Флуимуцил раствор 20 мг/мл

100 мл ерітіндінің құрамында белсенді зат - 2 немесе 4 г ацетилцистеин, Ішуге арналған ерітінді, 20 мг/мл қосымша заттар: метилпарагидроксибензоат, натрий бензоаты, динатрий эдетаты, натрий кармеллозасы, натрий сахаринаты, натрий цикламаты, сукралоза, таңқурай хош иістендіргіші, натрий гидроксиді, тазартылған су. Ішуге арналған ерітінді, 40 мг/мл қосымша заттар: метилпарагидроксибензоат, пропилпара-гидроксибензоат, динатрий эдетаты, натрий кармеллозасы, натрий сахаринаты, анар хош иістендіргіші, құлпынай хош иістендіргіші, сорбитол 70%, натрий гидроксиді, тазартылған су. Сыртқы түрінің, иісінің, дәмінің сипаттамасы Таңқурайға тән иісі бар мөлдір немесе сәл бозаңданатын түссіз ерітінді (20 мг/мл). Құлпынай мен анарға тән иісі бар мөлдір түссіз немесе әлсіз сары түсті ерітінді (40 мг/мл).

- қою, бөлініп шығуы қиын секрет түзумен қатар жүретін тыныс алу жолдарының ауруларында

Муколитикалық дәрі, қақырықты сұйылтады, оның көлемін арттырады, қақырықты бөлуді жеңілдетеді. Бұл әрекет ацетилцистеиннің бос сульфгидрил топтарының қақырықтың қышқыл мукополисахаридтерінің ішкі және молекулааралық дисульфидтік байланыстарын бұзу қабілетімен байланысты, бұл мукопротеиндердің деполимеризациясына және қақырық тұтқырлығының төмендеуіне әкеледі. Іріңді қақырық кезінде белсенділігін сақтайды. Тұтқырлығы аз сиаломуциндердің бокал тәрізді жасушалармен секрециясын арттырады, бронхтың шырышты қабығының эпителий жасушаларына бактериялардың жабысуын азайтады. Сөлі фибринді лизирлейтін бронхтың мукозды жасушаларын ынталандырады. ЛОР мүшелерінің қабыну кезіндегі ауруларында пайда болатын сөлге ұқсас әсерін тигізеді. Электрофильді тотығу токсиндерін бейтараптандыруға қабілетті SH тобының болуына байланысты антиоксиданттық әсерін тигізеді. Ацетилцистеин жасуша ішіне оңай енеді, жасушаішілік глутатион синтезделетін L-цистеинге дейін деацетилденеді. Глютатион – жоғары реактивті трипептид, күшті антиоксидант, эндогендік және экзогендік бос радикалдар мен уыттарды ұстап тұратын цитопротектор. Ацетилцистеин әлсіреудің алдын алады және жасушалардың тотығу-тотықсыздану үдерістеріне қатысатын жасушаішілік глутатион синтезін арттыруға ықпал етеді, осылайша зиянды заттардың детоксикациясына ықпал етеді. Бұл ацетилцистеиннің парацетамолмен улануы кезінде антидот ретіндегі әсерін түсіндіреді. Белсенді фагоциттердің миелопероксидазасы шығаратын HOCl тотықтырғышының белсенділігін басатын әсерінен альфа1-антитрипсинді (эластаза тежегішін) қорғайды. Ол сондай-ақ қабынуға қарсы әсерге ие (өкпе тінінде қабынудың дамуына жауап беретін бос радикалдар мен белсенді оттегі бар заттардың пайда болуын басу арқылы).

