Флуконазол таблетки 150 мг

Бір таблетканың құрамында белсенді зат: флуконазол – 50 мг, 100 мг немесе 150 мг; қосымша заттар: лактоза моногидраты, картоп крахмалы, повидон, сусыз коллоидты кремнийдің қостотығы, натрий кроскармеллозасы, магний стеараты; қабықтың құрамы: гипромеллоза (гидроксипропилметилцеллю- лоза), титанның қостотығы (Е 171), тальк, полиэтиленгликоль 6000 (макрогол 6000), полисорбат 80. Сыртқы түрінің, иісінің, дәмінің сипаттамасы Дөңгелек пішінді, ақ немесе ақ дерлік түстегі қабықпен қапталған, үстіңгі және астыңғы беттері дөңес таблеткалар. Сындырылған жерін үлкейткіш әйнекпен қарағанда тұтастай бір қабатпен қоршалған ядросы көрінеді.

Флуконазолды қолдану төменде келтірілген зең инфекцияларында көрсетілген. Флуконазол ересектердегі келесі ауруларды емдеу үшін қолданылады: • криптококкты менингит («Қолдану кезіндегі қажетті сақтандыру шаралары» бөлімін қараңыз) • кокцидиоидомикоз («Қолдану кезіндегі қажетті сақтандыру шаралары» бөлімін қараңыз) • инвазиялық кандидоз • шырышты қабықтардың кандидозы, оның ішінде орофарингеальді кандидоз, өңеш кандидозы, тері мен шырышты қабықтардың кандидуриясы мен созылмалы кандидозы • ауыз қуысы гигиенасының немесе жергілікті емнің тиімділігі жеткіліксіз болғанда ауыз қуысының созылмалы атрофиялық кандидозында (тіс протездерін тағуға байланысты) • жергілікті ем қолайсыз болғанда жедел немесе қайталанатын қынаптық кандидоз • жергілікті ем қолайсыз болғанда кандидозды баланит • дерматомикоздар, оның ішінде табан дерматофитиясы, дене дерматофитиясы, шап дерматофитиясы, түрлі-түсті теміреткі және терінің кандидозды инфекциялары, қажет болған жағдайда жүйелі ем жүргізу • tinea unguium (онихомикоз), басқа препараттармен емдеу қолайсыз болғанда Флуконазол ересектердегі келесі аурулардың профилактикасы үшін қолданылады: • қайталану қаупі жоғары пациенттердегі криптококкты менингиттің қайталануы • қайталану қаупі жоғары АИТВ-жұқтырған пациенттердегі орофарингеальді кандидоз және өңеш кандидозының қайталануы • қынаптық кандидоздың қайталану жиілігін төмендету үшін (жылына 4 немесе одан да көп көріністер) • ұзаққа созылған нейтропениясы бар пациенттерде кандидоз инфекцияларының профилактикасы үшін (мысалы, химиотерапия алып жатқан гематологиялық қатерлі жаңа түзілімдері бар пациенттерде немесе гемопоэздік дің жасушаларының трансплантациясын бастан өткерген пациенттерде). Флуконазол мерзімі жетіп туылған нәрестелерді, емшек еметін, кішкентай, мектепке дейінгі және бастауыш мектеп жасындағы балаларды, сондай-ақ 0 мен 17 жас аралығындағы жасөспірімдерді емдеуге арналған. Флуконазол шырышты қабық кандидозын (орофарингеальді кандидоз және өңеш кандидозы), инвазиялық кандидозды, криптококкты менингитті емдеу және иммундық жүйесі әлсіреген пациенттерде кандидоз инфекцияларының профилактикасына арналған. Флуконазолды қайталану қаупі жоғары балаларда криптококкты менингиттің қайталануын болдырмау мақсатында демеуші ем ретінде қолдануға болады («Қолдану кезіндегі қажетті сақтандыру шаралары» бөлімін қараңыз). Емді өсірінділер және басқа зертханалық зерттеу әдістерінің нәтижелері белгілі болғанға дейін бастауға болады. Алайда, осы нәтижелерді алғаннан кейін емге тиісті түзету енгізу керек. Бұл препаратты қолданған кезде зеңге қарсы дәрілік заттарды дұрыс қолдану жөніндегі ресми ұсынымдарды басшылыққа алу қажет.

Әсер ету механизмі Флуконазол – бұл триазолдар тобының зеңге қарсы препараты. Оның негізгі әсер ету механизмі зеңдердегі эргостерол биосинтезінің негізгі сатысы болып табылатын 14-альфа-ланостеролдың зеңді Р-450 цитохромы арқылы жүретін деметилдену реакциясын тежеу болып табылады. 14-альфа-метилстеролдардың жинақталуы зеңдердің жасушалық жарғақшасының құрамына кіретін эргостеролдың жоғалуымен байланысты; бұл процесс флуконазолдың зеңге қарсы әсеріне негізделген. Флуконазол сүтқоректілердің P-450 цитохромы тектес әртүрлі ферменттеріне қарағанда зеңдердің Р-450 цитохромы тұқымдасының ферменттеріне қатысты селективті екендігі көрсетілген. Флуконазолды тәулігіне 50 мг дозада 28 күн бойы қолдану ерлердегі қан плазмасындағы тестостерон деңгейіне немесе репродуктивті жастағы әйелдердегі эндогендік стероидтер деңгейіне әсер етпейді. Тәулігіне 200-400 мг дозадағы флуконазол эндогендік стероидтардың деңгейіне немесе дені сау еріктілердегі АКТГ стимуляциясына клиникалық маңызды әсер етпейді. Антипиринмен өзара әрекеттесуді зерттеу флуконазолды 50 мг дозада бір рет немесе бірнеше рет қолдану антипириннің метаболизміне әсер етпейтінін көрсетті. In vitro сезімталдық Флуконазол Candida зеңдерінің клиникалық практикада анағұрлым көп таралған түрлеріне (соның ішінде C. albicans, C. parapsilosis, C. tropicalis) қарсы in vitro зеңге қарсы белсенділігін көрсетті. C. glabrata флуконазолға сезімталдықтың төмендеуін көрсетеді, ал C. krusei және C. aureus флуконазолға резистентті. C. guilliermondii үшін флуконазолдың ең төмен тежейтін концентрациясы (ЕТТК) және эпидемиологиялық шегі (ECOFF) C. аlbicans-қа қарағанда жоғары. Флуконазол сонымен қатар Cryptococcus neoformans және Cryptococcus gattii, сондай-ақ blastomyces dermatiditis, Coccidioides immitis, Histoplasma capsulatum және Paracoccidioides brasiliensis эндемиялық өңезді зеңдерге қарсы in vitro белсенділігін көрсетеді. Фармакокинетикалық және фармакодинамикалық қасиеттердің өзара байланысы Жануарларға жүргізілген эксперименттік зерттеулердің нәтижелеріне сәйкес, Candida тектес зеңдерден туындаған микоздардың тәжірибелік модельдеріне қатысты ең төмен тежейтин концентрация (ЕТТК) мәні мен тиімділігі арасында байланыс бар. Клиникалық зерттеулерге сәйкес, флуконазолдың AUC мен дозасының арасында іс жүзінде желілік тәуелділік (іс жүзінде 1:1) байланыс бар. Сондай-ақ, AUC немесе доза мен оральді кандидозды емдеуге оң клиникалық жауап және аз дәрежеде кандидемия арасында тікелей, бірақ жеткіліксіз байланыс бар. Сол сияқты, флуконазол жоғары ЕТТК көрсететін штаммдардан туындаған инфекцияларды емдеу тиімді емес. Тұрақтылық механизмдері Candida тектес микроорганизмдер азолдар тобының зеңге қарсы дәрілеріне резистенттілікті дамытудың көптеген механизмдерін жүзеге асырады. 