Флуимуцил гранулы 200 мг

1 грамм түйіршіктің құрамында белсенді зат - ацетилцистеин 200 мг, қосымша заттар: аспартам, апельсин хош иісі, сорбитол. Сыртқы түрінің иісінің, дәмінің сипаттамасы Апельсинге тән иісімен, аздаған күкірт иісі бар ақ түсті түйіршіктер. Дайындалған ерітінді апельсинге тән аздаған күкірт иісімен бұлыңғырланған болуы тиіс.

Қою, тұтқыр қақырықтың пайда болуымен қатар жүретін респираторлық инфекцияларда.

Ацетилцистеин- шырышты және шырышты-іріңді бөліністерге муколитикалық– сұйылтатын әсері бар Флуимуцил препаратының белсенді заты болып табылады. Ол қақырықтың шыны тәрізді және іріңді элементтеріне және басқа бөліністеріне тұтқырлық беретін мукопротеиндік кешендерді және нуклеин қышқылдарын деполимеризациялайды. Ацетилцистеин сондай-ақ, тотықтыратын радикалдардың электрофильді топтарымен тікелей әрекеттесуге қабілетті бос нуклеофильді тиол тобына (-SH) ие бола отырып, тікелей тотығуға қарсы әсерге ие. Ацетилцистеин а1-антитрипсинді (эластазаны тежейтін фермент) хлорлы қышқылдың (HOCl), белсендірілген фагоциттердің миелопероксидазасы шығаратын күшті тотықтырғыштың белсенсіздендіретін әсерінен қорғайды деген жақындағы жаңалық ерекше қызығушылықты тудырады. Өзінің молекулалық құрылымының арқасында ацетилцистеин жасуша жарғақшалары арқылы оңай ене алады. Жасуша ішінде ацетилцистеин L-цистеинге – глутатион синтезіне (GSH) қажетті амин қышқылына деацетилденеді. GSH-жануарлардың әртүрлі тіндерінде кеңінен кездесетін жоғары реактивті трипептидті білдіреді. Ол тотығу радикалдарынан (эндогендік немесе экзогендік) және көптеген цитоуытты заттардан жасушаішілік қорғаныс механизмі болғандықтан, жасушаның функционалдық қабілеті мен морфологиялық тұтастығын сақтау үшін қажет. Бұл қасиеттер қою, тұтқыр шырышты және шырышты-іріңді бөліністерімен қатар жүретін тыныс алу жолдарының жедел және созылмалы инфекцияларын емдеу үшін Флуимуцил препаратын қолдануды тиімді етеді.

Дозалау режимі 12 жастан асқан балалар мен ересектерге: күніне 2-3 рет 200 мг (1 пакет). 6-дан 12 жасқа дейінгі балаларға: күніне 2 рет 200 мг (1 пакет). Енгізу әдісі мен жолы Ішке қабылдауға арналған. Пакеттің ішіндегісін аз мөлшерде суы бар стақанда ерітеді. Ерітіндіні дайындағаннан кейін бірден қабылдау керек. Емдеу ұзақтығы Емдеу курсының ұзақтығы 5-тен 10 күнге дейінді құрайды. Дәрілік препараттың қолдану тәсілін түсіну үшін медициналық қызметкерге кеңес алуға жүгініңіз Егер Сізге дәрілік препаратты қолдану әдісі түсініксіз болса, медициналық қызметкерден кеңес алуды ұсынамыз.

- әсер етуші затқа немесе қосымша заттардың кез келгеніне аса жоғары сезімталдық - 6 жасқа дейінгі балалар - жүктілік және бала емізу кезеңі - фенилкетонурия - тұқым қуалайтын фруктоза жақпаушылығы

Жиі емес • аса жоғары сезімталдық • бас ауыруы • құлақтың шуылдауы • тахикардия • құсу, диарея, стоматит, іштің ауыруы, жүрек айнуы • есекжем, бөртпе, ангионевроздық ісіну, қышыну • гипертермия • артериялық қысымның төмендеуі Сирек • бронх түйілуі, ентігу • диспепсия • Стивенс-Джонсон синдромы және Лайелл синдромы Өте сирек • анафилаксиялық шок/ анафилактоидты реакциялар • геморрагия Белгісіз (қолда бар мәліметтер негізінде бағалау мүмкін емес). • бронхиальді обструкция • беттің ісінуі Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты пероральді қолданғанда ацетилцистеиннің артық дозалану жағдайлары туралы хабарланған жоқ. Үш ай бойы күн сайын ацетилцистеиннің 11,6 г дозасын қабылдаған сау еріктілерде елеулі жағымсыз әсерлер болған жоқ. Ацетилцистеин күніне 500 мг/кг дозада пероральді қабылдағанда артық дозалану синдромдарын тудырмайды. Симптомдары: жүрек айнуы, құсу және диарея. Емі: Спецификалық антидот жоқ. Емдеу симптоматикалық.

