диапазоны тар дәрілік препараттарды бір мезгілде қабылдайтын пациенттердің жай-күйіне мониторинг өткізу керек. Терфенадин Флуконазолды күніне 400 мг-ден төмен дозаларда және терфенадинді бір мезгілде қолданғанда пациенттің жай-күйін мұқият қадағалау керек. Кандидоз Зерттеу нәтижелері C. albicans-тен өзге, Candida түрлері туындатқан инфекциялар таралуының ұлғаюына туралы айғақтайды. Олар көбінесе табиғи төзімділікке ие (мысалы, C. krusei және C. auris) немесе флуконазолға сезімталдығы анағұрлым төмен (C. glabrata). Егер мұндай инфекцияларды емдеу тиімсіз болса, зеңге қарсы баламалы ем жүргізу қажет болуы мүмкін. Сондықтан дәрігер әртүрлі Candida түрлерінде флуконазолға резистенттіліктің таралуы туралы ақпаратты ескеруі керек. Қосымша заттар Флузамед препаратының құрамында 25 мл ерітіндіде 100,4 мг натрий бар, бұл ересек адам үшін ДДҰ ұсынған натрийдің ең жоғары тәуліктік 2 г дозасының 5% құрайды. Препараттың ең жоғары тәуліктік дозасы ересек адам үшін ДДҰ ұсынған натрийдің ең жоғары тәуліктік 2 г дозасының 40% құрайды (ең жоғары тәуліктік доза құрамында 400 мг флуконазол бар 200 мл ерітіндіге есептелген). Флузамед препараты құрамында натрий мөлшері жоғары препарат болып табылады. Мұны натрий мөлшері төмен диетаны ұстанатын пациенттерде қолданған кезде ескеру қажет. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Флуконазолдың автокөлік жүргізу және механизмдерді басқару қабілетіне әсер етуіне зерттеулер жүргізілмеді. Флузамед препаратының қолдану кезінде бас айналу немесе құрысулар туындауы мүмкін екенін және осыған ұқсас симптомдар пайда болғанда автокөлік жүргізуден және механизмдерді басқарудан бас тарту қажеттілігін пациенттерге ескерту қажет.

Жүктілік Егер сіз жүкті болсаңыз немесе емізіп жүрсеңіз, жүктімін деп ойласаңыз немесе балалы болуды жоспарласаңыз, бұл дәріні қабылдамай тұрып, дәрігеріңізбен немесе фармацевтпен кеңесіңіз. Егер сіз жүкті болуды жоспарласаңыз, жүкті болмас бұрын флуконазолды бір рет қабылдағаннан кейін бір апта күту ұсынылады. Флуконазолмен емдеудің анағұрлым ұзақ курстарын жүргізген кезде дәрігеріңізбен емдеу кезінде тиісті контрацепцияның қажеттілігі туралы кеңесіңіз, ол соңғы дозаны қабылдағаннан кейін бір апта бойы жалғасуы керек. Егер дәрігеріңіз сізге бұл туралы айтпаса ғана, жүкті болсаңыз, жүкті болуым мүмкін деп күдіктенсеңіз, жүкті болуға тырысып жүрсеңіз, флуконазол қабылдауға болмайды. Егер сіз осы дәріні қабылдау кезінде немесе соңғы дозаны қабылдағаннан кейін 1 апта ішінде жүкті болып қалсаңыз, дәрігерге қаралыңыз. Жүктіліктің бірінші немесе екінші триместрінде қабылданған флуконазол түсік тастау қаупін арттыруы мүмкін. Бірінші триместрде төмен дозада қабылданған флуконазол туа біткен жүрек, сүйек және/немесе бұлшықет ақаулары бар баланың туылу қаупін шамалы арттыруы мүмкін. Үш немесе одан да көп ай бойы кокцидиоидомикоздан флуконазолдың жоғары дозаларын (күн сайын 400-800 мг) қабылдаған әйелдерде бассүйектің, құлақтың және жамбас пен шынтақ сүйектерінің туа біткен ақауларымен туылған балалар туралы хабарламалар болды. Флуконазол мен осы жағдайлардың арасындағы байланыс айқын емес. Лактация Бала емізуді флуконазолдың 150 мг бір реттік стандартты дозасынан кейін жалғастыруға болады. Флуконазолды көп рет қолданғаннан немесе жоғары дозасынан кейін бала емізу ұсынылмайды.