1 немесе одан да көп резистенттіліктің даму механизмін пайдаланатын зеңдердің штаммдары флуконазолдың жоғары ЕТТК көрсетіп отырғаны белгілі, бұл in vivo препаратының тиімділігіне және клиникалық практикаға теріс әсер етеді. Флуконазолға резистенттілігі (мысалы, C. krusei, C. auris) немесе көбіне төмендеген табиғи сезімталдығы (C. glabrata) бар C. albicans-тан өзге Candida тектес зеңдерден туындаған суперинфекцияның дамуы туралы хабарланған. Мұндай инфекциялар балама зеңге қарсы емді қажет етуі мүмкін. Тұрақтылық механизмдері кейбір ішкі төзімді (C. krusei) немесе пайда болатын (C. auris) Candida түрлерінде толығымен айқындалмады. Сезімталдықтың шекті мәндері (EUCAST сәйкес) Фармакокинетикалық/фармакодинамикалық (ФК/ФД) деректерді талдау, in vitro сезімталдық және клиникалық жауап негізінде EUCAST-AFST (Микроорганизмдердің микробқа қарсы сезімталдығын анықтау жөніндегі Еуропалық комитет – зеңге қарсы препараттарға сезімталдықты анықтау жөніндегі кіші комитет) Candida түрлері үшін флуконазолға сезімталдық шегін анықтады («EUCAST Fluconazole rational document (2020)» құжаты – 3-редакция; Микроорганизмдердің микробқа қарсы сезімталдығын анықтау жөніндегі Еуропалық комитет – зеңге қарсы препараттарға сезімталдықты анықтау жөніндегі кіші комитет, («ЕТТК мәндерін түсіндіруге арналған шекті сезімталдық мәндерінің кестелері (2020-02-04)» құжаты – 10.0-редакция). Шекті мәндер негізінен ФК/ФД деректері негізінде анықталған және белгілі бір түрлер үшін ЕТТК таралуына тәуелді емес және адамдарда инфекцияны анағұрлым жиі туындататын түрлерге байланысты емес түрлерге бөлінді. Бұл шекті мәндер төмендегі кестеде келтірілген. Зеңге қарсы препараттар — Қоздырғыштың түріне байланысты сезімталдық шектері (S</R>) мг/л-мен — А түріне тәуелді емес сезімталдық шектері S</R> мг/л-мен Candida albicans — Candida Dubliniensis — Candida glabrata — Candida krusei — Candida parapsilosis Флуконазол — 2/4 — 2/4 — 0.001*/16 — – — 2/4 — 2/4 • S – сезімтал; R – резистентті. • А – қоздырғыштың түріне тәуелді емес сезімталдық шектері негізінен ФК/ФД деректері негізінде анықталды және нақты түрлердің ЕТТК таралуына тәуелді емес. Олар тек спецификалық шекті мәні жоқ организм үшін қолдануға арналған. • «–» – сезімталдыққа сынақтар жүргізу ұсынылмайды, себебі бұл түр аталған дәрілік препаратпен емдеуге нашар жауап береді. * Барлық С. glabrata I санатқа жатады. С. glabrata-ға қарсы ЕТТК, егер олар 16 мг/л-ден асса, резистентті ретінде түсіндіру керек. Сезімталдық санаты (≤ 0,001 мг/л) «I» штаммдарының «S» штаммдары ретінде қате жіктелуіне жол бермеу үшін жасалған. • I – Сезімтал, әсері жоғары: микроорганизм сезімтал деп жіктеледі, емдік сәттілікке жету ықтималдығы жоғары болған кезде әсері жоғарылайды, себебі агенттің әсері дозалау режимін немесе инфекция орнында оның концентрациясын түзету арқылы артады.

Дозалау режимі Флуконазолдың дозасы зең инфекциясының табиғатына және ауырлығына байланысты. Зеңге қарсы препаратты қайта қабылдауды талап ететін инфекциялар кезінде емдеуді белсенді зең инфекциясының клиникалық немесе зертханалық белгілері жойылғанға дейін жалғастыру керек. Емнің жеткіліксіз ұзақтығы аурудың қайталануына әкелуі мүмкін. Ересектер Көрсетілімдер — Дозалау режимі — Емдеу ұзақтығы Криптококкоз — - Криптококкты менингитті емдеу — Жүктеме дозасы: 1-ші күні 400 мг. Демеуші доза: тәулігіне бір рет 200-400 мг — Әдетте кем дегенде 6-8 апта. Өмірге қауіп төндіретін инфекциялар кезінде тәуліктік дозаны 800 мг-ға дейін арттыруға болады - Қайталану қаупі жоғары пациенттерде криптококкты менингиттің қайталанулар профилактикасына арналған демеуші ем — тәулігіне бір рет 200 мг — Тәуліктік дозада 200 мг шексіз уақыт ішінде Кокцидиоидомикоз — тәулігіне бір рет 200-400 мг — Пациенттің реакциясына байланысты 11-ден 24 айға дейін немесе одан да көп.Инфекциялардың кейбір түрлерін емдеу үшін, әсіресе менингитті емдеу үшін препаратты тәулігіне 800 мг дозада қолданған жөн Инвазиялық кандидоз — Жүктеме дозасы: 1-ші күні 800 мг. Демеуші доза: тәулігіне бір рет 400 мг — Әдетте, кандидемия кезіндегі емнің ұсынылатын ұзақтығы – қан сеппесінің алғашқы теріс нәтижесінен және кандидемия белгілері мен симптомдары жоғалғаннан кейін 2 апта Шырышты қабық кандидозын емдеу — - Орофарингеальді кандидоз — Жүктеме дозасы: алғашқы тәулікте 200-400 мг. Демеуші доза: тәулігіне бір рет 100-200 мг — 7-21 күн (орофарингеальді кандидоздың ремиссиясына жеткенге дейін). Иммундық жүйе функциясының ауыр бұзылулары бар пациенттерге ұзаққа созылатын емдеу қажет болуы мүмкін - Өңеш кандидозы — Жүктеме дозасы: алғашқы тәулікте 200-400 мг. Демеуші доза: тәулігіне бір рет 100-200 мг — 14-30 күн (өңеш кандидозының ремиссиясына дейін). Иммундық жүйе функциясының ауыр бұзылулары бар пациенттерге ұзаққа созылатын емдеу қажет болуы мүмкін - Кандидурия — тәулігіне бір рет 200-400 мг — 7-21 күн. Иммундық жүйе функциясының ауыр бұзылулары бар пациенттерге ұзаққа созылатын емдеу қажет болуы мүмкін - Созылмалы атрофиялық кандидоз — тәулігіне бір рет 50 мг — 14 күн - Тері мен шырышты қабықтың созылмалы кандидозы — тәулігіне бір рет 50-100 мг — 28 күнге дейін. Ұзаққа созылатын емдеу инфекцияның ауырлығына және иммундық жүйе функциясының бұзылуына байланысты Қайталану қаупі жоғары АИТВ жұқтырған пациенттерде шырышты қабық кандидозы қайталануының профилактикасы — - Орофарингеальді кандидоз — Тәулігіне бір рет 100-200 мг немесе аптасына 3 рет 200 мг — Иммунитеті созылмалы түрде әлсіреген пациенттерде шектеусіз уақыт кезеңі ішінде - Өңеш кандидозы — Тәулігіне бір рет 100-200 мг немесе аптасына 3 рет 200 мг — Иммунитеті созылмалы түрде әлсіреген пациенттерде шектеусіз уақыт кезеңі ішінде Генитальді кандидоз — - Жедел қынаптық кандидоз - Кандидозды баланит — 150 мг — Бір рет - Қайталанатын қынаптық кандидозды емдеу және профилактикасы (жылына 4 немесе одан да көп көріністер) — Үш күнде бір рет 150 мг, барлығы 3 доза (1-ші, 4-ші және 7-ші күні), кейіннен аптасына бір рет 150 мг демеуші дозаны қабылдаумен — Демеуші доза: 6 ай Дерматомикоз — - табан микозы - тегіс тері микозы - шап дерматомикозы - терінің кандидозды инфекциялары — Аптасына бір рет 150 мг немесе тәулігіне бір рет 50 мг — 2-4 апта. Табан микозын емдеу 6 аптаға дейін созылуы мүмкін - түрлі-түсті теміреткі — аптасына бір рет300-400 мг — 1-3 апта тәулігіне бір рет 50 мг — 2-4 апта - дерматофитті онихомикоз — аптасына бір рет 150 мг — Емдеу курсын инфекция жұқтырған тырнақ толығымен ауысқанға дейін жалғастыру керек (сау тырнақ өскенше). Қол мен аяқтағы тырнақтарды қалпына келтіру үшін әдетте сәйкесінше 3-тен 6 айға дейін және 6-дан 12 айға дейін уақыт кетеді.