Дозалау режимі Ересектерге: 20 мг/мл ішуге арналған 10 мл ерітіндіден (200 мг ацетилцистеинге сәйкес келеді) күніне 2-3 рет немесе 40 мг/мл ішуге арналған 15 мл ерітіндіден (600 мг ацетилцистеинге сәйкес келеді) күніне 1 рет, мүмкіндігінше кешке. Қабылдау жиілігін өзгерту немесе ең жоғары тәуліктік доза 600 мг аспауы тиіс екендігі ескеріп, дозаны бөлу арқылы дозаны түзетуге болады. 2 жастан бастап балаларға: 20 мг/мл ішуге арналған 5 мл ерітіндіден (100 мг ацетилцистеинге сәйкес келеді) баланың жасына байланысты күніне 2-4 рет. Енгізу әдісі және жолы Ішке қабылдауға арналған. Қолданар алдында құтыны сілку керек. Емдеу ұзақтығы Емдеу курсының ұзақтығы аурудың типі мен аурудың ауырлығына байланысты болады. Жедел аурулар кезінде емдеу курсының ұзақтығы 5-тен 10 күнге дейінді құрайды; созылмалы ауруларды емдегенде дәрігердің тағайындауы бойынша емдеу бірнеше айға дейінгі мерзімге жалғастырылуы тиіс. Дәрілік препаратты қолдану тәсілін түсіндіру үшін медицина қызметкерінен кеңес алу үшін жүгіну ұсынымдары Егер Сізге дәрілік препаратты қолдану тәсілі түсініксіз болған жағдайда, кеңес алу үшін медицина қызметкеріне жүгінуді ұсынамыз. Емдеуші дәрігерге нені қабылдағаныңыз, жақында қабылдағаныңыз немесе басқа препараттарды қабылдауды бастауыңыз мүмкін екендігі туралы хабарлаңыз.

- белсенді затқа және препараттың қандай да бір қосымша заттарына аса жоғары сезімталдық - жүктілік және емшек емізу кезеңі - 2 жасқа дейінгі балалар

Жағымсыз құбылыстар жиілігі келесі критерийлерге сәйкес анықталады: өте жиі (≥ 1/10); жиі (≥1/100-ден <1/10 дейін); жиі емес (≥1/1000-нан <1/100 дейін); сирек (≥1/10000-нан <1/1000 дейін); өте сирек (<1/10000), белгісіз (қолда бар деректер бойынша бағалау мүмкін емес). Жиі емес (≥1/1 000 <1/100 дейін) - аса жоғары сезімталдық - бас ауыру - құлақтың шыңылдауы - тахикардия - жүрек айну, құсу, стоматит, диарея, абдоминальді ауырулар - есекжем, бөртпе, ангионевроздық ісіну, қышыну - гипертермия - артериялық қысымның төмендеуі Сирек (≥1/10 000; <1/1,000) - бронх түйілу, ентігу - диспепсия Өте сирек (<1/10 000) - анафилаксиялық шок, анафилаксиялық / анафилактоидтық реакциялар - геморрагия - Стивенс-Джонсон синдромы және Лайелл синдромы - тромбоциттер агрегациясының төмендеуі Жиілігі белгісіз - бронх обструкциясы - бет ісінуі Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ацетилцистеин күніне 500 мг/кг дозада қабылдағанда артық дозалану белгілері мен симптомдарын туындатпайды. Артық дозалану кезінде жағымсыз әсерлері күшеюі мүмкін. Симптомдары: жүрек айну, құсу, диарея. Емі: симптоматикалық.