Келесі дәрілік заттарды бір мезгілде қолдану қарсы көрсетілімді: Цизаприд: «пируэт» типті қарыншалық тахикардияны қоса, жүрек тарапынан жағымсыз реакциялар болуы мүмкін. Флуконазолды күніне 1 рет 200 мг дозада және цизапридті күніне 4 рет 20 мг дозада бір мезгілде қолдану қан плазмасында цизаприд деңгейінің едәуір жоғарылауына және QTc аралығының ұзаруына әкелді. Терфенадин: QTc аралығының ұзаруы салдарынан күрделі жүрек аритмияларының туындауына байланысты, терфенадинмен емдеу кезінде күніне 400 мг немесе одан жоғары дозаларда флуконазолды бір мезгілде қолдану қарсы көрсетілімді. Флуконазолды күніне 400 мг-ден төмен дозаларда терфенадинмен бір мезгілде қабылдау мұқият қадағалаумен жүргізілуі тиіс. Астемизол: флуконазолды астемизолмен бір мезгілде қолдану астемизол клиренсін төмендетуі мүмкін. Соның нәтижесінде туындайтын плазмадағы астемизолдың жоғары концентрациялары QT аралығының ұзаруына, ал сирек жағдайларда – «пируэт» типті қарыншалық тахикардияның пайда болуына әкелуі мүмкін. Пимозид: флуконазолды пимозидпен бір мезгілде қолдану пимозид метаболизмінің тежелуіне әкелуі мүмкін. Қан плазмасында пимозид концентрациясының жоғарылауы QT аралығының ұзаруына және сирек жағдайларда – «пируэт» типті қарыншалық тахикардияның туындауына әкелуі мүмкін. Хинидин: бір мезгілде қолдану хинидин метаболизмінің бәсеңдеуіне әкелуі мүмкін. Хинидинді қолдану QT аралығының ұзаруымен және сирек жағдайларда – «пируэт» типті қарыншалық тахикардияның туындауымен қатар жүрді. Эритромицин: флуконазол мен эритромицинді бір мезгілде қолданудың кардиоуыттылық қаупін (QT аралығының ұзаруы, «пируэт» типті қарыншалық тахикардия) және онымен байланысты өлімге ұшырауды арттыру ықтималдығы зор. Келесі дәрілік заттарды бір мезгілде қолдану ұсынылмайды: Галофантрин: флуконазол CYP3A4 тежеу әсеріне орай қан плазмасында галофантрин концентрациясын арттыруы мүмкін. Флуконазол мен галофантринді бір мезгілде қолданудың кардиоуыттылық қаупін (QT аралығының ұзаруы, «пируэт» типті қарыншалық тахикардия) және онымен байланысты өлімге ұшырауды арттыру қабілеті зор. Сақтықпен қолдану қажет болатын дәрілік заттарды бір мезгілде қолдану: Амиодарон: флуконазолды амиодаронмен бір мезгілде қолдану QT аралығын ұзартуы мүмкін. Флуконазол мен амиодаронды бір мезгілде қолдану қажет болса, әсіресе, флуконазолдың жоғары (800 мг) дозаларын қабылдағанда сақтық таныту керек. Келесі дәрілік заттарды бір мезгілде қолдану сақтық шараларын қадағалауды және дозаларын түзетуді талап етеді: Басқа дәрілік заттардың флуконазолға әсері Рифампицин: рифампицинді бір мезгілде қабылдап жүрген пациенттерге флуконазол дозасын арттыру мүмкіндігін қарастыру керек. Өзара