Дегенмен, өсу қарқыны әр түрлі адамдарда және жасына байланысты айтарлықтай өзгеруі мүмкін. Кейбір жағдайларда ұзаққа созылған созылмалы инфекцияны емдеу сәтті аяқталғаннан кейін тырнақ пластиналары деформацияланған күйінде қалады Ұзаққа соызылған нейтропениясы бар пациенттерде кандидозды инфекциялардың профилактикасы — тәулігіне бір рет 200-400 мг — Емдеуді нейтропенияның күтілетін дамуына дейін бірнеше күн бұрын бастау керек және нейтрофилдер саны мм3-ке шаққанда 1000 жасушадан асқаннан кейін нейтропения жойылған соң 7 күн бойы жалғастыру керек Пациенттердің ерекше топтары Егде жастағы пациенттер Препараттың дозасын бүйрек функциясының жағдайына қарай түзету керек («Бүйрек жеткіліксіздігі бар пациенттер» бөлімін қараңыз). Бүйрек жеткіліксіздігі бар пациенттер Флуконазол негізінен несеппен өзгермеген түрде шығарылады. Препаратты бір рет қабылдағанда дозаны түзету талап етілмейді. Бүйрек функциясы бұзылған пациенттерде (балаларды қоса) флуконазолды көп рет қолдану қажет болған кезде бастапқы доза осы көрсетілім бойынша ұсынылатын тәуліктік дозаға байланысты 50 мг-ден 400 мг-ға дейін болуы тиіс. Осыдан кейін тәуліктік дозаны (көрсетілімдерге байланысты) төмендегі кестеге сәйкес есептеу керек: Креатинин клиренсі (мл/мин) — Ұсынылған дозаның пайызы > 50 — 100 % < 50 (диализсіз) — 50 % Тұрақты диализ — Әр диализден кейін 100 % Тұрақты диализдегі пациенттерге әрбір сеанстан кейін препаратты 100 % ұсынылған дозада қабылдау қажет. Диализден бос күндері пациенттерге креатинин клиренсінің шамасына байланысты препараттың аз дозасын қабылдау керек. Бауыр жеткіліксіздігі бар пациенттер Бауыр функциясы бұзылған пациенттерде флуконазолды қолдану жөніндегі ақпарат жеткіліксіз болғандықтан, пациенттердің осы санатында флуконазолды сақтықпен қолдану керек («Қолдану кезіндегі қажетті сақтандыру шаралары» және «Жағымсыз реакциялар сипаттамасы» бөлімдерін қараңыз). Балалар Балалар жасындағы пациенттерде 400 мг ең жоғары тәуліктік дозадан аспауы керек. Ересектердегі ұқсас инфекциялар кезіндегідей, емдеу ұзақтығы клиникалық және микологиялық әсерге байланысты. Флуконазол тәулігіне бір рет қолданылады. Бүйрек функциясыгның бұзылулары бар балалар туралы ақпарат «Бүйрек жеткіліксіздігі бар пациенттер» бөлімінде келтірілген. Бүйрек жеткіліксіздігі бар балалардағы флуконазолдың фармакокинетикасы бойынша зерттеулер жүргізілмеген (бүйректің жетілмегендігі жиі кездесетін «Мерзімі жетіп туылған нәрестелер» туралы ақпаратты төменде қараңыз). 28 күннен 11 жасқа дейінгі балалар Көрсетілімдер — Дозалау режимі — Ұсынымдар - Шырышты қабық кандидозын емдеу — Жүктеме дозасы: 6 мг/кг. Демеуші доза: тәулігіне бір рет 3 мг/кг — Препараттың тепе-теңдік концентрациясына тезірек жету үшін бірінші күні жүктеме дозасын қолдануға болады - Инвазиялық кандидоз - Криптококкты менингит — Доза: тәулігіне бір рет 6-12 мг/кг — Аурудың ауырлығына байланысты - Қайталанудың даму қаупі жоғары балаларда криптококкты менингиттің қайталанулар профилактикасына мақсатында демеуші ем — Доза: тәулігіне бір рет 6 мг/кг — Аурудың ауырлығына байланысты - Иммунитеті әлсіреген пациенттерде кандидоздар профилактикасы — Доза: тәулігіне бір рет 3-12 мг/кг — Индукцияланған нейтропенияның ауырлығы мен ұзақтығына байланысты («Ересектер» бөліміндегі дозалау жөніндегі ұсынымдарды қараңыз) Жасөспірімдер (12-ден 17 жасқа дейін) Дене салмағына және жыныстық жетілудің дамуына байланысты дәрігер пациент үшін қай дозаның (ересектер немесе балалар үшін) анағұрлым оңтайлы екенін бағалауы керек. Клиникалық дәлелдер балаларда флуконазол клиренсі ересектермен салыстырғанда жоғары екенін көрсетеді. Ересектерде 100 мг, 200 мг және 400 мг дозаларды және балаларда 3 мг/кг, 6 мг/кг және 12 мг/кг дозаларды қолдану салыстырмалы жүйелік экспозицияға қол жеткізуге әкеледі. Балалардағы генитальді кандидозды емдеу үшін флуконазолды қолдану қауіпсіздігі мен тиімділігі анықталмаған. Қазіргі уақытта балалардағы басқа көрсетілімдер бойынша препаратты қолдану қауіпсіздігі бойынша қолда бар деректер «Жағымсыз реакциялар сипаттамасы» бөлімде келтірілген. Жасөспірімдерде (12 жастан 17 жасқа дейін) генитальді кандидозды емдеу үшін препаратты қолдану қажет болған жағдайда, дозасы ересектермен бірдей болуы керек. Мерзімі жетіп туылған нәрестелер (0-ден 27 күнге дейін) Жаңа туылған нәрестелерде флуконазол баяу шығарылады. Мерзімі жетіп туылған нәрестелерде осы дозаны растайтын фармакокинетикалық деректер шамалы. Жас тобы — Дозалау режимі — Ұсынымдар Жаңа туылған нәрестелер (0-ден 14 күнге дейін) — Әр 72 сағат сайын сәбилерге, балақайларға және балаларға арналған мг/кг дозасын енгізу керек — Әр 72 сағат сайын ең жоғары доза 12 мг/кг-дан аспау керек Жаңа туылған нәрестелер(15-тен 27 күнге дейін) — Әр 48 сағат сайын сәбилерге, балақайларға және балаларға арналған мг/кг дозасын енгізу керек — Әр 48 сағат сайын ең жоғары доза 12 мг/кг-дан аспау керек Енгізу әдісі және жолы Ішке қабылдау үшін. Қабылдау уақыты көрсетілген қолдану жиілігі Таблеткаларды тұтас, шайнамай жұту керек. Препаратты ас ішуге байланыссыз қабылдайды. Емдеу ұзақтығы Әр адамға жекелей, зең инфекцияларының сипаты мен ауырлығына байланысты. Дәрілік препараттың бір немесе бірнеше дозасын өткізіп алу кезіндегі қажетті шаралар Деректер жоқ. Тоқтату симптомдары қаупінің болуына нұсқау Деректер жоқ. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Егер осы препарат қолдану туралы кейбір қосымша сұрақтар туындаса, емдеуші дәрігермен ақылдасыңыз.

Әсер етуші затқа, химиялық құрылымы бойынша оған жақын азолды заттарға немесе қосымша заттардың кез келгеніне аса жоғары сезімталдық. Препараттарды көп рет қабылдаумен дәрілік өзара әрекеттесуді зерттеу деректері бойынша флуконазолды тәулігіне 400 мг және одан жоғары дозада көп рет қолдану кезінде терфенадинмен бір мезгілде қолдануға болмайды. Флуконазол қабылдайтын пациенттерге QT аралығын ұзартатын және цизаприд, астемизол, пимозид, хинидин, мен эритромицин сияқты Р450 цитохромның CYP3A4 изоферменті арқылы метаболизденетін дәрілік заттарды бір мезгілде тағайындауға қарсы көрсетілімді («Қолдану кезіндегі қажетті сақтандыру шаралары» және «Басқа дәрілік препараттармен өзара әрекеттесуі» бөлімдерін қараңыз).