Егер мынадай жағдайлар орын алса, Флуимуцил препаратын қабылдағанға дейін дәрігерге немесе фармацевтке хабарлаңыз: • Сізде бронх демікпесі немесе бронх гиперреактивтілігі болса • Сізде асқазан-ішектен қан кету қаупімен байланысты аурулар болса • Сізде гистаминге жақпаушылық болса • Сіз жөтелге қарсы препараттарды қабылдасаңыз Егер Сіз жоғарыда айтылғандардың Сізге қатысты екендігіне сенімді болмасаңыз, Флуимуцилді қабылдамас бұрын дәрігермен немесе фармацевтпен кеңесіңіз. Арнайы сақтандырулар Өте сирек жағдайларда ацетилцистеин қолдануға байланысты хронологиялық тәуелділікте Стивенс-Джонсон синдромы және Лайелл синдромы сияқты ауыр тері реакциялары туралы хабарланды. Теріде және шырышты қабаттарда жаңа өзгерістер пайда болған жағдайда дәрігерге дереу қаралу керек, препаратты қолдануды тоқтату керек. Муколитиктер 2 жасқа дейінгі балаларда бронх обструкциясын туындатуы мүмкін, бұл осы жас тобындағы бронх шырышы дренажының шектелуімен байқалады, сондықтан Флуимуцил препараты 2 жасқа дейінгі балаларда қолданылмауы тиіс («Қолдануға болмайтын жағдайлар» бөлімін қараңыз). Бронх демікпесі бар пациенттерді емдеу кезеңінде қатаң бақылауда ұстау керек; бронх түйілуінің дамуы кезінде емдеудің дереу тоқтатылуы және тиісті емнің басталуы тиіс. Асқазанның ойық жарасы бар науқастарда, оның ішінде анамнезде, әсіресе асқазан мен ішектің шырышты қабығын тітіркендіретін әсері бар басқа дәрілік заттармен бірге қолданған жағдайда аса сақ болу керек. Ацетилцистеин қолдану, әсіресе емдеудің бастапқы сатысында бронх сөлін сұйылтуға және оның көлемін ұлғайтуға ықпал етуі мүмкін. Егер пациент қақырықты өздігінен шығаруға қабілетсіз болса, постуральді дренаж немесе бронхоаспирация жүргізу керек. Жеңіл күкірт иісінің болуы әсер етуші затқа тән иіс болып табылады. Ацетилцистеин гистамин алмасуына кедергі келтіруі мүмкін. Препаратты гистаминді көтере алмаушылығы бар пациенттерде сақтықпен қолдану керек, аса жоғары сезімталдық симптомдары пайда болуы мүмкін. Препаратты құрайтын кейбір қосымша заттар туралы маңызды ақпарат Флуимуцил 40 мг/мл препаратының құрамында сорбит бар, оны тұқым қуалайтын фруктоза жақпаушылығы бар пациенттерге қолдануға болмайды. Бүйрек функциясы бұзылған немесе қатаң тұзсыз диетада жүрген пациенттер 20 мг/мл ерітіндінің 10 мл құрамында 38,2 мг натрий, бұл ДДҰ ұсынған ең жоғары тәуліктік мөлшерінің 1,9% құрайды, 5 мл құрамында 19,1 мг натрий бар, ДДҰ ұсынған ең жоғары тәуліктік мөлшерінің 0,9% құрайды, және 40 мг/мл ерітіндінің 15 мл құрамында 96,6 мг натрий бар екендігін ескерулері тиіс, ДДҰ ұсынған ең жоғары тәуліктік мөлшерінің 4,8% құрайды, бұл ересектер үшін 2 г натрийге сәйкес келеді. Ерітіндінің құрамында баяу типті аллергиялық реакциялар болатын парагидроксибензоаттар бар. Үйлесімсіздігі Жүйелік қолдану Дәрілік затты басқа препараттармен араластыру ұсынылмайды. Шыны және пластик ыдыстарды қолданған жөн және ерітіндінің резеңке компоненттермен немесе металдармен жанасуынан аулақ болған жөн. Педиатрияда қолдану Флуимуцил дәрілік заты 2 жасқа дейінгі балаларда қолданылмайды.

Флуимуцил препаратты жүктілік және лактация кезеңде қолдануға болмайды. Көлік құралын және қауіптілігі зор механизмдерді басқару қабілетіне әсер ету ерекшеліктері Препараттың зейін қоюға әсер етуі жайлы дәлелдер жоқ.

Ацетилцистеинді жөтелге қарсы дәрілермен бірге қолдану жөтел рефлексін басуға байланысты қақырықтың іркілісін күшейтуі мүмкін. Белсендірілген көмір ацетилцистеиннің тиімділігін төмендетуі мүмкін. Антибиотиктердің ацетилцистеинмен өзара әрекеттесуі туралы қолдағы деректер in vitro сынақ нәтижелеріне негізделген антибиотиктердің ацетилцистеин ерітіндісімен тікелей араласқан кездегі белсенділігінің төмендегенін көрсетеді. Сақтандыру мақсатында осы препараттарды қабылдаулар арасындағы аралық кемінде 2 сағат болуы тиіс. Ацетилцистеин мен нитроглицеринді бір мезгілде қабылдау соңғысының тамыр кеңейтетін әсерінің күшеюіне және гипотензияның дамуына әкелуі мүмкін. Нитроглицерин мен ацетилцистеинді бір мезгілде қолдану қажет болған жағдайда пациент гипотензияның даму мүмкіндігіне байланысты дәрігердің бақылауында болуы тиіс, оның ауыр нысандарды қабылдауы мүмкін және бас ауыруының пайда болу мүмкіндігі туралы ескертілуі тиіс. Ацетилцистеинді қолдану салицилаттарды колориметриялық әдіспен сандық анықтау нәтижелерін және несептегі кетондарды анықтау нәтижелерін өзгерте алады.

Сақтау мерзімі 2 жыл Құты алғаш ашылғаннан кейін препаратты 15 күн ішінде пайдалану керек. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!