әрекеттесу зерттеулері флуконазолды тамақпен, циметидинмен, антацидтермен пероральді қолданғанда немесе сүйек кемігін трансплантациялау кезінде денені жалпы сәулелендіруден соң флуконазол сіңірілуінің клиникалық мәнді бұзылуы байқалмайтынын көрсетті. Гидрохлоротиазид: диуретиктерді бір мезгілде қабылдайтын пациенттерде флуконазолды дозалау режимін өзгерту қажет емес. Флуконазолдың басқа дәрілік заттарға әсері Флуконазол P450 (CYP) цитохромы 2C9 және 3A4 изоферменттерінің орташа тежегіші болып табылады. Флуконазол сонымен қатар CYP2C19 изоферментінің күшті тежегіші болып табылады. Төменде көрсетілген бақыланған/құжатталған өзара әрекеттесулерге қосымша, флуконазолмен бір мезгілде қолданылатын CYP2C9, CYP2C19 және CYP3A4 арқылы метаболизденетін басқа заттардың қан плазмасындағы концентрацияларының жоғарылау қаупі бар. Сол себепті, осындай біріктірілімдерді қолдану кезінде сақтық шарасын қадағалау керек және пациенттердің жай-күйін мұқият бақылап отыру керек. Флуконазолдың жартылай шығарылу кезеңінің ұзаққа созылуы себепті оның ферменттерді тежеу әсері емді тоқтатудан кейін 4-5 күн бойы сақталады. Аброцитиниб: флуконазол (CYP2C19, 2C9, 3A4 тежегіші) аброцитинибтің белсенді бөлігінің экспозициясын 155% - ға арттырды. Флуконазолмен бірге қолданған кезде аброцитиниб дозасын аброцитинибті медициналық қолдану жөніндегі нұсқаулықта қамтылған ақпаратқа сәйкес түзету керек. Алфентанил: флуконазол (400 мг) алфентанилді вена ішіне енгізумен (20 мкг/кг) бір мезгілде қолданылғанда дені сау еріктілерде, СҮР3А4 тежеу ықтималдығына орай, алфентанил AUC10 2 есе жоғарылауы байқалды. Алфентанил дозасын түзету қажет болуы мүмкін. Амитриптилин, нортриптилин: флуконазол амитриптилин мен нортриптилин әсерін күшейтеді. Біріктірілген емнің басында және 1 апта өткенде 5-нортриптилин және/немесе S-амитриптилин концентрациясын өлшеу ұсынылады. Қажет болған жағдайда амитриптилин/нортриптилин дозасын түзету керек. Амфотерицин В: флуконазол мен В амфотерицинін иммунитеті қалыпты және төмен, инфекция жұқтырған тышқандарға бір мезгілде енгізгенде С. albicans жүйелі инфекциясы кезіндегі аздаған зеңге қарсы аддитивті әсер, Cryptococcus neoformans бассүйекішілік инфекциясы кезінде өзара әрекеттесудің болмауы және Aspergillus fumigatus жүйелі инфекциясы кезінде екі препараттың антагонизмі анықталды. Осы зерттеулер барысында алынған нәтижелердің клиникалық маңызы белгісіз. Антикоагулянттар: тіркеуден кейінгі қолдану кезінде, басқа зеңге қарсы азол дәрілерімен болған жағдайдағы сияқты, флуконазолды варфаринмен бір мезгілде қабылдаған пациенттерде протромбин уақытының ұзаруымен қатар жүретін геморрагиялық құбылыстар (көгеру, мұрыннан қан кету, асқазан-ішектен қан кету, гематурия және мелена) байқалды. Флуконазол мен варфаринді бір мезгілде қолданғанда протромбин уақытының, CYP2C9 арқылы варфарин метаболизмінің тежелуі салдарынан, ықтималды түрде, 2 еселік мәнге дейін ұзаруы байқалды. Кумарин типті антикоагулянттарды немесе индандион