Жиі • бас ауыру • іштің ауыруы, құсу, диарея, жүрек айну • аланинаминотрансфераза деңгейінің жоғарылауы, аспартатаминотрансфераза деңгейінің жоғарылауы, қандағы сілтілік фосфатаза деңгейінің жоғарылауы • бөртпе Жиі емес • анемия • тәбеттің төмендеуі • ұйқышылдық, ұйқысыздық • құрысулар, парестезия, бас айналу, дәм сезудің бұзылуы • вертиго • іш қату, диспепсия, метеоризм, ауыздың құрғауы • холестаз, сарғаю, билирубин деңгейінің жоғарылауы • дәрілік бөртпе, есекжем, қышыну, қатты терлеу • миалгия • қатты шаршағыштық, дімкәстік, астения, қызба Сирек • агранулоцитоз, лейкопения, тромбоцитопения, нейтропения • анафилаксия • гиперхолестеринемия, гипертриглицеридемия, гипокалиемия • тремор • «пируэт» типті пароксизмалық қарыншалық тахикардия, QT аралығының ұзаруы • бауыр жеткіліксіздігі, гепатоцеллюлярлық некроз, гепатит, гепатоцеллюлярлық зақымдану • уытты эпидермальді некролиз, Стивенс-Джонсон синдромы, жедел жайылған экзантематозды пустулез, эксфолиативті дерматит, ангионевроздық ісіну, беттің ісінуі, алопеция Белгісіз • эозинофилиямен және жүйелік көріністермен дәрілік реакция (DRESS) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Флуконазолмен артық дозалану туралы хабарламалар бар. Елестеулер мен параноидальді мінез-құлық туралы бір уақытта хабарланды. Артық дозаланған жағдайда симптоматикалық ем жүргізу (оның ішінде демеуші шаралар және асқазанды шаю) жеткілікті болуы мүмкін. Флуконазол негізінен несеппен шығарылады, сондықтан қарқынды диурез оның шығарылуын тездетуі мүмкін. Ұзақтығы 3 сағат гемодиализ сеансы қан плазмасындағы флуконазол деңгейін шамамен 50 %-ға төмендетеді

Трихофития (tinea capitis) Балаларда tinea capitis емдеу үшін флуконазолды қолдануды зерттеу деректері бойынша флуконазолдың тиімділігі гризеофульвиннің тиімділігінен аспады, ал емдеу тиімділігінің жалпы көрсеткіші < 20 % құрады. Сондықтан флуконазолды трихофитияны емдеу үшін қолдануға болмайды. Криптококкоз Флуконазолдың криптококкозды емдеудегі тиімділігі туралы басқа дәлелдер (мысалы, өкпе криптококкозы және тері криптококкозы) жеткіліксіз, сондықтан мұндай ауруларды емдеу үшін дозалау бойынша ұсынымдар жоқ. Терең эндемиялық микоздар Флуконазолдың паракокцидиоидомикоз, тері-лимфа споротрихозы және гистоплазмоз сияқты эндемиялық микоздардың басқа түрлерін емдеу үшін тиімділігінің дәлелі жеткіліксіз, сондықтан мұндай ауруларды емдеуге арналған дозалау бойынша ұсынымдар жоқ. Бүйрек жүйесі Бүйрек функциясының бұзылулары бар пациенттерге флуконазолды сақтықпен қолдану керек («Дозалау режимі» бөлімін қараңыз). Бүйрекүсті безінің жеткіліксіздігі Кетоконазолдың бүйрекүсті безінің жеткіліксіздігін туындататыны анықталды, бұл сирек жағдайларда флуконазолға да қатысты болуы мүмкін. Бүйрекүсті безінің жеткіліксіздігі, преднизолонмен жүргізілетін қатарлас емдеумен байланысты («Басқа дәрілік препараттармен өзара әрекеттесуі» бөлімін қараңыз). Гепатобилиарлы жүйе Бауыр функциясының бұзылулары бар пациенттерде препаратты сақтықпен қолдану керек. Сирек жағдайларда флуконазолды қолдану бауыр тарапынан ауыр уытты реакциялардың, оның ішінде өліммен аяқталған жағдайдың дамуымен қатар жүруі мүмкін. Мұндай реакциялардың даму қаупі пациентте ауыр қатар жүретін аурулар болған кезде артады. Гепатоуыттылықтың дамуы флуконазолды қолданумен байланысты болған жағдайларда пациенттің жағдайы мен препараттың тәуліктік дозасы, емдеу ұзақтығы, пациенттің жасы мен жынысы арасында корреляция анықталған жоқ. Флуконазолдың гепатоуытты әсері әдетте қайтымды болды. Бауырдың анағұрлым ауыр зақымдану белгілерін анықтау мақсатында флуконазолмен емдеу кезінде бауыр функциясының көрсеткіштері бұзылған пациенттердің жағдайын бақылау қажет. Пациенттерге бауырдың ауыр зақымдануы (айқын әлсіздік, анорексия, тұрақты жүрек айнуы, құсу және сарғаю) туралы айғақтауы мүмкін симптомдар туралы хабарлау керек. Жоғарыда көрсетілген симптомдар пайда болған кезде флуконазолды қолдануды дереу тоқтатып, дәрігермен кеңесу керек. Жүрек-қантамыр жүйесі Кейбір азолдарды, соның ішінде флуконазолды қабылдау электрокардиограммадағы QT аралығының ұзаруымен байланысты болды. Флуконазол QT аралығын түзететін калий өзекшелері (Ikr) арқылы иондар ағынын тежеу арқылы ұзартады. Басқа дәрілік препараттар (мысалы, амиодарон) туындатқан QT аралығының ұзаруы Р450 цитохромының СYРЗА4 изоферментінің тежелуімен күшейтілуі мүмкін. Тіркеуден кейінгі бақылау кезеңінде флуконазол қолданған пациенттерде QT аралығының ұзаруы мен «пируэт» типті пароксизмалық қарыншалық тахикардияның (torsades de pointes) өте сирек даму жағдайлары байқалды. Бұл жағдайлар жүректің құрылымдық аурулары, электролиттік теңгерімнің бұзылуы сияқты көптеген қауіп факторларының үйлесімінде, сондай-ақ осы асқынулардың дамуына себеп болуы мүмкін басқа дәрілік заттарды бір мезгілде қолданғанда ауыр ауруларға шалдыққан пациенттерде тіркелді. Гипокалиемиямен және жүректің ауыр жеткіліксіздігімен ауыратын пациенттерде өмірге қауіп төндіретін қарыншалық аритмиялар мен полиморфты қарыншалық тахикардия қаупі жоғары. Флуконазолды проаритмогенді жағдайы бар пациенттерде сақтықпен қолдану керек. Флуконазолмен QT аралығын ұзартатын және Р450 цитохромы CYP3А4 изоферментінің көмегімен метаболизденетін басқа дәрілік заттарды бір мезгілде қолдануға болмайды («Қолдануға болмайтын жағдайлар» және «Басқа дәрілік препараттармен өзара әрекеттесуі» бөлімдерін қараңыз). Галофантрин Галофантрин СYР3А4 изоферментінің субстраты болып табылатыны және ұсынылатын емдік дозаларда қолданғанда QTc аралығын ұзартатыны анықталды. Осыған байланысты, галофантрин мен флуконазолды бір мезгілде қолдану ұсынылмайды («Басқа дәрілік препараттармен өзара әрекеттесуі» бөлімін қараңыз). Дерматологиялық реакциялар Сирек жағдайларда флуконазолды қолданған кезде пациенттерде Стивенс-Джонсон синдромы және уытты эпидермальді некролиз сияқты терінің эксфолиативті реакциялары дамыған. Флуконазолды қолдану кезінде эозинофилиямен және жүйелік көріністеулермен дәрілік реакцияның (DRESS) дамуы туралы хабарланды. ЖИТС-пен ауыратын науқастар көптеген дәрілік заттарды қолданған кезде терінің ауыр реакцияларының дамуына анағұрлым бейім. Егер флуконазолды қабылдаған кезде беткейлік зең инфекциясы бар пациентте тері бөртпесі пайда болса, препаратты одан әрі қолдануды тоқтату керек. Егер инвазиялық/жүйелі зеңдік инфекциясы бар пациентте теріде бөртпе пайда болса, оның жай-күйін мұқият бақылау керек, ал буллезді бөртпелер немесе мультиформды эритема дамыған жағдайда флуконазолды қолдануды тоқтату қажет. Аса жоғары сезімталдық Сирек жағдайларда анафилаксиялық реакциялардың дамуы туралы хабарланды («Қолдануға болмайтын жағдайлар» бөлімін қараңыз). Р450 цитохромы Флуконазол CYP2C9 және CYP3A4 изоферменттерінің орташа тежегіші болып табылады. Сонымен қатар, флуконазол CYP2C19 изоферментінің күшті тежегіші болып табылады. Осыған байланысты флуконазолды және CYP2C9, CYP2C19 және CYP3A4 изоферменттерінің қатысуымен метаболизденетін емдік терезесі тар препараттарды бір мезгілде қабылдайтын пациенттердің жағдайын мұқият бақылау керек(«Басқа дәрілік препараттармен өзара әрекеттесуі» бөлімін қараңыз). Терфенадин Флуконазолды тәулігіне 400 мг төмен дозаларда және терфенадинді бір мезгілде қолданған кезде пациенттің жай-күйін мұқият бақылау керек («Қолдануға болмайтын жағдайлар» және «Басқа дәрілік препараттармен өзара әрекеттесуі» бөлімдерін қараңыз). Кандидоз Зерттеулер C. albicans-тан өзге, Candida-ның әртүрлі түрлері туындатқан инфекциялар таралуының ұлғайғанын көрсетті. Олар көбіне табиғи резистенттілікке ие (мысалы, C. krusei және C. auris) немесе флуконазолға сезімталдықтың төмендеуін (C. glabrata) көрсетеді. Мұндай инфекцияларды емдеу үшін емдеудің тиімсіздігіне байланысты балама зеңге қарсы ем қажет болуы мүмкін. Сондықтан ем тағайындайтын дәрігерлерге Candida әр түрлерінің флуконазолға резистенттіліктің таралуын ескеру ұсынылады. Қосымша заттар Препарат құрамында лактоза моногидраты бар. Галактозаға жақпаушылық, Лапп лактаза жеткіліксіздігі және глюкоза-галактоза мальабсорбциясы сияқты сирек кездесетін тұқым қуалайтын ауруларға шалдыққан пациенттер бұл препаратты қабылдамауы керек. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Флуконазолдың көлікті басқару немесе басқа механизмдермен жұмыс істеу қабілетіне әсері туралы зерттеулер жүргізілген жоқ. Пациенттерге препаратты қолдану кезінде бас айналу немесе құрысулардың даму ықтималдылығы туралы хабарлау керек. Мұндай симптомдар дамыған кезде көлікті басқару немесе басқа механизмдермен жұмыс істеу ұсынылмайды.