Флуимуцил препаратын қабылдау алдында дәрігермен немесе фармацевтпен кеңесіңіз, Егер: • Сізде асқазан-ішек жолдарының проблемалары болса • Сізде бронх демікпесі немесе бронхиальді аса жоғары белсенділік болса • Сізде гистаминді көтере алмаушылық болса • Сіз жөтелге қарсы препараттарды қабылдап жүрсеңіз • Сізде фенилкетонурия немесе тұқым қуалайтын фруктоза жақпаушылығы болса (препаратты қабылдау қарсы көрсетілімді) Егер Сіз жоғарыда аталғандардың Сізге қатысты екеніне сенімді болмасаңыз, Флуимуцил препаратын қабылдамас бұрын дәрігермен немесе фармацевтпен кеңесіңіз. Арнайы ескертулер Терапия кезінде бронх демікпесі бар пациенттер қатаң бақылауда болуы тиіс. Бронх түйілу туындаған жағдайда препаратты қолдануды дереу тоқтату және қажет болған жағдайда сәйкес емдік шараларды қолдану қажет. Дәрілік затты анамнезінде немесе белсенді түрде асқазанның және он екі елі ішектің ойық жарасы бар пациенттерде, әсіресе асқазан-ішек жолына белгілі тітіркендіргіш әсері бар басқа дәрілік заттармен бір мезгілде қолданғанда ерекше сақ болу керек. Қаптаманы ашқанда немесе ерітіндіні дайындаған кезде пайда болатын күкірт иісі Флуимуцил препаратының белсенді затына тән иіс болып табылады. Күкірт иісінің болуы препарат бұзылғанының көрсеткіші емес. Ацетилцистеинді әсіресе, ем басында қабылдау бронхиальді бөліністі сұйылтуға және бір уақытта оның көлемін арттыруға әкелуі мүмкін. Егер пациент қақырықты өз бетінше тиімді түсіре алмаса, постуральді дренажды немесе секреттің іркілісін болдырмау үшін бронхиальді аспирацияны қолдануға болады. Ацетилцистеин гистамин метоболизміне ықпал етуі мүмкін. Аса жоғары сезімталдық симптомдарының даму ықтималдығына байланысты гистамин көтере алмаушылығы бар пациенттерге Флуимуцил препаратын тағайындағанда сақ болу керек. Педиатрияда қолдану Муколитикалық препараттар 2 жасқа толмаған балаларда бронхиальді обструкцияны туындатуы мүмкін. Осы жас тобындағы балалардың тыныс алу жолдарының физиологиялық ерекшеліктеріне байланысты тыныс алу жолдарының секрециясын тазарту қабілеті шектеулі. Сондықтан 2 жасқа толмаған балаларда муколитикалық дәрі қолданылмауы тиіс. Осы Флуимуцил дәрілік заты, 200 мг дозадағы ішке қабылдау үшін ерітінді дайындауға арналған түйіршіктер, 6 жасқа дейінгі балаларда қолданылмауы тиіс. Кейбір қосымша заттар туралы маңызды ақпарат Флуимуцил құрамында фенилаланиннің көзі - аспартам (Е951) бар, препарат фенилкетонуриясы бар пациенттерге қарсы көрсетілімді. Флуимуцил құрамында фруктозаның көзі - сорбитол (Е420) бар, тұқым қуалайтын фруктоза көтере алмаушылығы бар пациенттерге қарсы көрсетілімді. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ацетилцистеин көлік құралдарын және қауіптілігі зор механизмдерді басқару қабілетіне әсер етпейді.

Жануарларға жасалған тератологиялық зерттеулерде Флуимуцил препаратының қандай да бір тератогендік әсері анықтаған жоқ, бірақ басқа да дәрілік препараттар секілді осы дәрілік затты жүктілік кезінде шұғыл қажеттілік жағдайында ғана тағайындауға болады.

Жөтелге қарсы препараттар мен ацетилцистеин секілді муколитиктер бір мезгілде қабылданбауы тиіс, жөтел рефлексінің төмендеуі бронхиальді секреттің жиналуына әкелуі мүмкін. Белсендірілген көмір ацетилцистеин тиімділігін төмендетуі мүмкін. Басқа препараттарды Флуимуцил препараты ерітіндісімен араластыру ұсынылмайды. In vitro зерттеулер антибиотиктер мен ацетилцистеинді араластырған кезде антибиотик белсенділігінің төмендегенін көрсетті. Сақтандыру шарасы ретінде лоракарбефті қоспағанда, антибиотиктер мен ацетилцистеинді пероральді қабылдау арасындағы аралық кемінде 2 сағат болуы тиіс. Нитроглицерин мен ацетилцистеинді бір мезгілде қолдану айқын гипотензияны тудырып, бас ауруының ықтимал туындауымен самай тамырының кеңеюіне алып келеді. Нитроглицерин мен ацетилцистеинді бір мезгілде қолдану қажеттігі кезінде пациенттер (ауыр болуы мүмкін) гипотензияның дамуын бақылап, бас ауруының пайда болу ықтималдығын ескеруі тиіс. Педиатриялық популяциясы Өзара әрекеттесулерді зерттеулер тек ересектерде жүргізіледі. Зертханалық тесттер Ацетилцистеин салицилаттардың колориметриялық талдауына әсер етуі мүмкін. Ацетилцистеин несептегі кетонды денелерді анықтау нәтижелеріне әсер етуі мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары 30 °С-ден аспайтын температурада сақтау керек. Балалардың қолы жетпейтін жерде сақтау керек!