антикоагулянттарын флуконазолмен бір мезгілде қабылдап жүрген пациенттерде протромбин уақытына мұқият мониторинг өткізу қажет. Антикоагулянт дозасын түзету қажет болуы мүмкін Қысқа әсер ететін бензодиазепиндер (мысалы, мидазолам, триазолам): мидазоламды пероральді қолданудан кейін флуконазол тағайындау мидазолам концентрациясының едәуір артуына және психомоторлық әсерлерінің күшеюіне әкелді. Триазоламды флуконазолмен бір мезгілде қолданғанда триазолам әсерінің күшеюі және ұзаққа созылуы байқалды. Егер флуконазолмен емделіп жүрген пациенттерге бензодиазепиндерді бір мезгілде қолдану қажет болса, бензодиазепиндер дозасын азайту мүмкіндігін қарастыру және пациенттердің жай-күйіне тиісті мониторинг өткізу керек. Карбамазепин: флуконазол карбамазепин метаболизмін бәсеңдетеді және қан сарысуында карбамазепин деңгейінің 30% артуына алып келеді. Карбамазепин тарапынан уыттылық көріністерінің даму қаупі бар. Карбамазепин дозасын препараттың концентрация деңгейіне және оның әсеріне қарай түзету қажет болуы мүмкін. Кальций өзекшелерінің блокаторлары: кейбір кальций өзекшелерінің антагонистері (нифедипин, исрадипин, амлодипин, верапамил және фелодипин) CYP3A4 ферментімен метаболизденеді. Флуконазол кальций өзекшелері антагонистерінің жүйелік әсерін арттыруы мүмкін. Жағымсыз реакцияларға мұқият мониторинг өткізу ұсынылады. Целекоксиб: флуконазол (күніне 200 мг) мен целекоксиб (200 мг) бір мезгілде қолданылғанда целекоксиб Сmaх және AUC мәндері, тиісінше, 68% және 134% жоғарылады. Флуконазолды бір мезгілде қолданғанда целекоксиб дозасын екі есе азайту қажет болуы мүмкін. Циклофосфамид: Циклофосфамид пен флуконазолды бір мезгілде қолдану қан сарысуында билирубин мен креатинин деңгейлерінің жоғарылауына әкеледі. Бұл препараттарды қан сарысуындағы билирубин мен креатинин концентрацияларының жоғарылау қаупін ескеріп, бір мезгілде қолдануға болады. Фентанил: фентанил мен флуконазол арасында болуы мүмкін өзара әрекеттесу салдарынан өліммен аяқталған фентанилмен уыттанудың бір жағдайы хабарланды. Флуконазолдың дені сау еріктілерде фентанил элиминациясын едәуір баяулататыны анықталды. Фентанил концентрациясының жоғарылауы тыныстың тарылуына әкелуі мүмкін, сондықтан пациенттің жай-күйін мұқият бақылап отыру керек. Фентанил дозасын түзету қажет болуы мүмкін. ГМГ-КоА-редуктаза тежегіштері: флуконазолды және CYP3A4 (мысалы, аторвастатин және симвастатин) немесе CYP2C9 (мысалы, флувастатин) арқылы метаболизденетін ГМК-КоА-редуктаза тежегіштерін бір мезгілде қолдану (бауырдағы статиндер метаболизмінің төмендеуі) миопатия мен рабдомиолиздің даму қаупін (дозаға тәуелділік тән) арттырады. Осы препараттарды бір мезгілде қолдану қажет болған жағдайда, миопатия мен рабдомиолиз симптомдарының туындауына қатысты пациентті мұқият бақылап, креатинкиназа деңгейіне мониторинг жүргізу қажет. Креатинкиназа деңгейі едәуір жоғарылаған жағдайда, сондай-ақ миопатия/рабдомиолиз диагнозы қойылған немесе оған күдіктенген жағдайда, ГМГ-КоА-редуктаза