Егер сіз жүкті болсаңыз немесе бала емізетін болсаңыз, жүкті болып қалуым мүмкін деп ойласаңыз немесе балалы болуды жоспарласаңыз, бұл дәріні қабылдамас бұрын дәрігеріңізбен немесе фармацевтпен ақылдасыңыз. Егер сіз жүкті болуды жоспарласаңыз, жүкті болмас бұрын флуконазолды бір рет қабылдағаннан кейін бір апта күту ұсынылады. Флуконазолмен емдеудің ұзағырақ курстарын жүргізген кезде өз дәрігеріңізбен емдеу кезінде тиісті контрацепцияның қажеттілігі туралы кеңесіп алыңыз, ол соңғы дозаны қабылдағаннан кейін бір апта бойы жалғасуы тиіс. Егер сіз жүкті болсаңыз, жүкті болуыңыз мүмкін деп күдіктенсеңіз, жүкті болуға ұмтылып жүрсеңіз, егер тек дәрігеріңіз сізге бұл туралы айтпаса, Сізге флуконазол қабылдауға болмайды. Егер сіз осы дәріні қабылдау кезінде немесе соңғы дозаны қабылдағаннан кейін 1 апта ішінде жүкті болып қалсаңыз, дәрігерге жүгініңіз. Жүктіліктің бірінші немесе екінші триместрі ішінде қабылданған флуконазол түсік тастау қаупін арттыруы мүмкін. Бірінші триместр ішінде қабылданған флуконазол туа біткен жүрек, сүйек және/немесе бұлшықет ақаулары бар сәбидің туу қаупін аздап арттыруы мүмкін. Үш немесе одан да көп айлар бойы кокцидиоидомикоздан флуконазолдың жоғары дозаларын (күн сайын 400-800 мг) қабылдаған әйелдерде бас сүйегінің, құлақтың және жамбас пен шынтақ сүйектерінің туа біткен ақауларымен туған нәрестелер туралы хабарламалар түскен. Флуконазол мен осы жағдайлардың арасындағы байланыс түсініксіз. Флуконазол емшек сүтіне еніп, қан плазмасына қарағанда анағұрлым төмен концентрацияға жетеді. Бала емізуді 150 мг флуконазолды бір рет қолданғаннан кейін жалғастыруға болады. Флуконазолды көп рет қолданғанда немесе флуконазолдың жоғары дозаларын қолданғанда бала емізу ұсынылмайды. Бала емізудің баланың дамуы мен денсаулығына тигізетін пайдасын, сондай-ақ ананың препаратқа деген клиникалық қажеттілігін және еметін бала үшін препараттың немесе ананың негізгі ауруының кез келген ықтимал жағымсыз әсерлерін бағалау керек.

Флуконазолды және келесі дәрілік заттарды бірге қолдану қарсы көрсетілімді Цизаприд: флуконазол мен цизапридті бір мезгілде қабылдаған пациенттерде жүрек тарапынан жағымсыз реакциялардың, соның ішінде «пируэт» типі бойынша пароксизмалық қарыншалық тахикардияның (torsade de pointes) дамуы байқалды. Бақыланатын зерттеу барысында флуконазолды тәулігіне 1 рет 200 мг дозада және тәулігіне 4 рет 20 мг дозада цизапридті бір мезгілде қолдану қан плазмасындағы цизаприд концентрациясының едәуір артуына және QTс аралығының ұзаруына әкелді. Флуконазол мен цизапридті бір мезгілде қолдануға болмайды («Қолдануға болмайтын жағдайлар» бөлімін қараңыз). Терфенадин: QTc аралығының ұзаруынан туындаған ауыр жүрек аритмиялардың дамуына байланысты азол тобынан зеңге қарсы дәрілік заттарды терфенадинмен бір уақытта қолданған пациенттерде осы препараттардың өзара әрекеттесуі бойынша зерттеулер жүргізілді. Бір зерттеуде флуконазолды тәулігіне 200 мг дозада қолданғанда QTc аралығының ұзаруы анықталған жоқ. Флуконазолды тәулігіне 400 мг және тәулігіне 800 мг дозада қолданатын тағы бір зерттеуде флуконазолдың тәулігіне 400 мг немесе одан жоғары дозада осы препараттарды бір мезгілде қолданғанда қан плазмасындағы терфенадин деңгейін айтарлықтай арттыратыны көрсетілген. Флуконазолды 400 мг немесе одан жоғары дозада терфенадинмен бірге қолдануға болмайды («Қолдануға болмайтын жағдайлар» бөлімін қараңыз). Флуконазолды тәулігіне 400 мг-ден аз дозада терфенадинмен бір мезгілде қолданған кезде пациенттің жай-күйіне мұқият мониторинг жүргізген жөн. Астемизол: флуконазол мен астемизолды бір мезгілде қолдану астемизол клиренсінің төмендеуіне әкелуі мүмкін. Осыған байланысты қан плазмасындағы астемизол концентрациясының жоғарылауы өз кезегінде QT аралығының ұзаруына және сирек жағдайларда «пируэт» типі бойынша пароксизмалық қарыншалық тахикардияның (torsade de pointes) дамуына әкелуі мүмкін. Флуконазол мен астемизолды бір мезгілде қолдануға болмайды («Қолдануға болмайтын жағдайлар» бөлімін қараңыз). Пимозид: тиісті in vitro немесе in vivo зерттеулері жүргізілмегеніне қарамастан, флуконазол мен пимозидті бір мезгілде қолдану пимозид метаболизмінің тежелуіне әкелуі мүмкін. Өз кезегінде, пимозидтің плазмалық концентрациясының жоғарылауы QT аралығының ұзаруына және сирек жағдайларда «пируэт» типі бойынша пароксизмалық қарыншалық тахикардияның (torsade de pointes) дамуына әкелуі мүмкін. Флуконазол мен пимозидті бір мезгілде қолдануға болмайды («Қолдануға болмайтын жағдайлар» бөлімін қараңыз). Хинидин: тиісті in vitro немесе in vivo зерттеулері жүргізілмегеніне қарамастан, флуконазол мен хинидинді бір мезгілде қолдану хинидин метаболизмінің тежелуіне әкелуі мүмкін. Хинидинді қолдану QT аралығының ұзаруымен және сирек жағдайларда «пируэт» типті пароксизмалық қарыншалық тахикардияның (torsade de pointes) дамуымен байланысты. Флуконазол мен хинидинді бір мезгілде қолдануға болмайды («Қолдануға болмайтын жағдайлар» бөлімін қараңыз). Эритромицин: флуконазол мен эритромицинді бір мезгілде қолдану кардиоуыттылықтың даму (QT аралығының ұзаруы, «пируэт» типі бойынша пароксизмалық қарыншалық тахикардияның (torsade de pointes) дамуы) және соның салдарынан кенеттен болатын коронарлық өлім қаупін арттырады. Флуконазол мен эритромицинді бір мезгілде қолдануға болмайды («Қолдануға болмайтын жағдайлар» бөлімін қараңыз). Флуконазолды және келесі дәрілік заттарды бір мезгілде қолдану ұсынылмайды Галофантрин: флуконазол CYP3A4-ке тежегіш әсер ету арқылы қан плазмасындағы галофантрин концентрациясын жоғарылатуы мүмкін. Флуконазол мен галофантринді бір мезгілде қолдану кардиоуыттылықтың даму (QT аралығының ұзаруы, «пируэт» типі бойынша пароксизмалық қарыншалық тахикардияның (torsade de pointes) дамуы) және соның салдарынан кенеттен болатын коронарлық өлім қаупін арттыруы мүмкін. Осы дәрілік заттардың біріктірілімін қолданудан аулақ болу керек («Қолдану кезіндегі қажетті сақтандыру шаралары» бөлімін қараңыз). Сақтықпен қолданылуы керек бір мезгілде қолдану Амиодарон: флуконазолды амиодаронмен бір мезгілде қолдану QТ аралығының ұзаруына әкелуі мүмкін. Флуконазол мен амиодаронды бір мезгілде қолданғанда, әсіресе флуконазолдың жоғары дозасын (800 мг) қабылдағанда сақ болу керек. Флуконазолды және келесі дәрілік заттарды бір мезгілде қолдану сақтық танытуды және дозаны түзетуді қажет етеді Басқа дәрілік заттардың флуконазолға әсері Рифампицин: флуконазол мен рифампицинді бір мезгілде қолдану AUC 25 % төмендеуіне және флуконазолдың жартылай шығарылу кезеңінің 20 % қысқаруына әкелді. Рифампицин қабылдайтын пациенттерде флуконазол дозасын арттыру туралы мәселені қарау керек. Дәрілік өзара әрекеттесуді зерттеу бойынша зерттеулер флуконазолды тамақтану кезінде, циметидинмен, антацидтермен бірге немесе бүкіл денені жаппай сәулелендіру жүргізілгеннен кейін (сүйек кемігін ауыстырып қондыруға дайындық кезінде) ішу арқылы қолдану флуконазолдың сіңірілуіне клиникалық маңызды әсер етпейтінін көрсетті. Гидрохлоротиазид: фармакокинетикалық өзара әрекеттесуді зерттеуде флуконазол қабылдаған дені сау еріктілерге гидрохлоротиазидті бір мезгілде бірнеше рет қолдану қан плазмасындағы флуконазол концентрациясын 40 %-ға арттырды. Мұндай өзара әрекеттесу параметрлері диуретиктерді бір уақытта қабылдайтын пациенттер үшін флуконазолдың дозалау режимін өзгертуді қажет етпейді. Флуконазолдың басқа дәрілік заттарға әсері Флуконазол P450 цитохромының (CYP) 2C9 және 3A4 изоферменттерінің орташа тежегіші болып табылады. Флуконазол сонымен қатар CYP2C19 изоферментінің күшті тежегіші болып табылады. Анықталған/белгіленген өзара әрекеттесулерден басқа (бұдан әрі), флуконазолмен бір мезгілде қолданғанда CYP2C9, CYP2C19 және CYP3A4 арқылы метаболизденетін басқа препараттардың қан плазмасындағы концентрациясының жоғарылау қаупі бар. Демек, препараттардың мұндай біріктірілімдерін сақтықпен қолданған жөн; бұл ретте пациенттердің жағдайын мұқият бақылау қажет. Флуконазолдың жартылай шығарылуының ұзақ кезеңіне байланысты оның ферменттерге тежегіштік әсері ем аяқталғаннан кейін 4-5 тәулік бойы сақталады («Қолдануға болмайтын жағдайлар» бөлімін қараңыз). Аброцитиниб: флуконазол (CYP2C19, 2C9, 3A4 тежегіші) әсер етуші зат аброцитинибтің әсер ету деңгейін 155 %-ға арттырды. Флуконазолмен бір мезгілде қолданғанда аброцитиниб дозасын аброцитинибті қолдану жөніндегі нұсқаулыққа сәйкес түзету керек. Альфентанил: дені сау еріктілерде флуконазолды (400 мг дозада) және алфентанилді (вена ішіне 20 мкг/кг дозада) бір мезгілде қолдану альфентанилдің AUC10 екі есе ұлғаюына әкелді (CYP3A4 изоферментін тежеу арқылы орын алуы мүмкін). Альфентанил дозасын түзету қажет болуы мүмкін. Амитриптилин, нортриптилин: флуконазол амитриптилин мен нортриптилиннің әсерін күшейтеді. 5-нортриптилин және/немесе S-амитриптилин концентрациясын біріктірілген емнің басында және емнің бірінші аптасынан кейін анықтау ұсынылады. Қажет болса, амитриптилин/нортриптилин дозасын түзету керек. Амфотерицин В: иммунитеті қалыпты және әлсіреген, инфекция жұқтырған тышқандарда флуконазол мен амфотерицин В бір мезгілде қолданғанда келесідей нәтижелер алынды: С.albicans туындатқан жүйелік инфекция кезінде зеңге қарсы аздаған аддитивті әсер, Cryptococcus neoformans туындатқан бассүйекішілік инфекция кезінде өзара әрекеттесудің болмауы және Aspergillus fumigatus туындатқан жүйелі инфекция кезінде екі препараттың антагонизмі. Осы зерттеулерде алынған нәтижелердің клиникалық маңыздылығы белгісіз. Антикоагулянттар: тіркеуден кейінгі бақылау кезеңінде варфарин мен флуконазолды бір мезгілде қолдану кезінде протромбиндік уақыттың ұзаруына байланысты қан кетулердің (гематомалардың түзілуі, мұрыннан қан кету, асқазан-ішектен қан кету, гематурия және мелена) дамуы туралы хабарламалар келіп түсті. Мұндай құбылыстар азолдар тобының басқа зеңге қарсы препараттарды қолдану кезінде де байқалды. Флуконазол мен варфаринді бір мезгілде қолданған кезде СYР2С9 изоферменті арқылы варфарин метаболизмінің бәсеңдеуі салдарынан протромбиндік уақыттың екі есе ұлғаюы байқалды. Кумаринді қатардағы антикоагулянттарды немесе индандионды флуконазолмен бірге қабылдайтын пациенттерде протромбиндік уақытты мұқият бақылау ұсынылады. Антикоагулянттың дозасын түзету қажет болуы мүмкін. Қысқа әсер ететін бензодиазепиндер, мысалы, мидазолам, триазолам: мидазолам мен флуконазолды пероральді қолданғаннан кейін қан сарысуындағы мидазолам концентрациясының айтарлықтай жоғарылауы және психомоторлық әсерлердің жоғарылауы байқалды. Флуконазолды 200 мг дозада және мидазоламды ішке 7,5 мг дозада бір мезгілде қолдану мидазоламның AUC жоғарылауына және жартылай шығарылу кезеңінің 3,7 және тиісінше 2,2 есе ұзаруына әкелді. Тәулігіне 200 мг дозада флуконазолды және ішке 0,25 мг дозада триазоламды бір мезгілде қолдану триазоламның AUC ұлғаюына және жартылай шығарылу кезеңінің 4,4 және тиісінше 2,3 есе ұзаруына әкелді. Флуконазол мен триазоламды бір мезгілде қолданғанда триазолам әсерінің күшеюі және ұзартылуы байқалды. Егер флуконазол қабылдайтын пациенттерге бір мезгілде бензодиазепиндермен ем жүргізу қажет болса, соңғысының дозасын төмендету туралы мәселені қарау және пациенттердің жай-күйіне тиісті бақылау орнату керек. Карбамазепин: флуконазол карбамазепиннің метаболизмін тежейді және қан плазмасындағы карбамазепин концентрациясының 30 %-ға жоғарылауына ықпал етеді. Карбамазепин уыттылығының даму қаупін ескеру қажет. Карбамазепин дозасын оның қандағы концентрация деңгейіне және емдік әсерінің айқындылық дәрежесіне қарай түзету қажет болуы мүмкін. Кальций өзекшелерінің блокаторлары: кейбір кальций өзекшелерінің антагонистері (нифедипин, исрадипин, амлодипин, верапамил және фелодипин) CYP3A4 изоферментімен метаболизденеді. Флуконазол кальций өзекшелері блокаторларының жүйелік әсерін арттыра алады. Жағымсыз әсерлердің дамуын мұқият бақылау ұсынылады. Целекоксиб: флуконазолды (тәулігіне 200 мг дозада) және целекоксибті (200 мг дозада) бір мезгілде қолданғанда целекоксибтің ең жоғары концентрациясының және AUC 68 %-ға және сәйкесінше 134 %-ға жоғарылауы байқалды. Флуконазолмен біріктірілген кезде целекоксибтің жарты дозасы қажет