тежегіштерін қолдануды тоқтатқан жөн. Статиндерді медициналық қолдану жөніндегі тиісті нұсқаулықтарда қамтылған ақпаратқа сәйкес ГМГ-КоА-редуктаза тежегіштерін анағұрлым төмен дозада пайдалану қажеттілігі туындауы мүмкін. Ибрутиниб: флуконазол сияқты орташа CYP3A4 тежегіштері плазмадағы ибрутиниб концентрациясын жоғарылатады және уыттылық қаупін арттыруы мүмкін. Егер осындай біріктірілімді қолданбау мүмкін болмаса, тежегішті қолдану кезеңінде ибрутиниб дозасын күніне 1 рет 280 мг (екі капсулаға) дейін азайту және мұқият клиникалық бақылауды қамтамасыз ету керек. Ивакафтор (жекелеп немесе осы емдік класындағы басқа дәрілік заттармен біріктірілімде қолданғанда): муковисцидозды трансжарғақшалық өткізгіштік реттегішінің (CFTR) күшейткіші - ивакафтормен бір мезгілде пайдалану ивакафтордың әсерін 3 есе, ал гидроксиметил-ивакафтордың (M1) әсерін - 1,9 есе арттырды. Ивакафторды медициналық қолдану жөніндегі нұсқаулықта қамтылған ақпаратқа сәйкес (жекелеп немесе басқа дәрілік заттармен біріктірілімде пайдаланған кезде) ивакафтордың дозасын (жекелеп немесе басқа дәрілік заттармен біріктірілімде пайдаланған кезде) төмендету керек. Олапариб: флуконазол сияқты CYP3A4 орташа тежегіштері плазмада олапариб концентрациясын арттырады; осындай біріктірілімді бір мезгілде қолдану ұсынылмайды. Егер біріктірілімді болдырмау мүмкін болмаса, олапариб дозасын күніне 2 рет 200 мг дейін шектеу керек. Иммуносупрессанттар (циклоспорин, эверолимус, сиролимус және такролимус): Циклоспорин: флуконазол циклоспорин AUC және концентрациясын едәуір арттырады. Күніне 200 мг флуконазолмен циклоспоринді (күніне 2,7 мг/кг) бір мезгілде қолданғанда циклоспорин АUC 1,8 есе артуы байқалды. Осы біріктірілімді циклоспорин дозасын азайту кезінде оның концентрациясына қарай қолдануға болады. Эверолимус: флуконазол CYP3A4 тежелуі салдарынан қан сарысуында эверолимус концентрациясын арттыруы мүмкін. Сиролимус: флуконазол CYP3A4 және P-гликопротеин әсер етуімен сиролимус метаболизмін бәсеңдету арқылы, ықтималды түрде, қан плазмасында сиролимус концентрациясын арттырады. Бұл препараттарды концентрация деңгейіне және препараттың әсеріне қарай сиролимус дозасын түзету шартымен бір мезгілде қолдануға болады. Такролимус: флуконазол CYP3A4 әсерімен ішекте такролимус метаболизмін тежеу нәтижесінде қан сарысуында пероральді қолданылған такролимус концентрациясын 5 есеге дейін арттыра алады. Такролимус вена ішіне қолданылғанда фармакокинетикасының елеулі өзгерістері байқалмады. Такролимустың жоғары деңгейлері нефроуыттылықпен байланысты болды. Такролимустың пероральді дозасын оның концентрациясына қарай төмендету керек. Лозартан: флуконазол лозартанды қолдану кезінде ангиотензин II рецепторларына антагонизмнің көп бөлігіне жауапты лозартанның өзінің белсенді метаболитіне (Е-31 74) дейінгі метаболизмін бәсеңдетеді. Пациенттердің артериялық қысымына тұрақты мониторинг өткізуге кеңес беріледі. Луразидон: флуконазол сияқты орташа CYP3A4 тежегіштері қан плазмасындағы