болуы мүмкін. Циклофосфамид: циклофосфамид пен флуконазолды бір мезгілде қолдану қан сарысуындағы билирубин мен креатинин деңгейінің жоғарылауына әкеледі. Бұл біріктірілім билирубин мен креатинин концентрациясының жоғарылау қаупін ескере отырып қолжетімді. Фентанил: фентанил мен флуконазолдың өзара әрекеттесуіне байланысты өлімге әкелетін фентанилмен уыттанудың бір жағдайы туралы хабарланды. Сонымен қатар, дені сау еріктілерді зерттеу флуконазолдың фентанилдің элиминациясын едәуір баяулатқанын көрсетті. Фентанил концентрациясының жоғарылауы тыныстың тарылуына әкелуі мүмкін. Тыныстың тарылу ықтимал қаупін анықтау үшін пациенттердің жағдайын мұқият бақылау керек. Фентанил дозасын түзету қажет болуы мүмкін. ГМГ-КоА-редуктаза тежегіштері: флуконазолды аторвастатин және симвастатин сияқты CYP3A4 арқылы метаболизденетін ГМГ-КоА-редуктаза тежегіштерімен немесе флувастатин (статиндердің бауыр метаболизмінің төмендеуі) сияқты CYP2С9 арқылы бір мезгілде қолданғанда миопатия мен рабдомиолиздің даму қаупі артады (дозаға байланысты). Егер қатарлас жүретін ем қажет болса, пациентті миопатия мен рабдомиолиз симптомдары тұрғысынан байқалуы керек, сонымен қатар креатининкиназа концентрациясын бақылау керек. Креатинкиназа деңгейінің айқын жоғарылауы кезінде, сондай-ақ миопатия/рабдомиолизге күдік туындағанда немесе анықталған кезде ГМГ-КоА-редуктаза тежегіштерін қабылдауды тоқтату керек. Статиндерді қолдану жөніндегі нұсқаулыққа сәйкес ГМГ КоА редуктаза тежегіштерінің төмен дозалары қажет болуы мүмкін. Ибрутиниб: флуконазол сияқты орташа CYP3A4 тежегіштері плазмадағы иматиниб концентрациясын арттырады және уыттылық қаупін арттыруы мүмкін. Егер біріктірілімдерді болдырмау мүмкін болмаса, тежегішті қолдану кезінде ибрутиниб дозасын күніне бір рет (екі капсула) 280 мг-ға дейін азайту және мұқият клиникалық бақылауды қамтамасыз ету қажет. Ивакафтор (бөлек немесе сол емдік кластың препараттармен бірге): муковисцидоз кезінде трансжарғақшалық өткізгіштік реттегішінің модуляторымен (CFTR) – ивакафтормен бір мезгілде қолдану ивакафтордың әсерін 3 есе, ал гидроксиметил-ивакафтордың әсерін (М1) 1,9 есе арттырды. Ивакафторды қолдану жөніндегі нұсқаулыққа сәйкес (бөлек немесе біріктірілімде) ивакафтордың дозасын азайту қажет (бөлек немесе біріктірілімде). Олапариб: флуконазол сияқты орташа CYP3A4 тежегіштері плазмадағы олапариб концентрациясын арттырады; бір мезгілде қолдану ұсынылмайды. Егер біріктірілімдерді болдырмау мүмкін болмаса, қажет олапариб дозасын күніне екі рет 200 мг-ға дейін шектеңіз. Иммуносупрессорлар (мысалы, циклоспорин, эверолимус, сиролимус және такролимус): Циклоспорин: флуконазол циклоспориннің концентрациясын және AUC деңгейін айтарлықтай арттырады. Флуконазолды тәулігіне 200 мг дозада және циклоспоринді (тәулігіне 2,7 мг/кг дозада) бір мезгілде қолданғанда циклоспориннің AUC 1,8 есе жоғарылауы байқалды. Бұл препараттарды оның концентрациясына байланысты циклоспорин дозасы төмендеген жағдайда бір мезгілде қолдануға болады. Эверолимус: тиісті in vivo және in vitro зерттеулері жүргізілмегеніне қарамастан, флуконазол CYP3А4 тежеу арқылы қан сарысуындағы эверолимус концентрациясын арттыруға қабілетті деп саналады. Сиролимус: флуконазол сиролимустың қан плазмасындағы концентрациясын сиролимус СYР3А4 және Р-гликопротеин метаболизмін тежеу арқылы жоғарылатуы мүмкін. Бұл біріктірілім емдік әсердің концентрациясы мен ауырлығына байланысты сиролимус дозасын түзету жағдайында қолданылуы мүмкін. Такролимус: флуконазол қан сарысуындағы такролимус концентрациясын ішекте CYP3A4 ферментімен такролимус алмасуын тежеу арқылы пероральді қолданғанда 5 есеге дейін арттыруға қабілетті. Такролимусты вена ішіне қолданғанда фармакокинетикада елеулі өзгерістер байқалған жоқ. Қан сарысуындағы такролимус концентрациясының жоғарылауы нефроуыттылықтың дамуымен байланысты болды. Ішке қабылдау үшін такролимустың дозасын оның қандағы концентрациясына байланысты төмендету қажет. Лозартан: флуконазол лозартанның метаболизмін оның белсенді метаболитіне (Е-3174) дейін бәсеңдетеді, ол лозартанды қабылдаған кезде ангиотензин II рецепторларына антагонизммен байланысты әсерлердің басым бөлігіне жауап береді. Емдеудің барлық кезеңі ішінде пациенттерде артериялық қысымның тұрақты мониторингін жүзеге асыру ұсынылады. Луразидон: флуконазол сияқты орташа CYP3A4 тежегіштері плазмадағы луразидон концентрациясын жоғарылатуы мүмкін. Егер бір мезгілде қолдануды болдырмау мүмкін болмаса, луразидонды қолдану жөніндегі нұсқаулықта көрсетілгендей луразидон дозасын азайту керек. Метадон: флуконазол қан сарысуындағы метадон концентрациясын жоғарылатуы мүмкін. Метадон дозасын түзету қажет болуы мүмкін. Қабынуға қарсы стероидты емес дәрілер (ҚҚСД): флуконазолмен бір мезгілде қолданғанда флурбипрофеннің Cmax және АUС тек флурбипрофенді қолдану кезіндегі ұқсас көрсеткіштермен салыстырғанда 23 %-ға және сәйкесінше 81 %-ға артқан. Сол сияқты, флуконазолды және рацемиялық ибупрофенді (400 мг дозада) бір мезгілде қолданғанда ибупрофеннің фармакологиялық белсенді S-(+) изомерінің Cmax және AUC тек рацемиялық ибупрофенді қолданған кездегі ұқсас көрсеткіштермен салыстырғанда 15 %-ға және сәйкесінше 82 %-ға артқан. Нысаналы зерттеулердің жоқ екеніне қарамастан, флуконазол CYP2C9 изоферментімен (мысалы, напроксен, лорноксикам, мелоксикам, диклофенак) метаболизденетін басқа ҚҚСД-лердің жүйелік экспозициясын арттыруға қабілетті екені белгілі. ҚҚСД қабылдаумен байланысты жағымсыз әсерлер мен уыттылықты жиі бақылау ұсынылады. ҚҚСД дозасын түзету қажет болуы мүмкін. Фенитоин: флуконазол бауырдағы фенитоин метаболизмін тежейді. Флуконазолды 200 мг дозада және фенитоинді 250 мг вена ішіне бір мезгілде бірнеше рет қолдану фенитоиннің AUC24 және Сmin 75 %-ға және сәйкесінше 128 %-ға ұлғаюына әкелді. Осы дәрілік заттарды бір мезгілде қолданған кезде фенитоиннің уытты әсерінің дамуын болдырмау үшін қан плазмасындағы фенитоин концентрациясына мониторинг жүргізу керек. Преднизон: 3 айлық ем курсынан кейін флуконазолды тоқтату аясында бауыр трансплантациясынан кейін пациентте бүйрекүсті безі қыртысының жедел жеткіліксіздігінің дамуы туралы хабарлама бар. Флуконазолмен емдеуді тоқтату СYРЗА4 изоферментінің белсенділігін арттырды, бұл преднизон метаболизмінің жоғарылауына әкелді. Преднизонмен және флуконазолмен ұзақ уақыт бойы біріктірілген ем алатын пациенттер бүйрекүсті безі қыртысының жеткіліксіздігін анықтау мақсатында флуконазол қабылдауды тоқтатқан кезде мұқият медициналық бақылауда болуы тиіс. Рифабутин: флуконазол қан сарысуындағы рифабутин концентрациясын жоғарылатады, нәтижесінде рифабутиннің AUC 80 %-ға дейін артады. Флуконазол мен рифабутинді бір мезгілде қолданғанда увеиттің даму жағдайлары сипатталған. Дәрілік заттардың осындай біріктірілімін қолданған кезде рифабутиннің уытты әсер ету симптомдарын назарға алу қажет. Саквинавир: флуконазол бауырдағы саквинавирдің метаболизмін CYP3A4 изоферментімен тежеу және Р-гликопротеинді тежеу арқылы саквинавирдің AUC және Cmax деңгейін шамамен 50 %-ға және 55 %-ға арттырады. Флуконазол мен саквинавирдің/ритонавирдің өзара әрекеттесуін зерттеу жүргізілмеген, сондықтан ол одан да айқын болуы мүмкін. Саквинавирдің дозасын түзету қажет болуы мүмкін. Сульфонилмочевина туындылары: дені сау еріктілермен жүргізілген зерттеулер флуконазолды сульфонилмочевинаның пероральді туындыларымен (мысалы, хлорпропамидпен, глибенкламидпен, глипизидпен, толбутамидпен) бір мезгілде қолдану олардың жартылай шығарылу кезеңінің ұзаруына әкелетінін көрсетті. Флуконазолмен бір мезгілде қолданған кезде қандағы глюкоза деңгейін тұрақты бақылау және қажет болған жағдайда, сульфонилмочевина препараттарының дозасын уақтылы төмендету қажет. Теофиллин: флуконазолды 200 мг дозада 14 күн бойы қабылдаған кезде дәрілік өзара әрекеттесудің плацебо-бақыланатын зерттеуінде теофиллиннің плазмалық клиренсінің орташа жылдамдығы 18 %-ға төмендеді. Теофиллинді жоғары дозада қолданатын немесе басқа себептермен теофиллиннің уытты көріністерінің даму қаупі жоғары пациенттерді теофиллиннің уытты әсерінің белгілерін анықтау үшін мұқият бақылау керек. Уыттылық белгілері пайда болған кезде емді өзгерту керек. Тофацитиниб: тофацитинибтің экспозициясы тофацитинибті CYP3A4 қалыпты тежелуіне және CYP2C19 күшті тежелуіне әкелетін препараттармен (мысалы, флуконазол) бір мезгілде қолданғанда жоғарылайды. Сондықтан осы препараттармен біріктірілген кезде тофацитиниб дозасын тәулігіне бір рет 5 мг-ға дейін төмендету ұсынылады. Толваптан: толваптанның экспозициясы CYP3A4 изоферментінің субстраты болып табылатын толваптанды CYP3A4 орташа тежегіші флуконазолмен бірге қолданған кезде айтарлықтай артады (AUC 200 %-ға; Cmax 80 %-ға), бұл жағымсыз реакциялардың даму қаупінің айтарлықтай жоғарылауына әкеледі, атап айтқанда диурездің жоғарылауы, дегидратация және бүйректің жедел жеткіліксіздігі. Осы препараттарды бір мезгілде қолданғанда толваптан дозасын азайтып, пациенттің жағдайын мұқият бақылау керек. Қабіршөп алкалоидтары: нысаналы зерттеулердің болмауына қарамастан, флуконазол қан плазмасындағы қабіршөп алкалоидтарының концентрациясын жоғарылатуға қабілетті деп саналады (мысалы, винкристин және винбластин) және осылайша нейроуыттылықтың дамуына әкеледі, бұл CYP3А4 изоферментінің тежелуіне байланысты болуы мүмкін. А дәрумені: флуконазолды тоқтатқаннан кейін жойылған толық трансретиноин қышқылын (А дәруменінің қышқыл түрі) және флуконазолды бір мезгілде қолдану кезінде мидың жалуған ісік түрінде орталық жүйке жүйесі (ОЖЖ) тарапынан жағымсыз реакциялардың дамуының бір жағдайы туралы хабарлама бар. Бұл біріктірілімді қолдануға болады, бірақ ОЖЖ тарапынан жағымсыз реакциялардың туындау мүмкіндігі туралы есте сақтау керек. Вориконазол (CYP2C9, CYP2C19 және CYP3A4 изоферменттер тежегіші): 8 дені сау еркек еріктілерде вориконазол (бірінші күні әр 12 сағат сайын 400 мг, содан кейін 2,5 күн ішінде әр 12 сағат сайын 200 мг) мен флуконазолды (бірінші күні 400 мг, содан кейін 4 күн ішінде әр 24 сағат сайын 200 мг) бір мезгілде пероральді қолдану вориконазолдың Cmax және AUC орташа есеппен 57 %-ға (90 % СА: 20 %, 107 %) және сәйкесінше 79 %-ға (90 % СА: 40 %, 128 %) жоғарылауына әкелді. Вориконазол немесе флуконазол дозасының және/немесе қолдану жиілігінің төмендеуі осы әсердің жойылуына әкелетіні-әкелмейтіні белгісіз. Егер вориконазол флуконазолды қолданғаннан кейін дәйекті түрде қолданылса, вориконазолмен байланысты жағымсыз құбылыстарды бақылау ұсынылады. Зидовудин: пероральді қолданған кезде флуконазол зидовудин клиренсін шамамен 45 %-ға төмендетеді және зидовудиннің Cmax және AUC деңгейін 84 %-ға және сәйкесінше 74 %-ға арттырады. Бұдан басқа, флуконазолмен бір мезгілде қолданған кезде зидовудиннің жартылай шығарылу кезеңінің шамамен 128 %-ға ұзаруы байқалды. Дәрілік заттардың осындай біріктірілімін алатын пациенттер зидовудинді қолданумен байланысты жағымсыз реакцияларды анықтау мақсатында бақылауда болуы тиіс. Қажет болған жағдайда зидовудин дозасын төмендетуге болады. Азитромицин: азитромицинді 1200 мг дозада бір рет қабылдаудың флуконазол фармакокинетикасына 800 мг дозада бір рет қолданғанда әсерін, сондай-ақ флуконазолдың азитромицин фармакокинетикасына әсерін анықтау үшін 18 дені сау еріктілердің қатысуымен ашық, рандомизацияланған, үш жақты айқаспалы зерттеу жүргізілді. Флуконазол мен азитромицин арасында елеулі фармакокинетикалық өзара әрекеттесу анықталған жоқ. Пероральді контрацептивтер: флуконазолды көп рет қолдану аясында біріктірілген пероральді контрацептивті қолдану бойынша екі фармакокинетикалық зерттеулер жүргізілді. Флуконазолды 50 мг дозада қолданған кезде гормондар деңгейіне айтарлықтай әсері анықталған жоқ, ал флуконазолды 200 мг дозасында күнделікті қабылдаған кезде этинилэстрадиол мен левоноргестрелдің AUC 40 %-ға және сәйкесінше 24 %-ға артты. Осылайша, флуконазолды көрсетілген дозаларда көп рет қолдану біріктірілген пероральді контрацептивтердің тиімділігіне әсер ету ықтималдылығы аз.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 30 0С-ден аспайтын температурада сақтау керек. Балалардың қолы жетпейтін жерде сақтау керек!