луразидон концентрациясын жоғарылатуы мүмкін. Флуконазолмен бір мезгілде қолдану қажет болған жағдайда, луразидонның дозасын луразидонды медициналық қолдану жөніндегі нұсқаулықта қамтылған ақпаратқа сәйкес төмендету керек. Метадон: флуконазол қан сарысуындағы метадон концентрациясын жоғарылатуы мүмкін. Метадон дозасын түзету қажет болуы мүмкін. Қабынуға қарсы стероидты емес препараттар (ҚҚСП): флурбипрофен монотерапиясымен салыстырғанда, флуконазолмен бір мезгілде қолдану кезінде флурбипрофеннің ең жоғары концентрациясы (Сmах) мен AUC мәндері, тиісінше, 23% және 81% артты. Осыған ұқсас фармакологиялық белсенді изомер [S-(+) – ибупрофен] Сmах және AUC мәндері флуконазолды ракемиялық ибупрофенмен (400 мг) бір мезгілде қолданғанда, рацемиялық ибупрофен монотерапиясымен салыстырғанда, тиісінше, 15% және 82% жоғарылады. Спецификалық зертттеулер жүргізілмегеніне қарамастан, флуконазолдың CYP2C9 арқылы метаболизденетін басқа ҚҚСП (мысалы, напроксен, лорноксикам, мелоксикам, диклофенак) жүйелік әсерін арттыру қабілеті зор. ҚҚСП-мен байланысты жағымсыз реакцияларына және уыттылығына жиі мониторинг өткізу ұсынылды. ҚҚСП дозасын түзету қажет болуы мүмкін. Фенитоин: флуконазол бауырдағы фенитоин метаболизмін бәсеңдетеді. Препараттарды бірге қолдану кезінде фенитоин уыттылығынан сақтану үшін қан сарысуында фенитоин концентрациясын бақылап отыру қажет. Преднизон: бауыр трансплантациясынан кейін пациентте преднизон қолдану аясында флуконазолмен емдеудің үш айлық курсын тоқтатудан кейін туындаған бүйрек үсті бездері қыртысының жедел жеткіліксіздігі дамыған жағдай хабарланды. Флуконазолды тоқтату СYР3А4 белсенділігінің күшеюін туғызуы ықтимал, бұл преднизон метаболизмінің жеделдеуіне әкелді. Флуконазолмен және преднизонмен ұзақ мерзімді емнен өтетін пациенттер бүйрек үсті бездері қыртысының жеткіліксіздігін анықтау мақсатында флуконазолды тоқтату кезінде мұқият қадғалауда болуы тиіс. Рифабутин: флуконазол сарысуда рифабутин концентрациясын арттырады. Флуконазол мен рифабутинді бір мезгілде қолданған пациенттерде увеит жағдайлары хабарланды. Біріктіріп емдеу кезінде рифабутиннің уытты әсер ету симптомдарына назар аудару қажет. Саквинавир: CYP3A4 ферментімен бауырда саквинавир метаболизмінің бәсеңдеуі салдарынан және Р-гликопротеинді тежеу арқылы флуконазол саквинавирдің AUC және Cmax мәндерін, тиісінше, шамамен 50% және 55% арттырады. Саквинавир/ритонавирмен өзара әрекеттесу зерттелмеді, сондықтан ол өте айқын сипатта болуы мүмкін. Саквинавир дозасын түзету қажет болуы мүмкін. Сульфонилмочевина препараттары: флуконазол дені сау еріктілерде бір мезгілде пероральді қолданылатын сульфонилмочевина препараттарының (хлорпропамид, глибенкламид, глипизид, толбутамид) қан сарысуынан жартылай шығарылу кезеңін ұзартты. Бір мезгілде қолдану кезінде қандағы глюкоза деңгейін жүйеді бақылап отыру, ал қажет болғанда сульфонилмочевина препараттарының дозасын дер мезгілінде азайту ұсынылады. Теофиллин: Теофиллиннің жоғары дозаларын қабылдайтын немесе өзге жағдайда теофиллиннің уытты әсерінің жоғары қаупіне ұшырайтын пациенттер флуконазолды қолдану кезінде теофиллиннің уыттылық белгілерін анықтау үшін қадағалауда болуы тиіс. Егер уыттылық белгілері пайда болса, емдеуді өзгерту қажет. Тофацитиниб: тофацитиниб әсері оны бір мезгілде CYP3A4 орташа тежелуін және CYP2C19 күшті тежелуін қамтамасыз ететін дәрілік препараттармен (мысалы, флуконазолмен) бірге қолданғанда артады. Сол себепті, осындай препараттармен бір мезгілде қолданғанда тофацитиниб дозасын күніне бір рет 5 мг дейін азайту ұсынылады. Толваптан: толваптанның жүйелік әсері (CYP3A4 субстраты) флуконазолмен (орташа CYP3A4 тежегіші) бір мезгілде қолданғанда айтарлықтай артады, бұл ретте жағымсыз реакциялардың туындау қаупі едәуір артады, әсіресе диурездің, сусызданудың айтарлықтай артуы және бүйректің жедел жеткіліксіздігі. Біріктірілген қолдану кезінде толваптан дозасын толваптанды медициналық қолдану жөніндегі нұсқаулықтағы ақпаратқа сәйкес азайту керек, сонымен қатар толваптанды қолданумен байланысты кез келген жағымсыз реакцияларды анықтау тұрғысынан пациенттерге жиі мониторинг жүргізуді қамтамасыз ету қажет. Қабіршөп алкалоидтары: зерттеулер жүргізілмеуіне қарамастан, флуконазол ықтималды түрде CYP3A4 тежелуіне орай, қан плазмасындағы қабіршөп алкалоидтары (мысалы, винкристин және винбластин) концентрациясының және нейроуытты әсерлерінің артуына әкелуі мүмкін. А дәрумені: транс-ретиной қышқылын (А дәруменінің қышқыл түрі) және флуконазолды бір мезгілде толық қолданған бір пациентте флуконазолды тоқтатудан кейін жоғалып кеткен мидың жалған ісігі түрінде орталық жүйке жүйесі (ОЖЖ) тарапынан жағымсыз реакциялар байқалуы хабарланды. Бұл дәрілік заттарды бір мезгілде қолдануға болады, ОЖЖ тарапынан болатын жағымсыз реакцияларға мониторинг өткізу ұсынылады. Вориконазол (CYP2C9, CYP2C19 және CYP3A4 тежегіші): флуконазолдан кейін вориконазол қолданылғанда вориконазолдың жағымсыз әсерлеріне мониторинг өткізу керек. Зидовудин: осы біріктірілімді қабылдайтын пациенттер зидовудинмен байланысты қолайсыз реакцияларды мониторингтеу үшін қадағалауда болуы тиіс. Зидовудин дозасын азайту мәселесі қарастырылу керек. Азитромицин: флуконазол мен азитромицин арасында елеулі фармакокинетикалық өзара әрекеттесу болмады. Пероральді контрацептивтер: флуконазолды бірнеше рет қабылдау аясында біріктірілген пероральді контрацептивті қолданумен екі фармакокинетикалық зерттеу жүргізілді. Флуконазолды 50 мг дозада қолданғанда гормондар деңгейлеріне айтарлықтай әсері болмады, алайда күніне 200 мг қолданғанда этинил эстрадиол және левоноргестрел AUC мәндерінің, тиісінше, 40% және 24% жоғарылауы байқалды. Осылайша, флуконазолдың атап көрсетілген дозаларын бірнеше рет қабылдаудың біріктірілген пероральді контрацептивтер тиімділігіне ықпалын тигізуі екіталай.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек! Мұздатып қатыруға болмайды! Инфузияға арналған ерітіндіні құтыны ашқаннан кейін бірден пайдалану керек.